رواية ما تراه ليس كما يبدو الفصل الرابع عشر14والاخيربقلم حبيبه منصور
Part 14 والاخير 💗
احمد: انا مش سامع منك ولا كلمه،مالها اسراء
« الخط قفل »
حسن بقلق: فيه ايه
احمد : مش عارف ، بتعيط وبتقول حاجه إسراء ، مش فاهم منها حاجه
حسن : طب يلا بسرعه نروح نشوف في ايه
=============================
احمد ابن خالة إسراء : اوسا يا حبيبتي ، قومي يلا ، متقلقنيش عليكي بالله عليكي
حوريه : انت عبيط يا ابني هتسمعك ازاي من ورا الازاز ده
احمد : يا سلام يا اختي ، والعياط اللي كنتي بتعيطيه دلوقت ده ليه
حوريه : عشان زعلانه عليها
احمد: طب وانا مزعلش على روحي
حوريه بصتله من فوق لتحت: روحي ؟!!!
انا عاااااايزه احمد خطيبي
احمد : بطلي زن بقى احنا ف مستشفى
« احمد دخل جري هو وحسن »
احمد خطيبها: حور، مالك في ايه ، مالها اسراء
حسن بخضه : قلقتينا يا بنتي في ايه
احمد ابن خالة إسراء: دي اووووفر، البت لسه طالعه من العمليات ما طبيعي تكون شكلها تعبان ومش بتتكلم، هنتكلم ازاي ، دي بقى اديها عياط و زن
حوريه بدموع اطفال: الواد الأوفر ده هو اللي كان بيكلمها من ورا الازاز على أساس هي سمعاه بقى
احمد خطيبها: ده انتي نشفتي دمنا ، عماله تقولي إسراء وتعيطي، احنا قولنا بعد الشر حصلها حاجه
حسن : مش هي الحمد لله خرجت من العمليات والعمليه نجحت
حوريه: اه الحمد لله
حسن : طب اهدوا يا جماعه بقى عشان احنا في مستشفى
احمد خطيب حوريه: هو احنا هنتجوز امتى بقى
احمد ابن خالة إسراء: اه صح هنتجوز امتى
« هما الاتنين في وقت واحد بصوا لحسن»
= هنتجوز امتى يا حمايا
حوريه ضحكت عليهم هما الاتنين
حسن بقلة حيلة: اتنين احمد عليا ، كتير يارب والله عليا
================================
( صلوا على النبي)
===============================
في السجن
نور بحزن: لو كنتي ام طبيعيه كان زماننا عايشين حياه حلوه
هدى : علقي مشاكلك عليا يا بت
نور : مش محتاجه اعلقها، انتي كده كده السبب ف كل ده
وانا عمري ف حياتي ما هسامحك
هدى بتريقه : لا يا بت والنبي سامحيني
نور : اول مره اكون متضايقه من نفسي اوي كده ، احنا اللي عملناه مكنش قليل
هدى : كويس يا اختي انك عرفتي غلطتك
نور : انتي غلطتك اكبر مني بكتير اوي ، انتي طلعتي بتئذيني انا كمان اكتر منهم ، مخلياني انا اللي في وش المدفع
هدى : بقولك ايه انا مش ناقصه وجع دماغ ، كفايا اللي انا فيه
نور كملت وهي سرحانه: بس اكتر حاجه وجعتني كلام بابا ليا
هدى : ده مش أبوكي
نور كملت : كلامه وجعني اوي اكتر من كل اللي انا فيه ، كان شايفنا بناته ، شوفتي خوفه حتى على إسراء كان عامل ازاي
حتى حوريه ، يمكن هما اللي انتي كرهتينا فيهم اكتر ناس خافت على بنتك ، اكتر مننا احنا شخصياً
هدى: يعني هما اللي ملايكه!!
نور بعصبية: اه يا امي هما ملايكه، ما اكيد مش احنا اللي ملايكه باللي احنا عملناه ده
هدى : دول حتى معندهمش قلب يسامحوا
نور : لا يا ماما فوقي ، احنا اللي عملناه مكنش قليل، ومهما العقاب اللي هناخده من المحكمه احنا نستاهله، وهيبقى قليل، بالذات عليكي
كملت بدموع : ازاي قدرت اوصل اختي للمرحله دي
انتي فعلا لو كنتي خلتينا نحب بعض كنا هنعيش حياه كويسه ، ربتينا على الغل والحقد ، والكرهه
هدى بتريقه : لا مبدعه بجد.، تمثيلك جميل ، اعملي كده قدام القاضي بقى عشان تصعبي عليه ، وقوليلوا يا عمو القاضي ماما دي وحشه و نوتي، وهي اللي خلتني امشي مع واحد متجوز وابقى حامل كمان
نور : بس انا معرفش أنه متجوز
هدى بصتلها بقرف وكملت بتريقه : مانتي قولي كده للقاضي بقى ، اصل ده المبرر فعلا للي عملتيه يا بت ،انك متعرفيش أنه متجوز ، واما انتي مفكراه مش متجوز متجوزكيش ليه
اما لا , طلعتي خاينه وخطافة رجاله كمان ، معندكيش مبادئ كمان
نور : طب حد غيرك يتكلم عن المبادئ بالله عليكي، ده انتي عامله حاجات توديكي ورا الشمس ، سرقه مبالغ ، وخيانه بردو يا مبادئ
هدى بعصبية: فيه حد بيكلم امه كده يا قليلة الادب
نور ضحكت بصوت عالي : والله العظيم انتي ما ليكي حل ، سايبه كل اللي احنا فيه ، وانتي اللي معلمانا الغلط وبتقوليلي قليلة ادب عشان قولتلك حقيقتك بس
اسكتي يا امي ، خلينا قاعدين لحد ما تتحول للنيابه ونشوف هيعملوا معانا ايه
=============================
« بعد مرور يومين و إسراء فاقت»
احمد ابن خالة إسراء : حمد الله على سلامتك يا اوسا ، شدي حيلك بقى عشان نطلع من الفندق ده
إسراء بصتله و ضحكت : فندق ؟!
احمد ابن خالتها: اكيد.فندق اومال مستشفى يعني!, ده احنا واخدين اقامه هنا
منال : يلا يا حبيبتي خدي الحته دي من ايدي
إسراء : خلاص يا خالتو والله شبعت مش قادره
احمد ابن خالتها : طب هاتي يا ماما كده اما نشوف هتكسفني ازاي الاستاذه دي
إسراء : انا فعلا مش قادره والله
احمد بصوت جعوري : إسرااااااااء
إسراء ضحكت: والله مش قادره فعلا
احمد كمل على نفس النبره اللي تجيب صداع: إسرااااااء
إسراء: هااات
منال : صوتك زي القرف ، ده تلاقي العيانين ماتوا من الصداع ده
إسراء ضحكت وبعدين قالت : هي فين حوريه
منال: حوريه وأحمد خطيبها كانوا هنا بقالهم يومين ، احمد كان بيروح وييجي طول اليوم ، وحوريه مكنتش بتمشي من هنا ، بس انا أصريت عليها انها تروح تنام براحتها ف البيت وتيجي ، مكنتش تعرف انك اتحسنتي ،خليها انا تيجي براحتها، هتفرح اوي اما تشوفك
إسراء: تعبت معايا اوي الفتره دي ، احنا كنا بنيجي عليها كتير ، وظلمناها اكتر
كملت بدموع: انا متضايقه من نفسي اوي اني ساعدتهم ف حاجه تضايقها
منال : يا بت خلاص بطلي نكد ، البت مش شايله منك ، هي لو زعلانه ولا شايله، ايه هيجبرها تقعد معاكي
ده حتى حسن الله يبارك له مسابناش لحظه, ودفع فلوس العمليه والمستشفى
احمد ابنها: ما تشدي حيلك يا اوسا بقى وتقومي خلينا نروح البيت كده ، ولا انتي عاجبك الجناح اللي انتي قاعده فيه ده
إسراء بضحك: ما خلصنا يا خفيف الظل يا لطيف الملامح
===============================
«في بيت احمد خطيب حوريه »
هناء: متشيك كده ورايح فين
احمد : رايح ل سندريلا
هناء باستغراب: ايه؟!!
احمد باستيعاب: قصدي رايح ل حوريه عشان اوديها المستشفى تروح ل اختها
هناء : وانت متشيك اوي كده ليه
احمد : ايه يا ماما هو انا معفن يعني , مانا شيك على طول
هناء : ماشي ، هترجع وتنسى وتحكيلي انت كنت فين
احمد بتوتر: احم ، بصراحه كده جبت حاجه
هناء : جبت ايه
احمد : جبت.....
=============================
« في بيت حوريه »
حوريه : الو
احمد خطيبها: ايه يا سندريلا، انتي لسه نايمه؟
حوريه: لا صحيت من بدري و روقت البيت و ظبطت الاوضه ل إسراء عشان اما تفوق وتخرج بالسلامه تلاقي الاوضه جاهزه ، وبابا نزل من ساعه كده راحلها
احمد: وانتي متعرفيش أنها فاقت
حوريه بفرحه : بجد؟؟
احمد : اه والله ، مانا برن عليكي من بدري عشان اعدي عليكي اخدك و نروح
حوريه : يعني انت عارف من بدري ومقولتليش
احمد: يا بت بقولك برن من بدري انتي مردتيش
حوريه : طيب انا هروح البس بسرعه
احمد : احم ، بقولك ايه
حوريه : ايه
احمد : ما تلبسي الدريس ال بيبي بلو
حوريه : اشمعنا
احمد: عادي عايزك تلبسيه
حوريه : طيب ماشي اقفل بقى عشان الحق البس
احمد: سلام يا سندريلا
==========================
« في شركة حسن »
المحامي : كده يا فندم خلصنا كل الضرايب و كل فلوس البنك ، بل و كمان فلوس حضرتك اللي خرجت من الشركه ، رجعناها تاني ، و خلصنا كل الورق وكل الديون
حسن : الحمد لله ، انا لازم امشي عشان اشوف بنتي ف المستشفى، وانت خلص باقي الإجراءات وكلمني
==========================
في المستشفى
إسراء بصت ل احمد ب طرف عينيها: بس انت مقولتليش مين اللي رن عليك واحنا عندكم
احمد ابن خالتها: امتى ده
إسراء: اما خبيت التليفون كده وقولت هقولك بعدين
احمد : ده كان الدكتور زفت ، كان باعتلي رساله قبلها أن حالتك متأخره ، ف انا معرفتش ارد عشان كنتوا بتتخانقوا ،راح رن عليا ف خوفت افتح انتي تسمعي ف متكمليش علاج ، انا مكنتش هسامح نفسي لو كان حصلك حاجه
إسراء بتهديد: انا اللي مكنتش هسامحك لو كانت بنت
احمد بغيظ: انت بتغيري يا بطه؟؟ ،
إسراء ببرود: امشي ياض من هنا
احمد : مااشي، ليكي روقه
منال: سيبها ف حالها ياض مترخمش عليها
===============================
عند بيت حوريه
نزلت حوريه بالدريس البيبي بلو و الطرحه البيضه
احمد خطيبها: ايه الحلاوه دي
حوريه بصدمه: ايه ده؟؟؟ ، انت خلتني البسه عشان تلبس زيي
احمد بصلها وهو بيعدل ياقة القميص: بس ايه رايك
حوريه : شياكه شويه؟؟
احمد: هو في ايه يا جماعه كل شويه حد يقولي شياكه شويه ومش عارف ايه ، ايش حال مانا كنت نضيف طول الوقت
حوريه بضحك: طب يلا يا خفيف عايزه اشوف اختي
احمد: يلا يا اختي ، هي اخرتها اخوات فعلا شكلها مفهاش جواز
===============================
في القسم
الظابط : يا عسكرييييي
العسكري: ايوا يا فندم
الظابط : هدى ونور والدكتور صابر كلهم يتحولوا على النيابه
احنا شغلنا خلص خلاص
العسكري : اوامرك يا فندم
===============================
حوريه : ده مش طريق المستشفى انت موديني فين
احمد بصلها بجمود مصطنع: خليها مفاجأه يا حلوه
حوريه بصويت : الحقوني يا نااااس انا مخطوفه
احمد بذهول: اسكتي يا بنت المجانين هتحبسيني
حوريه: هتوديني فين
احمد: اصبري ، أبوكي اصلا عارف ، ومش هنكمل ربع ساعه هتشوفي حاجه ونغور
حوريه هديت: لو كده ماشي
احمد : منك لله يا شيخه بوظتي اللحظه الرومانسيه ياللي تتشكي ف جنابك
حوريه : مانت خضتني
احمد: انتي مينفعش معاكي الهزار خالص
============================
في المستشفى
الدكتور : يلا يا إسراء، انتي بقيتي تمام اهو
شدي حيلك كده شويه عشان تخرجي من هنا
وتعيشي حياتك بقى، وتتجوزي الواد اللي قرفنا ده
إسراء بصت ل احمد وضحكت: فضحتنا قدام الناس
الممرضه: ده كل المرضى والدكاتره عارفين انه عايز يتجوزك
منال : ابني حبيبي فاضحنا ف كل حته
=========================
احمد خطيب حوريه: هااا ، ايه رايك
حوريه واقفه مصدومه وساكته
احمد: يا بنتي ،هييييي ، بصيلي هنا
حوريه : انت جبته امتى
احمد: عجبك يعني الفستان؟
حوريه: ده تحفه ، تحفه دي قليله
احمد: بجد عجبك
حوريه: اه والله ، جميل اوييي اوييي
والتطريز بتاعه تحفه ، والقَصَه جميله اوي
احمد: يلا بقى عقبال ما نكتب الكتاب ونخلص
حوريه : انا مبسوطه اوييي
احمد : وانا مش عايز حاجه غير انك مبسوطه
حوريه: هتزهق مني؟
احمد: عمري ما ازهق منك ، ولا ابطل احبك ، بالعكس انا كل يوم حبي بيزيد ليكي
حوريه : يلهوييي
احمد بصدمه: ايه الساعه ١٢ ولا ايه !!!!!
حوريه: لا لازم نشوف إسراء بسرعه ، احنا أخرنا
احمد بصلها بقرف: فصيله قسما بالله، امشي انجري قدامي
===============================
في المستشفى
حسن : مش حاسه انك أحسن دلوقتي؟
إسراء: الحمد لله يا بابا
حسن : انا مش عايزك تحطي اي حاجه ف دماغك ولا تتعبي نفسك خالص ، انتي معايا
احمد ابن خالتها: احم احم ، حسوونهه، هتبقى معايا انا ، انا عايز اتجوزها
حسن : بس ياض، هو انا هديك حته من قلبي كده بالساهل
« دخلت حوريه وأحمد خطيبها »
احمد ابن خالة إسراء: اهو ابو نسب جه اهو
احمد خطيب حوريه : يا عم هو انا عارف اتجوز عشان ابقى ابو نسب
حسن : لا إله إلا الله، اتنين احمد كتير عليا يارب وعلى بناتي
منال : ربنا يخليك ليهم يا اخويا
احمد خطيب حوريه : ما تقومي يا نفيسه خلينا نتجوز بقى
إسراء بصتله بقرف : عارف ياض يا طويل يا اهبل انت لو مبطلتش كلمة نفيسه دي مش هخلي اختي تتجوزك
احمد خطيب حوريه: طب اقعدي هو انا عارف اتجوزها اصلا
حسن : صلوا على النبي يا جماعه
= عليه افضل الصلاه والسلام
حسن : انا قررت أن الاسبوع اللي بعد الجاي خلاص كتب كتاب وفرح ل احمد حوريه، واسراء على الواد اللمض ده كتب كتاب بس لحد ما يخلص الشقه
احمد خطيب حوريه وأحمد ابن خالة إسراء في نفس الوقت حضنوا حسن
احمد: ربنا يخليك لينا يا حج
احمد ابن خالة إسراء: تعيش يا حج
حسن زقهم: خلاص بقى بطلوا تلزيق
حوريه : الحمد لله انك بخير يا اسراء
إسراء حضنتها: انا مش عارفه اقولك ايه على اللي عملتيه معايا
حوريه: انتي عبيطه احنا اخوات، مفيش شكر بينهم ، المهم انك بخير
================================
( بعد مرور اسبوعين)
في سجن النسا
ست في السجن: ما تقومي يا بت امسحي الاوضه دي
نور بخوف : اوضة ايه يا ست انتي ، ده سجن
الست: لا يا دلعااااادي انا احب اقعد في اوضه نضيفه ، سجن ولا مش سجن ميخصكيش
هدى : ملكيش دعوه بيها يا ست انتي
الست: الحقوا يا نسواااان في واحده طلعلها لسان ، شكلها متعرفش انا مين ولا ايييييه
نور بخوف : حضرتك احنا مش هنعمل حاجه
الست: نعم يا اختي؟!!! ، لا ده انتي متعرفيش مين زينات بقى
وانا هعرفك هي مين
===========================
( يوم الفرح)
احمد : ها ايه رايك
احمد ابن خالة إسراء: شكلك عريس اوي
أحمد بصله: شكلي عريس فعلا
احمد ابن خالة إسراء: طب يلا أخرت على عروستك
===========================
في اوضة البنات
حوريه: هاا شكلي حلو
الميكب ارتيست: زي القمر والله
إسراء: والله يحبيبي زي القمر بجد
حوريه: لا لا حاسه اني مش عايزه اتجوز دلوقت
إسراء: نعم ياختي؟! ، ده المأذون تحت متهزريش
و يلا عشان بابا يسلمك ل احمد بقى خلينا نخلص و اوضه تفضى من البيت
============================
( وقت كتب الكتاب )
المأذون: قول ورايا يا حج ، زوجت ابنتي
حسن: زوجتك ابنتي
المأذون: الانسه ، البكر الرشيد ، حوريه حسن عزمي
حسن : حوريه حسن عزمي
المأذون: على كتاب الله وسنة رسوله
حسن بدموع: على كتاب الله وسنة رسوله
المأذون: يلا يا عريس قول ورايا
المأذون: قبلت الزواج
احمد: قبلت الزواج
المأذون: من ابنتك ، لنفسي و بنفسي
احمد: ل نفسي وبنفسي
المأذون: يلا يا جماعه ادعو لهم
بارك الله لكما
= بااارك الله لكمااا
- وبارك عليهما
= وبارك عليهما
- وجمع بينهما في خير
= وجمع بينهما في خير
« الزغاريد اشتغلت،المباركه »
احمد : تعالي يلا
حوريه : اجي فين
احمد: ايه يا بت حضن كتب الكتاب
حوريه : لا متلمسنيش
احمد: انتي عبيطه يا بت ، هو اناا صابر كل ده عشان تقولي لا
شدها عليه وحضنها