رواية الطفلة والوحش الجزء الثاني2الفصل الخامس عشر15بقلم نورا السنباطي
مملكة_الحب
إقترب منها وكانت هي منشغله في تلك الورود حاول أن يري وجهها ولكن كانت تعطيه وجهها
وضع يده علي قلبه اللي كان بيدق بشدة وقال ـ اووف وبعدين
حست تالين بحد واقف وراها كانت هتلف بسرعة ولكن ابتسمت بخبث
تالين في نفسها ـ اكيده فراس وعايز يخضني انا بقي هوريك هههه
وفجأة لفت وضربت الخرطوم في وشه وهيا بتضحك
دانيال تنح وفضل واقف مصدوم وهيا بتتنطط زي الأطفال وبتضحك
ليونارد بعصبية وهو بيحاول يتفادي الميه ـ انتي يبت شيلي الزفت ده
وقفت مكانها بصدمه والخرطوم اتركز علي وشه وغرقته بمعني الكلمة
تالين شافته برقت وقالت ـ ياحزني.. ده نفسه الراجل. اي اللي جابه هنا وفجاة رمت الخرطوم وجريت من قدامه بخوف
مسح ليونارد وجهه بغضب وبص قدامه ملقاش حد بص حواليه شافها داخله القصر بتجري
إقترب دانيال منه بسرعة وقال ـ انت كويس يا زعيم
ليونارد بغضب ـ انت شايف اي.وكنت فين وهيا بالميه
كتم دانيال ضحكته بصعوبه وقال ـ ا.. انا اتصدمت حضرتك معرفتش اعمل اي
مسح ليونارد وجهه المبلل ب الماء زهو يتأفف بضيق
بإستغراب ـ ليونارد
إلتفت ليونارد وجد آركان ينظر له ولملابسه بصدمه وفجأة ضحك بشدة
ليونارد بضيق ـ لوسيڤرر.!
آركان ـ هههههه..اي ياعم ده
ليونارد وهو ينظر بإتجاه باب القصر ـ إسأل اللي كانت واقفه هنا
آركان بإستغراب ـ تالين..؟
دق قلب ليونارد بشدة وقال ـ ا.. احم معرفش انا فجأة لقيت الخرطوم متصدر في وشي انتو بتستقبلو ضيوفكم كد
ضحك آركان ودانيال بشدة وليونارد نظر لهم بغضب
آركان بضحك ـ ههههههه لا ياعم انت عشان غالي علينا بس شويه ههههههه
وقرب منه وحضنه وليونارد ابتسم وحضنه بحب اخوي
ليونارد بإستغراب ـ الا قولي إي حكايتك ومين دي انا اللي اعرفه انك معندكش اخوات
تنهد آركان وقال ـ لا دي حكايه طويله هقولهالك جوا
ليونارد بهدوء ـ ما.. هتشووووو
آركان بقلق ـ انت شكلك اخدت برد
ليونارد بضيق ـ صدمتني الصراحه انا لسا واخد دش فل اهو حتي هدومي لسا منشفتش
كتم آركان ضحكته وقال ـ طب تعالي خود هدوم من عندي دلوقتي ونقعد مع بعض في كلام كتير اوي عايز اقوله ليك
نظر ليونارد إلي دانيال فذهب الاخر ليقف بجوار إدوارد وليونارد دخل مع آركان
وقف ليونارد أمام البيت وشي قي قلبه يدق بعنف شديد تنهد بضيق
نظر له آركان وقال ـ يلا خش واقف ليه
ليونارد بهدوء ـ في حريم جوه.؟
آركان بإستغراب ـ أيوه بس ليه
ليونارد ـ خش شوف الاول الوضع وبعدين تعالي
فهم آركان وابتسم ـ ده بيت عيله الحريم كلها لما تبقي بره اوضهم بيبقو لابسين الحجاب وبعدين انا معرف أمي والحج انو في حد جاي ف متقلقش
اومأ ليونارد ودخل ورا آركان
في الداخل
كان الرجال يجلسون في الصالون والنساء في المطبخ
دخل آركان وبعده ليونارد اللي كانت علي ملامحه الضيق من اللي حصل وفجاة
ـ هتشووو
نظر الجميع بأتجاه الباب فوجودو آركان وبجوارة شخص
وقف يزن وإقترب منهم
يزن وهو بيبص ل ليونارد بإستغراب ـ مالك يبني انت كويس
رفع ليونارد عينه وقال بهدوء ـ ايوه كويس.. احم.. وبص للكل وقال ـ سلام عليكم
الجميع ـ وعليكم السلام ورحمة الله وبركاتة
يزن بسرعة ـ ا.. آركان خليه يغير هدومه بسرعة.. هو معلش اي اللي حصل
ضحك آركان بقوة وليونارد نظر له بضيق وفجأة
ـ ااااه اي ياعم إيدك تقيله
ليونارد بغضب ـ مش عايز خفه
كتم آركان ضحكته لصعوبه ويزن كمان
آركان ـ ا. احم بابا ده ليونارد.. ليونارد ده بابا
ليونارد بصدمة وهو ينظر ليزن ـ نعم يا عسل. بابا مين
ابتسم يزن بهدوء ومد إيده لعب في شعره زي ما بيعمل مع آركان
ـ امم انت بقي ليونارد
كان ليونارد مش فاهم حاجه وبيبص حواليه كانه زي الاطرش في الزفه
جاء صوت آرين من الخلف
ـ يزن الضيف جه
نظر ليونارد لها كانت تأتي من المطبخ وعلي وجهها ابتسامه بشوشه وقف بجوار يزن ونظرت إلي ليونارد وشهقت بنعومه ـ اي ده مالك يبني. اي اللي خلاك مبلول كد
ونادت بصوت عالي ـ شغفففف هاتي فوطه بسرعة
ليونارد عطس مرتين ورا بعض
آرين بقلق ـ انت خدت برد تعاله ومسكته من إيده ومشت وهيا بتشده نظر لها بصدمة وبعدين ل آركان اللي كان بيبصلهم ومبتسم
قعدته علي الكرسي وشغف جات ومعاها فوطه واستغربت من ليونارد
خدت آرين منها الفوطه واقتربت من ليونارد وبدأت تنشف ليه شعره بحنان
آرين بتوبيخ ـ انتو الشباب دايما مستهترين كد. دلوقتي انت تعبت عاجبك وضعك ده يعني
ليونارد بإبتسامة ـ متقلقيش انا كو.. هتشووو
نظرت له آرين بقلق وقالت ل آركان ـ خوده بسرعة خليه يغير هدومه وانا هجبله شوربه دافيه
اومأ آركان واخد ليونارد
آركان بمرح ـ متتعودش علي الدلع ده هاا سبحان اللي خلي يزن باشا ساكت ومقتلكش
ليونارد بإبتسامه ـ مين دي يا لوسيڤر
آركان بحب ـ دي أمي
وقف ليونارد بصدمة وقال ـ انا مش فاهم حاجة اومال إيڤري و
آركان ـ هقولك كل حاجة دلوقتي انت لازم تغير هدومك دي..
في مكان أخر
مارفي ـ بكره تنفذ انت فاهم
محمد الصياد ـ أسيل اختفت من المستشفى
دايمي بغضب ـ يعني اي اختفت البنت دي لو اتكلمت انا هروح ورا الشمس
مارفي بهدوء ـ مش هتلحق
نظرو له بإستغراب فأكمل بخبث
ـ بكره أميرة يزن تكون هنا وأسيل دي سيبوها عليا
محمد ـ جالنا أخبار انو الفهد بيدور ورانا
دايمي بخوف ـ الفهد.. مش كنا خلصنا من الموضوع ده
محمد بعصبية ـ انت ناسي انو آركان من المخابرات وهما اتعرفو علي بعض من 4 سنين
مارفي بحيرة ـ مين الفهد
دايمي ـ محدش عارفه. كتير حاولو يوصلو ليه لكن كان مصيرهم الموت وبس حتي محدش عارف شكله اي.
محمد ـ وفي كمان مشكلة
مارفي ـ إي
محمد ـ يزن الصياد.. انتو مفكرين انو شخص سهل يمكن يكون هادي وباين عليه الطيبه لكن ده شخص مش سهل هو اصعب من لوسيڤر والفهد وفكره خطف آرين هتبقي صعبه جدا ولو كشف أمرنا. الموت هيبقي أرحم من اللي هيعمله فينا
دايمي بكره ـ يزن.. يزن.. يزن. من سنين دمرني ودمر شبكتي بس دلوقتي انا هدفعه التمن غالي هحرق قلبه علي أعز ما يملك هو وأليكس
محمد الصياد كان شارد في الماضي وعينه بتلمع بكره حقيقي
مارفي بشر ـ الصفقة بكره انا هروح استلمها بنفسي والتنفيذ بعد إسبوع من دلوقتي وبدأ العد التنازلي للدمار ههههههههه
ودايمي ومحمد ضحكو معاه بشر
يزن قام بهدوء وقال ـ انا رايح مشوار مش هتأخر
رعد ـ رايح فين دلوقتي.؟
يزن وعيونه بتلمع بغضب ـ مشوار مهم
عز وزياد ـ جايين معاك
يزن ـ لا. المشوار ده لازم أروحه لوحدي
حمزة بقلق ـ طيب قولنا رايح فين
يزن بإبتسامة ـ متقلقوش ساعه بالكتير وهكون هنا وعدل هدومه و خاد المفاتيح ومشي والجميع ينظر في أثرة بقلق
خرجت آرين وهيا تحمل بيدها صنية عليها طبق شوربه خضار
آرين بإستغراب ـ اومال يزن فين
فراس ـ عمي يزن راح مشوار ضروري وجاي
انقبض قلبها فجأة ولكن ابتسمت وقالت ـ ماشي
وذهبت بإتجاه غرفة آركان
فراس بتعب ـ اااه بق امتا الاكل هيخلص انا جعاان وريحه الاكل حلوة اوي
ضحك رعد وقال ـ والله يبني معاك حق انا عصافير بطني بتصوصو
زياد بغيظ ـ هو معلش مين قالهم يعملو الاكل علي العشاء
ريڤان بضحك ـ هههه انا
نظرو له بغيظ وانقضو عليه وهو يضحك بشدة
خرجت جويرية من المطبخ ومعاها كوبيات عصير بصت ليهم بفرحه وهما بيضحكو كد دعت ربنا انو يديم عليهم الضحكه دي وافتكرت آركان وضحكت بحب واقتربت منهم..
عند يزن بعد نص ساعه وقف قدام المخزن
الحارس بتحيه ـ أهلا يزن بيه
يزن ببرود ـ حد لمسه.؟
الحارس بنفي ـ أبدا يا باشا زي ما حضرتك أمرت
نظر يزن أمامه بشر وقال ـ طيب كويس شوف اذا حد قريب من المكان عشان مش عايز حد يسمع اللي هعمله فيه دلوقتي
ابتلع الحارس ريقه برعب واومأ
دخل يزن بهدوء وهيبه وهو مبتسم
يزن ـ إزيك يا إيڤري..!!
نظر له إيڤري بغضب ولم يتحدث، فقط ظل يحدق فيه بنظرات مليئة بالحقد.
يزن ـ تؤ تؤ تؤ... بص علي قدك
إيڤري بسخرية ـ إنت فاكر انو حبسك ليا هيعدي بالساهل كد.. تبقي غلكان
ضحك يزن ضحكة قصيرة، واقترب منه بخطوات هادئة، ثم وقف أمامه مباشرة.
يزن ـ اخاف انا كده صح.؟
سكت لحظة، ثم أكمل ببرود:
يزن ـ مش هطول معاك في الكلام كتير اختصر علي نفسك وخفف شوية من اللي هعمله فيك انا عايز حاجة واحده بس
إيڤري بلع ريقه بصعوبه ـ وإيه هي؟
يزن قرب منه وقال بتهديد واضح من انوه يكدب ـ اي اللي حصل من خمس سنين وعملت اي في إبني واخيرا مين اللي وراك
اتسعت عينا إيڤري للحظة، لكنه سرعان ما أخفى ارتباكه.
إيڤري ـ محدش ورايا
يزن بابتسامة باردة ـ كدبت.. والصراحه كنت عايزك تكدب.
إيڤري ـ يزن بلاش تلعب بالنار
يزن بغضب ـ النار دي انا هحطكم كلكم فيها واحد واخد
إيڤري نظر له برعب ولم يتحدث
يزن ـ هديك كمان فرصه.. فرصه واحده بس تنطق وتقول كل اللي في بطنك يإما ورحمه أمي هخليك تتمني الموت ومتطلهوش.
اقترب منه أكثر، وقال بصوت منخفض:
يزن ـ انت كنت بتعطي إبني اي.. وازاي آركان فضل خمس سنين من فاكر اي حاجه عن عيلته وحياته.
ومسك رقبته بقوة وهو بيقول بغضب ـ وإبني وصل للحاله دي ازاي انططططق
ظل إيڤري صامتًا.
يزن بإبتسامة خفيفة ـ هتفضل ساكت مش كده
نظر له بخوف ولم يتحدث
يزن ـ ماشي خلينا نشوف هتفضل ساكت لحد امتا ولحد ما تفكر تتكلم.. هعرفك شوية عن يزن أحمد الصياد.!
يزن بصوت عالي ـ جاااااااك
دخل الحارس بسرعة وقال ـ أمرك يا فندم
يزن وهو بيقعد علي الكرسي بهدوء ـ ألا قولي يا جاك.. إي أخبار لوسيڤر إيڤري
اتسعت عين إيڤري بصدمة ونظر له ويزن ابتسم بمكر
جاك بإبتسامة ـ زي الفل يا معلم مظبطينه اخر تظبيطه.. وحضرتك موصي عليها ونظر إلي إيڤري
ـ وما أدراك اي اللي بيحصل في الشخص اللي يزن بيه بيوصي عليه
إيڤري : هقتلك يا يزن هقتللللللك
إقترب الحارس وضربه بالبوكس في وشه بقوة وقال ـ صوتك ميعلاش في مكان ملك يزن بيه المرة الجاية هقكع ليك لسانك
سكت إيڤري بغضب وخوف
يزن ـ اوووه جاااك. براحه شوية لسا عايزين إيڤري يستمتع معانا شوية مش كد
ابتسم جاك ونظر إلي إيڤري بسخرية وقرف
إيڤري وهو يتنفس بقوة ـ انت عايز اي
ابتسم يزن
يزن ـ دي أحسن إجابة سمعتها منك من ساعة ما دخلت.
إيڤري ـ لوسيڤر ابني برا الموضوع
يزن ـ تؤ تؤ تؤ بوسيڤر ابنك بيتمني الموت دلوقتي مليون مره من اللي عملته فيك
إيڤري ـ يززززن إبنيي لااا
يزن ـ هووووووش. ولسا زوجتك العزيزة هتشرف جمبك قريب هدفكم كلكم تمن دموعها اللي كانت بتكوي قلبي كل يوم هخليكم تتمنو الرحمه ومتطلهاش هخليكم تتمنو الموت في الثانية مليون مرة هخليك تعض صوابعك من الندم من اللي عملته وفي الاخر برضو مش هيشفي غليلي والنار اللي في قلبي
إيڤري ـ هعمل اي حاجه بس تبعد عن مراتي وإبني
ضحك يزن بقوة وقال بشر ـ كل مجرم هيتعاقب العقوبه اللي يستاهلها ودلوقتي هتقول كل اللي قولت ليك عليه من غير ما تسيب حرف وساعتها ممكن افكر اني اخف عليك شوية
إيڤري بلع ريقه بعصوبه وسكت شوية وبعدين قال ـ من خمس سنين كان آركان بيحاول يهجم علينا وقبض علينا واحنا بنتمم صفقة أسلحة ومخدرات. في حدود ليبيا قدرت أهرب انا وإبني لوسيڤر كان متصاب جامد بس آركان مستسلمش خاد عربيته وخرج ورانا وكان مصمم انو انتهي انا ولوسيڤر والشبكة بتاعتنا وقتها آركان وهو بيطاردنا عمل حادثة والعربية انقلبت بيه سيبناه انا ولوسيڤر ومشينا كانت العربية هتفجر خلاص بس وقفت العربية ونزلت بسرعة روحت عنده كان فقد الوعي شديته من العربية وخدته وكان في حارس معايا انا ولوسيڤر قتلته وحطيته في العربية ولبسته هدوم آركان ومشينا وكنت عارف انو الخبر هيوصل ليكم وآركان كان عارف كتير اوي عني وعن إبني خدته القصر عندي وعالجته وكنت ناوي احبسه بس اخد منه كل المعلومات اللي جمعها عني.. خوفت يكون ادي نسخه لحد ولما فاق كان مش فاكر اي حاجه خالص الدكتور قال انو تشوش في الذاكرة ومش هيفضل كتير فاقدها هددت الدكتور انو يعطيني علاج يخليه فاقد الذاكرة ع طول بس برغم انو فقد الذاكرة لكن عقل المخابرات جواه كان لسا شغال وشك في الموضوع وقتها انا اضطريت بدل ما اعطيه العلاج احطه ليه في العصير. وبرغم انو كان فقد الذاكرة ومش فاكر اي حاجه قولتله انت إبني لوسيڤر وكنت جهزت أوراق هوية مزيفه ليه بس برغم كد برضو كان برضو لسا آركان الصياد المغرور. كنت محتاج حد في ذكائه يشتغل معايا في المنظمه لكن هو كان رافض جامد وقتها مكنش قدامي غير خيار واحد عشان يفضل تحت طوعي.. وسكت
يزن بعيون حمراء كالدم ـ عملت اي في إبني
إيڤري ـ حبسته.. حبسته في بدروم تحت الارض وربطه بسلاسل وفضلت اعذب فيه سنتين عشان اخليه ميقدرش يسيطر علي غضبه واخليه شيطان الكل يهاب ويخاف منه وفعلا بس برضو كنت اسيطر عليه اكتر كلمت زعيم مافيا وطلبت منه نوم بودرة قوي نادر جدا ومحدش بيقدر يوصل ليه
يزن بغضب وهو بيضربه بشدة ـ يولااااد**** يولااد**** وديني ما هرحمكم
اقترب الحارس بسرعة وشده من عليه
يزن بغضب وهو بيحاول يبعد الحارس ـ إبعدددد وربنا لقتلك.ازاي تتجرأ وتلمس إبني..ازااااي تفكر تأذي حد من عليتي. انت مش عاااااارف هو إبن ميييين
نظر له إيڤري برعب ولم يتحدث
يزن بغضب وصوت عالي ـ حاااك الحيوان ده يتمنع عنه الاكل والميه ومش عايز حته في سليمه.. خليييه يتمني الموووت مليون ألف مره.. عرفهههه مييين هو يزن الصياد. واي حد يقرب منه عيلته بيحصل فيه اييي.. بس الاول خليني اديك درس تمهيد عني
واقترب منه واخذ يضربه بشدة وغل وكره وهو بيتخيل عذاب ابنه علي إيده وهو بيتخيل إبنه عاش في اي من غيره كان بيضربه بوحشيه وكأنه قد أيقظ الوحش الي بداخله والذي دفنه من سنين لأجل عائلته ولكن ها هو الوحش إستيقظ مره أخري من أجل عائلته والان تحملو عواقب اخطائكم ..
ــــــــــــــــــــــــــــــــــــــ
في القصر...
كانت آرين جالسة بجوار ليونارد، بينما آركان يقف وهو يبتسم علي حنان والدته
ليونارد بإبتسامة ـ شكرا
آركان ضاحكًا ـ شكرا إي.. دي لسا هتعمل ليك خلطه هتجيب كل اللي في بطنك
ليونارد ـ خلطة اي
آرين بقمصه ـ متسكت يا آركان الله
ليونارد نظر لها للحظة ثم ابتسم:
ليونارد ـ هو انتي فعلا أم البغل ده
وشاور علي آركان
ركان بص له بصدمة، وآرين انفجرت في الضحك.
آركان ـ انا بغل يا حماار
آرين ضحكت وقالت:
آرين ـ ايوه انا أم البغل ده.. وكملت بحنان وامك انت كمان من يوم ورايح
نظر ليونارد إليها، ثم إلى آركان، وابتسم ابتسامة هادئة.
ليونارد ـ انتي طيبه اوي
آركان حضنها بحب وقال ـ دي قلبي من جوا أميرتي وأميرة قلب يزن
وفي نفس اللحظة...
انفتح باب القصر بقوة.
دخل يزن.
كانت ملامحه غاضبه بشدة انصدمو جميها فهم يرون الان يزن احمد الصياد القديم الوحش تري ماذا حدث
لاري وقفت بسرعة:
لاري ـ بابي؟
مردش علي حد طلع علي الجناح الغربي علي طول دخل وقفل الباب وراه بشدة وقلع قميصه ورماه علي الارض وأخذ يضرب كيس الملاكمه بغضب وكلام إيڤري يتردد دا عقله
حبسته
عذبته
طلبت بوردة نادرة جدا
حبسته في البدروم
كنت بضربه
خليته شيطان الكل يهاب منه
مافيا
كنت بحط العلاج في الاكل
صرخ بقهر وغضب وهو يضرب الكيس بشدة
تحت
دخل مراد وحمزة القصر وجدوا الجميع يقفون في الصاله ومتوترين بشدة
حمزة بإستغراب ـ مالكم في اي
زياد بقلق ـ يزن خرج معرفش راح فين ورجع وهو دلوقتي في الجناح الغربي ومتعصب اوي
رعد بحيرة ـ اول مره اشوف يزن بالحالة دي بعد سنين طويله اوي يتري اي اللي حصل
آري بدموع ـ انا هطلع أشوفه
فهد بسرعة ـ اوعي.. انتو لحد دلوقتي محدش جرب عصبية يزن محدش هيعرف يهديه غير آرين وبس هيا فين
لؤي ـ فوق في جناح آركان بتدي العلاج لصاحبه
تالين بسرعة ودموع ـ انا هطلع اناديلها
راحت بسرعة وشغف طلعت معاها
كان مراد ساكت وهو بيفكر يتري اي اللي حصل خلي عمو يتعصب بالشكل ده
ريڤان ـ مراد حالا ترن علي السواق وتعرف يزن كان فيه
اومأ مراد بسرعة
إلياس بهدوء ـ انا هطلع ليه
فهد ـ إلياس انت متعرفش عمك وقت عصبيته مبيعرفش أبوه
فوق
وصلت شغف وتالين أمام الباب وخبطو عليه
راح آركان وفتح
آركان بإستغراب ـ في اي مالكم
تالين بدموع ـ فين خالتو بسرعة
خرجت آرين بسرعة وقالت بقلق ـ في اي يا بنات
شغف ـ عمتو. عمي يزن جه من شوية وكان متعصب جدا وهو دلوقتي في الجناح الغربي
اتحرك آركان بسرعةة ووراه آرين
وقفت تالين أمام الغرفة وجدت ذالك الرجل متسطح علي السرير ونايم وباين عليه التعب عضت علي شفايفها بندم وقفلت الباب وخدت شغف ونزلت تحت
في الجناح كان يزن بيضرب الكيس بقوة والدم بيسيل علي الكيس بغزاره وهو بيصرخ من شده الالم وهو يتخيل إبنه وهو بيتعذب وهو مكنش جمبه
دخل آركان وآرين الجناح بسرعة وانصدمو
جري آركان بسرعة ومسك يزن بقوة ـ بااابا في اي.. اي اللي حصل
اقتربت آرين منه وهيا تمسك يديه وتبكي بشدة ـ انت اذيت نفسك.. ينفع كده
كان ساكت اصلا هو مش سامعهم فقط كلام إيڤري يتردد داخل عقله
قعده آركان علي الكرسي وجري بسرعة جاب علبه الإسعافات الاوليه واداها ل آرين اللي جلست أمامه واخذت يده تعقمها وتداوي جروحه وهيا تبكي بصمت
وآركان واقف مربع إيده لصدرة وينظر إلي والده بقلق
خلصت آرين وباست إيده بحنان والدموع تنهمر من عيناها تنهد آركان واقترب حضنها لقلبه وقال وهو بيبص لحاله ابوه اللي مكنش واعي للدنيا أصلا ـ إهدي يا حبيبتي هو كويس متقلقيش روحي انتي وسيبيني معاه
نفت برأسها وهي تحتضن يزن بقوة وتبكي
فاق يزن واتنهد وحضنها لقلبه جامد
خرج آركان من الجناح بهدوء وسابهم مع بعض
يزن بحنان ـ خلاص يا حبيبي اهدي انا كويس اهو
آرين بعياط ـ انت حرجت نفسك جامد اوي يا يزن ليه عملت كد
يزن بألم وهو بيمسح دموعها ـ كنت زهقان شوية
آرين ـ اي اللي حصل وانت كنت فين
كتم يزن قهرته ووجعه في قلبه وقال بإبتسامة ـ كان ورايا شغل وكان فيه مشكلة عشان كد اتعصبت
نظرت له ولم تتحدث وكأنها تقول له (انا لم أصدقك)
هرب يزن من نظراتها وقال ـ احم.. صاحب آركان عامل اي دلوقتي
تنهدت وقالت ـ اديته العلاج ونام
اومأ بشرود وهو يضمها إلي قلبه مره أخري كانه يستمد قوته منها...
عند آركان دخل الجناح بتاعه لقي ليونارد صاحي وقاعد علي السرير وحاطط إيده علي قلبه
آركان بهدوء ـ لحقت تنام.. انت لسا قافل عينك
ليونارد بهدوء ـ انا لازم امشي دلوقتي
آركان ـ اتنيل واقعد هتروح فين وانت تعبان بالشكل دي.. انت عايز أمي تبيتني بره البيت
ابتسم بهدوء وبعدين قال ـ مش هتحكيلي.؟
قلع آركان التيشرت بتاعه وفضل ب البنطلون بس نام علي السرير بالعرض وقاله ـ اسمع...........
ليونارد بصدمة ـ ي.. يعني انت تبقي آركان الصياد إبن يزن مش إيڤري
اومأ آركان بشرود
غمض ليونارد عينه بعدم تصديق من اللي سمعه
وقال ـ طب وأسيل فين.؟
آركان ـ في مكان آمن
ليونارد ـ الجهاز كلمك
اومأ آركان وقال ـ ايوه وطلبت منهم معلومات عن دايمي
ـ وصلت ل إي
آركان ـ كل اللي عرفت اوصله انه كان زعيم شبكة( lamya)
ليونارد بصدمة ـ لاميا.
اومأ آركان وقال ـ وفيه عداوة بينه وبين ابويا وعمي قصي
ـ واي هيا
ـ مش عارف لسا هكلم بابا واعرف منه الماضي..
في صباح يوم جديد
صحو الكل علي صوت صويت
خرج الجميع من غرفهم بسرعة ونزلو
يزن بصوت عالي ـ فييييي اييي
روان ببكاء ـ بنتيييي.. بنتييي اخدوها يا يزن تاليييين اتخطفت