رواية قلبه لي الفصل الثاني2بقلم عهد عامر
دخلوا الاوضة وكان انور ماسك غزل من شعرها وهى بتعيط
قرب يوسف بسرعة ومسك غزل من ابوها وشدها وراه
يوسف:فيه ايه يا عمى لكل ده؟فيه ايه؟؟
انور:فيه انى معرفتش اربى ،جيت اقولها تيجى تعتذر ل نجلاء تقولى مش هعتذر لحد ،طاب هتعتذرى ورجلك فوق رقبتك يا غزل
غزل بدموع:على جثتى انى اعتذر انا معملتش حاجة ،ابوس ايدك فوق بقا من سيطرتها قبل ما تخسرنى اكتر من كده
انور :شايف البجحة …شاايف
سارة:ايه الكلام اللى بتقوليه على ماما ده يا غزل؟دى جزاتها انها ربتك بعد امك؟
نجلاء بمسكنة:معلش يا حبيبتى خيرا تعمل شرا تلقى انا قولت مش عايزه اعتذار من حد يا انور انا هرجع ڤيلتى خلاص
انور:وانا قولت تعتذر الاول
غزل وهى بتحط الطرحة على شعرها:والله ما هيحصل مش انا اللى اعتذر من دى وعلى حاجة معملتهاش
انور:انتى لسه فيكى عين تتكلمى ؟ليكى عين تبجحى فيا اومال لو مكنتش جايبك من سرير واحد وانتى معاه كنتى عملتى ايه؟؟
على بصرامة:انور ….برة انت ومراتك
انور:انت بتطردنى يا بابا؟عشان دى؟
رقية وهى بتحضن غزل اللى كانت مصدومة من كلام ابوها:اخص عليك وعلى تربيتك ،انت اب انت؟برة مش عايزه اشوف وشك تانى بنتك اشرف واطهر واحدة فى الدنيا
يوسف بعصبية:عمى …انا ساكت من بدرى ومش عايز اتدخل عشان حضرتك عمى فى الاول وفى الاخر لكن
هتوصل انك تتهم غزل فى شرفها انا مستحيل اسمح بيه
انور:هتعمل ايه انت كمان يابن مؤمن مهى خربت
على :بس ولا كلمه من واحد فيكم ،كله يطلع برة الاوضه وزى ما قولت انت ومراتك يا انور برة البيت كله
سارة:لو ماما وبابا مشيوا يا جدى انا كمان همشى معاهم ومش هتشوف وشى تانى
على:انتى بتهددينى يا بنت انور؟ما طبيعى هستنى ايه من تربيتها؟
سارة بتبجح:على الاقل يا جدو تربيتها معملتش اللى عملته تربيتك انت وناناه
ضربها على بالقلم وقال :اول واخر مرة تغلطى فى اختك فاهمة !
سارة:بتضربنى عشان دى؟مش دى اللى خوفتوا من عارها عليكم وسفرتوها لبرة؟مش دى الى خلت اسم العيلة على كل لسان؟؟
مش دى اللى جايبينها من شقة مع واحد؟؟
يوسف بغضب:سااارة ،كلمة زيادة ووالله م هتعرفى اللى هعمله فيكى ،غزل خط احمر لو لسانك فكر بس مجرد تفكير انه يجيب سيرتها مش هتلاقى غيرى يقفلك
سارة بسخرية:لا سيرتها ولا سيرة غيرها انا ماشية من البيت ده مع مامى وانسوا ان ليكم حفيدة اسمها سارة ،يلا يا مامى
سابتهم وطلعت ووراها نجلاء وانور وكلهم قعدوا فى صمت بعد خروجهم
غزل كانت باصة فى الارض وساكته للدرجادى ابوها بيكرهها ومش شايفها؟للدرجادى هى وحشة ومحدش متقبلها عشان ابوها واختها تعمل فيها كده؟
قلبها وجعها من كل اللى حصل كانت ساكته وكل كلمة بتتعاد فى ودانها ،هى مش وحشة هى بتحب عيلتها وبتحب باباها رغم اللى بيعمله
الجد حس بيها وراح قعد جنبها على السرير وخدها فى حضنه
على:غزل يا حبيبة قلب جدك انا عارف انه صعب تتقبلى اللى حصل ،وعارف كمان انه مش هين بس انتى هتعديه زى ما عديتى حاجات كتير قبل كده صح؟
غزل بدموع:لا يا جدو مش صح..الضربة كل مرة بتبقى اقوى من اللى قبلها ،انا عملتله ايه يا جدو؟ليه كل مرة بيتفنن ازاى يكسرنى؟ليه كل مرة يدفعنى التمن على حاجة انا والله ما عملتها ؟ليه كل مرة يصمم يخلينى اكرهه ؟انا تعبت يا جدو نفسى اللى كنت فاكرة انه طويل قصر..خلاص مبقاش مستحمل كل ده .
الكل قلبه وجعه من كلام غزل ودموعها الجد شدد من حضنها وقال
الجد:لا يا حبيبتى ،انتى اقوى بنت شافتها عيونى واحنا كلنا حواليكى وبنحبك وبنتمنالك الرضا ترضى
يوسف:غزل احنا كلنا عارفين انك ملكيش ذنب فى اللى حصل ، وعارفين انك ضحية مؤامرة قذرة منها وده اللى هنثبته لعمى انور
غزل :انا مش عايزه اثبت حاجة لحد يا يوسف كفاية كده ،مش هو مصدقها وماشى وراها فى كل كلمة؟خلاص براحته بس ميجيش بعد كده ويدور على بنته عشان وقتها والله ما هيلاقيها .
كلهم سكتوا لانهم مش عايزين يضغطوا عليها بالكلام هما شايفين حالتها عامله ازاى مش عايزينها تتدهور اكتر من كده .
الجدة:طيب يا نور عينى يلا غيرى هدومك وخدى دش حلو كده وانزلى انا عملالك ورق العنب اللى بتحبيه من وقت ما على قالى انك جاية وانا بدأت اعمل فيه عشان عارفه ان حبيبتى بتحبه
ابتسمت غزل بحب:تسلم ايدك يا ناناه ،حاضر هغير هدومى واصلى وانزل وراكم
كلهم خرجوا من الاوضه ونزلوا تحت وغزل قامت خدت دوش وغيرت هدومها وصلت وفضلت تدعى ربنا انه يحنن قلب ابوها واختها عليها .
####################
نجلاء:استنى هنا يا انور قصر ايه اللى نمشى منه؟انت اتجننت؟
انور:انا مش هفضل فى مكان واحد مع البت دى يا نجلاء ،ولا هفضل فى مكان هانوا فيه مراتى.
نجلاء:يا قلبى افهمنى انت دلوقتى لو مشيت هتسيب الجمل بما حمل لاخواتك وعيالهم يرضيك تعبك فى المجموعه مع عمى على يروح ليهم؟
وكمان كل اللى مخططينه من جواز سارة ل يوسف هيتبخر فى الهوا خصوصا بعد ما غزل جات
سارة :يا مامى يوسف مش شايفنى حتى عشان يتجوزنى
نجلاء:هيشوفك …لما تنزلى وتعتذرى من غزل على اللى حصل هيشوف اد ايه انتى بنت طيبة ومش مستحملة زعل اختك ،وكمان لما تقولى لجدك انك تنزلى تتدربى فى الشركة عنده ده هيخلى بينكم وقت اطول للكلام وانه يشوفك ووقتها تتجوزوا وكل حاجة ليوسف تبقى ليكى ده غير نصيب باباكى طبعا اما نادر بقا ف ده ليه حسبة تانيه لوحده
سارة :لا يا ماما انا عايزه يوسف عشان بحبه مش عشان فلوسه
نجلاء بسخرية:عايزه تقنعينى لو يوسف كان معدوم كنتى هتبصيله؟ولا لو مكنش شاغل بال غزل كنتى هوبتى نحيته؟
سارة :هاا؟
نجلاء:يبقى تسمعى كلام امك يا حبيبتى ولو على الاعتذار يا ستى متعتذريش بس انا بقى هفهمك تعملى ايه معاه وصدقينى يوسف مش هيبقى لحد غيرك
ابتسمت سارة بتمنى وهى بتتخيل نفسها مرات يوسف النجار اللى معاه ملايين خاصة بيه واللى الكل بيعمله الف حساب
انور:سيبكم من كل ده وتعالو نجهز الشنط على اساس اننا نمشى وانا عارف هتصرف ازاى ونقعد
نجلاء :مش مستاهله كلها شوية والاكل هيتحط وهينادوا لينا انت عارف امك عندها زعل اليوم فى كفة والاكل وهى مش مجمعة ولادها واحفادها فى الكفة التانيه وانا بقى هعرف اتصرف مع غزل دى على رواقة
•••••••••••••••••••••••••
تحت
الجد قاعد جنب يوسف وكلمه بهمس
الجد:شوفت بعينك اللى حصل ومن اول كام ساعة غزل وصلت فيهم اومال هيحصل ايه بعد كده؟
يوسف:يا جدى والله بفكر ارجوك متضغطش عليا عشان مكرههاش سيبنى لغايه مانا من نفسى هاجى واقولك انا بحب غزل وعايزها
الجد:وانا لسه هستنى انك تحبها ؟
يوسف:يا جدى انا…
قاطع كلامه الجد وقاله:قدامك يومين يا يوسف وتتقدم لغزل
قاطع كلامهم غزل وهى بتنزل تحت وكانت لابسة دريس بيبى بلو وحجاب بينك وقعدت معاهم على السفرة قصاد يوسف اللى مقدرش يمنع عينه من انها تتأمل جمال غزل الهادى والحجاب اللى زادها جمال فوق جمالها ،لكن اخد باله كمان من دبلان وشها وشحوبه ووجعها اللى بتحاول بكل الطرق تداريه
فاق من شروده على جدته وهى بتقدملها الاكل
على نادى على الخادمة وطلب منها تطلع تنادى انور ومراته وعياله من فوق
الجد:اهو نعبرهم بدل ما ابنك يقول مصدقوا
ريناد بهمس ل غزل:حتى يبقى العشاء الاخير ليهم فى الليلة دى
وضحكوا هما الاتنين فى صمت
نزل نادر جرى من فوق وهو بينادى على غزل
نادر:غزل …غزل انتى هنا مش معقول
وقفت غزل وحضنته ونادر بادلها الحضن لدرجة انه رفعها ولف بيها ونزلها
نادر:ايه يا بت الحلاوة دى؟ومقولتيش ليه انك جاية؟
غزل:حبيت اعملها مفاجأة ليكم يا حبيبى
نادر بحب:احلى مفاجأة فى الدنيا كلها بجد
الجد:طيب يابو لسانين انت اقعد كل يلا خلى اختك تاكل
ضحكوا على كلام الجد وكل واحد قعد مكانه ،شوية ونزل انور ومراته وسارة
رقية بصرامة:بعد الاكل اعملوا اللى عايزينه ودلوقتى كل واحد يقعد مكانه على السفرة
وفعلا الكل نفذ رغبتها وقعدوا ياكلوا ف صمت تام مخليش من دلع الجد والجدة ل غزل وده اللى خلى سارة وامها يشيطوا اكتر
رقية:كلى يا حبيبتى دانتى هفتانة اوى مكنتيش بتاكلى ولا ايه ؟ازعل منك
غزل بتوتر:ل..لا يا ناناه كنت باكل بس الاكل تقيل على معدتى
الجدة:كلى بس وهى هتوسع
وفضلت تأكل غزل بكميات كبيرة والكل بيضحك على منظر غزل وهى مش عارفه تخرج من اد ستها.
نجلاء بهمس لسارة:عشان لما اقولك انهم مش بيحبوا حد أد غزل ،تصدقينى .
بصت سارة على غزل بحقد انها واخدة كل حاجة .
نادر بهمس لريناد:هو الجو مكهرب ليه؟
ربناد :دى حصلت بلاوى وانت نايم
وحكتله كل حاجة حصلت ونادر اتضايق من موقف ابوه وامه مع اخته
غزل: احم …جدو بعد اذن حضرتك كنت عايزاك فى موضوع مهم حضرتك وأبيه يوسف وبابا مؤمن
انور الكلمة وجعته انها لغايه دلوقتى بتنادى اخوه ب بابا ولكن نفض كل ده وانها متستاهلش انه يبقى ابوها .
الجد:وانا تحت امرك يا حبيبتى ،بس خير ؟
غزل:خير ان شاء الله يا جدو
نجلاء بسخرية:يمكن جايبه عريس يعرف يدارى على عارها يا عمى انا لو منك هوافق هوا .
الكل بص ل نجلاء بغضب والمرادى اللى ردت كانت اسماء مرات مؤمن
اسماء:يدارى على اي يا حبيبتى؟عارها؟غزل دى اشرف بنت فى الدنيا كلها كفاية انها تربية المرحومة حنان وتربيتى بعدها ،وبعدين ياريت تكون جايبة عريس على الاقل يعرف يصونها ويعمل اللى ابوها معرفش يعمله ،غزل يا حبيبة ماما كملى اكلك يا روحى وقولى اللى عايزه تقوليه ومحدش يشغلك فيه ناس كدا يا روحى بتبقى على راسها بطحة كل ما حد يجيب سيرة بتحسس عليها وتقول أى
الكل ضحك فى صمت على رد اسماء اللى خلى وش نجلاء يجيب الوان .
يوسف:طيب يا غزل ينفع الموضوع بليل انا ورايا شغل كتير فى الشركة والله
غزل:براحتك يا ابيه خلاص حضرتك خلص شغلك والوقت اللى تبقى متاح فيه نتكلم
مؤمن:بت انتى انا فضولى قاتلنى ادينى نبذة عن الموضوع
ضحكت غزل وقالت:من عنيا يا مينو بس كده
بصوا بقا انا يا جدو ان شاء الله ناوية استقر فى مصر وعايزه افتح شركة هنا ليا انا تبقى خاصة بتنظيم الافراح والديكورات ده بعد اذن حضرتك طبعا ،وكمان عايزة….اه ..اااااااااااااه
قبل ما غزل تكمل كلامها كانت صرخت من وجع بطنها صرخة خلت الكل جرى عليها بخضة
مسكها يوسف من ايدها
يوسف:غزل…مالك فيه ايه ؟
غزل :ب بطنى يا يوسف
ووقعت اغمى عليها بين ايديه