رواية لنا موعد اخر الفصل الثاني والستون62 بقلم لولا
زياد خرج وقف وراه وشد زناد المسدس ورفعه عليه وتابع بسخريه: لا والنبي متتكش اوي على الكلمه وانت بتقول اخوه
فسليم اتصدم بشده وبص وراه شاف زياد رافع عليه المسدس فبلع ريقه بخوف واتصدم وتابع بخوف وتقطع: زز زياد اسمع ..اسمعني بس الاول
زياد الدموع اتجمعت في عينيه وابتسم بسخريه وتابع اسمع ايه؟؟ استناكم تختاروا اسم البيبي مثلا؟؟
سليم بعصبيه وخوف اقسملك بالله دي كداابه وعايزه تلبسني معاهاا هي اللي لفت وراياا وربناا وخربت بيتي وكانت سبب في طلااقي
شيري بصتله بصدمه وتابعت بعصبيه ودموع انت بتقول ايه يحيواان انت هو انا اللي وحشه وانت اللي ملاك بريئ ؟! اشحال ما اللي في بطني ابنك يزباله !! انت ايه البجاحه دي عندك طبعع ؟؟!!
سليم خاف ومسح بايديه على وشه بتوتر وتابع زياد اسمعني اقسملك بالله انا هقول الحقيقه هي اللي نزلتلي بلبس مش تمام لما اسيا سابت البيت وقالتلي انها بتحبني وعايزاني وانها اتجوزتك علشان تفضل جنبي فانا رغبتي سيطرت عليا .. غلطت ؟؟ اه غلطت بس وربنا هي السبب
شيري بعصبيه ودموع انا السبب ايه يحيواان يا زباله ده انت قدامه في الفون كنت هتموت علياا
زياد ابتسم بوجع وتابع لا شكلكم حلو وكل واحد فيكم بيبع التاني ويرمي اللوم عليه علشان يفلت من الموضوع بس للاسف المغفل اللي انتوا ضاحكين عليه فاق وهتتعاقبوا انتوا الاتنين
سليم بخوف زياد انا ..انا اخوك هتكدبني انا علشان تصدق دي؟!
زياد بابتسامه اخويا ااه ودموعه نزلت وهو مبتسم بسخريه وتابع اصلك عملت اعتبار لانك اخويا .. ياخي ده انا امنتك على عرضي وشرفي ومشيت مديك ضهري عارف لو هي غلطت في غيابي انت تقطم رقبتها فتقوم انت اللي تعمل فيا كده يسليم؟؟! ودموعه نزلت وتابع ليه ده انا كنت بستخبى من الدنيا كلها ورا ضهرك وشايفك كبيرري وسندي بعد ابوياا ليه انت اللي تكسرني كدده!! يجدع ده انا مراتك كنت بعتبرها اختي وياما طلعت تصالحني على شيري في غياب شيري وعيني مكانتش بتترفع فيها وبتبقي في الارض وابتسم بوجع وتابع بس هي فعلا اسيا متتقارنش بشيري انت خسرت ست البنات كلهم خسرت واحده زي القمر واصيله وخسرت بنتك ولسه هتخسر يسليم
سليم بدموع زياد صدقني انا ..انا مش عارف اقولك ايه بس اقسملك بالله ده كان شيطان انا فعلا حاولت ابعد عنها بس هي كانت..
شيري قاطعته بعصبيه ودموع كانت ايه يحيوان؟ كانت ايه؟؟ وانت كل ما تلاقي نفسك رايق تجيلي زي الكلب ولا نسيت
سليم بعصبيه ودموع تسمحيي تخرسي ومسمعش صووتك سيبيني انا اتكلم مع اخوياا
زياد بوجع ودموع اخوك!! ياخي مابلاش الكلمه دي بقى بلاش الكلمه دي واعتبرني غريب احسن ليا وليك علشان لحد دلوقتي دماغي مش قادره تستوعب يعني ايه انت تعمل فيا كده؟! طب هي بنت كلب وزباله ومصانتش اخوك انت ايه يسليم؟؟ انت ازاي تعمل كده؟ ده المفروض لو هي صح جات قالتلك عايزاك تديها قلمين وتقولي طلقها ودموعه زادت وهو بيبتسم وتابع يجدع ده انا كنت بتحامى فيك من العيال في الشارع واحنا صغيرين وعايش بحسك وفخور بيك وبنجاحك اللي وصلتله وعمال اقول اخويا اخويا وابتسم بقهر وتابع فيقوم اخويا اللي يعمل كده!! وغمض بقهر وتابع اخويا اللي يكسرني ويدوس على شرفي!!
سليم بخوف ودموع نزل المسدس يا زياد وخلينا نتفاهم وانا والله هعملك اللي يرضيك
زياد ابتسم بوجع وتابع ايه اللي يرضيني؟! ايه اللي ممكن يسكتني عن حقي؟؟ انت بتساومني على ايه؟؟ بتساومني على رجولتي ياسليم فاكرني زيك؟
سليم بخوف لا انت مش زيي انت احسن مني يسيدي بس انا وانت عارفين انك مينفعش تعمل كده والا هتودي نفسك في داهيه
زياد بوجع لا قلبك عليا اوي والدموع لمعت في عينيه وتابع متخافش انا مش هموتك مش لاني ضعيف ولا خايف من الحبس لااا كده كده متفاضليش حد اعيش علشانه بس انا مش هعرف اعمل كده يسليم ودموعه نزلت وتابع بقهر مش هعرف اقتل اخويا بس اخويا قتلني وبدل ما اروح ارمي نفسي في حضنه واشكيله بقيت مش عارف اروح فين واقول لمين وبصله بقهر وتابع انا مش مصدوم انك وسخ لاني كنت واثق ان اللي ينسي دينه واخلاقه ويدمن مخدرات يعمل اي حاجه وعارف بعلاقتك بميرنا وعارف ان اسيا مسابتكش من فراغ وتخيلت كل حاجه الا انك تخوني انا .. الا انك تكسرني انا.. الا ان وساختك وقرفك يدوسوا على عرض اخوك وبص لشيري بقهر ورجع بصله وتابع مع انك عارف اني حبيتها اوي وتعبت علشان اوصلها وكفايه علياا اوي اني اتقهر وادفع تمن اختياري لكونها مبتحبنيش وبصت لغيري بس ليه انت يسليم ودموعه زادت وتابع ليه انت بالله عليك؟؟ ودموعه زادت وتابع ليه ده انا اقسم بالله لو كنت طلبت مني عيني عمري ماكنت هعزها عليك ليه اتكسر من مراتي واخوياا ليه
سليم ندم وحس انه خان الامانه اللي ابوه سبهاله وحاول يقرب منه بس زياد رفع المسدس في وشه وتابع بعصبيه ودموع متقربش مني ولا ليك دعوه بياا نهاائي وانا اه قولت مش هقتلك بس مقولتش اني مش هأذيكم واجيب حقي
سليم بخوف يسيدي ليك علياا انا همشي واسيبلك البلد كلها وهخليك تنسي ان ليك اخ اسمه سليم بس اهدى وفكر بعقلك
زياد بعصبيه العقل فات اوانه الوقت ده وقت الحق وضربه بالراس بقوه وقعه على الارض فشيري شهقت بخوف فزياد مسكه وضربه بالبوكس بعنف كذا ضربه وفضل يضرب في بطنه بالرجل بقوه تحت صراخ سليم وشهد شافته كده خافت عليه وراحتله وتابعت بدموع وخوف سيبه يا زياد سيبه ابوس ايدك ليجراله حاجه
زياد بعصبيه دي اقل حاجه واحد يعملهاا لو جيه لقى راجل مع مراته ومسك سليم من جاكته قومه وهو مش قادر يقف وبياخد نفسه بالعافيه وتابع بعصبيه يلااا تعالى وزقه دخله الاوضه ورماه على الارض فسليم صرخ بألم وراح مسك شيري من شعرها فعيطت وصرخت بألم ودخل بيها الاوضه وزقها هي كمان على الارض فشهد دخلتله وتابعت بعياط وخوف يا زياد ابوس ايدك يلا طب ايه رايك ننقل كل شغلنا كنده ومنجيش هنا تاني بس ارجوك يلا وسيبهم متوديش نفسك في داهيه
وسليم وشيري كانوا باصينله خايفين جدا وشيري بتعيط فزياد اتعصب وتابع قولتلك مش هقتلهم لو عملوا اللي انا عايزه واتنيلي اطلعي براا يللاا
شهد بخوف ودموع لا انا مش هسيبك لوحدك
زياد بعصبيه قولت اطلعي براا مينفعش تقفي واعملي اللي قولتلك عليه يلااا
شهد هزت راسها بلايجاب كذا مره وتابعت بخوف حاضر حاضر وطلعت برا فزياد قفل الباب وبصلهم وشد زناد المسدس فشيري اتخضت وفضلت تعيط ورفعه عليهم وتابع بصوا بقى كده كده هتروحوا في ستين داهيه لاني قادر بكل سهوله ارفع قضيه زنا لاني مبخلفش ومراتي حامل واتهمك فهيحللوا للي في بطنها هيلاقوه ابنك فعايزين نجيبها من قاصرها ونختصر الفرهده والااجرائات الكتيير
سليم بلع ريقه بخوف وتابع عايز ايه؟
زياد قعد على الكرسي وحط رجل على رجل وتابع بابتسامه عايز اتفرج عليكم المره دي.. مستخصر في اخوك يتفرج مره وميتغفلش؟
شيري اتصدمت وبلعت ريقها برعب وتابعت يعني ايه؟
زياد بابتسامه يعني اقلعي روبك ده يقلبي واطلعي على السرير وكده كده كلنا مش غرب على بعض ولا لسه بتتكسفوا
سليم بعصبيه انت شكلك اتجننت انت عايز تلبسني قضيه زنا يا زيااد
زياد فضل يضحك بشده وسليم وشيري باصينله ومستغربين فبصلهم وتابع بضحك اما انك غبي حقيقي مانا قايلك هي كده كده لبساك وابتسامته اختفت وتابع بحده ياروح امك انا مبخلفش واللي بطنها ابنك يعني تحليل تافهه لا راح ولا جيه يوديك انت وهي في ستين داهيه انا بس بختصر المسافات
سليم بعصبيه وان موافقتش؟
زياد ضرب رصاصه ناحيه الشباك فخرجت برا فشيري صوتت من الخوف وفضلت تعيط وتترعش فتابع زياد بابتسامه الاولى في الشارع التانيه في دماغك وعادي جداا رد شرف وهاخدلي سنتين تلاته واطلع اعيش رافع راسي فتتحبس ولا تموت اختار معاك 3 دقايق
شيري بعياط وخوف خلاص خلاص انا موافقه وقامت وهي بتترعش وفكت الروب بتاعها ورمته على الارض وفضلت بقميص بينك حمالات شفاف من عند البطن فزياد بصلها باشمئزاز وابتسم بسخريه وتابع رخص الدنيا فيكي بس عيني اللي شافتك غاليه وبص لسليم وتابع اقلع جاكتك وقميصك وجنبها يلا يحبيبي
سليم قام وقف وهو باصصله ومرعوب ورمى جاكته وفك زراير قميصه ورماه على جنب
زياد بصلهم بجمود بملامح خاليه من اي تعابير وتابع يلا هو انا اللي هقولكم ولا ايه اطلعي على الخرا ده وانت اقعد جنبها
فشيري دموعها نزلت وطلعت على السرير واتغطت بالملايه وسليم قعد جنبها واتغطى زيها وهو عمال يفكر في حل يهرب بيه وحاسس انه اتورط
زياد بابتسامه زي الفل كده وقام وقف فتح الباب وهو موجه عليهم المسدس وتابع هاا يشهد ايه الدنيا ده القسم جنب البيت
شهد جات وتابعت بخوف جايين خلاص بس انت عملت لحد فيهم حاجه؟ انا سمعت ضرب نار
زياد بتنهيده وعدتك مش هقتل حد يبقى مش هقتل حد وامشي لان منظرهم مش حلو
سليم شافه بيتكلم مع شهد ومش واخد باله فقام ضرب المسدس برجله وقعه منه على الارض فزياد اتخض وشهد شهقت برعب وخافت فسليم ضربه بالراس وقعه فشيري خافت وقامت وقفت برعب وزياد وقع جنب المسدس فبيمد ايديه يجيبه فسليم وطى ياخده
فزياد قام وبقى يشده منه وتابع بعصبيه بتغدر بياا يا ابن الكلب ده انا هطلع عين اهلك
سليم بعصبيه فكرك اني هسيبك تحبسني يا زياد ده انت لو شوفت حلمه ودنك
شهد بخوف وعياط يا زياد سيب المسدس سيبه ابوس ايدك الزناد مشدود
زياد بعصبيه مش هسيبه هو اللي هيسيبه وهوديه في ستين دااهيه
شيري فضلت تعيط وحطت ايديها على بوقها فشهد راحت تزق سليم وتابعت بعصبيه وعياط اوعاا يحيوان يا زبااله سيبه سيبههه
سليم زقها بقوه وقعها دماغها خبطت في حرف الترابيزه الصغيره اللي في الاوضه فزياد اتصدم وايديه اترخت شويه فسليم شد المسدس منه فزياد رايح يمسكه منه وبيشده فخرجت رصاصه بالغلط فشيري وشهد صوتوا واتخضوا وزياد وسليم كانوا ثابتين مبيرمشوش من الصدمه فشهد بصت لقيت دم نازل من بطن زياد فصرخت بخوف وتابعت بعيااط زياااد
فزياد وقع على الارض فشيري شهقت وحطت ايديها على بوقها وهي بتعيط وشهد راحت خدته في حضنها وفضلت تعيط بانهيار وتصرخ وتابعت زيااد ..زياااد رد عليااا يا زياااد. وفضلت تضرب خده بانهيار وتابعت ابوس ايدك رد علياا يا زيااد ارجووك
سليم اتصدم بشده لما شاف اخوه وقع قدامه والدم بينزل منه فوطي وتابع والدموع متجمعه في عينيه: زياااد "ومر قدام عينيه شريط ايامهم وذكرياتهم والسهر في الاعياد وقعداتهم على القهوه وحتى طفولتهم ولعب الكوره" فدموعه نزلت بندم شديد وتابع زياد انا اسف وعيط بانهيار وتابع انا اسف والله العظيم
شهد حضنت راسه وتابعت بعياط وصراخ يازياااد يعمرري رد عليااا رد علياا ابوس ايددك
نعمه طلعت على الصوت وشافت ابنها بالشكل ده وشكل سليم وشيري اتصدمت بشده وتابعت ايه ده!! ولطمت على وشها وتابعت بعيااط وصويت اييه ده اييه اللي بيحصلل ده اخووك مااله يسلييم اخووك فييه اييه رد علياا
شهد بعصبيه وعياط هيرد يقولك اييه وهو خانه مع مراته وحامل منه ولما زياد عرف ضربه بالناار كماان
نعمه اتصدمت بشده وتابعت انتي بتقولي اييه؟! بتقولي اييه!! ينهااار اسود ومنيل ينهاار اسود ومنيلل يحبيبي يا ابني يعمرري ياابني ووطت خدته في حضنها وتابعت بانهيار وعياط لا يازيااد لا ياابويا متعاقبنيش كدده لا ياابويا هتغير هتغير والله بس انت لا يا زيااد رد عليا يا نن عين امك رد عليا يا ابني انا السبب ينورعيني انا اللي معرفتش احكمه ولا اربيه ومسكت ايديه وفضلت تبوسها وتابعت بعياط وانهيار لا يا ابني لا قووم يا زياد قوم رد على امك قوم برد نااري وانا وغلاوتك عندي هجيبلك حقك تالت ومتلت
شهد بعياط وانهيار خليكي معااه يا طنط بكلم الاسعاف وقامت طلعت برا
نعمه حضنت زياد وتابعت بعياط وانهيار بسرعه يابنتي بسرعهه يابنتي هموووت عليه همووت يارب يااارب متعاقبنيش في ابنيي يارب متعاقبنيش في الوااد اللي فاضلي كفاايه وكسه الكبيير كفاايه وسااخه الكبيير اللي ياماا شكيت فيه وكدبت احسااسي انا السبب يا ابني انا السبب يازيااد كنت بشك وبسكت يا ابني كنت بشك ومقدرتش اتهمهم مخي مكنش قادر يستوعب ان ده ممكن يحصل حقك علياا ينورعيني حقك عليا وفضلت تبوس خده وجبينه ومسكت ايديه وفضلت تبوسها وتابعت بعياط وقهر متقهرش امك يا زيااد متقهرش امك يحبيبي يا ابنيي يحبيبيي وفضلت تصرخ وتعيط وتابعت يحبيبيي يحبيبي وحضنته جامد وهي بتعيط ومقهوره
وشيري واقفه مصدومه وجسمها ببتنفض وبتعيط فسليم وطي قدامها وتابع بدموع يما.. يما اسمعيني
نعمه ضربته بالقلم بقوه شديده وتابعت بعصبيه وعياط امك مااتت بس لو ابني جراله حاجه يسليم اعتبرني مموتش لحد ما اجيب تاره بايديه منك وبعدهاا يخش اتعدم وارتاح مش هيفرقلي وبصت لزياد وتابعت بعياط وقهر ده هو الحنين علياا ده هو اللي بيحبني وعمره ما اتأخر عن تعبي ولا عمليتي ولا استخصر فيا حاجه ده انا عايشه بحسه ليه تعمل في اخوك كده؟ واتعصبت بعياط وتابعت ملقتش الا مرااته يارخييص ملقتش الا البت اللي قالك بحبهاا تعالى اخطبهاالي يسليم مانت مكاان ابويااا ملقيتش الا شيرري اللي تبصلهااا وتكسر اخوك وكماان تضربه بايديك بالناار يسلييم بتضررب حته منكك
سليم بعياط اقسم بالله ما كان قصدي صدقيني الطلقه خرجت بالغلط وحياه بنتي
نعمه بعياط بنتك؟! ليه وهي فين بنتك؟! بنتك دي بتكبر بعيد عن عينك وبقى ليها اب تاني راجل محترم وعارف يحتويهاا ومراتك حبت بعدك وحامل واخوك عايز تموته بايديك وانا اعتبرتي موت خلاااص انت معدش ليك اي حد يسليم والزباله اللي شبهك دي نهايتها هتبقى نفس نهاايتك واول مره احس ان اسياا كانت صح لما خلت اخواتها عدومك العافيه وخليتك طلقتهاا وعيطت وتابعت وهروح ابوس على راسها كمان علشان تسامحني لان انا مش عايزه ربنا يعاقبني في ابني انما انت ؟ ينعل ابوها بطني اللي شالتك 9 شهور وكأن ربنا جعلك الشوكه اللي تكسر ضهري وتبهدلني بعد العمر ده كله علشان تجيب حق اسيا الغلبانه اللي ياما جيت عليها علشانك واتعصبت بدموع وتابعت انا لو كنت اعرف انك هتطلع زبااله كده كنت موتك من وانت في بطني ولا حتى لما اتولدت كنت حطيت على وشك مخده موتك ولا اني اعيش اللي عيشاه دلوقتي من ورااك انت كده هتوصل للي تستحقه تعيش اللي فاضلك لوحدك وتموت لوحدك انسي ان ليك ام وايااك اسمع منك كلمه يما دي تاني
فسليم دموعه نزلت ورايح يتكلم فالحكومه دخلت فالظابط وطى مسك المسدس بكيس وتابع بسخريه ده مش زنا وبس دي جريمه قتل كمان
سليم مردش بكلمه ورفع ايديه للظابط يلبسه الكلبشات وهو ساكت فالظابط ابتسم وتابع برافو عليك وفرت علينا كتير وركب الكلبشات في ايديه ونعمه شافتهم اتقهرت وفضلت تعيط وبصت لزياد اتقهرت اكتر وحضنته وفضلت تعيط وبتخبي وشها في حضنه مش عايزه تشوف سليم وهما بياخدوه فتابع الظابط خدوه هو والحلوه على البوكس فالعساكر خدوه ومسكوا شيري ففضلت تعيط وتابعت لا اناا ماليش دعوه سيبوني سيبوني ارجووكم وشدوها على برا ونزلوا بيها بالعافيه وثواني والاسعاف جات وخدوا زياد في طريقهم للمستشفى
-
عند حبيبه في المستشفى
علي كان واقف مرعوب وقلبه بيدق بعنف وخرجت ممرضه فتايع بخوف ودموع هو في ايه قلب مريضه ايه اللي وقف ابوس ايديكي طمنيني؟!!
الممرضه بحزن ادعيلها يفندم احنا بنعمل اللي علينا
علي بخوف ودموع بتعملوا اللي عليكم ازاي يعني فهميني حبيبه مالهاا هي هتبقى بخير صح؟! اكيد هتبقى بخير مش كده؟!
الممرضه بحزن الدكتور بيعملها جلسات الكهربا لاستعاده النبض ادعيلها ومشيت
علي اتصدم بشده ودموعه نزلت بقهر وتابع لا يعني ايه؟!! وهز راسه برفض وتابع بدموع وخوف لالالا اكيد في حاجه غلط حبيبه مستحيل تسيبني وعيط وتابع حبيبه مش هتوجعني كده لا هي عارفه اني مقدرش اعيش من غيرها يارب ارجوك يارب وسجد على الارض ودموعه زادت وتابع يارب متختبرنيش فيها ارجوك يارب ماليش غيرها ومش عايش غير علشانهاا ارجوك احفظهالي يارب ودقايق والدكتور خرج فعلي قام بلهفه والدموع في عينيه وتابع هاا يا دكتور طمني حبيبه بخير صح؟؟!
الدكتور بتنهيده الحمدلله النبض رجع اشتغل وحالتها مستقره ربنا يعدي الساعات اللي جايه دي على خير ومشي
علي تنهد بارتياح وهو بيغمض عينيه فدموعه نزلت وتابع الف حمد وشكر ليك يارب الحمدلله وقعد على الارض جنب الباب زي ماهو وابتسم من بين دموعه وتابع اللهم لك الحمد كما ينبغي لجلال وجهك وعظيم سلطانك
---
عند سلمى كانت قاعده على السرير ولابسه بيجامه نص كم وبرموده ومرجعه ضهرها لورا وماسكه الفون ومالك كان بياخد شاور فدقايق وخرج وهو لافف فوطه على وسطه وبينشف شعره بفوطه تانيه وتابع مش بنادي عليكي يسلمى؟
سلمى بصتله اتكسفت وحاولت تبان طبيعيه وتابعت مسمعتكش والله يحبيبي قول
مالك رمى الفوطه اللي بينشف بيها شعره وتابع كنت بقولك تجبيلي الهدوم
سلمى بحب حاضر من عيني ورايحه تقوم فابتسم وتابع خلاص يحبيبتي انا خرجت هروح البس ودخل الدريسنج لبس بنطلون بيتي وفضل عاري الصدر وخرج يسرح شعره فسلمى بصتله وتابعت احضرلك الغدا؟
مالك وهو بيسرح تابع بابتسامه: لا يحبيبي انا هنام صاحي بدري انهارده ونزلت وطلعت فمش قادر انتي جعانه؟
سلمى بابتسامه لا مش جعانه هاكل معاك لما تصحى
مالك بضحك ليه رايحه فين هخليكي تنامي معايا اصلا ومسك البرفيوم رش منه على رقبته
سلمى بضحك ليه هنام بالعافيه ولا ايه ده الساعه 6 المغرب
مالك بابتسامه اصل انا مش هطلعك برا وراح نام على السرير ودخل في حضن سلمى وسند راسه على صدرها وتابع فهتطلعي ازاي كده مثلا
سلمى ابتسمت وباست راسه بعمق وضمته ليها وغطته بالغطا وتابعت علشان متبردش التكييف شغاال وانت بتنام من غير التيشرت
مالك وهو مغمض تابع الجو حر يا لوما
سلمى بحب حتى لو مفيهاش حاجه خلي الغطا
وريحه البرفيوم بتاعته بقيت ماليه الاوضه ودخلت في رئتيها خنقتها فالدموع اتجمعت في عينيها وتابعت مالك
مالك بنوم اممم
سلمى دموعها نزلت وتابعت بدموع ممكن تقوم ثواني
مالك اتخض من نبره صوتها واتعدل وتابع مالك في اييه!! علشان نمت في حضنك صح؟!
سلمى هزت راسها بـ لا بدموع فخاف عليها وتابع في ايه يسلمى قوليلي يحبيبتي
سلمى غمضت بقهر وتابعت ريحه البرفيوم بتاعك بليز غيرها وياريت متحطش منها تاني
مالك غمض عينيه من كلامها اللي وجعه وخد نفسه بعمق وقام من جنبها من غير ولا كلمه ودخل الحمام فسلمى عيطت وتابعت يغبيه طب وهو ذنبه اييه!! في واحده تقول لجوزها كده بردو؟! وحطت ايديها على جبينها وتابعت بعياط مش طايقه ريحه البرفيوم بس هو حقيقي مش ذنبه اني افكره ان غيره كان حاططها وقرب مني مش ذنبه ان كل شويه افكره باللي حصلي بالطريقه دي وهيتقهر اني لسه حافظه كل حركه وحتى ريحه البرفيوم مش نسياها
مالك خرج وهو بينشف شعره وصدره العاري فكان سمع اخر كلامها فتابع بابتسامه لا مش هتقهر بطلي عبط ومتقلقيش عليا انتي حقك تفضلي فاكره ومش قادره تنسي ولو حد مش ذنبه اي حاجه فعلا فاهو انتي يا سلمى
سلمى دموعها نزلت وراحتله وتابعت بلهفه ودموع انا اسفه والله ..انا اسفه اني بطلب منك تاخد بالك من كل حركه وكلمه ولمسه وحتى البرفيوم دلوقتي مش حباه انت اللي مالكش ذنب فكل ده بجد يمالك
مالك حط ايديه على خدها ومسح دموعها وباس جبينها بعمق وبصلها وتابع يحبيبتي انا جوزك يعني من غير اي حاجه لو في برفيوم حطيته معجبكيش مش هحط منه تاني ولو في حركه ضايقتك بلاش منها في النهايه احنا متجوزين نتشارك مش هاخدك لحسابي لوحدي
سلمى بدموع ايوه بس انا ابتديت اعلق على حاجات كتير فبفكرك وبضايقك
مالك بحب يحبيبي مين قال كده بس هو انا دلوقتي لو قولتلك بلاش يسلمى من البرفيوم ده بيخنقني او مش عاجبني حطي غيره يبقى انا غلطان وبضايقك؟
سلمى هزت راسها بـ لا فمالك ابتسم وتابع بس فبنفس المنطق انا اعتبرته معجبش مراتي خلاص هحط منه ليه ومسك الازازه رماها في السله وتابع بلاش منه خالص وانا من نفسي لما فهمتك قومت خدت شاور سريع كده لان مش هيروح بسهوله ومخدتش الموضوع بحساسيه انتي بس اللي مركزه لان الموضوع تاعبك
سلمى ابتسمت بحب من بين دموعها ووقفت على اطراف صوابعها وحضنته جامد وتابعت بحب ودموع انا محبتش في حياتي كلها قدك بجد
مالك حط ايديه على ضهرها وضمها ليه وتابع بابتسامه ولا غيري لو سمحتي
سلمى ضحكت من بين دموعها وبصتله وتابعت ولا غيرك ده كفايه انك الراجل الوحيد اللي حسيت معاه بامان بعد علي
مالك برفعه حاجب انتي كمان وصلت بيكي تقارني احساسيك معايا باحساسيك مع علي!! هو اكمني انا راجل محترم ومتممتش جوازي لحد دلوقتي يعني هتساويني باخوكي؟!
سلمى فضلت تضحك بشده وحضنته وتابعت لا بقول الامان انما عيب عليك انت جوزي حبيبي اساويك باخويا ازاي بس ده حتى عيب في حقك
مالك بضحك هو عيب في حقي فعلا ووطى شالها بين ايديه فهشقت بخضه وفضلت تضحك فتابع بضحك اضحكي وادلعي كمان واتعبي اعصاب امي انا معاكي ومشي بيها ناحيه السرير
سلمى اتوترت وتابعت بضحك هتعمل ايه انت اتجننت
مالك حطها بهدوء على السرير وتابع بضحك هموت واعمل والله بس هتنيل واسكت متجننتش لسه بعقلي ووطى اعتلاها وباس رقبتها بعمق فسلمى اتوترت وهمست مالك
مالك قلبه دق بعنف من طريقه نطقها لاسمه فرفع راسه بص لعينيها اللي بيعشقهم وتابع عيون مالك
سلمى بتوتر سيبك مني وامشي ورا قلبك
مالك بابتسامه متاكده امشي ورا قلبي؟
سلمى هزت راسها بـ اه بتوتر فمالك ابتسم وتابع قلبي شايف الخوف في عينيكي ومش مطاوعني ووطى نام في حضنها زي ماكان وهمس سيبها هتيجي بالوقت يعمري فسلمى ابتسمت بحب وحضنته وفضلت تمشي ايديها على شعره وهو في حضنها لحد مانام ودقايق وسمعت جرس الباب بيرن فنزلت مالك من حضنها بهدوء وباست خده وغطيته وطلعت راحت للباب وبصت من العين السحريه لقيته عصام فتنهدت بعمق والدموع اتجمعت في عينيها وفتحت الباب
عصام شافها ابتسم بحزن وتابع طلما فتحتي بشعرك وبالبيجامه تبقي عرفتي مش كده؟
سلمى مردتش عليه ودخلت الصالون وهي مديهاه ضهرها فعصام قفل الباب وراح وراها وتابع بوجع عايز اكلمك .. تجاهلك ليا في المستشفى كأني مش واقف قهرني يسلمى
سلمى وهي مدياه ضهرها دموعها نزلت وتابعت جاي ليه يعصام؟
عصام راح حط الحاجات اللي جابها على السفره ووقف قدامها ورفع دقنها بايديه علشان تبصله وتابع بوجع : الاول كان ممكن اسيبك تهدي شويه بعدين اراضيكي بس دلوقتي بالذات لا مش هيبقى انتي وعلي
سلمى بدموع ووجع علي عنده حق والوحيد اللي فهمك صح ..رغم اني الوحيده فيهم اللي حبيتك وقلبي حس بيك واعتبرتك مننا الا اني بردو معرفتش افهمك صح زي علي وابتسمت بدموع وتابعت مبسوط؟ مبسوط يا سيد الرجال انك اتكلمت على شرف اختك بالوحش؟ واتعصبت بدموع وتابعت ورايح تعاير مين انت ومراتك؟ اخوك الكبيير اللي المفروض تحط ايديك في ايديه وتجيبوا حقي مش تكسر ضهره بياا !!
عصام دموعه نزلت وتابع اقسملك بالله انتي فهماني غلط وانا مقهور عليكي من قبل ما اعرف انك اختي مابالك لما عرفت؟! بس حقيقي انا مش وحش كده يسلمى وبص على المصحف المحطوط على الكومود اللي في الصاله وراح حط ايديه عليه وتابع بدموع والمصحف ده انا مافتحت بوقي بكلمه لرفيده ولا كنت اعرف انها هتكلم علي
سلمى بدموع اومال هي عرفت ازاي؟
عصام بوجع سمعتني وانا بكلم الظابط وبقوله يقفل القضيه وهبعتله الفلوس وراحت قالت لعلي ومن قبل ما اعرف انك اختي طلقتها انما انا اقسم بالله مانطقت بكلمه وحشه عليكي ده يتقطع لساني قبل ما اعملها
سلمى شهقت وتابعت بدموع ينهار اسود طلقتهاا ازاي يعني ليه خراب البيوت ده يعصام
عصام بحده ودموع علشان جات عليكي ومحترمتنيش للمره اللي معرفش عددها فخلاص يسلمى انا تعبت منها حقيقي تعبت وجبت اخري ذنبك ايه انتي فكل ده
سلمى عيطت وحضنته جامد فعصام ضمها ليه اوي وباس جبينها بعمق وتابع بدموع انا اسف انا السبب فكسرتك قدام علي علشان اتجوزت واحده زباله زي دي
سلمى بعياط لا متقولش كده ده انا اللي اسفه اني جيت عليك وجرحتك بكلامي من غير ما افهم اللي حصل
عصام ضمها ليه اكتر وباس راسها بعمق وفضل يطبطب على ضهرها وتابع بابتسامه من بين دموعه: خلاص اهدي يعمري حصل خير
سلمى بصتله بدموع وتابعت علي فاهمك غلط اوي في الموضوع ده يعصام
عصام تنهد بعمق وتابع عارف ومستني نطمن على خطيبته بعدين هتكلم معاه
سلمى ابتسمت بدموع ومدت ايديها مسحت دموعه وتابعت بحب ودموع: من اول ما شوفتك واتخبطت في حضنك في الشارع ليله ما علي اتحبس وانا قلبي قالي انك غير مابتبين وحبيتك واعتبرتك اخويا بس اللي مفرح قلبي انه بقى بجد ودموعها زادت وتابعت مبسوطه انك بقيت مننا ياعصام
عصام ابتسم من بين دموعه ورفع ايديها باسها وتابع مش قدي والله انا حرفيا طاير من فرحتي وتنهد وتابع رغم اني مش مستوعب لحد دلوقتي الا اني فعلا مبسوط لاني عشت عمري كله لوحدي واتمنيت يبقى ليا عيله ويوم مايبقي ليا عيله تبقوا انتوا فـ دي بالنسبالي بالدنيا كلها
سلمى بحب ودموع يا حبيبي ربنا يخليك لينا يارب ومدت ايديها مسحت دموعه وبصت على الحاجات اللي على السفره وتابعت تعبت نفسك والله انا عندي كل حاجه
عصام بحب وايه يعني يعمري ربنا يزيدك يارب وعقبال ما اجيب للنونو
سلمى تنهدت وتابعت يارب والله اتمنى وقعدت على الكنبه
عصام قعد جنبها وتابع باستغراب مالك يعمري في ايه؟
سلمى بصتله وتابعت بتنهيده: انا خايفه ولحد دلوقتي محصلش بينا حاجه وطول الوقت بفتكر اللي حصلي وبضايقه من غير ما اقصد
عصام بابتسامه اي واحده بنت ناس متربيه هتخاف في يوم زي ده انتي هتبقي كويسه لما تبطلي تربطي الماضي بحياتك دلوقتي يسلمى.. يعني خوفتي وايه يعني مانتي متربيه على الحدود ودي اول مره تبتدتي تتعديها فـ ده طبيعي وده جوزك حلالك طبعا..طب قلقتي او رافضه خالص عادي جدا لانك عروسه جديده وخايفه من الحياه الجديده دي كلها عامه انما حاولي متربطيش الماضي وشوفي ثيرابيست تساعدك
سلمى تنهدت بحزن وتابعت روحت والله وعملت كده فعلا
عصام بحب وانتي طول ما بتحبي جوزك هتحسي معاه بامان بس متبطليش تحاولي هتيجي بالتدريج والله
سلمى ابتسمت بحزن وتابعت نفسي افرحه هو يستاهل يفرح زيه زي اي عريس نفسي اعوضه على حبه وحنيته ووقفته جنبي دول والله
عصام بابتسامه والله انتي بنت اصول وربنا بيحبه علشان كرمه بيكي لانك رغم الأذي النفسي اللي حاسه بيه الا انك بتدوري على فرحته هو وخدها في حضنه وباس راسها بعمق وتابع ربنا يتم ليلتك على خير ينورعين اخوكي واشوفك مبسوطه وفرحانه العمر كله يارب واشيل عيالك
سلمى بحب اللهم امين يارب وبصتله وتابعت بابتسامه يلا تعالي ساعدني نعمل الغدا وناكل سوا
عصام بحب لا يعمري انا همشي كلي مع جوزك الا هو فين صحيح؟
سلمى بحب نايم ومفيش منه الكلام ده مش اول مره تدخل بيت اختك هتمشي كده اخص عليك يا عصام
عصام بحب انا مش غريب ولا ضيف للكلام ده بطلي عبط وضحك وتابع روحي صحيه الحيوان اللي نايم ده وخليه ياكل معاكي انا مش قادر افهم واحد معاه الحلاوه دي كلها جاله قلب ينام ازاي
سلمى بضحك معندوش نظر
عصام بضحك ده حصل والله
سلمى: طب اخلص بجد تعالى ساعدني في الاكل ونعمل سوا وبالمره تحكيلي على إيلين اللي سحبتها على جنب انهارده وغمزت
عصام فضل يضحك بشده وتابع ده انتي مركزه بقى
سلمى بضحك جداا فوق ماتتخيل يلا تعالي ورايا وقامت دخلت المطبخ وعصام قلع جاكت بدلته وشمر اكمام القميص ودخل وراها وتابع جوزك عارف اني اخوكي ولا هيقوم من النوم يشوف الواقفه دي يقتلنا؟
سلمى فضلت تضحك وتابعت لالا متقلقش عارف قولتله واحنا راجعين في الطريق المهم بتحب البانيه؟
عصام بحب اه يعمري بحبه
سلمى بحماس اتفقنا وطلعت بانيه من الفريزر وحطته في مايه يفك وبصتله وتابعت انت هتقف كده يلا امسك الطماطم قطعها لحد مانا احضر تتبيله البانيه واحكي وسمعني ولا متعلمتش في امريكا تساعد حد في المطبخ؟
عصام فضل يضحك وتابع انا مكنتش بخلي اللي ينتقم منها ربنا تعمل حاجه لوحدها اصلا غير اخر فتره لان في امريكا ده طبيعي لعلمك بيقدروا الست اكتر برا
سلمى وهي بتجيب علب التوابل تابعت بابتسامه : اممم عارفه جدا عكس هنا وتنهدت وتابعت لو لقوا واحد جايب بوكيه ورد لمراته هيقولولك سحراله
عصام فضل يضحك ومسك الطماطم يغسلها وتايع ده حصل جداا بس انتي الطماطم دي ليه؟ الاكله الشهيره مكرونه وبانيه صح؟
سلمى بضحك صح هو اي عروسه محتاسه بتعمل كده المهم اخلص واحكي علشان انت بتتهرب
عصام بضحك لا وربنا ما بتهرب ومسك السكينه وتابع وهو بيقطع: ياستي هو كل الحوار انا وهي عملنا حادثه مره بسيطه وخبطتها وانا خارج من الشارع الجانبي اللي عندنا وهي كانت ماشيه من عند حبيبه ونزلنا اتخانقنا وهي بقي اتفرعنت عليا وانت متعرفش بتكلم مين والحركات دي
سلمى بضحك اه حقها طبعا
عصام بضحك مابقولك بس انا بردو الجلاله خدتني وهزقتها وكده بس كلمه حق بت قمر بصتلها كده انبهرت حتى الخرا رفيده شافتني وانا باصص عليها وعملتلي حوار فاهي من البدايه كبنت لا عجباني ودخلت دماغي اوي فبعدين اتفاجئت بيها في خطوبه علي وقعت في حضني حرفيا وهي بترجع بضهرها
سلمى بضحك يسيدي يسيدي وغمزتله
عصام فضل يضحك وتابع وربنا ماكنت عايزها تخرج بس ما علينا اكملك
سلمى بصتله بتفاجئ وفضلت تضحك بشده وتابعت وكنت متجوز رفيده
عصام بضحك يستي وهي رفيده دي ست اقعدي ساكته ده الواحد خدم علي خدمه مش هينساها العمر كله وظلم نفسه
سلمى فضلت تضحك وتابعت من بين ضحكها: مبقتش شايفها حلوه يعني خلاص؟
عصام بضحك اه لقد زال السحر الان اراها قرده
فسلمى فضلت تضحك بشده وتابعت يعمري حقك ما كانت معيشاك في حيوانات حقك تقول قرده
عصام اكل من الطماطم اللي بيقطعها وتابع بضحك عندك حق والله
سلمى بضحك نفس حركه علي وهو بيقطع الطماطم يخرابي منك مسبتلوش حاجه
عصام بضحك العرق دساس وكده المهم يستي بعد كده روحتلها المستشفى كنت عايز اساعد حد معرفه يعني علشان الادمان واتعرفت عليها اكتر وخدت رقمها وبقينا صحاب بس هي حبتني وانا حبيتها انا واثق بس لما لقيتني رديت رفيده اتحولت 180 درجه ووافقت على العريس
سلمى بصتله بحزن وتابعت حقها وبنت متربيه مينفعش فعلا تفضل مع واحد متجوز فمتلومش عليها
عصام تنهد بعمق وتابع عارف والله ان حقها بس انا عايزها يسلمى قسما بالله هموت لو اتخطبت لمراد ده
سلمى بابتسامه هسألك سؤال يعصام
عصام هز راسه بمعنى أسالي
سلمى بتنهيده نصيبك لو قدامك وممدتش ايدك خدته ايا كان هو ايه شخص ..حلم ..هدف ..تفتكر هيفضل نصيبك؟؟
عصام فهم معنى كلامها وتنهد بعمق وتابع فهمتك قصدك اني لازم احارب للاخر علشان الحاجه بتبقى متقدره ليا بس عايزه مني حركه او مجهود
سلمى بابتسامه بالظبط وكمان انت الراجل هي مش مطالب منها ابدا انها تحاول ..حارب علشان حبك يعصام قبل ما البنت تضيع منك
عصام بابتسامه اوعدك هعمل كده
-
تاني يوم الصبح علي مكنش اتحرك من جنب اوضتها ولا نام وعينيه حمرا زي الدم وقاعد بيعد الثواني والدقايق علشان يدخل يشوفها وشاف الدكتور معدي فقام وقف وهو مرهق جدا وتعبان وتابع دكتور لو سمحت
الدكتور بصله وتابع اؤمرني
علي تنهد بتعب وتابع فات الـ 12 ساعه بقالهم 4 ساعات وقاعد مستني حد يطمني ويخليني ادخلها ابوس ايدك اعمل فيا معروف انا ولا كالت ولا شربت ولا اتحركت من مكاني
الدكتور بصله بحزن وتابع كنت بمر صدقني وهدخل اطمنك عليها وبص للممرضه اللي واقفه وتابع مريم اديه لبس علشان يلبسه فوق هدومه وكمامه علشان هندخله العنايه خمس دقايق
علي بلهفه ودموع روح ربنا يباركلك يارب تسلم
الدكتور بابتسامه العفو ربنا يطمنك عليها يارب
علي بحب ودموع اللهم امين يارب وراح مع الممرضه ولبس اللبس المخصص للعنايه وحط كمامه على وشه ومشي في اتجاه اوضه حبيبه فخرج الدكتور وتابع بابتسامه عدت مرحله الخطر مليون مبروك عقبال ماتقوم بالسلامه
علي بدموع فرح اللهم لك الحمد الحمدلله والله نشكر ربنا تعبتك معانا جدا يا دكتور
الدكتور بابتسامه لا متقولش كده ده شغلي يلا دخليه يا مريم بس متضغطهاش وشويه صغيرين وتخرج
علي بلهفه حاضر والله وخد نفسه بعمق ومشي مع الممرضه وفتحتله الباب فدخل وقفلت عليه وشاف حبييه نايمه وجسمها متوصل بلاجهزه وصوت جهاز نبض القلب هو اكتر حاجه مسموعه ودموعه نزلت مقهور عليها ومر قدامه شريط ايامهم وهي كلها نشاط وحيويه ودايما بتنكشه وضحكتها منوره وشها وقلبه وجعه اوي عليها وراح شد الكرسي وقعد جنبها وهمس بدموع حبيبه ..ودموعه زادت ووطى مسك ايديها باسها فشاف اسمه اللي عملاه بالحنه فابتسم بقهر وتابع بدموع طلما بتحبيني اوي كده هونت عليكي توجعيني ازاي؟ ودموعه زادت وتابع مقهور وانا شايفك بالشكل ده لا حول ولا قوه وانا متعود عليكي مش بتبطلي حركه.. طب اقولك قومي واعملي كل اللي نفسك فيه عصبيني وضايقيني واعملي الحركات الطايشه بتاعتك دي وانا والله ما هكلمك تاني وغلاوتك عندي ماهزعلك ولا اسيب الزعل يطول بينا بالشكل ده ووطى وهو ماسك ايديها وباسها بعمق ودموعه بتنزل وتابع قومي وغلاوه علي عندك هموت من غيرك يحبيبه ومش هقدر اكمل حلمي في تعبك.. فاكره لما قولتيلي انا جنبك وعمري ماهسيبك وهفضل معاك لحد ماتحقق حلمك؟ طب ازاي هونت عليكي تقهريني وتخوفيني بالشكل ده قوليلي؟! ازاي تسيبي ايدي فاجاه وانا اتعودت مبسندش غير عليكي ومبعيطش غير في حضنك.. طلعت الحياه ملهاش معنى من غيرك يحبيبه وغيابك خلاني عرفت ان اليوم العادي في وجودك جنه ودموعه زادت وتابع انا حبيتك من زمان بس عمري ماتخيلت اني هضعف واقعد اعيط زي العيال الصغيره كده من غيرك.. فكرت نفسي جامد اتاريني واقف على رجلي وجامد علشان كنتي بتسنديني وانا ياما استحملت تجارب انما قسمابالله فيكي انتي مش هقدر ده انا اديكي قلبي تعيشي بيه بس قلبك انتي ميقفش ودموعه زادت وتابع كنت فاكر لما اتيتمت وخسرت حلم الشرطه زمان ومكتبتي ولعت ومراتي سابتني واتحبست اني خسرت كل حاجه وابتسم بوجع وتابع بس امبارح لما حسيت اني ممكن اخسرك استوعبت انك انتي اللي كل حاجه ..حبيبه هي كل حاجه في حياه علي وباس ايديها وتابع بدموع كل حاجه خسرتها قبلك هتتعوض انما مفيش حاجه تعوض ضافرك فابوس ايديكي قومي واقفي على رجلك زي الاول من تاني يحبيبه انا ضعيف من غيرك انتي سندي وكل قوتي
حبيبه حركت ايديها بخفه فعلي حس بيها وبصلها بلهفه وتابع بدموع حبيبه ..حبيبه انتي سمعاني؟!!
حبيبه فضلت تحرك رموشها ببطئ وفتحت نص فتحه وهمست بتعب علي
علي قرب عليها اكتر وتابع بدموع ولهفه يانورعين علي ايه يحبيبتي ايه قولي سامعك
حبيبه بصتله بتعب وتوهان وهمست انا فين؟
علي بلهفه ودموع انتي في المستشفى يعمري بسبب الطعنه والحمدلله عملتي العمليه وبقيتي زي الفل متخافيش انا جنبك
حبيبه
حبيبه بتعب علي انا بردانه اوي وحاسه ايدي ساقعه
علي بلهفه ثواني يحبيبتي حاضر حقك عليا وراح جاب بطانيه في الاوضه وفردها عليها براحه وفضل يغطيها وقعد على الكرسي وقرب منها ومسك ايديها بين ايديه الاتنين وفضل ينفخ فيها ويحركها بيحاول يدفيها وتايع بلهفه كويسه صح؟
حبيبه هزت راسها بـ اه وتابعت بتعب عطشانه
علي بوجع ينورعيني يقطعني.. حقك على عيني الدكتور مانع المايه خالص دلوقتي انا اسف يعمري ومسك ايديها باسها بعمق
حبيبه بصتله بتعب وابتسمت بالعافيه وتابعت بهمس خوفت اموت قبل ما اقولك اني بحبك وعمرك ماهونت عليا يا ابن قاسم
علي دموعه نزلت بانهيار وضم ايديها وهو بيبوسها وتابع بدموع وقهر: الف بعيد الشر عنك ينورعين ابن قاسم متقوليش كده ابوس ايدك يارب انا وانتي لا يعمري ده انا اموت وراكي يحبيبه وقام باس جبينها بعمق فدموعه نزلت على خدها
حبيبه ابتسمت بتعب فعلي بصلها بقهر ودموع وتابع انا اسف اني زعلتك حقك عليا وعمرها ماهتحصل تاني والله وانا بحبك وبموت فيكي وعمرك ماتهوني عليا ده انتي بنتي وحبيبتي وصاحبتي وخطيبتي وهتبقي مراتي وام عيالي وكل حاجه في حياتي قسما بالله قلبك لو وقف تاخدي قلبي فداكي
حبيبه بصتله بحب وابتسمت بتعب وتابعت بهمس: فكرت اني بحبك اكتر مانت بتحبني
علي بدموع علشان هبله ده انا محبتش غيرك ومعرفتش الحب غير على ايدك ميغركيش القسوه اللي بقساها عليكي ساعات ده والله وقت غضب مش اكتر ..حبيبه انتي نورعيني ده انا حسيت اني اتيتمت فعلا وانا قاعد امبارح هموت والمحك ومش قادر ورفع ايديها باسها وتابع بدموع بس كده يهون عليكي تقلعي دبلتي مهما حصل بينا يحبيبه؟
حبيبه ابتسمت بتعب وتابعت بهمس لبسهالي انا مقلعتهاش انا حطيتها في سلسله وكنت لبساها في رقبتي جوه الهدوم لحد مانت تلبسهالي وعملت كده علشان بابا صمم انما عمري ما ابعدها عني .. كانت جنب قلبي
علي باس ايديها بعمق وتابع بدموع عارف علشان ادوهاني امبارح هي واسمي وكل حاجتك وقومي بالسلامه وانا البسك بايدي كل حاجه
حبيبه بتعب وضيق: وهما قلعولي اسمك من رقبتي ليه ان شاء الله
علي بضحك يعمري علشان عمليات مينفعش بس متقلقيش هلبسهوملك بنفسي وابتسم وتابع حتى وانتي تعبانه سكر والوحيده اللي بتقدر تخرجني من المود
حبيبه ابتسمت بتعب وتابعت بهمس عايزه اتجوزك قبل ما اموت ياعلي علشان اكون خدت نصيبي من الحظ فيك
علي ابتسم بوجع وتابع الف بعيد الشر عنك يعمري وهنتجوز والله وهنجيب حبيبه وعلي الصغيرين وهنعدي الفتره دي على خير متخليش اللي حصل يخوفك او يأثر فيكي لسه ليكي عمر وربنا عالم اني هموت بعدك فمرضيش يكسر بخاطري
حبيبه الدموع اتجمعت في عينيها وتابعت مكنتش هتنساني بعد سنين وتتجوز؟
علي ابتسم بدموع وتابع انسى ايه؟ انسى ايه يابنت الكلب؟ ودموعه نزلت وتابع انا محتاج انسى 25 سنه علشان انساكي يحبيبه.. محتاج انسى عمري بحاله وباس جبينها وايديها وتابع انتي متتنسيش انتي تتحبي العمر كله وتحرم عليا ستات الدنيا كلها الا انتي ده لو مثلا سيبنا بعض مش هعملها تقومي تقوليلي لو بعيد الشر عليكي اعملها؟ ليه هو علي هيعرف يعيش بعدك عادي اصلا ؟
حبيبه دموعها نزلت فعلي مسحهم وباس جبينها فهمست نفسي احضنك
علي بصلها وابتسم بحب وتابع على عيني بس شايفه شكل الاجهزه عامل ازاي الدكتور منبهني من امبارح ملمسكيش على قد ما اقدر
حبيبه بصوت متألم لما نخرج انا عايزه امشي من هنا وبطني بتوجعني اوي يعلي
علي بخوف مش بمزاجنا يحبيبه تمشي استني هشوفلك الدكتور علشان بطنك وباس جبينها بعمق وخرج وثواني وجاب الدكتور فشال الغطا علشان يكشف بطنها ويشوف الجرح فعلي انتبه وتابع بغيره هو مفيش دكاتره بنات طيب؟
الدكتور بضحك لا مفيش دكتوره الجراحه لسه مجاتش ومتقلقش انا بغطيها بطنها بس بتبان
علي بغيره لا هو الفكره انا لو خدت بالي امبارح كنت خليت الدكتوره اللي تعمل العمليه بس الواحد كان في عالم موازي
حبيبه ابتسمت بتعب وتابعت بهمس ارحم وسيب رحمه ربنا تنزل انا تعبانه
علي رفع صباعه عند شفايفه سكتها وتابع للدكتور لا معلش هتبين قد ايه وريني قبل ماتعريها
الدكتور بضحك والله بطنها بس الحته دي وشاور لعلي على مكان الطعنه فعلي وقف جنبه وتابع تمام وريني
فالدكتور ضحك وشال البطانيه والغطا وبقى يرفع الجاون لفوق شويه علشان يجيب مكان القطعه فعلي مسك ايديه وتابع ايه؟ ايه؟ رايح فين مش فاهم ده كشف على بطنها مش ولاده طبيعي بترفعه ليه؟
الدكتور بضحك يفندم بجيب القطعه والله متقلقش غطيها انت بنفسك طيب
علي بتنهيده طب معلش ثواني ومسك الغطا وبقي يغطيها وجاب هو القطعه اللي على بطنها مباشره واتوجع من شكل جرحها والشاش وتابع بتنهيده اتفضل يادكتور
فالدكتور وقف وكشف عليها وعلي واقف فابتسم وتابع وهو بيغطي الجرح تاني وبيحط غيار نضيف :ما شاء الله الجرح زي الفل نضيف ومفيش اي التهاب ولا نزيف الحمدلله
علي بقلق أمال بتتوجع كده ليه؟
الدكتور بابتسامه طبيعي يا بطل احنا فاتحين بطن ولامسين الامعاء نفسها فكل نفس وكل حركه بتوجع وده معناه ان الجسم بيخف الوجع ده صحي لحد ما باذن الله الامعاء ترجع تشتغل تاني طبيعي علشان كده هتفضل صايمه كام يوم وماشيه على المحاليل لحد ما نسمع صوت بطنها
حبيبه بوجع طب مفيش حاجة توقف الوجع ده؟
الدكتور هزودلك مسكن في المحلول دلوقتي 5 دقايق وهتحسي انك احسن وهتنامي شويه بس مش هينفع بنج تاني البنج الكتير غلط على الجرح عايزك بس تحاولي تتحركي على مهلك لما تفوقي وانتي مكانك كده
حبيبه هزت راسها بماشي بتعب فالدكتور بص لعلي وتابع تنام واطلع ورايا بقى علشان الكلام الكتير غلط عليها
علي بتنهيده حاضر اكيد
فالدكتور حطلها المسكن في المحلول وخرج وعلي قعد ومسك ايديها وباسها فحبيبه ابتسمت وتابعت بهمس بتتخانق مع الدكتور وانت اللي جايبه ياعلي
علي بضيق اسكتي علشان الموضوع ده معصبني وهما غفلوني امبارح مكنتش مركز
حبيبه ابتسمت بتعب وتابعت معلش مش هنروح لدكاتره لرجاله تاني
علي برفعه حاجب ده غصب عنك مش بمزاجك
حبيبه بابتسامه يسيدي كده كده هسمع كلامك مانت عارف مبنزلكش كلمه الارض
علي ابتسم بحب وباس ايديها بعمق وتابع ثبتتني يارب يديمك ليا ويباركلي فيكي يارب يا ام حمزه
حبيبه بحب نن عيون ام حمزه وحست بدوخه فتابعت بهمس علي متسبنيش غير لما انام انا خايفه خليك جنبي
علي بحب جنبك العمر كله ومش هتحرك من جنب الاوضه لما اطلع
حبيبه بصتله بتوهان ودوخه وتابعت بتعب قلبي مغلطش لما حبك وصمم ميحبش بعدك يعلي
علي بابتسامه روح قلب علي والله وقام وطى باس جبينها بعمق وتابع هتنامي خلاص صح؟
حبيبه بتعب وهي بتغمض اه مش قادره بس خليك لحد ما... وصوتها ابتدى يوطى تدريجيا لدرجه مفهمش قالت ايه في الاخر فضحك وتابع لحد ما ايه بقى ده انتي روحتي سويسرا خلاص وحط ايديه على شعرها ووطى باس جبينها بعمق وغطاها كويس وباس ايديها وخرج
-
عند اسيا وفارس الساعه 8 ونص الصبح
اسيا كانت بتحضر الفطار وسمعت صوت الباب اتقفل فابتسمت وتابعت انت جيت يحبيبي
فارس رمى المفاتيح على السفره ودخلها وتابع بتنهيده اه وديت البت الحضانه وجبتلك الطلبات اللي عايزاها اهي وحط الحاجه على الرخامه
اسيا بصتله باستغراب وتابعت مالك يا فارس في ايه واتاخرت ليه كل ده
فارس مسح بايديه على وشه وتنهد بعمق وتابع كنت واقف مع واحد صاحبي شويه بس انتي مفتحتيش سوشيال انهارده خالص؟
اسيا بقلق لا مفتحتش في ايه خوفتني؟
فارس تنهد وتابع زياد طلع مبيخلفش وعرف كل حاجه لان شيري حامل
اسيا شهقت وتابعت بصدمه اييه انت بتقول اييه عرفت منين الكلاام دده وازاي ينزل سوشيال مش فاهمه !!
فارس بتنهيده سليم بقى معروف حاليا والموضوع مش بسيط يا اسيا لان زياد واجهم ورفع عليهم مسدس لحد ما الحكومه تيجي فسليم ضربه بالنار بالغلط فالحكومه جت خدته هو وشيري وزياد في العنايه
اسيا اتصدمت وتابعت بدموع وخوف ينهاار اسود ينهاار اسود ضررب اخوه بالناار ..قدرر يعمل كدده في زيااد !! وفضلت تعيط وتابعت روح ياشيخ ربنا ينتقم منك اشد انتقام على اللي عملته في اخوك وحياه بنتي اللي دمرتها
فارس بوجع دي اكتر حاجه مضيقاني انا موجوع لزياد وكتر الف خيره صعبه اوي صراحه بس باذن الله هيقوم بالسلامه وربنا هيعوضه انما تولين اسم سليم هيفضل ملازمها العمر كله والقضيه كبرت شروع في قتل لو زياد عاش باذن الله وزنا
اسيا بعياط يمصيبتي السوداا اعمل ايه في البت ومنظرها وسط النااس روح الهي ربنا ينتقم منك يسليم مش مسامحه نفسي والله مامسامحه نفسي
فارس حضنها وتابع بوجع اهدي حقك عليا تولين ملهاش ذنب حقيقي بس انا وانتي معاها ومش هنسمح لاي حد في الدنيا ياخدها بذنب الكلب ده
اسيا بعياط دي سُمعه يا فارس ..سُمعه يحبيبي وهتفضل ملازمها ان ابوها اتسجن ومش بعيد يتعدم
فارس تنهد بعمق وباس راسها وفضل يطبطب على ضهرها وتابع حقك عليا اهدي طيب
اسيا بصتله بدموع وتابعت عايزه اروح لزياد يفارس عايزه اشوفه واطمن عليه
فارس هز راسه بالموافقه وتابع من عيني حاضر اول ما حالته تستقر ويسمحوا بالزياره هوديكي اهدي بقى يحبيبتي مش كده الحمدلله انه مفضلش مغفل ده لولا ربك كانت هتلبسه عيل مش ابنه كمان
اسيا بعياط هي وهو مشوفتش احقر منهم الله يكون في عون زياد والله ويقومه بالسلامه يارب
فارس بتنهيده حزينه يارب امين يحبيبتي
-
بعد شويه عند عصام كان قاعد قدام البحر وبيبص لساعته كل شويه ونفخ بتوتر ومسك الفون
ودقايق وإيلين جات وشافته من بعيد قاعد ماسك الفون فاتوترت وقلبها دق بعنف وتابعت بوجع هفضل لحد امتى بسمع دقات قلبي لما بشوفك؟ وتنهدت بوجع وراحت قعدت جنبه وابتسمت وتابع صباح الخير
عصام بابتسامه ده ياصباح النور و.. سكت بصدمه من لبسها (كانت لابسه شورت جينز قصير وتيشرت ابيض حماله) وتابع بعصبيه انتي ايه اللي لابساه ده انتي اتجننتي؟!
إيلين اتخضت وتابعت في ايه يعصام هو انا اول مره البس كده وبعدين فارقه معاك ايه؟
عصان بعصبيه اول مره تلبسي كده ايه ده انتي مش لابسه ايه الخراا ده على دماغك وقلع جاكت بدلته رماه في وشها وتابع بعصبيه امسكي البسيه اخلصي يلاا انتي هتنحي الشاارع كله باصص عليناا ولا التجربه الدنماركيه
إيلين الدموع اتجمعت في عينيها ولبست الجاكت وتابعت على فكره اسلوبك مش حلو انا مش اول مره البس كده اخلص بقى كنت عايزني في ايه علشان امشي
عصام بعصبيه لا اول مره تلبسي كده لبسالي شورت وحماله ليه فاكره نفسك فين بجد؟؟ قومي معايا كده اخلصي ومسك دراعها ومشاها وراه علشان محدش يشوفها وراح عند عربيته وفتح الباب وزقها وقفل الباب بعصبيه وركب جنبها وتابع الجاكت ميتقلعش واقفليه علشان صدرك اللي باين ده
إيلين بدموع عصام الجو حر انت مستحمله ازاي بجد
عصام وهو بيشغل العربيه تابع بحده الجو حر اه اتاريكي نازله عريانه ومشي وتابع وهو بيسوق هوديكي مول اجيبلك حاجه تلبسيها مش هينفع تمشي تاني بالشكل ده انا مش مستوعب يعني ايه الناس شافتك كده وانتي جايه
إيلين بدموع كنت في العربيه انا لسه نازله
عصام بسخريه كنتي في العربيه ومجرد مانزلتي كل دول بصوا اومال لو اتمشيتي شويه كان حصل ايه ده انا كويس مش جايب الجارد معايا كنت هموت فيها لو شافوكي بالشكل ده
إيلين برفعه حاجب يهمك في ايه هاا
عصام بصلها من فوق لتحت وتابع وماله هقولك بس نسترك الاول وبص على رجليها الباينه من الجاكيت وتابع والله مش عارف اداري فوق ولا اداري تحت وضرب كف في كف وإيلين ابتسمت من غيرته وتابعت بنات امريكا مكانوش بيلبسوا كده يعصام؟
عصام بحده بنات الدنيا كلها مش امريكا بس لو لبسوا كده ميخصنيش ومش مهم بنسبالي
إيلين بابتسامه اشمعنا انا بقى؟
عصام بصلها وتابع انتي لسه بتسألي بجد؟ وتنهد وتابع على العموم هقولك بس استني وركن العربيه ونزل وهي فرحت وفضلت تتنطط وتابعت ينهار ازرق يجدعاان بيغير علياا وحطت ايديها على بوقها بذهول وتابعت عصام بيغير علياا ده بجد!! والله مش مستوعبه وشمت ريحه البرفيوم بتاعه فب الجاكت فضمته ليها اوي وباسته وغمضت عينيها وهي بتشم ريحته وثواني ولقيت عصام جاي فاتعدلت في قاعدتها فاداها شنطه وتابع امسكي ده دريس خروج شبه بتوع سلمي قولت حاجه تستر كله بالمره علشان مش هتعرفي تلبسي هنا بناطيل
إيلين فضلت تضحك وتابعت يخرابي منك بجد وفتحت الشنطه لقيت دريس كيوت ومحتشم لونه بينك وعصام دخل قعد جنبها وتابع يلا اخلصي العربيه متفيمه هركن اهو مني للحيطه فمحدش هيشوفك
إيلين قلعت جاكت عصام وعصام بصلها بحب وهي خدت بالها من نظراته وتابعت وهي بتلبس الدريس :عينك يمحترم
عصام بسخريه لا والله ما مصر كلها كانت هتتفرج مستحرمه اتفرج لوحدي يعني
إيلين شهقت ولبست الدريس وتابعت بضيق تتفرج على ايه ها
عصام تنهد بعمق وتابع خلينا متفقين انك مبتحبيش مراد
إيلين اتصدمت وتابعت ده ماله بكلامنا و..
عصام قاطعها وتابع خليكي صريحه معايا ممكن؟
إيلين بتنهيده حزينه اه ياعصام
عصام ابتسم وحط ايديه على خدها وتابع بتحبي مين؟
إيلين قلبها دق بعنف وتابعت مش لازم تعرفه
عصام بصلها بحب وتابع شايفه في عينيكي اهو
إيلين اتوترت وتابعت قصدك ايه؟
عصام بحب قصدي اني بحبك تتجوزيني؟
إيلين اتصدمت بشده ودموعها نزلت وتابعت انت بتهزر صح وحطت ايديها على بوقها وتابعت ينهار اسود بتقول ايه بجد!!
عصام فضل يضحك وتابع يابت سودتيها ليه يخربيت اهلك
إيلين بدموع فرح طب ازاي طيب ومراتك و..
عصام قاطعها وتابع بحب طلقتهاا ومش عايزها ومش بحبها ومسك ايديها باسها وتابع ومش عايز غيرك ام لعيالي انا ملمستهاش غير المره اللي قولتلك عليها لاني فعلا مبقتش عايزها ولا عايز اخلف منها وادركت اني بحبك لما كنتي هتضيعي مني وقولتيلي على مراد
إيلين عيطت وحطت ايديها على بوقها فعصام اتأثر من دموعها وخدها في حضنه وباس راسها بعمق فعيطت وتابعت بحبك .. بحبك اوي يعصام وحبيتك رغم ان الكل شايفك وحش الا انا قدرت اشوف الحلو اللي جواك
عصام باس ايديها وتابع بوجع حقك على عيني والله انا جيت عليكي وظلمتك بس اوعدك اللي جاي عوض بس وهكلم باباكي وهننهي موضوع خطوبتك من مراد ده
إيلين بدموع فرح موافقه جداا انا مش عايزه غيرك اصلا يعصام
عصام بحب نورعين عصام وباس جبينها بعمق وتابع وحياه ابوكي بلاش حرقه دم في اللبس تاني ها
إيلين بدموع فرح من عيوني لنورعيوني والله ونامت على صدره وتنهدت بارتياح وهي مش قادره تصدق ولا تستوعب انها خلاص مع حبيبها وتابعت بدموع حاسه اني بحلم بجد
عصام ضمها ليه وباس راسها وايديها وتابع بابتسامه خلص وقت الاحلام وجيه وقت التحقيق احنا اتخلقنا لبعض يا إيلين
إيلين بحب ودموع نورعين إيلين
عصام مسح دموعها وتابع كفاياكي عياط تعالي نفطر سوا بقى واوديكي لحبيبه زي ماقولتي
إيلين بحب وحماس تمام اتفقنا
-
بعد شويه كانت العيله جات وشافت حبيبه واحد واحد الترتيب كل واحد خمس دقايق وكريم نزل قعد في جنينه المستشفى وكان بيشرب قهوه فنيره دورت عليه ملقيتهوش فنزلت
نيره راحتله وتابعت بتنهيده انت قاعد هنا يكريم وانا بدور عليك
كريم هو بيشرب القهوه بصلها وتابع ايه يحبيبتي قولي
نيره بصت للفنجان واستغربت وتنهدت بعمق وتابعت مطلبتهاش مني ليه؟
كريم بحب هتعمليها فين انتي هنا يعمري عادي يعني
نيره بصتله بوجع وتابعت لا مش دي الفكره الفكره انك مكنتش بتشربها اصلا طلما انا معملتهاش
كريم بحب اه ده حقيقي بس قولت اجرب اصل انتي مسيرك هتتجوزي هجيلك تعمليهالي كل يوم ولا ايه؟
نيره الدموع اتجمعت في عينيها وتابعت انت شايف ان ده كان شكل علاقتنا قبل كلامك يكريم ؟ اهو انا علشان السبب ده تحديدا رفضت يبقي في بينا علاقه رسميه خوفت علاقتنا اللي بنيناها سنين كاخوات وصحاب مقربين تدمر او متبقاش زي الاول وادي اللي خوفت منه حصل
كريم شرب من القهوه وتنهد وبصلها وتابع نيره انا معاكي في رايك يحبيبتي وفعلا احنا اخوات فانا لما استوعبت الحقيقه دي بقيت احاول اعود نفسي على القهوه من برا اصل مش معقوله فعلا هفضل كده عمري كله فمتأفوريش الموضوع مش مستاهل يعني دي كوبايه قهوه انما انا لسه نفس كريم عادي اهو
نيره بدموع لا انت مش نفس كريم نهائي وبقيت ساكت اغلبيه الوقت ومش بتشاركني كل حاجه
كريم بتنهيده ليه هو انا بشارك حبيبه وهناء ولميا فكل حاجه في حياتي ؟
نيره بحده ودموع بس انا مش زيهم يكريم
كريم بحده لااا زيهمم ولا تكوني فاكرره ان المعامله اللي كنت بعملهالك دي معامله اخوات !! لا فوقي يانيره انا كنت واخدك خطيبتي مراتي انما دي مكانتش طريقه اخ مع اخته ابداا فدلوقتي اهو اديني استوعبت واحترمت رايك وبحاول اعيش من غيرك اغلبيه الوقت زيك زي اخواتي وزي ما علي بيعمل مع اخواته لانك شبهتي شكل علاقتنا بعلاقه علي باخواته فانا مش مقصر معاكي في اي حاجه بعاملك انك فعلا اختي اهو ..وانتي هيجي يوم وتتجوزي وتمشي فعلا فانتي ايه مزعلك مش فاهم؟؟؟ عايزاني اتعامل زي مانا وافضل مدخلك فكل تفاصيل حياتي واتعب انا وافضل تحت رحمتك يعني؟؟
نيره دموعها نزلت وقامت وسابته ومشيت وهي بتعيط فكريم رمى الفنجان على الارض بعصبيه كسره وتابع بحده طعمك خرا انتي التانيه
----
بعد 4 ايام حبيبه اتنقلت اوضه عاديه وعلي كان جنبها وراح الاختبار بتاعه ورجع عليها علطول وكان واقف بيلم السجاده علشان صلى الضهر فحبيبه صحيت وتابعت بتعب علي
هي وهو بيطبق السجاده تابع نورعيون علي
حبيبه بتعب عايزه اشرب تعبت
علي بحب ياروحي بس كده ده من عيوني وراح جاب كوبايه المايه وقعد جنبها وسندها في حضنه فتأوهت بوجع فباس راسها وتابع بلهفه بس بس حقك عليا انا اسف والله وشربها حبه صغيرين وبعد الكوبايه فحبيبه بصتله بضيق وتابعت علييي
علي باس جبينها وتابع حقك عليا يعُمر علي بس الدكتور اللي قايل حبه صغيرين كل ساعه لسه بطنك بردو مش هتستوعب كوبايه مايه ورا بعض فساعه واشربك تاني ودلوقتي عايزك تتحمسي
حبيبه بحب ايه؟
علي بضحك بعد 3 ايام محاليل اخيراا هنشرب شوربه زغرطي
حبيبه فضلت تضحك وتابعت كل الفرحه دي علشان هاكل يعلي
علي بضحك انتي بتهزري ولا ايه ده انا كنت بحس اني بطفح اللقمه وانا شايفك ممنوع عنك كل حاجه وانا باكل عادي فعلى الاقل ناكل شوربه سوا عديت بعد الاختبار جبتهالك من رانيا اهي عملهالك بايديها مخصوص وجايين كلهم بس انا قولت اجيبها معايا علشان تصحي اكلك علطول
حبيبه بلهفه اه صحيح عملت ايه في الاختبار طمني حقك عليا يحبيبي مش مركزه من التعب
علي وهو بيجيب الشوربه تابع بحب زي الفل يعمري طول مانتي في ضهري وبتدعيلي انا قد اي حاجه
حبيبه بحزن اول مره مروحش معاك استناك برا
علي قعد جنبها وباس ايديها وتابع تتعوض في الليله الكبيرره بقى كل ده كلام فاضي والاهم عندي اني اشوفك واقفه على رجليكي تاني دي بالدنيا
حبيبه بحب يارب ميحرمني منك ابدا يارب
علي بحماس ولا منك يعيوني يلا بقي امسكي مني لحسن انا فرحان كأني بأكل تولين
حبيبه فضلت تضحك وفتحت بوقها واكلت وتابعت بضيق علي اييه ده دي مفيهاش توابل مش حلووه
علي بحب مينفعش يحبيبي لازم كده حطيتلك ملح خفيف والله هاكل معاكي اهو بس تاكلي وداقها ووشه انكمش بضيق فحبيبه فضلت تضحك بشده فتاوهت لان بطنها وجعتها فعلي ضحك وتابع بس بس متضحكيش هو سم هاري بصراحه بس هيتاكل اهون من المحاليل اكلت اهو كلي ورايا يلا مش بتحبي كده
حبيبه بحب ااه بعشق اكل وراك فعلي مدلها المعلقه فكالت منه وتابعت نيره فين مش بايته المفروض؟
علي بحب اه بايته نزلت تحت لسهيله شويه وجايه
حبيبه بحب ماشي
--
عند وسام وهناء
هناء كانت نايمه على صدر وسام العاري ووسام واخدها في حضنه فباس راسها بعمق وتابع حبيبي صاحيه؟
هناء بصتله وتابعت بحب اه يعمري قول
وسام انا بفكر نطمن على بنت عمك وازور ادهم اطمن على حالته ونرجع امريكا اجازه جوازنا خلصت من بدري والشغل فوق راسي قد كده
هناء تنهدت وتابعت ممكن تسيبني شويه علشان مخلصتش كل المشاريع وانا هاجي وراك؟
وسام بحب لو بايدي اوافق بس مستغناش يعمري
هناء بضحك يحبيبي ماهو مش هفضل كل شويه طيارات يعني فاصبر شويه وهاجي وراك والله
وسام تنهد وتابع خلاص يهناء خليكي
هناء بحب وسام مش عايزه قمص ها وباست خده
وسام بابتسامه مش مقموص والله انا بس علشان متعود عليكي معايا
هناء بتأثر ياروحي انت حقك عليا والله ونامت في حضنه زي ماكانت وباست رقبته
وسام بضحك اتلمي انتي مفكيش نفس
هناء فضلت تضحك وتابعت على رايك انا هتلم واقوم اخد الشاور علشان ماما عزه رنت عليا وعايزاني انزلها
وسام بضيق تجنبي القاعده طول ما يارا بايته تحت
هناء جابت روبها من على الارض ولبسته وتابعت تحت رجلي هي واللي زيها كبر دماغك ولا هي ولا غيرها يهزوا فيا شعره وقربت منه وتابعت بصعيدي: وبعدين ده انا مَرت الكَبير يعني ليا هيبتي عيب عليك
وسام فضل يضحك وتابع جلب وعيون الكَبير واعتلاها وتابع بتوحشيني اكتر ما بتنفس
هناء فضلت تضحك وتابعت اتلم وقوم وراك معاد مع لينا للجامعه مش فاضيين
وسام بضحك لينا واللي جايبينها
هناء بضحك وساام
وسام بضحك عيونه
هناء باست خده وتابعت قوم علشان اختك يلا
وسام قام وتابع بضحك روحي مالكيش في الطيب نصيب
هناء فضلت تضحك وقامت دخلت تاخد شاور ووسام راح خد شاور في الحمام التاني وخرج قبلها ولبس بدله رمادي غامق وقميص ابيض وسمع صوت فونها بعت مسدج فمسك الفون استغرب ان اللي باعت نادر فدخل على الشات كان ممسوح مفيهوش غير مسدج واحده "وسام نزل ولا لسه ؟"
--
عند عصام كان نايم على بطنه عاري الصدر والباب خبط فاتعدل بالعافيه وفتح عينه بضيق وقام بص من العين السحريه كانت إيلين ففتح الباب وابتسم وتابع حبيبي
إيلين شهقت بحرج وتابعت يخربيتك يشيخ ازاي تفتح الباب كده لاي حدد هاا انت متعررفش اني بغيرر
عصام ساب الباب ودخل وتابع بضحك شوفت ان انتي يعيوني ففتحت كده كده هتصلحي غلطتك وتتجوزيني وتستري عليا ودخل الحمام يغسل وشه
إيلين دخلت وقفلت الباب وتابعت بضحك عارف لولا اني واثقه فيك مدخلش ابداا بمنظرك ده وهصمم تلبس وتنجز من وانا على الباب
عصام خرج وهو بيمسح وشه بالفوطه ورماها على جنب وتابع وهو بيقرب عليها: ماله منظري يابنت الجزمه مانا جوزك
إيلين فضلت ترجع لورا وتابعت بضحك لا يجدع اتجوزتني امتى وفين مش تعزمني على فرحي اخص عليك يعصام وخبطت في الحيط
عصام حط ايديه الاتنين حواليها وحاوطها وبص لعينيها وتابع بحب متجوزك في دماغي ومبعرفش انام الا لما احلم بحياتنا سوا بس في الواقع هانت جداا ونخلص مشوارنا انهارده ونطمن على مرات اخوياا واروح اكلم ابوكي
إيلين بضحك كله الا علي ده اللي مبيكرهش حد قدك وطلع اخوك طب وربنا حسيت وقولتلكم شكلكم قرايب من الشبه
عصام فضل يضحك وتابع ده حصل بس انا بحبه وهفضل قارفه في عيشته لغايه مايرضى عني
إيلين بحب والله انت ما في في حنيتك
عصام بحب ده والله انتي اللي مافي في حلاوه عيونك هاتي بوسه بقى
إيلين بضحك اتلم
عصام بضحك بوسه واحده
إيلين بضحك يا ابني اتلم بجدد
عصام بضحك وغلاوه عصام بوسه واحده
إيلين بضحك وغلاوه عصام لما نتجوز عيوني ليه
عصام بضحك تمام بس من نفسك تيجي تبوسيني كل شويه وانا هعمل نفسي تقيل عليكي علشان كاريزمتي اللي اتبهدلت وانا بتحايل كده دلوقتي اتفقنا؟؟
إيلين بضحك بس كده ده من عيوني اتربى بقى وروح البس علشان انا متوتره وانت قالع التيشرت كده
عصام قرب عليها وتابع بضحك يابت راجعي نفسك دي بوسه هو انا بقولك حضن لسمح الله ؟! خليكي فهمانه كده واديهاني وانا وهجري البس علطول يلا
إيلين بضحك ياريته حضن اهو اهون وابعد علشان وربي قلبي سامعه دقاته بسببك
عصام بضحك ما طلما سامعه دقاته يبقى المفروض اقرب اكتر مش ابعد ده بيموت فيا وبيحب قربي ودي دعوه صريحه لاني اقرب ولا تنكري؟
إيلين بصتله بحب وتابعت اكيد طبعا هو عرف الحب على ايدك ومحبش قبلك ولا هيحب بعدك انت الاول والاخير
عصام بضحك شوف ومش عايزاني اخد البوسه بعد كل الحلاوه دي
إيلين بضحك لما نتجوز حاضر من عيوني وانا اللي هفضل اتحايل عليك وانت اعمل نفسك تقيل يسيدي حاجه تاني؟
عصام بضحك خدي بالك انتي بارده انا مفيش واحده في الدنيا عرفت تغلبني كده
إيلين بغيره : في الدنيا بردو ولاا في امريكاا والقرف اللي كنت فيه ليل نهاار هناك هاا وضربته في صدره جامد
عصام تاوه بوجع وفضل يضحك وتابع ااه يابنت الجزمه انتي ايدك تقيله بس والله ما لمست حد وقولتلك
إيلين بغيره اممم فرقت بس تبوسهم وتحضنهم عادي
عصام بضحك انا اتكلمت ليه فتحت على نفسي فاتحه مش هتتقفل مني لله وباس جبينها بعمق وبصلها بحب وتابع يا لولي انتي غير الدنيا كلها انتي حاجه تاني واحساس مختلف كده
إيلين برفعه حاجب وانت عرفت منين انه مختلف انا من عيله محافظه يابابا والكلام ده محصلش
عصام فضل يضحك وتابع مقصدش اني بوستك يمهزقه انا اقصد ان احساسي معاكي هيبقى مختلف كفايه انك البنت الوحيده في الدنيا اللي اختارتها بمزاجي وقلبي وعقلي اتفقوا عليها وحلفت ما اشوف عيالي الا منها فعايزه ايه تاني؟
إيلين بصتله بحب وتابعت عايزه اتجوزك
عصام ابتسم ومسك ايديها باسها بحب وتابع مش اكتر مني والله بس اوعدك خلاص هانت وضحك وتابع ويلا بقى اروح البس واتقي الله وابقى ابوسك يوم كتب الكتاب مفيش احسن من الحلال وشال ايديه من حواليا
فإيلين فضلت تضحك و تابعت يا ابني بجد احترم نفسك امريكا مبوظه تربيتك خالص
عصام فضل يضحك وتابع انا لو ماشي بتقاليد امريكا كان زمانا معانا 3 عيال دلوقتي انا كده متربي
إيلين فضلت تضحك وتابعت ااه انت هتقولي ويلا اخلص كسرت الفون عليك مش بتصحى قتيل
عصام بضحك لا يا لولي انا بدلع عشان تيجي تصحيني واشوف وشك القمر ده اول حاجه في اليوم كده
إيلين بضحك بتاكل بعقلي حلاوه بس بعشق كده فهعديها بمزاجي
عصام فضل بيضحك وسمع الباب بيخبط فإيلين بصتله بتحذير وتابعت ايااك تفتح روح البس تيشرت بسرعه وانا هفتح
عصام بضحك حاضر وماله دخل الاوضه يجيب تيشرت وإيلين فتحت اتصدمت انها رفيده
عصام لبس التيشرت وخرج وتابع باستغراب في ايه مالك مين؟
رفيده دخلت وتابعت للدرجه دي ما صدقت جايبها بيتي؟
عصام استغرب انها هي وبصلها وتابع بعصبيه ما صدقت ايه وبيتك ايه يا حيوانه يا بنت الكلب انتي؟؟! ومسك دراعها وتابع بعصبيه لا فوقي لنفسك واعرفي بتتكلمي عن مين دي هتبقى مراتي ومسمحلكيش لا انتي ولا غيرك تقولوا في حقها نص كلمه دي اشرف منك انتي واهلك كلهم
رفيده كانت مصدومه ازاي قدر يحب حد بعديها كده فتنهدت تابعت على العموم انا ماليش دعوه اعمل اللي تعمله يا عصام بس متقساش عليا بزياده
عصام بعصبيه خلاص انا طلقتك ومفيش بيني وبينك حاجه ولا اقسى ولا احن ابعدي عن حياتي وسيبيني في حالي
إيلين بحده هو لو حد حقه يسال فهو انا لان ده هيبقى جوزي .. وطليقك فممكن اعرف انتي جايه بيت طليقك ولوحدك ليه؟؟
رفيده بابتسامه حقك طبعا بس انا مجيتش اتكلم عن نفسي ولا اقصد انه يحن او يقسى عليا
عصام بعصبيه رفيدده اخلصي جاايه ليه؟
رفيده بابتسامه خبيثه: جايه اقولك مبروك يابيبي وخرجت التحاليل من شنطتها وتابعت انا حامل
عصام اتصدم بشده وإيلين بصتله بصدمه وقهر