رواية لنا موعد اخر الفصل الرابع والستون64 بقلم لولا
عصام اتصدم بشده واتعصب من حقاره امه ورفيده وبعد عن الباب شويه ورفع فونه وتابع لاحد رجاله بحده: تجيبولي ماجد في شقه الزمالك حالا وقفل من غير ما يستنى يسمع رد وراح خبط على الباب بعنف وعصبيه فرفيده وهند اتخضوا بشده فتابعت رفيده بخوف ايه ده في ايه
هند بخوف مش عارفه يابنتي افتحي
رفيده راحت فتحت واتخضت لما لقيت عصام مسكها من شعرها بعنف وفضلت تعيط وتتوجع وتابعت ااه ااه في اييه يعصام اوعاا سيبني عملتلك اييه
عصام قفل الباب ودخل بيها وهو ماسك شعرها وتابع بعصبيه عملتي اييه؟؟ ده انتي عملك اسود ومهبب على دماغك انتي واهلك انتي ايه يابت مرريضه!! ايه الغل والقرف والحقد اللي جوااكي ده !! وضربها بالقلم بقوه فصرخت وعيطت بانهيار وتابع ده انا هطلع عين اهلك انهاارده
فهند خافت عليها وراحت تشدها منه وتابعت بحده ابعد عن البت حامل
عصام بعصبيه ودموع ماهو اللي معجززني انهاا حامل .. اللي مخليني مش عايز اقسمهاا نصين انهاا حامل اللي في بطنهاا هو اللي حايشني عنهاا بس ولا هي تصلح ام ولا انتي قدوه انتوا الاتنين مرضى نفسيين
هند قلبها وجعها وبصتله بقهر وتابعت انت بتقولي انا كده يعصام !!
عصام بعصبيه ودموع ااه بقولك كده وبعد ماكنت مش بستحمل عليكي الهواا وبحبك بقيت مستعر اقول انك امي عرتيني وسط اخواتي ووسط الدنياا كلهاا وزق رفيده عليها وتابع بعصبيه وادي مجاايبك الخراا
رفيده اتقهرت من كلامه وتابعت بدموع عصام انا عايزه اتكلم معاك ممكن تسمعني؟
عصام بعصبيه شديده اسمع ايه؟؟ وشد شعرها كانت هتقع وهي بتعيط وتابع بعصبيه اسمعع ايييه وصلت ليكي للقتل يا رفيدده للقتلل !! عايزه تقتلي نفس وتحطي راسك على المخدده وهتعرفي تناامي عادي !!
رفيده بعياط وقهر اذتني فيك وبعدتني عنك وعيطت اكتر وتابعت مسترتنيش وراحت اتكلمت في شرفي واتعصبت بعياط وتابعت انا مبحبهاش ولا هحبهاا ..طول عمرهاا واخده مني الاضواء والكل بيحبهاا هي وانا لاا وحتى جوزي الوحيد اللي حبني استخسرته فياا علشان تديه لصااحبتهاا بس انت مش قاادر تفهم انها اذتني وان كرهي ليها عامل زي الناار اللي بتحرق
عصام بعصبيه اياا كاان وضربها بالقلم بقوه فعيطت فتابع بعصبيه مهما عملت فيكي مفيش مبرر واحد في الدنياا يخليكي تقتلي عاادي غير انك مقررفه ومريضه وعايزه تتعاااجي وانا قررفت منكك ومبقتش طاايق اعيش معااكي
رفيده بعياط ووجع من ماسكه ايديه عصام انا حامل ابوس ايدك الحمل لسه في الاول كفايه
عصام حس انه عاجز وغمض عينيه بوجع وفك قبضه ايديه وساب شعرها فوقفت كويس وهي بتعيط وموجوعه فتابعت هند بوجع متظلمش رفيده يعصام اعتبرني انا اللي غلطت بس هي حامل يا ابني مينفعش كده
عصام ابتسم بسخريه وتابع ولما اعتبرك انتي اللي غلطتي هعمل ايه؟؟ ودموعه نزلت وتابع بعصبيه هروح اقول لاخوياا اهم اللي بتدور عليهم اللي عملواا كده في خطيبتك امي وام ابني !! واتعصب اكتر وتابع ولااا هتخرس واحط في بووقي اقدم جززمههه علشان مقدرش احبس واحدده فيكم؟؟ ودموعه نزلت بعصبيه وتابع ردواا علياا انا مفروض اعملل اييه دلوقتيي؟؟ احبس امي واحبس ام ابني ولا ادااري عليهم وابقى مجررم معااهم قولوليي؟؟!!
رفيده فضلت تعيط وتابعت انا عارفه اني غلطت ولو عايز تحبسني انا مش هتكلم بس ابنك ذنبه ايه فكل ده طيب؟؟
عصام بوجع ابني ده جيه يعجزني ويكسر ضهري مش يفرحني واتعصب بدموع وتابع علشاان لولاااه اقسم بالله كنت عدمتك العافيه وكسرتك تحت رجلي وسلمتك للحكومه ويخش تولعيي في ستين دااهيه
هند بقهر ولو عملت معاهاا كده هتعمل مع امك كده؟؟ مانت ياما عملت في علي وانا كنت في ضهرك دلوقتي لما احنا غلطنا مش عايز تغفرلنا وعايزنا نتحبس ؟؟
عصام دموعه نزلت وتابع اسمهاا كنت بلعب بيك ..كنت بحركك زي العروسه على المسرح واتعصب بدموع وتابع انما انتي عمرك ماكنتي في ضهري انتي كنتي دايماا بتمشيني على الخط اللي رسمتيهولي من وانا عيل صغيير ولما فكرت اغيره جيتي علياا زيك زيهاا وشاور عليهم وتابع انتوا الاتنين اسوء حاجه في حيااتي مفيش حاجه قهرتني قد حبي ليهاا ومفيش حاجه حسستني بالعجز قد ان انتي امي وقعد وحط راسه مابين ايديه ودموعه فضلت تنزل وتابع اعمل ايه دلوقتي؟؟ احط عيني في عين علي ازاي وانا عارف اللي اذى خطيبته وساكت !! والاسم اتغيرت اتغيرت وانا بسكوتي ده هبقى اوسخ منكم حسبي يالله ونعم الوكيل ..منكم لله انا لولا حرام وقلبي مش هيطاوعني كنت ضربتك نزلت اللي في بطنك بس انا عايزو وهموت عليه فمش قادر اعمل حاجه رغم اني قولت مش عايز اخلف منك بس مجرد ماشوفت التحاليل مقدرتش اقولك نزليه
هند بدموع حقك علينا والله غلطه ومش هتقرر ابدا
عصام بعصبيه ودموع غلطه ومش هتقرر ابداا !! ليه محسساني انكوا دوستوا على رجليهاا ..انتوا كنتوا هتموتواا بني ادمه وتودوها للي خلقهاا وتكسروا عيله كامله وتقولولي حقك علينا !! لالا انتوا مش طبيعين انا ربناا وقعني في عيله كلهاا امراض نفسييه وقررف
رفيده بلعت ريقها بتوتر وتابعت بدموع انا عارفه انك مش طايقني بس هو انت مش هترجعني علشان ابنك على الاقل واجرائات الولاده والتسجيل والجنسيه وكل الكلام ده؟؟
عصام غمض بقهر وهو باصص للارض وتنهد بعمق وسكت
هند بدموع عصام ردها علشان ابنك يحبيبي .. متخربش بيتك وتبعد عن ابنك ولا تبعده هو عن امه ..ابنك يستاهل يعيش بينكم
عصام رفع راسه بصلها بسخريه وتابع بقهر وانتي مفكرتيش كده ليه وانتي بتحرميني من ابويا ومعيشاني بقول لغيره يا بابا ومحضرتش عزاه ولا دفنته ولا شوفته اصلاا !! مفكرتيش لييه وانتي مخلياني اسمي في بطااقتي عصاام خالد السيوفي وانا عصام قاسم الجارحي؟ انتي دمرتي حته منك عايزه تقنعيني ان صعب عليكي حفيدك؟؟
هند بدموع وقهر ااه صعب عليا لاني على قد ما شوفتك موجوع كده على قد ما ندمت فمش عايزاك تعيش ابنك اللي انت عيشته يعصام عايزاك تهدي سرك ومراتك مستعده تتغير وتعيشوا مرتاحين بقى
رفيده بعياط ولهفه اه والله هتغيرر وهعملك كل اللي يرضيك وغلاوه ابني
عصام ابتسم بوجع وتابع كل اللي بتقولوا ده في الزبااله ولا يفرقلي انا الحاجه الوحيده اللي فكرت فيها ان بنت اختك دي مريضه ولا تؤتمن على عيل حتى وهو جوه بطنهاا واتعصب بدموع وتابع فـ للاسف لسااني اللي ياريته كاان اتقطع اتصل بابوهاا وردهاا من قبل ما انزل اصلاا واسمع الخراا والقررف اللي عملتووه دده
رفيده فرحت ودموعها نزلت وهي بتبتسم بفرح مش مصدقه نفسها فهند بصتله بفرح ودموع وتابعت الف حمد وشكر ليك ياارب ايوه كويس ياابني عملت كده ربنا يهدي سركم يارب
عصام بعصبيه انا عملت كده علشان اعرف اقعد معاها في بيت واحد وتفضل تحت عيني لان دي مرريضه وممكن تمووته زي ما عملت قبل كدده انما مش علشاان بحبها ولا عاايزهاا ولا تفرقلي اصلاا وهي في حالها وانا في حاالي والمهم ابني يتولد وكل اجراءاته تتم من غير مشاكل ولا صعوبه ولا يواجه مشكله انه يفضل طول الوقت عندي شويه وعندهاا شويه فمضطر اسيبهاا على ذمتي لاجله هو وبس
رفيده فرحت ومسحت دموعها وتنهدت بارتياح ورايحه تتكلم فعصام رفع ايديه وتابع بحده ولااا كلمه انا مش عايز اسمع صوتك عامه وانتي وهي تختصروني خالص وقام وقف تابع بحده جتكم القرف ورمى مفاتيح شقته في وش رفيده وفتح الباب وقفله جامد ومشي فاتخضوا وهند بصت لرفيده اللي بتوطي تجيب المفتاح وتابعت بابتسامه ضحكتلك الدنيا تاني يابنت الجزمه اهو
رفيده بصتلها بفرح وتابعت مش مستوعبه بجد اني اخيرا رجعت على ذمته تاني وابتسامتها اختفت وتابعت بس عصام مش طايقني خالص يخالتي
هند بابتسامه معلش هو متعصب شويه بس علشان اللي سمعه مننا بس في الاول والاخر مالوش غيرنا ومسيره ينسى والمايه ترجع لمجاريها ده انتي الحب الاول وام الواد يا خايبه شوفتي اني كنت صح لما قولتلك شدي حيلك واحملي
رفيده بابتسامه حبيب قلب ماما ده احلى حاجه حصلت في حياتي وانا والله هعمل كل اللي اقدر عليه علشان ارجعه يثق فيا ويحبني تاني
هند بتنهيده بالظبط كده وهدي اللعب يا رفيده دي اخر طلقه ياروح امك هاا مش هنلاقيلك محلل بعدها ومش عصام اللي يلم ورا غيره ويرجعلك بعد ما غيره يلمسك
رفيده بصتلها بوجع وتابعت وانتي مين قالك هستحمل حاجه زي دي انا كمان؟ انا مستحيل اخلي راجل غيره يلمسني مهما حصل انا بقيت مش عايزه غيره بجد يخالتي واتغيرت
هند بتنهيده وعلي هتكبري دماغك منه؟
رفيده بابتسامه علي انا عايزه اذيته مش محبته انا مبقتش طيقاه ولا طايقه سيرته واحمد ربنا ان على الورق هو مش عم عيالي ولا ليه علاقه بينا
هند بتنهيده هو المهم على الورق ولا المهم جوزك اللي حايم حواليهم وحالف يبقى منهم
رفيده بحده يبقى هو بقى انا مش هحرمه من اهله بس انا لاا والف لا الناس دي متخصنيش ومش هسكت لعلي
هند بحده قولتلك هدي اللعب ياخراا وابعدي عنهم بقى
رفيده بضيق حاضر يخالتي
--
عند اسراء كانت واقفه في اوضتها قدام المرايه بتحط ميكاب رقيق ولابسه دريس بيتي ابيض عليه ورد ازرق نص كم وماسك على الصدر وواسع لتحت وطوله لحد بعد الركبه وسرحت شعرها ولقيت الباب بيخبط فتابعت اتفضل
فدخلت رانيا وتابعت انتي يابت ياللي تتشلي اخلصي ياختي مش سااعه قدام المرايا الواد خلل براا
اسراء وهي بتحط البلاشر تابعت ثواني خلاص خلصت اهو
رانيا فضلت تضحك وتابعت يابت مش مستاهله كل ده يخربيتك
اسراء بضيق يماما بس بقى يسمعك عايزاه يفهم ان النضافه دي طبيعتي الله
رانيا فضلت تضحك وتابعت يفهم ايه وينيل ايه ده حسن ياحسره يعني عارفك من وانتي منكوشه وبتلبسي اي تيشرت بيجامه على اي بنطلون يجي في وشك وتطلعي تقعدي قدامه
اسراء فضلت تضحك وتابعت كبرنا بقى يلا روحي انتي وانا جياله
رانيا بتنهيده طب اخلصي يا اسراء وروحي هاتي اي حاجه من التلاجه وضايفي خطيبك منا مانا اروق الاوضه بتاعت اخوكي واعمله شاي
اسراء بحب ماشي والله البس الهيلز بقى ولا اخليني كده؟
رانيا بذهول هيلز ايه اللي هتلبسيه على فستان بيتي وتبقى دي طبيعتك يا اسراء !! وفضلت تضحك وتابعت الله يرحم قال هيلز قال
اسراء بضيق روحي من وشي يماما يلا
رانيا فضلت تضحك وخرجت واسراء مسكت النيلز وركبتها في ايديها وبصت على نفسها برضا وابتسمت وتابعت بيرفكت والله يابت يا اسراء وخرجت راحت اوضه الانتريه لحسن فبمجرد ماشافها ابتسم وتابع يخرابي ياناس على الحلويات لا استاهل اتحنط التحنيطه دي والله
اسراء قعدت جنبه وتابعت بضحك على اساس ايه هاا وضربته في كتفه وتابعت اني وحشه من غير ما البس واعمل شعري ياحسن
حسن فضل يضحك ومسك ايديها باسها وبصلها بحب وتابع قطع لسان اللي يقول كده يا نن عيون حسن ده انتي قمر طول عمرك
اسراء ابتسمت بحب وتابعت شكلي حلو؟
حسن بحب ده سؤال؟ ايه الجديد بذمتك
اسراء ابتسماتها وسعت وحسن وانتبه لايديها فتعابير وشه اتغيرت وتابع ايه ده؟
اسراء باسغراب ايه في ايه؟
حسن بصلها وتابع انتي مركبه ضوافر؟
اسراء بضيق ضوافر !! اسمها نيلز ايه ضوافر دي
حسن بحده نيلز ولا هيلز على دماغك ودماغ اهلك هتفرق ايه بت فوقي انتي من العاشرر مش من الزمالك مالك في اييه !!
اسراء بصتله بذهول وتابعت لاا لا مش قاادره انت بتقول اييه !! انت سيحت الدنيااا على بعض النيلز شئ والهيلز شئ تااني خالص
حسن بحده اسرااء احنا مش في محاضره يخش تكون هباب منيل بستين نيله انا قايلك ايه على القرف ده؟!!
اسراء بضيق في ايه ياحسن هشيلها لما تنزل والله يعني ولا هتبطل الوضوء ولا اي حاجه
حسن بحده يابنتي مبحبهاش انا مبحبهاش هو ايه اللي لما تنزل هشيلها دي بتتحط علشاني يعني؟؟
اسراء بحرج اه اومال هقعد بشكل ايدي كده
حسن بحده ومالها ايدك مش فاهم؟؟ انما ايه القرف البلاستيك اللي حطاه ده !! هو ده اللي خلااكي وااو يعني
اسراء بذهول انت قولت ايه !! بلاسيتك !! اوميجااد
حسن بتنهيده ااه دي هتعوجلي لسانها هاتي ايدك دي كده ومسك ايديها يشيله فاسراء شهقت وتابعت لا ياحسن لا وحياتي سيبهم وانا هشيلهم وحياتك بس سيبهم دلوقتي
حسن بحده لا بقرف منهم وابقى اشوفك حطاهم تاني هكسرلك صوابعك دي وشال اول واحد
اسراء بضيق ياربي هو انا خلصت من علي علشان الاقي نسخته اووف بقى
حسن بضيق علشان تتعلمي متركبيش الخرا ده تاني
اسراء بوجع ااه حسن والله بتوجعني اوعاا كده هشيلهم انا جتك القرف معملش علشانك حاجه تاني والله
حسن باس صابعها اللي وجعها وتابع بحب معلش هشيلهم براحه اهو والله وشال اول ايد ومسك التانيه يشيل بحذر
اسراء بحزن بذمتك بص شكل ايدي كلهم متاكلين
حسن بصلها وتابع وهما يتربوا ليه مش فاهم هتتخانقي بيهم يعني؟؟ ما بلاش قرف بقى على المساا يا اسراء
اسراء بضيق اوعا كده مش طيقاك والله
حسن بضحك اخر واحد وهسيبك وشاله وتابع يلا غوري ورماهم في السله فاسراء شهقت وتابعت ياحسسن الله يخربيت اهلك ويخربيت معرفتك رميتهم لييه
حسن بحب مش عاجبيني ياروحي هتلبسيهم لمين انتي ايدك كده اجمل ومسك ايديها باسها
اسراء بضيق اوعاا كده زعلاانه منك جتك القرف
حسن فضل يضحك وتابع وربنا بحبك وانتي كده بطبيعتك اقولك حاجه قومي امسحي الميكاب ده كمان وتعالي يلا
اسراء بتوتر لا طبعاا مستحيل انت بتهزر ولا ايه
حسن بضحك يابت بطلي عبط ده انا كنت باجي لعلي زمان وبشوفك وانتي بتاكلي المانجاا وقاعده متبهدله بوشك وهدومك في اكتر من كده
اسراء فضلت تضحك وتابعت ينهاار اسود لا بصراحه ومش فاهمه ازاي اتقدمتلي وانت فاكر المواقف دي
حسن بضحك علشان انتي هبله وربنا انا بحبك على طبيعتك اللي كده كده هشوفك بيها بعد الجواز فقومي يلا وحياه حسن عندك ومسك ايديها يقومها
اسراء بحرج لا حسن لا وحياتي صدقني مش هعرف وشي تعبان اوي ومجهد من المذاكره
حسن بحب طب روحي بس وتعالي يلا انا مبحبش الميكاب فيكي بجد
اسراء بضيق اوف بجد يخرابي منك وراحت الحمام ومسكت الغسول بتاعها وبقيت تغسل وشها كويس ومسحت الميكاب كله ونشفت وشها بمناديل وظبطت شعرها وخرجت فرانيا بصتلها وتابعت ضايفتي خطيبك؟
اسراء بتذكر: لاا تصدقي صح نسيت هروح اجبله حاضر ودخلت المطبخ جابت صنيه وفتحت التلاجه لقيت علب حلويات فجابت منهم بسبوسه وحطتها في طبق وصبت عصير وحطت طبق فيه كذا نوع تسالي وخرجت وهي شايله الصنيه وراحتله فحسن بصلها بحب وتابع طب بالله شوفي وشك نور ازاي كده
اسراء حطت الحاجه على الترابيزه الصغيره اللي قدامهم وتابعت بضحك متاكد من الكلام ده يعني وقعدت جنبه
حسن بصلها بحب وتابع انتي فكرتك عني اني بجاملك؟
اسراء بحب لا اومال انا بحبك ليه وبصت للحاجه وتابعت وكل يلا علشان امي عماله تزن على وداني احطلك
حسن بابتسامه وليه التعب ده هو انا غريب
اسراء بضحك حماتك يا اخويا انا مالي كل يلا علشان متجيش تقرفنا
حسن فضل يضحك وتابع انا طلبت منها شاي مش قادر اكل حاجه حقيقي
اسراء بحب ماهي قالت هتعمله بس يلا امسك واديته طبق البسبوسه
حسن مسك منها الطبق وداقها وتابع بابتسامه اممم طعمها تحفه دوقي كده ومدلها ايديه
اسراء بابتسامه لا مانا عارفه مانا اللي عملاها كل انت عجبتك؟
حسن بصلها باستغراب ومنع ابتسامته باعجوبه وتابع لا والله وعملتيها ازاي دي يابنت اللاعيبه؟
اسراء ابتسمت بثقه وتابعت يا ابني ده انا اسراء واعوذ بالله من كلمه انا بس طول عمري خطيره في عمل الاكل والحلويات هو انت هتتجوز اي حد ولا ايه
حسن وهو بيجاهد ميضحكش تابع طبعاا يعمري حد يقدر يقول غير كده ده تسلم ايدك والله على التحفه دي ومسك ايديها باسها
اسراء بابتسامه بجد عجبتك ياحسن؟
حسن بضحك طبعاا انتي مش شايفه باكلها اهو وبسألك عملتيها ازااي ده لما نتجوز عايز منها كل يوم دي
اسراء ابتسمت بتوتر وتابعت لا مش للدرجه دي اخاف عليك ياروحي تتعب من كتر السكريات ولا حاجه
حسن وهو بيمنع ضحكه تابع لا يعمري متقلقيش علياا انتي بس اعمليها وسيبي الباقي على الله
اسراء بصتله بضيق وتابعت على فكره مفيش حاجه تضحك شيفاك هتموت وتضحك كدده في ايه هاا
حسن بضحك يابنتي هو انا اتكلمت الله !! سيبك سيبك كلميني اكتر عن شطارتك في المطبخ لان واضح في مواهب
اسراء بضحك اه عايز تعرف ايه مش فاهمه
حسن بضحك يعني مثلا بتعملي المشويات من قصر الكبابجي ولا وفضل يضحك وتابع قصدي من اليوتيوب ولا بتعرفي بنفسك؟
اسراء رايحه تتكلم فدخلت رانيا بالشاي وحطته وتابعت الشاي اهو ياحبيبي الف هنا
حسن بضحك تسلمي ياست الكل تعبتك
رانيا بحب تعبك راحه يحبيبي متقولش كده وصحيح يواد ياحسن جايب منين الحلويات دي طعمها زي السكر
اسراء حست كأن جردل مايه ادلق عليها وبصتله بحرج شديد فحسن فضل يضحك بشده لدرجه عينيه دمعت
رانيا بضحك مالك يواد في ايه
حسن من بين ضحكه مفيش ياست الكل مفيش انتي تعوذي بس وانا اجبلك بعيوني علشان من عند الشغل مش هنا
رانيا بضحك تسلم يحبيبي ربنا يخليك ورفعت الطرحه على شعرها وتابعت يلا انا هروح اروق الاوضه اللي فوق السطح لو عوزتي حاجه ليكي ولا لخطيبك قومي اعملي
اسراء كانت في عالم موازي من كتر الحرج وهزت راسها بماشي وهي ساكته فرانيا مشيت واسراء رايحه تقوم فحسن مسك دراعها وتابع بضحك لالا والله مانتي قاايمه تعالي
اسراء بحرج سيبني ياحسن وحياتي
حسن فضل يضحك بشده وتابع لالا تعالي عادي بتحصل يعمري بتحصل في كل حته انتي معملتيش اي حاجه
اسراء بحرج اودي وشي فين انا دلوقتي ابعد عني وربنا
حسن فضل يضحك وشدها قعدت جنبه وخدها في حضنه وهو بيضحك وتابع خبيه فيا يعمري يسلام اومال انا قاعد بعمل ايه
اسراء فضلت تضحك وتابعت متستغلش اني محرجه وتحضني هاا اتلم وضربته بقبضه ايديها في صدره
حسن بضحك لا انا مستغل ان امك مشيت بس
اسراء رفعت راسها من على صدره وبصتله وهي وفي حضنه وتابعت بضحك بتستغل غياب صاحبك يعني؟
حسن بصلها بحب ومسك دقنها بايديه وتابع وغلاوتك عندي ابداا ده انتي غاليه والواحد علشان يوصلك طلع عينه
اسراء بصتله بحب وتابعت هنتجوز امتى ياحسن؟
حسن بضحك والله لو دلوقتي انا راضي بس اعمل ايه في علي قولتله متشيلش هم جهازها وانا امشي بالشرع اجيب كل حاجه اناا مرضيش قالي زيها زي سلمى
اسراء تنهدت وتابعت تعبت على فكره
حسن بصلها بهيام وهو بيقرب وتابع مين سمعك
اسراء فضلت تضحك وتابعت اتربى واتلم وابعد كده علشان وربي هقلب عليك وعارفه تفكيرك
حسن فضل يضحك وتابع واحده بس وربنا
اسراء بضحك عارف لو هتتشل كده مستحيل انا بنسبالي عادي بس نروح من ربنا وعلي فين؟
حسن فضل يضحك بشده وتابع لا اقنعتيني
اسراء بضحك شوفت بقى انما لو عليا انت عارف بموت فيك ازاي
حسن رجع شعرها ورا ودنها وتابع بابتسامه طب ايه اكلمه على كتب الكتاب؟
اسراء بضحك علشان تنفذ افكارك الحقيره دي براحتك طبعاا
حسن بضحك طبعاا اومال علشان تكتبي اسمي في ضهر بطاقتك ولا ايه
اسراء بضحك اخص على اللي ربوك
حسن بضحك مش ابقى صريح معاكي ياسوستي
اسراء بحب نن عيون وقلب سوستك
حسن بضحك لا بس تسلم ايدك يقلب حسن وقفتي وتعبتي نفسك البسبوسه خطييره خطيره مدوقتش ولا هدوق في حلاوتها
اسراء بحرج ياحسن وربنا هعيط وهقوم واسيبك
حسن فضل يضحك بشده وتابع طب لما تيجي تصيعي وشايفه علب في مطبخكم جديده اسالي الاول مش لعل وعسى اكون انا اللي جايبها مثلا ..مثلا يعني؟
اسراء اتحرجت وخبت وشها فيه وفضلت تضحك وتابعت ياحسن خلاص انسى والنبي يخربيتك
حسن بضحك انسى؟ هو انا هنزلك من على المسرح انهارده؟ ده انا هفكرك كل دققتين علشان مش قادر الصراحه همووت وفضل يضحك بشده وتابع لا وواثقه من نفسها يخربيتك يا اسراء
-
عند عصام في شقته اللي في الزمالك وصل ودخل قعد وحط رجل على رجل وبص لواحد من رجالته وتابع عملتوا اللي قولتلكم عليه؟
الراجل طبعا ياعصام بيه
عصام هز راسه بالايجاب وتابع تمام هاتوه
الراجل امرك يا فندم ودخل قال للرجاله يجيبوا ماجد وبالفعل جابوه وهو قاعد بركوع على الارض وماسكينه وشكله كان متبهدل ومضروب وبينزف من مانخيره وجبينه وتابع وهو بياخد نفسه بالعافيه : عصام بيه ..عصام بيه ابوس ايدك خليهم يسيبوني انا من رجالتك يفندم واكيد حضرتك مترضاش ليا الذل ده
عصام ابتسم بسخريه وتابع طب ما انت فاكر انك من رجالتي اهو ..اومال ليه بتسمع اوامر حد غيري؟
ماجد اتوتر وتابع بتعب مش فاهم قصدك يافندم
عصام طلع مسدسه وضربه بالنار في دراعه فصرخ بالم شديد فتابع عصام بعصبيه لا فااهم ..فااهم يا مااجد وراح وطى على ركتبه قدامه ومسكه من قميصه وتابع بعصبيه وايدك اللي عايزه قطعهاا دي طعنت مراات اخوياا وكانت هتتسبب في موتهاا
ماجد اتصدم بشده وتابع وهو بينهج :اخوك !!
عصام بابتسامه تخيل؟؟
ماجد بخوف ودموع ابوس ايدك ياباشاا ابوس ايدك سامحني ورايح يبوس ايده فعصام شدها بعنف فتابع ماجد بخوف ودموع انا سمعت كلام الهانم مكنش قصدي ازعلك وصدقني انا لو اعرف انها مرات اخوك كانت تتقطع ايدي قبل ما اعملها انا امتى عصيتك يا عصام بيه
عصام بعصبيه عصيتني لما فكررت تسمع كلام غيرري من غير ماترجعلي ولا تنبهني وضربه بالبوكس بقوه فراسه خبطت في الارض ففضل يصرخ بألم فتابع عصام بعصبيه من انهارده مالكش اكل عيش معاياا ولاجل مراتك وبنتك الصغيرره بس هبعتلهم اللي فيه النصيب كل اول شهر انما وشك مش عاايز اشووفه وده مش دلوقتي لما تتربي كام يوم بعدين هقولهم يسيبوك
ماجد بدموع ابوس ايدك سامحني يا باشا سامحني وانا والله مستعد اعملك اللي انت عايزه انا مقدرش استغنى عنك ولا مبقاش واحد من رجالتك
عصام بعصبيه انت تخرس خاالص وتحمد ربك وتبوس ايدك وش وضهر انها رسيت على رصاصه في دراعك وتأديب كام يوم انا لولااا كاسرني ان امي ومراتي اللي مسلطينك كنت حبستكم كلكم وفي ستين دااهيه خدوا الحيوان ده جووه ويتضرب ويتهان كل شويه واكله وشربه يتحطوا بمزااجي
الرجاله هزت راسها بالموافقه ووطوا ياخدوا من الارض فماجد فضل يصرخ وهما ماشين بيه وتابع بدموع ابوس ايدك ياعصام بيه ابوس ايدك سامحني مش هتقرر تاني وربنا ودخلوه الاوضه وقفلوا فعصام بص للراجل اللي جنبه واداه ظرف مقفول وتابع ودي الظرف ده لمراته وشوف لو بنته محتاجه حاجه قولي وهديلك تجيبهالها وقولهم انه سافر وراه شغل ومش هيعرف يكلمهم اليومين دول
الراجل هز راسه بلايجاب وتابع اوامرك يافندم
-
عند اسيا خرجت من الحمام وهي بتتسند وبتاخد نفسها ففارس كان قاعد على السرير فبصلها وتابع بقلق مالك في ايه رجعتي تاني؟
اسيا بتعب اه حاجه تقرف والله
فارس قام بسرعه يسندها وتابع بخوف حاسبي اسندي عليا يلا تعالي وبقى يمشي بيها براحه
اسيا بتعب فارس عايزه اطمن على زياد
فارس بحده يا اسيا انتي مش شايفه منظرك مش هينفع ننزل بالشكل ده
اسيا بدوخه لا انا هاكل دلوقتي واقعد شويه الدوخه تقل وننزل بالله عليك صدقني مش هينفع
فارس قعدها وتابع بتنهيده طب كلي طيب ونبقى نشوف قدرتي ننزل مقدرتيش يبقى بكره
اسيا نامت على ضهرها وتابعت بتعب خلاص ماشي
فارس مشى ايديه على شعرها ووطى باس جبينها وتابع هجيب الاكل وجايلك
اسيا بابتسامه هتعبك يحبيبي
فارس بحب بس يجزمه تعبك راحه وخرج جاب الاكل وحطه على صنيه وتابع بصوت مسموع: تولين يلا علشان الاكل
تولين من اوضتها:حاضر يابابي
فارس بحب يلا يقلب بابي علشان نازلين لعمو زياد
فتولين خرجت من اوضتها ومشيت مع فارس ودخلوا الاوضه فتابع بحب يلا يا سوسا قومي اتعدلي علشان تاكلي
اسيا اتعدلت ورجعت شعرها لورا وتابعت خنقني شعري ده بجد عايزه اقصه
فارس حط الصنيه على السرير وتابع علشان اقص رقبتك
اسيا بضحك الله وانت مالك انت هو شعري ولا شعرك ايه هو ده
فارس قعد جنبها وحط ايديه على وسطها وشدها ليه وتابع بحب كلك ملكي مش شعرك بس
اسيا ابتسمت بحب وتابعت مننكرش بس اتلم البت هنا ها
فارس فضل يضحك وشال ايديه وتابع وماله
اسيا بضحك بس بردو نفسي اصبغه واقصه يفارس علشان خاطري
فارس تنهد وتابع بذمه اهلك ده شعر يتصبغ؟ هتصبغيه لون ايه؟ ده ربنا بيحبك وخلقك بشعر بني في خصل دهبي كده الناس هتتجنن وتعمله نفس الدرجه تقومي انتي تبوظيه يا اسيا؟؟
اسيا بضحك يعيون اسيا تغيير عادي ماهو هيرجع تاني عادي
فارس بتنهيده طب قولت لا يا اسيا واصلا غلط عليكي في الحمل
اسيا بضيق مانا عارفه قولت لما اولد هعمله
فارس بحده هو ايه اللي لما اولد هعمله هو انتي مقرره من ورايا ولا حاجه؟
اسيا بضيق خلاص مش متنيله يفارس ريح
فارس بحده ده كده كده وكلي يلا علشان تروحي مشوارك ونخلص
اسيا بضيق طيب ورجعت شعرها لورا بضيق ففارس جاب التوكه من على الكومود ولمهولها وباس خدها وتابع كلي يعمري
اسيا ابتسمت بحب وباست خده وقعدوا ياكلوا وشويه ولبسوا ونزلوا يروحوا لزياد المستشفى
-
عند هناء كانت قاعده بتعيط في البلكونه عند حماتها ومتضايقه فدخلتلها لينا
لينا بقلق مالك يا هناء في ايه انتي متخانقه مع وسام؟
هناء مسحت دموعها بلهفه وتابعت لا خالص يحبيبتي انا بطني واجعاني شويه بس
لينا قعدت قدامها وتابعت بقلق انتي متاكده؟
هناء هزت راسها بـ اه وتابعت بدموع اه متقلقيش
لينا بحزن طب اعملك حاجه سخنه طيب او اكلم وسام تكشفي؟
هناء بلهفه لالا متكلميش وسام بس روحي اعمليلي حاجه ماشي هتعبك
لينا بحب تعبك راحه يهبله وقامت ورايحه تمشي فهناء مسكت دراعها وتابعت بلهفه صحيح يا لينا هو وسام لما وصلك مقالكيش رايح فين؟
لينا بابتسامه المركز وجاي علطول
هناء ابتسمت وهزت راسها بـ ماشي ولينا خرجت وهي اتصلت بكريم فثواني ورد وتابع ايه يعمري عامله ايه
هناء حاولت تكون طبيعيه وتابعت بخير يحبيبي انت طمني عليك كويس؟
كريم بحب اه يحبيبي بخير طول مانتي بخير اخبار جوزك ايه
هناء دموعها نزلت وخدت نفسها بعمق وتابعت بخير يحبيبي الحمدلله واتوترت وتابعت المهم انت خلي بالك من نفسك يكريم
كريم باستغراب مالك ياهناء في ايه؟
هناء دموعها نزلت بصمت وتابعت بتوتر لا مفيش يحبيبي انا بنبهك بس اصل حلمت بيك حلم وحش بعيد الشر فخلي بالك من نفسك والنبي
كريم بابتسامه ياروحي حقك عليا يعمري متخافيش كله على الله
هناء بدموع يارب يحفظك يحبيبي ..حبيبه وعلي وكلكم عاملين ايه؟
كريم بحب كله فل يعمري والله الحمدلله
هناء ابتسمت وتابعت بدموع واحشتني اوي
كريم استغرب دموعها وتابع هنااء في ايه؟؟ وسام متخانق معاكي اجيلك؟
هناء بلهفه ودموع لالا مفيش حاجه يحبيبي صدقني انا متأثره بالحلم شويه بس وهشوف وسام لو نقدر نيجي اشوفك واطمن عليك
كريم بحب خلاص شوفي مستنيكي يعمري انتي واحشاني اوي والله وما طايق البيت بعدك
هناء بحب ماشي يحبيبي يلا باي عايز حاجه؟
كريم بحب سلامتك يحبيبي باي
وقفلت وحطت ايديها على جبينها وسندت دراعها على السور وثواني ووسام جيه ونزل من عربيته وبيرفع عينه شافها فاتعصب واتصل بيها
هناء شافت انه هو اتوترت وردت وتابعت ايه يحبيبي
وسام بعصبيه ايه رازعك في البلكونه خشي جوه واطلعي شقتك يلا
هناء اتخضت وتابعت بدموع حاضر يا وسام فقفل السكه في وشها فعيطت ودخلت ويارا شافتها ابتسمت بشماته فـ لينا اتخضت وتابعت ايه اييه مالك في ايه بتعيطي ليه
هناء وهي بتفتح الباب تابعت بدموع وسام جيه وزعقلي اني متنيله في البلكونه انا طالعه
لينا بلهفه يابت استني طيب عملتلك اليانسون
هناء بلهفه ودموع لا يا لينا مش هينفع قالي اطلعي وسمعت صوت خطواته على السلم فاترعبت وطلعت شقتها بسرعه فعزه تنهدت وتابعت يا حول الله يارب ماله اخوكي اليومين دول منكد عليها عيشتها ليه
لينا بحزن مش عارفه صعبانه عليا عامه
وسام طلع واتجه انه يطلع شقته فتابعت عزه استنى يوسام عايزاك
وسام وهو طالع تابع بتنهيده بعدين يا ماما بعدين وطلع
لينا بحزن متخانقين والله دخلت البلكونه لقيتها بتعيط بس قالت بطني
عزه بحزن ربنا يهدي سرهم يابنتي البت غلبانه والله فيارا ابتسمت بخبث وسكتت
وفوق عند هناء وسام فتح الباب ودخل وقفل ودخل اوضته كانت قاعده على السرير ودموعها نازله فاول ما شافته قامت وقفت وتابعت بدموع احضرلك الغدا؟
وسام بجمود مش هطفح
هناء وقفت وراه وقلعته جاكت البدله وتابعت بدموع ليه يحبيبي كده؟
وسام بصلها بتعابير خاليه من اي مشاعر وتابع مش عايز ياهناء .. هي دي كمان فيها ليه؟
هناء قلبها وجعها من نظراته وتنهدت بدموع وتابعت وسام انا عايزه اروح لدكتوره دعاء زميتلك
وسام وهو بيفك زراير القميص تابع بسخريه وايه اللي ممكن يتقال لزميلتي مينفعش يتقال ليا مثلا؟ بقيتي تخبي عني؟
هناء بدموع لا طبعاا بس في حاجات لازم اتكلم فيها مع حد مختلف مش جوزي
وسام قلع قميصه ورماه على جنب وفضل عاري الصدر وتابع وانا امتى كنت جوزك ومفهمتكيش كدكتورك مش فاهم؟
هناء تنهدت وتابعت بدموع لو اتكلمت هتركن انك جوزي على جنب وترد عليا كدكتوري؟
وسام راح قعد على الكنبه الصغيره اللي قدام السرير وتابع بتنهيده اقعدي ياهناء
فهناء اتوترت وقعدت على السرير قدامه وهي بتفرك في ايديها بخوف
فوسام بص على ايديها ورفع نظره ليها وتنهد وتابع طيب هسهلها انا شويه
هناء بدموع ياريت
وسام بتنهيده ازاي نادر يجي بيتي في غيابي وتسيبيه يدخل ويشوفك بلبس البيت ياهناء؟؟
هناء اتصدمت بشده وحطت ايديها على وشها وفضلت تعيط
وسام بعصبيه لا انا بسالك يبقى تردي علياا مش تعيطي
هناء بعياط قولتلك تركن انك جوزي يوسام
وسام بعصبيه حاضر هقعد اسمعك واركب قرون من عيني الاتنين وقام مسك دراعها قومها وتابع بعصبيه يغبيه انا عمرري ما اشك فيكي وجيت لحدد هنا منطقتيش ليه وخلتيني دخلت عدمته العاافيه ؟؟ قبلتيهاا علياا ازاي ان يدخل بيتي ويخوف مراتي ويشووف شعرها وشكلها بالبيجاامه كدده
هناء بعياط وخوف وحياتك يا وسام وحياتك عندي انا بهدلته وجيت امسك الاسدال البسه شده مني وكان زباله وقليل الادب ولما جيت بمنعه يدخل زقني وحط ايديه على بوقي وانا خوفت اقولك خوفت علشان معاه شات بينه وبين ياارا اللي متكلمه بدالي وهيخرب علاقتنا وكمان كريم هددني يأذي كريم
وسام بسخريه وانتي خوفتي وصدقتيه؟؟ على اساس ان نادر الشمام ده قتال قتله وكده؟؟ واتعصب وضرب في كف في كف وتابع ياغبيه انا دكتوررك قبل ما اكوون جووزك وعارف تعملي ايه ومتعمليش ايه ومكنتش هصدق التخللف ده وهصدقك انتي هو اللي بيني وبينك شاات ياهنااء !! هصدق نادر ويارا الزباله واكدبك انتي !! واتعصب اكتر وتابع انما تخليه يدخل بيتي ويستخبى في الاوض زي الاوسااخ كأنك بتخونيني ده الصح يعني؟!!
هناء بعياط مش صح وغلطت انا معترفه بس صدقني خوفت وحياتك خوفت يوسام انا مش قد نادر ولا مشاكله ولا الوضع ده
وسام بعصبيه بس انا قده وروحت كسرته وعدمته العافيه وطلع الشات الخايب اللي ورهولك وخوفك ده فكسرته اكتر ومصدقتوش ..عرفتي الفرق بيني وبينك!! دماغك صغيرره وكأنك لسه متعرفيش اتجوزتي مين
هناء فرحت انه صدقها وواثق فيها من غير حتى مايفكر يسالها عن اللي حصل وحضنته وفضلت تعيط وتاابعت بانهيار انا اسفه يوسام اسفه وغلاوتك عندي انا غلطت معترفه بس انت عارف حبيبتك هبله وخوافه ومبتعرفش تتصرف انا خوفت منك اوي خوفت مصدر اماني يبقى مصدر اذي لياا وتضربني ولا تطلقني وتصدق الشات
وسام بصلها وتابع اللي يفكر يأذيكي عمره ما كان في يوم من الايام مصدر امانك اصلا وتتقطع ايدي قبل ماتتمد عليكي وعمري ماهطلقك لاي سبب انتي عبيطه ولا ايه؟؟
هناء بعياط عبيطه وهبله وصدقته وخوفت يأذي كريم ويوريك الشات ومفكرتش اني ممكن اقولك في ساعتها واريح دماغي بس ده حيوان قعد يقولي شرطي علشان اسكت تطلقي واتجوزك او اخدك كده وحاجه اخر وساخه
وسام اتصدم وتابع بعصبيه نعم قاالك ايه؟؟ ده ليله اللي جابوه سوداا ورايح يمسك قميصه يلبس فمسكته وتابعت بلهفه وعياط لالا ابوس ايدك كفايه انت ضربته وخلصناا ارجوك خلاص ليتصاب جامد ويبلغ عنك ده وسخ ويعملها
وسام بعصبيه انتي عايزااني اعرف انه قال لمراتي عايزك واسكتله انتي اتجننتي !!
هناء بعياط وخوف يحبيبي انت ضربته وفشيت غليلك منه ارجوك كفايه يوسام انا مش عايزه مشاكل ويروح يبلغ والدنيا تكبر وغلاوتي عندك وفضلت تعيط وتابعت انا اسفه انا اللي غبيه وسكتله ومقولتكش في ساعتها بس خوفت وغلاوتك عندي خوفت
وسام حضنها جامد وفضل يهديها وتابع بس بس اهدي وباس راسها بعمق وتابع لما تخافي وانا في حياتك يبقى هتخليني اشك فكل لحظه قولتي فيها انك حاسه بامان معايا
هناء بصتله وتابعت بعياط والله حاسه بامان وعلشان كده قعدتك وحكيتلك انا عارفه انا اختارت مين كويس ده انت عمرك ما ايدك اترفعت عليا وتبص في عيني تفهمني من غير ما اتكلم بس خوفت على كريم وخوفت من الموقف ومعرفتش افكر خالص بجد
وسام تنهد ومسح دموعها وتابع انا عارف انك بتخافي بس مش مني يهناء اياكي مهما حصل في حياتنا تخافي تحكيلي ولا تخافي اجي عليكي انتي وصيه الرسول ليا وقبل ما افكر اجي عليكي او اظلمك بفكر الف مره انا اختارت مين ومفروض اعاملها ازاي وعرفت باسلوبي اخليكي تنطقي من غير مجهود
هناء بعياط يعمري يارب مايحرمني منك ابدا يارب وحضنته وتابعت بعياط بحبك اوي بجد ياوسام
وسام باس جبينها وخدها في حضنه وتابع بحب وانا بموت فيكي يا نن عيون وسام
--
عند لميا كانت استأذنت كريم تروح لصاحبتها ونزلت بالعافيه وراحت لادهم المستشفى وكانت قاعده قدامه وماسكه ايديه وهو نايم ودموعها بتنزل وتابعت واحشتني وباست ايديه وتابعت بدموع واحشتني اوي يا ادهم .. مكنش ده الوعد اللي وعدتهولي وعيطت وتابعت انا تعبت ..تعبت من اني بشوفك زي اللي بيسرقوا وتعبت من بعدك عني وتعبت اني مش معاك ..هتفضل تتعبني كده لحد امتى يا ادهم؟؟ هتفضل واجع قلبي لحد امتى قولي؟؟ وعيطت وتابعت انا مهزومه من غيرك حقيقي وعيطت اكتر وتابعت نفسي في حضنك يقويني على اللي انا فيه ويعدي بيا الايام الصعبه دي حقيقي طاقتي خلصت
ادهم حرك ايديه اللي مسكاها بخفه فلميا اتفاجئت وبصتله وتابعت بدموع ولهفه ادهم ..ادهم انت سامعني؟؟
ادهم ضغط على ايديها ففرحت وعيطت بفرح وتابعت ادهم .. ادهم فتح عينيك ..فتح عينيك ارجوك ورد عليا
ادهم فتح ببطئ وهمس بتعب لميا
لميا بعياط وفرح يا نن عيون لمياا يقلب لمياا وباست ايديه وبصتله بلهفه ودموع وتابعت انت كويس صح رد عليا يا ادهم
ادهم فتح عينيه كويس وبصلها وحط ايديه على خدها وتابع بابتسامه متعبه كويس يحبيبتي كويس
لميا لفت وشها باست ايديه اللي على خدها وتابعت بدموع ياروح قلب حبيبتك انت وجعت قلبي عليك يا ادهم وعيطت وتابعت كده؟ كده تهون عليك لميا توجعها بالشكل ده
ادهم ابتسم بتعب وتابع حقك عليا والله بس انا افديكي بعمري وقولتلك كده
لميا بعياط بعيد الشر عنك ينورعيني الحمدلله انك بقيت بخير دي بالدنيا كلها
ادهم بتعب داري شعرك يا لميا نازله كده ازاي ومد ايديه يشد طرحتها لقدام شويه
لميا فضلت تضحك من بين دموعها وتابعت يحبيبي انت في ايه ولا في ايه
ادهم بصوت متعب :في شعرك طبعاا مبيناه كده ازاي يعني؟؟
لميا بحب مخدتش بالي وحياتك انا كل همي اطمن عليك وضحكت وتابعت بس عيوني هدبس الطرحه بالدباسه بعد كده علشان تثبت جامد
ادهم ابتسم بتعب وفتح دراعه على قد مايقدر فلميا دخلت في حضنه ودموعها نزلت وتابعت يعمري الف حمد وشكر انك بقيت بخير والله فادهم باس راسها بعمق وتابع اخرج وهكلم كريم على كتب الكتاب هتعترضي ولا لازم خطوبه؟
لميا بدموع فرح وحب : ده انا امشي معاك من انهارده هتهزر ولا ايه عمري ما اعترض طبعا
ادهم ابتسم بحب وتابع بصوت متعب روحي نادي الدكتور طيب تعبت
لميا بذهول ادهم انت لسه قاايم اتهد كده لحد ما يسمحوا بالخروج
ادهم بتعب روحي هاتيه بس الاول يلا
لميا بحب ماشي يعيوني وباست جبينه وقامت
-
عند رفيده كانت طلعت شقتها وخرجت من الشاور ولبست كاش حماله وقصير لقبل الركبه وقعدت ترطب ايديها وخلصت ومسكت برشام الفيتامين وخدت واحده وسمعت الباب اتقفل فخرجت وتابعت بابتسامه حمدلله على السلامه يحبيبي
عصام بضيق ولا حبيبك ولا زفت وتختصريني مفيش بيني وبينك غير الواد وشوفي هتابعي مع مين واروح معاكي وطلباتكم مجابه غير كده انسي
رفيده الدموع اتجمعت في عينيها وتابعت احطلك تاكل؟
عصام بسخريه اه دي هبله بقى ورمى المفاتيح على السفره وقعد على الكنبه وطلع سجاره ولعها ونفخ دخانها بعصبيه فرفيده قعدت جنبه وفضلت تكح وتابعت انا مكالتش ومستنياك
عصام بعصبيه غوري من جنبي علشان دخان الخرا واللي في بطنك ..والاكل متفوتيش معاده وتطفحي انتي حامل مش بطولك وميخصكيش اكل ولالا انا لما اجوع هاكل
رفيده ابتسمت بقهر وتابعت وماله حاضر يحبيبي
عصام مسك دراعها جامد وتابع عصبيه انتي مبتفهميش؟؟ ماقولت متقوليش حبيبي
رفيده بصتله بدموع وتابعت اكدب؟ مانت حبيبي فعلا وانت عارف ان لو لساني كدب عليك عيني عمرها ماتكدب
عصام بص قدامه وسكت فرفيده دموعها نزلت بقهر وتابعت مبقيتش تبص لعيني ليه؟؟ نسيتها؟؟ نسيت العين اللي فضلت تألفلها اشعار واحنا صغيرين؟؟ نسيت حلاوه رفيده وحلاوه عيون رفيده وقلبك دق لغيري عادي؟؟
عصام ابتسم بسخريه وتابع رفيده اللي انا حبيتها مش انتي .. انتي متستاهليش 1% من الحب اللي حبتهولك
رفيده قعدت على الارض قدامه وبصتله وتابعت بعياط لو زي مابتقول فعلا حبتني حتى لو1% مش هتطلقيني وترميني يعصام ..لو حبتني فعلا هتضعف قصادي.. انما انت اشتهيت رفيده ولما وصلتلها مليت
عصام بسخريه دي وجهه نظرك؟؟ ومعملتش كده في امريكا ليه واهي ستات بتترمي تحت رجلي واحلى منك الف مره
رفيده بدموع وقهر عصام انت حبيت غيري .. انت لو كنت غلطت زمان اهونلي من اني اشوفك بتدي قلبك لغيري وانا عايشه
عصام بصلها بوجع وتابع سبق وعشتها معاكي وقلبي كان بيتفت من الوجع معتقدش انتي هتعيشي 1% من اللي عيشته بسبب حبك
رفيده بعياط فين حبي ده؟؟ فين؟؟ هو مين في الدنيا هينسى حبيبته لو غلطت؟؟
عصام بسخريه لو غلطت؟؟ تخونيني مع اخويا وتفضحي اختي وتحاولي تقتلي خطيبته وتموتي ابني قبله وتمنعي الحمل من ورايا وتقوليلي لو غلطت؟؟ انتي طبيعيه؟؟ واتعصب وتابع ده تمام الموضوع ده اقتلك وارميكي في اي خرابه ومحدش هيرفعلي صباع اتهام بس انا سكت لاجل ابوكي وامك مش اكتر وانك وحيدتهم
رفيده بصتله بقهر وتابعت بعياط انا حبيت علي لما انت عرفت علياا بنات وخونت ثقتي فيك وأذيت حبيبه لانها السبب في طلاقي منك وفضحت سلمى لاني فكرت علي اللي عمل فياا كده ونزلت ابني ومنعت الحمل علشان كنت حاسه انك مشتريني بفلوسك وجبرتني اطلق وكل ده شايفني انا الوحشه انما انت الملاك مش كده؟؟ وعيطت اكتر وتابعت يابني ادم انا عشت عمري كله معرفش رااجل غيرك وماليش اخوات ولا صحاب غيرك وفتحت عيني عليك وانت روحت خونت ثقتي فيك وبوست دي وحضنت دي فـ زي اي بنت عندها كرامه انفصلت عنك وشوفت المحترم اللي بيعرف ربنا تقوم ترجع وتقلب حياتي كلهاا وتخليني اطلق وتهددني تغتصبني وهتكوني لياا يارفيده وهتفضلي بتاعتي يارفيدده ولما بقيت ليك وشربت من وحاشتك بقيت انت الملااك مش كده يعصاام
عصام بعصبيه انتي جريتي وراا الفلوس مش وراياا شوفي انتي قاعده في شقه عامله ازاي وفي ايدك دهب قد ايه وليكي عربيه ايه شكلهاا بعدين اتكلمي علي مكنش هيقدر يوفرلك كل ده وانا وانتي عارفين كده كويس
رفيده بصتله بقهر وتابعت وساخه معاك حق انا كنت زباله وجريت ورا الفلوس لاني اتحرمت منهاا وياما احتاجت وملقتش بس مش هعيش دور الضحيه وهقولك اعتبرني كملت ومطلقتش من علي وتنهدت بقهر وتابعت انت كنت هتسيبني مستنيه؟؟ كنت هتسيبني بنت اصلا؟؟
عصام تنهد وسكت فابتسمت وتابعت اممم يبقى لاتجوزك ويتقال بجري ورا الفلوس يا تغتصبني وانا على ذمه اخوك علشان هتموت علياا وابقى المخلصه اللي شرفها ضاع .. مفيش اوبشن تاني مش كده؟؟ واتعصبت بعياط وتابعت انت متقلش وحااشه عني بس انت لقيت اهل وعزوه ونااس تساعدك تتغير انا ملقتش غير القسوه وبس سوااء منك ولا من اهلي لو مكنتش بيعت علي كنت هتطولني بردو علشان انت متسلط وانااني ولما بتعوز حاجه بتنفذهاا وكنت هتبقى انت الزباله دلوقتي بعد الحقيقه اللي انكشفت دي وانه اخوك ولما بيعت علي وجريت وراك وورا الفلوس اتشاافت ماديه طب وانت اييه يعصاام هاا انت اييه رد علياا
عصام بعصبيه انا فوقت يا رفيده فوقت ولو كنت مستحمل زمان حبك لعلي مش هستحمله دلوقتيي وتفكيرك فيه والخراا اللي عملتيه كله فاعتبري زي ماتعتبري اقولك اعتبريها صفقه انا خدت جسمك وانتي خدتي فلوسي وكده نبقى خالصين
رفيده اتصدمت وبصتله بقهر ودموع وتابعت فداك جسمي مش هقدر اتكلم لاني فعلا ادركت ان مفيش راجل غيرك يستحق يلمسني وبسببك انا الحمدلله هبقى ام بس انا مش عايزه فلوسك يعصام انا عايزه جوزي.. عايزه اعيش في هدوء. وعيطت بانهيار وتابعت مش كلكم تعيشواا مبسوطين وبالكم مرتااح وانا الوحيده اللي يصاحبني القهر
عصام بسخريه وفين القهر؟ روحي اعملي زي مابتعملي شوبينج وعربيات وهتبقي زي الفل يلا
رفيده بعياط وقهر يسيدي مش عايزااهم وقلعت غوايشها رمتهم على الارض وتابعت مش عايزه فلووس ولا عايزه عربيهه ولا عايزه فلل ولا حتى شقق انا عايزااك انت يعصاام عايزه جوزي مش هستحمل اشوفك مع إيلين والله ماهقدرر
عصام بقهر انا حبيتها
رفيده قلبها اتقسم نصين وبصتله وتابعت حبيتها !! وعايز تتجوزها وتلسمها وتخلف منها عادي؟؟ طب وانا؟؟ وضحكت بدموع وتابعت كالت ايه ولا شربت ايه من جوازي منك؟؟ مش كنت تسيبني احسن؟؟ شوفت ان انانيتك هي اللي وصلتنا لكده؟؟
عصام بعصبيه تفكيرك في غيري من بعد جوازنا هو اللي وصلك لكدده انا ااه اجبرتك بس اديتك عينيا وكنت بتمنالك الرضى ترضى محدش وصلنا للمرحله دي غيرك يارفيده
رفيده بعصبيه ودموع وغلطت يسيدي وندمت ووغلاوه اللي في بطني اخوك ده ما ليه عندي حتى السلام ونفسي اذيه وانتقم منه مكدبش عليك انما مبحبوش ولا جوايا حاجه ليه فيها ايه لما تغفرلي مانت حبيت غيري وسرحت في صورها ونطقت اسمها وانا نايمه جنبك وانا عديت ولا هو حلال ليك وحراام لياا
عصام بعصبيه اه حلال ليا وحرام ليكي وعادي اتجوزهاا واتجوز غيرها وغيرها كمان انتي عبيطه ولا اييه
رفيده دموعها نزلت بقهر وتابعت ده انت مستحملتش غيرك يلمسني واتجوزتني غصب عن الكل عايزني استحمل واحده تشاركني فيك يعصام؟؟
عصام بابتسامه مش لايق عليكي دور الست الغيرانه على جوزها ده نهائي على فكره غيريه
رفيده ابتسمت بدموع وتابعت ليه شايف في عيني الكدب؟ هستفيد ايه لما اقولك اني بحبك مانا حامل واديك رجعتني بس انا المره دي عايزه قلبك وحطت ايديها ناحيه قلبه وتابعت مش فلوسك ولا اسمك
عصام شال ايديها وتابع متأسف بس قلبي مش ملكي علشان اديهولك .. قلبي مع إيلين وهيفضل معاها ليوم ما اموت
رفيده ابتسمت بدموع وتابعت للدرجه دي!! نسيت كل ايامنا سوا؟؟ ودموعها زادت وتابعت بلهفه فاكر لما كنت بترجع من امريكا مخصوص علشان تشوفني ؟؟ طب فاكر لما قولتلي واحنا صغيرين انا بحبك يارفيده مش هحب غيرك وعيطت اكتر تابعت فاكر الملاهي والفستان اللي اتخانقنا عليه والايس كريم اللي بننزل نجيبه الفجر والجري تحت المطر وبصتله بلهفه وتابعت بعياط حتي يزن ..يزن ابننا اللي اختارنا اسمه زمان اوي وقولتلي والله يرفيده عيالي ماهيبقوا من حد غيرك وعيطت وتابعت فاكر كنت بتحبني وبتحب عيوني ازاي؟؟ فاكر كنت بتتغزل فيا في الطالعه والنازله ازاي وتغير عليا وتقولي انتي بتاعتي انا رفيده وعيطت وتابعت فاكر الخاتم الفضه اللي جبتهولي زمان واحنا صغيرين ؟؟ فاكر اني اول حب واول كل حاجه؟؟
عصام بابتسامه مش فاكر حاجه يا رفيده
رفيده قلبها وجعها وبصتله بقهر فتابع بابتسامه مش فاكر غير اني اتخانت واتهانت وتعبت في العلاقه دي وكلامك خلاني اندم اكتر لما خلاني احس اني اديت كل ده لواحده زيك
رفيده تظاهرت بالثبات مع ان قلبها بيتفتت من كلامه فتابع بتنهيده والشقه اللي احنا فيها دي هكتبهالك بحيث اتخنقت منك ولا عايزك تغوري من وشي شويه همشي واسيبهالك علشان ابن عصام السيوفي ميقعدش عند حد ويلاقي بيت انما غير كده مبقاش عندي حاجه اقدمها
رفيده بدموع وقهر ده اللي فهمته من كل كلامي؟؟ تكتبلي شقه؟؟ وتابعت بدموع هو انا لو قولتلك اطلق واتجوز هشام جارنا علشان هو بجد بيحبني ومن زمان هتوافق يعصام؟؟
عصام بابتسامه وليه لا حلال ربنا بس ساعتها مالكيش عيال عندي
رفيده اتقهرت وحست انها رخصت في عينه اوي وتابعت بقهر عادي بنسبالك يلمسني وكل حته فيا تبقى ملگ ليه؟؟
عصام بتنهيده هو انتي بتشرحيلي ليه؟ مانا فاهم هيعمل معاكي ايه زي مانا عملت بالظبط وماله يقلبي مش هتبقي مراته؟
رفيده بقهر اه عندك حق ودموعها نزلت وتابعت بس ده علشان انا بقيت في نظرك بواقي حريم ولا علشان مبقتش تحبني؟
عصام بابتسامه لا علشان مبقتش احبك لان لو إيلين اللي اتجوزت واطلقت هفضل شايفها ست البنات
رفيده اتقهرت اكتر وتابعت بدموع شوفني وحشه شوفني ماديه شوفني زي ماتشوفني بس انا هفضل على ذمتك لاجل ابني وهفضل شايفه ان انت واهلي السبب فكل اللي انا فيه دلوقتي
عصام بتنهيده وده نفس السبب اللي رديتك علشانه فخلينا نعيش لابننا وبلاش تعيشي الدور الضحيه علشان مش لايق عليكي وموضوع سلمى ده انا مش هعديهولك بالساهبل لعلمك
رفيده بعياط والله ماكنت اعرف انها اختك يعصام انا كنت عايزه اكسر علي
عصام بعصبيه وانا طلقتك قبل ما اعرف انها اختي لانك عكاكه ومش بتحترميني انما كونها اختي ده مكبرش الموضوع اكتر في نظري وقام وتابع انا غاير اتخمد
ورايح يدخل الاوضه فرفيده وقفته وتابعت بعياط طب اعمل ايه علشان ارضيك؟ طب انا اسفه اسفه والله وغلاوتك عندي هتغير وعايزني اروح ابوس على راس سلمى هعمل كده علشانك مش عايزني انزل من البيت مش هتحرك خطوه وحياتك ووطت عند رجله وتابعت ابوس ايدك سامحني
فعصام غمض عينيه فرفيده مسكت في رجليه وتابعت بعياط سامحني وانا هسامحك فكل اللي قولته بس متقهرنيش وتكرهني وتتجوز غيري والله ماهستحمل يعصام والله ما هستحمل متعملش كده انا ماليش غيرك
عصام تنهد بقهر وتابع رفيده لو سمحتي متعمليش في نفسك كده قومي وبيوطي يجيبها
فرفيده فضلت موطيه وتابعت بعياط اناا اسفه ابوس ايدك سامحني يعصام والنبي سامحني والله ما بحب غيرك ولا عايزه غيرك وبصتله بلهفه وتابعت طب يسيدي خد مني الفون واحبسني هنا بس متعملش كده والنبي متتجوزش إيلين والنبي يعصاام والنبي متقساش علياا زي اهلي ارجووك
عصام وطى على ركبته قدامها وتابع طب اهدي طيب يابنتي انتي حاامل بطلي اللي بتعمليه دده
رفيده حضنته وفضلت تعيط وتابعت انا اسفه يعصام انا اسفه والنبي ماتعمل فياا كده عاقبني باي حاجه الا دي وغلاوه ابنك عندك وبصتله بلهفه وتابعت بانهيار طب قولي قولي انت عايزني اعمل ايه وانا هعمله وحياه ربنا وهبقى كويسه ومش هعمل حاجه تاني والله
عصام تنهد بعمق وطبطب عليها وتابع اهدي طيب بقولك انتي حامل
والباب خبط فعصام تنهد وقومها ومسح دموعها وراح يفتح وتابع تعالي ورا الباب
فرفيده عملت كده بالفعل فعصام فتح واستغرب وتابع افندم؟
الراجل : انت عصام خالد السيوفي؟
عصام باستغراب اه انا خير؟
الراجل بتنهيده جايلك استدعاء من النيابه علشان قضيه حبيبه علي المحمدي
رفيده شهقت وتابعت بعياط وخوف لالا وانت مالك بالموضوع ده ورايحه تمسك دراعه فعصام شد ايديه وزقها لجوه وتابع بعصبيه ادخلي جوه انتي مش شايفه لبسك اتهبلتي ولا اييه؟!!
رفيده بعياط وخوف عصام متروحش وغلاوه ابنك متروحش علشان خاطري
عصام بحده غوري جوه رايح اشوف في ايه وجاي متقلقيش وطلع معاهم وتابع تمام يافندم انا جاي معاكم اهو وقفل الباب ورفيده حطت ايديها على بوقها وفضلت تعيط وهي مرعوبه عليه
-
بعد شويه في النيابه عصام دخل واتفاجئ ان علي قاعد على الكرسي قدام مكتب الوكيل
الوكيل بتنهيده اهلا يعصام
عصام بص لعلي مستغرب وبص للوكيل وتابع هو انا متهم في حاجه يفندم ولا حاجه؟؟
علي ابتسم بسخريه وتابع لاياخفيف انا جيت علشان ابقى معاك مش علشان اتهمك
عصام اتصدم والوكيل بصلهم باستغراب وتابع انت مش قولتلي انكوا اخوات؟
علي بتنيهده اخوات يافندم بس بينا شويه خلافات فدايما بيفهم اخوه غلط
الوكيل بص للكرنيه بتاع علي ولاحظ اختلاف الاسم وتابع اخوات من الام بقى؟
علي تنهد لانه مكنش هينفع يشرحله وتابع اه بالظبط
الوكيل بتنهيده تمام وبص لعصام وتابع ليه مستنتش الحكومه تيجي وخدت المجني عليها ومشيت وشوفتها ازاي؟
عصام بتنهيده مستنتش لان دي مرات اخويا يفندم مكنش هينفع اسيبها اخاف يحصلها حاجه وشوفتها وانا راجع من الجامعه الشارع كان واقف وانا بحضر دكتوراه هناك
الوكيل بتنهيده ايه مدى علاقتك بالمجني عليها وهل تقدر تفيدنا بأي معلومه مين عمل فيها كده؟
عصام تنهد بقهر وهو بيفتكر كلام رفيده وامه وتابع علاقتي بيها محدوده يفندم لان انا مكنتش عايش معاهم انا اتولدت وعيشت في امريكا فبالتلي مقدرش افيدك واشك في حد
الوكيل بتنهيده مفيش اي اسم في بالك يكون تاهه عنهم مثلا؟
عصام بص لعلي بتأنيب ضمير ان حق حبيبته هيروح والدموع اتجمعت في عينه وبص للوكيل وهز راسه بالسلب وتابع لا معرفش حاجه
الوكيل بتنهيده تمام تقدر تتفضل وامسك يا متر ومد الكرنيه لعلي
فعلي خد الكرنيه وابتسم وتابع شكرا يفندم وخرج قبل عصام فعصام خرج وراه وتابع استنى يعلي
علي بصله بضيق وتابع خير؟
عصام بتنهيده مش رايح لحبيبه؟
علي بضيق اه
عصام بابتسامه تمام هوصلك واروح اطمن عليها وانزل
علي بضيق شكرا متتعبش نفسك
عصام بتنهيده انا كده كده هروح يعلي يلا لو سمحت وخرجوا وبعد حيال ركب معاه وتابع بوجع حقك عليا
علي باستغراب على ايه؟
عصام بوجع على حاجات كتير اللي قصدتها واللي لا
علي بتنهيده انت متفرقليش علشان اشيل منك واستنى تراضيني
عصام دموعه نزلت وتابع علي انا محتاجلك والله تعبت ومش عارف اعمل ايه
علي اتردد بس تنهد وتابع تعمل ايه في ايه؟
عصام بدموع ووجع بعد ما طلقت رفيده وقولت لايلين اني بحبها وعايزها وهكلم ابوها لقيت رفيده رجعالي حامل
علي اتصدم بشده وتابع وانت عملت ايه؟
عصام بدموع مانا رجعتها بس انا بحب إيلين وفي نفس الوقت رفيده فضلت تعيط وتتحايل عليا متجوزش غيرها وانها ندمت وهتتغير انا حقيقي تعبت
علي بتنهيده إيلين بنت ناس وبتحبك بس مينفعش بردو ترمي اللي شايله ابنك فوق كده وبطل مراهقه واركن قلبك واختار بعقلك
عصام تنهد بقهر وتابع انا اللي عملت في نفسي كده مش كده؟
علي بتنهيده و فرفيده بردو متزعلش مني بس انت اللي جريت وراها من الاول
عصام بقهر لا وهزعل ليه عندك حق وشويه ووصلوا وعصام طلع معاه فحبيبه شافتهم ابتسمت
عصام بابتسامه سلامتك عامله ايه دلوقتي؟
حبيبه بحب بخير الحمدلله يغالي
علي قعد جنبها وباس راسها وتابع كالتي؟
حبيبه بحب اه يحبيبي التحقيق عدا على خير؟
عصام بابتسامه اه الحمدلله يلا همشي انا وربنا يطمنا عليكي
حبيبه بابتسامه تسلم يارب
وعصام مشي وعلي تنهد فحبيبه بصت لعلي وتابعت ماله عصام؟
علي بتنهيده رفيده حامل
حبيبه اتصدمت وتابعت نعم!! وإيلين؟؟
علي بتنهيده ماهي دي المشكله اللي عامله فيه كده وطلب رايي قولتله ميرميش ام ابنه
حبيبه بحده وإيلين يعلي مالك مش حاسس بيها كده ليه؟
علي بحده يعني واحده في بيت ابوها ولا واحده حامل في ابنه ياحبيبه ماتعقليها كده العيل ذنبه ايه!!
حبيبه حطت ايديها على جبينها بذهول وتابعت ينورعيني يا إيلين مش قادره اتخيل احساسها
علي تنهد بوجع وتابع ربنا يختارلها الاحسن
حبيبه بوجع شويه واكلمها يكون عمو نام بس صح فهمني ايه موضوع الورقه اللي ادهالك المتبرع ده يعلي؟
علي بتنهيده هي نيره مسابتش حاجه مقالتهاش؟
حبيبه بضحك لا خالص اخلص وقول بقى في ايه وحياتي
علي بتنهيده مفيش يحبيبه انا لفيت قد كده وملقتش الا هو فطلب مني 30 الف قولتله هديهوملك بس اتبرع رفض لحد مامضيتله وصل امانه ولما خدهم اداهولي بس
حبيبه شهقت وتابعت 30 الف عفريت ينططوا قادر يكريم انت بتهزر بجد يعلي جبتهم منين دول
علي بتنهيده خلاص بقى متشغليش بالك ربك دبرها
حبيبه مسكت ايديه وتابعت علي
علي بحب ايه يعمري
حبيبه :جبتهم منين صارحني
علي تنهد وتابع بيعت اللاب توب يحبيبه
حبيبه شهقت وتابعت اييه اللي جايبه بالقسط !!
علي بضيق ياستي فداكي بقي بطلي بواخه كله فدا ضافرك المهم انك بخير
حبيبه دموعها نزلت وتابعت علي انت لسه جايبه علشان الشغل ومدفعتش تمنه اصلا وكده شغلك هيقف هتدفعه منين؟ انت مستوعب المصيبه اللي احنا انا فيها؟؟
علي تنهد بعمق وتابع لا مكنتش مستوعب غير انك هتروحي مني ففداكي الدنيا بحالها وهبقى اشغل نفسي شويه من عند كريم وربنا هيكرم قولي يارب
حبيبه بدموع علي اخص عليك بجد ليه يحبيبي ليه وحضنته
علي باس راسها بعمق وابتسم وتابع نبطل عبط بقى قولت الدنيا كلها فداكي وتحت رجلك هو احنا عندنا كام حبوبه يعني
جبيبه بدموع نورعين حبوبه والله
-
عند زياد في المستشفى كان نايم على السرير تعبان وكلهم حواليه
زياد بتنهيده متعبه: لا بس عندك حق عرب ان تبقي عارفه حاجه زي دي ومتقوليليش
اسيا بوجع كنت هقولك ايه بس يازياد.. صدقني ده مكنش كلام يتقال
زياد بتعب لالا وتقوليلي اخوكي هو انا لو اخوكي تسيبيني متغفل كده؟
فارس بتنهيده صدقني ولا هي ولا انا ولا في راجل كان قابلها عليك بس مكنش يصح نتكلم في شرف حد وانا قولتلها هو صعبان عليا بس الدنيا مسيرها تعرفه
نعمه بدموع ربنا ينتقم منهم والحمدلله زياد بخير
اسيا بوجع اه والله دي بالدنيا
نعمه بدموع الا انتي قايله للبت متسلمش عليا يا اسيا؟
اسيا بذهول انا!! اخص عليكي يخالتي والله ابدا دي حفيدتك وهتفضل حفيدتك غصب عني وعن اي حد روحي لتيته يا تولين
تولين بصت لفارس اللي قاعده على رجله وتابعت اروح يا بابي؟
فارس باس خدها وتابع بحب روحي طبعاا يقلب بابي دي تيته حبيبتك
نعمه دموعها نزلت بقهر وتابعت تسلم يا ابني على حنيتك عليها دي والله وشالتها وتابعت بدموع تعالي ينورعيني وحشتيني وفضلت تحضن وتبوس فيها وهي مقهوره
فارس بابتسامه دي بنتي ياست الكل انا مبعملش حاجه اتشكر عليها
زياد بابتسامه والله ما عارف اقولك ايه يفارس
فارس بضحك متقولش حاجه خالص انت اه عمها وهي جدتها وفوق راسي انتوا الاتنين بس تولين بنتي انا
نعمه بدموع يخليك ليهم يارب وتكونلها هي وامها عوض وتشيل ضناك بالف خير يارب
فارس بابتسامه اللهم امين يارب تسلمي يا امي
نعمه شالت تولين وراحت لاسيا باست راسها وتابعت بدموع امنتك امانه وغلاوه اللي في بطنك لتسامحيني يابنتي وتفتحي معايا صفحه جديده وماتحرميني من الحاجه اللي فضلالي
اسيا بلهفه يا امي مسمحاكي من غير ماتبوسي على راسي انتي زي والدتي متقوليش كده وتولين حفيدتك ومقدرش احرمك منها والله تعالي اي وقت شوفيها تنوري وانا هجيبهالك بردو
نعمه بدموع ظلمتك كتير يا اسيا بس انتي اصيله وبنت ناس والله يابنتي ندمانه ندم عمري
اسيا بابتسامه اللي فات مات ياست الكل واعتبريني بنتك وعينيا ليكي اي وقت تعوزيني
نعمه بحب ودموع يارب يسعدك يارب يابنتي ويقومك بالف خير يارب
اسيا بحب يارب اللهم امين ويطمنا على زياد يارب
فكلهم رددوا يارب
زياد بتعب شهد فين ياما؟
نعمه بحب بتجيبلك الاكل يانن عين امك وجايه
اسيا بابتسامه اممم قولتولي
زياد بضحك اتلمي ها
اسيا بضحك يسيدي انا ساكته خالص اهو مش هفتح بوقي هسيب الايام تورينا
زياد فضل يضحك وتابع تعالي يا توتي تعالي شويه علشان واحشاني وقعدها جنبه وباس خدها وحضنها
فارس بضحك ايوه استخبى في توتي انت
فكلهم فضلوا يضحكوا
--
عند نيره وسهيله كانوا قاعدين في المستشفى في البلكونه بتاعت اوضه حبيبه
سهيله بتنهيده بذمتك مقتنعه انك مش بتحبيبه؟
نيره بحده اه ياسهيله طبعا ده كريم مالك في ايه
سهيله بحده ياختي مانا عارفه انه كريم وفيها ايه كريم ده طوله عمره قدام عينك ولا ليه في النسوان ولا المشي البطال وبيموت فيكي انتي هبله يا نيره هتسيبيه يضيع من ايديكي عادي كده؟
نيره بتنهيده فاهمه كل كلامك ده بس مش هعرف اشوفه زوج يسهيله صدقيني صعب
سهيله بابتسامه يابنتي هو حد قالك اتجوزيه احنا يادوبك بنقولك فكري اقعدي معاه نقرا فاتحة تشبك في خطوبة كتب كتاب لكن لا محدش جاب سيرة الجواز خالص
نيره فضلت تضحك وتابعت لا والله
سهيله بضحك اه والله اومال انتي فاكره ايه ده كريم يابنتي انا بستغرب انا البنات والرجاله اللي يفضلوا صحاب وميحبوش بعض دول ده انا لو بتاع الزلابيه حطلي اتنين زياده بفضل افكر فيه اسبوع فازاي كريم ميتحبش ها ازاي
نيره فضلت تضحك وتابعت يهبله بقولك اخويا هو لو مواصفات كريم دي في حد تاني انا كنت سيبته يعدي من تحت ايدي؟
سهيله بتنهيده وصدقيني هو مش عائق بردو فكري يانيره ومتضيعهوش بطلي تخلف
--
بعد اسبوع جيه معاد خطوبه إيلين وكانت قاعده في الكوشه ولابسه دريس كب وصك بيج وسايبه شعرها مموج وشكلها خطير بس عينيها فيها قهر مش قادره تنطقه بكلام فاقت على صوت مراد :انتي كويسه؟
إيلين بابتسامه مزيفه: اه الحمدلله
مراد بضحك طب ايه بقالي ساعه بقولك هاتي ايدك وانتي مش معايا
إيلين بوجع اه سوري حقك عليا ومدت ايديها لمراد وهي جواها وجع وقهر وحاسه انها ندمت وقلبها مش فرحان وعين عصام كانت واقفه بتراقبها واقف وسط الناس القهر في عينيه ومانع دموعه بالعافيه فبمجرد مالبست الدبله الناس سقفت بفرح بيهم وجيه دور إيلين ومسكت دبله مراد فمدلها ايديه ولبستهاله وهي بتبتسم بانكسار فعصام غمض عينيه بقهر وابتسم بوجع وفتح بصلهم والناس بتباركلهم وهما بيتصوروا بالدبل وكان مقهور اوي فتقدم لقدام وتابع بابتسامه مخبيه كل وجعه : مليون مبروك يا عروسه
إيلين سمعت صوته قلبها اتنفض بين ضلوعها ورفعت وشه بسرعه شافته وعينيها مليانه دموع فمراد استغرب وتابع مين حضرتك؟
عصام بابتسامه انا
إيلين بمقاطعه وخوف ده.. ده عصام اعز اصحابي
عصام بابتسامه ومش كده وبس اخوها الكبير كمان
مراد بابتسامه اهلا تشرفنا
عصام سلم عليه وتابع الشرف ليا وحافظ عليها انت خدت ست البنات والله
مراد بابتسامه اكيد طبعا دي في عينيا وبص لإيلين بحب اللي كانت مقهوره وباصه لعصام ومانعه دموعها بالعافيه
عصام ابتسم وتابع مليون مبروك عن اذنكم
إيلين بلهفه وهي بتمنع دموعها: عصام استنى ثواني ومشيت وراه بسرعه وتابعت بدموع عصاام لو سمحت استنى
عصام وقف وهو مديها ضهره فجات وقفت قدامه وتابعت بدموع جاي ليه؟ مش قولتلك مش عايزه اشوفك تاني؟ ولا جاي تكسرني؟
عصام بابتسامه تؤ جاي اكسرني انا علشان ابطل احنلك
إيلين بدموع انا قولتلك عمري ما هبقى ضره
عصام بابتسامه وانا قولتلك اني مش بايدي حاجه بس عايزك وهاخدك وانتي اختارتي غيري فخلاص ربنا يسعدك روحي لضيوفك
إيلين بدموع انا عملت كده علشان..
عصام بمقاطعه وعصبيه مش عايز اعرف ميخصنيش خلااص ورفع ايديها وتابع من اليوم اللي دي دخلت ايدك فيها اتحرمتي عليا يا إيلين وواقفتنا نفسها مبقيتش تنفع مبروك على اختيارك يعروسه ورمى ايديها ومشي وهي فضلت تعيط
--
وبعد مرور 3 شهور قرب معاد فرح لميا لان كريم وافق وحبيبه بقيت كويسه وكريم هيتكلم على نهله واسيا علاقتها اتحسنت مع نعمه وبتودها وعصام اتغير وبقى يسهر ويرجع اخر الليل وحاله اتقلب بعد خطوبه إيلين ومختصر رفيده وعلي مستني نتيجه قبول الكليه
--
الصبح الساعه 10 عند سلمى خرجت من الحمام وهي متوتره ومالك بصلها وتابع بقلق ها بانوا؟
سلمى بتوتر عملته اهو وجيبته معايا نشوفه سوا وراحت وقفت جنبه
مالك بتوتر سلمى وربنا سامع دقات قلبي يخربيت ام التوتر بقاله قد ايه كده؟
سلمى بتوتر يعني 3 دقايق متوترنيش ابوس ايدك انا مش متحمله اعصابي لوحدي
مالك نفخ بتوتر وتابع طب ايه يلا فات كده دققتين كمان منا ماطلعيتي افتحيه
سلمى بخوف مالك وربنا ايدي بتترعش
مالك بابتسامه هاتي طيب هاتي افتحه انا
سلمى بخوف لالا هفتحه انا اهو ونبص مع بعض
مالك بتوتر طب يلا يسلمى اعصابي تعبت وربنا
سلمى خدت نفسها بعمق وتابعت بهمس بسم الله وفتحت التيست ليعلن عن وجود شرطتين حُمر دليل على الحمل فشهقت وهي بتعيط وحطت ايديها على بوقها وفضلت تعيط بانهيار فمالك بصله بذهول وتابع بضحك وفرح حامل صح؟! مش خطين ده يبقى حامل؟!
سلمى هزت راسها بلايجاب وهي بتعيط ومنهاره وتابعت حامل يا مالك حامل واحساسك كان صح ينهار ازرق مش قادره اتلم على اعصابي والله وفضلت تعيط
مالك حضنها جامد ودموعه نزلت بفرح وتابع انا قايلك امبارح هتطلعي حامل اقسم بالله حسيت الف حمد وشكر ليك يارب مبارك علينا يعمري
سلمى بدموع فرح الحمدلله والله انا هنزل ابشر ماما هدى وافرحها
مالك بضحك تمام هاجي معاكي البسي يلا
وسلمى دخلت تلبس والباب خبط فمالك خرج فتح واتفاجئ وتابع بضحك اييه ده اييه ده عاش من شافك يا ابن الكلب توك افتكرك ان ليك صاحب تسأل عليه
مصطفى فضل يضحك ودخل في حضنه وتابع اقسم بالله جاي من قنا عليك علطول واحشني يغالي
مالك بحب انت اكتر اقسم بالله تعالى ادخل نورت الدنيا كلها
فمصطفى حمحم ودخل فمالك ابتسم وتابع سلمى جوه في الاوضه محدش في الصالون ادخل
فمصطفى دخل وقعد في الصالون وثواني وسلمى خرجت لابسه دريس وخمار وتابعت بابتسامه يا اهلا وسهلا نورت يا مصطفى
مصطفى بابتسامه بنورك يا مدام سلمى تسلمي
سلمى بحب طب بمناسبه ان الاخبار السعيده بقيت خبرين بمجتيك انهارده هسيبك مع مالك شويه ونازله لماما هدى وهطلع اعمل الغدا ناكل سوا
مصطفى بحب لا والله كتر الف خيرك انا مش هطول وماشي
مالك برفعه حاجب في ايه يحيوان ده بيت اخوك الله هتاكل معانا طبعا سيبك منه يا لوما
سلمى بضحك مانا معتمدتش رايه يلا هنزل انا واسيبك مع صاحبك شويه ونزلت وقفلت الباب وراها
مصطفى باستغراب ايه الخبر الاولاني اما انا التاني؟
مالك تنهد وتابع بابتسامه سلمى حامل
مصطفى بفرح لا يجدع بتهزر !!
مالك بحب لا حامل الحمدلله نشكر ربنا وتنهد بوجع وتابع مش عارف المفروض الخطوه اللي جايه ايه؟
مصطفى بقلق على ايه بالظبط انت اتجننت ؟ اياك تفكر تنكش في اللي فات يمالك انسى وعيش
مالك بوجع مش عارف يا مصطفى ..عايش بتأنيب الضمير اني السبب في اللي حصلها
مصطفى بحده مالك انت عكيت ومسمعتش كلامي فاللي حصل حصل انسى ومحدش يعرف وشك غير حازم واهو عند اللي خلقه وسلمى حامل وبتحبك فلازم تنسى علشان لو عرفت بيتك هيتخرب