رواية انجدني من الغرق الفصل الحادي عشر11بقلم امل بكر
فضلت تضحك جامد كانت هتقع كنت هلحقها بس هي سبقت ومسكت في التيشرت بتاعي
هو قرب وشدها من ايديها ،
-يلا بقي ياحببتي نطلع
بصلي وقال ،
-معلش
مردتش عليه ولغيت لما طلعنا عمرو هزني في كتفي ،
-انت تعرفها ؟!
قولت،
-يعني
كنت بمشي ببطئ علشان اكون في نفس خطواتهم ..الي جمبها قال للحارس الي علي الباب ،
شاور علي عربيته المركونه بمسافه ،
-خلي عينك عليها هروح اجيب عربيتي علشان مش هتعرف تمشي
بصتله باستغراب كلامه وكأنه بيشرحله الوضع علشان ميكونش فيه شك هو راح وهي قربت مني وقالت وهي بتشاور بعشوائيه ،
-ا انـا مش بحبـه خليـه يبعد ع عني
سألتها بجديه ،
-هو انتي متعرفيهوش !!
نبرتها ظهر فيها خنقه،
-كل حـ ا جه بالاجبا ر
عمرو بابتسامه ،
-طب تعالي نروحك
بصيت لعمرو ،
-ممكن تسكت شويه
-الله مش بساعد
حطت ايديها علي دماغها وقالت ،
-انت عمال تلف ك كتير لي حوالين نفسك !..
عمرو فضل يضحك وانا بصتله بقرف
اتنهد وقولت ،
-انتي مش واثقه في الي معاكي ده؟
رفعت عنيها ليا وقالت ،
-ا بد اً
بعد نظري عنها ولكن رجعت تضحك من تاني وتقول ،
-بس انت شكلـك بيضحـ ك ا و ي عمـ ال تـ لف تلف
عمرو قرب عليا وقال ،
-انا شايف اننا نوصلها مش مرتاح للولا ده!!
اتنهد وقولت ،
-طب تعالي اوصلك بيتك
هزت راسها وقالت ،
-اممم ا انا عايـ زة انا م
وقف عربيته ونزل منها وقرب عليها وهو بيقول ،
-يلا ياحبيبتي نمشي
زقته وشاورت عليا وهي خلاص بتقفل عنيها تقريباً ،
-ال محامي هيـ روحني
كان عايز يمسكها من ايديها بس هي بعدت عنه
اتكلمت انا . وانا لما صدقت لان احساسي مش واثق فيه ،
-ممكن اوصلها طالما هي مش راضيه تركب معاك
نفي براسه وقال ،
-لاء طبعاً دي خطيبتي هي بس شربت كتير
عمرو بهمس وضيق ،
-يادي النيله البت طلعت مخطوبه
"استغربت مخطوبه ازاي وهي بتقول انها مش بتحبه! مصدقتش كلامه وهي كانت عماله تبعد عنه "
قرب منها بالعافيه ومسك ايديها بنفاذ صبر
كانت بتحاول تبعده عنها بس هي مش فايقه ومش قادرة عليه اتعصب وهو ماسك ايديها وبيهزها وهي وقعت علي الارض لانه ساب ايديها
قربت منه بسرعه وزقيته وقولت بعصبيه،
-انت غبي ازاي بتعاملها كده؟؟؟
اتوتر وقال ،
-مكنش قصدي انا بس عايز اروحها علشان هي تعبانه
"طريقه كلامه مش مريحاني وانه بيشرح دي خلتني ابقي مُصر انها متركبش معا"
بصيت عليها وهي بتقوم ،
-انتي كويسه ؟!
فضلت تضحك بهستريه اتكلمت،
-بص انا هروحها لانها هتتعبك كده
قولت كده واستنيت رده ،
-انت تعرفها منين؟!
كنت هرد ولكنه قال باستفسار ،
-انت الي هي بتحبك !!!
كنت هقول لاء ولكنها قالت وهي بتضحك ،
-ا هاا ه هو ا بعـد عني بقـي
كان هيقرب منها بعصبيه بس وقفت قدامه من تاني،
-هوب هوب اي هتمد ايدك عليها
بصلي بنزفزه وقال ،
-يعني انت الي هي بتقول عليه بتحبه !!
نفيت براسي ،
-لا طبعاً انا معرفهاش يعني اوي كده
-يعني اي بتكذب
قالت وهي مغمضه عنيها ،
-ا انا مش بكـذب
كنت هتكلم بس موبايله رن وبعد لما رد قال ،
-انا ماشي
وركب عربيته ومشي
عمرو اتكلم ،
-مش علي اساس خطيبها !! ازاي سابها معانا كده؟
-مش عارف افتحلها باب العربيه خليها تركب
واحنا في الطريق فضلت تقول كلام مش مفهوم ..وقفت قدام باب فيلتها ولفيت وشي وقولت ،
-وصلنا بيتك هتعرفي تنزلي ولا ا..
وقفت كلامي لما هي هزت راسها كتير ،
-لاااا م مش عايـزة اد خل
معتش عارف هي في وعيها ولا ده الي عايزا !،،
-طب هدخل اقول لحد من جوة يجي يساعدك
ميلت جسمها كله علي الكرسي ،
-يوووه لااا م مش عايـز ه
عمرو بصلي وقال ،
-دي نامت هنعمل اي ؟!
لفيت الدركسيون وقولت ،
-مش هدخلها ماهي مش عايزها
-هنروح فين !؟
-مش عارف يازفت الطين بفكر
-ولي الشتيمه دلوقتي !!
-علشان انت السبب لو مكنتش جتلك مكنتش هي دلوقتي معايا في العربيه
-وانا ماقولتلكش تعلالي
-يعني انت عايزاني اسيبك!!! وانا عارف ان صحابك الي انت متمسك بيهم اوي كده مش كويسين !
-سيبني براحتي شويه ياصالح …انا مش فاهم انت عرفت ازاي
-انت شايف ان ده المهم يعني
-امال اي
-انك تبعد عن صحابك دول ده انت رايح الكليه خلاص كام شهر اعقل واسمع الكلام
-اديك قولت رايح الكليه سيبني بقي اشم نفسي
عليت. صوتي بنفاذ صبر منه ،
-انزل ياعمرو ادخل لامك جوه وقول لكارما تطلعلي
"نزل بضيق اكيد من كلامي الي ديماً بيرد عليا بمجادله وبيحاول يقنعني ان الي بيعمله فتره وهتعدي بضايق جداً من اني اشوف حد بحبه بيعمل حاجه غلط وخصوصاً لو حرام ويفضل يجادلني رغم ان عمرو كلمته كتير وبهدوء كمان بس المره دي الي صبري خلص هو اخويا الصغير ومقدرش اشيبه مهما كان هو لسه صغير"
بصيت علي الي ورايا عماله تمتم بكلام كارما طلعت ونزلت بمستواها وسندا علي الشباك ،
-خير جايبلي شنطت حاجه حلوة
ضيقت عيني ،
-شنطت حاجه حلوة ليكي !! لي يعني
-تقصد اي يعني كتير عليا !!
سكتت وضحكت وهي بتكلم ،
-اهاا فهمت شكلك جيبلي حاجه اكبر من كدة
-حسستيني بالذنب والله خلاص المره الجايه هجبلك لبان تتسلي بيه
بصتلي بعصبيه وقالت ،
-طالما مش جيبلي حاجه عايز مني اي ومدخلتش لي
حطيت ايدي علي دماغي ياخربيبت الرغي كنت هنطق بس البني ادمه الي نايمه ورا قالت بصوت مسموع ،
-اا ه د دماغـي ااا ه
كارما بصت ورا بخضه وبرقت وهي بتقول ،
-نهارك ابيض انت قت لـت واحدة !!!
-نهارك ابيض انتي علي دماغك الغبيه مقتوله بتتكلم يعني
فتحت الباب الي جمبي وقعدت وبصت ورا بتركيز ،
-هههيي دي ليال !!!
-مانا عارف مش جايبك علشان تقوليلي اسمها
-عملت فيها اي انا عرفاك نصحتها وهي رفضت قومت قتـ لها مش كده ؟
-شاطره واجي دورك علشان اقتلك مديلي رقبتك بقي
"فضلت تحاول تفوقها وهي ولا هنا "
-ليال قومي ..هي مش بتصحي لي ؟!
-سكرانه
-ازاي انت جبتها ازاي احكيلي
-كارما ادخلي جوة علشان انا دماغي وجعتني منك
-طب خلاص .. طب روحها بيتها
-مردتش فضلت تقول مش عايزة تدخل
-طب هتعمل اي ؟
-خليها تنام في اوضك لغيت الصبح
-وبابا وماما هنقولهم اي
بنرفزه من دماغها ،
-هقولهم اي يعني هو انا عامل عاملا !!!
-خلاص ياصالح متعصب لي
-علشان انتي كلامك بيعصبني
-طب خلاص شيلها طلعها الاوضه
-لاء مينفعش سنديها انتي وطلعيها وانا هفتح الباب
-لا كتر خيرك
كارما سندتها بس مكنتش قادره عليها
-لاء انا فرهد هدخل اقول لماما تيجي تساعدني هي وعمتك
-لي يعني من تقلها !!
-مش قادرة ياصالح ماقولتلك شيلها
-اخلصي ادخلي اندهي لامك
رجعتها نومتها في العربيه ودخلت تقول لماما وماما طلعت وهي بتبرق،
-مين دي ياصالح
-بعدين ياامي طلعيها بس بنتك مرمطت البت
طلعوها وانا قعد مع عمتو ضحكت وهي بتقول ،
-مين دي ياصالح ؟!
-واحده ياعمتو
-ياسلام مانا انها واحده اقصد تعرفها منين
-عادي مش معرفه اوي يعني
-طالما مش عارفها جايبها البيت هنا لي !!
حطيت ايدي علي دماغي والله هفرقع ..قربت وقعدت جمبي وقالت بهمس ،
-قول لعمتك متخافش البت دي انت خاطفها؟
بصتلها شويه وضحكت ،
-اي ياعمتو ده بصي انا هطلع اشوفها عملو فيها اي
قامت وقفت هي كمان ،
-ماشي احنا هنروح وبنيجي نفطر مع بعض الصبح وتبقي البنت دي موجودة اعرف اشوفها علي رواق
-مش للدرجه هتكون مشت
-ازاي بس هاجي بدري علشان الحقها
-انتي مهتميه لي ياعمتو !!
-اصل انا عارفها بنت منصور باشا بنت شيك اوي حابه اتكلم معاها
-انتي عارفها منين ؟..
-عادي مش في نفس الكومبود بشوفها
-طيب
كملت بضحكه خفيفه،
-بس متجريش الصبح اوي علشان هي هتمشي
بصتلي بعصبيه وكانت هتجري ورايا بس انا طلعت علي السلم وانا بضحك
خبط علي اوضه كارما فتحت ،
-اي عملتي فيها اي
-عملت اي يعني نامت علي السرير بس هي عماله تقول كلام
-اجيب دكتور ؟
ماما اجت من ورايا واتكلمت بصوت مضايق ،
-جايب واحدة البيت وسكرانه ياصالح !؟..
-مش كده ياامي هفهمك بس نشوفها دلوقتي
بعدت نظرها عني بضيق وانا دخلتها وكارما وماما واقفين نزلت علي ركبتي وسند ايدي علي السرير
-انتي يا ليال سمعاني !!
-د مـ اغي ااا ه بمو ت
ماما بخوف ،
-يلهوي ليحصلها حاجه عندنا
كارما،
-اهدي ياماما هي هتبقي كويسه اكيد
قومت وقفت وقولت ،
-انا هكلم الدكتور يجي
طلعت الموبايل ولسه هتصل لقيتها قامت فجأة وهي بتقول
-عايـز ة
"ومكملتش كلامها وهي بترجع علي الارض واجي علي هدومي …قفلت عيني جامد وانا عايز ارجع معها من القرف
كارما قربت منها وهي بتديها مناديل وامي طلعت من الاوضه وهي بتزعق،
-ده الي كان ناقص يااا مني اطلعي نطفي الاوضه
طلعت من الاوضه انا كمان وقلعت هدومي ودخلت الحمام اخد شاور طلعت من الدولاب تيشرت وبنطلون لبستهم ورجعت لاوضه كارما
-اي نامت ؟!
-ايوة اظن انها ارتاحت بعد لما استفرغت الي شربته ده
-ما اكيد لازم ترتاح بعد لما رجعت عليا
حاولت تكتم ضحكتها بصتلها بطرف عيني بقرف قولت وانا فاهمها ،
-ابعدي من وشي بدل ما اطلع غيظي فيكي
-الله وانا مالي !!
اتكلمت وهي بتضحك جامد ،
-مش قادرة انسي منظرك لما رجعت عليك اه مش قادرة
قالت كلامها وجرت نزلت علي السلم وهي بتضحك
قولت بهمس وانا راجع اوضي ،
-ده الي كان ناقص انا لي حاسس اني ريحتي وحشه !!
قفلت الباب ورايا ونمت علي السرير بصيت علي السقف شويه وانا بفتكر الراجل الي كان معاها وانه خطيبها بس ازاي وهي حتي مكنتش عايزه تركب معاه غريبه !!
""""""""""""""""""""""""""""""""""""""
"حطيت ايدي علي دماغي بوجع وانا حتي مش قادره افتح عيني اتقلبت كتير واستقريت وانا نايمه علي بطني فتحت عيني وباستغراب ان فيه نور !!
انا ببقي قافله الستاره رفعت راسي وبصيت كويس دي مش اوضي !!!!…
برقت وانا بقوم بخوف وقلبي فضل يدق جامد قومت وقفت علي الارض بصيت حواليا وانا بدور علي شنطتي حتي. بس الباب اتفتح ودخل منه كارما !..
ابتسمت وهي بتقرب مني ،
-صباح الخير بقيتي احسن ؟!
رمشت كذا مره وانا مش مستوعبه انا اي الي جابني هنا ،
-دي اوضك ؟..
-ايوة
سكتت وهي بصالي وبعدين قالت ،
-هو انتي مش فاكرة حاجه ؟
هزيت راسي بنفي وقعد علي السرير من وجع دماغي ،
-لا ء انا ازاي جيت بيتك ؟
-مش وقته انتي شكلك لسه مش مفوقه هروح اجبلك الفطار لانك شكلك تعبان
-ممكن قهوة
هزت راسها
-هو فين الحمام
شاورت علي باب جوه الاوضه
طلعت وقفلت الباب فضلت باصه في الفراغ شويه وانا بحاول افتكر ضربت برجلي بعصبيه في الارض لاني مش عارفه افتكر اي حاجه وانا ازاي جيت هنا ؟
دخلت الحمام غسلت وشي كذا مره ورجعت قصتي ورا ودني …اخر حاجه فاكرها اني كنت في مكان انا وطارق وبعدين فضل يجبلي في عصير ووو
حطيت ايدي علي بوقي بدهشه وقولت ،
-معقول اكون سكر ت !!!
""""""""""""""""""""""""""""""""""""
صحيت اخد شاور ولبست هدومي ولسه هطلع من الاوضه كارما دخلت وقفلت الباب وراها
-طب خبطي حتي عندك انعدام احترام
-مش وقتك ليال صحت
-طيب كويس خليها تروح بقي
-اروح اي دي مش فاكره هي اجت هنا ازاي
رديت عليها وانا بحط المفاتيح في جيبي وباخد الموبايل ،
-ما اكيد مش هتفتكر دي كانت سكـ رانه
-بس هي شكلها تعبان وكأنها تايهه
-طبيعي شويه وهتلاقيها فاقت
ضيقت عيونها .
-وانت عارف كل المعلومات دي منين يالصالح
-عادي انتي الي عبيطه
-الله يسامحك اخد منك حسنه
ضحكت ،
-استغفر الله ابعدي من وشي بقي
-هتروح فين
-هروح الشغل في اي ياكارما ؟
-طب ادخل فكرها انك انت الي جبتها وكمان وديها بيتها
بصتلها شويه وبعدين هزيت راسي فتحت الباب ولقيت بابا في وشي
-كنت جاي اسألك مين البنت الي انت جبتها بليل دي ؟!
-مش حوار يا حج هي كانت مش في وعيها وانا وقفت قدام بيتها بس هي رفضت وانا مردتش ادخل اتكلم مع حد من اهلها
-من امتي وانت بتعرف حد زي البنت دي ؟
اتوترت وكأني عيل صغير ،
-انا معرفهاش .. معرفه عاديه من قضيه شغل وبس
اتنهد وقال ،
-لي مكنتش عايز تدخل تكلم حد من اهلها … مين اهلها ؟!
-ساكنين في فيلا قريبه مننا
-ايوه اسمهم اي ؟
كارما ندهت عليا وانقذتني ،
-طب معلش يابابا نتكلم بليل
-اي بابا مدايق ؟
-تقريباً كده
بصيت علي الصنيه الي محطوط عليها سندوتش وفنجان قهوة
-ده ليها ؟!
-اهاا
-طب ادخلي
فتحت الباب وانا دخلت وراها كانت قاعدة علي السرير باصه بعيد اول لما شافتني اتفأجات
"""""""""""""""""""""""""""""""""""""""
قومت وقفت بتوتر لما لقيته كارما دخلت واخوها وراها
-بقيتي كويسه ؟
-انت الي جبتني ؟..
-ايوة
كارما حطت الصنيه علي السرير ،
-كلي حاجه ع..
قاطعتها،
-لا انا مش قادرة دماغي تقيله اوي
قالت باصرار ،
-لا مينفعش لازم تاكلي
بصتله وقولت ،
-انا مش فاكرة حاجه هو انا كنت سكر انه ؟!
-ايوة اكيد كنتي عارفه انك هتسـ كري موجوده في مكان زي ده وماسكه كا س !!
"نهي كلامه بنبره ممزوجه بسخريه"
اتنهد وانا بقعد علي طرف السرير ،
-بس انا مكنش قصدي اني اوصل للحاله دي
"كارما بصتله بضيق من كلامه "
-طيب يلا كلي دلوقتي وكفايه كلام
نفيت براسي ،
-لا انا همشي هو فين شنطتي ؟
"دخلت في ركن اظن بتاع الهدوم وطلعت وهي في ايديها اخدها منها وقولتلها ،
-شكراً
رجعت بصيتله ،
-هو انا ممكن اسألك سؤال ؟!
هز راسه ..اتكلمت ،
-كان في واحد معايا اسمه طارق هو سابني ومشا !!
-هو جاله مكالمه ومشا وانتي مكنتيش راضيه تركبي معاه
بلعت ريقي ،
-هو ممكن تحكيلي بالتفصيل
بص في ساعته ،
-انا ورايا شغل تعالي اوصلك بيتك
-لاء شكراً كفايه كده
نزلنا وكارما ودعتني من علي الباب موبايلي رن وهو في الشنطه فتحته وكانت سناء ،
-ايوه ياسناء
اتكلمت بصوت متوتر ،
-ليال هانم اهلك تحت بيفطرو وسألو عليكي وانا دلوقتي في اوضك وانتي مش موجوده اعمل اي !!
اتكلمت بارتباك ميقلش عنها ،
-انزلي قولي اني باخد شاور وانا قريبه افتحيلي باب المطبخ الي من ورا وانا هدخل من الجنينه علطول
-حاضر هروح افتحه حالاً بس متتأخريش
-ماشي باي
قفلت وجريت الحق المحامي قبل لما يركب عربيته ،
-استني
لفلي ونزل نضاره الشمس شويه من علي عينه ،
-نعم !!
-معلش ممكن توصلني مستعجله
هز راسه حسيته اضايق ركبت جمبه واول لما قربنا نوصل قولت ،
-بس اقف هنا
اتكلم باستغراب وهو بيبطئ في السواقه ،
-هو مش الي قدام ده بيتك !!
-ايوه بس خلاص كفايه كده انا هكمل
-كده كده طريقي مفيش مشكله
بنفي ،
-لا معلش علشان محدش يشوفك
ركن علي جمب وانا بصتله واتكلمت بإمتنان ،
-انا مش عارفه اشكرك ازاي
رد عليا وهو باصص قدامه مكنتش عارفه ريأكشنه بسبب النضارة الي مغطيه عنيه ،
-مفيش شكر
اتحمحت وقولت ،
-معلش هو انا ممكن اسألك سؤال ؟!
-اي كتر الاسئله دي !
تجاهلت كلامه وقولت باستفسار ،
-هو الي كان معايا سابني اروح معاك عادي ؟!!
-زي ماقولت جاله اتصال ومشي
هزيت راسي الحقيقه اني كنت عايزة اي غلطه علشان اسيبه واتحجج واظن انها فرصه حلوة
-ماشي تعبتك معايا
خلطت كلامي وفتحت الباب ولكني وقفت حركتي وبصتله لما سألني
-هو خطيبك !!
هزيت راسي وقولت ،
-اه
حسيته كان متردد يقول حاجه ولكنه اتكلم ،
-فكري كويس
سكت ومردتش بعدم فهم لي قال كده !!
اتكلم من تاني ،
-دي نظريتي وطبعا انتي حرة
معرفتش اقول اي نزلت وقفلت الباب ودخلت الجنينه براحه لغيت لما وصلت لباب المطبخ سناء كانت واقفه وعماله ابص وراها بتوتر
دخلت وهي قفلت الباب بشويش ،
-بسرعه ياهانم اطلعي الاوضه قبل مايخدو بالهم
هزيت راسي بماشي وفضلت امشي براحه لغيت لما طلعت علي السلم بسرعه وقفلت باب اوضي واتنهد وانا بقفل عيني براحه ..
فتحت عيني وصووت اول لما شوفت … ماما قاعدة علي السرير قدامي!!!!
قامت وقفت وقربت مني،
-كنتي فين ؟!…
بلعت ريقي بصعوبه وحسيت اني رجعت بنت في العاشر من عمرها !!
-ردي عليا
قولت بصوت موجوع ،
-طارق اخدني امبارح وخلاني اسـ كر
اتفاجأت واكيد علشان عارفه اني عمري ماشربت واي حد بيعزم عليا كنت برفض
-ازاي ومن امتي وانتي بتشربي اصلاً !!
-انا مكنتش اعرف بس بعدين حسيت من طعمها
كملت بصوت مخنوق ،
-بس عملت نفسي معرفش وهو فضل يديني كاس ورا كاس لغيت ماسكرت
بصتلي وهي مستنياني اكمل ،
-وبعدين ؟ كل ده كنتي فين انطقي !!
-معرفش ازاي بس لقيت نفسي عند واحده اعرفها
-يعني هي اخدت ودتك بيتها ؟..
-لا اخوها
ملامح اتبدلت للضيق ،
-وده اخدك ازاي وانتي مع طارق يعني !!!
-هو قالي ان طارق جاله تلفون وانا مكنتش راضيه اركب معاه فا الراجل ده اخدني
-حتي وانتي سكـ رانه متعبه طارق
بانفعال ،
-يعني ده الي اخدي بالك منه !!! هو ازاي اصلا. يسبني لواحد غريب مش هنكر ان مش بطيق طارق ذات نفسه ولكن لو الراجل ده انا مكنتش اعرفه ازاي يسيبه يروحني ؟.. ممكن تقوليلي!
-الغلط منك انتي مش مدياه فرصه يخليكي تحبيه وعلشان انتي مش طايقا فا لما مكنتيش في وعيك طلعتي الي في قلبك واكيد مرضاش يعمل مشكله وساب الراجل ده ياخدك
فتحت بوقي بدهشه وبعدين قولت بعصبيه مكبوته وانا بفتكر ،
-وانتي لما قولتي وانتي مش في وعيك " متبقيش شبهنا يابنتي "!! اظن ان ده الي في قلبك بقي
كملت بخنقه وصوت يكاد يكون علا ،
-طالما انتي مش عايزاني ابقي شبهكو لي بتعملي كده لي عايزة تبوظي حياتي اكتر ماهي بايظه فهميني يلا ؟!!
مردتش وهي بصالي بعدم فهم
-يلا ردي عليا لي بتعملي معايا كده انتي مش مامتي لي مش بتحبيني !!
نهيت بنبره هاديه بعد وشي عنها بضيق انها حتي مااتهزت وماحولتش تنكر كلامي الاخير علي الاقل !..
رميت شنطتي علي الارض ودخلت الحمام اخد شاور سمعت صوت الباب وهي بتخرج ….كنت سرحانه ودموعي عماله تنزل بحرقه لغيت لما سمعت صوت الموبايل في الاوضه بيرن
لبست البيچامه وطلعت وكان صوت الموبايل سكت مسكت الشنطه وطلعت منها الموبايل وطلع طارق الي كان بيتصل نفخت بضيق رن تاني
رديت وفتحت الاسبيكر بنرفزه وقولت ،
-خير عايز اي ؟؟؟؟
-مالك بتتكلمي كده لي ؟.
-هو كده طريقتي كده مش عجبك
-ليال انتي لسه مفوقتيش ولا اي !
بسخريه قولت ،
-مفوفتش!! لا فايقه واوي كمان
-انا هقفل علشان شكل اعصابك تعبانه
عليت صوتي بنرفزه منه ،
-انت مش بتفهم لي بجد يعني انت معندكش كرامه خالص كده
وصلي صوته الحاد ،
-احترمي نفسك اي الكلام ده
قولت وانا بتك علي كلامي ،
-طـارق ابـعد عني بقيي
-لاء ده انتي بجد مجنونه سلام دلوقتي
قفل في وشي قولت بغيظ كبير اوي ،
-معندكش دم ابداً
رميت المخدة علي الارض ،
-ابداً….
فضلت قعدة في اوضي طول اليوم لغيت لما اجي وقت العشا وسناء طلعتلي الاوضه
-العشا جهز ياهانم والكل قاعد
-لاء ياسناء مش عايزة اكل
-هو انتي كويسه؟!
بصتلها وابتسمت ليها بامتنان ،
-شكراً ياسناء انا كويسه
ضحكت بهدوء،
-لا مش عليا تعالي بس انزلي كلي وبعدها اعملك فنجان قهوة ونتكلم
-لا مش عايزة
-بس منصور بيه هو الي قالي اندهلك وانتي عارفه انه لما بيبقي مُصر ازاي
كملت بضحكه ،
-هقوله انك مش عايزة تنزلي هيقولي اطلعي قوليها تاني وانا بقي طالعه نازله اي رجلي وصحتي
"ضحكت عليها بقله حيله "
-ايوة كده تضحكي يلا بقي تعالي انزلي
قومت وقولت واحنا بنتزل علي السلم ،
-تعرفي ياسناء انك زنانه اوي
-طبعاً عارفه طب بذمتك مش بتنفع
-بتوجع الدماغ ياسناء
قالت بثقه ،
-لاء انتي بتقولي كده بس
ضحكت عليها ،
-يخربيت ثقتك عاليه اوي
-طبعاً اهم حاجه
هي راحت المطبخ وانا روحت قعد معاهم علي السفرة قعد وبعد ماحطيت اول لقمه في بوقي
بابا اتكلم وهو بيوجهلي الكلام ،
-مكنتيش في الشركه لي انهاردة !!!
من غير لما ابصله قولت ،
-ك كنت تعبانه شويه
بصوت حاد وهادي ،
-ارفعي عينك في عيني واتكلمي
بصتله بارتباك كمل كلامه ،
-يعني مفيش حاجه تانيه
-لاء
-امم طبعاً انتي مينفعش تكذبي عليا مش كده ؟..
هزيت راسي ،
-صح
"نقلت عيني علي ماما وهي بتاكل بصتلي هي بعد نظري عنها وبصيت قدامي خلصنا اكل وانا كنت متردده اكلم بابا في قراري ولا اعمل اي "
كنت هطلع اوضي من تاني بس لمحت يحيي قاعد في الجنينه بره استغربت حسيته سرحان روحت المطبخ وعملت بنفسي كوبيتين قهوة وطلعت وانا ماسكهم
قربت من يحيي ومديت ايدي بالمج اخده مني وقعد جمبه
دقيقه ..اتنين..هدوء
اتكلمت وانا ببصله بتركيز ،
-هو انت كويس
استغرب وبصلي وقال ،
-انتي بتسألي ؟!.
هزيت راسي ،
-ايوة لو حابب تحكي انا هسمعك
ضحك بهدوء ممزوج بسخريه ،
-من امتي الحب ده ياليال؟..
-انا شوفتك سرحان وحاسه ان في حاجه بس ده كل ده
-مفيش حاجه انا تمام
-اشمعنا انهارده قاعد في البيت
بضق صوته علا ،
-امشي يعني !! الله
-طب خلاص سكت ولا اقولك انا هقوم خالص
قومت وقفت ولسه همشي اتكلم ،
-خليكي قاعدة
لفيت بوشي وبصتله عيونه كانت محتاجه احتواء لاول مره اشوف يحيي بالطريقه دي
قعد اتفاجأت لما رفع رجله من علي الارض وحط راسه علي رجلي
اتكلم بنبره طفل محتاج حنان ولو شويه ،
-ممكن تلعبيلي في شعري