رواية العرجاء الجميلة الفصل الاول1بقلم جمانه السعيدي
٩٠/١/٣١ اليوم الي انولدت بي البنيه الي اجت بعد ٣ ولد
الولد الجبير عقيل مواليد ٨٠
الثاني وليد مواليد ٨٢
الثالث.... مسلم مواليد ٨٤
بقت امي ٦ سنوات بدون حمل
الحد ما قتنعت بعد ما تحبل فات ست سنوات
مستحيل تحمل مره ثانيه
اقتنعت برزقها
الى ان بدت بطنها تكبر كانت متوقعه
ااي شي غير تطلع حامل
بمان ان هيه ماعدها اي اعراض وحم
ووضعها طبيعي عادي بطنها تكبر
الحد ما وصلت الشهر الرابع للحمل
وهنا اني بديت اتحرك بطنها حتى انبها اني موجوده
لان امي ماتعرف اني بطنها
من حست امي بهاي الحركه فرحت هاي حركت طفل
يعني ااكو حمل
قبل النسوان يتسابقن بعدد الاطفال
صح امي عدها ٣ اولاد بس هذا العدد يعتبر عدد قليل
جدا
شنو ٣ اولاد النسوان ااقل شي تخلف عشره او ثمانيه
اما ٣ قليل جدا
جمانه السعيدي
اول مارجع ابوي من الشغل
خلت الاكل كدامه وهيه وجها يضحك
ابوي....شكو اليوم وجهج يضحك
امي...اي ولله اني اليوم فرحانه
ابوي....اي فرحينا وياج
امي....اضن اني حامل
ابوي...حامل صدك تحجين
امي...اي اليوم ابنك يتحرك اني اعرف هاي الحركه
يمكن اني بلشهر الرابع اليوم حسبت
ابوي...اي بيها الخير انشاء الله
امي...كون تطلع بنيه مو ولد
ابوي...نعمه من الله كلشي الي يجي من رب العالمين خير وبركه
امي...تريد الصدك اني اتمنى تطلع بنبه اريدلي بنيه تلم كبرتي
ابوي...كلشي الي يجي من رب العالمين خير
حتى اخواني كانو فرحانين بحمل امي
طبعا امي لا تتنسى لا تكول تعبانه تشتغل ليل نهار
ولا عبالك حامل
حتى مراجعه للدكتوره ماكوووو
من توصل الولاده اكو مره عجوز بمنطقتهم
اجيب النسوان
المهم وصلنا لليوم الي امي بدت تطلك
وابوي راح هو واخوي جابو الجده
بدت امي تطلك بليل وماكو سياره يجيبون بيها الجده
الدنيا نص اليل والناس كلها نايمه
ايكول ابوي امشي بسرعه وين اوصل والتفت عليها الكاها بعدها
بعيده علينا
ابوي...يله حجيه خفي رجلج
الجده...مابيه حيل امشي
ابوي.. مو اخاف على ام عقيل خاف اجيب وحدها
الجده...لا لا انشاء الله نلحك عليها
جمانه السعيدي
ابوي...لو مو عيب جان شلتج حتى نوصل بسرعه
الجده...هسه نوصل شني سالفتك ليش مستعجل
المهم وصلت الجده لكت امي تصرخ
وماي الطفل تارس الكاع
اخذتها للغرفه وطبكت الباب شويه وسمعو صوتي
اصرخ
اخوي عقيل راح البيت خالتي يجيبها حتى تساعد امي
شويه ودخلت خالتي
خالتي.. الله يساعدك ابو عقيل
ابوي.. هله هله
خالتي ...شني جابت اسمع صوت طفل يصرخ
ابوي....اي ادخلي بسرعه عليهن
دخلت خالتي شويه وطلعت شايلتني
خالتي...ابو عقيل اجتك بنيه تخبل
ابوي...اللهم صل على محمد وآل محمد هله بيها
خالتي...خوما تريد ولد
ابوي....لا هاي بنيتي جنت منتظرها
.انولت بجمال ماصاير ابد
بيضه وعيوني زرك وشعري ثخين وطويل نازل للجتف
واشكر وشفايف ورديه
ابوي وخواني وخالتي كلهم متفاجئن بيه
ماعدنا طفل ولا طفله بلعائله شايل هلكد جمال
بعد ما طلعت الجده وأخذت حسابها
دخل ابوي يطمن على امي
ابوي....مبروك الله انطاج مثل ما تمنيتي
اجتج البنيه الي ترديها
امي.. الحمد لله والشكر الف الحمد لله والشكر
كل الي يجي من رب العالنين خير
ابوي.....شنسميها
امي...بكيفك
ابوي....اني مااعرف اسماء البنات اعرف اسماء الولد
امي....انت سميها انت ابوها
ابوي....راح اسميها رزق
امي....رزق ماسامعه بهذا الاسم قبل
ابوي...اي خليها اول وحده تتسمى بهذا الاسم
دشوفيها شكد حلوه
امي....هيه رزق رب العالمين الحمد لله والشكر
كل الي يجي يبارك الامي يتفاجئ من شكلي
وكل وحده تدخل على امي تكول اني حاجزه هاي الطفله
أريدها جنتي
كلما اكبر شويه احلى اكثر واكثر
اهلي طايرين بيه امي وابوي وخواني
الكل بلبيت واكف علمودي حتى لا اصرخ ولا ابجي
ابوي يتخبل اذا سمعني ابجي
حتلو نص اليل يكعد قبل امي مايقبل ابجي ابد
حتى الأقارب كلهم يجون البيتنا حتى يشوفوني
شتلبسني امي يطلع حلو عليه
حتلو لبس عادي يطلع حلو عليه
بعد ماصار عمري ٣ اشهر بدت امي تكتشف اهم سر
غير حياتي كلها
رجلي اليمنى أطول من اليسرى بشي قليل
امي....ابو عقيل هاي البنيه رجليها ما متساويات
رجلها اليمنى أطول شويه من اليسرى
ابوي...لا توهوسين كلشي مابيها
لان زغير هسه تكبر وتركض ركض
جمانه السعيدي
رزق.. ابوي ماانطا الموضوع حجمه الحقيقي
اني بعينه البنيه الحلوه الكامله والكمال لله تعالى
مايريد يصدك
ممكن يكون عندي نقص
البنيه الحلوه الي الناس كلهم متعجبين بجمالها
والكل يريد بس يشيلها ويلعب وياها
فرحته الي ما تنوصف
لهفته من يرجع للبيت ويريد بس يلعب عليه
واضحكله
مستحيل يكون ااكو نقص عدها
بديت اكبر شويه شويه صار عمري سنه واني بعدني ماامشي
بس سمينه وبيضه والخدود حمر
والشعر عبالك باروكه
بديت الزلم الحايط اواوكف
الزم الدرج اواكف
وهنا بينة حقيقة مشيتي
اطرافي ما متساويات وحده أطول عن الثانيه بشي قليل
بحيث من امشي انزل رجل
والثانيه انزل بس الأصابع الاماميه على الكاع
بدت امي تمشيني حتى تتأكد من مشيتي
انصدمت اني عرجه من الولاده
انتظرت ابوي يرجع للبيت
اول مادخل شافها حزينه ووجها مدخن
ابوي...ياستار شكووو
امي...مو كتلك رجليها مو سوه شوف مشيتها شلون عرجه
اخذتني امي من اديه
وبدت تمشيني
ابوي...اي ولله ما تمشي عدل شو جيبيها اشوفها
اخذتني امي اله
قرب رجليه وحده من الثانيه ااكو نقص واضح
وحتى رجلي القصير شويه أضعف من رجلي الثانيه
ابوي........باجر اخذها للدكتور بلكت شغله بسيطه
وتصير زينه لا تخافين مابيها شي
اخذني ابوي للدكتور فحص رجلي وسوالي اشعه
اتأكد أن فعلا رجليه من الولاده وحده اقصر من الثانيه
ابوي...دكتور شنو الحل
الدكتور....الصراحه ويا ضروف الحصار ماعدنا اي علاج الها
ابوي....شلون دكتور
الدكتور.....اكو علاج بلخارج ياخذون من عظم الفخد
ويطولون بي العظم القصير
بس هيج عمليه مكلفه حيل
ومانكدر بلعراق نسويها تحتاج علاج وتكلف هواي
ابوي...يعني تكبر عرجه
الدكتور...تعرف حصار وحتى إذا دبرت فلوس العلاج
تحتاج اشهر يله تحصل موافقه
ومواي جراح يكدر يسويها
ابوي....شلون تبقى عرجه
الدكتور....صعب تتعالج بضل ظروف الحصار هاي
خليها على الله
رزق....بس ابوي ما استسلم اخذني اكثر من دكتور
ونفس الكلام
حتى قدم طلب الوزارة الصحه ووزارة للخارجيه بلكت يقبلون اطلع اتعالج بلخارج
بس محد رد علي
وهيج تحدد مصيري اعيش واموت واني عرجه