رواية فارس الفصل الثاني2بقلم جني عمرو
{الفصل الثاني، لعبة الكبار}
دينا تنزل من العربيه وتروح للظابط
دينا : ابني فين يا حضرت الظابط
الظابط : ابنك عليه حكم يا أستاذه
دينا : ايه؟!! حكم ايه ده
الظابط : ابنك كاتب علي نفسه وصولات امانه
دينا : ايههه😨😨
داليا : طب هو راح قسم ايه طيب
الظابط : ف قسم شرطة العجوزه
داليا تشد دينا : طب يلا يلا يا دينا هنروح علطول.. سلمي خدي عربية فارس وديها عند البيت وخدي مريم وفجر معاكي روحيهم وهبقا اكلمك
سلمي : حاضر ماشي… يلا يمريم انتي وفجر
مريم : لا أنا عايزه اروح معاكو
فجر : وانا عايزه اطمن علي اخويا مش هروح
دينا بزعيق : يلا يلا انتي وهي ع البيييييتت
داليا : اهدي يا دينا اهدي يلا يا سلمي خديهم بسرعه
سلمي : حاضر
تشدهم وتروح العربيه ويتحركو
عند داليا
داليا : اتصلي علي المحامي محمود البحيري بسرعه خليه يجيلنا علي قسم العجوزه
هاجر : حاضر حاضر هرن اهو
تنسك التليفون وأيدها بتترعش جامد
هاجر : الو
محمود : السلام عليكم
هاجر : وعليكم السلام، معلش هو حضرتك ممكن تجيلنا علي قسم العجوزه بسرعه بس والنبي
محمود : طيب حاضر حاضر مسافة السكه اهو
هاجر : ماشي شكراً جداً.. مع السلامه، جي اهو يا ماما
يوصلوا القسم
هاجر : لو سمحت في واحد ليه جي دلوقتي اسمه فارس الشاذلي هو فين
العسكري : مفيش مواعيد زياره دلوقتي الزياره بكره الساعه 9 الصبح
هاجر : أنا عايزه أشوفه وهمشي علطول
العسكري : قولتلك مفيش زيارات دلوقتي تعالي بكره وهدخلك تشوفيه
هاجر : اوففف، طيب
تمشي وتطلع ل داليا ودينا
دينا : ها يبنتي رضي يدخلك
هاجر : لا قالي الزياره بكره الساعه 9 الصبح قولتله هدخل واطلع علطول قالي لا برضو
داليا : طب رني تاني علي المحامي يمكن هو يعرف يدخلنا حتى لو خمس دقايق
هاجر ترن
محمود : الو أنا وصلت عند القسم اهو
هاجر : اه اه شوفت حضرتك اهو
تقفل المكالمه
داليا : والنبي يا استاذ محمود فارس ابن دينا جوه وعايزين ندخله العسكري بيقول بكره عشان دلوقتي مفيش زيارات ممكن تتصرف؟؟؟؟
محمود : عنيا حاضر
يدخل محمود يحاول مع العسكري وميرضاش
محمود : أنا حاولت والله بس هو مش راضي قالي نفس الكلام ف احنا ممكن نروح البيت والصباح رباح ونيجي علي رواق وندخله ونشوف الموضوع هيمشي ازاي… هو اتحبس ليه؟؟
داليا : الظابط بيقول انه كاتب علي نفسه وصولات امانه
محمود : بكام طيب؟
داليا : محدش قال ما ده هنعرفه لما ندخل بكره الزياره بقا
محمود : ماشي تعالو اوصلكم طيب
داليا : شكراً جداً يا استاذ محمود كفايه تعبنا حضرتك
محمود : لا تعب ولا حاجه والله ده انتو زي ولادي، هتوكل أنا علي الله وبكره هقابلكم هنا علي الساعه 8 ونص وندخل سوا
داليا : تمام ماشي تسلم
يمشي محمود
داليا : يلا يا دينا هروحك وبكره هعدي عليكي اخدك ونيجي علي هنا تاني
دينا : لالا أنا مش همشي من هنا غير لما اشوف ابني
داليا : يا دينا قعدتك هنا ما منهاش فايده يلا نروح البيت بس وهنيجي بكره والله
دينا بعياط : عايزه ابني يا داليا😭
داليا تحضنها : حقك عليا أنا والله بس هتيجي بكره تاني وهعملك اللي انتي عيزاه…. يلا قومي معايا يلا
تقوم دينا ويمشو يروحوا البيت
هاجر مسنده دينا : علي مهلك يحبيبتي علي مهلك
يطلعوا الشقه وتفتحلهم سلمي
سلمي : برن بقالي كتير مش بتردو ليه يا ماما قلقت عليكو
داليا : معلش يحبيبتي مشوفتش التليفون والله
مريم : فارس فين يا داليا؟؟؟؟
داليا : والله يبنتي روحنا القسم قالو بكره الزياره ف هنروح بكره نشوفه ونفهم ايه اللي حصل عشان ياخدوه
مريم : طب ينفع اجي معاكو طيب؟؟؟؟
داليا : والله يبنتي مشوار صعب ورخم وهتتعبي اصلاً ف خليكي هنا مرتاحه واحنا لما نرجع بكره هنحكيلك كللللل حاجه حصلت من اول ما دخلنا القسم لحد ما جينا البيت
مريم : طيب ماشي بس والنبي خلو بالكو علي نفسكو كويس اوي
داليا : حاضر يا قلبي…. انتي كويسه يا دينا؟؟؟؟
دينا : الحمدلله يا داليا شكراً والله انك جبتيني لحد البيت
داليا : متقوليش كده يا دينا ده انتي اختي….. هسيبك ترتاحي وهمشي أنا والبنات وبكره الصبح هعدي عليكي
دينا : ماشي خلي بالك علي نفسك وعلي البنات
داليا : حاضر يحبيبتي يلا باي
تمشي داليا والبنات ويروحو البيت
جمال : كنتي فين يا هانم وواخده البنات معاكي؟؟؟
**ملحوظه ده جمال الشاذلي يبقا ابو سلمي وهاجر عنده 46 سنه عنده شركة عقارات ويبقا عم فارس**
داليا : بتكلمني كده ليه؟!!!… ادخلو يبنات علي اوضتكوا، كنت بفسح البنات
جمال : طبعاً روحتي عند دينا
داليا : اه روحت عند دينا… هي دي مش مرات اخوك ولا ايه!! مش عاوز علاقتي بيها تكون كويسه؟
جمال : بصراحه بقا أنا عاوزك تقطعي علاقتك بيها اصلاً
داليا بإستغراب : اقطع علاقتي بيها؟!!!! 🤨
جمال : اه مالك مستغربه كده ليه؟
داليا : عشان دي مرات اخوك والمفروض تكون خايف عليها وبتحبها اكتر من كده
جمال : لا خايف عليها ولا بحبها… واصلاً ابنها فارس ده مش كويس وسمعت انه اتحبس بسبب موضوع وصولات امانه كده
داليا ترفع حواجبها : وعرفت منين بقا الموضوع ده؟!!
جمال يتوتر : اااا وهو فارس ده أخباره بتستخبي عن الناس ما أنا بقولك مش كويس والدنيا كلها عارفه بيحصل معاه ايه كل يوم ده اشهر من النار ع العلم
داليا : اممم، كلامك الكتير بيدل علي انك متوتر وبتحور وانا اللي بيحور عليا بقفشه يا جمال وانت عارف كده كويس اوي… عملت ايه للواد يا فارس؟
جمال : انتي اتجننتي يست انتي فارس ده ايه اللي اعمله حاجه
داليا : انجز يا جمال وقول، انت اللي لبست الواد حوار الوصولات ده؟