رواية لنا موعد اخر الفصل الثالث والستون63 بقلم لولا

عصام بعصبيه رفيدده اخلصي جاايه ليه؟

رفيده بابتسامه خبيثه: جايه اقولك مبروك يابيبي وخرجت التحاليل من شنطتها وتابعت انا حامل

عصام اتصدم بشده وإيلين بصتله بصدمه وقهر وهي مش قادره تتكلم من صدمتها

عصام بلع ريقه بتوتر وتابع بصدمه انتي اكيد بتحوري علشان تربطيني بيكي

رفيده وقفت قدامه والدموع اتجمعت في عينيها وتابعت لو كدبت عليك العمر اللي فات كله مش هكدب في حاجه مسيرها تبان انها كدب يعصام .. ليه بطني مش هتكبر لحد امتى؟ ودموعها نزلت وتابعت بابتسامه بس انا والله حامل وغلاوتك عندي حامل وابنك اللي عشت تحلم بيه العمر كله بقى في بطني خلاص امسك يسيدي وشوف التحاليل بنفسك اديك دكتور جامعي وهتعرف تقراه

إيلين قلبها وجعها بقهر من كلام رفيده ودموعها نزلت وبصت لعصام المصدوم واللي مش قادر ينطق حرفيا كل اللي عمله انه مسك منها التحاليل وفتحها ولقى ان مكتوب بوستيڤ وده معناه ان فعلا في حمل فغمض بقهر وتابع عرفتي امتى؟

رفيده بدموع لسه دلوقتي كنت بعمل تشيك اب زي كل شهر علشان اطمن على نفسي فالدكتور قالتلي ولسه في الاول خالص

إيلين دموعها نزلت وحست نبض قلبها هيقف من القهر وتابعت مبروك يا دكتور عقبال ما تشيله بين ايديك عن اذنكم

ورايحه تمشي بس عصام مسك دراعها وتابع بوجع: إيلين من فضلك استني

إيلين بعصبيه ودموع استنى ايه مش فاهمه انت ليه مش مستوعب الوضع اللي انا فيه؟!!

عصام بقهر مستوعب.. والله مستوعب بس انا محتاجك دلوقتي ارجوكي متنزليش

رفيده اتوجعت من كلامه وتابعت بابتسامه عكس اللي جواها:  انت مش فرحان؟

عصام تنهد بعمق ومسح بايديه على وشه وتابع انزلي لماما دلوقتي وانا جايلك يا رفيده

رفيده بدموع للدرجه دي؟ وابتسمت من بين دموعها وتابعت طب هو ابنك ذنبه ايه مش فاهمه؟

عصام بعصبيه قولت انزلي دلوقتي وجايلك انتي ايه مبتفهميش!!

رفيده بصت لإيلين بقهر وهزت راسها بالايجاب وتابعت بدموع حاضر ونزلت وقفلت الباب وراها فعصام تنهد بعمق وحط ايديه على جبينه ونزل مسح وشه وتابع انا مش عارف اقولك ايه والله ما عارف بس كده كده مفيش حاجه هتتغير

إيلين بصتله بقهر وتابعت بدموع متقولش حاجه انا اللي هقول يعصام ومن اللحظه دي كل حاجه لازم تتغير انت خلاص طليقتك حامل وابنك اللي بتتمناه جاي كمان 9 شهور مبقاش ليها لازمه نفضل في حياه بعض اكتر من كده

عصام بصلها بصدمه وتابع بعصبيه إيلين انتي بتقوليي اييه انتي اكييد اتجنتيي انا مستحيل اتخلى عنك انا بحبك

إيلين بعصبيه ودموع متكدبش وكفايااك قررف بقى بتحبني ورايح ترمي نفسك في حضنها لحد ما حملت منك وتقولي مره وغلطه يعصاام !! وعيطت بانهيار وتابعت طب لييه لييه تكدب علياا وليه تدخل حيااتي وطلما هي عجبااك اوي كده ماكنت استحملتهاا وسيبتني في حاالي

عصام بصلها بصدمه وذهول من تفكيرها وتابع بعصبيه انتي بتقول اييه!! انتي واعيه للي انتي بتقوليه!! انتي بتشكي فياا يا إييليين بعد كل اللي بينااا

إيلين بقهر ودموع مسمهاش بشك فيك اسمها مراتك وحلالك وحقك بس كدبك اللي قهرني

عصام بعصبيه وذهول كدب اييه!!! كدب اييه!! اقسم بالله العظيم اقسم بالله العظيم كماان مره انا مالمستهاا غير اليوم الخرااا اللي رجعت سكراان فيه غير كده محصلشش

إيلين بعصبيه ودموع عايز تحسسني انها حملت من ليله ليه ان شاء الله !!

عصام بعصبيه اه ماهي طبيعي تحمل من ليله اومال بيتحوشوا كام ليله على بعض ولا ايه

إيلين بدموع وقهر وانت سبحان الله صابت معاك من مره

عصام بعصبيه وذهول يابنتي والله مرره والمصحف مرره وغلاوتك عندي ما لمستها غير مرره وصحيت نكدت عليهاا وخربت الدنياا ومن يوميها هي في حالها وانا في حالي بس متنسيش هي كانت بتاخد منع حمل بانتظام فده لما بتنسيه بتحملي علطول ورفيده بطلته من اول مره طلاق

إيلين هزت راسها بلايجاب وهي باصه للارض ورفعت وشها بصتله وعييها مليانه قهر وتابعت مصدقاك بس كل ده كلام فاضي في النهايه هي حامل في ابنك ومفيش ست تستاهل تتعامل بلاسلوب ده من الراجل اللي شايله ابنه مهما كان غلطها على الاقل علشان ابنك مش علشانها

عصام قلبه وجعه وتابع بقهر إيلين انا بحبك ومش عايز غيرك ابوس ايدك متجيش عليا زي ما الدنيا كلها جات عليا .. انا محدش تقبلني غيرك ومحدش بيحب وجودي قدك انا مش هعرف ابعد عنك صدقيني هتدمر لو سبتيني

إيلين بعصبيه ودموع لييه مين انا يعصااام ؟؟;مين انا قوليي؟؟ انا واحده غريبه وسط راجل وطليقته اللي هي بنت خالته وابنه عايزني افضل موجوده وابنك يجي يتقهر ان في واحده واخده ابوه من امه وبيحبها اكتر من امه؟؟ عايزني ابقى مرات اب لطفل مالوش ذنب فكل حاجه ؟؟ عايزني اشوفك بتحبني وبتقهر طفل شايف امه مرفوضه من ابوه؟؟ متبقاش اناااني وفوق لنفسك وحيااتك وابعد عني ابوس ايددك .. ابعد عني اناا تعببت وفضلت تعيط ورايحه تمشي فمسك ايديها وبصلها بدموع وتابع انا هتجوزك لاني مش هقدر اتنازل عن الحاجه الوحيده اللي خلتني مبسوط.. بتسألي انتي مين؟؟ انتي كل اهلي واصحابي ومعارفي انا ماليش حد غيرك وياماا ظلمت نفسي فابوس ايدك متظلمنيش انتي كمان يا إيلين صدقيني هتعب

إيلين بدموع ورفيده موقفها هيكون ايه؟

عصاد تنهد بقهر وتابع مش هرجعها بس ههتم بيها وباللي في بطنها وحقوقها هتجيلها لغايه عندها

إيلين ابتسمت بقهر وتابعت يفرحتي.. يفرحتي وانت بتقولي هترمي ام ابنك وتديلها حقوقها وانا ابقى الزباله اللي دخلت خدتك منها وحرمتها من حنيتك عليها في اكتر وقت هي محتجاك فيه

عصام بعصبيه ودموع انا كده كده مش بحبهاا ومش عايزهاا فتولع هي المهم ابني

إيلين بعصبيه ودموع انت لو مش بتحبها مش هتلمسها في عدم وعيك انا عديت الموضوع بمزاجي لانه بيقهرني انما رفيده مش سهل تتنسي يعصام ومتعملش زي امك وتبقى قاسي على ابنك

عصام بصلها بوجع وتابع قصدك ايه؟

إيلين بدموع وعصبيه قصدي ان انانيه امك زمان وصلتها لانها تحرمك من ابوك العمر كله ومات وهو ميعرفش بيك اصلا وبعدتك عن اهلك وعزوتك .. وانت انهارده بتقلدها وعايز تسيب ابنك وحيد مابين ام واب مش طايقين بعض ويكبر بعيد عنك وعن اهله لان مش رفيده اللي هتوديه لعمو وعماته وميشبعش منهم ومن حنانك اغلبيه الوقت .. امك لما اختارت نفسها زمان داست عليك وانت دلوقتي بتدوس على حتت عيل مش ذنبه ان الحيوانه دي امه وان البيه ابووه قال غلط ومكنش قصدده .. اهي غلطتك دي جاابت عيل هيقف بيني وبينك ليوم الدين ومش هيخلينا لبعض وانا مش كدده وعمري ماهبقى كده واللي مقبلهوش على نفسي مقبلهوش على ست حامل وبصتله بقهر وتابعت وان جيت للحق الغلط من البدايه مني انا لما حبيت راجل متجوز مش منك انت خالص.. كل ده طبيعي علشان في النهايه لو اتحطيت في موقف صعب زي ده مش هيبقى ليك غير مراتك وابنك وترجع لعيلتك وانا اللي هطلع من الليله واستاهل امشي الطريق كله وانا راجعه من المشوار اللي دخلت نفسي فيه ده اعيط علشان مفكرتش لما جيت احبك وجريت عليك زي المراهقين وحبيتك باندفاع وابتسمت بقهر وتابعت ونسيت مجتمعنا بيقول ايه على البنت اللي بتحب راجل متجوز ولاغيت عقلي بسببك بس انا خلاص فوقت ..فوقت ياعصام حتى لو الفوقه دي هتقهرني انا استاهلها

عصام تنهد بعمق وتابع بوجع طب ممكن تسمعيني؟

إيلين بدموع صدقني كلامك مش هيفرق في اي حاجه ولا هيغير اي حاجه بس قول

عصام حط ايديه الاتنين على كتفها وتابع بوجع بصي يحبيبتي اهدي بس وبطلي عياط ومسح دموعها بايديه الاتنين وباس جبينها وبصلها وهو حاطط ايديه الاتنين على خدها وتابع اولا انا مش هقدر اعيش من غيرك ومبحبش رفيده ومش هحب غيرك وربنا يشهد عليا في كل حرف بقوله وانا حقيقي لمستها لاني كنت سكران ورغبتي حركتني ولو حد غيرها بردو كنت هغلط غير ان هي من فرحتها بالحمل واضح انها كانت مش سهله وبتخططله اصلا فاكيد فضلت تقربلي لحد ما حصل اللي في دماغها انما اقسملك بالله اقسم بالله وغلاوتك عندي انا ما طايق ابص في وشها وبتلبس مهما تلبس قدامي مبتهزش فيا شعره فبطلي توجعيني بكلامك وتشكي في مشاعري ناحيتك علشان دي اصدق حاجه في حياتي

إيلين بصتله بقهر ودموع وتابعت اممم خلصت؟؟ ابنك بقى ذنبه ايه في الحدوته الوسخه دي ؟ ماله هو بانك سكرت ولا ان امه وحشه ولا انها خططت وانت غلطت واتعصبت بدموع وتابعت عيل هيجي الدنياا زيه زي اي طفل ماله بكلل ده !!

عصام تنهد بقهر وتابع عندك حق وانا علشان مظلموش زي مانا اتظلمت هرد رفيده

هنا إيلين قلبها اتقسم نصين مع انها عارفه ان ده لازم يحصل بس لما نطق الكلمه اتقهرت اوي وتابع عصام وبردو هتجوزك ويوم هنا ويوم هنا لحد ماتولد وانا هحاول اهتم بالواد ومحسسهوش بحاجه

إيلين ابتسمت والدموع متجمعه في عينيها وتابعت انت مجنون صح؟ لا اكيد مجنون واتعصبت بدموع وتابعت اما اناا مقهوره انك لمستهاا وشاايله ابنك وحققت حلم انا عشت احلم بيه من يوم ما حبيتكك تقوم تقولي تتجوزني وتردهاا؟!! عايزني ابقى زوجه تانييه يعصاام !! ليه هو انااا لو مهززقه ووافقت ورضيت بابي هيواافق ازااي اصلااا ؟! انت نسيت اناا مين وبنت ميين؟؟؟

عصام تنهد بقهر وتابع لا منستش وعارف انها صعبه بس مش اصعب من بعدك عني

إيلين بعياط وعصبيه: بنسباالك .. انت عليك اييه اصلاا ما ام الوااد اهي واللي بحبها ااهيي والاتنين ملكيي وانا اموت من الوجع انا وهي واحناا شايفين جوزناا بيقسم نفسه بيناا كل يوم وااحده 

عصام بحده انتي عاارفه ان هي مبتحبنيش ومبتحبش غير نفسهاا فمش هتفكرر كده وليكي علياا انا مش هلمسهاا طول مانا عندها

إيلين بعصبيه ودموع جوزهاا ..حتى لو مش بتحبك مع اني مشوفتش ده في عينيها وهي بتوريك تحاليل حملهاا بس نفترض مش بتحبك هتفضل جوزهاا وحقها تتقهر وانت مش هتفهم ولا هتحس الستات بتفكر ازااي وسواء تلمسهاا ولا متلمسهااش ده مش مهم اهي هتبقي مرااتك وهتروحلها وتسيبني بس انت هتحس اازاي؟؟ ده انت مستحملتش الرجاله تبص على جسمي من بعيد وبهدلتني .. بس عايزني انا استحمل واحده حامل منك وبتشاركك فياا ..انت ايييه قااسي؟؟ للدرجه دي مبتحسش؟؟ بتطلع علياا العرق اللي كنت مشغله زمااان واذيت بيه اخووك؟؟

عصام بوجع ليه السيره دي طيب؟

إيلين بعصبيه ودموع علشااان بتموتني زييه بس من غير سلاااح وياريته بسلااح اهون اهو هروح للاحن منك انما انت بتموتني من القهرر وهفضل عايشه بالعذاب ده وروحي مش هتطلع واتعصبت اكتر بدموع وتابع انت مش قااادر تتخيل اناا قلبي هيفتت من الووجع ااازااي انهااا حامل منك ..حاامل من حبيبي وبعد ما كنت انا كل حااجه رجعت ولا حاااجه وهي الكل في الكل واللي هتتشال على كفووف الرااحه انا بمووت من الوجع بس انت مش فااهمني ولا هتفهمنيي

عصام غمض فدموعه نزلت وثواني وفتح وبصلها بوجع وتابع انا فاهم كل كلمه انتي بتقوليها وعارف ان كتر الف خيرك وصعب اللي انتي فيه ده كله وعارف ان حبك ليا دمر حياتك وتعبك والله فاهم كل حاجه بس انا بحبك وانتي بتحبيني ايه الحل في وجهه نظرك

إيلين بقهر هنعيش يعصام .. هنعيش .. هي مفيهاش حل ومحدش بيموت من الوجع ..ياما قلوب اتفارقت وعاشت عادي .. لا انا ولا انت اخر ناس الدنيا تقف في طريقهم .. انا طول عمري مش معترفه ان في حاجه اسمها نصيب ومقتنعه ان الراجل لو عايز بنت هيموت نفسه عليها وهياخدها بس هو فعلا خلاص النصيب وقف بيناا لحد كده ..انا مش ليك وانت مش ليا ومقهوره وانا بقولها بس دي الحقيقه وكل مره بنحاول بنرجع تاني لنقطه اسوء من الاول فكفايه كده .. كفايه اوي 

عصام بقهر كفايه ايه يا إيلين؟؟ .. كفايه نحاول؟؟ هتسيبي الدنيا تختارلنا على مزاجهاا؟؟

إيلين بدموع وقهر علشان مش بالعافيه .. مش بالعافيه يعصام صدقني هي جابت اخرها اوي كماان

عصام بصلها بقهر وتابع يعني ايه مش فاهم ؟؟ ودموعه نزلت وتابع اتكلمي عن نفسك انا مش هقدر اعيش من غيرك وهضيع وذنبي هيبقى في رقبتك

إيلين ابتسمت بدموع وتابعت ذنبك امره سهل .. اهون من ذنب عيل صغير هيكرهني علشان ابوه بيحبني اكتر من امه وتنهدت بقهر وبصتله وتابعت متبصليش بالنظره دي صدقني انا على عيني انا لو عليا كان نفسي افضل جنبك العمر كله ..كان نفسي اشيل ابنك جوايا ..كان نفسي اقف اسقفلك وانت بتاخد الدكتوراه .. كان نفسي اعيش معاك كل اللي حلمت بيه وتخيتله قبل ما انام .. كان نفسي الدنيا تراضيني مره واحده وتديني حاجه انا عايزاها ..كان نفسي النهايه تكون انت .. باينه للكل مدلعه وعايشه مرتاحه وانا جوايا هموم لو وزعتها على الدنيا كلها هتكفي وتفيض .. يمكن مقهوره وانا بقولها ومتخيلتش هيحصل كده بس خلاص يعصام احنا مش لبعض .. ربنا مش عايزانا سوا ويمكن دي اخر مره هشوفك فيها وهمشي مش مستوعبه يعني ايه مفيش عصام تاني ودموعها زادت وتابعت بس متقلقش عليا انا هبقى كويسه الفكره بس ان انت كنت صاحبي قبل ماتكون حبيبي فمش قادره اتخيل مين هيعوض مكانك بس بردو متقلقش انا قدها وابتسمت بقهر وتابعت ومش هنساك .. ومش هعرف احب بعدك بس هعرف اعيش سبق وخسرت ماما زمان وفضلت عايشه جوايا وانت كمان كده هعيش على اللي باقيلي منك لاننا مش هينفع حتى نبقى صحاب انا بعد ماكنت بتمنى انام واصحى على ملامحك بقيت مش عايزه اشوفك تاني ولو صدفه وتنهدت بقهر وتابعت بدموع هي الدنيا كده فيها ناس لازم نتعلم نحبها من بعيد وانت من يوم ماظهرت في حياتي وانت مش ليا بس مكنتش عايزه اصدق انما انا دلوقتي خلاص صدقت بس هتواحشني وعيطت وتابعت هتواحشني اوي والله

عصام دموعه نزلت بقهر وخدها في حضنه جامد ففضلت تعيط بانهيار وقهر وهي بتخرج كل طاقتها فعصام ضمها ليه اكتر وباس راسها بعمق وتابع بدموع اهدي اهدي حقك عليا والله ما هسيبك وهتحايل على ابوكي وهنحلها سوا انما ولا انا ولا انتي هتعرف نعيش كده

إيلين خرجت من حضنه وبصتله قهر ودموع وتابعت لا هتعرف .. بكره هيجي بيبي ينسيك الدنيا بحالها وانا مش هصغر بابي وهتخطب للي اختارني كويس لسه ملغيناش حاجه

عصام بصلها بصدمه وتابع انتي بتهزري صح؟؟ لا ماهو اكيد بتهزري.. انتي هتتخطبي لمرااد يا إييلين !!

إيلين بدموع مش هنساك متقلقش بس مش هعرف اقعد مع دماغي لوحدي بردو لازم اشوف حياتي واقدر اللي حاول علشاني

عصام بعصبيه مش هتنسيني اييه وزفت اييه ما شالله ما عنك افتكرتيني انماا عايزه تتجوزي غيري !! انتي خلاص مخك ضرب؟؟! وعلى اساس ايه بتقولي اللي حاول علشانك !! هو انا مش هحارب علشانك ؟!! او محاولتش اصلا ؟؟!

إيلين بدموع اومال اعيش كده؟ اصل انت ااه كنت هتحاول ولما تكمله انا كنت هقول لبابا اني مش عايزه مراد علشان بحبك واديك  كلمته عليا انما انا ايه مبرري دلوقتي علشان الغي الخطوبه وانا اللي قولت موافقه؟ هو شغل عيال؟

عصام بحده هاجي اكلمه وهيوافق متدخليش انتي

إيلين بعصبيه ودموع هو اصلا مش طايقك علشان حبست علي تقوم تيجي تقوله بنته تبقى زوجه تانيه؟؟ تبقى ناوي على موتك يعصام وانا اصلا مش مواافقه وعيطت بانهيار وتابعت كفاايه ابوس ايدك كفاايه توجعلي قلبي انا تعبت وفيا اللي مكفيني وسابته وراحت فتحت الباب وقفلت وراها ونزلت وهي وبتعيط بانهيار وعصام اتعصب وضرب ايديه على الكومود جامد كسر الازاز المحطوط وعور نفسه وقعد على الكنبه وهو مش حاسس بالدم اللي بينزل من ايده وحاطط راسه ما بين ايديه ودموعه بتنزل

--

عند هناء خرجت من الشاور لابسه البورنص ووسام كان قاعد على السرير ورجله على الارض وموطي وساند ايديه الاتنين على رجله ومشبك ايديه في بعض

هناء شافته استغربت وتابعت ايه يحبيبي منزلتش ليه يعني كل ده؟

وسام تنهد وتابع لينا لسه بتجهز

هناء شالت ايديه وقعدت على رجله وحطت ايديها على كتفه وتابعت مالك يعيوني فيك ايه؟

وسام لف ايديه على وسطها علشان متقعش وبصلها وتابع بابتسامه مفيش يحبيبتي انا بخير بسبب ضغط الشغل بس مانتي عارفه

هناء باست خده وتابعت انت قدها عامه انا واثقه فيك

وسام بصلها بحب وتابع وانا مبثقش في حد قدك .. قبل ما اكون جوزك فانا دكتورك وصاحبك وحبيبك وعارف اختارت مين كويس

هناء بابتسامه بمناسبه ايه الكلام الحلو ده بقى

وسام بابتسامه من غير مناسبه انتي تتحبي فكل الاوقات وتنهد وتابع بس حلوه الصوره بتاعتنا اللي نزلتيها ستوري الصبح دي

هناء بضحك اه فاكر اتصورناها في المطعم في امريكا وفضلت تضحك وتابعت يالهوي يوسام كل ما افتكر لما برطمت انجليزي للراجل ومفهمنيش وبصلي مستغرب كده اموت من الضحك متجوز واحده مش ليقالك انت

وسام بعد شعرها على وشها وتابع بابتسامه قطع لسان اللي يقول كده .. انا اتجوزتك بقلبي لانك الوحيده اللي هتنفع تبقي مراتي وام عيالي الجواز مش بالشهاده ..ده بيت ..مش جامعه ولا تنسيق  وبعدين انتي شاطره وقولتي صح بس الاكسنت عايز يتظبط شويه

هناء بحماس وعدتني هتعلمني

وسام باس خدها وتابع هعلمك وتنهد وبصلها وتابع نادر بيشوف ستوريهاتنا دي؟

هناء باستغراب نادر !! ليه هو انا خليته عندي وانا بطولي لما اخليه عندي وانا مراتك !! لا طبعا يحبيبي هو مش عندي اصلا ليه بتسال السؤال ده

وسام بابتسامه عادي بشوف شايف شكل علاقتنا ولالا لانه بقى يكلمني طبيعي فبشوفه عقل وتقبل ولالا

هناء بتنهيده يتقبل او لا لنفسه مش ليا انا مش هخليه عندي ولا دلوقتي ولا بعدين لو هو ابن خالتك بس ففوق راسي انما ده كان خـ

وسام قاطعها لما حد ايديه على شفايفها وتابع بتنهيده خلاص متجبيش سيرته

هناء بابتسامه يحبيبي انت اللي فتحت الكلام عنه بس عيوني حاضر سيبك منه خالص وباست خده وقامت تجيب هدوم

وسام بتنهيده بتقعدي كتير انتي ويارا تحت مش كده؟؟

هناء وهي بتجيب البيجامه بصتله وتابعت اه هو في ايه يوسام؟ بتسأل عنهم كتير ليه؟

وسام تنهد وتابع لا مفيش حاجه يحبيبتي بسأل عادي

هناء لبست البيجامه بنطلون بيتي بينك وتيشرت نص كم ابيض على فيونكه بينك وفردت شعرها وتابعت وسام سرحلي شعري وراحت قعدت على الارض قدامه ومدتله المشط فوسام ابتسم وتابع تعالي متقعديش على الارض وقومها قعدها قدامه على السرير ورجعها سندت ضهرها على صدره وبدا يسرحلها

هناء بتحذير وسام جزمتك والسرير

وسام بضحك شوف بنت الجزمه اللي بسرحلها

هناء بضحك الملايه فاتحه طيب الله

وسام نزل رجله وسرحلها وحضنها من ضهرها وباس خدها وتابع بقينا حلوين وقمرات

هناء بصتله وتابعت ليه كنت وحشه ولا ايه؟

وسام بضحك محدش يقدر يقول كده يحياتي 

هناء برفعه حاجب لا يعني ايه يعني مانت قولت اهو وفونه رن فتابع بضحك بتنجدني لينا قلب اخوها

هناء بضحك لا استنى بس يعني ايه فهمني

وسام قام وتابع بضحك وغمز لما ارجع هفهمك عملي علشان ريحه الفراوله اللي حطاها دي هتخليني اضعف ومفيش وقت دلوقتي وفتح باب اوضتهم

هناء فضلت تضحك وتابعت مستنياك متتأخرش هاا وغمزت

وسام بضحك لا وربنا ما انزل ورجع تاني وتابع بضحك مستنياني وبتغمزي وعايزاني انزل!! يخربيت اهلك اتعلمتي الحركات دي فين يابت وشد وسطها ليه

هناء فضلت تضحك وتابعت كورسات اسراء وحبيبه مش قولتلي اقعدي معاهم كتير

وسام فضل يضحك بشده وتابع لا ده انتي تباتي مش تقعدي بس

هناء فضلت تضحك وتابعت روح بس والله ولما ترجع عينيا ليك البت مستنياك عيب

وسام بهيام ماتولع البت وصحابها

هناء ابتسمت وتابعت هتروح وتيجي بسرعه والله بس حرام يوسام اختك عايزاك في مشوار ليها مين غيرك يعني؟

وسام بضحك الصبر من عندك يارب هروح وجايلك طيران

هناء بضحك اتفقنا

فوسام باس خدها وخرج من الاوضه وهي ابتسمت بحب ودخلت تروق الدريسنج بتاعهم

وعند وسام نزل لامه وخبط ففتحت يارا فعمل نفسه مش شايفها ودخل وتابع هاا يا لينا رنيتي خلصتي؟

لينا خرجت وهي لابسه وتابعت اه يحبيبي يلا فوسام مسك ايديها وتابع بصوت مسموع عايزه حاجه يا زوزا؟

عزه من جوه اوضتها تابعت لا يقلب امك سلامتك

وخد لينا ونزل ركب عربيته ولينا ركبت جنبه ومشيوا ودقايق وشاف عربيه نادر ماشيه في اتجاه بيتهم فاتصدم بشده ووقف عربيته فالينا اتخضت وتابعت ايه يوسام وقفت ليه؟؟

وسام : انا نسيت الفون رايح اجيبه وجايلك خليكي زي مانتي في العربيه

لينا: هترجع على رجلك ليه كل ده تعالى عادي نرجع بالعربيه

وسام بتنهيده لا مش عايز العربيه معايا خليكي بس وانا مش هتأخر

عند هناء 

الباب خبط فخرجت من اوضتها وتابعت حاضر جايه وفتحت اتصدمت بشده انه نادر وتابعت ناادر!! واتعصبت وتابعت انت اتجننت ايه اللي جابك هناا !! وسام مش موجود و

فقاطعها نادر لما حط ايديه على بوقها يسكتها ودخل وقفل الباب وراه وتابع بحده هشش انا مش عايز رغي بلا وسام بلا زفت انا جاي اقولك كلمتين وماشي فتسمعيهم وانتي ساكته

هناء دموعها نزلت وهي بصاله بعصبيه ومش عارفه تتكلم فابتسم وهو بيبص عليها من فوق لتحت وهي لابسه بيجامتها وبشعرها وتابع بابتسامه لا قمر متخيلتكيش كده من غير الطرحه

هناء اتعصبت ودموعها زادت وزقته بتحاول تبعده عنها فاتعصب وتابع بت انتي بقولك ايه انا قررف مش عايز اتهدي كده ومسمعش صوتك علشان مزعلكيش وشال ايديه

هناء بعصبيه ودموع انت متقدرش اصلا تزعلني وامشي حالا انا جوزي مش موجود وبتمد ايديها تجيب الاسدال اللي علي الكنبه فنادر شده رماه على الكنبه التانيه وتابع بضحك بتهزري والله مانا شوفتك خلاص

هناء بعصبيه ودموع ينادر مينفعش اسلوبك ده انا مرات اخوك

نادر بعصبيه يحرق ابو اخوياا في الارض طلماا عارف اني بحبك وانك كنتي تخصيني ومعملش احترام لكل ده وراح خطبك يبقى هو اللي زباله من البدايه مش انا

هناء خدت نفسها وهي متوتره وتابعت بدموع وخلاص بقيت مرااته انسى بقي ابوس ايدك مينفعش اللي انت بتعملوا ده

نادر بصلها بقهر وتابع هونت عليكي؟ نسيتي كل ايامنا سوا بالسهوله دي؟

هناء بعصبيه اللي انت بتقولوا ده فاات اوانه يا نادر انا متجوزه وبحب جوزي فانت كمان اعمل زيي وعيش حياتك

نادر بعصبيه مش عاارف يهناء مش عارف اعمل زيك انا محبتش قبلك ومش هعرف احب بعدك وسام هو اللي كسرني لما بص لواحده كانت في حياتي هو اللي كان وسخ من البدايه وفرقنا انما انا نفس حبيبك والله متغيرتش مش غلطه عملتها تقهريني عليها كل ده

هناء خدت نفسها بعمق وتابعت عايز ايه يا نادر وايه اخره الهري ده لان واقفتك دي متنفعش انا ست متجوزه وبحب جوزي ولازم اصونه في غيابه قبل وجوده ولو انت ترضاها على اختك انا مرضهاش على نفسي

نادر بسخريه بتحبي جوزك اه طب اسمعي بقى ياروح امك انا جيتلك بالاصول وباللي جوايا وانتي مصممه فمعندكيش غير حلين مالهمش يا تطلقي من وسام واتجوزك

هناء بعصبيه ده لما تشوف حلمه ودنك ان شاء الله

نادر بابتسامه خلاص ياروحي نعمل التاني

هناء بعصبيه تاني ايه وزفت ايه وعلشان ايه اصلا اسمع كلامك

نادر بابتسامه علشان ده وطلع شات بينهم وحطه في وشها فبصت للشات اتصدمت مليان كلام غرامي وان هي عايزه تطلق من وسام وبتقوله نزل امتي وراح وفين وتفاصيل كتير حقيقه فاتصدمت وتابعت انت كدااب انا مقولتلكش الكلاام ده

نادر بابتسامه ما هو مش انتي يا روحي احنا بنستغل انك سايبه فونك وبنتكلم انا ويارا من الواتساب بتاعك لان هي ربطته عندها وطبعا هي بايته تحت وعارفه كل التفاصيل دي

هناء اتصدمت وتابعت بعصبيه يحيواان يا زبااله ده انا هوديك انت وهي في ستين دااهيه

نادر بضحك اهدي بس ليطقلك عرق فانتي يا تسمعي كلامي يا ابعت الشات ده كله لوسام وهيصدق لان في تفاصيل كتير حقيقه وغالبا طالما انتي متعرفيش بالشات يبقى هو اللي فتح المسدج اللي بعتها من شويه بس يارا خدت بالها ومسحنا الشات علطول وقالتلي يغبي هناء فوق ممكن تكون ماسكه الفون بعت ليه من غير ما اقولك

هناء اتصدمت بشده وافتكرت كلام وسام عنهم وبلعت ريقها برعب وتابعت بحده ايوه اكيد هو منك لله انا مشوفتش حاجه وسام كده هيشك فياا يشيخ ربنا ينتقم منك انت واختك قادر يكريم

نادر بضحك ولسه لو مسمعتيش كلامي هزعلك على حد غالي عليكي اوي واقدر اعملها بكل سهوله اعرف ناس تحب تخدمني

هناء الدموع اتجمعت في عينيها بقهر وتابعت عايز ايه ؟

نادر بضحك مش تعرفي مين هو الغالي عليكي؟

هناء بقهر ودموع عارفاه منا ماليش غيره وللاسف وثقت فيك وقولتلك كل حاجه عني لما اعتبرتك راجل

نادر بضحك ايوه هعتبرك بتقولي اي كلام وطبعا ده كريم وانا عارف كريم بنسبالك نقطه ضعف قد ايه فحادثه بقى رصاصه اي حاجه

هناء بحده ودموع اخلص وقول عايزه ايه وغور علشان وجودك هناا غلط

نادر فضل يضحك وتابع وجودي هنا غلط؟ اومال لما تعرفي طلبي وابتسم وتابع عايزك انتي

هناء اتصدمت بشده وحست قلبها هيقف وتابعت انت اتجننت صح؟ واتعصبت وتابعت لا اكيد اتجننت انا مستحيل اعمل كده لو هتموتني

نادر بابتسامه لا ياروحي مقدرش هموت اللي يموتك الف مره وانتي عايشه واكسر ضهر جوزك بالشات اللي معايا انما انتي تموتي تؤ تؤ ده انتي حب عمري

هناء بعصبيه ودموع انت اييه يشيخ معندكش ددم!! مش بتحسس!! انا هقول لوسام كل حاجه انما مستحيل اسمع كلامك لو عملت اييه

نادر قعد وحط رجل على رجل وتابع بابتسامه قوليله ونشوف هيصدق مين انتي ولا الشات اللي معايا بلص اني اقدر عادي جدا اعمل صور زي اللي عملتها يارا قبل كده واثبتي بقى واديه بيسيبك وبينزل كتير ومش هسكت بردو ساعتها وهكمل اللي قولته وهأذي كريم

هناء بصتله بقهر ودموعها بتنزل وتابعت ليه كل ده!! يعني كل ده علشاان اييه بجد!! علشان نزوه؟! علشان شهوه؟! واتعصبت بدموع وتابعت انت حقيقي مريض نفسي

نادر بابتسامه قصدك مريض بيكي ومتتسماش نزوه ولا شهوه انا بحبك وقام وقف وقرب عليها وهي بترجع وتابع بهيام وهو بيبصلها من فوق لتحت: وعايزك وهموت عليكي وقولتلك نتجوز انتي رفضتي فالو مكنش بالحلال يبقى بالحرام

هناء بدموع وهي بتترعش وخايفه منه تابعت انا بكرهكك بكرهكك بجد

نادر بحب وانا بموت فيكي ففكري انا هخليني طيب ياستي وهفضل سايبلك حريه الاختيار تتجوزيني ولا تجيلي

ولقيت الباب بيتفتح بصوت المفاتيح فاترعبت ونادر جري بسرعه على اوضه الاطفال لانه كان واقف جنبها وهناء مسحت دموعها وقعدت على الكنبه ووسام دخل وهو متعصب جدا وبيحاول يداري غضبه مكنش سمع حاجه بس واثق ان نادر جيه علشان هناء وانه عندهم مش تحت علشان فات على امه مكنش موجود فشافها قاعده وشها متغير فتابع بجمود:مالك في ايه؟؟

هناء حاولت تكون طبيعيه ووقفت وتابعت مفيش يحبيبي خرجت اتفرج على الـTV بس حسيت اني دايخه شويه

وسام وهو بيبص حواليه تابع متاكده يعني؟

هناء بتوتر اه يوسام هيكون في ايه يعني وبعدين انت جيت ليه؟

وسام بصلها فاتوترت اكتر وتابعت اقصد جيت ليه يعني ملحقتش تروح انت فاهم

وسام مردش عليها ودخل اوضتهم فاتوترت اوي وبصت على اوضه الاطفال وشافت نادر فقفلتها بهدوء ودخلت اوضه النوم ورا وسام كان فاتح الدرج فتابعت بتدور على حاجه اجبهالك؟

وسام بصلها وهو مش طايقها لانه واثق ان نادر موجود ومتعصب وهيموت من غيرته كونها واقفه قدام نادر بالبيجامه وبشعرها ومكنش هينفع يبينلها انه شك فيها ولا هيستحمل ينزل ويسيبهم مع بعض فتابع كنت ناسي الفون وخدته خلاص البسي الاسدال وانزلي اقعدي مع امي مش قولتي رنت عليكي وعايزاكي؟

هناء بتوتر اه مانا كنت هنزلها والله بس قولت احضر الغدا الاول

وسام اممم يعني مش تتفرجي على الـ TV ؟

هناء قلبها دقاته كانت عاليه من التوتر وهتموت وتعيط فابتسمت وتابعت بتوتر كنت ..كنت هتفرج وانا بقطع الخضار يا وسام في ايه يحبيبي

وسام بجمود لا مفيش اي حاجه البسي يلا وانزلي معايا والغدا يتحضر لما ارجع نعمله سوا

هناء بتوتر اه بس

وسام بعصبيه شديده انتي سمعتي اناا قولت ايييه؟؟

هناء اتخضت وتابعت بدموع حاضر ..حاضر والله ودخلت وهي مرعوبه وخايفه يكون وسام شك فيها فلبست اسدال ولفت الطرحه وطلعت فشدها وخرج برا شاف باب الاوضه بتاعت الاطفال بقى مقفول فابتسم بسخريه وفتح باب الشقه وخدها ونزل فنادر خرج وتابع هناء وفضل يبص عليها في الشقه ملقهاش فنفخ بضيق وتابع يبقى خدهاا

عند عزه وسام دخل مع هناء وتابع خليكي هناا مع امي شوفي عايزاكي في ايه متطلعيش غير لما اجي علشان متقعديش لوحدك انا مش هتأخر 

هناء كانت خايفه وهتموت وتعيط ومحتاجاه يطمنها كالعاده فحضنته وهي بتحاول تمسك دموعها وتابعت متتاخرش عليا علشان خاطري

وسام اول مره ميحسش بأي مشاعر وخرجها من حضنه وتابع امي واقفه يهناء

عزه بابتسامه وفيها ايه يحبيبي يعني هي اول مره ما ربنا يسعدكم

وسام ابتسم بمجامله ونزل من غير ولا كلمه وهو مقهور ودماغه هتتفرتك ليه عملت كده وكدبت عليه ووقف بعيد عن البيت خمس دقايق لقى نادر نزل فابتسم بسخريه ومشي يروح لـ لينا

-

علي وحبيبه كانوا قاعدين بيتكلموا ومستنين العيله هتيجي تطمن على حبيبه

علي بحده حبيبه كفاياكي ام طفح مايه هاتي دي كده وبيمسك منها الكوبايه

حبيبه بضحك خلاص والله خلاص والله اخر بوق وحياتك وحياتك

علي برفعه حاجب اخر بوق؟

حبيبه هزت راسها بـ اه وتابعت اه صدقني 

علي بضيق طب اوعي انتي كده انا همسك الكوبايه

حبيبه بضحك يعلي بقى بطل رخامه ثق فيا امتى قولت وحياتك كدب يعني

علي بضيق معلش مانا معرفش البوق ده هيبقى قد ايه اخلصي كده هاتي

حبيبه بضحك طب سيب

علي بحده حبيبههه

حبيبه حست انه هيقلب عليها فسابت الكوبايه وبصتله بحزن فعلي ابتسم من شكلها وتابع بضحك يؤبرني انا القمور حتى وهو زعلان هموت وارزعك بوسه يابت يحبيبه بس معلش الصبر مفتاح الفرج

حبيبه بابتسامه وتصبر ليه يقلب حبيبه انا مراتك على فكره

علي فضل يضحك بشده لدرجه عينيه دمعت وتابع يابت قوليلي اتلم وشك يحمر اي حاجه من الحاجات دي حسسيني ان غرضي صعب المنال يخربيت امك

حبيبه بضحك اكدب عليك يعني ما الواحد تعب من الخطوبه والله

علي بضحك مين سمعك انا هطق اكتر منك فاهمه يعني ايه قايم نايم شايفك قدامي ومش عارف اعمل حاجه ده عذاب ده

حبيبه بابتسامه احسن فرحانه فيك علشان مش عايز تشربني

علي بضحك ماشي ياستي تشكري وتعالي كده انا هشربك البوق وقرب الكوبايه منها ومجرد ماشربت حبه صغيرين جدا شال الكوبايه وتابع بس اييه كنتي في صحراا

حبيبه بذهول هو كده كنت في صحرا !! ده كده قاعده في تكييف ومش اي تكييف تكييف زي اللي في اوضه إيلين

علي فضل يضحك وتابع ايووه اهم حاجه زي التكييف اللي في اوضه إيلين محدش يعرف يجيبه ده

حبيبه بابتسامه بس اخوك هيجيبهولها

علي ابتسامته اختفت وتابع ببعض الحده : انتي عرفتي الموضوع ده منين؟

حبيبه بابتسامه نيره قالتلي لما خرجت من العنايه وانت في الاختبار وفرحت اوي بجد

علي بحده ايه اللي يفرح في حاجه زي دي انتي اتجننتي؟؟

حبيبه مسكت ايديه وتابعت بابتسامه علي عصام مش وحش يحبيبي ممكن تحاول تفهمه مره او على الاقل تعرف اسبابه؟ يسيدي هو لو بشع كده كان سابني اموت واتصفى بس لانه عارف انت هتتعب عليا قد ايه لحقني

علي بحده ياستي يشكرر ومش هنساله اللي عمله العمر كله بس مش اخوياا مش علشان موقف حلو انسى كل الذل اللي عشته بسببه وانا اتخيل الكلام ده من اي حد عادي ومش هتصدم من سلمى ولا اخواتي لو حبوه ولا حتى امي وتصرفاتها انما انتي يحبيبه !! انتي اللي تدافعي عنه!! اشحال مش واجع قلبك علياا ورفعتي عليه سكينه بسببي

حبيبه بابتسامه اديك قولت اهو بنفسك وجع قلبي عليك .. يعني انت متخيل ان في حد في الدنيا هيجي عليك وانا هصفاله واسامحه؟؟ والله لو مين

علي بحده قولي لنفسك

حبيبه بابتسامه مانا قولت لنفسي بس ركزت مره وقدرت اشوف الموضوع من ناحيته ومسكت ايديه وتابعت يحبيبي ده ستر عرضك مره ومنع قضيه سلمى توصل للقسم ولحق حبيبتك المره التانيه ..عصام لو جاحد زي مانت واخد عنه الفكره دي كان كسر ضهرك في سلمى وقهرك فيا وملحقنيش

علي بحده حتى لو كل كلامك صح انا مستحيل اتقبله كأخ مهما عمل انسي

حبيبه بتنهيده خلاص نتكلم بعدين في الموضوع ده

علي بحده الموضوع مفيهوش كلام هو خلصان نامي انتي بس كده وريحي ضهرك علشان متتعبيش بلا عصام بلا خراا ربنا يسامحك يا ابويا

حبيبه وهي بترجع ضهرها تابعت بابتسامه هيسامحه علشان ربنا جعله سبب ان يبقى ليك ضهر في الدنيا اخوك مش قليل في مصر يعلي

علي بحده شوف بردو هتقولي اخوك !! حبيبه الكلمه دي لو اتقالت تاني هتزعلي بالجامد وهنسى اني وعدتك مزعلكيش تاني

حبيبه بتمثيل حزن انا في المستشفى لسه على فكره

علي بحده قولي لنفسك بقى واتكتمي علشان مقعدكيش فيها شهر كمان قال مش حد قليل قال الله الغني ياختي ولا عايزينه ولا عايزين واسطاته انا هعلى بنفسي وهبقى ظابط باذن الله ومش عايز حاجه من حد

حبيبه بابتسامه اجمل ظابط عيني شافته

علي ابتسم غصب عنه وتابع غوري مش بكلمك

حبيبه بضحك لا يعمري مقدرش والله ومسكت ايديه باستها

فعلي ابتسم ووطى باس ايديها بعمق وبصلها وتابع حاولي تجنبي الموضوع ده لانه بيوجعني ومش حابب نتخانق كل شويه ممكن؟

حبيبه تنهدت بحزن وتابعت عارفه يعلي بس..

علي بمقاطعه ممكن؟؟

حبيبه بتنهيده حاضر يحبيبي

علي باس ايديها وتابع بحب يحضرلك كل خير يعمري

والممرضه خبطت ودخلت فعلي بص وراه عليها فتابعت بابتسامه معاد الغيار على الجرح

علي بابتسامه اه تعالي اتفضلي وقام قعد جنب حبيبه ومسك ايديها والممرضه شالت الملايه وكشفت عن جرح حبيبه وبدات تشيل اللزقه فحبيبه اتوجعت ودموعها نزلت وتابعت ااه ااه ابوس ايدك براحه مش قادره وفضلت تعيط

علي بوجع بس بس اهدي حقك عليا والله وحضنها يطبطب عليها

حبيبه سندت راسها جوه حضنه وفضلت تعيط وتابعت ااه يعلي مش قادره يعلي بمووت

علي بحده ابوس ايديكي براحه مش شيفاها بتتلوى من الوجع مش كده

الممرضه بتنهيده يفندم غصب عني بشيل اللزقه طيب طبيعي توجعها لانها بتتشد

علي نفخ بضيق وهو بيطبطب على حبيبه وتابع طب اخلصي بسرعه ابوس ايدك

حبيبه بعياط ووجع واجعاني يعلي مش قادره بجد

علي باس جبينها وخدها في حضنها وفضل يمشي ايديه على شعرها وتابع بوجع حقك عليا ينورعين علي ياريتني بدالك والله منه لله اللي عمل كده مش هيهدالي بال الا لما اعرفه واجيبلك حقك منه تالت ومتلت

الممرضه بحزن معلش خلاص هعقمها واحطلك اللزق الجديد اهو

حبيبه بعياط اه ياربي ارجوك شيل عني مش قادره

علي غمض بقهر من عياطها ومقهور على وجعها وفضل يطبطب عليها وتابع بس يحبيبي اهدي

فالممرضه عقمت الجرح فحبيبه اتألمت ومسكت في ايد علي جامد فحضنها جامد وهي منهاره عياط وتابع بس بس حقك علياا ..حقك علياا والله وبص للممرضه وحركلها عينيه بمعني "كملي بسرعه" فالممرضه بالفعل كملت تحت عياط حبيبه المتواصل ومسكت في قميص علي بقبضه ايديها من الوجع وعلي فضل حاضنها جامد بيحاول يهديها والممرضه ثواني وحطت اللزق وتابعت بس بس خلصنا اهو سلامتك

علي تنهد بارتياح وتابع الله يسلمك الف حمد وشكر ليك يارب  اهدي خلاص وحط ايديه على خدها يمسح دموعها وتابع بس يحبيبي خلاص خلصنا اهدي

فالممرضه خرجت وحبيبه بصتله وتابعت بوجع ودموع انا تعبانه اوي يعلي تعبانه بجد ومش مستحمله

علي بوجع هتخفي والله هتخفي وهتبقي زي الفل وهتقولي علي قال حقك على عيني والله بعد كده مش هسيبك في اي مشوار لوحدك ابدا يعمري

حبيبه بدموع انت عارف ان الفتحات اللي في بطني دي مش هتروح؟

علي بابتسامه اه عارف طبعا

حبيبه بوجع ومش متضايق؟

علي بحب انتي فكرتك عني كده؟

حبيبه بدموع انا بسالك بجد يعلي جاوبني والله مش هزعل

علي بضحك بت انتي هبله هو انا بحبك انتي ولابحب جسمك؟ فوقي كده وبطلي عبط مانتي هتولدي وبطنك هتتفح وهتعلم فيها ايه يعني هفضل بحبك فكل حالاتك

حبيبه بقهر مكان الولاده مختلف انا هشتوهه والله

علي بحب قطع لسان اللي يقول عنك كده انا اطولك بس ومش عايز حاجه تاني من الدنيا وشوفي بعينك هشوفك ازاي

حبيبه دموعها نزلت وهي مبتسمه وتابعت انا بحبك اوي بجد وحضنته فعلي ابتسم ورايح يبوس جبينها شاف كريم داخل فزقها بسرعه وقام من جنبها فتاوهت بوجع ودموعها نزلت فتابع بخوف حقك علياا انا اسف .. انا اسف والله

كريم دخل وتابع بخوف ماالها في اييه وجري قعد جنبها وخدها في حضنه وتابع بخوف بس بس يحبيبتي مالك وبص لعلي بحده وتابع وانت ايه واقف زي قلتك وسايبها بتتوجع كده!!

علي بتوتر قسما بالله ابداا دي علشان لسه مغيره على الجرح بس فوجعها

حبيبه بدموع علي مقصرش يكريم انا موجوعه من التغيير

علي قعد قدامها ومسك ايديها باسها وتابع بتأنيب ضمير: حقك عليا والله

كريم شد ايديها وتابع بحده احترم نفسك انت بتبوس ايديها قدامي

علي بضحك لا يسيدي حقك انا ابن كلب متربتش

فدخلوا كلهم وسلموا عليها وقعدوا معاها

سلمى بحب عامله ايه دلوقتي ينورعيني

حبيبه ابتسمت بتعب وتابعت احسن الحمدلله

مالك قعد جنبها من الناحيه التانيه وباس راسها وتابع سلامتك يقلب مالك

حبيبه ابتسمت بتعب: الله يسلمك يغالي

علي بغيره اييه ياباا اييه يحبيبي شفافين قاعدين يعني ولا محترمني ولا محترم الجدع اللي جنبها

مالك بضحك دي بنت عمي يعني بتاعتنا يحبيبي

علي بغيره ولا بتاعتك ولا بتاعت حد دي بتاعت علي بس ابعد عن البت كده

فكلهم فضلوا يضحكوا فتابع مالك بضحك ما كريم واخدها في حضنه اهو ومتكلمتش

علي بضحك ده كاسر عيني ده هكلمه اقوله ايه وهو اللي مربيها يعني ده انا اللي دخيل بينهم وهاخد منه بنته

كريم بضحك ايوه برافو عليك 

مالك بضحك تخصني بردو ومش هي بس ده روح قلبك كمان تخصني وقام حضن سلمى وباس خدها فكلهم فضلوا يضحكوا وسلمى اتكسفت

علي بضحك ايه انت ايه اللي عملته ده يحيوان يا ابن الجزمه انت!! انت بتبوس اختي قدامي!!

كريم بضحك بتوجع يعني دلوقتي

علي بضحك متدخلنيش في تفاصيل دلوقتي علشان مالك شكله هيتهان وقام وقف فمالك فضل يضحك وجري وقف ورا السرير بتاع حبيبه وتابع بضحك وربنا لو جيت جنبي لحركلك السرير

كلهم فضلوا يضحكوا فتابع علي بضحك لاا لاا خلاص مش هاجي جنبك وربناا اخرج من ورا البت هي بتموت لوحدها مش ناقصين

حبيبه بابتسامه متعبه اخص عليك يمالك

مالك بضحك مقدرش يعمري بهدده بس وخرج من ورا السرير فعلي مسك قميصه فتابع بضحك لاا لاا انت قايلي مش هتيجي جنبي وحلفت الحقيني يا لوما

سلمى بضحك لا اري لا اسمع لا اتكلم

فكلهم فضلوا يضحكوا فعلي بصله وتابع بضحك انا مش هكلمك علشان حلفت بس لو سمعتك بتغازل خطيبتي تاني ولاشوفتك بتبوس اختي قدامي هزعلك اقسم بالله فمتختبرنيش هاا بوسها من ورايا مش هتكلم

فكلهم فضلوا يضحكوا فمالك همس بضحك والله يغالي ولا من وراك ولا من قدامك

علي بهمس بتهزر ده انت بقالك 8 ايام

مالك بضحك وربنا ولا الهوا

علي فضل يضحك وتابع احسن تستاهل اقسم بالله تربيتي دي فرحان فيك انا الصراحه بغير عليها فـ يلا مصلحه وقعد قدام حبيبه على السرير وتابع بنبره ليها مخزى : انا مش هتكلم تاني ياسلمى

سلمى فهمت وتنهدت بحزن ومالك تابع بضحك تشكر ياعم تتردلك باذن الله

علي بضحك تبقى بتحلم ده انا معايا حتت بوغاشه وبص لحبيبه وتابع صح يعمري؟

حبيبه بتعب على ايه؟

علي بضحك لا مش لازم تعرفي انتي قولي صح ولالا

حبيبه بحب طلما نورعيني شايف انه صح يبقي صح طبعا

علي فضل يضحك وتابع اهو شوفت معايا طول الخط دي

كريم بضحك شوف بنت الكلب اللي مش محترمه اني جنبها دي

حبيبه ضحكت بتعب وتابعت خليها عليك يكيمو المره دي اخوك حبيبك وباست خده

نيره بصتلهم بغيره وتنهدت لما حبيبه باست خده بس تجاهلت الشعور ده فكريم فضل يضحك وتابع بتتكلم مع عيل في ابتدائي وتقولي اخوك حبيبك اصل خد مني لعبتي شويه ده عايز ياخد عمري كله وباس جبينها وهو حاضنها

حبيبه بضحك حبيب عمري والله

علي بضحك يا استاذ كريم كفايااك راعي مشاعر اهلي انا والراجل الطيب ده

الاب بضحك لا مقدرش اتكلم هقول ايه ما كتر الف خيره ربالي بناتي

علي بغمز وضحك ياعم علي بقى احكم على بنتك عيب

فكلهم فضلوا يضحكوا فتابع كريم بضحك ده عند امك عارفها؟ لمؤاخذه يمرات عمي وانتي متنطقيش تاني هزعلك بجد

حبيبه بضحك حاضر

رانيا بضحك تشكر يكريم خليت فيها مرات عمك بس هسامحك علشان انت حبيبي

كريم بضحك روح قلبي والله

رانيا بحب ده انت خدت بالك العمر ده كله من نورعينيا دعوتي دي اللي عمرها ما بطلت من لساني من اول ماشوفتها قولت هي دي اللي تنفع مرات ابني يبختنا بيها

حبيبه بحب ودموع ده انا والله اللي يبختي بيكم يارنوش بحبك اوي بجد 

علي بص لحبيبه بحب وتابع واحلى دعوه دعيتهالي ياست الكل والله انا خدت حظي الحلو كله في حبيبه بحسد اي راجل ممعهوش مراتي والله

كريم مراتك اه عند امك تاني

علي بضحك يووه بقي يكريم متقرفنيش يجدع وانتي التانيه مش بتردي ليه

حبيبه كريم قالي مردش

علي بصلها بذهول وكلهم فضلوا يضحكوا فتابع علي بضحك لا اخص عليكي وربناا اخص

اسراء بضحك احسن تستاهل علشان قارفني انا وسنسن

علي برفعه حاجب انتي ومين ياختي؟

اسراء بتوتر ايه بقوله ياسنسن عادي بدلعه

علي بابتسامه وان شاء الله بقى حيله امه الطول بعرض عارف انه سنسن؟

كلهم فضلوا يضحكوا فاسراء تابعت بضحك اه بيقولي قلب سنسن عادي

علي بغيره كماان !! اممم دي حاجه جميله خالص ابقى قابليني انتي ومنمن بتاعك ده لو فيها جواز قبل 4سنين ولما اشوف وشه حسن

اسراء بضيق يووه بقي يعلي هو كل شويه هتزودهم

حبيبه بضحك بتعيش الدور على البت ليه يا لولي؟

فكلهم فضلوا يضحكوا بشده فعلي كتم ضحكه بالعافيه وبصلها وتابع انتي حد قالك اتكلمي دلوقتي؟ مش كريم مسكتك؟ ده انا بتكلم بقلب جامد عارفك سايلنت ينفع الاحراج ده؟

اسراء بضحك يعني بيتقالك يا لولي وزعلاان من سنسن اخص على حماه الوطن اخص ده انت هتبقى ظابط حتى طب اللواء بتاعك عارف ان الحته بتقولك يا لولي يا لولي بيه؟

كلهم فضلوا يضحكوا بشده فعلي بص لحبيبه وتابع بضحك اديكي علقه تبنجك دلوقتي؟

حبيبه فضلت تضحك وتابعت مش هتقدر كريم جنبي

علي بضحك عليكي وعليه مسيرنا لينا بيت يلمنا وابقى اسمعك بتقولي لولي دي تاني هزعلك هي خلصت خلاص انا سيد الرجاله يحبيبتي وهبقى ظابط ميتقاليش الكلام الفاضي ده

حبيبه بابتسامه سيد الرجاله واحسن ما فيهم يا لولي والله

علي بضحك قلب وعيون لولي انتي والله

فكلهم فضلوا يضحكوا فتابع مالك بضحك انا راجل في بيتي

علي بضحك ايوه يحبيبي انا راجل في بيتي وراجل ليها مش عليهاا دي عمري دي هو انا لو مفصلتش من الجو الجد والشغل والقرف معاها هفصل مع مين يعني

حبيبه بضحك نورعينها من جوه

اسراء بضحك اهوو اديك مقتنع اشمعنا بقى

علي بحده بس يابت اقعدي ساكته ده انا متقبل جواز سلمى بالعافيه فمتخيله انتي بقى اللي خطيبك صاحب عمري!! 

اسراء بضحك يووه يعلي بقى

علي فتح ايديه وتابع بحب تعالي هاتي بوسه

اسراء فرحت وراحت حضنته فباس راسها بعمق وتابع بحب انا بحبك والله ومش قصدي ارخم عليكي بس بغير 

اسراء بحب عارفه والله وانا بهزر

علي بحب هو جيه قبل شغله اطمن على حبيبه واستأذني انه هيجيلك البيت شويه علشان انا قاعد هنا طبعا وقولتله روح فانا يحبيبي مش كاتم عليكي بس والله بغير ربنا يسعدك يارب انا عمري ما اكرهه انك تكوني فرحانه مع اللي بتحبيبه

اسراء بحب يارب ميحرمني منك ابدا يانورعيني وحضنته

حبيبه بغيره اخرجي من حضن جوزي يابت

علي برفعه حاجب لاا لما كريم يسيبك بقى

فكلهم فضلوا يضحكوا فتابعت حبيبه بضحك لا مش هيسيبني خليك يحبيبي وطلعت لسانها لعلي ونامت تاني في حضن كريم فكريم فضل يضحك وباس راسها وتابع بضحك روح قلبي دي

رانيا الا صحيح اسيا مجتش ليه يعلي

علي بتنهيده كلمتني تعبانه وعماله ترجع قولتلها خليكي فممكن تيجي بكره

ابتسام حملها متعب اسيا من اولها

رانيا بتنهيده اه والله يا ابتسام ربنا يكملها على خير يارب

كلهم رردوا يارب والباب خبط ودخل وكيل نيابه وتابع بابتسامه حمدلله على السلامه ممكن اتكلم معاكي شويه؟

علي: اه اه طبعا اتفضل وبص لحبيبه بحده علشان تتعدل لانها نايمه في حضن كريم فاتوترت واتعدلت وكريم حط مخده ورا ضهرها فالوكيل جاب كرسي وقعد وتابع عايز اسمع منك ايه اللي حصل بالظبط؟

حبيبه تنهدت بتعب وتابعت هو انا كنت راجعه من كليتي بدري شويه فلقيت حد بيشدني لحاره كده وكتم بوقي وضربني بمطوه غالبا ومشي

الوكيل شكله ايه الحد ده؟

حبيبه لا مشوفتوش ملصم

وكيل بتنهيده اممم ملصم تبقى مقصوده

علي هز راسه بلايجاب وتابع اه بالظبط انا قولتلها كده بردو

الوكيل حضرتك جوز المجني عليها؟

علي بابتسامه لا انا علي خطيبها يافندم

الوكيل طب مش شاكك في اي حد ولا عايز تقول اي اسم؟

حبيبه بصت لعلي برعب خافت يقول عصام وعلي اتردد بس لما افتكر خوف عصام عليها وانه كل شويه يجي يطمن تراجع وتابع لا يفندم حبيبه ملهاش اعداء وتوب الارض بيحبها وده اللي مجنني

الوكيل بتنهيده بس هي مقصوده يا استاذ علي

علي تنهد بوجع وتابع عارف والله بس حقيقي دماغي وقفت

الوكيل بص لحبيبه وتابع طب انتي مش بتتهمي حد؟ حد يكون انتي بس عارفاه خطيبك لا او عداوت قديمه او حد بيبتزك افتكري

حبيبه هزت راسها بـ لا وتابعت لا خالص وعلي يعرف عني كل حاجه مفيش حاجه في حياتي مخبياها عليه ده معايا من وانا صغيره فصدقني هو لو شاكك في اي اسم كان نطقه من غير تفكير

الوكيل تنهد وتابع طب جيتي المستشفى ازاي؟ لان اللي اتضح انك وصلتي قبل وصول الحكومه لموقع الجريمه

حبيبه اخو خطيبي اللي جابني هنا

الوكيل بص حواليه وتابع فينه اخوه

رانيا بخوف ليه يا بيه عايز منه ايه عصام ماله بالكلام ده

الوكيل بتنهيده يا امي تحقيق هعرف منه شويه معلومات مش اكتر 

علي بتنهيده يفندم عصام كان عايش في امريكا عمره كله وميعرفناش اوي فمش هتستفيد منه حاجه دول اهلها وعزوتها

الوكيل بابتسامه بص يعلي في شغلنا ده اول واحد بتستبعده بيكون هو المجرم ..فانت عايز حق خطيبتك يبقى تسكت وتسيبنا احنا ندور

رانيا بدموع وخوف لا الواد معملش حاجه ومستحيل يعمل كده ماتشوف اخوك يعلي مش للدرجه دي يابني ده حته منك

حبيبه بخوف يافندم عصام والله كويس بلاش الاستدعاء ده علشان خاطري

سلمى بدموع علي وراحتله وتابعت علي متخليش مشاكلكم تحسسه انك شكيت فيه ارجوك متوجعش قلبي عصام اخر حد يتشك فيه

علي بحده هو انتي شيفاني بمزاجي يسلمى انا مالي ده شغلهم

الوكيل يجمااعه ده استدعاء طبيعي مانا حققت مع خطيب المجنى عليها نفسه اهو مفتحش بوقه وهو لو كان هنا كنت هساله سؤالين وخلصت بس لانه مش موجود دلوقتي وكان موجود في مسرح الجريمه وهو اللي جاب المجني عليها فلازم اتكلم معاه في النيابه ولو سمحتوا سيبونا نشوف شغلنا 

علي اتردد يتكلم بس تابع طب انا اقدر احضر معاه التحقيق انا محامي

الوكيل بابتسامه احضر يسيدي اسمه بالكامل ايه ومحل اقامته وقام وقف

علي بتنهيده عصام خالد احمد السيوفي ومحل اقامته العاشر المجاوره التانيه عماره 42 الدور الرابع

الوكيل بتنهيده تمام عن اذنكم وربنا يطمنكم عليها

علي بتنهيده اذنك معاه والوكيل مشي

رانيا بدموع اوعي يعلى اوعى تخلى باخوك وروح معاه النيابه

علي بسخريه والنبي اتلهي ده يحبسنا كلنا وعملها قبل كده مش جديده عليه وهيروح ويخرج في مينت ده عصام بيه يا رانيا معاه اللي مش مع حد

سلمى بدموع ووجع بس مش معاه الاغلى من كل ده .. اخوه

علي ابتسم بوجع وتابع اخوه اه .. بصي يسلمى قفلي على الحوار ده علشان مخرسكيش

سلمى بدموع يحبيبي هو بيحبك والله و

علي بمقاطعه وبحده ماالك سكت مراتك علشان لو هزقتها ابقى بقل منك وانت واقف

مالك بص لسلمى بحده وتابع خلاص لا هو وقته ولا مكانه

سلمى هزت راسها بحاضر وسكتت بحزن

فهاله ابتسمت بحزن وتابعت بقيتي احسن ينورعين امك؟

حبيبه بحب اه متقلقيش يعمري

هاله بحب ابوكي كان هيتجنن عليكي

حبيبه ابتسمتله بحب وتابعت مش اسمه علي طبعا لازم يبقى حنين

علي اتفاجئ وفضل يضحك وتابع يعُمرر علي

فكلهم فضلوا يضحكوا فكريم بصلها وتابع بضحك كلمه كمان بالقلم وعلى وشك

مالك بضحك ووشها ليه بطنها ياابا هتوجع اكتر

نيره بضحك يخربيت جبروتك يجدع

علي مسكه من قفاه وتابع بضحك ضربه في بطنك انت واهلك يبعيد يابني اتلم بعيد عني انا مش عايز امسكك اعجنك اكمنك عريس ويمكن تعوز صحتك وغمزله

مالك فضل يضحك وتابع خلاص والله احنا اسفين يكبير 

علي بضحك لا مش متقبل اعتذارك هتقبله بالافعال وغمزله وتابع يلا على بيتك امشي

مالك بضحك وربنا بتحلم

علي بضحك طب يلا بس هتشوف ومشي بمالك ناحيه الباب وتابع يلا يبابا انت عريس جديد يعني مكانك مش هنا واجبك وصل وبص لسلمى برفعه حاجب وتنهد فبصتله بحزن وهزت راسها بحاضر لانها فهمت نظرته من غير ولا كلمه وخرجت مع مالك اللي عمال يضحك

علي بابتسامه يلا روح وكلمني طمني انكوا وصلتوا هاا وغمز وقفل الباب فكلهم ضحكوا فتابعت رانيا بضحك يواد يزعل يواد يقول طردته

علي بضحك اسكتي ياما بس ده محبه من على قلبه ده انا قسمابالله ما هنزل من بيتي قبل شهرين حتى لو كريم نفسه اتضرب بالنار

كلهم فضلوا يضحكوا فتابع كريم بضحك يكرم اصلك يا ابن الكلب ياحيوان

علي من بين ضحكه حبيبي تسلم

نيره بابتسامه الف بعيد الشر عنه ربنا يحفظه متقولش كده يعلي

علي بضحك اه يا ام قلب حنين انتي

هاله بضحك طبعا ده كله الا كريم عندها

كريم بحب والله وهي كمان كله الا هي عندي

فنيره ابتسمت فتنهد كريم وتابع بس اللي هقوله ده بالذات مجبتلهاش هي شخصيا سيره بيه حبيت اسيبه مفاجاه مع ان لميا وهناء مش موجودين بس تتعوض

نيره ابتسامتها اختفت واستغربت جدا فتابع علي بحب ايه قول ياعم فرحناا

كريم بابتسامه انا الحمدلله ناويت اخطب

نيره اتصدمت بشده وقلبها وجعها وكلهم فضلوا يزغرطوا بفرح فتابعت ابتسام بفرح يالف نهار ابيض ينورعين امك اخيراا يكريم اخيراا وافقت تفرح قلبي

علي بضحك ده ايه ياعم الاخبار الحلوه دي مليون مبرووك والله

حبيبه بفرح يعمري فرحتني بيك والله

اسراء بضحك مين سعيده الحظ

كريم تنهد وتابع نهله اللي قابلتها لما كنا في شرم

حبيبه بضحك طب وربناا حسيت انها بتحبك بت قمرر بصرااحه

اسراء بحماس وااو وااو بجد طب ايه الخطوبه امتي يكريم فرحنيي

كريم بحب لسه هكلم اهلها بس قريب انما الخطوبه يعني شهرين كده

نيره حست الاكسجين اتسحب كله من الاوضه وقلبها وجعها ودموعها خلاص هتنزل فابتسمت بالعافيه وتابعت مليون مبروك يحبيبي عن اذنكم ودخلت الحمام وقفلت على نفسها فكريم تنهد بعمق وبص على الحمام لانه واثق انها اكيد بتعيط

---

بعد شويه عند سلمى ومالك

مالك فتح الباب ودخلوا وقفل ورمى المفتاح على السفره وقعد على الكنبه ورجع ضهره لورا

سلمى قعدت جنبه وتابعت بتنهيده مالك في ايه

مالك وهو مرجع راسه ومغمض تابع مفيش يعمري مصدع شويه بس وفتح وبصلها وتابع واه مش عايزك تفهمي غلط انا مكنتش بشتكي لعلي الموضوع كله جاي بهزار

سلمى بابتسامه اكيد عارفه حاجه زي دي

مالك بحب انا حبيت اوضحلك بس خوفت تفهمي غلط

سلمى بحب لا يعمري متقلقش المهم تعالى يلا غير هدومك وفكلي سوسته الدريس ده علشان اتخنقت وحرانه

مالك بحب حاضر قومي

سلمى قامت ودخلت اوضتهم ووقفت قدام المرايا وقلعت الخمار وفردت شعرها فمالك جيه حضنها من ضهرها فجسمها مشيت فيه كهربا خليتها ارتجفت بس ثواني وهديت ولفت وشها باست خده وهمست بحبك

مالك بحب انا اكتر عامه وفتح سوسته الدريس فمجبرد ما صوابعه لمست ضهرها انكمشت فمالك فضل يضحك وتابع اعملك ايه طيب حد قالك البسيه من غير بادي تحتيه كده؟

سلمى خدت نفسها بعمق ولفتله وتابعت وايه يعني لما ايدك جات على ضهري هو انت اي حد؟

مالك ابتسم بحب وتابع لا طبعا بس مش حابب اوترك او اضايقك

سلمى تنهدت بقوه وتابعت مالك انا الحاجه الوحيده اللي مضيقاني هي بعدك عني .. اه صعبه بنسبالي ومش هنكر ده ابدا بس البنت مننا لما بتحب راجل بتبقى مستنيه اليوم اللي تكون فيه ملكه حتى لو يخوف ويقلق بس كله بيعدي وانا لما فكرت فيها لقيت ان انسب حل للعلاج هو مواجهه المشكله نفسها فانا مش هطمن للموضوع غير لما احس بامان معاك فخلاص كفايه انا هفضل مستنيه لحد امتى وهتخبى من مين؟ انت حته مني يعني بدل ما اتخبى منك اتخبى فيك فحقيقي مش عاجبني الوضع ده

مالك تنهد وتابع ده بسبب زعل علي مش كده؟

سلمى بلهفه والله ابدا واهي الدكتوره عندك كلمها واسألها انا قولتلها ايه

مالك بتنهيده سلمى انا حاولت مره والف في خلال الايام دي وكل مره كنتي بتتنفضي وترفضي اقرب اكتر ايه اللي اتغير؟

سلمى دموعها نزلت وتابعت ولا حاجه صدقني ولا حاجه اتغيرت ولا هتتغير علشان كده الانتظار مالوش معنى .. يمكن الجديد اني بقيت احس في حضنك بامان اكتر ومش بتكسف البس قصير قدامك فصدقني هيحصل بس انت طاوعني

مالك حس انه هيضعف فاداها ضهره وتابع بتنهيده لا يسلمى الموضوع دلوقتي بنسبالي مرفوض يعني مرفوض سيبك من علي ومن الدنيا كلها روحي غيري يلا وشوفي هنتغدا ايه

سلمى بصتله بحزن ومردتش عليه ودخلت الحمام وقفلت وراها ومالك تنهد بعمق وتابع لا مش هعمل كده انا اه هموت عليها بس هي اكيد عايزه تراضيني وخلاص وقعد على السرير ومسك الفون وشويه وسلمى طلعت شعرها مبلول وبينقط على الارض وشكلها كيوت اوي ولابسه البورنص القصير الابيض بتاعها وقعدت قدام التسريحه تحط مرطبات وتابعت من غير ماتبصله مغيرتش هدومك يعني؟

مالك بتنهيده بفكر انزل مشوار الشركه اللي كنت هروحه بكره بما اني لابس ومنزلش بكره خالص

سلمى رشت برفيوم وبادي سبلاش وقامت تروحله وتابعت ولا بكره ولا بعده وقعدت على رجليه وهمست مش فاضيين

مالك اتفاجئ من تصرفها وقلبه دق بعنف وتابع بابتسامه بتتحديني يعني؟ مانتي عارفه اني ضعيف قدامك بتتاكدي من ايه؟

سلمى خدت نفسها بعمق وحاولت تبقى طبيعيه وبصت في عينيه وهي بتفتح زراير قميصه وتابعت انا عمري ماشوفتك ضعيف قدامي دايما كلام انما كل مره بتقدر تبعد نفسك عني اثبتلي مره العكس

مالك غمض عينيه وحط ايديه على ايديها بعد ماوصلت لنص الزراير وتابع وهو بياخد نفسه بالعافيه من حركاتها: سلمى .. انا خايف عليكي 

سلمى بصتله بحب وتابعت وانا مش خايفه وانا معاك

مالك بصلها بهيام وتابع حتى لو مش خايفه دلوقتي .. مش عايز يحصل بينا حاجه وتكرهي قربي منك دي هتوجعني اوي فارجوكي كفايه لانك لو هتاخديها تحدي فانا رفعت الرايه من بدري اوي

سلمى بابتسامه بذمتك انا لو زي الاول هعمل كده؟ كفايه توقف حياتنا يا مالك انا بحبك ونفسي في اليوم اللي هشيل ابنك فيه

مالك بصلها بحب والدموع اتجمعت في عينه وتابع وانا والله بموت فيكي وبحلم باليوم ده اكتر منك

سلمى بحب طب ايه؟

مالك تنهد بعمق بيحاول يهدي من كميه المشاعر اللي حاسس بيها وبعد شعرها بعيد عن عينيها وبصلها وتابع عايزه ايه يسلمى

سلمى سندت جبينها على جبينه وتابعت عايزاك .. عايزه ابقى مراتك بجد يامالك

مالك قلبه دق بعنف من كلامها واستسلم وقرب باسها بعمق وايديه بتقربها ليه اكتر واعتلاها وقرب منها بحب وباس رقبتها بعمق وسلمى كانت متوتره جدا وصوت نفسها واضح فمالك رفع وشه وهو بياخد نفسه وبص لعينيها وتابع سلمى

سلمى وهي بتاخد نفسها بصتله بحب وتابعت كويسه يحبيبي متقلقش

مالك بوجع سلمى ابوس ايدك بلاش قلبي مش مطاوعني متجيش على نفسك علشاني

ورايح يقوم فسلمى حطت ايديها حوالين رقبته وقربت باسته هي فمالك اتفاجئ بتصرفها ومقدرش يبعد عنها تاني وبقى يقربها منه اكتر وايديها فكت باقي زراير قميصه فرماه وايديه جات على البورنص يفكه

وبعد وقت ..

سلمى كانت نايمه على صدر مالك العاري وايديه محطوطه على كتفها فضمها ليه وباس راسها وتابع حبيبي انتي كويسه ؟

سلمى وهي نايمه على صدره ومغمضه تابعت اممم

مالك بقلق لا سلمى بصيلي انتي كويسه بجد؟

سلمى بصتله بحرج وتابعت اه والله بخير يحبيبي متقلقش انا حاسه اني تعبانه شويه بس

مالك بقلق تعبانه مالك ننزل طيب لاي دكتوره؟ 

سلمى ابتسمت بتعب وتابع مالك متكبرش الموضوع ده عادي يحبيبي ونامت في حضنه وهي بتهرب من عينيه من كتر الكسوف

مالك بقلق طب انتي اضايقتي من حاجه؟

سلمى بابتسامه لا خالص بالعكس انا نفسيتي ارتاحت خلاص

مالك تنهد بارتياح وتابع بضحك يشيخه وقعتي قلبي وباس راسها بعمق وتابع مبااارك يعيون ماالك

سلمى خبت وشها فيه وتابعت بحرج انا كده هتضايق بقى

مالك فضل يضحك بشده وتابع لالا اخص عليكي بتتكسفي مني يسلمى؟

سلمى وهي حضناه ودافنه وشها تابعت بحرج هشش وحياتي اخرس ومتتكلمش خلاص خليني انسى

مالك ابتسم بحب وتابع تنسي؟  تنسي ايه بس ده انا كنت هطق ده الوااحد اخيرااا دخل دنياا 

سلمى ضربته بقبضه ايديها في صدره ففضل يضحك بشده وحط ايديه على وسطها وشدها ليه وتابع بضحك لالا بصيلي كده وحياه مالك بصيلي

سلمى بصتله بحرج ووشها احمر وتابعت ايه

مالك بضحك وغمز لا بس ايه الحلاوه دي وايه الجرأه دي كنتي واخده حبوب ايه انتي علشان تعملي فيا كدده

سلمى وشها احمر واستخبت في حضنه ففضل يضحك بشده وتابع مانا عارف والله انك كده ولا بتسمعي ولا بتتكلمي وبتحمري بس فكنت مصدوم من تصميمك يخربيت اهلك ده انا انبهرت

سلمى وهي مخبيه وشها في حضنه تابعت كنت مقرره ابقى ليك خلاص فحاولت اتغضى عن اي حاجه تانيه علشان اليوم يعدي وبصتله وتابعت بتمني:وبصراحه نفسي ابقى ام يمالك

مالك بضحك غالي والطلب رخيص يعيون مالك وبيقرب عليها فحطت ايديها على صدره وتابعت بضحك اييه ما خلاص

مالك فضل يضحك وتابع لا انا عايز افهم هنعيش عليه قد ايه اليوم ده علشان كده نفسيتي هتتعب اكتر من الاول

سلمى فضلت تضحك وسندت راسها على صدره وتابعت لالا هنعيش طبيعي متخافش وبصتله بحب وتابعت انا مكنتش حاسه عمري اللي فات كله غير اني خايفه حتى لما كنت متجوزه مكنتش بسمحله بلمسه بس لما ايدك انت بتيجي عليا يمالك بحس بامان محستهوش عمري كله وده اللي ساعدني اتغضى عن كل افكاري

مالك ابتسم بحب وحضنها ووطي باس كتفها الظاهر من الغطا وتابع بحب انا بحبك بجد ومش عايز في حياتي كلها غير اني افضل معاكي واشوفك اسعد واحده في الدنيا وربنا يقدرني واعملك كل اللي تستاهليه

سلمى ضمته ليها اكتر وتابعت بحب وانا بموت فيك والله

مالك بضحك خلاص ردي عليا ملياار مبرووك يعرووسه

سلمى بضحك الله يبارك فين يعيون العروسه ونامت في حضنه

مالك وهو حاضنها فضل يضحك وتابع اخيراا فُرجت !! طب وربنا ما مصدق لغايه دلوقتي 

سلمى بحرج هقوم انا اخد شاور وخليك انت مش متربي كده وقاعد بتعيد وتزيد في نفس الكلام

مالك فضل يضحك وتابع وهو انا هنسى؟ ده قسما بالله مفيهاش نوم انهارده

سلمى وطت جابت البورنص وبصتله بتوتر وتابعت افندم؟

مالك فضل يضحك بشده من نظراتها وتابع انا بتكلم عن نفسي يحيوانه مش هنام من الفرحه انما مقصدش اسهرك معايا خالص اتخمدي خلاص كفاياكي لغايه كده

سلمى تنهدت بارتياح وتابعت اه كده ماشي

مالك فضل يضحك وتابع بص بص التنهيده هم على قلبك اناا يابنت الكلب ياجزمه

سلمى لبست البورنص وتابعت بضحك لا يعمري مش كده بس انا متعودتش ان اتخلى عن حدودي وعندي رهبه عامه فالموضوع هياخد وقت منا ما احس ان ده عادي

مالك بضحك انتي اتربيتي زياده ليه ما حبيبه اهي مؤدبه وبنت ناس بس حاسسها هتدخل في المود بسرعه كده

سلمى بضحك واسراء والله يعني مش علي السر ولا حاجه بس انت بقى قدرك كده شوف هببت ايه فربنا ابتلاك بيا

مالك بصلها بحب وتابع انا فعلا بحتار في الموضوع ده بس مش عارف عملت ايه حلو عشان تكوني انتي نصيبي

سلمى ابتسمت بحب وباست خده وتابعت يا روح قلبي بموت فيك هقوم انا اخد شاور وانت كلم علي وانا جوه علشان معيطش ها ورايحه تقوم فمالك شد وسطها ليه وتابع بضحك رايحه فين ما تخليكي شويه

سلمى بضحك يمالك هاخد شاور وجيالك والله

مالك بضحك طب خليكي بس وقومي شويه كده

سلمى بضحك لا اوعاا خلصنا مفعول جرعه الشجاعه اللي كنت واخدها

مالك فضل يضحك وتابع ناخدها تاني وماله

سلمى بضحك اوعا بس وحياتي هعيط

مالك بحب خلاص هاتي بوسه وقومي

سلمى باست خده وتابعت اهو اوعى بقى

مالك بصلها برفعه حاجب فسلمى فضلت تضحك بشده لانها فهمته فتابعت ياربي منك بجد وقربت باسته بحب فمالك قربها ليه اكتر وثواني وبعدت وتابعت بضحك ها ينفع جوزي حبيبي يسيبني بقى؟

مالك بضحك قلب وعيون جوزك يلا قومي علشان اكلم الراجل

سلمى وهي داخله الحمام تابعت اه والنبي خليه يحل من فوق راسي

فمالك ضحك ولما شافها دخلت اتصل بعلي فعلي رد وتابع بضحك ها نقول مبروك؟

مالك فضل يضحك بشده وتابع لا متهزرش بقى

علي بضحك يباشاا عيب عليك دي تربيتي انا بصيتلها بصه مفتحتش بوقي قالتلي حاضر

مالك بضحك متضايقنيش بقى علشان لو نيتها تراضيك بس هزعل

علي بحب تبقى متعرفش سلمى ..سلمى لو مش بتحبك مش هتسمع كلامي لو بالطبل البلدي مانا ياما اتحايلت زمان حتى تدي ريئ حلو للي ربنا ينتقم منه كانت بترفض وتقولي لما ابقى في بيته انما انت الحب ليك باين في عينيها وتنهد وتابع مع ان قلبي واجعني من الغيره بس معلش مراتك بردو

مالك فضل يضحك وتابع خليها عليك مانت معاك اختي بردو

علي بضحك يسيدي هسكت خالص اهو ولا تزعل وابتسم وتابع عقباال البيبي بقى شدوا حيلكم

مالك بضحك يارب يغالي يسمع منك

علي بضحك مش جنبك هي طبعا صح

مالك بضحك طبعا اومال هكلمك جنبها دي تموت

علي فضل يضحك وتابع مانا عارف والله طب خلاص علشان محرجهاش هسالك انت ..انت شايفها كويسه؟

مالك بحب زي الفل والله عيب عليك انا لو فيها حاجه مش هقعد اهزر معاك كده

علي بحب طب الحمدلله مبروك يحبيبي وربنا يسعدكم

مالك بحب الله يبارك فيك يغالي

-

عند عصام كان خرج من الشاور ولبس قميص سماوي وبنطلون ابيض وسرح شعره ولف جرح ايديه بشاش ونزل لهند علشان يشوف رفيده وقبل مايخبط سمعم بيتكلموا

رفيده بعصبيه ودموع يعني انتي يخالتي ما بين كل رجاله الدنيا ملقتيش الا ماجد اللي من رجاله عصام اللي يضرب حبيبه!!

عصام اتصدم بشده فتابعت هند بعصبيه يابنتي هو انا يعني اعرف مجرمين!! انتي قولتيلي اخدميني يخالتي عايزه حد يعمل كده فقولت لماجد واهو من رجاله ابني ومش هيعصاني

رفيده بعياط وذهول يخالتي عصام لو اتدخل في الموضوع وشاف اي كاميرات فيها موتي علشان مابين كل رجالته اختارتي ماجد اللي دراعه فيه وشم مميز وعصام هيعرفه من وسط الف واحد لو ركز شويه

هند بحزن طب اهدي طيب انا مجاش في بالي والله يابنتي

رفيده بعياط يخالتي مكنش ناقصني خراب بيوت والله حرام عليكي

عصام اتصدم بشده واتعصب من حقاره امه ورفيده وبعد عن الباب شويه ورفع فونه وتابع لاحد رجاله بحده: تجيبولي ماجد في شقه الزمالك حالا وقفل