رواية لنا موعد اخر الفصل الخامس والستون65 بقلم لولا
مصطفى بقلق على ايه بالظبط انت اتجننت ؟ اياك تفكر تنكش في اللي فات يمالك انسى وعيش
مالك بوجع مش عارف يا مصطفى ..عايش بتأنيب الضمير اني السبب في اللي حصلها
مصطفى بحده مالك انت عكيت ومسمعتش كلامي فاللي حصل حصل انسى ومحدش يعرف وشك غير حازم واهو عند اللي خلقه وسلمى حامل وبتحبك فلازم تنسى علشان لو عرفت بيتك هيتخرب
مالك حط راسه مابين ايديه وتنهد بقهر وتابع عارف ان مينفعش تعرف بس كل ما الاقيها بتعيط او بتتنفض وخايفه قلبي بيوجعني اوي يا مصطفى ..مش قادر استوعب اني اذيتها بالطريقه دي
مصطفى بحده مانا ياما قولتلك متاخدهاش بذنب خراا حازم والبت ملهاش دعوه بس انت اللي ركبت دماغك
مالك بحده يا مصطفى مانا ساعتها طلبتها وقولت هكسره باني اخدها منه وهي عملت فيها الاصيله كنت عايزني انتقم لاختي ازاي يعني
مصطفى بسخريه وانتقمت؟؟ من مراتك؟؟ اللي اتنيلت وحبيتها وحامل في ابنك دلوقتي؟؟ حازم مات وارتاح بس انت اللي هتموت كل يوم من الندم لانك دمرت حياتك مش حياه حازم يا مالك ..انت كده مجبتش حق اختك انت كده خليت حازم سبب في دمار حياتك زي ما دمر حياه نورسين
مالك بوجع عارف وندمان ولو يرجع بيا الزمن معملش كده ابداا سلمى كانت ملتزمه وحافظه كتاب ربنا ولبسها واسع وانا باللي عملته دمرتلها كل تعبها فانها تحافظ على نفسها
مصطفي بوجع انسي يا مالك اهي بقيت مراتك
مالك رايح يتكلم سمع صوت امه بتزغرط فابتسم بوجع وتنهد وسكت فابتسم مصطفى وتابع يبقى قالتلها الخبر اللي يفرح القلب انسى ياعم وعيش بقى هتبقى اب خلاص مبروك يا ابو ايه بقى؟؟
مالك بابتسامه حزينه لو بنت هقولها نسمي نورسين مع انها مختاره داليدا بس هصمم على نورسين ولو ولد انا قايلها اني موافق بعلي علشان نفسها تسمي على اسم اخوها وحقها علي يتحب الصراحه
مصطفى ابتسم بوجع والدموع اتجمعت في عينيه وتابع يارب تيجي شبه سلمى حقك عليا بس لو بنت وشبهك هتبقى صعبه اوي بنسبالي لان نورسين نسخه منك
مالك دموعه نزلت وتابع عارف انها صعبه بس سيبها تيجي شبه عمتها يا مصطفى سيبها تبرد قلبي اللي قايد نار للنهارده من شوقي لبنتي الاولانيه
مصطفى بوجع ربنا يصبرنا على قد غلاوتها بس انت مينفعش وضعك ده .. لازم تنسي علشان متهدمش بيتك انت جايلك عيل الدنيا خلاص مالوش ذنب في اي حاجه قديمه
مالك سرح وهو بيفتكر وتابع بوجع صعب ..صعب يا مصطفى تنسى انك اذيت حبيبك بايدك ياريتني سمعت كلامك لما نبهتني معملش كده
فلااش بااك
مصطفى ااه وهستفيد ايه لما تراقبهم مش فاهم مانت قادر تروح تجيب حازم من قفاه وتاخد بتارك
مالك ابتسم بسخريه وتابع انا لو عايز اجيب حقي من حازم كنت جبته في ليلتها انت عبيط ولا ايه ؟
مصطفى باستغراب : نعم !! اومال انت دماغك فيها ايه رسيني
مالك ابتسم بخبث وولع سجاره وتابع زي ماقهرني على اختي هقهره على مراته واخليه يدوق نفس الكاس والعذاب اللي عيشته
مصطفى باستغراب قصدك خطيبته ؟!
مالك ضحك وتابع لا منا هستنى لما تبقى مراته وعلشان كده براقبه
مصطفى بذهول يخربيتك ليكون اللي في دماغي صح ؟!
مالك نفخ دخان سجارته وتابع اه صح ورفع حاجبه وتابع هي مراته احسن من اختي في ايه
مصطفى بخوف لا اهدى كده وفكر كويس ومتوديناش في داهيه وسلمى ذنبها ايه؟
مالك بحده ذنبها انها مرااته وبيحبهااا وعمره ماهيتكوي ولا يحس بنااري غيير لما يجرب ده فيهااا ماياريته عنده اخوات بس مفيش فاهي سلمى حلي الوحيد
مصطفى حط راسه مابين ايديه وتابع انا مش معاك انت بتعك ياصاحبي وبتاخد ذنبه بحد مالوش دعوه بكل اللي حصل ده وضحيا زيه زي نورسين
مالك بعصبيه محدش ضحيه غير اختيي دي هتبقي مرااته وعززها انما اختي انا انتحرت بسببه انت بتقااارن مين بميين لو سلمى هتتوجع لما تعرف حقيقه جووزها فنورسين مش مووجوده اصلاا بسببه
مصطفى بحزن ايوه بس
مالك بمقاطعه وعصبيه ولا بس ولا زفت انا قررت خلاااص وهعمل اللي في دماغي ورمي السجاره وداس عليها بقوه طفاها ومشي يدخل بيتهم
**
يوم تاني مالك كان واقف متعصب ومصطفى شافه رمى فونه بعصبيه على المكتب فراحله
مصطفى بخوف مالك في اييه اييه معصبك اوي كده
مالك بعصبيه الاغبياا اللي بخليهم يراقبو حازم ومراته شافوها انهارده مع واحد اسمه عصام السيوفي وكانوا هياخدوهاا بس كان أذكي منهم وقدر يتصرف
مصطفى تنهد بعمق وبصله وتابع انت مش ناوي تعقل؟ واتعصب وتابع ربك بيعطل وانت بتدور على الخراب يا مالك؟!! يا مالك سيب البت في حالهاا سلمى دي ملهااش اي ذنب فكل اللي انت بتفكر فيه
مالك بعصبيه انت مالك بتتكلم ببرود كده لييه هو انا ليه حااسس اني اتكسرت لوحدي في نورسين
مصطفى بعصبيه ودموع مين قاالك كده؟!! مين قال كده هاا؟!! انت متعرفش انا بيجرالي ايه كل يوم بيعدي علياا من غيرهاا انا مقهور ان خلافات بينا خليتها تنبهر من اهتمام غيري ويحصلهاا كل ده انا قلبي وقف معاهاا وعايش جسد بس .. بس مش ده الصح مش نروح نكوي غيرناا بنفس وجعنا علشان نبان اقوياا .. الحقيقه مش هتتغير لما تغتصب مراته هو دمر بنتنا وخلصناا
مالك بعصبيه لا يا مصطفي لازم ادوقه من نفس الكاس وزي ماخد اختي اخد مراته هي دي قصاد دي ومشي وسابه
**
يوم تاني مالك كان قاعد في الجنينه بتاعت البيت الكبير اللي عايش فيه في الصعيد فدخل مصطفى وقعد قدامه وتابع ايه اللي واخد عقلك
مالك تنهد وتابع وايه الجديد يعنى
مصطفي بضيق مش ناوي تعقل طيب؟
مالك بصله بحده وتابع لا مش ناول اتنيل وتنهد وتابع وصحيح انا رايح القاهره شكله حوار خطف سلمى ده صعب البت مبتنزلش لوحدها ودايما حواليها ناس فاروح اقعد وسطهم احسن
مصطفى بذهول وانت هتروح تقعد وسطهم بصفتك مين انت اتجننت يالا؟؟
مالك بابتسامه لا ماهو من حظي الحلو ان سلمى تبقى بنت عم كريم الجارحي
مصطفى بصله بصدمه وتابع كريم ابن خاله بنات عمك؟!!
مالك بابتسامه عليك نور فهروح اود بنات عمي واوصل الرحم وشرب قهوته بهدوء
مصطفى بعصبيه انت شكلك اتجننت رسمي ده انا كنت رافض وهي بت غريبه كمان تطلع بنت عم كرريم !! انت ليه عايز تودي نفسك في داهيه وهتفتح بيبان محدش قدهاا
مالك بعصبيه لا يغالي انا قدها وبعدين مين كرريم ده مش فاهم انا اصلا مش طايقه علشان مانع البنات من اهلهم ومفهمهم انه ابوهم مات فمش ده اللي يتبكي عليه اصلاا
مصطفى بحده على اساس اييه ها انك بايت في حضنهم ليل نهار؟؟ مانت راميهم وساكت يا مالك حبكت دلوقتي تصل الرحمم وتودهم !!
مالك بحده عمي طلب مني كده من زمان بس كنت بكرف ماليش دماغ لحوارت كريم بصراحه انما دلوقتي هروح علشان حق نورسين يا مصطفى
مصطفى بحده اه وهتجتمع بيهاا فين ان شاء الله وعلى اساس البت هتسكتلك ومش هتقول لاهلهاا
مالك بضحك ومين قالك هتشوفني يغبي؟
مصطفى باستغراب لا مش فاهم
مالك بابتسامه البت دي قربت تتجوز حازم يعني هتروح شقته اللي قولتلك عليها دي كتير معاه وانا هراقبها كوني قاعد هناك جنبهم لان بيت بنات عمي قدام بيتها واللي وصلي من رجالتي انهم واكلين شاربين مع بعض فهعرف امتى رايحه شقتها وهخلي الرجاله اللي هأجرها تكسر الباب وتستنى هناك وهقولهم ان اسمي اسر تحسباا لو نطقوا اسمي قدامهاا بعدين اروح انا وانا مغمي عينيها وهعمل اللي انا عايزه واديهم فلوسهم ومش هيظهروا في حياتي تاني فهمت؟؟
مصطفى بصله بذهول وتابع بعصبيه فهمت اييه وزفت اييه يا حضره الظاابط انت ربنا وهبك تفكيرك ده علشان توقع بيه اللي ضد وطنك مش اهل وطنك دي بت غلباانه ولا راحت ولا جاات ذنبهاا ايه يجرالها كل ده انت بتتفنن في اذيه غيررك يا ماالك !!
مالك بعصبيه تصدق ياجدع اني غلطت لما صارحتك انا غاير علشان احضر نفسي للسفر
مصطفى بعصبيه انسان غبي ومبتفهمش والله قال بنات عمك قال جاي تفتكرهم دلوقتي
مالك وهو ماشي تابع بضحك ااه علشان ليا مصلحه فافتكرهم خليك انت في حالك
**
وبعدها فعلا راح وقعد مع هاله لما فهمت البنات انه ابن صاحبتها وشاف سلمي وراح قعد في الشقه اللي قدامهم وشويه وفونه رن فرد: ايوه يا مصطفى
مصطفى بتنهيده فينك يا مالك وعملت ايه في القضيه اللي شغال عليها؟
مالك تنهد وتابع انا في مصر ووقفت شغل خالص الفتره دي وسلمت القضيه لغيري ماليش نفس لاي حاجه
مصطفى بذهول مصر!! واتعصب وتابع انت بردو روحت!!
مالك بتنهيده اه بس مش ده المهم مصطفى اسمعني انا ماليش غيرك
مصطفى بحده ارغي
مالك تنهد وتابع انا شوفتها
مصطفى باستغراب هي مين سلمى؟
مالك بوجع اه وحقيقي انبهرت بشكلها بت قمر اوي ومختمره وخساره في حازم بمعني الكلمه
مصطفى بتنهيده ومش خساره اللي هتعملوا فيها؟؟
مالك بوجع انت بتقول فيها انا حاسس انها بريئه لكل ده مش عارف هعمل كده ازاي مع اني وعدت نورسين اجبلها حقها
مصطفى بعصبيه حق نورسين عند ربنا ومش من سلمى ربك اسمه العدل واللي انت بتعملوا ده ظلم
مالك بتنهيده مش هقدر اتراجع انا جيت علشان حاجه ولازم اكملها وبصراحه البت عجباني اوي
مصطفى بذهول وانت من امتى ليك في الشمال علشان تاخدها بالطريقه دي!! عجباك فكر في طريقه تانيه للانتقام زي انك تتجوزها انت بدل حازم وتاخد منه مراته مثلاا
مالك بحده اتجوزها ايه يا بني ادم هي تعرفني منين علشان تتجوزني وبعدين دي مكتوب كتابها
مصطفى كان عايز يقنعه لان كده اهون من مخططه فتنهد وتابع يسيدي عارف بس مفيهاش حاجه البت عجبتك وانت هتطلب حلال ربنا ودي ملتزمه يعني لما تقولها انها عجبتك وعايزها زوجه يمكن توافق ومتكونش مرتاحه مع حازم وماتصدق لان الواضح انه مش شبها خالص
مالك تنهد بقله حيله وتابع هشوف يا مصطفى
مصطفى ابتسم بفرح وتابع خير باذن الله
**
يوم تاني لما مالك كلمها وهي رفضت اتصل بمصطفى
مصطفى رد وتابع ايوه يا مالك
مالك بحده رفضتني الحيوانه مش عارف فاكرره نفسها مين ياريتني ماسمعت كلامك يجددع انا جيت علشان حاجه مفروض انفذها وامشي علطول
مصطفى غمض عينيه وتنهد بعمق وتابع اهدى طيب انت متعصب فمتاخدش قرار دلوقتي
مالك بعصبيه اهدى ايه انت شايفني بشد في شعري!! والقرار انا خدته من زمان يا مصطفى بس غلطت لما سمعت كلامك وحاولت انتقم منه بالطريقه دي
مصطفى بحده ليه هو انا مش عارفك ماهي عجبتك فعلا ووافقت تتجوزها تبقى ميال ليها انت هتضحك علياا ولا على نفسك يمالك
مالك قلبه وجعه وتابع بعصبيه منكرش اني اه مشدود ليهاا وبغير لما بتجي سيره فرحهاا على الكلب ده بس هي عايزه تخلصله على اساس انه راجل يتحب اصلاا فخلاص تستاهل اللي يجرالها
مصطفى بتنهيده هيهون عليك بعد ماعرفتها وميلت ليها تعمل فيها كده يا مالك؟
مالك بحده يمكن الاول كان لا لاني فعلا شوفتها ضعفت بس بعد ما اختارت حازم علياا فـ اه يا مصطفى هيهون وهجيب حق اختي ويخش تولع هي وهو بس اعدي خطوبه بنت عمي ويحلها الف حلال
مصطفى بتنهيده طب حاسب بقى ياروح امك لو حازم جيه الخطوبه يشوفك علشان لما تمسكه تهينه ميتأكدش ان ابن عم حبيبه هو اخو نورسين
مالك بتنهيده شك مره من اسم عيله المحمدي بس نورسين متعرفش ان ليها بنات عم اصلا فقالتله لا يمكن تشابه اسماء
مصطفى بتنهيده طب راجع نفسك وغلاوتي عندك ولو على حازم اجيبه انا وانت ونعدمه العافيه بس بلاش سلمى
مالك بحده مصطفى خرج نفسك من الحواار ده وقفل الفون
**
وبالفعل قعد وسطهم لحد مابص من البلكونه يوم خطوبه علي وحبيبه وشافها مشيت مع حازم فاتصل برجالته اللي مأجرهم
مالك بتنهيده ايوه يا ابني .. روح شقه حازم دلوقتي ونفذوا اللي قولتلكم عليه
الراجل اوامرك يا اسر بيه
وقفل معاهم وخرج من شقته ونزل يروح لشقه حازم وبالفعل وصل وذله واهانه بالكلام بعدين دخل لسلمى لقاها نايمه وعينيها متغميه فدلق المايه في وشها وهو ناوي يركن اعجابه بيها على جنب ويجيب حق اخته ويربيها على اختيارها لحازم عليه وتمم مخططه وبعد عنها وهو سايبها بتعيط ومنهاره وخرج لحازم رمى الملايه في وشه واهانه بالكلام ونزل وقابل مصطفى اللي بهدله ولامه جداا على اللي عمله فقاله انا هسافر ولما رجع بيت حبيبه وحضر شنطته ونازل شاف سلمى فصعبت عليه بسبب شكل عينيها المورمه من العياط فبيكلمها وقعت مغمى عليها فاخدها هو وعصام للمستشفى
**
في المستشفى وتحديدا بعد ما عرف ان حصلها نزيف وتعبانه كان قاعد حاطط راسه مابين ايديه ودموعه نازله بندم ومصطفى رن عليه
فمالك تنهد بعمق ورد وتابع ايوه يا مصطفى
مصطفى باستغراب يعني مسافرتش؟ توقعت هرن هلاقيك غير متاح
مالك تنهد بوجع وتابع انا مع سلمى في المستشفى
مصطفى بصدمه مع سلمى في المستشفى ازاي يعني وحصلهاا ايه
مالك دموعه نزلت وتابع كنت نازل من البيت ومحضر شنطتي لقيتها داخله منهاره عياط وعينيها وارمه فصعبت عليا بصراحه فوقفت اتكلم معاها اغمى عليها فخدتها انا وواحد قريبهم غالبا وجينا المستشفى والدكتور لسه خارج وقال جالها نزيف وعصام ده عندها جوه وانا مش قادر ادخل احط عيني في عينيها
مصطفى اتصدم وتابع بعصبيه شوفت اخرت عناادك وصلتناا لاييه ياماالك تقدر تقوليي سلمى كاان مالها وذنبهاا ايه فكل دده !! وتقولي عجبتني واتشديتلهاا !! هو انت لو حبيتهاا 1% هتأذيها بالشكل دده !!
مالك بعصبيه ودموع يا مصطفى كنت غبي ومعمي وماشي ورا الانتقام لحد ما عمى عيني و اه هي ملهاش ذنب بس حازم فعلاا اتكسر وناري هديت لما شوفته مذلول
مصطفى بعصبيه مذلول ايه وزفت ايه ده ممكن يطلقها ويرميها بعد اللي حصلهاا ومحدش هيبقى اتذل غير بنت الناس الغلبانه دي
مالك نفخ بعصبيه وتابع يا مصطفى انا فياا اللي مكفيني مش عايزك تزود علياا هي بردو اللي مرضيتش بياا واختارته هوو
مصطفى بعصبيه حقهاا ماهو جوزهاا هو منطقي تسيب جوزهاا علشان واحد متعرفوش؟؟ دي بنت اصول انا بس كبرت الفكره في دماغك قولت يلا اهو لما يبصلها بنظره جواز يمكن يتعلق بيها ومش هيقدر يأذيها انما انت جاحد ومبتحسش
مالك بوجع ودموع والله الندم هيموتني
مصطفى بعصبيه بعد ايه يا بيه يا محترم؟؟ بعد ايه؟؟
مالك بقهر ودموع انا هدخل اطمن عليها ولما تحكي اللي حصل هقولها انها مينفعش تكمل مع حازم لانه كده كده مينفعهاش وعرفت حقيقته واني هتجوزها بمجرد طلاقها منه
مصطفى بسخريه تتجوزها اه ..جاي عايز تتجوزها بعد ماكسرتها وتحسسها انك بتشفق عليها كماان
مالك بعصبيه لا يامصطفى مش هحسسها بكده انا فعلا قلبي وجعني عليها وندمت فاهتقي الله فيها واقولها اني لسه شاريها. وهتصدق لاني سبق وطلبتها
مصطفى بحده روح يا مالك روح شوف هتهبب ايه على الله بس الموضوع ميوصلش للقسم ولا البت تحمل وتبقى كارثه
مالك بخوف ياعم فال الله ولا فالك ان شاء الله خير ومش هنوصل الموضوع لقسم ولا هتحمل ابوس ايدك متعقدهاش في وشي
وبالفعل مالك قفل معاه ودخلها وصعبت عليه اكتر وقالها ياريتك بعدتي عن حازم وانه عايز يتجوزها ولسه شاريها وعصام منع الظابط يحقق معاها
**
وبعد كام يوم حازم طلقها ومات في نفس اليوم يوم حنتها وسلمى تعبت ودخلت المسشتفى ومالك كان معاها واتصل بمصطفى وحكاله
مصطفى بصدمه انت بتهزر صح !!
مالك بدموع والله ما بهزر الحيوان ده فعلا طلقها ومات في شقته بسبب خرا بيدمنه وسلمى مقهوره اوي وفي كارثه ومش عارف اعمل معاها ايه انا هموت عليها يا مصطفى
مصطفى بعصبيه تموت عليهاا ايه وزفت اييه وانت السبب فكل اللي هي فييه مسمي نفسك حبيتهاا باللي انت عملته دده !! يشيخ روح ربنا ينتقم منك حق ايه وزفت ايه اللي جبته من حاازم اديه طلع من الليله زي ماقولتلك وغار في ستين دااهيه وسلمى الوحيده اللي شالت ذنب مش ذنبهاا ودفعت التمن
مالك بدموع اقسم بالله العظيم ورحمه اختي انا فعلا اعجبت بيها واتشديتلهاا بس لما صممت على حازم مفرقليش وقولت تغور في ستين داهيه بس بعد ماشوفتها تعبانه وبتعيط وحالتها صعبه كده وكمان حازم مات لاا انا مقهور .. مقهور وندمان مش قادر اسامح نفسي ويخش ايدي كانت اتقطعت قبل ماتلمسها
مصطفى بحده ندمك مالوش معنى دلوقتي خلاصه الكلام يا مالك البت دي انت تتجوزها وتصلح غلطك وتوديها لاي دكتوره تساعدها تتخطي كميه الاحداث اللي تقرف اللي عاشتها دي
مالك بلهفه ودموع هعمل كده والله مش هسيبها صدقني
مصطفى بوجع ادي حق بنتنا جيه من السماا لو كنت صبرت يا مالك مكناش خسرنا قدام حازم اكتر ماحنا خسرانين
مالك بلهفه ودموع ولا خسرانين ولا حاجه انا اللي لمستها وانا اللي هتجوزها واقسم بالله هعوضها عن كل اللي عاشته ده بس بتمني من ربنا متبقاش حامل سلمى مش هتتحمل حاجه زي دي
مصطفى بحزن خير باذن الله ربنا يسامحك يا مالك والله مش عارف اقول ايه
**
وفضل مع سلمى في المستشفى وبعدها بالليل مالك دخل ياخد شاور والدش كان شغال وكل مايفتكر سلمى وشكل عياطها يندم ويضرب ايديه في الحيط بقوه ودموعه بتنزل وبص للدش وشغله على السخن وفضل يسخن جدا وحط ايديه تحته علشان يعاقب نفسه وايديه اللي اذيتها وبالفعل ايديه اتحرقت والتهبت جامد وفضل يغمض عينيه بالم وهو بيتوجع بصوت واضح بس مشلهاش لحد ماتحرقت وخرج من تحت الدش وفضل يعيط بانهيار من ندمه انه اذي بنت بريئه بالشكل ده ولبس البورنص وخرج لبس هدومه ونزل للصيدليه بسرعه علشان يداوي ايديه اللي خليته يتألم لدرجه الدموع
**
وتاني يوم الصبح راحو يدفنوا حازم وجسمه سخن من الحروق اللي في ايديه وسلمى رجعت بدري وشافته تعبان وطلعت معاه فوق السطح وقالتله انها مش حامل وتنهد بارتياح
ولما مالك اتعدل في قاعدته فلفت انتباها ايديه اللي ملفوفه بشاش فتابعت بصدمه ايه ده ! انا مخدتش بالي فكراه رباط ضغط اتاريه شاش مال ايدك الاتنين لاففهم كده ليه!
مالك تنهد وتابع وانا باخد شاور متعود بيبقي ساقع فدوست على السخن بالغلط ووقفت اعمل جسمي بالشاور فالسه بحط ايدي لقيتها اتحرقت وقشرت الجلد فروحت المستشفى وكانت ليله
سلمى شهقت بصدمه وتابعت بخوف يالهوي يمالك مش تاخد بالك حرام عليك دي مش هتخف بسهوله ابدا وهتسيب اثر واكيد الحرق سبب في حرارتك العاليه اوي دي بردو
مالك ابتسم بوجع وتابع ياستي وفيها ايه ده وجع بسيط مقاررنه بالوجع اللي انتي حسيتيه
سلمى بوجع وانت مالك بوجعي؟ ايه دخل وجعي بوجع حروق ايدك؟
مالك تنهد بوجع وتابع مالي ازاي بقى؟! ده انا مقهور علشانك يسلمى وطول الوقت مستصعب اوي ان بنت يجرالها كل اللي جرالك فمهما هشوف حاجات صعبه وتوجع سواء نفسيا او جسديا هفضل اقول لنفسي وجع حبيبتك اكبر ..انشف كده يمالك انت شوفت ايه من اللي سلمى شافته فانتي بنسبالي قدوه انك لسه واقفه على رجلك للنهارده فحرق ايه وكلام فاضي ايه اللي اعمل عليه حوار ده انا قدامي بنت بـ 100 راجل شافت اكتر بكتير وفضلت واقفه ومكمله
ولما نزلت كلم مصطفى
مصطفى ايه يحبيبي عامل ايه
مالك بوجع مش كويس يامصطفى حتى بعد ما الحمدلله سلمى مطلعتش حامل وحرقت ايدي علشان اعاقبها الا ان بردو جوايا ذنب وتأنيب ضمير مش قادر اعيش بيه ودموعه نزلت وتابع هو مات وارتاح واناا عايش بتعذب على اختي وبتعذب من تهوري
مصطفى تنهد بقهر وتابع مين قالك ارتاح؟ ده زمانه في العذاب الابدي لان ربك مبينساش بس اختك بين ايدين اللي خلقها واللي احن مننا كلنا فاطمن عليها وادعي ربك يصبرك وسلمى انا ياما اتحايلت عليك بس ركبت دماغك فمش قدامك غير تتجوزها وتعيش وتنسى يا مالك
مالك بوجع هعمل كده
باااك
مصطفى بابتسامه فك بقى وغلاوه ام العيال يجدع
مالك مسح دموعه وتنهد بعمق وتابع كله على الله يا مصطفى هعمل ايه يعني ما اللي حصل حصل
مصطفى وعلى كده سلمى تعرف انك ظابط مخابرات؟
مالك بتنهيده لا وابن الجزمه ادهم كان هيقع بالسانه يوم كتب الكتاب بتاعه على بنت عمها بس بصتله فسكت انا مش ناوي اقولها كده كده دي شغلانه لازم تفضل سريه
مصطفى بتنهيده طب وبعدين مانت هتضطر ساعات تبعد عن البيت كتير؟
مالك بتنهيده هقولها اني سافرت علشان صفقه تبع شركه ابويا
مصطفى بابتسامه اعمل كده وخير باذن الله
مالك بابتسامه يارب يحبيبي وقام فتح الباب وتابع بصوت مسموع يا ماالك
سلمى من جوه: ايوه يحبيبي
مالك بحب اطلعي يعمري عايزك
سلمى بحب حاضر يحبيبي وبصت لفتون بكيد وتابعت عن اذنك يا ماما جوزي عايزني
هدى بضحك اذنك معاكي يقلب ماما على مهلك وانتي طالعه
سلمى بضحك طبعا ده جدو توفيق موصيني قد كده
توفيق بضحك روحي يابت لجوزك وبطلي غلبه
سلمى بضحك من عيوني وباست ايديه وراسه وتابعت دعواتك معايا اجيب ولي العهد على خير بقى لحسن انا حاسه اني هتحسد
ميسون بضيق ليه ياختي محدش حمل الا انتي
سلمى بضحك لا بس حملت بسرعه يعمتي فحقي اخاف الله
توفيق فضل يضحك وتابع ربنا معاكي ويحميكي يابنتي وتقومي بالف خير يارب انتي والواد ولو بت نحمد ربنا بس عايزين واد لحسن اسمي ينتهي خالص علشان عمك علي مجبش الا بنات وبدر مجبش الا مالك فاهو املي الوحيد في امتداد سلسالي
سلمى فضلت تضحك بشده وتابعت واحنا نقدر بردو ده لو جات بنت افضل اخلف لحد مايجيلك الواد اللي يشيل اسمك يغالي ويفضل يمتد العمر كله يارب اللهم امين
فتون نفخت بضيق ودخلت اوضتها وتوفيق حط ايديه على خدها وتابع بابتسامه يارب يرضيكي ويراضيكي يابنتي فرحتي قلبي بالخبر والله
سلمى بحب ربنا يخليك لينا ياجدو والله وباست ايديه وتابعت عن اذنك بقى لحسن اتحسد بدري بدري واطلق علشان اتاخرت عليه
توفيق فضل يضحك فتابعت هدي بضحك لا ميقدرش ده مالك روحه فيكي
سلمي بحب ده والله انا اللي روحي فيه يلا عن اذنكم
توفيق بحب اذنك معاكي يابنتي
وطلعت سلمى لمالك لقيت الباب مفتوح وهو واقف مع مصطفى بيتكلموا فابتسمت وتابعت حقك عليا بس كنت بتكلم مع جدو وراحتله وتابعت اؤمرني يحبيبي
مالك ابتسم بحب وباس جبينها وبصلها وتابع الامر لله يعمري هتعبك بس حضري الاكل علشان جوعت اوي
سلمى بحب يقطعني يحبيبي حقك عليا لو كنت اعرف انك جعان مكنتش نزلت
مالك بابتسامه بعيد الشر عنك يجزمه متقوليش كده
مصطفى بضحك طب ايه انا واقف على فكره انزل طيب؟؟
مالك وسلمى فضلوا يضحكوا فتابع مالك بضحك عادي يا درش انت مننا وعلينا مالك في ايه
مصطفى بضحك لا راعي مشاعري بردو انا راجل سنجل
سلمى بحب بكره ربنا يكرمك باللي تستاهلك قول امين
مصطفى ابتسم بوجع وتابع لا صعب انا قررت مش هتجوز اصلا
سلمى باستغراب ليه كده بس؟؟
مصطفى بوجع اللي حبيتها سبقتني وراحت لربها فمش هقدر اشوف حد بعدها خالص مستحيل
سلمى بوجع لا حول ولا قوه الا بالله ربنا يصبرك على قد غلاوتها يارب بس الحياه مش هينفع تقف ولا ايه يا مالك وبصتله
مالك تنهد بوجع وتابع صدقيني بتحايل عليه بس رافض ده حتي جيه مصر علشان امه بتزن في موضوع الجواز فجاي يفصل
مصطفى بتنهيده بصي انا كتير قالي كده الحياه مش هتقف بس صدقيني بتقف ..بتقف لما يكون الناس دي هي الحياه اصلا ..انا مكنش عندي حياه قبلها ولا بعدها هي كانت حياتي وهفضل كده وانا كل يوم فكل صلاه بدعي اكون جوزها في الجنه انما الارض لا خلاص خدت مني نورعيني ومفيش بنت اتخلقت هتملى مكان ضافرها
سلمى ابتسمت بوجع وتابعت لسه في حد كده؟ يبختها بيك..ويارب يجمعك بيها في الجنه يارب
مصطفى دموعه نزلت وتابع يارب وسابهم ودخل البلكونه فسلمى تنهدت بوجع وتابعت بدموع مالك روحله انا موجوعه علشانه بجد
مالك وهو بيجاهد دموعه متنزلش ابتسم وتابع طب روحي انتي حضري الاكل وانا هشوفه يلا
سلمى هزت راسها بحاضر ومشيت ومالك دخله
---
عند حبيبه كانوا كلهم قاعدين بيفطروا وعلي كان عندهم
هاله بابتسامه مبتاكلش ليه يحبيبي مد ايدك يعلي
علي تنهد وتابع بتوتر قلقان من النتيجه اوي ياما والله سمعت انها هتطلع انهارده
حبيبه حطت قدامه الاكل وتابعت بابتسامه كل ينورعيني ومتشغلش بالك ربنا مش هيكسر بخاطرك والله
نيره بضحك ما تاكل ياعلي مكسوف ولا ايه
علي بضحك مكسوف مين يابت انتي؟ ده بيتي خلصوا بس اكل وانا اقوم اعملكم طقم شاي
نيره بضحك اذا كان كده اتفقناا
حبيبه بصت لهاله وتابعت بابا كل يا ماما؟
هاله بتنهيده حزينه والله يابنتي غلبني يادوبك حتت الفرحه وقالي اقفلي النور عايز انام
علي بتنهيده اخباره ايه عم علي دلوقتي ومعاد اشاعته امتى؟
هاله بحزن والله ياابني من ساعه ما عمل العمليه وهو تعبان ومش قادر يتحرك ولا يعمل اي مجهود ربنا يزيح عنه يارب ويومين ولا حاجه ونروح نعمل الاشاعه الدكتور قايل كل 3 شهور
علي بابتسامه معلش ياما ماهو دي عمليه مش سهله بردو وربنا بيحبكم اننا اكتشفنا المرض بدري قبل ما كان يتمكن منه فـ قضا اخف من قضا الحمدلله
هاله بحزن الحمدلله يا ابني على كل حال
علي بابتسامه هيبقى بخير والله انتي بس خليكي زن عليه ياكل ويشرب كويس وخرجيه من السرير ويقعد وسطكم هنا ومره في البلكونه مره فوق السطح كل ده هيفرق في نفسيته بردو
هاله بابتسامه حاضر يحبيبي
حبيبه وهي بتاكل تابعت كفاياك لت وكل علشاان بشوفك مش بتاكل نفسي بتقف
علي بصلها وفضل يضحك وتابع كده ونفسك بتقف؟؟ اومال لو اتفتحت هتعملي ايه هتاكلي الطباق؟؟
فكلهم فضلوا يضحكوا فتابعت حبيبه بضحك الله انت هتبصلي في اللقمه كمان
علي بضحك لا يعمري مقدرش والله
حبيبه مسكت الاكل ومدت ايديها لعلي وتابعت بضحك كل واخلص يلاا
علي كل منها وفضل يضحك والباب كان مفتوح فلقيوا كريم نزل وتابع صباح الخير
كلهم ردوا صباح النور فابتسمت هاله وتابعت تعالي كل ينورعيني
كريم بتنهيده لا يخالتي مستعجل وبص لعلي وتابع يلا مش قايلك ورانا معاد؟
علي بتذكر اه صح ورايح يقوم فحبيبه مسكته وتابعت رايحين فين سيبه يفطر يكريم مكالش لقمتين على بعض لسه
كريم بضحك هفطرهولك انا يا ام قلب حنين سيبيه علشان معندناش وقت لما يتقبل باذن الله في الكليه هيمشي وانا عايزه معايا
هاله باستغراب رايحين فين يكريم على الصبح كده؟
كريم بابتسامه هنقابل ابو نهله باذن الله
نيره اتصدمت وسابت العيش وبصتله فحبيبه ابتسمت وتابعت على خير يحبيبي بس مش قولت قرايبها متوفيين يعني مينفعش كلام دلوقتي ولا ايه؟
كريم بتنهيده ما اه يحبيبه بس مش هينفع استنى سنه بنتكلم في الضلمه فهماني فانا اقول للراجل واهو يبقى عارف
علي بابتسامه ايوه انت صح يلا انا جاي معاك اهو
حبيبه بضيق يعلي طب كل لقمتين طيب وانزل
علي باس راسها بعمق وتابع بحب هفطر مع كريم يحبيبي متقلقيش والله وتابع يلا يا كيمو
كريم بص لنيره اللي بتبص لطبقها وبتاكل ومتجهلاهم وتنهد وتابع يلا ومشي مع علي وقفلوا الباب فنيره سابت الاكل وقامت
هاله بتنهيده رايحه فين؟
نيره بدموع غايره اوضتي ومشيت
حبيبه :نيره تعالي كملي اكلك
نيره بدموع وبحده مش طافحه
هاله بعصبيه زعلانه لييه مش انتي اللي مطهقاه في عيشته ورفضتيه؟؟ سيبيه يعيش حياته بقى ده حقه
نيره وقفت قبل ماتدخل اوضتها ورجعت وتابعت بحده نعم؟؟ ليه هو انتي فكرااني هامنني كريم؟ لا يحبيبتي ده اخويا وانا مش هتراجع عن انه اخويا ومش هتجوزه يعني مش هتجوزه انا بس زعلانه ان علاقتنا ادمرت كده
حبيبه بسخريه والله؟ انما انه هيحب ويخطب ويتجوز كل ده ميزعلش؟
نيره بحده ودموع لا ميزعلش ربنا يصلح حاله هو عرف بسم الله ما شاء الله عليه يموف اون بسرعه جدا وراح يشوف غيري عايز يتجوز وخلاص يعني فمش ده اللي كان يتحب هو اخره معايا زيه زي مالك اخوياا وقريبي وبس
هاله بتنهيده خليكي يا نيره .. خليكي اركبي راسك كمان وكمان لحد ما تشوفي عياله
نيره قلبها وجعها وتابعت بدموع وبحده وهشيلهم ياستي والعب معاهم كماان خلاص؟ ارتاحتي؟ وسابتهم ودخلت ورزعت الباب
حبيبه بتنهيده ياماما متضغطيهاش هي بردو مش بسهوله تشوفه زوج بعد ما كان اخوها وصاحبها العمر كله
هاله بتنهيده وهي الواحده عايزه ايه غير ان جوزها يبقى اخوها وصاحبها وحبيبها يحبيبه؟ يعني علي مش صاحبك؟
حبيبه بابتسامه صاحبي طبعا وكل الادوار في حياتي
هاله بتنهيده وهي كمان اعتبرت كريم كده الا دور جوزها مش قادره تشوفه فيه مع ان مفيش احسن ولا احن من كريم عليها ده انا عمري كله بتمناه ليها بس بقول عيب يهاله دول اخوات متبوظيش علاقتهم انما لما لقيت كريم حكالي انه طلبها انا قلبي كان هيقف من الفرحه وقولت بس هطمن على بناتي علشان مفيش احسن من علي وكريم ليكم يحبيبه تقوم هي تعمل كده؟
حبيبه بحزن يحبيبتي زي مانتي مكنتيش عايزه تقولي انك بتتمني كريم ليها علشان علاقتهم متبوظش هي بردو مكانتش شايفاه بالشكل ده وحبت علاقتهم كده ويمكن هي كدابه وبتحبه لان مستحيل تزعل اوي كده وتغير غير لو فعلا بتحبه بس بتكابر ومش عايزه تقتنع ان ده حب ..سيبيها يا ماما سيبيها ومتضغطيهاش وربنا هيعمل اللي فيه الخير
هاله تنهدت بعمق وتابعت سيباها يحبيبه ..سيباها
-
عند عصام رفيده كانت واقفه في المطبخ بتحضر الفطار وبصت للساعه لقيتها 3 العصر فطلعت الاكل على السفره ودخلت اوضتها تصحي عصام ولقيته نايم على بطنه عاري الصدر فقعدت جنبه وتابعت عصام وهزته وتابعت يا عصااام
عصام بضيق اممم عايزه ايه يارفيدده على الصبح
رفيده تنهدت وتابعت قوم افطر انا حضرت الاكل يلا
عصام بضيق مش عايز طفح سيبيني اتخمد وروحي شوفيلك حاجه اعمليها يلا
رفيده بوجع عصام معاد دكتورتي انهارده مش هتيجي معايا؟
عصام اتعدل في نومته ونام على ضهره وفتح ببطئ وتنهد بعمق وتابع هي انهارده؟
رفيده هزت راسها بـ اه وهي بتمنع دموعها
عصام اتعدل وقعد ورجع ضهره لورا وتابع غاير ومسك السجاير ولع واحده وتابع روحي افطري بقى لحد مانا افوق واقوم البس
رفيده فضلت تكح وتابعت طب ماتقوم معايا مش عايزه اكل لوحدي
عصام بحده قولت مش عايز اطفح وقومي من جنبي الخرا دي غلط عليكي
رفيده الدموع اتجمعت في عينيها وتابعت ايه اللي حصلك؟ ازاي بقيت تقسى على كل اللي حواليك بالشكل ده؟ يسيدي مطلبتش منك تحبني بس انا حامل فارحمني وبطل تقسى عليا وتسم بدني ليل نهار انا نفسيتي مهمه على فكره ومش لياا مهمه لابنك فمتعمليش اعتبار ماشي مش عايزه منك حاجه بس هو ذنبه ايه؟
عصام نفخ الدخان في الناحيه المعاكسه ليها وبصلها وابتسم وتابع انا كده برحمك يا رفيده.. انا كده حنين عليكي علشان ابني ..انما انتي لو مش حامل اقسم بالله لهتبقي انتي والجزمه واحد ومكنتيش هتبقي على ذمتي كمان
رفيده بوجع كتر الف خيرك يا محترم
عصام مسك شعرها فصرخت بألم فتابع بعصبيه محترم غصب عنك انتي واهلك يا زباله ماالك في ايه ؟؟ لا لو نسيتي نفسكك وانتي متجوزه ميين افكرك
رفيده بعياط ووجع من ماسكه ايديه: منستش ..منستش حااجه انت اللي نسيت عصام وبقيت واحد تاني مش شبه في اي حاجه غير ملامحه عصام القديم كان بيحرق الدنيا علشان خاطر رفيده انما عصام بتاع دلوقتي بيحرق في نفسه وفي الدنيا وفي رفيدده وعيطت اكتر وتابعت يسيدي لو هيريحك تتجوز علياا اتجوزها بس سيبك من السهر والشرب والقرف والسكه المقرفه اللي مشيت فيها دي ده انت عينيك دم زي المدمنين
عصام بعصبيه ليه ياروح امك هو انا هستناكي انتي تقوليلي اتجوزها؟؟ فكرااني قاعد كده علشان مشااعرك ولا ايه؟؟ انا متجوزتهاش علشان اكتشفت ان كلكم صنف وسخ مينفعش يتحب انتي وهي متفرقوش عن بعض ..انتي ظلمتيني وحبيتي غيري وفكرك كان معااه وانتي في حضني وهي شافتني متكتف ما بينها وبين ابني اللي مالوش ذنب فبدل ماتوافق تبقى جنبي وتتحملك اختارت تبعد عني وتسلم نفسها وجسمها لحد تاني وهي بتحبني وقلبها معايا فحرفياا متتخيروش عن بعض واذتوني وانا ولا طاايقك ولا طاايقهاا ريحي نفسكك وزق راسها وهو بيسيب شعرها فرفيده فضلت تعيط
عصام بعصبيه كفااياكي زن انتي اييه مبتفهميش ماقولنا الزفت النكد غلط عليكي
رفيده بعياط نكد ايه اللي غلط عليا وانت معيشني فيه ليل نهاار هو النكد بنسبالك دموع وبس؟؟ انا قلبي بينزف من الوجع كل يوم من غير ما اطلع صوت وانا شيفاك بتدمر نفسك وبترجع مش قادر تصلب طولك من الخراا اللي بقيت فيه وهلوسه وقله شغل واهملت في دراستك وحاجه اخر قرف مش ده الاب اللي كنت عايزاه لابني يعصام .. هجيبه يعيش في الوضع ده ازاي
عصام فضل يضحك وتابع ده على اساس انك ام طبيعيه وكده؟؟ واتعصب وتابع رفيدده فوقيي ده انا قاعد معاكي في بيت واحد علشان خايف تموتيه يحبيبتي فانتي نفسك مش سويه اصلاا علشان تربي عيل
رفيده بوجع ودموع عمري ماهعمل كده عارف ليه؟؟ بعيدا عن اني فعلا بحبك وعايزه اخلف منك بس مش ده اكبر سبب .. انا هحافظ عليه علشان ماليش اخوات وبابا صحته بتدهور وانت اللي المفروض سندي بعد ربنا قسيت عليا وكسرتني اكتر .. انا هجيبه بخير علشان ده هيبقى سندي يعصام .. انا هتحامى في يزن من الدنيا مش فيك وعيطت وتابعت لاني عاارفه ان ديتي معااك غلطه تافهه وهترميني لتالت مره انما هو عمره ماهيقسى على امه ولا يسيبها .. انا هجيبه علشان ده الوحيد اللي هيفضل جنبي لما كلكم تيجوا عليا
عصام ابتسم بسخريه وتابع جدعه يحبيبتي برافو هو اللي هيفضلك فعلا وقام دخل الحمام ورزع الباب فرفيده حطت ايديها على بوقها وفضلت تعيط بقهر وهي موجوعه من اسلوبه وطلعت قعدت على السفره وباصه للاكل وملهاش نفس تاكل فعيطت وتابعت ربنا يسامحك يشيخ سديت نفسي
وشويه وعصام خرج وهو لابس بدله رصاصي غامق وقميص ابيض وعينيه حمرا وباين عليه التعب فتنهد وتابع مكالتيش ليه؟
رفيده بتنهيده ماليش نفس
عصام قعد قدامها وتابع لا ماهو مش بمزاجك للاسف انتي بتاكلي علشان ابني فمفيش اوبشن الرفض وحط الاكل قدامها وتابع اطفحي واخلصي مش عيله صغيره هحايلك
رفيده بصتله بوجع وتابعت ياريني ارجع صغيره واخدك معايا اوريك عصام كان بيعامل رفيده ازاي
عصام بابتسامه شغل عيال بقى يا ام يزن ادينا بنكبر وبنعقل
رفيده بوجع من غير ماتفكرني وتقولي يا ام يزن انا عارفه ان اللي بيني وبينك ابني وبس .. بس هو عادي كده القلب يقدر يكرهه قلب حبه؟
عصام بابتسامه اه عادي .. الانسان ساعات الدافع الوحيد اللي بيخليه يتغير انه ادرك قيمه نفسه ..وانه يستحق احسن من كده وانه عمل اللي عليه وزياده وملقاش المثل ..فخلاص محدش هيعيش تحت رحمه حد العمر كله ..ربك سماه قلب علشان متقلب سبحان الله
رفيده ابتسمت بوجع وتابعت اممم كويس طمنتني ..يبقى هيجي يوم وهنساك
عصام ابتسم وتابع لو نسيتي حبك ليا اللي انا اساسا عارف انه مش موجود ..مش هتنسي اني كنت في ايديكي وضيعتيني بارادتك يا رفيده وقام وتابع الاكل يتاكل علشان مجيش اهينك ودخل المطبخ وسابها فحطت ايديها على وشها وفضلت تعيط
--
عند هناء كانت قاعده في بيت اهلها وخرجت من الشاور وهي لابسه البورنص وبتنشف شعرها ففونها رن فمشيت تشوف مين لقيت وسام بيتصل فيديو كول فابتسمت وحطت الفون على التسريحه وقعدت قدامها وفتحت
وسام شافها ابتسم وتابع واحشتيني
هناء بضحك انا مش قيلالك هخلص اللي بعمله وهكلمك؟ ايه خلاص الدنيا وقفت؟
وسام رجع ضهره لورا على سريره وحط ايديه ورا رقبته وبصلها وتابع بابتسامه وربنا ما عارف اقعد من غيرك وانتي بارده اتلهيتي مع اختك بقالك يومين ونسياني
هناء بضحك يعمري مقدرش انساك انت عارف بس بحضر معاها لفرحها خلاص كلها 3 ايام وارجعلك
وسام بضيق لا 3 ايام ايه انا هفوت اخدك انهارده
هناء فضلت تضحك وتابعت وسام والله ماهينفع لميا محتجاني جنبها معلش يحبيبي 3 ايام وهيعدوا هوا والله
وسام بضيق هناء انا بجد مش طايق البيت من غيرك لو مش هتيجي اجيلك انا ياستي وابات معاكي في اوضتك
هناء بضحك مانا اتحاايلت ورفضت يخرابي منك بجد
وسام بضحك عرفت قيمتك بقى وابعدي الكاميرا دي كده خلينا نتفرج
هناء فضلت تضحك وتابعت احترم نفسك تتفرج على ايه؟ انا لابسه البورنص وقفلااه
وسام بضحك خلاص افتحيه
هناء شهقت وهي بتضحك فتابع بضحك سيكاا يعني اقصد افتحيه سيكاا فهمتي اييه يقليله الادب انتي
هناء فضلت تضحك وتابعت انا بردو .. ماشي يا وسام لما اجيلك
وسام بضحك لما تجيلي مين هو انا هستناكي ده انا اللي جاي وهاخد بتااري منك على يومين الغياب دول
هناء فضلت تضحك وتابعت طيب لما تيجي ان شاء الله واقفل بقى عايزه البس كفايه خلتني فتحتلك بالمنظر ده
وسام بضحك وفيها ايه لما تفتحيلي كده؟حلو ده والله مانا براحتي يابت افتح معاكي في اي وقت حتى لو بتاخدي شاور اتهطلتي ولا ايه
هناء فضلت تضحك وتابعت قاعدتك مع ادهم اليومين دول غيرتك هاا بقيت متربتش زيه
وسام ابتسم وتابع حلو ده ..وانتي عرفتي منين ان ادهم مترباش مش فاهم؟
هناء فضلت تضحك وتابعت بفضح الدنيا انا مش كده؟
وسام بضحك جداا مبتعرفيش تحوري معايا عامه بلاقي الكلام بيطلع بكل سلاسه
هناء بضحك لميا بتتكلم جنبي بصراحه وبسمعه الحيوان اللي ماصدق كتب الكتاب
وسام فضل يضحك وتابع انتي بتقولي فيها ده هيموت وقاعد بيعد الساعات اللي هيتنيل فيها بس انا هسيبه يموت بقهرته ويكلم الحيطان وجايلك يغزال انا راجل متجوز هو لسه دي الاصول
هناء فضلت تضحك وتابعت احسن سيبه صح لوحده علشان يتربى شويه
وسام بضحك انا قولت لميا مبتسترش وبتحكيلك بصراحه علشان انا كمان ببقي سامعه قاعد في الصالون حسه يسمع اخر دور ومفيش خشا ابن الكلاب
هناء بضحك لا لميا بتتكسف اوي هو فونها عالي سيكا فبسمعهم المهم اقفل عايزه اقوم اغير
وسام بتعجب الله طب ماتغيري هو انا ماسكك؟
هناء بضحك وسام مبهزرش والله
وسام بضحك بت انتي عبيطه اليومين نسكوكي انك متجوزه ولا ايه
هناء فضلت تضحك وقامت وقفت بعيد وتابعت لا منستش ولا حاجه بس عيب هاا عيب احنا متجوزين ايه حركات المراهقين دي يادكتور يامحترم
وسام اتفاجئ لما قامت وفضل يضحك بشده وتابع يابنت الكلب يهناء اشوف وشك بس
هناء لبست بيجامه برموده ونص كم وقعدت قدامه وتابعت بضحك ايه يعيون هناء انا جيت اهو
وسام بضحك بت هشش امشي من قدامي يلاا انا قايم اشوف اكل ايه انا والحيوان اللي برا ده علشان صدع امي
هناء فضلت تضحك وتابعت طب روح وكل وكلمني
وسام بضحك لا وربنا مايحصل انا هجيلك اربيكي بس
هناء بضحك ماشي يسيدي مستنياك
وسام بضحك يلا باي
هناء بحب باي وقفلت معاه وسرحت شعرها وثواني ولميا دخلت وتابعت هنااء انهي للحنه دي ولا دي وكانت بتوريها هيلزات
هناء بابتسامه دي طبعا شكلها ارق بكتير
لميا بضحك نفس اللي اختارتها انما امك دي ذوقها يقرف
هناء بهمس وضحك مالكيش دعوه بامك دي دقه قديمه
ابتسام كانت معديه فتابعت برفعه حاجب بتقولي ايه ياتربيه ناقصه انتي ها
هناء اتخضت فلميا فضلت تضحك بشده فتابعت هناء بضحك ولا حاجه يعمري طبعاا الله ده انتي ست الكل وزوقك روعه على فكره بس التانيه موضه اكتر فهنختارها
لميا بضحك طب قومي البسي عبايتك وتعالي معايا اجيب شويه حاجات اخلصي
هناء بذهول هتجيبي ايه يخربيتك مش كل حاجه راحت شقتك؟
لميا يابت هجيب حااجات للحنه طبعاا اخلصي بقى مفيش وقت
هناء بتنهيده طب ابعتي لوسام من الواتس عندي لحد ما البس ان هننزل يلا وبالفعل بعتتلوا ونزلوا
--
عند رانيا سلمى ومالك كانوا جم وحبيبه واسراء قاعدين معاهم وعرفوا انها حامل وفرحانين جدا
حبيبه بضحك بصي بقي يبتاعه ياللي بغير منك انتي جات بت اسمهاا حبيبه دي بنت اخوياا جيه ولد اسمه حبيبه بردو
فكلهم فضلوا يضحكوا بشده فتابع مالك بضحك ده لو جيه قرد هنسميه حبيبه بردو يقلب اخوكي ولا تزعلي
فضلوا يضحكوا فحبيبه ضربته في كتفه وتابعت بضحك قرد لمين ها احترم نفسك علشان مزعلكش
مالك فضل يضحك وتابع لخالو طبعاا
حبيبه بضحك لا وربي اشرحك حتت ما اخلي البت تلحق تتهنى بيك
سلمى فضلت تضحك فتابعت رانيا بضحك كله الا علي عندها متلعبش في مناطق خطر يمالك
حبيبه بضحك اه هنهزر ولا ايه ده لما يجي هخليه يغسل عاره رايحه تحملي بعد 3 شهور جواز نهارك ازرق اومال لو سيبناه معاكي سنه هتعملي ايه
مالك بضحك هنفتح حضانه
فكلهم فضلوا يضحكوا فتابعت اسراء بضحك اللهم المشاكل العار دي يارب
حبيبه بضحك تربيه ناقصه دي
رانيا بضحك الله مانتي عايزه تخلفي 8 عيال ومحدش اتكلم
حبيبه بضحك ايوه وعلي عارف
مالك بضحك وموافق؟
حبيبه بضحك طبعاا يحبيبي هو يقدر يرفض
مالك فضل يضحك وتابع ربنا يديه الصحه ياغاليه والله
فكلهم فضلوا يضحكوا فدخل علي وتابع بضحك الله وانا اقول البت منور ليه اتاري لوما هنا
سلمى راحت حضنته فباس راسها وتابع بحب عامله ايه يعمري
سلمى بحب بخير يحبيبي انت عامل ايه طمني عليك
علي بحب زي الفل والله ومد ايديه لحبيبه فمسكت ايديه فرفعها باسها وتابع واحشتيني
حبيبه بضحك عارف انا متعوده انك بتبوس ايدي كل ماتيجي من براا لو كنت نستني علشان سلمى هنا كنت هزعلك
فكلهم فضلوا يضحكوا فتابع علي بضحك ياخبر هو انا اقدر ده انتي رضاكي من رضا رانيا يا حبوبه
حبيبه ابتسامتها وسعت وتابعت ارضيت حسه السمع
علي بحب ولسه اللي جاي هيعجبك اكتر وتنهد وتابع انا اتقبلت في الكليه يحبيبه
كلهم اتفاجئوا وشهقوا بتفاجئ وفضلوا يزغرطوا فحبيبه حطت ايديها على بوقها وهي صدرها بيعلو ويهبط من التوتر وتابعت بذهول ودموع : اييه اتقبلت !! علي ده بجد وعيطت وتابعت اتقبلت والنبي؟!!
علي باس جبينها ومسح دموعها وهز راسه بلايجاب وتابع بدموع الحمدلله اتقبلت وبعد بكره ماشي كمان
حبيبه عيطت بانهيار من فرحتها ووقفت على اطراف صوابعها حضنته وتابعت يعمرري مبرووك وعيطت وتابعت مليون مبرووك يحبيبي ياارب اشوفك ناجح ومحقق كل احلامك ياارب والله فرحتي مش سيعاني مش مصدقه يعلي والله ما مصدقه
رانيا بدموع مليون مبروك يقلب امك من جوه
علي باس راسها بعمق وتابع الله يبارك فيكي ياست الكل وفضل يطبطب على حبيبه وتابع بدموع خلاص طيب هتبوظي الهيبه من اولها وتعيطيني معاكي
حبيبه بانهيار مش قادره اصدق يعلي مش قادره اصدق ان خلاااص كابوس وانتهي والدنيا هتراضينا مره
علي بابتسامه تراضينا فين بس ده هتحرمنا من بعض سنتين كمان
حبيبه بصتله بعياط وتابعت كله يهون ..كله يهون بس تحقق حلمك وتبقى حاجه كبيره انت تستحق تبقى احسن واحد في الدنيا كلها وتعبت اوي اوي اوي جبتها من تحت خالص منا ماوصلت لهنا
علي حط ايديه على خدها وتابع بحب مكنش ده هيحصل لولا وقفتك جنبي يابنت الاصول
حبيبه بابتسامه ودموع انا اتولدت علشان ابقى جنبك فـ ده واجب عليا مش جِميل اشكر عليه اياك تقول كده تاني..ده انت لو عوزت عيني متغلاش عليك مبالك حاجه بسيطه زي دي؟!
علي باس جبينها ودموعه نزلت وتابع يارب مايحرمني منك ابدا ياحبيبه قلب علي من جوه
مالك بضحك ماخلاص ياباا اييه راعي مشاعر اللي خلفونا بنت عمي دي
حبيبه ضحكت من بين دموعها فعلي حط ايديه على كتفها وتابع بضحك بس يالا لحبسك دي بنتي انا اللي مربيها بلا بنت عمك
مالك بضحك شوف من اولها هيتنك عليناا اهو
فكلهم فضلوا يضحكوا فتابعت حبيبه بضحك ليه حق يتنك يحبيبي ده هيبقى علي بيه وهيوقفكم كلكم على رجل واحده
مالك بضحك لما توصل متصعبهاش على الناس يحبيبه
حبيبه بضحك ده احنا هندوس بالجزم مش هنصعبها بس شوفنا ايه عدل من الناس يخويا
فعلي فضل يضحك وتابع على رايك
مالك بضحك لا بس ايه حوار ال8 عيال ده انت موافق صحيح؟
علي فضل يضحك وتابع ما شاء الله دي بتفكر معاكم بصوت عالي
رانيا بضحك لا ياخويا كانت بتقول كده من زمان من قبل ماتاخد رايك انت شخصيا
علي بضحك والله يا ابني انا اتخضيت زيي زيكم كده وقولتلها هنجيب وقت وصحه ومجهود لكل ده منين بس هي اقنعنتي اننا قدها
فكلهم فضلوا يضحكوا بشده فتابعت سلمى بضحك لا هو هيجوا منين ال 8 اصلا هي فيهاا ايه دي علشان تتكلم
حبيبه بضحك انسه عصايه مقشه مسمعش صوتك
مالك بضحك مدام لو سمحتي كله الا برستيچي
فكلهم فضلوا يضحكوا بشده فسلمى بصتله بذهول وتابعت بضحك والله وبالنسبه لاني عصايه مقشه عادي؟
فكلهم فضلوا يضحكوا فتابع مالك بضحك لالا طبعا يعمري طب ده اهي تخنت اهي وبقيت قمرين ولسه مع الحمل هتبقى زي البقره ولا تزعلي يحياتي
فكلهم ضحكوا فعلي بصله بذهول وتابع مع ايه؟
حبيبه بضحك ااه شوفت لوما حامل اغسل عارك يلا
علي بضحك بتهزروا صح؟
سلمى بحرج يلا نمشي يا مالك وخبت وشها في حضنه فمالك فضل يضحك
علي مسك دراعها وتابع بضحك تعالي بس يلا نمشي ايه وريني وشك كده يابنت الكلب يا جزمه هاتي بوسه طيب
سلمى وشها احمر وبصتله وتابعت نعم
علي بدموع فرح مبرووك يعمري تعالي بس انتي هتتكسفي مني يسلمى اخص عليكي وحضنها فسلمى ابتسمت من بين دموعها وتابعت الله يبارك فيك يحبيبي عقبال حبيبه يارب
علي بدموع وحب اللهم امين يارب وباس جبينها بعمق وتابع فرحتيني فوق فرحتي والله ودموعه زادت وحضنها تاني فسلمى دموعها نزلت وطبطبت عليه وباست خده وبصتله وتابعت خلاص ورحمه ابوك حقك عليا
علي بحب ودموع ده انتي اللي حقك عليا مش قصدي انكد انا فرحان بيكي يعمري والله
مالك بضحك مسامح يعني
علي فضل يضحك من بين دموعه وتابع مسامح يحيوان علشان هي حامل في علي وحضنه وتابع مبروك يحبيبي
مالك بضحك الله يبارك فيك يخال علي
سلمى بفرح طب يارب يسمع منك ربنا انا وجدو توفيق عايزين ولد اصلا مالك اللي عايز بنوته
علي بضحك لا حظ اوفر يا مالك هو علي انا حسيت بيه خلاص
حبيبه بغيره علي في عينيها محدش هيسمي اسم حبيبي انا قولت واد بنت اسمه حبيبه
كلهم فضلوا بصحكوا فتابعت سلمى بضحك حبيبك عند امك يابت عارفاها
حبيبه بضيق يعلي هضربهالك
علي فضل يضحك وتابع بس انتي وهي الله اكبروا
سلمى بضحك نكبر مين دي هي المستفزه امسكها رنها علقه يعلي علشان معصباني
علي بضحك بذمتك اقدر ده انا قلبي يوجعني لو عملت كده
حبيبه فضلت تضحك وطلعتلها لسانها وتابعت حبيب قلبي ده ووقفت جنبه وتابعت بضحك قولها البت دي وعرفها حبيبه بنسبالك ايه
علي بحب حبيبه بنسبالي السبع دقايق
كلهم مفهموش فتابع مالك بضحك يعني ايه مش فاهم؟
حبيبه بضحك والله انا كحبيبه اللي يقصدها مفهمتش بردو
فكلهم فضلوا يضحكوا فتابع علي بضحك هقولكم ..مره كنت في المواصلات اليوم اللي انا وحبيبه كنا شبه سايبين بعض فيه وفي ست مكانتش لاقيه مكان فقعدتها مكاني فقالتلي روح يابني ربنا يرزقك باللي تستاهل ال7 دقايق حاجه زي كده فانا مفهمتش بس لما بحثت لقيت ان الانسان لما بيحتضر مخه بيسترجع اجمل ايام حياته اللي عاشها فعلا فرحان من قلبه في 7 دقايق فانا مشوفتش اجمل من ايامي مع حبيبه علشان كده هتبقي هي عمري وهي نهايه عمري
حبيبه دموعها نزلت وتابعت اخص عليك يعلي والله وفضلت تعيط
علي بضحك يعمري في ايه اهدي مش دلوقتي مش دلوقتي متخافيش هعيش شويه
رانيا بحب ودموع ربنا يديك طوله العمر يا ابني
سلمى بوجع بعيد الشر عنك يحبيبي حقها تعيط والله ليه السيره دي
علي فضل يضحك وتابع يابت خلاص يخربيت امك طب افتكري اغنيه فرحنا طيب خلاص قرب اهو فاضله سنتين الحمدلله هنغني اغنيه تامر بتاعت ايه قولي يلا بلاش نكدد بقى
حبيبه ضربته في صدره ففضل يضحك وتابع يلا قولي
اسراء بضحك اغنيه ايه بتاعت تامر بتاعه خطوبتكم صح؟
علي بضحك اه من ساعه فرح رفيده الخرا رقصنا عليها لما قال لو عشت احلف طول حياتي كلها مش هقدر اوصف بحبك قد ايه وكنا بنحرك ايدينا زي بعض عند هحتاج حياه اتنين تلاته دي فضحكنا ان عملنا نفس الحركه ومن يوميها كل شويه نقررها وعملناها في الخطوبه كمان فقولتلها هشغلهالك في الفرح
سلمى بضحك كنتوا سكر حرفياا يوم الخطوبه
علي بضحك حبيبتي انتي وبص لحبيبه وتابع بضيق طب همد ايدي بجد مانا متنيل عايش اهو كفايه عياط
حبيبه بدموع متقدرش وضربته في صدره
علي فضل يضحك وتابع مقدرش فعلا
مالك بضحك ايه ياحضره الظابط الهيبه
علي بضحك مش معاها لا
حبيبه بضحك حياتي انت
سلمي بضحك طب والـ 8 عيال يحبيبه يطلع شبهك فيهم كام واحد
حبيبه بحب بنوته والباقي كله شبه علي
مالك بضحك محن في الجينات كماان هنعملهاا ازاي دي بقي
حبيبه بضحك لالا متقلقش انا مبحبش قده فهعمله استنساخ كده كده اصل هجيب حلاوه بعد دي منين انت مش شايف الحواجب التقيله والرموش اللي واصله اخر الشارع دي
علي فضل يضحك فتابعت رانيا بضحك ايووه ياختي مين يشهد للعريس
حبيبه بضحك لا وهو عريس قمور فعلا فيستاهل ده انا معنديش حواجبه ورموشه دول
علي بضحك ميغلوش عليكي يعمري
حبيبه بحب عادي بقى انا وانت واحد
علي فضل يضحك فتابعت رانيا بضحك سيبك منها دي نتكلم في المهم هتمشي شغلك ازاي مع الكليه
علي بتقولي فيها انا فعلا مش عارف بس هودي الروايه لدار نشر يتصرفوا وهقول لحسن وكريم يتابعوا وشغل شركه حسن هوقفه بقى انا مش هينفع ابقي محامي تاني اصلا بمجرد ما اتقبلت
حبيبه بضحك انا عندي ليك فكره مشروع تحفهه
علي بضحك بقلق من مشاريعك بس قولي
حبيبه بضحك بص ياسيدي احنا ناخد المكسب بتاع الروايه ده نعمل بيه عربيه حلويات صغيره علشان ممعناش فلوس لمحل فنبيع في عربيه ورانيا شاطره في الحلويات والتورت والجاتو وكله وعلشان هو ملكك وانت بقيت ظابط محترم فنسميه اسم كريتڤ
مالك فضل يضحك وتابع عربيه ايه؟! ولا كأنك سمعت حاجه يعلي
علي بضحك لالا استني بس هو انت كده شوفت حاجه من مواهب اللي ربنا ابتلاني بيها ده لسه ده بتقولك في اسم كريتڤ كمان
اسراء بضحك لا هي الفكره كلها كريتڤ يعمري دول مبيفهموش بس
سلمى بضحك اه هتسميه ايه بقى
حبيبه بضحك اكمن صاحب المشروع ظابط وكده فهنسميه التورته في خدمه الشعب
فكلهم فضلوا يضحكوا بشده فعلي تابع بضحك اييه ياروح امك؟؟ هتسميه ايه؟؟ ورايح يمسكها فجريت ورا مالك وتابعت بضحك الحقني يولد عمي
مالك بضحك ولد عمك ايه ونيله ايه انا هموت منك وربنا
رانيا فضلت تضحك وتابعت طب ماهي بتعرف تفكر اهي ودمها سكر والله
علي بضحك دمهاا سكر اه ده انا عايز اولع فيها خليكي انتي هزري ومفيش خروجات ولا اكل جمبري في الاجازات بتاعتي
حبيبه بضيق يووه بقى
علي بضحك ايوه هجبلك منين شغلي هيقف اهو هو الروايه بس
حبيبه بضحك من عربيه الحلويات
علي بضحك انا لو سمعت حسك تاني هاجي ازعلك وربنا
فكلهم فضلوا يضحكوا وبعد شويه مالك وسلمى مشيوا وعلي دخل يحلق شعره ودقنه علشان الكليه وقافل باب الحمام فتابعت حبيبه بضحك من ورا الباب علي والنبي مش لازم دلوقتي
علي بضحك بس يابت اخرسي
حبيبه بضحك والنبي يعلي هشوفك هرجع في الجوازه انا واثقه
فرانيا فضلت تضحك فتابع علي بضحك اخص على اللي جابوكي
حبيبه بضحك مش صريحه معاك طيب؟ انا واثقه هتخض بجد انا اتحملت دقنك بالعافيه
فعلي فضل يضحك وتابع اهدي بقى يحبيبه هتعور بسببك
حبيبه سامعه صوت المكنه فتابعت ااه انا سامعه صوت تكسير قلبي مش مكنه الحلاقه لا
فرانيا فضلت تضحك بشده وتابعت يابت خلاص مش قولتيله هحبك فكل الحالات
حبيبه بضحك مقصدش كلها اوي كده
فعلي فضل يضحك وتابع ماشي يابنت الجزمه انتي اصبري عليا بس وشويه وخلص وتابع ها مستعده؟
حبيبه بضحك اكدب عليك لا بس افتح يلا
علي فتح الباب فبصتله بصدمه وتابعت ايه ده يعلي؟
علي بضحك بشع صح؟
حبيبه دخلت في هستريه ضحك وتابعت اييه ده يعليي رد علياا
علي بضحك في ايه يابنت الجزمه انتي علي المساا
حبيبه مسكت قميصه وبتحركه وتابعت بضحك يعليي رد علياا ايه دده وفضلت تضحك بشده وسندت راسها على صدره
علي بضحك اوعي اوعي كده وربنا ما طايقك
حبيبه بضحك لالا مش قادره انت ميين فين حبيبي صوته جواك ازااي فهمني ده صدق اللي قال دخول الحمام مش زي خروجه علي دخل انما مطلعش انا هدخل ادور عليه
ورايحه تدخل فمسكها من قفاها وتابع وهو بيمشي بيها بضحك علي بيت ابوكي يلا مشوفش وشك سنتين لحد ما اتخرج
حبيبه بضحك انا هروح بيت ابويا فعلاا وهديك دبلتك دلوقتي لما تزرع الصحرا دي نبقى نرجع
فرانيا فضلت تضحك بشده لما شافته وتابعت ماله ياختي ماقمر اهو علي بس مقرع شويه
حبيبه بضحك انتي هتمثلي يارانيا مقرع شويه ايه ده مفيهوش شعرره فين عليي يارانياا فين ردي علياا ده وحشني من قبل ما يسافر
فرانيا فضلت تضحك بشده فتابع علي بضحك حبيبه هتضايق وربنا
حبيبه بضحك حبيبه مين انت تعرفني يولا يقمور يا اقرع انت؟
رانيا فضلت تضحك بشده فعلي زق حبيبه وتابع بضحك اوعي بقى كده مش عايز اشوف وشك بجد
حبيبه بضحك يعمري وربنا بهزر خلاص اينعم شكلك يعر بس بحبك بردو وربنا انا دلوقتي ليه عرفت بيقولوا الحب حب الروح مش الشكل وانا شايفه روح علي فيك
علي بضحك غوري في ستين داهيه يحبيبه وسابها ودخل الاوضه ففضلت تضحك هي ورانيا بشده فتابعت حبيبه بضحك ايه اللي حصل ده يولااه خطيبي فين الحمام ده مسحور وبيبدل ولا ايه يارانيا ..هستحمل الراجل كده سنتين ازاي فرانيا فضلت تضحك بشده
حبيبه بضحك انتي بتضحكي ده شعرهم والدقن طلع اخطر من الميكاب ويقولولك بنتغش قال
-
عند نيره كانت قاعده مع امها وكريم كان طالع فشافته وبصت للشاشه وسكتت
فهاله بصتله وتابعت كريم
كريم بصلها وتابع ايه يخالتي
هاله بحب تعالى يحبيبي طمني عملت ايه مع ابو نهله
كريم دخل وتابع بابتسامه كل خير والله بس الراجل رفض اي خطوبه بسبب قرايبها اللي اتوفوا في الحادثه فعلي قاله طب نلبس دبل وادينا قرينا فاتحه من غير خطوبه ولا زغاريط ولا اي معازيم اصلا فوافق ولبسنا الدبل الحمدلله
نيره اتصدمت بشده وبصت لايديه لقيت دبله سودا فعلا فبصتله وهي بتبلع ريقها بوجع
هاله بتنهيده كده بردو يكريم؟ كنا عايزين نفرحلك يا ابني
كريم بابتسامه ياست الكل افرحي في الليله الكبيره انا بردو مقدرش اجي علي الناس ده مأجل كل حاجه لمده سنه طب هو ده ينفع نفضل كده سنه ؟؟فنزلنا جبنا دبلتين ولبسناهم عند الراجل وخلصنا ومحدش جبه معانا غير ابوها وامها واهو ابقى مبعملش حاجه غلط فهماني؟
هاله بحزن امك هتزعل اوي كانت هتموت وتفرح بيك
كريم بضحك مانا كلمتها فيديو كول هي والبنات وفهمتهم وشافونا واحنا بنشتري وخلاص على كده اصل ظروف واتحطينا فيها طيب
هاله بحزن ربنا يكملك على خير يا ابني
كريم بابتسامه اللهم امين يارب يلا عايزه حاجه؟
هاله بحب سلامتك يحبيبي
ورايح يمشي فتابعت نيره استنى يكريم
كريم تنهد وبصلها وتابع يا نعم؟
نيره ثواني عايزاك ودخلت البلكونه فدخل وراها فابتسمت بتداري زعلها وتابعت مبروك يحبيبي وبصت للبدله بقهر وبصتله وتابعت متخيلتش هيجي يوم زي ده واتفاجئ بخبر خطوبتك بس معلش مفيش حاجه بتفضل على حالها واللي بنفكر اننا مسكناه بايدينا وضمناه بيطلع مش موجود واتارينا ماسكين الهوا
كريم بابتسامه مش يمكن علشان ضمناه اللي قولتيها دي؟ الحاجه لما بنضمنها بنهمل وجودها اعتقادا مننا انها هتفضل موجوده بس مفيش حاجه بتفضل على حالها فعلا يابنت خالتي والله يبارك فيكي وعقبالك ومشي وسابها فضربت السور بايديها واتعصبت ودموعها نزلت وهي بتنهج
-
عند اسيا في العياده كانت نايمه على بطنها والدكتوره هتكشف علشان نوع الجنين
الدكتوره بابتسامه تتوقعوا ايه؟
فارس بضحك انا بقولها بنت هي مش عايزه بنت
اسيا بضحك اه اخرس انت هو يونس باذن الله
الدكتوره بضحك وانتي يا توتي عايزه ايه؟
تولين بضحك بنووته
الدكتوره بضحك هنشوف اهو وحطت الجل على بطن اسيا وبدات تكشف بالسونار واسيا مغمضه عينيها بخوف ومتوتره ففارس فضل يضحك وتابع وربنا شكلك هيموتني
اسيا بتوتر بس يفارس اسكت والنبي
فارس فضل يضحك وبص مع الدكتوره وتابع هاا بشرينا اميره ونجلط امها مش كده؟
الدكتوره فضلت تضحك وتابعت بصي بجيبها يمين بجيبها شمال النتيجه مبتتغيرش اميره فعلا
اسيا بصدمه لا بتهزرري
تولين فضلت تتنطط وتضحك وفارس فضل يضحك بشده على شكل اسيا وتابع من بين ضحكه يابنتي عييب انا عارف الهديه اللي بعتهالك
اسيا الدموع اتجمعت في عينيها وتابعت لالا اسكت انت يا دكتوره اتاكدي بنت بجد ؟؟
فارس فضل يضحك بشده فتابعت الدكتوره بضحك بنت والله وباينه جدا كمان بسم الله ما شاء الله انتي اول الخامس خلاص ومسحت الجل من على بطنها ففارس مدلها ايديه يقومها وهو بيضحك فعيطت وتابعت يفارس بطل استفزااز بجد ياربيي بقى وفضلت تعيط
فارس حضنها وفضل يضحك وتابع بس بس حقك عليا وربنا انا فرحان طيب يا اسيا اكدب عليكي؟ بموت في البنات الولاد دمهم تقيل اوي بجد
اسيا بعياط لا كنت عايزه يونس
فارس بضحك المره الجايه بقى
وتولين فضلت تضحك وتسقف وتابعت بنوته ..بنوته ..بنوته
اسيا بدموع وبحده يفارس بطل تضحك انت وبنتك وتستفزوني
فارس فضل يضحك وتابع عيله وفرحانه طيب يا اسيا وانا زيها هموت من فرحتي والله
الدكتوره بضحك يعني الاب فرحان بالبنت والام تزعل جديده دي
اسيا بدموع مش كده والله بس قولت ولد بقى نغير
فارس بضحك معلش معلش ربنا يجعلها اخر الاحزان
اسيا ضربته في صدره وتابعت بضحك مستفز بجد
فارس فضل يضحك وباس راسها بعمق وتابع طب وربنا فرحان تخيلي نسخه تانيه من توتي كده؟ من اول يوم حمل قولتلك لو بنت هفرح دول المؤنسات الغاليات انا بحب البنات وتربيه البنات ودلع البنات مليش خلق للولاد الصراحه
اسيا بصتله وتابعت عايزه ولد بردو
فارس بضحك المره الجايه بقى وسيبيها على الله متبقيش رخمه كلها نِعم
اسيا بضحك ماشي يفارس وظبطت هدومها وخدت الروشته من الدكتوره وروحوا
حماتها شافتهم وهما طالعين فتابعت بتنهيده عملتوا ايه عند الدكتوره؟
اسيا بهمس بدأنا بقى
فارس بضحك اخرسي انتي وبص لامه وتابع بابتسامه بنوته زي العسل ياست الكل
ليلى لوت بوقها وتابعت بتنهيده قال يعني وانا توقعت هيجي ولد بقى بدل ما اسم ابوك باينه هيتمسح خالص
اسيا تنهدت وسكتت فتابع فارس وهي اسيا مالها على ما اعتقد احنا كلنا متعلمين وفاهمين ان النوع من الراجل والست مجرد حاضنه للبيبي لحد مايتولد ولا ايه؟
ليلى بتنهيده عارفه يا ابني بس كنت بتمنى ولد ربنا يعوض عليكم
فارس بضحك يعوض عليناا ايه هو انا بقولك اللي في بطنها بعيد الشر مات !! مالك ياما في ايه مالهم البنات دول رزق ونعمه بدل ماتحمدي ربنا ان بنملالك البيت بنات علشان عيشتي عمرك كله بتربي ولاد
اسيا بابتسامه ومش اي بنوته ده اللي جايه بالذات هتحبها بصي انا كنت مقرره والله ان لو فرضا طلعت بنت اسميها ليلى انا بعشق الاسم ده من صغري اصلا وكنت هسميه لتولين بس علي اختار تولين فوافقت برأيه انما اللي جايه ليلى الصغيره
ليلى اتفاجئت وتابعت بدموع فرح اييه انتي هتسمي بنتك ليلى!!
فارس بص لاسيا بتفاجئ وتابع ده بجد؟! وفضل يضحك تابع يابت انتي خايفه منها ولا ايه يخربيتك
اسيا بضحك لا وغلاوتك عندي انا بحب الاسم ده فعلا علشان اتقال فيه اشعار قد كده
ليلى بدموع فرح يحبيبتي يابنتي ربنا يسعدك يارب دي حاجه كبيره اوي بنسبالي وحضنتها
اسيا حضنتها وباست راسها وتابعت بحب ولا كبيره ولا حاجه ياست الكل ماهي بنت ابنك بردو وليكي فيها زيي واكتر
ليلى بدموع وحب ربنا يقومك بالف خير يارب يحبيبتي ويفرح قلبك زي مافرحتيني
اسيا بحب اللهم امين يارب ومسحت دموعها وتابعت خلاص بقى متعيطيش
ليلى ابتسمت بحب وتابعت حقك عليا على كل مره كنت وحشه معاكي فيها وعاملتيني باصلك وعملتي خاطر لجوزك
اسيا بحب انتي ام جوزي يعني احطك فوق راسي واعاملك زي ما بعامل امي بالظبط وضحكت وتابعت كفايه انك ام الغالي يعني وجبتيلي حب عمري
فارس ابتسم بحب وفخر بيها وباس راسها بعمق وتابع يارب مايحرمني منك ابدا ياست البنات
ليلى بحب يارب يديمكم لبعض يارب يابنتي
اسيا بحب يارب امين
فارس بحب يلا طيب علشان اغير هدومي دي
اسيا بحب يلا
ليلى بلهفه لا والله خليكم نتغدا سوا انا عامله شويه اكل تاكلوا صوابعكم وراهم واخوك ومراته نازلين بردو
فارس بحب طب هغير هدومي ونازلك يحبيبتي يلا يا توتي
تولين بحب يلا
وطلعوا على السلم ففارس بص لاسيا وتابع بضحك لا بس بنت لاعيبه خدتيها في صفك في ثانيه
اسيا فضلت تضحك وتابعت طب وربي يفارس كان عاجبني من وانا بنت واسال علي كانوا بيقولولي ام ليلى علطول هو ميزته انه مبيقدمش وجميل اوي بجد فهي صدفه بس صدفه في الجول بصراحه
ففارس فضل يضحك بشده وتابع حصل والله في لحظه بقيت البنات حلوه وفرحانه بيها وهتستناها بفارغ الصبر وهتتخانق عليها تشيليها اول واحده كمان استني بس
اسيا فضلت تضحك وتابعت ايوه هتعملها ولولو هتبقى عند امك في حته لوحدها وهتشوف
فارس بضحك واثق يحبببتي كده كده اما من دلوقتي عيطت من فرحتها بعد ما بوزها كان مترين
فاسيا فضلت تضحك بشده
-
بعد يومين في اوضه علي كان حضر شنطته علشان يمشي ورانيا واسراء واقفين ماسكين دموعهم بالعافيه فابتسم وتابع مش من اولها بقى تعالوا يلا وفتح ايديه فدخلوا في حضنه فباس راسهم بعمق وتابع عايز دعواتكم وابقى ماشي مطمن عليكم هاا الكليه خطوتين من هنا بس فتره وهرجع متخلونيش امشي قلقان
رانيا بحب ودموع ربنا معاك ينورعيني ويوفقك قادر يكريم
اسراء بحب ودموع هتواحشني اوي بس فخوره بيك اوي حقيقي
علي بحب والله وانتوا اكتر وباس جبينها وتابع تسمعي كلام كريم في غيابي ها
اسراء بحب ودموع حاضر والله
والباب خبط فتابعت رانيا بدموع دي اكيد حبيبه
اسراء بصت لامها يطلعوا فبالفعل طلعوا وفتحولها فابتسمت بوجع وتابعت جهز؟
رانيا بوجع اه ادخليله
حبيبه دخلت وشافته والدموع اتجمعت في عينيها وابتسمت بالعافيه وتابعت مش عارفه اقول ايه.. بس مبحبش لحظات الوداع ما بالك لما اكون بودع حته من قلبي 45 يوم لا اسمع صوته ولا اشوفه
علي الدموع اتجمعت في عينيه وتابع هتواحشيني
حبيبه بدموع انت واحشتني من دلوقتي يعلي وراحت حضنته جامد فحط ايديه على ضهرها وفضلت تعيط وتابعت متعودتش اعيش من غيرك يوم علشان تبعد كل ده بس انا وعدتك اني جنبك وهستحمل علشان تحقق حلمك
علي بوجع متصعبيهاش عليا وغلاوه علي عندك انا مش مستحمل لوحدي
حبيبه بصتله بحب ودموع وتابعت لا والله خلاص انا زي الفل اهو وامسك صورتي اللي طلبتها واديته صوره ليها صغيره
علي مسكها منها وباسها وشالها في جيبه وتابع مش عايز اطول علشان مصعبش الامور علينا اشوف وشك بخير يعمري وباس جبينها بعمق فحبيبه منعت دموعها بالعافيه وتابعت بقهر ربنا معاك يحبيبي ويحقق كل احلامك يارب
علي بحب هيحصل طول مانتي جنبي وطلع سلم عليهم ومشي وحبيبه بصاله وموجوعه
-
تاني يوم كان فرح لميا وكلهم كانوا معاها في الفندق بعد ماجهزت ولبست فستانها وكانت زي القمر والبنات بيزغرطوا وفرحانين بيها
هناء بحب ودموع شكلك سكر بجد
لميا بحب وتوتر يعمري يارب ميحرمني منك
حبيبه حد يشوف ادهم يجماعه اتاخر اوي
نيره بتنهيده قولت لكريم يشوفه والله
وعند كريم كان في اوضه الرجاله وبيتصل بادهم لانه نزل واتاخر شويه بعد ماجهز وادهم مش بيرد وفي نفس اللحظه جات مسدج على فون وسام من ادهم"وسام الحق الموقف واتصرف وخليهم يقولوا اي سبب انا مش هعرف اجي الفرح