رواية لنا موعد اخر الفصل الحادي والستون61 بقلم لولا
وعند زياد دخل اوضته لقاها قاعده بتعمل شعرها فمسكها منه بعنف فصرخت بألم واتخضت فتابع بعصبيه انا عايز افهم دلوقتي انتي حامل ازاي هاا ردي علياا
شيري اتصدمت بكلامه واتوجعت من ماسكه ايده وتابعت بعياط ووجع: ااه ااه انت بتقول ايه يا زيااد انت اتجننت هو ايه اللي حامل ازااي !!
زياد بعصبيه لااا بت انتي بقوولك اييه انا استعبااط مش عاايز وضربها بالقلم بقوه فصرخت بألم وتابع بعصبيه فاخلصي ردي علياا حامل ازاي يحيواانه يابنت الكلب انتي هاا
شيري بخوف وعياط هكون حامل ازاي يعني يا زياد اخص عليك بجد انت ايه اللي بتقولوا ده هي دي فرحتك بالحمل اللي استنيناه العمر ده كله !!
زياد هز راسه بلايجاب ببطئ وسخريه وبصلها وتابع والحمل ده مجاش من بدري ليه؟ يعني ولا روحنا لدكتور ولا خدنا علاج وانا لسه بسافر ايه اللي جد يعني؟؟
شيري بعياط قدر ربناا هو انت هتعترض كماان على قدر ربناا ولو مش مصدقني استنى وفلتت منه وراحت جابت التحاليل وتابعت وهي بتفتحها وايديها بتترعش وبتعيط: اهو الحمل حصل يوم 13 اللي موافق التلات واحنا كنا مع بعض اليوم ده ساعه كتب كتاب صاحبك لما روحنا سوا ورجعنا بالليل
زياد مسك الورقه وقرا ان الحمل حصل في اليوم ده واللي تحديدا لمسها فيه بالليل فعلا فبصلها بملامح خاليه من اي مشاعر وهي كانت مرعوبه من نظراته جدا وقطع الورقه لكذا حته ورماها فطارت وشيري بصاله مصدومه وخايفه فزياد بصلها وتابع كل ده بلح .. ليه بقى؟؟ علشان انا متعلم وفاهم وانتي جاهله واتعصب وتابع الحمل مش شرط يكون في نفس اليوم اللي حصل فيه بينا حاجه ياهانم يعني ممكن المسك انهارده وننام ونصحي واسافر والحمل يتم تالت يوم لوحده عادي جداا لحد ما البويضه اتخصبت فاللي حصل بينا يوميها مش دليل بس انتي جاهله
شيري بصتله بصدمه وتابعت بخوف انت بتقول ايه؟ انت ازاي تشك فياا يا زياد!! وعيطت وتابعت وانا عارفه ان كلامك صح بس زي مافي حمل بيحصل بعد كام يوم .. بردو في حمل بيحصل في يوميها
زياد بابتسامه ايوه ايوه عندك حق مذاكره كويس بس مش الكلام ده لو انا بخلف اصلا؟؟
شيري اتصدمت وبلعت ريقها برعب وتابعت لو ايه؟؟
زياد ابتسم وتابع اممم شوفتي .. انا طلعت مبخلفش يا روحي وضربها بالقلم بقوه فعيطت وصرخت بوجع ومسك شعرها جامد وتابع بعصبيه فلما واحد مبيخلفش يرجع من سفر يلاقي مراته بعد جواز 3 سنين فاجاه بقيت حاامل المفروض يعمل فيها ايه هااا؟؟ وضربها بالقلم بقوه وتابع بعصبيه شديده : ردي عليااا
شيري اتصدمت بشده وعرفت ان خلاص كده الحمل اللي كانت طايره بيه من الفرح بقى هو بالفعل سبب نهايتها زي ما سليم قالها فعيطت وتابعت صدقني انا عمري ماخونتك انت عارفني يا زياد وبتحبني من زمان وخطتبني سنتين واتجوزتني تلاته هو انا لو وحشه كده كنت هصبر كل ده على العيشه دي وانك كل شويه تسافر وترميني هناا؟! ما اقل حاجه هطلب الطلاق يعني بس انا بحبك والله
زياد بحده كفاياكي كدب بقى واتعصب وتابع كفايااكي كدب انتي عمرك ماحبتيني وعمرك ماحبيتي حد غير نفسك وفضلتي على ذمتي كل السنين دي علشان فلووسي مش اكترر واهو بيغور يسافر وفلوسه بتوصلي كل اول شهر وانا اعيش حياتي بقى واخونه وتكسري راجل بيتعب ويشقى علشاانك مش كدده؟؟
شيري بعياط وعصبيه لا مش كدده ومش معنى انك طلعت مبتخلفش انك تتهمني في شرفي المفروض تبقى واثق فياا اكتر من كده
زياد مسك شعرها جامد فصرخت بوجع فتابع بعصبيه اومال اتهم مين؟؟ واتعصب اكتر وتابع ردي علياا اتهم مين ؟؟ واثق فيكي ايه وزفت ايه بعد ما تحليل واتنين قال اني مستحيل اخلف انتي اتجننتي !!
شيري بعياط تثق فيا لاني ضحيه مش مذنبه يا زياد
زياد اتصدم وساب شعرها وتابع يعني ايه مش فاهم؟
شيري بصتله وتابعت بعياط يعني انا زيي زيك اتصدمت دلوقتي ان اللي في بطني مش ابنك وان اللي حصلي ده نتج عنه طفل لان انا حد اغتصبني وعيطت بانهيار وتابعت بس صدقني هي دي المره الوحيده اللي حصلي فيها كده انما انا عمري ما اخونك يا زياد
زياد اتصدم بشده وقلبه وجعه وتابع بصدمه مين عمل كده وازاي؟؟
شيري بعياط سليم اخوك
زياد اتصدم بشده وتابع بعصبيه انتي اتجننتي ولا جراا لمخك حاجه وضربها باالقلم بقوه فعيطت فمسك شعرها وتابع بعصبيه شديده: انتي ايييه يابت انتيي جنس ملتكك اييه يعني مش كفايه خونتيني وخليتي راجل غيري يلمسك كماان عايزه تشيلي اخوياا الكبير شيلتك علشان توقعيناا في بعض !!
شيري اتوجعت من ماسكه ايديه وتابعت بعيااط: قبل ماتتحمق اوي كده وتقول اخوياا الكبير جرب اتهمه هتلاقيه خاف اوترعب لانه عارف هو هبب اييه انما متجيش علياا انا .. انا مش واحده زباله ولا الحيطه المايله بتاعه عيلتكم
زياد بصلها بذهول من اصرارها وتابع بصدمه لا ما انتي اكيد اتجننتي سليم مين؟؟ واتعصب وتابع سليم مين اللي يعمل في مرااتي كده في غياابي واتعصب اكترر لدرجه وشه احمر وعروقه برزت وتابع: ده اخويااا يعني لو شافك مع غيرري يقتلك ومش هلوومه مش هو اللي يعمل كدده انتي اكييد بتخرفي وحيه ومش سهله وعايزه تخربي الدنياا
شيري بعياط خلاص اخوك عندك وابقى اساله وانا هروح انزل الواد ده واقعد في بيت اهلي لحد ما تجيبلي حقي بقى ياسيد الرجاله ماهو انا مش هشيل عيل من الحرام
زياد بسخريه ابقي اسأل مين؟؟ وتروحي فين ؟؟وراح جاب مسدسه الخاص من الدولاب فشافته اترعبت فزياد شدها من شعرها ورفعه علي راسها وتابع بعصبيه قسما بالله مانتي متحركه من هنااا غير علي صندوقك هو انتي فكرك هيبقي ليكي اهل ولا هتشوفي الشمس من انهاارده ده انا هوديكي في ستين دااهيه اخلصي قولي مين ابو اللي في بطنك واتعصب اكتر وتاابع قووليي
شيري اتنفضت وتابعت بعياط وخوف سلييم .. والله العظيم سلييم يا زياد
زياد حس ان قلبه هيقف من الوجع بس تحامل على نفسه وتابع وماله هيبان دلوقتي فونك فين؟
شيري بعياط في الصالون علي السفره
زياد مسك شعرها واتحرك بيها لبرا وتابع بعصبيه امسكي فونك
شيري ايديها اترعشت ومدت ايديها تمسكه فتابع بعصبيه يلااا
فاتخضت وتابعت بعياط وخوف ماشي ..ماشي والله ومسكت الفون والباب خبط وشهد تابعت بخوف افتح يا زيااد .. افتح يا زيااد ابوس ايدك متعملهاش حااجه
شيري بدموع وخوف دي شهد؟؟
زياد مردش عليهاا وراح فتح الباب فشافته ماسك المسدس وماسكها من شعرها وشكلها متبهدل وشفايفها ومناخيرها نزفوا فاتخضت وشهقت وحطت ايديها علي بوقها وتابعت بعياط ليه يا زيااد ليه حرام عليك سيبها متوديش نفسك في داهيه ارجوك
زياد بعصبيه انتي ايه اللي جابك دلوقتي روحي انتي دلوقتي وهبقي اكلمك بعدين يلاا
شهد دخلت وقفلت الباب وتابعت بدموع وعصبيه بعدين ده اللي هو امتي لما تودي نفسك في دااهيه مش كدده
شيري بعياط وخوف خليه يسيبني يشهد ابوس ايدك انا قولتله الحقيقه بس هو مش عايز يصدقني
شهد بعصبيه هششش انتي متوجهيش كلاام لياا خاالص علشان انا لو طولت اخليه يموتك هخليه يموتك انا كل خوفي عليه هو مش عليكي انتي .. انتي يخش تولعي حتي
زياد تنهد بعمق وتابع امشي يا شهد علشان الموضوع كبر دلوقتي وحقيقي مش وقته
شهد بدموع وخوف لا يا زياد مش همشي واسيبك مهما قولت انا مش هخليك تضيع نفسك
زياد بحده خلاص يبقي مسمعش صوتك وشد شيري من شعرها وتابع بعصبيه وانتي اخلصي رني عليه قوليله يجي يلاا
شيري بخوف ارن عليه يجي ليه؟؟
زياد شد زناد المسدس فعمل صوت فاتخضت وهزت راسها بلايجاب كذا مره وتابعت هرن عليه حاضر هرن والله وفتحت فونها بايدي مرتعشه ورنت على سليم
زياد بحده شغلي الاسبيكر
شيري بلعت ريقها بتوتر وشغلته فدقايق والجرس خلص فتنهدت بارتياح
زياد بابتسامه : تاني
شيري بصتله بخوف فتابع بابتسامه رني .. تاني
شيري غمضت عينيها برعب ورنت تاني وثواني وسليم رد وتابع ايوه يا شيري ايه شغاله زن زن في ايه يحبيبتي في ميتينج مانتي عارفه
زياد اتصدم وقلبه وجعه وشهد اتصدمت وحطت ايديها علي بوقها بذهول لما سمعت صوت سليم
شيري حاولت تكون طبيعيه وزياد حركلها المسدس بحركه دائريه بمعني «جاريه في الكلام يعني» فبلعت ريقها بتوتر وتابعت كنت عايزاك تيجي
سليم باستغراب اشمعنا وضحك وتابع واحشتك ولا ايه؟
فشهد بصت بصدمه لزياد اللي كان مصدوم لدرجه ان الدموع اتحجرت في عينيه بقهر
شيري اتصدمت لان كلامه ورطها معاه وغمضت بخوف وتابعت يسليم مش وقته لما تيجي هنتكلم ارجوك تعالي ضروري
سليم زياد نزل ولا ايه؟
شيري بتنهيده اه وهيرجع بالليل فاخلص يلا
سليم بحده لا طبعا مضمنش افرض جيه انتي عبيطه ولا ايه استني لما يسافر علشان نبقي براحتنا
شيري بحده يبني ادم انا عايزه اكلمك انت بتفهم ايه هاا
سليم بضحك يابت مانا فاهمك بس انتي كل مره بتقوليلي الكلمتين دول بتطور وانا مش فاضيلك انهارده الصراحه وغير كده زياد مسافرش
شهد اتصدمت بشده وزياد بص لشيري اللي اترعبت من نظرته وحرك المسدس نفس الحركه وهو بيحاول يتحكم في غضبه
فشيري عيطت وتابعت يسليم اخلص وتعالي يسليم عايزاك في مصيبه قبل ما يجي اخلص بقي
سليم بتنهيده هتصل اخليه يتأخر وابعته مشوار لتولين بحجه يطمني عليها واخلص الميتينج واجيلك بلاش وش
شيري بدموع ماشي باي
فزياد شد فونها ورماه علي الارض كسره لـ 100 حته فاتخضت وعيطت فمسك شعرهاا جامد وتابع بعصبيه ودموع هو ده اللي مره واغتصبك مش كده؟؟ بتخونيني مع سليم يا شيري؟؟ مع اخوياا الكبير !! ملقيتيش الا اخوياا طب لييه لييه انا عملت فيكي اييه ده انا عمري ما اذيتكك
شهد بصتله وهي بتعيط مقهوره عليه وشيري بصتله وتابعت بعياط وخوف صدقني ده كدااب ده كداب يا زياد متصدقهوش
زياد بعصبيه ودموع مصدقهووش اييه اما ميعرفش اني جنبك وده شكل كلامكم من وراياا عملتي اييه !! بس لا انا مش هعاقبك لوحدك يجي سليم وهتتحاسبي انتي وهو مع بعض وغوري في ستين داهيه انتي طالق وبقي يجرها من شعرها وماشي بيها في الشقه وهي بتعيط وتصرخ وشهد ماشيه وراه وتابعت بخوف ودموع سيبها يا زيااد سيبها ليجرالها حااجه ولا تسقط توديك في داهيه ابوس ايدك
فزياد راح عند الحمام وزقها وقعها علي الارض وتابع بعصبيه خليكي زي الكلبه هنا لحد مايجي الزباله التاني وحسك عينك اسمع حسك هقتلك قبله وقفل عليها الباب من برا فعيطت وفضلت تخبط وتابعت يا زياد ابوس ايدك خرجني يا زياد .. يازيااد والنبي وفضلت تعيط
زياد بعصبيه قولتلك مسمعش صوتك وراح قعد في الصالون وحط المسدس علي الترابيزه الصغيره وهو حاسس ان جسمه بيغلي من كتر العصبيه وقلبه هيتفتت من كتر الوجع
شهد قعدت جنبه وحطت ايديها علي كتفه وتابعت بدموع مش طلقتها ؟؟! سيبها تغور وعرف اهلها واهم صعايده ويقتلوها بمعرفتهم انما متوسخش ايدك بدمهم دول اوساخ
زياد من غير مايبصلها حط راسه مابين ايديه وتابع انا مش قادر استوعب وبصلها وتابع حاسس اني بحلم..اصل ليه؟؟ ليه طيب ليه سليم؟؟
شهد بدموع طلع اللي جواك وعيط عينيك مقهوره من الكتمان
زياد ضحك وتابع لا اصل انتي مش فاهمه انا مش مستوعب علشان اعيط والدموع لمعت في عينيه وتابع اصل ده اخويا الكبير .. لا اخويا ايه ده صاحبي وابويا وابتسم بسخريه وتابع ده انا بقولها لو شافك بتخونيني يقتلك ومش هلومه علشان بيحافظ علي عرضي فيقوم هو اللي يدوس علي عرضي بأوسخ جزمه!! طب ازاي وليه!! ويعني ايه مراتي حامل من اخويا!! لا وقالتلي اغتصبها علشان تلبسه الليله لوحده وتبان هي الملاك والضحيه بس انا شكيت فيها علشان كده صممت تكلمه ..انا المفروض اعمل ايه دلوقتي واقول لمين يجبلي حقي
شهد عيطت وتابعت انا اسفالك والله حقك علي عيني انا ووكل ربك هو خير من يجبلك حقك انما بلاش يا زياد بلاش تقتلهم ابوس ايدك وارمي المسدس ده انا 100 مره اقولك متشيلهوش فيه شيطان
زياد بقهر انتي عارفه اني بستخدمه للحمايه مش اكتر بس يظهر انه بقى ليه سبب تاني دلوقتي ودموعه نزلت وتابع بس هعملها ازاي ده سليم يا شهد .. سلييم
شهد بدموع مقدره والله اللي انت فيه بس صدقني مينفعش تاخد قرار وانت بالشكل ده و..
قاطعها زياد لما حضنها وفضل يعيط في حضنها وتابع انا تعبت اوي يشهد والله العظيم تعبت فشهد اتفاجئت انه حضنها وتنهدت بارتياح ورفعت ايديها وفضلت تطبطب علي ضهره وضمته ليها ودموعها زادت وتابعت انا جنبك .. جنبك والله ومش هسيبك وهنعدي المحنه دي سواا بس متعملش كده ارجوك فسمع صوت فونه بيرن فخرج من حضنها وبصلها وتابع بحرج انا اسف معرفش عملت كده ازاي بس ..
شهد قاطعته وتابعت بابتسامه متبررش خلاص انا عارفاك احنا مش جداد علي بعض مين بيرن
زياد بص في الفون وتابع بسخريه ده سليم
شهد بحده عايز ايه خراا
زياد بسخريه عايز يقولي اروح اشوف بنته واطمنه علشان يجي يلمس مراتي تخيلي؟
شهد بغيره مبقيتش مراتك
زياد ابتسم غصب عنه وتابع وقتك انتي بصراحه وضربها بخفه علي راسها ورد عليه وتابع بتنهيده الو
سليم بابتسامه ايه يحبيب اخوك عامل ايه
زياد ابتسم بسخريه وتابع بخير وانت
سليم بابتسامه انا زي الفل بقولك يا زوز مينفعش تروح تقعد مع البت تولين شويه وتطمني عليها لحسن من اخر مره وانا متخانق مع فارس خناقه لرب السما ومبكلمش اسيا
زياد قلبه وجعه مش قادر يصدق اللي بيحصل فتنهد وتابع عيني حاضر هروحلها بس مش دلوقتي انا في مشوار وهتاخر
سليم بابتسامه براحتك خالص انا مش مستعجل
زياد طب يسليم سلام علشان داخل علي لجنه وقفل السكه في وشه ورمي فونه كسره فشهد اتخضت بشده وبصتله بدموع وتابعت زياد اهدى ارجوك
زياد بعصبيه اهدي اييه اهدي اييه يشهد انتي مستوعبه اللي بيحصلل !!
شهد بدموع حقك والله بس انا خايفه تاذي نفسك
زياد بتنهيده شهد روحي انزلي علشان متوديش نفسك في داهيه لان اللي هعمله مش هيعجبك
شهد بحده ودموع مش هنزل يا زيااد ولو انت يرضيك اتحبس معاك ومستقبلي يضيع خلاص براحتك انما انا مستحيل انزل
زياد دموعه نزلت وتابع يا شهد انا تعبان واتعصب بدموع وتابع والله العظيم تعبان ومصدوم وحيلي مهدود فمش قادر اتحايل عليكي اسمعي الكلاام ارجوكي لو ليا غلاوه عندك
شهد بدموع ماعلشان ليك غلاوه عندي مش هنزل واسيبك يا زياد
---
في الشارع عند الجامعه
كان عصام ماشي بعربيته راجع من الجامعه والدنيا زحمه اوي والعربيات واقفه ففضل يزمر ومحدش اتحرك فنفخ بضيق وتابع ده ايه الزحمه دي حاجه تقرف على الصبح من امتي الطريق ده بيقف يعني
وشاف عيل صغير بيجري جنب العربيات خايف فوقفه وتابع بس بس يحبيبي اهدى .. في ايه علشان كل العربيات دي واقفه كده
الولد بخوف بنوته بتجيب دم ومتعوره خالص في الحاره دي فالاسعاف والبوليس جايين وطلع يجري
عصام استغرب وتابع متعوره فيجيبوا اسعاف؟! ايه اللي بيقولوا ده ونزل وقفل باب عربيته واتقدم لقدام وسط العربيات ودخل وسط زحمه الناس اللي منهم ناس بتضرب كف في كف وبيقولوا لا حول ولا قوه الا بالله وصعبانه عليهم البنت فبص لواحد وتابع هو في ايه ياحج؟
الراجل بحزن بنوته يعيني راجعه من الجامعه واحد ملصم طعنها في بطنها انا شغال في الصيدليه دي وراجعت الكاميرات شوفتها يعيني
عصام بتنهيده لا حول ولا قوه الا بالله ملصم تبقي مقصوده حد يكلم الحكومه يجدعان طيب وقولوا تفاصيلها علشان اهلها يعرفوا
راجل تاني : عملنا كده يا ابني وقالوا جايين فين تسجيل الكاميرا ده بقي وريني
الراجل اهو وطلع فونه يوري الراجل اللي جنبه فعصام وقف جنبهم كفضول وبص للفون وعينيه اتفتحت بصدمه لما شافهاا وتابع بخوف حبيبه !!
الراجل انت تعرفها يا ابني؟!!
عصام مردش عليه وجري ناحيه التجمع وتابع بعصبيه وخوف اوعواا كدده اوعوواا ابعدووا عنهاا ابعدواا خلوني اشوفهاا ودخل وسطهم وشافها بالفعل وهي مرميه ودمها مغرق الارض وفي شاب رايح يشيلها فاتصدم بشده وتابع بعصبيه ابعدد عنهاا ايااك تلمسهاا انت اتجننت
الشاب بعصبيه ياعم في ايه كنت هوديها المستشفي دي هتتصفي كده مشكرش يعني
عصام وهو بيوطي وهو مرعوب عليها تابع بعصبيه لا محدش ليه دعوه بيهاا انا هوديهاا ووطي شالها بين ايديه وخد شنطتها
بنت بحده : واحنا ازااي نسيبك تااخدها وتمشي يعني هي سايبه؟؟؟
عصام بعصبيه دي مرات اخوياا يا بني ادمه هكون شايلها اجري بيها وخايف عليها بالشكل ده لييه ؟؟!! وهعمل ايه في واحده سايحه في دمها يعنيي ما بالعقل ابعدواا عن وشي كده
البنت بحده : البوليس جاي مينفعش تتحرك بيها نضمن منين انك مش انت اللي ضاربها فعايز تخفيها وتسيبها تموت
عصام بعصبيه لا انتي اتجننتي رسمي اوعيي علشان اقسم بربي لو مابعدتي عني هوديكي في ستين دااهيه دي مرات اخوياا وهاخدها وامشي غصب عن عين الدنياا كلهاا ومحدش هيقدر يمنعني وزق البنت ومشي بحبيبه بخطوات سريعه والكل باصص عليه وبص عليها لقاها لا حول ولا قوه كأنها جثه فدموعه نزلت وتابع لا ابوس ايدك .. ابوس ايدك اجمدي .. ارجوكي يحبيبه متعمليش كده هو مبيحبش في الدنيا كلها غيرك ويستحمل يخسر اي حد بس انتي لا .. متوجعيهوش زي ما انا والدنيا كلها وجعناه وجري بيها لعربيته وفتح نيمها ورا وحط شنطتها وركب وهو بيسوق باقصي سرعه للمستشفي
---
عند اسيا كانت صحيت وخدت شاور ولبست جيبه بيضه وشميز نبيتي بيتربط علي الوسط وطرحه نبيتي وواقفه في المطبخ بتحضر الاكل وبصت علي الساعه لقيتها 11 ونص فرصت الاكل علي صينيه ودخلت بيه الاوضه وحطته علي السرير وقعدت جنب فارس وتابعت فارس وهزته وتابعت حبيبي
فارس بنوم اممم ايه يا اسيا
اسيا بابتسامه قوم يحياتي حضرتلك الاكل اهو وجبتهولك لحد عندك
فارس فتح عينيه ببطئ وبصلها وتابع باستغراب خير يا اسيا انتي سخنه؟
اسيا فضلت تضحك وتابعت لا وغمزت وتابعت بس معتبراها صباحيتنا التانيه علشان اخيرا بعد غياب 9 ايام رجعت تنام في اوضتك
فارس فضل يضحك بشده فابتسمت علي ضحكته فضرب خدها بخفه وتابع بضحك يابنت الكلب انتي لازم انكد على اهلك علشان تدلعيني وتجبيلي الفطار على السرير يعني
اسيا بضحك لا يعمري خلاص طلما حاجه بتفرحك وشايفها دلع وماله نعملهالك كل يوم وابتسمت وبصتله بحب وتابعت ده انت فارس
فارس اتعدل وسند ضهره للسرير وبصلها وتابع بابتسامه مين فارس بالنسبه لاسيا
اسيا بحب النفس اللي بتتنفسه ..قلبها اللي بيدق .. الروح اللي بتخليها عايشه .. فارس ده الدنيا كلها
فارس ابتسم وتابع بضحك انا بقول نسيبنا من الاكل ونخلينا في اللي عملت الاكل وبيقرب عليها فحطت ايديها علي صدره العاري تبعده وفضلت تضحك وتابعت لالا مش وقتك شغلك الساعه 1 وانا خدت شاور وجهزت خلاص ولازم اروح لسلمي مروحناش صباحيتها امبارح
فارس بضحك ياستي خليكي في صباحيتناا احنا وسيبك من سلمى ماهي مش فاضيه هي كمان
اسيا فضلت تضحك وتابعت لا والله مايحصل هنتاخر فاتلم كده وكل وخد شاور ويلا ننزل انا حامل اتقي الله
فارس رفع حواجبه بدهشه وفضل يضحك وتابع دلوقتي حامل يعني
اسيا بضحك ايوه مش صالحتك خلاص
فارس بصلها برفعه حاجب فضحكت وتابعت بهزر والله بس علشان متأخرين حاليا وكمان توتي
فارس بابتسامه مالها توتي مش في الحضانه وبيقرب عليها وحاوطها بايديه الاتنين
اسيا بضحك فارس اتلم لا مش ..
وقاطعها صوت تولين :مامي انتي فيين ودخلت الاوضه
ففارس بعد عن اسيا بسرعه فـ راسه اتخبطت في السرير وهو بيرجع يقعد جنبها فتاوه بوجع واسيا فضلت تضحك بشده لدرجه عيونها دمعت
تولين بصتلهم وتابعت باستغراب مالك يا بابي في ايه
فارس بص بغيظ لاسيا اللي بتضحك وحط ايديه علي راسه وتابع مفيش يقلب بابي كويس اتخبطت بس
تولين بضحك اومال كنت بتعمل ايه لمامي
اسيا حطت ايديها علي بوقها وفضلت تضحك بشده ففارس اتحرج وتابع كنت .. كنت بعدلها دبوس الطرحه علشان كانت هتقع مش كده يا مامي؟
اسيا من بين ضحكها كده طبعا يا بابي
تولين بفرح طب يلا يابابي انا لبست علشان نروح لخالتو لوماا
فارس بص لاسيا وتابع: انتي علشان تروح لسلمى موديتهاش الحضانه هتستعبطي يا اسيا؟
اسيا بضحك طب اعملها ايه يفارس صدعت امي وكلمت سلمي امبارح في الفون تعيطلها فقالتلي غيبيها مجتش على اليوم
فارس : طب متقررش تاني يا اسياا
اسيا : سامعه ياتوتي بابي هيزعق اهوو
تولين بخوف لا مش هغيب تاني خالص خالص والله
اسيا بضحك شاطره يعمري تعالي ناكل بقي
تولين راحت قعدت جنب فارس وتابعت البس تيشرت هتبرد يا بابي
فاسيا فضلت تضحك بشده لدرجه مالت علي كتفه ففارس فضل يضحك وتابع في ايه يابنت الكلب انتي فشتك عايمه علي الصبح ليه كده
اسيا بضحك تولين مصممه تحرجك انهارده
فارس بضحك ما اول مره البت تشوفني كده حقهاا كله من الهانم اللي عارفه انها هنا ومقفلتش الباب وراها
اسيا بضحك سيباها بتكلم علي وكريم فيديو كول قولت هتقعد حبه حلوين بقي منا ما انت تقوم
فارس وهو بيلبس التيشرت تابع بضحك هي اللي هتربيني تولين مش انا اللي هربيها لا
تولين بابتسامه حلو الدريس بتاعي؟
فارس بحب ده قمر مش حلو بس
تولين بحماس ولسه لما احط روج احمر هيبقي شكلي اجمل
فارس استغرب الكلمه وبص لاسيا اللي اتوترت وتابعت روج ايه يخربيت اهلك ده زبده كاكاو وبصت لفارس وتابعت بتوتر زبده .. زبده يحبيبي ترطيب
فارس بحده ترطيب ايه وزفت ايه علي دماغك انتي اتجننتي يا اسياا بتحطي للعيله لون في شفايفها من دلوقتي !!
اسيا بتوتر يفارس دي ترطيب مش اكتر والله دي غير الروج
فارس بحده اسياا متعاملنيش اني جاهل ومش فاهم وخلاص عايزه ترطب تحط البيضه انما مينفعش تلون شفايفها وتنزل انتي اتجننتي !!
اسيا بتنهيده خلاص حاضر يفارس سمعتي يهانم
فارس بحده انا كلامي معاكي انتي مش مع العيله هي متعرفش الصح من الغلط اما انتي المفروض عارفه
اسيا بحزن حاضر يافارس والله مكنش قصدي صدقني
فارس بعصبيه اصل بالعقل ده الاحمر ده انا مبرضاش انزلك انتي بيه ياكبيره انزل بيه العيله !!
اسيا بتنهيده فاتتني والله بس خلاص مش هحطلها تاني افطر بقي
فارس طبطب علي تولين اللي زعلت وتابع يلا يابابا كلي ولما تكبري وتدخلي الجامعه ان شاء الله نبقي نحط
اسيا بضحك جامعه !! مشوفتش امها في ثانوي ولا ايه
فارس برفعه حاجب تسمحي تخرسي؟؟
اسيا فضلت تضحك وتابعت حاضر والله مش هتدخل ربيهم انت
فارس بحده يكون احسن والله فاسيا فضلت تضحك
----
عند مالك كان صحي وقاعد ماسك فونه بيبص للساعه لقاها 12 فبص جنبه لسلمى اللي نايمه ووطي باس خدها وتابع سلمى .. لوما ..انتي يابت
سلمى بنوم اممم ايه يا مالك في ايه
مالك بحب قومي يعمري اهلك زمانهم جايين
سلمى بنوم ماشي شويه طيب
مالك بضحك شويه ايه يسلمى قومي الناس جايه دلوقتي
سلمى فتحت عينيها ببطئ واتعدلت قعدت وسندت ضهرها للسرير وسكتت
مالك بحب صباح الورد والياسمين على الورده بتاعتي ورايح يبوس خدها فسلمي وقفته وتابعت: ابعد عني انا مش بكلمك
مالك بضحك بردو يسلمى ؟
سلمى بحده اه بردو ولو سمحت اختصرني خالص قدامهم علشان مش عايزه اضطر اتعامل معاك عادي
مالك بحده بت انتي عبيطه في ايه على الصبح
سلمى قامت من جنبه وتابعت بدموع مالك انا متصالحتش امبارح وانك تروح شغلك تاني يوم جوازك دي فضيحه واهلك خدوا بالهم وطلعت الهانم فتون تسم بدني من تحت لتحت واضطريت اكدب عليهاا واقولها اني بعتك تجيب حاجات من الصيدليه علشان انا تعبانه وفضلت اكيد فيها واوصلها حاجات مش موجوده اصلا
مالك زعل من نفسه انها شالت كل ده جواها وراح حط ايديه الاتنين على كتفها وباس جبينها بعمق وحط ايديه الاتنين على خدها يمسح دموعها وتابع انا اسف حقك عليا .. المفروض فعلا مكنتش انزل بس انا وغلاوتك عندي اضطريت وبالنسبه لفتون انا كيدتهالك لما طلعوا وهي اللي بتغير منك مش العكس فاعقلي كده ومتخليهاش تأثر عليكي وانا نزلت لانه كان ضروري انزل انما انا لو عليا افضل ابص لعيونك الحلوين دول العمر كله ومتحركش ثانيه
سلمى بدموع يعني مش علشان مش بتقرب مني فانت اتقفلت ونزلت يا مالك؟
مالك بضحك انتي عبيطه يا بت ولا ايه لاا طبعا وبعدين مانا ممكن اقعد وفي مليون حاجه تانيه ممكن تتعمل هو مفيش في دماغك الا الموضوع ده واحساسك انك مقصره فيه؟
سلمى بدموع بصراحه ااه متضايقه لان انت مش ذنبك كل ده
مالك بضحك وغمز خلاص روحي البسيلنا الاسود وتعالي يلا
سلمى ضحكت من بين دموعها وتابعت لا خلاص كانت فرصه والفرصه بتيجي مره واحده وبدات تفتح زراير بيجامتها الستان
مالك خد باله بس حاول ميوترهاش علشان تكمل باريحيه وابتسم وتابع وانا قولتها 100 مره وهقولهالك تاني انا موافق استناكي العمر كله والله المهم انتي تبقى كويسه
سلمى بحب ربنا ميحرمنيش منك ابدا بجد وفكت زراير البيجامه وقلعتها وفضلت ببدي كب مبين اغلب دراعاتها وصدرها وابتسمت وتابعت البس ايه بقى تعالى اختار معايا ومسكت ايديه ورايحه تمشي فمالك وقفها وهو باصصلها بهيام ومبهور باسمه اللي منقوش بالحنه على اول صدرها وتابع لا انتي متلبسيش حاجه انتي تخليكي زي مانتي وتسيبك منهم المهم انا
سلمى ادركت انها لابسه كب وشهقت وتابعت بحرج ينهار ازرق انا ازاي ..
مالك قاطعها لما حط ايديه على شفايفها وتابع بحب قلعتي البدي بتاع البيجامه قدامي من غير ماتخدي بالك اني واقف مش شايفه دي نقطه كويسه انك ابتديتي تحسي بامان؟
سلمى بصتله بحب وحضنته فمالك حضنها جامد وباس راسها بعمق وتابع بضحك لا بس حلويات مش عيب عليكي الاسم مسيره يروح ومكنتش هشوفه كده
سلمى بضحك مش انت اللي اتبطرت على النعمه امبارح
مالك بضحك متربتش انا ده حقيقي
وسمعوا الباب بيخبط فاتنفضوا هما الاتنين فتابعت سلمى بحرج روح افتحلهم يا مالك وانا هلبس وجايه بسرعه
مالك بضحك طب اهدي في ايه على مهلك يحبيبتي
سلمى بحرج يامالك روح ليفهموا غلط اخلص
مالك بضحك طب مايفهموا غلط انا عايز افهم بس هو انك محافظه على شرفك مع جوزك دي حاجه بتفرحك ؟
سلمى فضلت تضحك بشده فتابع مالك بضحك قال يفهموا غلط قال طب ماياريت يفهموا غلط ونعيش الغلط ده احنا لاقيين !!
سلمى فضلت تضحك وتابعت طب روح افتح دلوقتي واتلم طييب
مالك بضحك غاير ياختي وخرج وتابع ايوه ايوه حاضر وفتح الباب
اسراء بضحك ايه يا جوز اختي في اييه هاا حبكت واحنا هناا يعني
اسيا فضلت تضحك وتابعت شوف البت بنت الكلب الجزمه
رانيا بضحك مشافتش ربايه بتستغل غيااب علي
مالك بضحك وربنا ماكنت بعمل حاجه وبحلفلكم علشان الحلوه بتاعتي هتعيط لو مقولتش كده
كلهم فضلوا يضحكوا فتابعت رانيا بضحك ايوه انت هتقولي عن سلمى
مالك بضحك هتجيلكم حالا تعالوا تعالوا اتفضلوا تعالي يا خاله ابتسام
ودخلوا قعدوا في الصالون ورانيا وابتسام حطوا حاجات صباحيتها على السفره ومالك قفل الباب وراح قعد معاهم وتابع بابتسامه منورين والله يا جماعه مكنتوش تكلفوا نفسكم
رانيا بضحك ده نورك يحبيبي ودي حاجات بسيطه هو احنا نقدر منعملش كده ونجيب كل ده !! ده علي كان يقتلنا علشان منبه كل حاجه تروح لسلمى
مالك بضحك ايوه الغاليه بقى
ابتسام بضحك طبعا اومال ايه مليون مبروك وعقباال ما نجيلك نباركلك على عوضك يا ابني
مالك بضحك الله يبارك فيكي يا خاله ويارب امين يسمع منك ربنا
تولين بابتسامه وديت خالتو فين
مالك بضحك جايه ياروحي خالتو متخافيش عمو مالك مش بياكل بني ادمين
كلهم فضلوا يضحكوا وخرجت سلمى فارده شعرها وحاطه ميكاب هادي ولابسه دريس تلت كم ابيض وقصير لبعد الركبه بشويه فمجرد ما شافوها قاموا وقفوا وزغرطوا وسلمى سلمت على امها وتابعت واحشتيني اوي بجد
رانيا بحب ودموع يعمري وانتي والله ينورعيني مليون مبروك يا ست البنات
سلمى بحب ودموع الله يبارك فيكي يحبيبتي يارب وحضنت ابتسام فابتسام باست خدها وتابعت قلب مرات عمك انتي ايه يابت الحلاوه دي
سلمى بابتسامه دي حلاوه عينيكي يا غاليه
اسراء بدموع الكلبه اللي سابتني لوحدي
سلمى الدموع اتجمعت في عينيها وتابعت يعمري انتي اسفالك والله وحضنتها وتابعت تعالي اقعدك انتي وحسن في نفس العماره لما تيجي تتجوزي
اسراء خرجت من حضنها وتابعت وهي بتمسح دموعها اقعد معاكي انا وحسن فين ده انا لو طولت اخده على المريخ هعملها
فسلمى بصتلها بذهول وكلهم فضلوا يضحكوا بشده فتابعت اسيا بضحك : تربيه وسخه اسراء دي
سلمى بضحك نادله اووي فعلا بجد
اسراء بضحك اصل ماهصدق اقسم بربي ما هعيط على حد ساعتها واتأثرت وتابعت ممكن علولي بس علشان ده عمري ده بس هعيط خمس دقايق كده
فكلهم فضلوا يضحكوا
مالك بضحك طب اقسم بالله البت دي هتبقي زوجه صالحه
سلمى حضنت اسيا وهي بتبص لمالك برفعه حاجب وتابعت يعني ايه مش فاهمه؟
مالك ولا انا فاهم .. حد فاهم حاجه يجدعان؟
كلهم فضلوا يضحكوا واسيا ضمت سلمى وتابعت بضحك مليون مبروك يعمري وعديها معلش الراجل نيته كويسه
سلمى بضحك الله يبارك فيكي يحياتي هسكت علشانك انتي بس وشافت تولين فابتسمت وتابعت بفرح قلب خالتو يانااس وشالتها وتابعت واحشتينيي اويي
تولين بفرح وانتي اكترر
رانيا بحب فطرتي انتي وجوزك؟
سلمى باست خد تولين وبصت لامها وتابعت لا لسه
رانيا بحب طب هحضرلكم ورايحه تقوم فمالك قام مسك ايديها وتابع لالا والله ابدا خليكي وانا اعملك كل اللي انتي عايزاه وبص لسلمى بحده
سلمى بضحك في اييه بتبصليي وبتزغرلي لييه ما تسيبها هي مش غريبه علشان اقوم اعمل انا االله
رانيا فضلت تضحك بشده وتابعت سيبها يا ابني هي دي واخواتها متعودين على الدلع كده مكانوش يتعدلوا ويقوموا من مكانهم غير لما اقول ياعلي
فكلهم فضلوا يضحكوا فتابع مالك بضحك طب خلاص خليها وانا هقوم احضر الفطار ونفطر سوا
رانيا بحب قولت لا خليك وانا هقوم انا وخالتك ابتسام اقعد انت واسكت ولا احنا غرب
مالك بحب لا طبعا ده بيتك ياست الكل
رانيا بحب طب يلا يا ابتسام وقاموا دخلوا فتابعت اسراء بحماس سلمى تعالي وريني البلكونه بتاعت اوضتك علشان لما جيت اخر مره العزال كان مخليها مقفوله
سلمى بحب تعالي يعمري تعالي يا اسيا معانا
اسيا بحب ماشي وقامت فتابعت تولين مامي هاتي الفون لحد ماتيجي
فاسيا فتحته واديتهولها ومشيت معاهم
مالك بتحذير متفتحيش البلكونه بالمنظر ده
سلمى بحب متخافش والله هدخلها هي انا مش هدخل
مالك هز راسه بماشي ومسك فونه وهما دخلوا اوضه سلمى فسلمى قعدت على السرير واسيا جنبها وتابعت مش قادره اتحرك والله ادخلي ياختي شوفي البلكونه وتعالي اترزعي جنبنا بقى
اسراء بحماس مش هتأخر عليكم اكلم سنسن بس وجايه علطول لان الفيو هنا تحفه
سلمى بضحك وهو مال الفيو بالموضوع ؟؟ لو واقفه قدام مقلب زباله مينفعش تكلميه يعني ولا ايه
اسراء بضيق جتك الارف هتقلبي بطني متفهميش في الكلام ده انتي ودخلت البلكونه وقفلت وراها فاسيا ابتسمت وتابعت ايه طمنيني ؟
سلمى بضحك ماتتلمي يا اسيا انتي التانيه بقى الله
اسراء فتحت البلكونه وتابعت متتكلموش من غيري في اي قله ادب هاا استنوني
ففضلوا يضحكوا بشده فتابعت اسيا بضحك بس ياتربيه ناقصه انتي احنا متجوزين زي بعض
اسراء بضيق طب وربنا ماهكلم حسن علشان هتتسغلوا انا عارفه وهو لتات يلا وطعت من البلكونه وقعدت معاهم وتابعت احكيلي بقى
سلمى بضحك احكيلك ايه يحيوانه انتي
اسراء بضحك والنبي اكسبي فيا ثواب انا عروسه كمان 3 سنين كده ربنا يسامحك يا علي
اسيا فضلت تضحك وتابعت ده انا هقوله ينجز علشان اكتر من 3 شهور هتجيبلنا العار 3 سنين ايه انتي اللي تقعديهم
اسراء بضيق قولي لاخوكي ياختي اللي يقول بعد التخرج ومجوز الهانم وهي في علوم عادي
اسيا بضحك طب اخرسي انتي دلوقتي عايزين نطمن على البت
سلمى بضحك وربنا ماحصل حاجه اتلموا بقي
اسيا شهقت وتابعت نهارك اسود بتتكلمي جد ولا بتهزري
سلمي بضحك بتكلم جد والله انا خايفه فسايبني براحتي
اسراء بضحك عالم الله ده لو حسن كان صور قتيل
اسيا بضحك ياختي اتلهي انتي وحسن بقي عايزين نشوف مصيبه اختك دي
اسراء بضحك حسيت وربنا قولولي ليه
سلمي بضحك اه ليه
اسراء بضحك وشك مورد كده وصحتك فيكي واوضتك نضيفه وفضلت تبص حواليها وتابعت حتي منسيوش شراب واقع والسله مليانه بيجامات قدامي اهي
سلمي فضلت تضحك بشده من نظره اسيا المصدومه لاسراء وتابعت بت انتي متجوز الواد ده عرفي من ورانا صح؟
اسراء بضحك وربناا ماحصل بس كل شئ واضح انتي اللي خايبه
اسيا بضحك انا اللي خايبه فعلا لما اكون متجوزه مرتين ومعايا بنوته وحامل تاني واجي اسالها بكل سذاجه وعيني متجبش السله والبجايم اللي فيها زي عين امك ابقي خايبه صحيح
سلمي فضلت تضحك وتابعت لا فظيعه بجد يخربيتك يا اسراء
اسيا بحده وانتي ايه طيب مفيش دم؟
سلمي بضحك يا اسيا حاولت والله مش نافعه خالص
اسيا حاولتي ايه دي بتقولك بيجامات
سلمي بضحك لا والله في واحده مش بيجامات بس هو عامه انا مش نافعه في جواز
اسراء بهيام ااه ده ياريت كان يجوزني انا علي بدل اللي فضحانا دي وانا كنت اخليه خال في ظرف 9 شهور
اسيا بضحك ليه يا روح امك داخله بيه ولا ايه؟؟
سلمي فضلت تضحك وتابعت انتوا فظاع وربنا هتموتوني انهارده
اسراء تذكرت وتابعت طب بعيدا عن الهزار في مصيبه انتوا متعرفوهاش
سلمي باستغراب ايه في ايه؟
اسراء بتنهيده واحده فيكم كانت تعرف ان بابا اتجوز علي ماما مره بس مطولش وطلقها ومراته خلفت ولد ؟
اسيا وسلمي اتصدموا وتابعوا اييه !!
سلمي بصدمه انتي بتهزري اكيد بابا مستحيل كان يعمل كده
اسياا بصدمه جواز ايه وولد ايه وعرفتي منين ينهار اسود
اسراء بتنهيده اقسم بالله حصل وكنت مصدومه زيكم كده بس مش دي الصدمه الحقيقيه التقيل جاي ورا تخيلوا مين اخوكم اللي من الست التانيه
اسيا بصدمه نعم؟ ليه؟ هو احنا نعرفه؟
اسراء هزت راسها بـ اه فتابعت سلمي بصدمه مين يا اسراء؟
اسراء تنهدت بعمق وتابعت عصام وسكتت ثواني وهي شايفه صدمتهم وتابعت السيوفي
اسيا بصدمه نعم!! عصام ازاي يعني وبصتلها وتابعت بحده لالا اقسم بالله بتهزري ايه الهبل ده بابا كان متجوز هند؟!!
سلمى دموعها نزلت وسكتت فتابعت اسراء بحزن صدقوني ده اللي حصل وماما عندكم اسالوها هي قالتلنا الحقيقه امبارح
اسيا بقهر اخويا ازاي؟؟ ازاي واحد منعرفش عنه حاجه فاجاه بقي اخونا يجماعه انتوا هتجننوني بجد
اسراء بحزن هحكيلكم "وحكت ليهم كل اللي امها قالته"
اسيا بصدمه انا مقهوره لعلي اوي والله ما عارفه اقوله ايه ولا اعمل ايه
اسراء بحزن ساكته ليه يسلمي
سلمي ابتسمت بدموع وتابعت لاني الوحيده اللي مش مصدومه اوي ..انا الوحيده اللي حبيته وحسيت بيه واعتبرته حته مني بس هو للاسف وحش ووحاشته عدت علي اني حتي اعتبره اخوياا مش يبقي اخويا بجد واتقبله !!
اسراء بوجع وهو عملك ايه ده بيموت فيكي
سلمي بدموع وابتسامه اللي عصام عمله مينفعش يتقال بس انا فرحانه اني حضني ليه وقربي منه ربنا مسامحني عليهم خلاص ودموعها زادت وتابعت عمره ما قلبي حس غلط والشبه اللي بينه وبين اخوكي كان مقوي قلبي انه مننا
اسيا بدموع ايوه بس هو بردو صعبان عليا
سلمي بدموع وحقك يصعب عليكي واتمني تسامحوه وتعتبروه زي علي عصام مالوش ذنب فكل اللي عاشوا بس انا صعب شويه علي الاقل حاليا
اسراء بوجع بحاول والله بس صعبان عليا انه متجوز الخراا دي ونفسي يطلقها حاسه انها ورانا ورانا وبردو مرات اخونا
اسيا بذهول يجماعه انا وربنا انا ما مستوعبه حاجه ايه اللي بيحصل ده
سلمي بقهر ولسه اهي دنيا وياما هنشوف ونتصدم
--
فوق السطح علي وكريم كانوا قاعدين مع بعض بيشربوا شاي
كريم بتنهيده طب روق ومتضايقش نفسك
علي نفخ دخان السجاره وبص للاب توب بتاعه علشان بيشتغل وتابع ولا اضايق نفسي ولا نيله انا هعتبر نفسي معرفتش حاجه اصلا والواد ده مالوش علاقه بيا
كريم : واخرتها يعني ياعلي هتفضلوا تاكلوا في بعض كده حتى بعد ماعرفتوا انكم اخوات ؟!
علي بحده كرريم متقولش اخوات انت اكتر واحد فاهمني وعارف انا شوفت ايه من وراه فابوس ايدك اقفل على الموضوع ده خالص انا تعبت
كريم تنهد بحزن وتابع خلاص اهدى حقك عليا بس فهمني ناوي على ايه
علي بتنهيده سيبك مني انا لان الموضوع ده كله ميفرقليش وفهمني انت اللي ناوي على ايه مع نيره بعد اللي حصل
كريم تنهد بعمق وتابع لا معرفش .. بس الاكيد اني هكبر دماغي حبه حلوين
علي ابتسم بحزن وتابع كلامها وجعك صح؟
كريم بصله وتابع فوق ما تتخيل بس عادي انا عاذرها هي حقها بردو
علي بتنهيده ايه يكريم هتستسلم من اولها ولا ايه؟
كريم بتنهيده يا ابني لا طبعاا بس الفكره هي فعلا حقهاا انا معودها العمر ده كله اني اخوها فاجاه كده بقيت عايز اتجوزها؟! فطبيعي تتخض شويه بس انا مش هحاول في الموضوع تاني هي خلاص عرفت نيتي والاايام كفيله تثبت هننفع لبعض ولالا لان الموضوع ده بالذات مينفعش فيه محاولات ماهو ياتشوفني اخوها ياتشوفني جوزهاا ملهاش حل تالت فمش بالعافيه يعني
علي نفخ دخان السجاره وتابع خلاص متشغلش بالك وسيبها على ربك ويعلم الله وغلاوه حبيبه عندي نيره بتحبك وبتغير عليك ودي مش مشاعر اخوات وهتندم على اللي قالته وهتوافق هي بس اكمنها اتخضت شويه
كريم تنهد بعمق وتابع والله بقى توافق .. متوافقش مبقتش فارقه كتير كله محصل بعضه
علي بضحك يجدع عليا انا الكلام ده
كريم بتنهيده بكلمك بجد والله اصل هعملها ايه فعلا ؟؟ علي انا موقفي صعب دي فعلا مفيهاش محاولات ولا كلام تاني اصلا
علي بتنهيده فاهمك والله
كريم بتنهيده سيبك من موضوع نيره انت ايه الاخبار بينك انت وحبيبه اتصالحتوا؟
علي تنهد بعمق وتابع لا ومبتكلمنيش ولا بكلمها وحتى الصبح قبل ماتنزل الجامعه بعتتلي مع اسراء
كريم بضحك لا بنت لعيبه علشان متمسكش عليها واحده وكده
علي بتنهيده هو مش ده المهم .. انا اللي مصدوم منه ازاي حبيبه متكلمنيش وانا مكلمهاش ونسكت بالشكل ده؟؟!
كريم بتنهيده وهي لازم حبيبه اللي تبدا ياعلي؟
علي بحده يكريم مقصدش كده بس حتى بتنكشني او تكلم اسراء جنبي فانا باخد الفون اكلمها اي حاجه انما دي قلعت الدهب وبطلت تكلمني هو للدرجه دي بقيت عادي بنسبالها؟
كريم بابتسامه وانت فكرك لو الدنيا كلها بقيت عادي بالنسبه لحبيبه انت هتبقي عادي ياعلي؟
علي بوجع ما ده اللي قاهرني اكتر اني واثق في حبها ليا بس مستغرب تصرفاتها
كريم بابتسامه معلش عيله وبتدلع عليك وعايزه تشوف غلاوتها عندك مره محصلش حاجه
علي بتنهيده انت بتقول فيها؟ هي بتدلع فعلا وانا والله ما قادر هسيب ام الشغل واكلمها انا.. انا قلبي واكلني عليها من الصبح وشال اللاب توب من على رجله وقام وقف
كريم بضحك ده الحب بهدله قسما بالله
علي بضحك ومش اي بهدله دي بنتي دي تدلع براحتها وانا احايل مش مهم
كريم بضحك طب اكمل مكانك الشغل طيب لحد ما تتراضوا ؟
علي بحب لا يحبيبي مش هتعرف ده شغل الروايه بتاعتي مش ورق الشركه بتاعت حسن
كريم مسك اللاب توب بتاع علي وتابع بابتسامه حلو يالا اللاب توب ده جبته منين؟
علي وهو بيرن على حبيبه ورفع الفون على ودنه تابع: جبته بالقسط وربنا من محمد اللي على اول الشارع قولتله هديلك حقه جزء في جزء من الشغل اللي هعمله عليه
كريم بابتسامه لا دماغك شغاله مش ده اللي اختارته حبيبه تقريبا؟
علي بص للفون بقلق وتابع اه هو بس مالها دي مبتردش ليه؟
كريم باستغراب يمكن في محاضره وعملاه سايلنت
علي بحيره لا مبتعملوش سايلنت هي عارفه اني هبهدلها لو رنيت ومردتش
كريم بضحك تلاقيها مقموصه منك ولا حاجه استنى ارن انا
علي بحده انت بتهزر يكريم ولا ايه مهما حصل بينا مينفعش متردش علياا وعمرها ماعملتها ده انا اقسمها نصين ورن عليها تاني وهو متعصب
كريم بضحك ياابني تلاقي علشان زعلانه بجد استنى ارن انا
علي بص للفون تاني بقلق بعد ما الجرس خلص وتابع لا يكريم كده في حاجه غلط حبيبه مستحيل متردش عليا
كريم انت هتقلق اللي جابونا ليه انا هكلمها وضحك وتابع بس بتتمنى ترد عليا ولا متردش؟
علي بعصبيه تتنيل ترد اطمن بعدين نتخانق بس ترد
كريم بضحك اهدى طيب واتصل بحبيبه وعلي واقف جنبه سامع صوت دقات قلبه من القلق بس بردو حبيبه مردتش فبصوا لبعض فتابع علي بخوف : يعني ايه بقى الكلام ده؟؟
كريم بقلق استنى متقلقش اللي جابونا هي كده في محاضره فعلا
علي بص لساعه ايديه وتابع بحده محاضره ايه الساعه 1 الا تلت يكريم حبيبه هتخلص انهارده 12
كريم بحده يعلي اهدى يمكن في المواصلات ومش سمعاه
علي رفع الفون يكلم شمس وتابع بقلق لا انا مش مرتاح وقلبي واكلني من الصبح علشان كده اتنازلت واتصلت انا وقولتلك مشافتش الرنه علشان كده مردتش هي مستحيل تعمل كده
كريم رايح يتكلم بس شمس ردت فتابع علي بلهفه : الو يا شمس
شمس بابتسامه ايه يعلي عامل ايه
علي بخوف انا كويس بس حبيبه .. حبيبه فين هي معاكي؟
شمس باستغراب حبيبه مشيت من الساعه 11 هي لسه مرجعتش؟
علي بحده نعم!! مشيت كام؟!!
شمس بقلق اه والله مشيت 11 قالت تعبانه وهتروح هي مجتش كل ده؟!
علي بخوف طب سلام يا شمس سلام دلوقتي هكلمك بعدين وقفل معاها فكريم قام وقف وتابع بحده في ايه يعلي
علي بعصبيه وخوف شمس بتقول ان حبيبه مشيت من الجامعه 11 عرفت انا مش مطمن لييه ياعم كريم
كريم بصدمه ينهار اسود هتكون راحت فين دي؟!!
علي ضرب كف في كف وتابع بعصبيه ودموع معرفش بتعاقبني حبيبه
كريم بخوف اهدى يعلي ابوس ايدك متخوفنيش معاك
علي بعصبيه يكرريم انا مش مطمن ورحمه ابوياا ما مطمن من الصببح .. عايز اشوفها دلوقتي ابوس ايددك
كريم بخوف تعالي طيب تعالى ننزل ندور
وعلي حط المفاتيح ومحفظته ورايح يمشي فونه رن فرد وهو نازل وتابع ايوه يااما
رانيا بعياط وصراخ حبيبه ياعلي
علي قلبه وقع في رجليه ووقف على درجه السلم وتابع بخوف شديد: ماالها حبيبه
كريم بخوف في ايه ياعلي
رانيا بعياط اخوك لسه مكلمني ولقاها مضروبه بسكينه وسايحه في دمها في الشارع عند الجامعه
علي اتصدم بشده والدموع اتحجرت في عينيه وتابع بعصبيه شديده انتي بتقولي اييه امتى الكلام دده وازااي
رانيا بعياط معرفش حاجه يا ابني والله انا هنزل مع جوز اختك اهو وجايين المستشفى اللي قريبه من الجامعه
علي قفل الفون وحطه في جيبه وخد السلالم جري وكريم اتخض ونزل وراه وتابع بخوف في اييه ياعليي ياعلي اقف كلمني انت اتجننت ماالها حبيبه في اييه
علي وقف في الحوش وتابع بخوف ودموع كريم ابوس ايدك يلا وهفهمك في الطريق مش وقته وخد من ايديه مفاتيح العربيه
كريم بخوف طب ابوس ايدك انت قولي امك قالتلك ايه
علي طلع فتح عربيه كريم وركب مكان السواق وكريم ركب جنبه ومشي وتابع بخوف معرفش بس بتقولي ان حبيبه مضروبه بالسكينه وفي المستشفى
كريم بخوف انت بتقول اييه ازاي يعني الكلام دده مش فاهم ومين هيعمل كدده ولييه لالا اكيد في حاجه غلط
علي بخوف ودموع ده املي يكريم ده املي رغم ان قلبي واكلني عليها من صباحيه ربنا وكنت واثق ان فيها حاجه
كريم بخوف لالا ياعم هيطلع تشابه اسماء او حاجه بسيطه طعنه سكينه ايه بس هي حبيبه يحصلها ليه كده واهدى هنعمل حادثه بسواقتك دي
علي بخوف انا مش فارقلي حاجه دلوقتي غير اني اكون قدامها واشوف بعيني انها كويسه
----
عند هناء ووسام كانوا قاعدين كلهم بياكلوا عند عزه ام وسام ويارا قاعده معاهم
عزه بابتسامه تسلم ايدك يا هناء الاكل زي السكر
هناء بابتسامه الف هنا يا ماما
وسام مسك ايديها باسها وتابع بحب تسلم ايديكي يحبيبتي تعبناكي
هناء ابتسمت بفرح يعمري الف هنا ده انتوا تعبكم راحه
لينا ما تاكلي يا يارا مالك
يارا بتنهيده لا ماليش نفس تعبانه عن اذنكم وقامت
فهناء بصتلها بضيق وهي ماشيه في الطرقه فوسام وجه وشها ليه وابتسم وتابع مالناش دعوه بحد هاا
هناء بضحك حاضر وماله كله لاجل عيونك بس
وسام خدها في حضنه وباس راسها بعمق وتابع بضحك جدعه يعمري
عزه بحب ربنا يخليكم لبعض ياابني وعقبال عوضكم يارب
وسام بحب يارب اللهم امين
وعند يارا طلعت من الحمام ودخلت اوضه هناء ووسام وهي بتتسحب ومسكت فونها بعتت مسدجات لنادر ومسحتها من عندها هي بس وابتسمت بخبث وطلعت قعدت معاهم
--
وبعد شويه علي وصل المستشفى ودخل الريسبشن وتابع بلهفه وخوف حبيبه علي توفيق المحمدي
البنوته بصت للكشف وتابعت في العمليات الدور الرابع يافندم
كريم بخوف طب يلا يلا وخد علي وطلعوا للدور الرابع وراحوا ناحيه اوضه العمليات لقيوا عصام واقف فعلي راح عنده وتابع بحده ودموع: حبيبه مالهاا وانت شوفتهاا ازااي
عصام اتوجع علشانه وتابع ممكن متبصليش بالنظره دي لان انا اخر حد تفكر تتهمه؟
علي بعصبيه ودموع لييه اول مره تحاول تقتل؟؟ ولا خدت مني كل حاجه ولقيتني واقف على رجلي فجيت تاخد مني عمرري ياعصام؟
كريم بحده يعلي مش وقته الكلام ده نطمن على حبيبه الاول يجدع
عصام مسح بايديه على وشه وتابع بتنهيده انا مقدر وجعك ويعلم الله انا قاعد على اعصابي ومش قادر ارد عليك لما رنيت عليها ومش جايلي قلب اقولك انا فاتصلت قولت لخالتي بس صدقني مش انا ياعلي وارجوك تصدقني المره دي
علي حس انه مصدقه وتابع بوجع شوفتها ازاي؟
عصام بوجع كنت راجع من الجامعه لاني بحضر دكتوراه هناك ولقيت تجمع رهيب ولما سألت قالوا ان بنت اطعنت ومرميه سايحه في دمها فنزلت اشوف في ايه فواحد وراني الكاميرات ولما شوفت انها حبيبه جريت عليها وفي شاب كان هيشيلها اتخانقت معاه وشيلتها على ايدي وجيت
علي حس ان قلبه هيقف من القهر وتابع مين يعمل فيها كده؟
كريم بصله بوجع ودموعه نزلت وتابع مش عارف انا مش مستوعب والله ما مستوعب وقعد وحط راسه مابين ايديه وعلي رايح يدخل الاوضه فعصام مسكه وتابع بخوف مينفعش انت رايح فيين
علي بوجع سيبني ياعصام
عصام بوجع ودموع انا مقدر حالتك بس مينفعش ياعلي دي اوضه عمليات
علي بهدوء طب سيبني ياعصام
عصام بوجع يعلي ابوس ايدك اقعد والدكتور هيطلع يطمنا
علي بعصبيه ودموع ياعصام سيبني ياعصااام ..سيبنيي .. همووت عليهاا عايز اشووفهاا يجدعان حسواا بياا يحبيبهه ورايح يخبط فعصام مسكه فتابع علي بعصبيه ودموع يحبيبهه انا اسف يحبيبهه ابوس ايدكك متعمليش فياا كده
كريم غمض عينيه بوجع ودموعه نزلت هو كمان اعصابه تعبانه ومش قادر يهدي علي فعصام رجعه لورا وتابع بدموع حقك علياا حقك علياا والله بس اهدى مينفعش كده ياعلي
علي بدموع وقهر هموت عليهاا من الصبح عايز اشوفها عايز اكلمها مش هزعلهاا تاني والله اقسم بالله ما هزعلها بس تقوم بالسلامه وترد علياا
عصام بوجع ودموع هتقوم صدقني هتقوم هي قويه وقدها بس ادعيلها يعلي
رانيا وهاله وعلي ونيره سلمى واسراء واسيا ولميا ومالك كلهم جم وكانوا بيعيطوا وخايفين
فتابع عصام يجماعه اللي مينفعش اللي بتعملوه ده قسما بالله اهدوا
هاله بعياط وخوف حبيبه مالهاا يكريم اختك ماالها يكرريم
كريم دموعه نزلت وخدها في حضنه وفضل يطبطب عليها وتابع بقهر حبيبه كويسه يخالتي اهدي ابوس ايدك
نيره بعياط وخوف حصلهاا كده ازاي مين عمل فيهاا كده
عصام محدش يعرف لحد دلوقتي بس خير الحكومه هتيجي وهتحقق
رانيا بعياط يقلب امك يحبيبه يقلب امك يابنتي وبصت للدم اللي على قميص عصام وتابعت بقهر وعياط نزفتي كتير يعمري عليكي يابنتي
اسيا بخوف ودموع مين اللي عمل كده يعصام شوفته؟
عصام بوجع شوفته بس في الكاميرا وملصم مش باين هو مين للاسف
علي كان قاعد على الارض تايه ومش مركز معاهم خالص فسلمى راحت قعدت جنبه وباست راسه وتابعت بدموع حقك على عيني والله بس متقلقش تجربه صعبه وهتعدي
علي بصلها بقهر وتابع ده انا اللي هعدي وانا قاعد مستني يا سلمى .. هموت من الرعب وقلبي هيقف على كلمه هيقولها الدكتور ودموعه نزلت بقهر وتابع انا مستعد استحمل اي حاجه في الدنيا الا اني اشوف خدش في حبيبه .. حبيبه دي بنتي يسلمى فاهمه يعني ايه بنتي يجرالها كده وانا قاعد متكتف؟
سلمى بعياط فاهمه ينورعين سلمى والله وعارفه هي غاليه عليك وعلينا كلنا قد ايه بس شد حيلك يعلي مينفعش تقع بالشكل ده انا اتعودت اشوفك واقف على رجليك قدام كل الاختبارات اللي ربنا بيحطك فيها فقوم ينورعيني قوم واسند طولك حبيبه هتبقى بخير والله
علي بدموع المره دي غير يسلمى .. انا فكل مره من دول كنت بلاقي حضنها وايديها اول حاجتين قدامي وبيوقفوني انما المره دي انا عاجز .. اتاريها هي قوتي يسلمى وانا اللي كنت فاكر نفسي قوي وابتسم بدموع وتابع علي الجارحي ولا حاجه من غير حبيبه
ورايحه تتكلم الدكتور خرج فعلي قام وقف بسرعه وكلهم جريوا عليه فتابع الدكتور بتنهيده: احنا وقفنا النزيف الحمدلله بس هي بتنزف بقالها كتير وفقدت كميه مش قليله نهائي والبنك مفيهوش الكميه اللازمه هنعوز كيس دم كمان حالا ولو ملقيناش متبرع القلب مش هيستحمل يكمل العمليه
فكلهم شقهوا وامها عيطت وفضلت تصرخ كريم حضنها جامد يكتم صوتها فتابع علي بعصبيه ودموع انت اللي بتقولوا ده يا عم انت ده الملافظ سعد
الدكتور بحده انا بفهمكم الحاله علشان الوضع مش سهل والاستاذ اللى جابها مضى اقرار بتحمله للمسئوليه من كتر ما الوضع سئ فبدل ماتقف تزعق فيا روح دور على كيس الدم حالا البنت هتموت وفصيلتها O سالب ونادره جداا
فعلي مشي وسابهم فتابعت سلمى بخوف وعياط علي .. ياعلي استنى بس مشي بسرعه البرق
ونيره حطت ايديها على بوقها وفضلت تعيط فمالك حضنها وفضل يطبطب عليها وتابع بوجع اهدي اهدي يانيره مينفعش كده
نيره بعياط وخوف ومقهوره عليهاا يا مالك مقهوره مش قاادره
عصام بحده طب يجماعه الستات خليهم هنا ويلا احنا كل واحد يروح في حته او يشوف معارفه لان مفيش وقت للكلام ده وعم ابو نيره خليك هنا علشان لو عازوا حاجه للعمليات
علي بدموع وقهر حاضر يا ابني
كريم بوجع عصام صح ابوس ايديكي يخالتي اهدي خليني امشي وانا مش قلقان عليكي مش كده
هاله بعياط روح ياكريم روح يا ابني
مالك بخوف يلا طيب انا هروح معاكم اهو
كريم بلهفه اه يلا واتصلي بحسن يا اسراء يجي يقعد معاكم انتوا وعم علي
اسراء بدموع كلمته وجاي
ومشيوا بالفعل متفرقين وكل واحد نزل بوست باحتياجه لحد من الفصيله دي
عند علي كان في مستشفى جنب المستشفى دي وبيتكلم مع البنوته اللي في بنك الدم
البنت والله يا استاذ اللي بتقولوا ده صعب ويمكن مستحيل الفصيله دي عند 6% بس من الناس ولانها معطي عام بتخلص اول حاجه عندنا علشان بنطلعها لاي حد طوارئ فصدقني لو اعرف افيدك كنت فيدتك
علي بخوف ودموع طب تمام شكراا ومشي وهو تايه في الشوارع وبص للسما وتابع بدموع يارب اعمل ايه يارب ارجوك دلني ومسك فونه نزل بوست على البيدج بتاعته وحط رقم فونه وكمل مشي على رجليه بيدور على اي حد يساعده ودقايق وفونه رن فرد بلهفه وتابع ايوه يا شمس
شمس بخوف ودموع انا عرفت من سلمى تعالي خدني ياعلي انا o سالب هتبرعلهاا
علي بلهفه ودموع انتي بتتكلمي جد؟!!
شمس بدموع اه والله يلا بسرعه هنزلك اهو
علي بلهفه طيب حاضر وركب تاكسي وراح بيه عند بيت شمس وتابع بلهفه شمس يلا تعالي
فشمس شافته ففتحت العربيه وركبت جنبه ومشيوا رجعو للمسشتفى وعلي خدها وطلعوا للدور اللي مفروض تحلل فيه
الممرضه بتاخدي اي ادويه؟
شمس بخوف لا خالص يلا بس ارجوكي
الممرضه مش هنقدر ننقل غير لما نطمن ان الدم تمام هاتي ايديكي يلا وريني فشمس اديتها دراعها وبصت الناحيه التانيه وغمضت عينيها وعلي واقف قلقان جدا وبيعد الثواني والدقايق اللي بيتأخر فيها على حبيبه والممرضه سحبت السرنجه ودخلت بيها المعمل وعلي ساب مسافه شويه وقعد جنب شمس وتابع انا مش عارف اشكرك ازاي ياشمس بجد
شمس بدموع متشكرنيش دي اختي يارب خير واقدر اتبرعلها بس
علي بخوف خير باذن الله وخمس دقايق وخرجت الممرضه وتابعت للاسف عندك نسبه انيميا ومش هتقدري تتبرعي بالكيس
علي وشمس اتصدموا فتابع علي بخوف يعني ايه ؟ يعني خلاص نشوف متبرع غيرها؟!
الممرضه بحزن للاسف يا فندم
شمس بخوف ودموع ينهار اسود والعمل
علي بخوف شمس الله يخليكي اطلعي فوق دلوقتي انا هنزل اشوف حل ونزل وهو تايه ومش عارف يعمل ايه وكلم كريم وتابع بلهفه هاا يكريم طمني
كريم بوجع والله ياعلي توهنا ومش لاقيين بس خير متقلقش
علي رايح يتكلم فونه رن فتابع بلهفه طب سلام يكريم سلام دلوقتي وقفل معاه ورد وتابع الو
راجل الو يفندم مش حضرتك عايز متبرع؟
علي بلهفه اه ايوه حضرتك o سالب؟
الراجل اه يفندم اجي لحضرتك فين؟
علي بلفهه ابعتلي اللوكيشن وانا هجيلك لحد عندك بس الاول بتاخد ادويه او عندك امراض مزمنه؟
الراجل لا بس في دور برد مش هينفع؟
علي ضرب جبينه وحس انه هينهار والامل هيروح منه فدموعه نزلت وتابع اه للاسف انا بعتذر منك جدا خدت من وقت حضرتك
الراجل لا ولا يهمك ربنا يطمنكم يارب
فعلي قفل معاه وقعد على الرصيف وهو حاسس بتوهان عمره ما اتحط فيه قبل كده وحط ايديه الاتنين على وشه ودموعه فضلت تنزل بقهر وخوف شديد وتابع يااارب .. ياارب ارجووك متوجعنيش فيهاا ياارب وبص حواليه الدنيا واسعه وعربيات رايحه جايه وحاسس انه بيدور على ابره وسط كوم قش وبيسارع الوقت علشان قلب حبيبه اللي ممكن يقف في اي لحظه ففضل يعيط بانهيار وقهر وفونه رن وكان حسن فرد وتابع بدموع ايوه ياحسن
حسن بلهفه علي انا معاهم هناك بس لقيت متبرع من شركتي بس واد ابن كلب مادي اوي
علي بلهفه ودموع اديني رقمه ياحسن ويطلب اللي يطلبه يلا ارجوك انا دوخت وتعبت ومفيش حد فصيلته كده غير النوادر وعندهم مشاكل تمنع التبرع
حسن بعتهولك اهو اهدى خير باذن الله اسمه ياسر
فعلي قفل معاه ورن على الرقم وتابع الو استاذ ياسر انا اللي تبع حسن
ياسر بتنهيده ايوه خير انا معاك هجيلك عارف المستشفى
علي بلهفه خليك يفندم واجي اخدك انا مواصلات على حسابي
ياسر بابتسامه لا معايا عربيتي متقلقش جاي بسرعه اهو
علي بلهفه تمام مستني حضرتك
وشويه ووصل بالفعل وشاف علي واقف باين عليه التوتر فابتسم وتابع حضرتك استاذ علي؟
علي بلهفه ااه انا انت استاذ ياسر مش كده؟
ياسر هز راسه بلايجاب فعلي طلع على السلالم وتابع بلهفه طب يلا يافندم يلا
وطلعوا للممرضه تاني وقعد وسحبت سرنجه منه ودخلت المعمل وعلي واقف متوتر وبيدعي ربنا ان ينفع المره دي فياسر بصله وتابع بابتسامه حسن قالك عايز كام؟
علي هز راسه بـ لا وتابع بلهفه يطلع ينفع بس وانا عينيا ليك
ياسر بضحك لا متنفعش خليهالك وابتسم وتابع انا عايز 30
علي اتصدم وتابع 30 الف؟!
ياسر بضحك اومال 30 جنيه مالك يا علي بيه مايجي على غلاوه المدام
علي بتنهيده هشش يطلع ينفع بس وانا هتصرف
وخرجت الممرضه وتابعت تمام استاذ ياسر جاهز للتبرع
فعلي فرح فتابع ياسر بتنهيده انا مش هتبرع الا لما الفلوس تجيلي
علي بخوف وعصبيه انت بتقول ايه ياعم انت البت بتموت روح اتبرع وانا اقسملك بالله هجيبلك الفلوس
ياسر ببرود وانا اضمن منين معلش لا فلوسك الاول ياباشا ده مكنش اتفقنا
علي مسح على وشه بضيق وتابع بعصبيه ودموع يفندم خطيبتي بين الحياا والموت وانت قاعد تتكلم عن الفلوس؟! اقسم بالله هديهوملك بس روح اتبرع ومتمشيش غير بيهم يسيدي
ياسر بابتسامه لا انا هكتبلك وصل امانه وامضيلي عليه ولما تجيب الفلوس تاخده اتفقنا؟
الممرضه كانت مصدومه بشده بس علي هز راسه بلايجاب وتابع بخوف ولهفه اتفقناا هات بسرعه
فياسر طلع الوصل وكتبه فعلي مضي عليه وتابع بدموع ولهفه ممكن تتبرع بقى؟
ياسر بتنهيده ماشي يلا
الممرضه بضيق انت ماشي بوصلات امانه في جيبك !! يباي منك
ياسر بحده وانتي مالك انتي الله
علي بعصبيه اقسم بالله ماوقتك روح يلاا لحد ما اجيبلك الفلوس واجي فياسر طلع مع الممرضه وعلي مشي وهو مش عارف هيجيب الفلوس منين فجيه في باله اللاب توب الحاجه الوحيده اللي معاه وجديده ويقدر يبيعها فركب تاكسي بسرعه ورجع بيته وطلع فوق السطح وقعد قدام اللاب توب وعمل نسخه من الحاجه اللي عليه وبعتها لـ لاب توب كريم وخده ونزل بسرعه ودخل بيه محل وتابع بلهفه لو سمحت عايز ابيع اللاب توب ده استعمال اسبوعين بس
الراجل مسكه وشافه لقاه فعلا بحالته وحلو فتابع بتنهيده هاخده منك على 25
علي بصدمه 25 ليه يفندم اما انا جايبه بـ 55 من اسبوعين اخسر فيه ليه كل ده!!
الراجل بتنهيده علشان اتفتح فسعره بيقل
علي نفخ بعصبيه وتابع بخوف ايوه بس 25 قليل جدا معلش قول كلمه كويسه انا مش فاضي ادور ويعلم الله ده بتاع شغلي ومحتاجه بس مضطر
الراجل بتنهيده طب 40 اخر كلام والله ها قولت ايه؟
علي بخوف يسيدي 40 ..40 يلا بس ابوس ايدك
فالراجل خده وعد الفلوس واداها لعلي وعلي خدهم وجري بسرعه ركب تاكسي واتصل بكريم وقاله انه لقى متبرع وانهم يرجعوا وبالفعل وصل جري للدور الرابع وإيلين وفارس وهناء ووسام كانوا عرفوا وجم وياسر كان واقف مستنيه فاداه الفلوس وتابع بلهفه وهو بياخد نفسه بالعافيه: اهوو امسك
ياسر ابتسم لما شاف الفلوس وعدهم وتابع بابتسامه تمام امسك انت كمان واداه والوصل ومشي فعلي قعد على الارض وسند ضهره للحيط وفضل يكح وهو مش قادر ياخد نفسه فاسيا خدت كوبايه مايه وراحت اديتهاله فخدها منها وشرب وتابع بتعب شكرا يعمري تعبتك
حسن بحده خد منك كام الحيوان ده؟
علي وهو بياخد نفسه تابع بتعب: كبر دماغك خلاص ياحسن المهم اتبرع
كريم بحده ايوه اداك وصل ايه بردو ماتفهمنا
علي بعصبيه يا جمااعه مش وقته رغي قسماا بالله انا اعصابي تعباانه
هناء بدموع خلاص ياجماعه سيبوه دلوقتي ارجوكم هو فيه اللي مكفيه بردو
عصام جيه وتابع وهو بياخد نفسه : الدم اتنقل خلاص؟
كريم بتنهيده اه الحمدلله
عصام تنهد بارتياح وقعد على الكرسي اللي جنب علي لانه قاعد على الارض وطلع منديل يمسح جبينه ورفع وشه شاف إيلين فاتفاجئ بيها وقلبه دق بعنف وهي بصتله بحزن وتنهدت وعملت نفسها مشافتوش فزعل جدا وقام شد دراعها ووقف بيها على جنب وتابع مالك في ايه؟
إيلين بصتله بوجع وتابعت مفيش ياعصام بخير قلقانه على حبيبه بس
عصام بوجع ربنا يطمنا عليها يارب
إيلين بحزن يارب ورايحه تمشي فمسك دراعها رجعها وتابع واحشتيني
إيلين قلبها دق بعنف ومنعت دموعها وبصتله وتابعت وانت كمان
عصام بوجع إيلين انا عايز اتكلم معاكي برا شويه بس لما نطمن على حبيبه
إيلين بتنهيده اسفه يعصام بس مش هقدر قايله لبابي اني هروح لما اطمن على حبيبه وراجعه علطول وسابته ومشيت ترجع مكانها فغمض وتنهد بعمق
وشويه والدكتور خرج فعلي قام وقف بلهفه وكلهم قربوا عليه فتابع الحمدلله احنا عملنا اللي علينا والباقي بتاع ربنا كانت اصابه صعبه خيطنا جزء في الامعاء وشيلنا جزء صغير متهتك ونقلنا الدم اللي جبتوه في الوقت المناسب تماما والا مكانتش هتكمل فادعولها الـ 12 ساعه الجايين يعدوا على خير لان دول اللي هيبينوا هي هتستحمل ولا هيحصل مضاعفات
فكلهم تنهدوا بارتياح وحمدوا ربنا فتابع علي بلهفه طب هشوفها امتى كده يا دكتور؟
الدكتور : انهارده صعب بس هتفضل في العنايه يومين تلاته والرابع هننقلها اوضه عاديه وتكمل اسبوع ونطمن عليها وتمشي فحاليا اتفضلوا امشوا وواحد واحد يشوفها بكره الصبح
علي بخوف لا انا مش همشي هما يمشوا وانا قاعد علشان لو عوزتوا حاجه
الدكتور حاليا مش هنعوز غير حالتها تستقر فتقدر تروح وترتاح
علي قعد جنب اوضتها على الارض وتابع لا مش هعرف ارتاح ولا عيني تغمض غير لما اشوفها بعيني واطمن عليها
رانيا بصتله بدموع وتابعت يعمري تعالي ارتاح شويه وكل وانزلها طيب
علي بحده قولت لا روحوا انتوا يلا انا قاعد
الدكتور بتنهيده خلاص سيبوه يجماعه في اوضه انتظار هنقعده فيها بالليل وامشوا انتوا مينفعش الزحمه دي
نيره بدموع ماما انا عايزه افضل مع علي
هاله بدموع لا روحي انتي مع كريم وانا اللي هقعد
كريم بتنهيده ولا انتي ولا هي مينفعش تقعدوا هي في العنايه يعني قاعدتكم هنا هتبقى بهدله لما تتنقل اوضه عاديه اقعدوا براحتكم يلا قدامي
نيره بدموع ايوه بس يكريم
كريم بحده انتي سمعتي انا قولت ايه؟؟
نيره دموعها نزلت ومشيت فمالك بص لعلي وتابع هجيلك بكره الصبح ها ولو حصل حاجه كلمني
علي هز راسه بلايجاب وهو ساكت وساند راسه للباب بتاع اوضتها فعصام قعد جنبه وحط ايديه على راسه ووطى باس راسه وتابع بوجع ربنا يطمنك عليها يحبيبي
علي ابتسم بتعب وهز راسه بلايجاب وكلهم سلموا عليه ومشيوا وعلي فضل سرحان وقلبه وجعه وتابع بقهر :عمري ما حسيت اني يتيم غير دلوقتي يحبيبه ..ابويا ميت بقاله سنين وانا خدت مكانه ملحقتش استوعب اني اتيتمت والمره الوحيده اللي احس فيها ان ضهري اتكسر وتايه وخايف ومرعوب كانت لما خوفت عليكي ودموعه نزلت وتابع عاقبتيني عقاب صعب اوي يحبيبه ودموعه زادت وتابع اول مره احس اني هونت عليكي اوي كده ..اول مره اتوجع بسببك ودموعه نزلت وتابع طول عمرك سندي وضهري وواقفه جنبي في اي موقف صعب تمسحي دموعي ازاي قدرتي تسيبيني للموقف ده لوحدي قوليلي؟؟ ازاي تقهريني عليكي بالشكل ده؟؟ كل ده علشان زعلتك ومكلمتكيش؟ طب وغلاوتك عندي ماهزعلك تاني ولا هعدي يوم بينا غير لما اصالحك بس قومي ومتتعبيش قلبي كده يحبيبه ودموعه زادت وتابع انا ماليش غيرك ومش عايز من الدنيا كلها غيرك قومي يا نن عين علي قومي وقوميني معاكي زي كل مره يحبيبه ووطى راسه وفضل يعيط بحرقه وقهر عليها
ودقايق وسمع صوت الجهاز بتاع ضربات قلب حبيبه بيصفر بصوت عالي جدا والممرضين بيجروا جوه الاوضه وبيقولوا بخوف نبض المريضه وقف فالدكتور جري بسرعه للاوضه وعلي قام وقف بصدمه شديده
-
عند زياد وشيري
زياد جرها من شعرها قعدها في الصالون وتابع بعصبيه سليم زمانه جاي اياكي تقوليله اني هنا انتي فاهمه؟؟ اعملي اللي قولتهولك وبس
شيري بخوف ودموع حاضر والله
زياد رايح يتكلم الباب خبط فسكت وشد شهد ودخلوا الاوضه فشيري فتحت الباب لسليم فدخل وقفل الباب وتابع باستغراب مالك بتعيطي ليه؟
شيري بدموع زياد شكله شك فيا
سليم بصدمه نعم؟! وانتي عرفتي منين الكلام ده انتي اتجننتي؟؟!
شيري بدموع زياد طلع مبيخلفش يا سليم وعمال يقولي انتي متاكده انك حامل؟ يعني لو اتاكد اني حامل وان اللي في بطني ابنك هنروح في ستين داهيه
سليم اتصدم بشده وتابع بعصبيه يخربيت اهلك يشيخه قولتلك اللي في بطنك ده هيودينا في ستين داهيه مصدقتيش يلا شيلي شيلتك انا ماليش دعوه
شيري بعصبيه ودموع يعني ايه مالكش دعوه
سليم بعصبيه يعني ماليش دعوه اييه عايزاه يعرف ان مراته حامل من اخوه ويسمي عليناا انتي اتجننتي؟!
زياد خرج وقف وراه وشد زنات المسدس ورفعه عليه وتابع بسخريه: لا والنبي متتكش اوي على الكلمه وانت بتقول اخوه
فسليم اتصدم بشده