رواية الطريق للقلب الجزء الثاني2من الوحش الفصل العاشر10بقلم حنان احمد ماهر
ـ ليـــــث !!!!
قالتها هنا بزعيق كا ردة فعل على اللي عمله ابنها
جريت لارا على عُمير وهي بتقومه
وياسمين قربت وقفت قصاده علشان ميعملش حاجه تاني ولا يمد أيده عليه
ـ إيه اللي أنت عملته ده ؟!...ازاي تمد إيدك على أخوك أنت أتجننت لأ وكمان قُدامي مافيش احترام ليا خلاص
بصيله عُمير بصدمة وهو بيمسك خده ب ألم
اتكلم ليث بعصبية ـ اسألي إبنك عمل ايه خلاني اعمل في كده
قام عُمير وقال بوجع ـ والله يا أخويا معرفش السبب اللي خلاك تضربني كده قُدام الكل
ـ لما تعمل عملتم السودة دي يبقى اكسر دماغك كمان
قالها وهو بيقرب خطوة منه
اتكلمت ياسمين ـ ليث أهدى ماينفعش اللي بتعمله ده
ادخلت كايلا ـ مهمها إن كان ده أخوك الصغير ولو غلط نفهمه غلطه لكن مش بطريقة دي
أسر رد عليها ـ بس ده مش غلط صغير يا كايلا ده حياة أو موت اللي عمله ده
ـ بــــــــــــس ..
قالتها هنا بزعيق و بنرفزة
كملت ـ عمل إيه علشان تعمل اللي عملته ده
ـ إبنك بيشرب مخدرا.ت
قالها ليث بنرفزة
ـ مخدرا.ت !!!!
كان صوت راكان اللي دخل ومعاه غيث و يزن كمان
قرب غيث منهم بسرعه
وعُمير بص على أبوه بقلق وخوف
غيث قال ـ إيه اللي أنت بتقوله ده يا ليث واعي للي بتقوله
هنا قالت بدموع وعدم استيعاب ـ فهمه يا غيث لأن تقريباً عقله طار وجاي يضرب أخوه قُدامي
قرب راكان منهم وبص على ليث بحدة ـ ممكن أفهم إيه اللي بيحصل هِنا وازاي تقول عن أخوك حاجه زي كده
ـ أنا مقولتش حاجه غلط اسألهم كلهم هيقولوا نفس الشيء
قالها ليث ببرود ممزوج ببعض الحدة
غيث قال بضيق ـ يعني ايه اللي بتقوله ده ما حد يفهمنا
كايلا قربت من راكان وبصت على غيث ـ أهدى يا عمو
بعدها حطت أيدها على كتف راكان ـ بص يا خالو اللي حصل إن كرما سمعت كلام ما بين عُمير وصاحبه ... وإن صاحبه هيديلوا حتيتين معرفش ايه وكلام زي كده و عُمير كان موافق على اللي هياخده منه
بص عُمير على كرما وضحك بوجع
قرب من كايلا وبص على راكان وهو بيقول ـ أنت متخيل إني ممكن اعمل حاجه زي كده
قربت هَنا منه وهي بتمسك أيد ابنها ـ أكيد لأ مستحيل نفكر إنك ممكن تعمل حاجة زي كده
اتكلم عُمير بنبرة كلها وجع ـ بس اخويا فكر ف ده يا أمي
رجع بص ل راكان ـ في عايز اعرف إذا كان ابويا كمان كده
راكان بصيله وقال بثقة ـ أنت إبني وانا عارف تربيتك لاني ربيتك على صح والغلط ومستحيل أفكر إنك ممكن تعمل حاجة زي كده وتبقى مدمن
ـ بس هو مدمن بجد
قالها ليث بعصبية
ـ ليـــــث !!
قالها راكان بعصبية ـ عيب لما تقول عن أخوك كده قُدام الكل
ياسمين بصت على ليث بقلق
وهو بعد عيونه عنها
عُمير أبتسم وقرب من كرما ـ مكنتش متخيل إنك بتكرهيني لدرجة إنك تشككي عيلتي فيا
كرما بصيتله و لوهلة حست بغصة ومعرفتش ترد
كمل ـ ده واحد صاحبي أهله عايشين في إيطاليا ولما بينزل مصر بيجيب معاه شوكولاته بس بتبقى من افخم الأنواع ولأنه عارف اني بحبها من هنا خصوصاً يعني اني كنت مَوصي على علبة بالكراميل علشان أمي بتحبها اوي
راح ناحية الصالون مسك شنطته وخرج منها العلبة و وراها ل ليث
اللي بصله بذهول ومعرفش يرد
راح أداها ل هنا
هنا اخدتها منه بدموع وحضنته
راكان مسح على وشه ب محاوله منه إنه يهدى
وغيث بص عليهم بعتاب خصوصاً ليث وكرما
اللي مقدرتش تمسك دموعها وعيطت لما حست بذنب اللي عملته
لارا قربت من عُمير وهي بتحاول تخفف الجو ـ بقى بتوصي ل ماما على شوكولاته من إيطاليا وانا لأ ماكنش العشم يا عُمير والله
بصيلها وسكت ومردش عليها
قرب ياسين منه وقال بضحك ـ يعني يا جماعه متخيلين إنه ممكن يعمل كده ...عُمير أهبل منه إنه يعمل كده
قال كده وهو بيضم كتفه ليه بهزار
بس عُمير بعد عنه
وغيث قال بتحذير ـ ياسين !!
عُمير اخد بعضه وطلع على اوضته من غير كلمه واحده
هنا قربت من ليث ـ طول عمرك مبتتصرفش بهماجيه وبتاخد الأمور بهدوء بس لما جيه الوقت إنك تتصرف بعقل عكيت الدنيا وموثقتش ف أخوك وأنت عارف أنه مستحيل يعمل حاجه زي كده ...انا مش مسامحك على اللي عملته ده
قالتها ومشيت بعيد عنهم
أما عن راكان ف اكتفى أنه يبصله بنظرات كلها عتاب ومشي
لارا بصت على كرما بعصبية ـ كله حصل بسببك خلتينا نشك ف اخونا وطفيتي ضحكته مش مسامحكي
ـ لارا
ـ لو سمحت يا ياسين ...انا مغلطش
غيث قرب من ليث ـ اللي عملته غلط كبير اوي على فكرة... أنت مجرحتش أخوك لما ضربته ... أنت جرحت كبريائه وكسرت قلبه لما عملت كده
ـ بابا هو بس خاف عليه
قالتها ياسمين في محاولة منها أنها تبرر الموقف
ـ الخوف مش مبرر إنه يعمل كده ...أبوه نفسه سمع اللي قاله ومعملش رد فعل غير لما سمع من عُمير وفهم وأعتقد راكان هيخاف اكتر على إبنه ولا إيه
ياسمين سكتت وبصت على ليث بقلق
هو حاول إنه يخفي ضيقته وهو بيمثل البرود بس هي عارفه أد ايه هو ندمان ومخنوق كمان من اللي عمله
أسر قرب من يزن ـ خلينا نمشي يا بابا ...الدنيا متكهربه وأعتقد محتاجين يتكلموا مع بعض
يزن هو رأسه وبص ل غيث ـ لو عرفت حاجه ابقى قولي
غيث هو رأسه ـ طيب متقلقش ...انا هفضل مع راكان شويه بعدها همشي
كايلا أتكلمت بقلق ـ طب ما تخلينا يا بابا أكيد خالو محتاجنا
ياسين أتكلم وهو بيبص على لارا ـ لأ معتقدش إحنا لازم نمشي نبقى نطمن عليهم بعدين
رجع بص ل غيث ـ أنا هامشي يا بابا
ـ خُد اختك معاك
ـ بس يا يا بابا
ـ ياسمين يلا مش وقته نقاش خالص
بصت على ليث بس هو اداها ضهره
اتنهدت وراحت حضنت لارا ـ أبقي طمنيني
لارا عيطت بوجع ـ حاضر
قربت كايلا منهم وحضنت لارا ومسحت دموعها ـ أهدي كل حاجه هتتحل وترجع زي الأول متقلقيش
لارا هزت راسها وسكتت
ياسين بص عليها أخر مره بعدها بص على كرما ـ يلا يا كرما
كرما وزعت نظرها عليهم كلهم وقالت بدموع ـ أنا أسفه
ـ اسفك مش هيرجع اللي حصل
قالتها لارا بنرفزة
غيث قرب منها واخدها في حضنه ـ خلاص يا حبيبتي اهدي
ضميته لارا ليها
وكرما بصت عليها بندم و أخدت بعضها ومشيت
بعدها بدأ كل واحد يتحرك ومشيوا كلهم
بس يزن فضل إنه يقعد عن إنه يمشي واهو يطمن قلبه بنفسه
--------------------------------------------------
في جناح راكان
ـ طب ممكن أفهم بتعيطي ليه دلوقتي
ـ يعني عايزني أفرح على حرقة قلب ابني يا راكان
ـ لأ يا حيات راكان انا مبقولش كده بس برضو لازم تهدي علشان تعرفي تداوي جرحه
أتكلمت بدموع ـ مكنتش متخيله إنه ليث ممكن يعمل كده ف أخوه صدمني بجد
راكان أخدها في حضنه ـ هو غلط ...وغلطه كبير اوي وهو حاسس بيه ...مهما كان خوفه على أخوه بس ميدلوش الحق إنه يضربه بطريقة دي
ـ أكيد عُمير زعلان اوي منه دلوقتي
خرجها من حضنه ومسح دموعها ـ كل ده هيروح وهيتصافوا صدقيني انا عارف ليث وعارف أد ايه هو حنين وهسيبه هو يصلح غلطته بنفسه
ـ كل ده حصل بسبب اللي اسمها كرما دي انا مش مسامحها ولا عمري هسامحها
ـ خلاص يا حبيبي اهدي....كل حاجه هتتحل وانا هدخل اتكلم مع عُمير شويه وأحاول اطبطب على قلبه
ـ طب يلا يا راكان روح دلوقتي
قالتها وهي بتزقه بعيد عنها
اتكلم بغيظ ـ بقى كده انا بحاول اهديكي وأنتِ تبعديني عنك ماشي يا ست هنا
أبتسمت ومسكت أيده بحنيه ـ ربنا ما يحرمنا منك ولا من حنيتك أبداً يا راكان
ضمها ليه ـ ولا يحرمني من وجودكم جنبي أبداً
---------------------------------------
في عربية ياسين
كان سايق وياسمين قاعده جنبه
وكرما ورا
والجو كان متكهرب ومتوتر اوي
ياسمين كانت كل شويه تبص على تليفونها ومتردده تتصل به ليث أو لأ
وياسين كل اللي شاغل تفكيره لارا وأنها ممكن تكون فكرت إنه بيبرر ل كرما غلطها وممكن تكون زعلت منه
وكرما ورا حست بندم كبير ودموعها مش مبطلين وكل شويه تفتكر نظرات عُمير ليها ف تعيط اكتر
ياسين وقف العربية بعصبية ـ لما أنتِ زعلانه اوي كده ...ليه عملتي عملتك قبل ما تتأكدي
ـ خوفت
قالتها بدموع
ردت عليها ياسمين ـ خوفتي من إيه بس يا كرما ... شوفي الموضوع كبر ازاي...أنتِ حتى متأكدتيش من اللي سمعتيه وبناء على تفكيرك حطيتي افتراضات وخلتينا نصدقك وده غلط أصلا
ـ أنا اسفة بجد
ـ اسفك مش هيخلي عُمير يرجع زي الأول...أنتِ السبب في كسرته انهارده قدامنا كلنا
قالها ياسين وخرج من العربية يتنفس شويه
وياسمين بصت على كرما ـ للاسف غلطك كبير اوي يا كرما ... وللأسف كمان إحنا غلطنا لما صدقناكي
ورجعت بصت على تيلفونها وعلى رقم ليث واتنهدت بضيق وهي بتحاول ما تعيطش
-------------------------------
في عربية أسر
ـ يا ترى عُمير عامل إيه دلوقتي
ـ أكيد مخنوق طبعا مشوفتيش نظارته لينا كانت عامله ازاي إحنا غلطنا اوي لما صدقنها يا كايلا
ـ أنا مصدقتش حد يا أسر ولو تفتكروا قُلتلكم نكلمه ونفهم منه الأول...بس للاسف ليث بعصبيته بوظ كل حاجه
ـ أول مرة أشوف ليث كده أصلا....طول عمره بياخد المواضيع بهدوء وبرود ... إيه اللي حصله انهارده انا مش فاهم
ـ يارب كل حاجه تتصلح وعُمير يقدر يسامحنا يارب
-------------------------------------------
في مكتب راكان
كانوا قاعدين غيث ويزن وراكان
اتكلم غيث ـ راكان أنت كويس
راكان اتنهد ـ لأ... أول مرة مبقاش عارف اعمل ايه...هنا منهارة فوق وعُمير قافل على نفسه وليث اللي معرفش ف اني حته ولا لارا اللي بتحاول تهدي أمها وهي أصلا منهارة اكتر منها
ـ أنا هكلم رحمة تتكلم مع كرما وتفهمها غلطتها لأن اللي عملته غلط كبير اوي ... إنها تسمع حاجه وتنقلها من غير ما تتأكد
ـ العيب مش عليها بس ...العيب على ابني اللي اتسرع من غير ما يفهم
قال يزن بضحك علشان يخفف الوضع ـ فكرني ب أبوه لما اتسرع في الحكم على هنا وفضل عشر سنين متعصب منها ليه مش عارف
راكان بصيله بضيق ـ بالله عليك ده وقتك
غيث ضحك ـ طب والله معاه حق
ـ طب والله انتوا ما عندكم دم
قالها راكان بضيق منهم