رواية زواج من اجل الثار الفصل الثاني2والاخيربقلم هويدا زغلول

سالم مسك ايديها وخليها تلف حوالين نفسها وبعدين قال 

سالم 

قميص اسود وبشرتك لونها ابيض ميكس الشاي بلبن ده انا بحبه ليله ليلتين سنه بس مش اكتر من كده انا مستحيل كنت هتجوزك انا كنت عايزك في السرير وبس لكن كزوجه انت مش مناسباني انا عايز واحده معاها فلوس دعوه تعوضني عن الخساره اللي انا خسرتها 

كارما بصدمه 

سالم انت  اكيد بتقول اي كلام وخلاص الكلام ده مش حقيقي انا عارفه انك بتحبني والكلام ده مش حقيقي 

سالم 

هههههههههههه طول عمرك عبيطه عمرك ما هتقدري تكوني ذكيه هو انتي فاكره أن سالم اللي مقطع السمكه وديلها ممكن يتجوزك انتي هههههههههههه 

كارما زقته وضربته بالقلم على وشه وقالت 

كارما 

اه يا كلب يا واطى بقا بقا كنت بتلعب بيا الفتره دى كلها وانا اللى سلمتك قلبي طلعت عاوزنى لمزاجك اطلع بدل ما اصوت وألم عليك كل اللى فى البيت وهقول بيتهجم عليا 

سالم كان هيقرب منها بس سمع صوت مازن بص على كارما وبمكر قال 

سالم 

مسيرك يا ملوخيه تيجي تحت المخرطه وساعتها مفيش حد هيمنعنى عنك اصل انا لازم ادوق اول واحد بقى من اخر واحد مش هتفرق باي باي يا قطه هنتقابل كثير 

ونزل من الشباك بسرعه قبل ما مازن يشوفه 

وكارما قعدت على الأرض وبانهيار قالت 

كارما 

انا ازاى كنت غبيه كدا ازاى مش لاحظت أنه بيلعب بيا 

وبدات تفتكر كل المرات اللي اتجمعت فيها مع سالم وكان بيحاول يلمسها بس هي كانت غبيه 

في الوقت ده مازن دخل وشافها على الارض ولسه هيتكلم اتصدم لما لاقاها جريت عليه حضنته وقالت 

كارما 

ممكن تاجل اسئلتك لبعدين انا محتاجه اطمن انا حاسه ان انا بغرق انا مش عارفه ليه الدنيا كلها جايه عليا 

مازن حاول يبعدها عنه وبعدين هي قالت ليه 

كارما 

ارجوك انا مش عايزه احس  غير بالأمان وبس ارجوك خليك جنبي انا محتاجلك 

مازن  فضل وخدها في حضنه جامد. بعدين شالها وحطها على السرير ونام وخدها فى حضنه وبهمس قال 

مازن 

نامى يا كارما وخلي ليلتك تعدى عشان انا مش مسؤول عن اى حاجه هتحصل بلبسك دا ولما الاقيها مش ردت عليه عرف انها نامت وسرح فى إلى حصل معاه فى الشركه  الصبح 

            فلااااش بااااك 

مازن كان فى المكتب بيراجع ملف الصفقه اتصدم لما سمع صوته بيقول 

كريم 

ابوك الله يرحمه كان زيك بالظبط بيحب يراجع ملف الصفقات بنفسه لانه مش كان بيثق في حد 

مازن 

انت ليك عين  تيجي هنا بعد ما قتلت اخويا فضلت هربان بره مصر مش عيب يا متر يا اللي عارف القانون تستخدمه علشان تغطي على جريمتك 

كريم 

اعتقد اني لسه الحكم قيد التنفيذ ما سقطش عني ولو انا فعلا استخدمت القانون علشان اغطي بنتي زي ما انت بتقول مكنتش هقف قدامك دلوقتي 

مازن 

جاى ليه وفى ايه بنتك روحها بقت في ايدي وكل اللي عملته في اخويا هيترد في بنتك 

كريم طلع اللابتوب اللى معاه وحطه قدام مازن وقال 

كريم 

طب شوف الفيديو دا كدا الاول وبعدين احكم ابوك عمره ما كان ظالم فأكيد انت زيه وفتح الفيديو واللى كان مسجل خناقة سالم مع مؤمن 

مازن اتصدم من الفيديو وبتوهان قال 

مازن

طب ازاي والكاميرات المكتب جايباك انت لما خرجت من مكتب مؤمن وبعدها في ثواني كان مؤمن مقتول 

كريم قفل اللاب توب وقال 

كريم 

كنت فاكرك أذكي من كده يا مازن سهل قوي انه يتلاعب في التسجيل الكاميرات وسهل جدا انه يتلعب في الفيديوهات ويتقص منها اجزاء هو انت عايش في العصر الحجري 

مازن 

ليه مش وريتني الفيديو دا من بدري ليه دلوقتي انت مش عارف انا عملت ايه في بنتك 

كريم

اللاب توب بتاع مؤمن الله يرحمه كان محتاج صيانه ده غير ان سالم واخويا المحترم كانوا ملبسيني قضايا تانيه غير قضيه اخوك ده سبب هروبي وطلع من شنطته ملف وقال ده ملف الصفقه اللي كان سبب الخلاف بين سالم ومؤمن كل حاجه بتواريخها كده انا اثبتت براءتي 

مازن 

طب الفيديو ده وصلك ازاي ده كاميرات الشركه كلها بالمكتب جابتك انت بس مجبتش سالم 

كريم 

ده من رحمه ربنا بيا ان مؤمن ضغط على زرار تسجيل الكاميرا بالغلط واعتقد ان سالم من كتر ما هو كان شارب ما خدش باله ان كاميرا اللاب توب بتسجل 

مازن 

يعنى دى  كانت لعبه زباله من سالم يا ما حذرت مؤمن بينا بس هو كان غاسل دماغه ان انا غيران منهم عشان هما ماسكين الشركه  

كريم بصله بعتاب وقال 

انا مقدر ان ممكن تكون تسجيل كاميرات المكتب خدعتك وان انت كنت متضايق عشان خاطر اخوك اتاخد غدر بس كارما ملهاش ذنب يا مازن صح ولا ايه يعنى اللعبه دى كلها محدش اتظلم غيري انا وبنتى 

مازن 

عمي انت بتعاتبني فى ايه انا واحد راجع من امريكا على خبر موت اخويا وتسجيل الكاميرات جايبك انت المفروض اتصرف ازاى قولى

كريم 

طب دلوقتي كل الحقيقه وضحت قدامك وريني هتصلح اللي اتكسر ازاي واولهم بنتى يا مازن

مازن 

طيب انا عايزك تهدي عليا لحد ما اقدر اجيب حق اخويا 

واوعدك أن بنتك مش هيحصلها حاجه غير ان اصلا بنتك في بيتي في الحفظ والصون ومحدش لمس

شعرها منها انا كنت اخدتها بس علشان اقدر ارجعك مش اكتر من كده 

كريم 

والله اتمني كده انك تطلع كارما من اي حسابات بنتي غلبانه اوي وملهاش في اي مشاكل خلاص 

 وبعدها سابه ومشي 

                 بااااك 

مازن  رجع من التفكير اللي كان بيفكر فيه وبعدها بص علي كارما اللي كانت نايمه وبعدها باسها  من خدها وبهمس قال 

مازن 

انا اسف حقك على قلبي يا كارما اوعدك انى هعوضك عن كل حاجه 

وتانى يوم كارما صحيت بتبص جنبها ملقتش حد وقالت 

كارما 

هو انا كنت بحلم بمازن ولا ايه انا فاكره أنه شالنى ونيمنى فى حضنه معقول يكون قرفان منى عشان كدا قام بسرعه 

مازن من وراها قال

مازن 

نفسي نبطل تحليل من دماغنا وندى نفسنا فرصه نفكر بدل التخيلات العظيمه بتاعتك دى وحط الصينيه على الترابيزه وقال جبتلك فطار  

كارما 

فطار ليا انا هو انت سخن ولا ايه دا انت مش طايقنى وشايفنى بنت الراجل اللى قتل أخوك ولا تكون حاطط سم في الاكل وعايز تخلص منى 

مازن 

هو انت بتتفرجي على افلام كتير الأوفر دا خلصي هنفطر عشان عندى مشوار وهاخدك معايا 

وكارما قامت من على السرير ووقفت قدامه ومره واحده قرصته جامد وقالت 

كارما 

دا بجد انا مش بحلم جايبلي فطار لحد السرير وبسخريه قالت أوعى يكون حماتى اللى عملته أصل أنا وهيا بنموت فى دباديب بعض 

مازن قرب منها وهمس جنب ودانها وقال 

مازن 

لا مش حماتك جوزك حبيبك اللى عمله اعتبري اننا هنبدا صفحه من اول وجديد ودا عربون محبة ناقص تدفعي ضريبة المحبه 

كارما قلبها دق من قربه وبتوتر قالت 

كارما 

طب خدلك ساتر كدا انت لازق كدا ليه وبعدين مين قالك انى عاوزه افطر انا مش جعانه 

مازن باسها من خدها وبمكر قال 

مازن 

دماغك راحت فين أنا كنت هاخد بوسه بريئه بس هو انا خيبت ظنك ولا ايه لو المشوار دا مش مهم مكنتش خرجتك برا الاوضه دى لاسبوع قدام 

كارما 

هو انت حد لعب فى الاعدادات عندك ولا ايه كل دا عشان نمت فى حضنك 

مازن 

شوفتى حضن برئ منك عمل فيا ايه وبمكر قال اوعدك انك هتدمنيني بس ننضف القذاره اللى حوالينا الاول وقرب منها وبمكر همس بحبك يا كوكى وسابها ودخل يلبس

كارما حطت ايديها على قلبها وقالت 

دا محدش لعب فى الاعدادات دا حد عمله سوفت وير والله

 وبتوتر قالت

كارما 

 أقوله على اللى سالم عمله معايا امبارح ولا بلاش أبوظ اللحظه وبصت على الفطار وبذهول قالت دا مقطع الخيار على شكل قلب والله هيجننى معاه 

فى الاوضه عند سالم كان نايم دخل عليه عزيز وغرقه ميه وبعصبيه قال 

عزيز 

قوم ياض يابن الجذمه أنت يعنى انا جوزتها وخلصت منها وانت رايح لها اوضه نومها وسكران اعمل فيك ايه هو دي كل ما حبل المشنقه يبعد عن رقبتك 

سالم قام مخضوض وقال

سالم 

في ايه بس يا بابا هو في حد بيصحي حد بالطريقه دي وحط ايده على راسه وقال بس قهوه واشوف حاجه للصداع وأفوق وبعد كده هراضيك والله بس سيبني ساعه بس أفوق

عزيز ضربه بالقلم على وشه وبغيظ قال 

عزيز

اللي وداك عند كارما امبارح وانت سكران هي بقت مرات مازن ما بقتش بنت عمك اللعبه اللي كنت بتلعب بيها

سالم 

عملت ايه انا كل ده في ايه يا بابا مالك وبدا يفتكر الكلام اللي قاله وحط ايده على راسه وبهمس قال  يا نهار اسود ده انا عكيتها خالص لما كل الدراما دي علشان روحتلها البيت ودخلت اوضه نومها امال لو عرف اللى  انا قولته هيعمل ايه هيدفني صاحي

عزيز

خمس دقائق تكون لابس ونازلى مازن اتصل بيا بدري وقال لي هو جاي مع كارما اما أشوف هببت ايه لما روحت هناك والله يا سالم لو لعبت بديلك وعملت حاجه لأكون اول واحد بايعك وسابه ومشي

سالم شد على شعره بغيظ وقال 

سالم 

يادى كارما اللى طلعالى فى البخت هى وسي مازن بتاعها وحط ايده تحت المخده وطلع المسدس بتاعه وبغل قال لو اطول أخلص عليكي كنت عملتها من بدرى بس مش مشكله هصلح غلطى 

وعزيز كان قاعد في الصالون مع مازن وكارما اللى همست لمازن وقالت 

كارما 

ده انت لو وديتني مشوار المقابر ورجعنا كان هيبقى بالنسبه لي فسحه احسن من هنا لو كنت اعرف ان احنا جايين على هنا ما كنتش قبلت ان انا امشي معاك

مازن قرب منها وهمس جنب ودانها وقال 

مازن 

اكيد  عمك عزيز  وبعدين في ضيف عزيز على قلبك هتشوفيه كمان شويه وبمكر قال اوعدك ان حضن امبارح هيتكرر  وبكامل ارادتك لما تشوفي المفاجاه اللي انا عملتهالك انا عايزه اقول لك ان اي حاجه انت اتظلمتي فيها قبل كده من النهارده وطالع حقك هيجيلك  تالت ومتلت

عزيز بغل قال

هتفضلوا تتهامسوا كده كثير وبمكر قال ايه يا مازن هو انت حنيت ولا ايه ما تنساش ان هي بنت الراجل اللي قتل اخوك اتجوز ده بس عشان ندفن الدم اللي بينا

مازن بصله ببرود وقال 

معلش بقى يا عمي عرسان جداد ما لحقناش وبعدين المفروض تفرح ببنت اخوك مش كل شويه تقعد تفكرنا بالدم وبعدين انا ما بقتش عايز اي مشاكل في الدنيا دي كل اللي انا عايزه اني اعيش مع مراتي بسلام وامان

سالم من وراه قال 

سالم 

بابا مش يقصد يا مازن هو بس كل اللي يقصده ان انت وكارما مكنتوش تعرفوا بعض قبل الجواز وبمكر قال ولا انتو كنتو على تواصل مع بعض وبتستغفلونا كلنا

وفي الوقت ده مازن بص على سالم بغضب وقال لي بصوت عالي

مازن 

كلمه كمان على مراتى وشوف هعمل ايه وبمكر قال

في شركه اسمها الصاوي لتصنيع المواد الغذائيه عايزه تتعاقد معايا عشان تصنع علب عصير وتنزلها السوق ايه رايك يا سالم اصلهم هناك عارفينك وبيشكروا فيك قوي

سالم اتفاجئ برد مازن وقال

سالم 

طبيعي يكونوا عارفيني ما انا كنت وحش السوق لما انت كنت في امريكا لسه بتذاكر 

ومازن طلع الموبايل بتاعه وفتح الفيديو اللى كريم وراهوله  قبل كده وقال 

مازن 

بجد طب اسمع كده ده فيلم رعب مكون من دقيقتين هيعجبك قوي اتفرج يا عم عزيز شوف إبنك وهو بيقتل اخويا 

عزيز اتفاجأ بال فيديو وبتوتر قال

عزيز

 الفيديو ده اكيد متركب مش حقيقي كريمه ولا ده اخوك مش ابني اومال هو هربان ليه بقاله فتره 

كريم من وراه قال

كريم 

مين قال ان انا كنت هربان علشان قتل مؤمن انا كنت هربان علشان صفقه المخدرات اللي انت كنت عايز تلبسها لي بتنظف قذارة ابنك على حسابي يا عزيز

عزيز بذهول قال 

عزيز 

هو انت مش كنت مسافر رجعت امتى وازاي الفيديو ده وصل لايدك وبغل قال ده انا لعبت في السيستم بتاع الكاميرات وتعبت في الفيديو وصرفت كثير علشان تطلع انت القاتل تيجي انت في لحظه تبوظ كل اللي انا عملته 

سالم استغل ان الكل متوتر وطلع المسدس وحطه في وش مازن وقال 

سالم 

انت هتقرفنا ليه مش مؤمن وحشك ما تروحله انا يستحيل اروح السجن او حتى اتعدم فانت تروحله اسهل للكل 

كارما 

انت واحد ما عندكش دم ضحكت عليا ولعبت بمشاعري وطلعت بابا قاتل وطلعت انت راس الحيه انا قرفانه من نفسي عشان في يوم من الايام كنت بحب واحد زيك 

سالم 

ما تخافيش دورك جايه يا بنت عمي الا بصحيح يا مازن القميص الاسود الدانتيل اللي مراتك كانت لابسه امبارح بالليل خلى ليلتكم صباحي ولا لا اصل بصراحه كان ولا يا ولا 

مازن

اه يا كلب يا حيوان دخلت اوضه نوم مراتي والله ما هسيبك يا سالم وبص على كارما وقال هو ده اللي انت كنتي بتحبيه وبتعترفي لي بحبك ليه ليله دخلتنا 

كارما

كنت مغفله ما كنتش اعرف ان هو شيطان وامبارح لما دخل الاوضه انا اتفاجئت بيه لكن والله مش حصل حاجه بينا 

سالم 

معلش يعني هو انا ممكن يجي ليا الجراه اني ادخل اوضه نومك الا لو مراتك المحترمه عارفه بالموضوع ده 

مازن 

اخرس يا حيوانه انا مش عايزه اسمع صوتك خالص 

سالم 

هو ليه الموضوع بيزعل قوي كده ما هي كانت متعوده هنا على كده وهي اللي كلمتني علشان خاطر اروح لها ما هي اصلا ما كانتش بتحبك يا مازن ولا كانت عايزاك 

كارما مسكت ايدو وبعدها قالت 

كارما 

والله العظيم كداب الكلام اللي هو بيقول عليه ده ما حصلش خالص انا صحيح ما كنتش قريبه منك يا مازن بس عمري ما اعمل اي حاجه تغضب ربنا 

سالم 

هي مراتك شايفاك عبيط قوي كده علشان تصدق الكلام اللي انت بتقول عليه ده 

وبعدها بص مازن ل كارما وبعدها فال ليها 

مازن 

علشان كده كنت بتعيطي وانا اللي قولت ان انت عاوزه تبداي معايا صفحه جديده طلعتي خاينه زيك زيه بالظبط 

كريم 

تاني يا مازن هتتخدع فيه وتصدق كلامه انت ليه مش مصدق ان دي لعبه منه علشان ينقذ نفسه بس انا مربي بنتي كويس وعارف هي على ايه 

عزيز بمكر قال 

تفتكر يا مازن مراتك لسه بنت بنوت ولا كانت بتلعب بديلها ولبست انت فيها 

كارما 

بس بقا انتو ايه كفايه تنهشو فى لحمى انتو معندكوش دم وبصت على مازن وقالت كلامهم ده لو انت مصدقه ارمي عليا يمين الطلاق حالا انا مستحيل اعيش مع واحد مش واثق فيا اعتقد كده الامور وضحت واللعبه اتكشفت لا انا ولا ابويا  لينا دعوه بموت اخوك

سالم 

بس نسيتى اهم جزء في اللعبه يا بنت عمي في كل القصص الشرير هو اللي بيخسر  بس المره دي اتشاهد على روحك يا مازن وابقى سلملي على مؤمن وضرب طلقه قاصد انها تيجي في قلبه بس كارما في ثواني كانت زقت مازن و الرصاصه جت فى قلبها هي وقعت على الأرض 

كريم جري عليها وبخوف قال 

كريم 

بنتى لا الحقني يا مازن بنتي دى  بتنزف 

مازن بص على سالم اللي حاول يهرب هو وعزيز بس الشرطه كانت موجوده من البدايه لان مازن كان مسلمهم نسخه من الفيديو واتقبض عليهم 

كارما بهمس قالت 

انا مش خاينه انا مش وحشه انا كنت مجرد جندى في لعبه الشطرنج كان بيتلعب بيا بابا سابني وهو كان عارف ان اخوه مش رحيم بيا وانت جيت كملت عليا انا مش عايزه اعيش الدنيا دي ظالمه واغمى عليها 

مازن دموعه نزلت غصب عنه وبوجع قال 

مازن 

لا لا انت مش هتسيبيني بعد ما انا حبيتك انت النفس اللي انا بتنفسي يا كارما اديني فرصه وانا هعوضك 

وخدها وطلع يجري على المستشفى 

في المستشفى كريم كان قاعد على الارض وباصص لاوضه العمليات اللي كارما فيها وبوجع قال 

كريم 

انا مش هسامح نفسي لو بنتي جرى لها حاجه انا السبب في كل اللي هي فيه كارما عامله زي الورده والكل اهملها ودبلت مش هنسى نظرتها ليا كانها كانت بتعاتبني 

مازن

كلنا غلطنا في حق كرم والوحيده اللي شربت من الكاس هي كارما تطلع بالسلامه بس وانا هعوضها 

في الوقت ده خرج الدكتور وقال 

الدكتور 

للاسف الرصاصه كانت قريبه جدا من القلب والمريضه دخلت في غيبوبه ومحتاجه معجزه علشان تعيش لان جسمها رافض كل الادويه كانها مش متمسكه بالحياه وسابهم ومشي 

كريم دخل الاوضه شاف كارما وهي متوصله بالاجهزه ووشها باهت وبدموع قال 

كريم 

طب قولي لي طيب كنت اعمل ايه لو كنت فضلت كنت هتعدم يا كارما في قضيه انا مليش ذنب فيها عارف ان انا اهملتك وقصرت معاكي بس اديني فرصه 

مازن مش استحمل يشوف منظرها وهي ميته بالطريقه دي ساب المستشفى ومشي 

عدت سنه على الاحداث دي وسالم وعزيز اتعدمو ومازن يومياً يزور كارما ويحط ورد جنبها 

وفي يوم مازن كان قاعد مع كارما في الاوضه اللي مليانه ورد وماسك ايديها وبسها وقال 

مازن

تعبتيني يا كارما ارحمي قلبي العاشق اللي هيموت عليكى وبدموع قال والله بحبك وعرفت قيمتك وعمرى ما شكيت فيكي انا اتضايقت ان سالم دخل اوضه نومك وشافك بالهدوم دى طب ليه مش قولتى 

طب هو خلاص اتحاسب على جرايمه عقابك ليا كبير فوقى بقا 

فى الوقت دا دخل كريم اللي بان عليه الهم وبدموع قال 

البيت مضلم من غيرك يا كارما وقرب منها وباس راسها

كارما بدأت تفتح عينيها وبهمس قالت 

كارما

بابا اوعدنى مش تسيبني تانى 

كريم حضنها بسرعه وبحب قال 

كريم 

بموتي والله عمري ما هسيبك غير بموتي 

مازن بغيظ قال 

جرى ايه يا عمي ما تاخد لك ساتر شويه وبص على كارما وقال يعني انا قالب لك الاوضه جنينه ورد وصاحيه بعد سنه غيبوبه تقولي بابا اوعى تسيبني ده انا سبت الشركه وسبت حياتي كلها ورقدت جنبك 

كارما بصتله بغيظ وقالت 

هي دي حمد لله على السلامه بتاعتك وبعدين بتعايرني بايه ما انا خدت رصاصه مكانك وان كان على الورد اللي انت محموق عليه قوي كده فهو دبل 

مازن بص على كريم اللى ضحك وقال 

مازن 

انا كده اطمنت على بنتي صالح مراتك بقى ها هفضيلك المكان عشان تعرف بس ان حماك عايز مصلحتك وقرب من مازن وبهمس قال كارما بتحبك بالحنيه هتلين وسابهم وطلع 

مازن قرب من كارما وباسها من خدها وبحب قال 

وحشتيني اوي انت مش متخيله قلبي عامل ازاي لما فتحتي عينيكي وسمعت صوتك في مزيكه حسب الله شغاله جوه 

كارما اتوترت من قربه وقالت 

ابعد شويه لو سمحت كده عيب حد يدخل علينا 

مازن

العيب في الجيب والجيب مخروم قال ابعد قال يا شيخه ده انا خللت جنبك ومسك ودانها وبغيظ قال الدكتور قال لي ان لما الواحد بيكون في غيبوبه بيكون حاسس باللي حواليه وسامعهم وانت اكيد شايفه المجهود اللي انا عملته واول ما تصحي تقولي بابا طب وانا 

كارما شدته عليها وباسته من خده وقالت 

كارما 

انت اللي في الحته الشمال حتى لو قلت بابا فانت حبيبي وبمكر قالت مش عايز تقرب وتدوق كان مجرد حضن بريء وجبت لي الفطار على السرير عندي فضول اعرف لو تماديت اكتر من كده هتعمل ايه 

مازن بصلها بذهول وقال 

هو انت كنت في غيبوبه ولا كنت بتاخدي دروس تقويه طب حبايه الشجاعه اللي انت واخداها دي يا ريت مفعولها هيفضل شغال لما نروح الفيلا لوحدنا 

كارما 

فيلا احنا بجد هنعيش لوحدنا ولا انت بتقول كده بس عشان تراضيني 

مازن شالها وطلع بيها من المستشفي وقال 

مازن 

لو طول اعيش معاكي جوه علبه كبريت ويتقفل علينا وما حدش يضايقنا العمر كله عايز اشبع منك يا كارما حاسس ان الأكسجين خلص لما كنت في غيبوبه وراجع لما فوقتي 

بعد شويه وصلوا الفيلا وطلع بيها على الاوضه ونزلها على الباب وبمكر قال 

مازن 

خشي برجلك اليمين يا عروسه من النهارده هنفتح صفحه جديده ما بقاش في دم ما بقاش في عداوه كلها حب وبس 

كارما دخلت الاوضه واتصدمت لما لقيتها كلها ورد وبلالين وبذهول قالت 

كارما

كل ده عشاني انت بتحبني بجد يا مازن ولا ده تأنيب ضمير بتحاول تكفر عن اخطائك معايا 

مازن شالها وحطها على السرير وقرب منها وبهمس قال

مازن 

لو تكفير اخطاء زي ما انت بتقولي ما كنتش صبرت سنه لحد ما فوقتي القلب مش عليه سلطان ولما يحب بجد مستحيل يتسمى الحب ده تكفير اخطاء او تانيب ضمير طب قولي لي اثبت لك ازاي ان انا بحبك 

كارما حطت ايديها حوالين رقبته وبحب قالت 

كارما 

عاوزاك تفضل جنبي انا فضلت كتير قوي مهمشه انا زي الارض اللي محتاجه ميه كتير علشان ترجع للحياه وتطلع ورد عاوزه انا وانت نبقى كيان واحد روح واحده في جسمين عاوزاك تعلمني الحب بطريقتك 

مازن باسها وسند راسه على راسها وبهمس قال

مازن 

اه يا كارما لو تعرفي حبك عامل ايه جوايا وبمكر قال حمايا عايش لوحده دلوقتي وعايز حد يونسه المفروض يلعب مع احفاده دلوقتي واحنا تاخرنا بس انا بحب العب في الوقت اللي بدل ضايع 

كارما

استنى بس يا مجنون ده مكنش قصدي انا لسه طالعه من غيبوبه وفاقده الشغف 

مازن 

وانا اللي هرجعلك الشغف يا قلبي عاوز الحق اعيشلي يومين بدل ما يطلع حد ويطربق علينا حياتنا اصل انا عارف ان انا مرزق وبمكر قال هو انا قلت لك ان انا بحبك 

كارما 

لا ولا عمرى سمعتها سمعتها منك شوفت انت قاسي ازاى 

مازن 

اخص عليا ده انا غلطت غلطه كبيره قوي ولازم اصلحها حالا وقرب منها وهمس جنب ودانها وقال على الرغم من ان العالم ده كله مساحته واسعه بس حبك اكبر من كل ده انت علمتيني الحب يا كارما مش انا اللي هعلمك من اللحظه دي حياتنا هتبقى كلها حب وبس خلاص كل الكره اتدفن ومش هيرجع تاني 

                            تمت