رواية وجه اخر الفصل الحادي عشر11والاخيربقلم سما
- طلعت أنا ونديم الشقة..هيام: لسه بتوجعك؟
- أيوه حاسس فيها بتقل كده..
- طيب نام لو مش قادر..
- لا مش عايز..
- طب أجيبلك حاجة تشربها؟!
- أمم فيه عصير؟
- أيوه..أجيبلك؟
- لا مش عايز..
- الله متزهقنيش عايز إيه أنت؟
- كده بتزعقيلي وأنا تعبان..
- يا عم خلاص معلش..
- طب تعالي اقعدي هنا..
- أديني قعدت..
- عاملة إيه؟
- ادخل في الموضوع على طول..
- انتي كويسة يعني؟
- آه الحمد لله قول بقى عايز إيه؟
- أمم مش عايز..عايزك تقعدي جنبي بس كده..بحس إني أحسن..
- أمم هنقعد نتفرج على بعض يعني؟
- طب وإيه يعني حد يطول يتفرج على القمر ده..
- طب بص قدامك بقى..
- منا باصص قدامي أهوه..
- ابتسمت ولفيت نفسي..
- الله هكلمك وانتي قاعدة بجنب يعني..
- خلاص هلف بس خليك محترم..
- هو أنا شاقطك دانتي مراتي!!
- إحنا لسه في مرحلة التجارب يا باشا..
- يا باشا براحتك..
- ابتسمت وبعدين بصتله وقلتله: يوه كل ما أشوفك بالجبس كده أزعل أوي..
- نديم بابتسامة: طب ياريتني اتكسرت من زمان عشان أشوف الاهتمام ده..
- يا شيخ بعد الشر..
- بتخافي عليا..
- ابن خالتي بقى وكده..
- بس يا فشارة..
- أنا فشارة؟
- آه انتي لسه بتحبيني وبتخافي عليا..
- أنا؟
- آه باين في عينك..
- ليه مكتوب فيها بحبك؟!
- لا بس أنا حافظك..
- بيتهيألك..
- طب بصيلي في عيني كده..
- اتوترت وقلتله: لا..لو مش مصدق براحتك..
- عايز أتأكد..
- لا هتسكت ولا أقوم..
- بصه صغيرة..
- يا حول الله يا رب..
- يلا بقى..
- لا وقمت من جنبه..
- نديم شدها وقربها منه..
- اتوترت وقلبي دق بسرعة: بتعمل إيه يا نديم؟
- بصي في عيني..
- فضلت بصاله وهو باصصلي شوية لحد ما الباب خبط قمت بسرعة..: احم هفتح..
- نديم بص عليها وابتسم..
- فتحت الباب كانت صفية..
- صفية: خدي يا هيام دي الحاجات بتاعة نديم حازم اديهالي..
- تمام تعالي ادخلي..
- لا هنزل أنا عشان حازم تحت..
- تمام يا حبيبتي وقفلت الباب ببص على نديم لقيته باصصلي وهو مبتسم..: خد دي حاجتك..
- طيب حطيها..
- مالك مبتسم ليه كده؟
- مفيش..
- طب بطل بقى..
- نديم ضحك وقال: الله انتي مضايقة عشان مبتسم..
- أنا داخلة جوه..اقعد لوحدك..
- خدي بس..
- لا عشان انت مش بتسمع الكلام..
- خدي بس وهقعد محترم..
- لا اقعد لوحدك..
- نديم باص عليها وهي ماشيه و ابتسم وقال: كنت هخسرك إزاي بس يا هيام دانا مش عايزك تسيبني دقيقة..
- دخلت الأوضة وقفلت الباب ورايا وفضلت أبتسم زي الهبلة..حاسه إحساس حلو أوي مش مهم أي حاجة المهم إنه عرف يرجعني مبسوطة تاني..
>>>>>>>>>>>>>>>>>>>>>>>>>>>>>>>>
- تاني يوم كنت قاعدة في الشغل..لقيت نديم جاي..
- نديم: صباح الفل على أشطر حد في حياتي..
- رديت بابتسامة: صباح النور..
- ألف مبروك على المشروع..
- الله يبارك فيك..
- خدي..
- الله ده ورد جبته إزاي؟
- مش مهم المهم عجبك؟
- رديت بابتسامة: حلو أوي يا نديم تسلم إيدك..
- حضن بقى..
- ضحكت وقلتله: يا حزني اسكت في الشغل..
- يعني هتديني في البيت..
- اتلم..
- انتي اللي قلتي مليش فيه..
- ابقى تعالى قابلني..
- حاضر..
- حاضر إيه بس؟
- فرحت أوي بجد كنت متأكد إنك شاطرة..وفخور بيكي أوي..
- ابتسمت وقلتله: ربنا يخليك..
- شوف بقى أنا بقول إيه وهي بتقول إيه؟
- عايز إيه؟
- بصي بعد كده مش هنقول نديم خالص..
- ليه غيرت اسمك؟
- نديم غمز لها وقال: هتقولي حبييي..
- شوف انت رايح فين يلا..
- يعني مش هتقولي..طيب هشهد هنا..
- اعمل اللي تعمله..
- طيب يا هناا تعالي عايزك في موضوع..
- لا خلاص اسكت هتفضحنا..خلاص هقول..
- بعد كده على طول..
- يا عم خلاص..
- يلا سمعيني..
- ضحكت وقلت: حبيبي..
- تاني عشان تاخدي عليها..
- حبيبي..
- يلا كمان مرة عشان تبقى أسهل..
- استهبل بقى..
- نديم ضحك وقال: أنا غلطان بدربك..
- إيدك عاملة إيه؟
- يعني الوجع خف..
- طب الحمد لله..ومتحركهاش خالص..
- حاضر يا قلبي..
- طيب يلا روح شغلك بقى..
- طيب..سلام..
- نديم..
- مش عايزاني أمشي؟
- ضحكت وقلتله: لا بس شكرًا على الورد..فرحت أوي..
- يا حبيبتي دي أقل حاجة..
- هزيت راسي بابتسامة: تسلملي..
- لا لا دانا أقعد هنا بقى حاسس الكلام هيحلو..
- ضحكت وقلتله: يلا على شغلك المدير هيكرشني كده..
- ولا يقدر يتكلم..
- الصراحة آه..
- جوزك مش أي حد برضو..
- ده كده كده..
- يلا همشي أنا..
- طيب..تعالى إيه اللي على الجبس ده؟
- ده مرضيوش يسيبوني غير لما كتبولي عليه..
- تعالى وريني ومين شهودة دي؟
- معايا فوق في القسم..
- وتكتب شهودة ليه إن شاء الله؟
- هي اللي كتبت أعملها إيه؟
- طب هات القلم ده كده..
- إيه هتمضي انتي كمان؟
- خدت القلم منه وشطبت على اسمها..
- نديم ضحك وقال: أيوه مراتي اللي دمها حامي..
- مش عايزة الشغل ده تاني..عشان خلقي ضيق سامع..
- حاضر يا معلمة..
- يلا روح شوف شغلك..وأنا هبقى أطلع أشوف شهودة دي..
- نديم ضحك وقال: غيرة دي؟
- لا بس إيه المرقعة دي؟
- هدي أعصابك مش كده..
- خدت نفس عميق وقلت: كده؟
- أيوه كده انتي زي الفل..
- طيب أكمل شغلي بقى..
- يلا أشوفك بعدين..
- ماشي مع السلامة...وكملت شغل وقلت بغيظ: قال شهودة قال!!
>>>>>>>>>>>>>>>>>>>>>>>>>>>>>>>>
- عدى كام يوم وجه يوم عيد ميلاد نديم بدأت أنا وصفية نجهز من الصبح..
- صفية: آآه ضهري اتكسر..أنا مش هروق الشقة دي لوحدي مش تطفحوا فراشات وأنا اتعجن في الشقة..
- ضحكت وقلتلها: متخافيش هعملها معاكي..رني بس على حازم شوفيهم بقوا فين..
- أنا متحمسة أشوف رد فعله..
- بصيت للزينة كلها وابتسمت وقلت: وأنا كمان حلوة التورتة..
- قمر وربنا..
- يلا رني بسرعة..
- أهو رد..ألو يا حازم..
- منال: بسم الله ما شاء الله..عسل يا بت يا هيام..
- ربنا يخليكي يا خالتو..
- صفية: قال بيركن العربية وطالعين..
- صفية أنا متوترة أوي..أعمل إيه أطلع أنا فوق؟
- صفية: الهبل اشتغل أهو..اقفي بقى عشان عايزة أشوف حتة رومانسية كده..
- ابتسمت وقلت: تفتكري هيفرح؟
- صفية وهي بتغمز: أوي كفاية إنها منك..
- الحقي الباب بيخبط اطفي النور بسرعة..
- صفية: طيب..
- نديم طلع ولقي الباب مفتوح دخل وكانت الدنيا ضلمة شغل النور..
- وقفت وفرقت عليه الزينة وقلت بصوت عالي: كل سنة وانت طيب يا نديم..
- نديم ضحك بفرحة وقال: الله عملتوا ده إمتى؟
- إيه رأيك؟
- نديم قرب من هيام وحضنها بحب..
- اتجمدت مكاني وهو حضني جامد..لقيت نفسي رفعت إيدي وحضنته أنا كمان..
- صفية: بسم الله ما شاء الله..منديل بسرعة يا حازم..
- ليه؟
- هعيط يا بني..
- خدي..
- انت صدقت أنا بس متأثرة وكده..
- حازم: الصراحة وأنا عقبالنا كده في بيتنا..
- يارب يارب..
- نديم سابها وقال بابتسامة: دي أحلى مفاجأة حصلتلي في حياتي..
- رديت بابتسامة: مبسوط يعني؟
- أسعد واحد في الدنيا..
- طب تعالي يلا عشان نطفي الشمع..
- نديم: حلو أوي تسلم إيديكي يا حبيبتي..
- لا وصفية تعبت معايا أوي..
- نديم: حبيبة قلبي يا صفصف..لا أنا شكلي هقعدك جنبي بقى مش هقدر أفرط فيكي..
- لا أبوس إيدي فرط..بالله عليك..
- نديم ضحك وقال: زمانك بتعدي الأيام..
- ومين سمعك..
- تعالي يا بت هاتي حضن..
- صفية حضنته وقالت: حبيبي كل سنة وانت طيب..ومعاك هيومة يارب..
- اللهم آمين يا حبيبتي..
- يلا اقف هنا..
- نديم وقف جنب هيام ومسك إيديها..
- بصيتله وابتسمت..وفضلنا نغنيله: يلا اتمنى أمنية..
- نديم بصلها بابتسامة وقال: هي دعوة على طول بتمناها من ربنا..مش ده اللي هيحققهالي يعني..
- هيام بابتسامة: إيه هي؟
- نديم قرب منها وقال: لما تتحقق هقولك..
- هزيت راسي بابتسامة..
- منال: حبايب قلبي يارب دايمًا أشوفكوا مبسوطين ومتجمعين حواليا..
- نديم: آمين يا حبيبتي..ويخليكي لينا يا ماما..
- منال: حبيبي..
- خلصنا وبعدين كنت طلعت أنا وهو الشقة..طلعت الصالة أشوفه ملقتوش ناديت عليه: نديم..
- نديم: أنا هنا في البلكونة تعالي...
- دخلت البلكونة ولقيته واقف وسرحان..
- بتفكر في إيه؟
- مفيش بفكر في علاقتنا بفكر إني إزاي كنت هعيش كل ده لو كنت خسرتك...
- نديم انت آه غلط بس استحملت نتيجة غلطك عملت اللي أي حد مش سهل عليه يعمله فضلت ورايا وحاولت تنسيني بكل الطرق مخترتش الطريق السهل وسيبتني بس بالعكس قررت إنك تحافظ عليا وقدرت تعمل ده..
- هيام انتي إزاي قلبك نضيف وجميل كده؟
- عشان حبيت يا نديم حبيتك بجد..كنت طول الوقت شايفة فيك حاجة كويسة صدقني مكنش هيبقى سهل عليا أخسرك خالص..بس صدقني لو كنت جيت عليا للحظة كمان كنت هتخسرني فعلًا..بس يا نديم انت قدرت تنسيني فعلًا..وخلاص أنا دلوقتي قلبي بيحب وجودك وقربك..
- انت بتتكلمي جد؟!
- هزيت رأسي بابتسامة وقلت: أيوه..
- نديم عينه دمعت وقال: عايزة تعرفي الدعوة؟ أهي دي الدعوة..
- كنت حاسة...وأنا مسامحاك يا نديم..
- نديم حضنها وقال: وأنا عمري ما هزعلك لحظة أنا الحب اللي بجد عرفته معاكي يا هيام...مش هسيبك تضيعي من إيدي لحظة..بحبك يا هيام..بحبك من زمان أوي ومكنتش فاهم ده...مكنتش مدرك إن حياتي مليانة بوجودك..وعقلي كله معاكي وحافظ كل تفاصيلك..
- وأنا كمان يا نديم..
- وانت كمان إيه؟
- بحبك يا عم..
- وأنا بموت فيكي والله..
- هيام يعني خلاص كده سامحتيني بجد؟
- ايوا والله..
يخرابي هطير من الفرحه..طب اعمل ايه ارمي نفسي من البلكونه..
- ضحكت وقلت: لااا اهدي بالله عليك.
- مش مصدق نفسي..
- يا عم والله خلاص بقينا حبايب..
- نديم باسها من خدها وقال: هيومه قلبي..
- حبيبي..
- وقعدت أنا وهو في البلكونة وسندت راسي على كتفه..وقلت: يااه دي كانت أجمل لحظة نفسي أعيشها..
- نديم باس إيدها وقال: وهي مكنش ينفع تتعاش غير بيكي..
>>>>>>>>>>>>>>>>>>>>>>>>>>>>>>>>>>
- عدى شهر وجه يوم كتب كتاب صفية..
- صفية: وهتجوز هتجوز..
- ضحكت وقلتلها: أخيرًا يا صفصف..
- جوزي وشايلة اسمه..
- وبدلع على حسه..
- صفية: أيوه بقى..يووه أنا متوترة لا أنا مش هتجوز..افرضي مطلعش حنين..
- دانتي عارفة حازم من وانتي في الحضانه
- تصدقي صح لا يستي ده حنين كان بيديني سندوتشاته..
- لا ده الواد راسم على تقيل من صغره..
- أنا يا بنتي متسبش أصلًا..
- حصل والله يا صفية انتي لو مش هتتجوزي معايا في نفس العمارة كان زماني اتجننت..
- قلبي من جوه يا هيومة والله..
- حياتي..يلا عشان ألفلك الطرحة بقى..
- يلا...
- خلصنا التجهيزات وجه بليل بقى..
- نديم: فين مراااتي؟
- سمعت صوته وطلعت له: أنا أهوه..
- حبيبي يا ناس وحشتيني..
- وانت كمان...انت كنت طول اليوم فين كده قلقت؟
- كنت مع حازم العريس بقى وكده..ثانية إيه الحلاوة دي؟
- ابتسمت وقلتله: انت اللي قمر..
- لا لا انت تحفة موت..
- حبيبي..
- قلبي..
- انا كنت عايز اسيب حازم عند الحلاق واجي عشان عايز اشوفك..
- ضحكت وقلت: بمووت..
- نديم مسك ايديها ولففها: شكلك حلو اوي..
- انت اللي عيونك حلوه..
- عشان شايفين الجمال ده والله..
- ييوه كفايه بقي بتكسف..
- لا بس انتي واخده اللون البني في حته تانيه..
- اه بيبقي حلو عليا..
- ده لازم..
- بقولك إيه جاهز عشان تشوف صفية؟
- نديم بابتسامة: أيوه...
- تعالي يا صفصف..
- نديم أول ما شافها ابتسم وقال: بسم الله ما شاء الله أختي عروسة قمر..
- حبيبي..
- نديم حضنها وقال: مش مصدق إنك كبرتي وهتتجوزي يا صفصف..
- اسكت بقى أحسن أعيط دلوقتي..
- ابتسمت وقلت: حبايبي..
- نديم: يلا تعالي أطلعك لعريسك..
- صفية خدت نفس عميق وقالت: يلا..
- نديم طلع هو وصفية وحازم كان واقف أول ما شاف صفية ابتسم بحب وقال: إيه الجمال ده؟ بسم الله ما شاء الله..
- صفية: حازم متبصليش كده عشان بتوتر..
- مش قادر أشيل عيني..
- صفية: شكلي حلو؟
- حلو أوي يا صفية..أنا عايز أعيط..
- لا يا حازم بالله عليك..
- طب خلاص خلاص طب أنا عايز أحضنك أعمل إيه؟
- صافيه: هاانت يا حبيبي..
- حازم: انهارده هيبقى أحلى يوم في حياتي كلها..
- وأنا..
- ابتسمت وقلت: حلوين أوي ربنا يحفظهم..
- نديم: أنا عجزت أوي يا هيام..
- لا يا حبيبي انت قمر أهوه..
- متأثر أوي..
- مسكت إيده بحب وقلت: ربنا يخليكوا لبعض يا حبيبي..
- ويخلينا لبعض يا حبيبتي..
- بدأنا نقول ورا الشيخ: بارك الله لهما وبارك عليهما وجمع بينهما في خير..
- حازم قام وقف وحضن صفية..وأنا دموعي نزلت مقدرتش..
- نديم: يا نهار أبيض فيه إيه بس؟
- مش مصدقة يا نديم..صفية اتجوزت..
- خلاص يا حبيبتي اهدي..وباس إيديها..
- حضنها كلنا وسلمنا عليها وكنا فرحانين بيها أوي..وفضلنا نرقص كلنا ونسقف..
- منال: تعالي يا واد ارقص مع مراتك..
- نديم راح عند هيام وبقى يرقص معاها..
- ابتسمت وأنا بغني وأقول: فرحة قلبي كأنه عيد مستنيه..
- نديم ابتسم وقال بهمس: بحبك يا هيام..
- وأنا كمان يا حبيبي..
- نديم خد هيام في حضنه وفضلوا يبصوا لبعض وهما مبسوطين وهنا نقدر نقول ان الحب عايز المحاوله والتسامح بس مع اللي يستاهل فعلا مش اي حد..يمكن اللحظه اللي كانوا فاكرين انها نهايتهم هي نفس اللحظه اللي وصلتهم لبدايه الحب اللي كان محتاج فرصه بس عشان يعيش"
تمت