مراد بشر قعد يكسر في الأوضة كلها وفجأة قعد وإيده كانت بتنزف.. مش هسيبها ليك يا جاك مش هخليك تفوز عليا الحرب بينا من زمان من وقت ما اعتمدت أدخل العيلة دي وأوقع أي حد من بناتها. كان هدفي حسناء عشان أكسرك بيها بس طلعت بت مش سهلة وإنه ينضحك عليها بسهولة. ما لقيتش غير إني آخد حبيبتك منك وكانت بت عبيطة بينضحك عليها بسهولة. ضحكت عليها إني بحبها وعاوز اتجوزها وكمان روحت طلبتها من أبوها. في كل حاجة كنت بتعمد إني أوجعك فيها. عملتها ويوم كتب كتابي عليها كنت شايفك واقف بعيد مكسور. كنت فعلاً مبسوط أوي وأنا شايفك كدا وبعد ده كله مش هخليك تفوز عليا يا جاك..
مازن كان بيدور عليه هو وجاسيكا.
مازن رن عليه وهو شاف الرنة ورد عليه ببرود.. عاوز إيه يا مازن.
مازن بقلق.. أنت فين؟ عيلة جركام قالبين عليكم الدنيا. مايا فين يا مراد ما تعملش للبت حاجة.
مراد ببرود.. أنا في أوضة 242 في الدور الرابع.
مازن بخوف.. مراد أنت ما عملتش اللي في بالي صح؟
مراد قفل في وشه.. وحط راسه بين إيديه وبدأ يعيط.
مازن برعب.. لا لا لا يا مراد أوعك لو عملت كدا هتفتح علينا نار جهنم.
جاسيكا كانت مستغربة ومش فاهمة هو بيقول إيه وليه هو قلقان.. مازن ماذا حدث؟
مازن برعب.. وسابه وطلع يجري على الأوضة.
بعد عشر دقايق مازن وصل ولقى الباب مكسور ودخل لقى الأوضة مدمرة ولقاه قاعد وحاطط راسه بين إيديه وإيده بتجيب دم جري عليه بخوف.. مراد في إيه؟ إيه اللي حصل وإيدك بتجيب دم منين؟ مراد رد عليا.
مراد بدموع.. خربت كل حاجة كل حاجة.
مازن بصدمة.. عملت إيه يا مراد؟
مراد.. بدأ يحكي ليه كل حاجة عملها والكلام اللي قاله لمايا ولما جاك جه واللي عملوه فيه.
مازن كان مصدوم 😳 وهب بوكس 👊 من مازن في وش مراد مراد اتصدم.
ومازن اتفتح فيه بزعيق وعصبية.. أنت حمار. كلنا عارفين كويس مايا هي لو كانت كدا ما كانتش زمانها سلمتك وأنت كنت جوزها ومكتوب كتابكم على بعض. لكن البنت ما خلتكش حتى تبوسها هتبيع نفسها لجاك؟ وأنا أقولك حاجة مش بقف في صفه ولا حاجة بس جاك مش زبالة للدرجة دي. جاك عارف الحلال من الحرام وهو لاعب مشهور وشخصية قوية زيه أكيد أي واحدة تتمنى إنها تكون معاه بس جاك بينفض للكل عارف ليه؟ عشان هو مش كدا ومايا برضو مش كدا. دول ولاد ناس محترمة يا مراد. وبعدين يوم ما تهف في عقله يعمل كدا مع بنت خالته وهو عارف إنها بتحبك وعاوزاك؟ إيه هيفضحها ويفضح نفسه وأهله؟ اتجننت خالص يا مراد. أنت دلوقتي قابل بقى الوش التاني لعيلة جركام إذا كان جاك أو ديف أبوه. غبي يا مراد كنت دايماً تقولي ما تتسرعش وأنت يعني اللي بتفكر أوي. والله ما في حد في عيلتنا عاقل غير الواد عمر والباقي العيلة لاسعين.
مراد كان ساكت.
مازن.. بغضب.. ما تخليش كرهك لجاك يخليك تدوس على أي حد. دي مايا يا مراد. أنت بجد ما تستاهلهاش. بنت غلبانة ولا ليها ناب تخربش بيه. أنا أقولك حسناء مفترية وبتعرف تجيب حقها من بوق الأسد وإنجي أديك عشرتها وشوفت عملت في أختها إيه. ما سمتش عليها. مراد مايا اتعذبت كتير أوي وأنت جيت في الآخر ضيعت ده كله. فعلاً لا أنا ولا أنت نستاهلهم.
وقعد على الكرسي قصاده..
مازن بحيرة.. ربنا يسترها من اللي جاي.
مراد بغضب.. هو أنت خايف منه ليه؟ هو ما يقدرش يقف قصادي.
مازن بص له بسخرية.. قصادك بجد؟ ناسي عمل فيك إيه ولا أفكرك؟ ها يا ابن العزايزي فوق كدا واصحى. أنت مش قد جاك. شوفت دمرك في ثواني عشان أنت اتجوزت إنجي وجرحت مايا. جاك يوم ما بيأمر الكل بيعمله تمام من غير تردد. ما شوفتش في غبائك لحظة.
مراد في سره.. مش هخليه يوصل للي هو عاوزه وهرجعها تاني ليا. هي درع الحماية بتاعي منهم ومستحيل أفرط فيه بالسهولة دي.
ـــــــــــــــــ
*عند جاك ومايا*
أخدها أوضة تانية عشان ترتاح فيها. دخل وحطها على السرير براحة وراح جاب ليها ماية وغطاها كويس وقعد قصادها على السرير واتكلم بحنية.. هل أنتي بخير؟
مايا بصت له وقعدت تعيط. انتقل جانبها وأخدها في حضنه بحنية.. لا تبكي لا أحد يستحق أن تبكي عليه.
مايا بوجع.. ما توقعتش إنه يقول كدا ولا يعمل كدا. طلع بيكدب عليا يا جاك. كان الحب واللي عشناه سوا يطلع كذبة ووهم كدا بسهولة دي؟ أنا استحملت كلام مامته في الرايحة والجاية واستحملت الكل عشانه وفي الآخر يطلع كدا؟ ده أنا كنت غبية أوي ومش شايفة الوش التاني ليه. يعني الحنية والحب اللي اتحرمت منهم بعد بابا وقلت ربنا عوضني بمراد يطلع وهم يا جاك؟ ده أنا كنت كل ما آجي أسأل نفسي بتحبيه وهو جرحك كتير ليه؟ يرد قلبي ويقولي كان حنين علينا.
جاك بهدوء.. شششش اهدئي سوف يعاقب على كل ذلك لا تقلقي يا فتاتي لن أتركهم قبل أن يحاسبون.
مايا بدموع.. تعرف إن مامته قبل ما أسيب البيت عندهم بيوم جت ليا وحلفتني برحمة بابا إني لازم أسيب ابنها وإنها مش راضية بيا أبداً وقالت لي لو أنتي أم ومش راضية بعروسة ابنك هتوافقي إن ابنك يبعد عن حضنك عشانها؟ اتوجعت أوي يا جاك معرفتش أقولها إيه. قلت لها لا. قالت لي شوفتي أديكي قلتي إيه. أنا مش موافقة بيكي لابني. ابعدي عنه وخليه يكرهك. محدش حس بوجعي يا جاك أبداً.
جاك بهدوء.. لا تتذكري كل هذا. هم لا يستحقون. أنتي فتاة لطيفة مايا وهم لا يجيدون معاملة الماس. هم فقط يجيدون معاملة الصخر وليس الماس. مايا لا تلوميهم هناك أشخاص مخصصون للصخر وأشخاص مخصصون للماس. يجب أن نرمي هؤلاء الناس خارج حياتنا ونبدأ من جديد.
فون جاك رن وكانت حسناء. أخد الفون ورد عليها.
حسناء بخوف.. جاك لقيت مايا؟
جاك بهدوء.. نعم أختي.
حسناء بفرحة.. هي فين؟ هي كويسة؟ حصل ليها إيه؟
جاك.. اهدئي وتعالي إلى هنا. نحن في غرفة 248 في الطابق الرابع.
حسناء بخوف.. مايا كويسة؟
جاك.. تعالي ولا تقولي لأحد شيء. من معك؟
حسناء برعب.. كيليان.
جاك.. أعطيه الهاتف.
حسناء ادته الفون وهي مرعوبة..
كيليان بخوف.. ماذا هناك؟
جاك.. بص لمايا.. أريد فستاناً مثلاً الذي كانت مايا ترتديه اليوم بنفس التفاصيل واللون.
كيليان بعدم فهم.. لماذا.
جاك.. افعل مثلما أقول لك ولا تخبر أحداً.
كيليان.. ابعث لي صورة الفستان.
جاك.. الفستان ممزق كيف أبعثه لك.
كيليان بذهول.. ماذا؟
جاك بغيظ.. استغفر الله العظيم ليس وقت ذهول أسرع ليس لدينا وقت.
كيليان.. حسناً.. وقفل معاه.
حسناء.. في إيه؟
كيليان.. اذهبي أنتي للغرفة وأنا سآتي خلفك.
حسناء.. أوك.
حسناء راحت للأوضة وصلت للدور الرابع وكانت بتبص على أرقام الأوض عشان تروح ليهم وهي ماشية شافت مراد قاعد وسمعت صوت مازن وهو بيزعق ليه. كان صوت مازن عالي واستغربت ليه مازن بيزعق. خافت إن يكون حصل معاه حاجة. راحت تشوف واتصدمت من الكلام بينهم ولقت مراد مكسر الأوضة والكلام كان صعب جديد عليها. راحت بسرعة على الأوضة اللي فيها جاك ومايا.
خبطت وجاك عدل رأس مايا براحة وقام فتح واتصدمت لما لقيته قالع القميص ووقف كدا.
جاك.. قبل أي شيء ادخلي.
حسناء بخوف.. فين مايا؟
جاك بهدوء.. في الداخل.
حسناء دخلت ولقت مايا لابسة الجاكت والقميص بتوعه. دخلت حضنتها وهو فضل واقف وساند على الحيطة بكتفه.
حسناء برعب.. مايا في إيه؟ حصل معاكي إيه واختفيتي فجأة ليه؟ إحنا دورنا عليكي كتير وليه هدوم جاك عليكي؟ حصل إيه؟
جاك بغضب.. ذاك الوغد حاول الاعتداء على مايا.
حسناء قامت من الخضة.. نعم.
جاك.. نعم إنها الحقيقة. حاول الاعتداء عليها ولكن بعثني الله في الوقت المناسب ولم يكمل.
حسناء بصدمة.. مراد مراد بيحب مايا إزاي يأذيها؟
جاك.. هذا الحب مجرد كذبة اختبأ خلفها مراد طوال هذه السنوات.
حسناء بغضب.. عشان كدا مازن كان بيزعق ليه وضربه؟ ده عاوز الحرق. أنا هروح أولع فيه هو واللي جايبينه. هو اتجنن ده ولا إيه؟
جاك.. لا تقلقي سوف يحاسب الجميع. سوف يحاسبون.
حسناء بحنية.. أنتي كويسة؟
مايا هزت رأسها بمعنى لا وقعدت تعيط.
حسناء حضنتها وفضلت تبص على جاك بحزن.
الباب خبط وجاك راح يفتح وكيليان شافه كدا ابتسم.. ماذا تفعل أيها الوغد الصغير؟ لهذا السبب طلبت مني الفستان.
جاك أخد منه الفستان وقفل في وشه الباب ببرود.
كيليان خبط تاني وجاك فتح له ببرود..
وسابه ودخل وكيليان دخل وراه ولقاهم كدا.
كيليان بعدم فهم.. ماذا يحدث؟
جاك.. حسناء خذي مايا إلى المرحاض وهذا هو الفستان.
حسناء.. تمام.
حسناء أخدت مايا ودخلت بيها الحمام وغيرت ليها وكيليان وجاك فضلوا بره.
كيليان.. ماذا هنا؟
جاك.. بعد الحفل أريد منك شيء.
كيليان باستغراب.. ما هو؟
جاك.. لماذا مراد يريد مقابلتي؟
كيليان.. لأمر ما في العمل هناك مشكلة بتحويلات كبيرة لدول خارجية وبنوك من خلال الشركة التابعة لوالده دون علمهم بشيء.
جاك.. اختلاس.
كيليان.. نعم.
جاك.. هل مراد رفيقك أم مازن؟
كيليان.. مراد لأنه كان شريكي في أمريكا ولسبب ما بعد وفاة زوجته ترك الشركة لي وانتقل إلى مصر. لكن لماذا تسأل هذه الأسئلة ماذا فعل لك؟
جاك بشر.. أريد دمار مراد وعائلته. هم تجرأوا وقاموا بإيذاء شيء يخصني ولن أتركهم دون عقاب.
كيليان.. بابتسامة .. الذئب الأسود من جديد.
جاك بابتسامة شر.. هم البادئون ونحن الناهون.
مايا وحسناء خرجوا ومايا لبست الفستان تاني وطلعت لجاك القميص والجاكت وجاك لبس هدومه وعدل دراعه ليها وهي حطت إيدها في دراعه وخرجوا. وهكذا حسناء وكيليان نزلوا تحت وجميلة جريت عليها وحضنتها هي وداليا.
جميلة برعب.. كنتي فين؟ ومال وش جاك؟
مايا بصت لجاك وجاك اتكلم.
جاك.. عراك صغير بيني وبين أحد الحثالة التي أراد اختطاف مايا لكن الأمر تحت السيطرة لا تقلقي. المهم دعونا نستمتع بهذا الحفل.
مايا بهدوء.. أنا بخير ما تخافيش. جاك لحقني في الوقت المناسب.
ديف.. حسناً الأهم أنك بخير.
كملوا الحفلة...
ولما خلصوا روحوا وناموا.
ـــــــــــــــــ
*الصبح*
*في مصر*
كانت شربات بتعمل شاي ليهم كلهم وحطت من العمل في الشاي عشان يشربوه.
أخدته وطلعت بيه بره.
شربات بخبث وابتسامة.. حبيت أديكم شاي من إيدي.
جاسر.. تسلم إيدك يا بنتي تعبتي نفسك.
شربات.. تعبك راحة يا عمي.
وادت للكل.
كايا.. أنا مش هلحق أشرب شاي عشان عندي شغل.
شربات بخبث.. طيب اشربها يا بني بدل ما تصدع طول اليوم.
عمر.. وأنا كمان همشي. اتأخرت عندي عملية. عاوزين حاجة؟ السلام عليكم.
كايا وبلال وعمر مشيوا من غير ما يشربوا الشاي وشربات اتعصبت.
شوق.. من إمتى والحب ده كله.
ورد بغيرة.. ما أنا بقول كدا برضو غريبة.
شربات.. اتصنعت الحزن.. حبيت أفتح معاكم صفحة جديدة. حرام يعني.
شوق بسخرية.. صفحة جديدة؟ اللي زيك يفتح دماغ حد يقتله آه أصدقك. أما يبدأ من جديد لا دي اللي جديدة.
شربات بغيظ.. شوفت يا عمي بيقولوا عني إيه.
جاسر.. خلاص يا بنات بطلوا خناق.
شربات في سرها بغيظ.. الصبر حلو. أنتم لسه ما شوفتوش وشي التاني.
*عند كايا وبلال* راحوا يدوروا على شغل مع أي حد وعمر راح المستشفى واتفاجأ من اللي حصل هناك
يتبع