رواية عودة عاشق الجزء الثالث3 الفصل التاسع عشر19 بقلم منة الله الجزار
التوتر كان سيد الموقف وكان لجنة التحكيم على وشوشهم ابتسامات وكان جاك بيبص لها وهو رافع حاجبه ولاوي بوزه وده وترها أكتر
المذيع.. بتشويق.. التصاميم كانت رائعة جداً وكان من الصعب جداً تحديد الفائز.
مايا بوجع بطن.. ما تخلص يا عم وجعتلي بطني.
حسناء بهدوء.. روقي اهدي مهما كانت النتيجة إنتي عملتي اللي عليكي والباقي على ربنا.
مايا بخوف.. مش شايفة تعبير وش أخوكي مبشرش بخير أبداً.
حسناء بصت على جاك وبلعت ريقها بصعوبة.. اهدي وعاوزاكي تعرفي إن النتيجة والفوز من عند ربنا وإن شاء الله ربنا مش هيضيع تعبك.
مايا بدعاء.. يا رب.
داليا مامت حسناء.. بحب.. روقي يا روحي إن شاء الله خير.
حسناء بصت لها وداليا لفت وشها الناحية التانية حسناء بصت لها بحزن وبصت في الأرض.. جميلة حطت إيديها على إيد حسناء وابتسمت ليها.
حسناء ابتسمت بحزن ورفعت عيونها لجاك اللي هز براسه ليها بمعنى اهدي.
المذيع.. الفائز هو Al-Jarhi International Designs Company "شركة الجارحي للتصاميم العالمية" وبدأ يعلن عن الفائزين التانين معاها
جاك ابتسم ليها وهي مكنتش مصدقة وحسناء حضنتها بفرحة وداليا أخدت مايا في حضنها وحسناء وجميلة حضنوها بفرحة.
داليا بحب.. مبروك يا قلب خالتو.
جميلة بفرحة.. مبروك يا قلب ماما.
ديف.. جوز خالتها.. بفخر.. مبارك يا ابنتي.
مايا قامت حضنته بدموع.. الله يبارك فيك يا عمو.
المذيع طلب من لجنة التحكيم إنهم يقوموا ويطلعوا على المسرح عشان يكرموا الفائزين وجاك قام معاهم
الكل طلعوا على المسرح وكان في حد ماسك الجوائز والميداليات ولجنة التحكيم بيسلموهم
مايا طلعت وفي بنت سلمتها جايزتها والميدالية وسلمت على الكل وجات عند جاك واتكلمت بالعربي..
هموتك بتخضني ماشي بس لما نروح.
جاك فهم كلامها وابتسم وسلمت عليه وفضلوا يحتفلوا
وجه وقت إنها تلقي كلمة..
المذيعة.. نستأذن من جميع الفائزين القدوم إلى هنا وإلقاء كلمة..
المذيع.. هنبدأ بأول اسم وهي السيدة مايا الجارحي أصغر businesswoman "سيدة أعمال" في مجال التصاميم.
مايا بحب.. اتقدمت وحطت الجايزة بتاعتها قدامها.. أولاً بحب أشكر أهلي ماما اللي دايماً كانت جانبي وأختي القمر حسناء اللي مكنتش بس مجرد أخت لا كانت كمان أحسن صديقة ليا والداعم ليا وأكتر حد كان داعم ليا وخرجني من أسوأ حالاتي بجد بحب أشكره أوي وبصتله.. طبعاً مايا مقلتش اسمه عشان محدش يقول فازت بالغش عشان هو في اللجنة.
وغير كدا عمو ديف اللي كان مكان بابا الله يرحمه عمره ما سابني في حاجة وبجد بقوله ربنا عوضني بيه مكان بابا
والجميلة دودو اللي مكنتش بس خالتي دي كانت ماما التانية اللي كانت بتقف معايا دايماً بحب أقولهم بحبكم كلكم
وبشكر الفريق اللي اتدربت تحت إيديهم وخلوني عرفت أقف في المكان ده ميرال ومراد بجد هما ساعدوني كتير وبفضلهم بعد ربنا إني أكون واحدة من اللي فايزين انهارده..
وغير فريقي اللي تعب معايا واستحمل جناني عليهم وبشكر لجنة التحكيم والفريق هنا بجد المسابقة رائعة جداً.
وعاوزة أقول ليكم اسعوا وحققوا أحلامكم أحلامكم تستاهل إنها تتحقق أحلامك محدش هيحققها غيرك.
بعتذر طولت عليكم شكراً لاستماعكم ليا وبالتوفيق للجميع.
الكل صقفوا ليها وحسناء صفرت ليها وقعدت تصفر مايا كانت متمنية إنها يكون أبوها معاها وشايفها وهي الدنيا كلها بتصقف ليها وإنها كملت حلمها بجد حتى إنجي كانت متمنية تشوفها واقفة معاهم ومراد كانت بتتخيله واقف معاهم عيونها دمعت.
مايا نزلت تحت وقعدت وبدأ الكل يلقون كلمة.
المسابقة خلصت وروحوا البيت عند عيلة جاكرام.
ديف دخل هو وداليا وجميلة وكانت حسناء وجاك ومايا لسه جايين وراهم.
ديف بحده.. توقفي عندك.
حسناء رجعت لورا واستخبت ورا جاك بخوف ومايا اتجمدت مكانها وخافت على حسناء.
جاك وقف ومسك إيديها بحنية وبص لأبوه بقوة.
ــــــــــــــــــــ
عند مازن صحي من النوم وراح جهز نفسه عشان يسافر نزل وملقاش حد في البيت لسه صاحي راح على المطار وحجز تذكرة لكندا وقعد استنى لحد ما جه معاد الطيارة وركبها.
مازن.. حسناء أنا جاي ومش هسيبك المرة دي.
ـــــــــــــــ
عند مراد كان وصله رسالة مازن وإنه جاي جهز نفسه وراح عشان يستقبله وبالمرة كمان يستقبل كيليان.
فضل مستني شوية وطيارة كيليان وصلت قبل مازن.
كيليان مراد وقف استناه وسلم عليه.
كيليان بشوق.. اشتقت إليك يا رجل.
مراد بابتسامة.. أنا أكتر.
كيليان.. ما بك؟
مراد بتنهيدة.. مفيش.
كيليان.. هيا نذهب ونتحدث.
مراد.. طيارة أخويا هتوصل كمان ساعة.
كيليان.. إذن ننتظر في الكافيه ونتحدث لحين وصول طيارة أخيك.
مراد.. أوك.
راحوا الكافيه وطلبوا قهوة وفطار وقعدوا مع بعض.
وبدأوا يتكلموا مع بعض.
ــــ
عند عمر وشوق.
عمر صحي من النوم دراعه وجعه وبص عليه لقى شوق حضناه كأنه هيهرب منها.
عمر بصلها بحب.. حضناني كأني ههرب منها.. شوقي اصحي.
وبدأ إنه يلعب في وشها لحد ما صحاها.
شوق بابتسامة.. صباحو.
عمر ضحك.. أحلى صباحو.. إيه مسكاني كدا ليه هو أنا ههرب.
شوق بخوف.. عمر ما تسيبنيش لوحدي.
عمر بقلق.. في إيه؟
شوق.. بخوف.. هقولك بس أوعدني إنك مهما حصل مش هتسيبني لوحدي.
عمر برعب.. إنتي تعبانة ولا إيه جوز أمك عملك حاجة.
شوق بدموع وقامت اتعدلت وعمر بصلها بخضة.
عمر بقلق.. شوق في إيه؟
شوق بقهر.. عمر أنا حامل.
عمر بابتسامة.. طيب زعلانة ليه إنك حامل.
شوق.. بقهر.. عشان العيل مش منك.
عمر بصلها بصدمة.. أمال؟
شوق بقهر.. يبقى ابن.......
عمر بغضب.. ابن مين.
ــــــــــ
عند كايا
راح عند ورد عشان يعرفها اللي حصل مع أبوه امبارح بس اتفاجئ من رد فعلها.
ــــــــــ
عند جليلة كانت قاعدة بتكلم نفسها.
جليلة.. أخلص من اللي اسمها شوق دي كيف.
شربات راحت قعدت جانبها.. أقولك إيه يا مرات عمي كيف؟
جليلة اتخضت من شربات اللي اتسحبت وقعدت وراها.
جليلة بخضة.. بسم الله الرحمن الرحيم إيه يا بت مش تحمحمي ولا ترمي السلام خضتيني.
شربات بسخرية.. ما إنتي مكنتيش مركزة يا مرات عمي
جليلة.. عاوزة إيه يا بت؟
شربات بخبث.. عاوزة أساعدك إنك تخلصي من العقربة اللي اسمها شوق دي هي وأهلها ويغوروا من أهنه.
جليلة.. باستغراب.. ومن إمتي وإنتي بتساعدي حد؟
شربات بخبث.. عمر ولد عمي وأنا مبحبش إنه ينضحك عليه من واحدة هي وأهلها جايين ينصبوا عليه وياخدوا اللي حلته وعاوزاني أقعد ساكتة.
جليلة بسخرية.. من إمتي والحداية بترمي كتاكيت.
شربات بصت لها بخبث.. ولاد عمامي واللي يهمهم يهمني.
جليلة بسخرية... هههههه ولاد عمامك ضحكتيني مفكراني يا بت هبلة ومش خابرة زين اللي إنتي رايداه إنتي عاوزة تاخدي حقك من عمر وشوق عشان هو ضربك قدامنا كلنا عشانها.
شربات بغضب.. أيون عاوزة أخد حقي منها وبعدين هتساعديني يا مرات عمي وتجوزيني مراد.
جليلة بسخرية.. مراد مرة واحدة وإنتي عارفة إن مراد بيحب البت اللي اسمها مايا هيسيب مايا ويتجوزك إنتي.. ده أنا اللي أمه معرفتش أعملها.
شربات.. بخبث.. لا ما إنتي عملتيها لما حلفتي مايا برحمة أبوها وخلتيها توعدك إنها تبعد عن مراد يوم الحفلة اللي مازن طلق فيها حسناء بالليل.
جليلة بصت لها بصدمة.. إنتي عرفتي منين؟
شربات بمكر.. سمعتك وإنتي بتتكلمي معاها وسجلتلك ولو التسجيل ده وصل لمراد أو عمي شوفي هتخسري قد إيه يا مرات عمي مش مشكلتي إزاي تجوزيني مراد دي طريقتك إنتي.
جليلة بخبث