وضع إياد يد روز في يد أباها فبدأت بالصراخ وهي تنظر له، تحدث هارون مع إياد قائلاً : دمرت بنتي وجايبهالي
إياد : بنتك قربها مني مرض
هارون : هعالجها بس متلزماش .. اطلع بره
روز بصراخ وهي تراه يمشي : سبني يا بابي سبني اروح لإياد حبيبي ابعد عني إياااااااد سبني يا بابي إياااااد
هارون بدموع : اهدي يا روز عشان خاطري .. مهديء يا رولا بسرعة
اتت بالحقنه ومسك ذراعها ليتحكم بها فوجدها تستلم له وتهز رأسها بتأكيد ان يعطيها إياها فأعطتها رولا لها وغفت وهي تنادي عليه وتضم أباها
هارون بغضب : واغلي حاجه عندي لهخليك تيجي تبوس رجليها عشان ترجعلك ومش هسمحلها
رولا ببكاء : اهدي يا حبيبي
مسح دموعها وحضنها بقوه أخطأ ابن السلحدار حين اذى عائلته فهو لا يعرف أن اغلي ما عنده روز ورولا وهما السبب في بقائه حي يعافر لأجلهما
***************
في منزل السلحدار
وصل إياد وصوت بكائها وترجيها يرن بأذنه لكنه مشي بمبدأ "وفي البعد الدواء " لا يعرف ان ليس في كل الحالات هذا وان تعالجت سيخسرها
وجد لكمه قويه يليها اخري واخري واخري ولم يدافع عن نفسه فهو ليس به نفس ليفعل
آسمر بصراخ : خليك راجل ودافع عن نفسك انت بقيت ذي الستات يالا دافع عن نفسك
ولكمه مره اخري فأتي آنس جريا وحاول ان يبعده
آسمر بصراخ : ابعد عني يا آنس هقتله دا خساره في حقه كلمة راجل ابعد
نزل الكل علي صوتهم في المدخل وتدخل أحمد وبعدهم عن بعض
أحمد : ايه علي اخر الزمن ولادي اللي قدوه في حبهم لبعض يعملوا كده
آسمر : عشان ايه عملنا كده يعني عجبك اللي عمله في روز
أحمد : وربنا كبير وهيدفعه التمن غالي انما متعملوش كده
آسمر : انا نفسي اكسره في بعض دا غبي مبيفهمش دي نفسها روز اللي انا شخصيا كنت مصدق انك ميت وهي لا دي نفسها روز اللي عشقتها دي نفسها روز ام ابنك عملت فيها ايه رد
نظر لهم أحمد بقلة حيله ثم تركهم وغادر من أمامهم
أسيا : لا أنت يا إياد تستحق روز ولا انت يا آنس تستحق آيه يا خسارة تربيتي فيكم
جنان بمراره : ولا حتي اللي كويس فيهم يا مامي مراته تستاهله
أسيا : بالعكس يا جنان عشان نية آسمر ربنا موقفها معاه وانتي في حياته ومش هسمح لأي حد يهدم اللي بينكم
نظرت لآسمر تشعر انه كثيرا جدا عليها اما إياد فأخرج ورقه من جيبه ومسك يد انجي ووضعها
إياد : اطلعي بقي من حياتي
فتحتها وتمردت دموعها بقهر هذه ورقة طلاقها فقد قام إياد بقطع أخر صلة بينهما بعدما فارق روز
***************
في شقة آنس
جلس أنس ووضع وجهه بين يديه يستمع لحديثها الساخر مجبر على التحمل
آيه بغيظ : الجو خلي ليك خليك انت الصدر الحنين وروحلها
آنس بحزن : عايزه ايه يا آيه ؟
آيه بصراخ : عايزاك تحبني نص حبها حبني ذي ما بحبك
آنس بهدوء ظاهري : انا مبحبهاش ومش عارف اسمي الفتره اللي عدت ايه بس مبحبهاش
آيه بصوت عالي : أنت كداب
آنس بتنهيد : والله ما هي نقصاكي
آيه : طلقني يا آنس
اتسعت عينه ونظر لها بزهول وصدمة قائلا : ايه ؟
آيه : طلقني روز اختي وانا مش هقدر اقعد لحظه من غيرها
آنس بنفاذ صبر : وانا ذنبي ايه ؟
آيه : ذنبك إن اخوك إياد انتوا ليه مش ذي آسمر ربنا يخليه لمراته ويبعد عنهم كل حسد بس ولا واحد فيكم زيه انت وإياد الواحد يقرف يقعد معاه خاينين العشرة
وتركته وذهبت فنظر خلفها قائلا : مشيها هرمونات حمل خليني اخلص اووووف نقصاكي هي يا بنت ياسر
***************
في شقة أحمد
دخل آسمر وبحث بعيناه عن ناني ليجدها تجلس مع جنان فنظر لها وسحبها له لتقف أمامه ودون مقدمات تحدث معها
آسمر بحده : جنان مراتي وحبيبتي وانا هستحملك عشانها وبس فاهمه اتصال برأفت هقتلك وانا اعملها بكل برود وان حصل وكلمه صغيره اتقالت لمراتي هدمرك يا ناني معنديش اغلي منها وبنتنا ذي ما بتقولي مش اغلي منها عندي .. أنا بديكي الأمان من رأفت
ناني بخفوت : تمام حاضر
آسمر لجنان بضيق : يلا يا هانم شيلي بنتك وعلي فوق
جنان بحزن : حاضر
وخرج خلفها ومشوا حتى وصلوا لشقتهم ودخلوا ليردف موجه حديثه لها : حطي البت دي في سريرها وحضريلي الحمام بسرعه
جنان : حاضر
ذهبت وضعت ابنتها وعادت للحمام فتحت الحاجز علي البانيو فشدها لحضنه وفتح عليهم الماء فشهقت هدئها ومسد علي شعرها
آسمر : مالك يا قلب آسمر
سندت برأسها علي صدره وقالت : أنت كتير عليا اوي يا آسمر عايزاك تطردني من حياتك انا مستحقاش
آسمر بحده : المشكله بتدبشي وانا متعصب وبمنع نفسي ان كله يجي علي دماغك
انفجرت باكيه ليس من كلامه وانما مما تشعر وحضنته بقوه فاعاد شعره وابتسم بعشق
الفصل الرابع وعشرون
في منزل هارون
استيقظت روز من النوم والإضاءه مشوشه جدا بالنسبه لها فاغمضتها بقوه وفتحتها وبدأت بعض التخاريف تتمكن منها بسبب كثرة المهدئات التي أخذتها
روز : قومي عشان تروحي لإياد حبيبك يلا يا روز
وجلست بتعب ونظرت للخف المنزلي ثم ارتدته فكان رقيق جدا ووقف تسند علي الحائط حتي نزلت
روز : الحمد لله هما نايمين هطلع من الباب الخلفي
وذهبت للمطبخ واخذت مفتاح القفل وفتحته وخرجت من البوابه الخلفيه ومشت بالطريق تائهه
روز : معيش فلوس اركب اعمل ايه .... همشي اه
وبدأت تسير في الطريق وحدها تائهة لا تعي أين وجهتها ولا تتذكر طريق المنزل أساساً، وما ذنب القلب الذي عشق يا سادة !
****************
في المستشفي
زفر آسمر بغضب وهو يجلس يشعر أنه يكاد يجن يتذكر حين رأي اخاه يتدفق دم كثير من انفه ويفترش الأرض موقف لا يحسد عليه
اما آيه فكانت في حالة صدمه هي السبب اجل هي من فعلت هذا لقد ثقلت عليه العيار هذه المره
جنان بدموع : اهدي يا آسمر هيجرالك حاجه
اغمض عينه بقوه وجز علي اسنانه فمسكت رأسه وضغطت عليها وحضنتها وبدأت تمسد علي شعره
جنان : هششش اهدي خالص
وبدأت تتلو عليه الأيات القرأنيه التي تحفظها حتي بدأ يهدأ بأحضانها
خرج الطبيب فوقفوا وجروا عليه
إياد : خير يا دكتور في ايه
الطبيب : حصل انفجار شعيرة دموية بسبب عصبيته الشديده ادت لنزيف في الأنف وكويس انها جات علي قد كده هو هيفضل فتره تحت الملاحظه
آيه بلهفة : ممكن اشوفه
الطبيب : الأفضل محدش يدخله الوقتي
آيه : خمس دقايق يا دكتور
الطبيب بهدوء وصرامة : الأفضل ليه لا الوقتي
اومأت بخيبة أمل وحزن وذهب الطبيب فقال آسمر : قاعدتنا هنا مش حلوه جنان مع ماما وبابا علي البيت
جنان بنفي : عشان منعادش وصوتنا ميعلاش مش هسيبك
آسمر : مينفعش نفضل كده في المستشفي
جنان : وانا مش هسيبك
آسمر : خلاص هوصل بابا وماما وخليكي هنا مع آيه وإياد
اومأت بتأكيد وهو ذهب بهم
*******************
في مكان ما
انقطع الخف الذي ترتدي فخلعته وتركته واكملت سير حافيه، بدأت تنظر حولها لتجد نفسها خائفة من كل هذا كأنها طفل ظل لسنوات محبوس ولتوه خرج يرى الدنيا
روز برعب من المكان : إياد تعالي خدني انا خايفه
وتمردت دموعها وجلست علي الرصيف متكوره
روز ببكاء : إياد تعالي بقي يا حبيبي
وزاد بكائها وفجأه وجدت امامها شابين يبدو عليهم السكر وينظروا لها
روز بحدة وضعف : امشوا من هنا
احد الشابين : تعالي معانا هنفرحك ونخليكي تبطلي عايط
روز : غوروا من هنا وإلا .....
الشاب الآخر : لا تعالي معانا أنتِ وإلا ...
...... : والا ايه
الشاب : تخصك
....... بسخرية : وجداً تخيل بقى
الشاب بحدة : طب امشي من هنا احسنلك
مسح اسفل شفاه واقترب وهو يومأ بتأكيد وفي لحظه اي لمح البصر كان الأثنان علي الأرض مغمى عليهم أثر ضربه السريع
...... : بتعملي ايه هنا
روز ببكاء : راحه لإياد عايزه إياد يا آسمر خدني ليه
آسمر بحدة : أنتِ أيه يا روز ؟! إياد باعك متبكيش عليه بالعكس لازم تخليه يجي ويترجاكي خلي عندك كرامه يا روز مستحيل تكوني روز اللي اعرفها بتترجي في ايه فكري في نفسك وفي اللي يخصك في والدك ووالدتك وابنك وانسي إياد لو رحتيله هتثبتي ليه وللكل انك معندكيش كرامه يا روز فاهمه
واكمل بتنهيد : عارف يا روز ان كلامي صعب ووحش بس لازم ناخد الدوا المر عشان نطيب ودا مش حب لو إياد بيكن ليكي ذرة حب مش هيسيبك لحظه فاهمه كان استحملك بكل حالاتك
مسحت دموعها ونظرت له ورغما عنها تمردت مره اخري
روز : يعني هو مش بيحب روز خالص يا آسمر إياد؟ معتش بيحبها
كم المه قلبه علي جملتها وشكلها وفي لحظه ترنحت فالتقطها قبل ان تقع وحملها اخذها للسياره
*****************
في المستشفي
نظرت جنان حولها تبحث بعيناها عن آسمر فهي لا تجده لأنه فجأة اختفى ليبدأ القلق يغزو قلبها وملامحها عليه، اخبرتها أيه انه خرج ليحضر دواء بعدما أتى من توصيل والديه فظلت تنتظره لبعض الوقت ثم زفرت بحدة وقلق
جنان بقلق : هو اتأخر كده ليه ؟
آيه بهدوء : اهدي ورني عليه
جنان بغضب وصوت مرتفع : مش بيرد اكيد عامله صامت الف مره اقوله متزفتوش بس هو ....
آسمر بسخرية : دماغه جزمه معلش استحمليه يا قلبه
التفتت وتلقائي جرت لحضنه تطوقه بقوه وتحرك رأسها تدفن وجهها بصدره تمحي افكارها الغريبه والتي بدأت تتملك منها بعد الضغط الذي تعرضت له الفترة السابقة