رواية اسيرة عشقه القاسي الفصل الابعون40بقلم جنات واسراء ابراهيم

في شقة فى منطقه شعبية كانت ندى قاعدة على السرير في اوضة ضلمة هتموت من الرعب وجسمها كله بيترعش من الخوف ودموعها نازلة على خدها وهي بتفتكر اللي حصل معاها.

ندى خرجت من البيت من غير ما تقول لادهم وكانت نازلة عشان تجهزله مفاجأة بمناسبة عيد ميلاده حبت تغير موده وتخرجه من حالة الزعل اللي مسيطرة عليه بسبب موت سيف.

راحت المول واشترت حاجات كتير جدا وخرجت ركبت تاكسي كان واقف قدام باب المول والتاكسي بدأ يتحرك بيها.

بعد شوية ندى بصت من الشباك لقت ان ده مش طريق بيتها بصت للسواق: لو سمحت ده مش الطريق.

السواق مكمل ومش بيرد عليها.

ندى بدأت تخاف وزعقت: انت يا بني ادم انا قولتلك مش ده الطريق لو سمحت نزلني هنا.

ندى اتصدمت لما التاكسي وقف والسواق لف وشه وبصلها وهمست برعب: عدي.

عدي: ايوة عدي يا روح قلب عدي خلاص مش هتبقي لحد غيري يا ندى انتي ليا انا وبس.

ندى لسه هتفتح الباب عشان تهرب عدي كان اسرع منها طلع بخاخ ورش في وشها وندى غابت عن الوعي.

باك

ومن وقت ما فاقت وهي قاعدة على السرير في الاوضة دي وهتموت من الرعب ومش عارفة هي فين.

باب الاوضة اتفتح ودخل عدي وهو شايل صينية عليها اكل وحطها قدامها على السرير: اتفضلي يا حبيبتي احلى اكل عملته بايدي عشان خاطر عيونك وبس.

ندى رجعت لورا بعيد عنه وهي بتترعش: ابعد عني.

عدي: انتى خايفة مني يا ندى يلا يا حبيبتي عشان تاكلي.

ندى من عصبيتها زقت صينية الاكل بكل قوتها وقعتها على الارض والاطباق اتكسرت وصرخت في وشه: ابعد عني واياك تقرب مني انت واحد مريض فاهم يعني ايه مريض.

عدي: لو شايفاني مريض فانا فعلا مريض بحبك وعشقك يا ندى.

ندى: وانا بكرهك وما بحبش ولا هحب في حياتي حد غير ادهم جوزي انت فاهم ادهم وبس.

ملامح عدي اتحولت لغضب وعروقه برزت وقرب منها: وادهم ده انا هقتله عشان متفكريش تحبي حد غيري في الدنيا دي انتي فاهمة.

ندى برعب: انت مجنون.

عدي شدها من دراعها بعنف: يلا قومي معايا عشان هنسافر.

ندى بصدمة: نسافر فين يا مجنون انت سيبني.

عدي وهو بيجرها: يلا هنبعد عن هنا خالص هنروح مكان محدش يعرفنا فيه.

وبدأ يشدها وندى بتقاومه بكل قوتها لحد ما وصلوا للصالة.

فجاة باب الشقة اتكسر ودخل ادهم ومراد.

ادهم رفع سلاحه في وش عدي: سيبها يا روح امك بدل ما افرغ الرصاص ده كله في راسك دلوقتي.

عدي سحب ندى وضمها لحضنه: ندى بتاعتي انا وبس مش هتاخدها مني.

ندى بدموع: ادهم.

ادهم: اهدي يا حبيبتي متخافيش انا جمبك.

مراد اللى كان واقف ورا ادهم مسك فازة وحدفها على عدي عشان يشتت انتباهه الفازة اتكسرت وعدي اتخض وندى استغلت ده وبعدت عنه.

ادهم هجم على عدي وحصلت خناقة عنيفة ما بينهم ادهم وعدي كانوا بنفس الجسمانية وبقوا يضربوا بعض بكل قوتهم.

في الوقت ده وصلت القوة اللي ادهم كان كلمهم.

العساكر حاولو يفكوا الاشتباك وعدي في وسط الزحمة شد مسدس من حزام واحد من الظباط ورفعه فى وش ادهم.

ادهم مهموش الموت وهجم عليه وبقى يشد منه المسدس والكل واقف مرعوب.

وفجأة صوت طلقة دوت في المكان والاتنين ثبتوا في مكانهم لثواني.

ندى صرخت: ادهمممممم.

ادهم زق عدي بعيد عنه وعدي  وقع على الارض جثة والرصاصة كانت مستقرة في نص صدره.

ادهم قرب من ندى واخذها في حضنه ولف وشها الناحية التانية عشان ماتبصش على منظر عدي.

الظابط قرب من عدي وحط صابعه  مكان النبض ورفع راسه لادهم: مات يا فندم.

ادهم بص لندى اللي في حضنه: انتي كويسة يا حبيبتي حصلك حاجة.

ندى هزت راسها باه وهي بتعيط.

رجالة الاسعاف اخذوا جثة عدي.

مراد قرب من ادهم وندى: انتي بخير يا ندى.

ندى بعدت عن حضن ادهم: الحمد لله انكم وصلتوا في الوقت المناسب ده كان بيقولى اننا هنسافر.

ادهم: ده في احلامه يا حبيبتي طول ما انا عايش على وش الارض محدش يقدر يلمس شعرة منك.

مراد بص لوش ادهم اللي كله كدمات: انا رأيي يا سيادة الرائد تروح المستشفى الاول تعالج وشك اللى باظ ده الصراحة بقى عبارة عن خريطة جغرافية.

ادهم ضحك: مقبولة منك يا صاحبي وبعدين فداها اي حاجة.

ندى بصتله باستغراب: ادهم هو انت عرفت مكاني منين.

ادهم رفع ايدها وشاور على صباعها: عن طريق ده يا حبيبتي.

ندى بصت على الخاتم.

ادهم: الخاتم ده انا قدمتهولك من فترة وكنت حاطط فيه جهاز تتبع  للامان.

ندى: الحمد لله.

مراد: طب يلا نمشي بقا.

نزلو سوا ولسه مراد بيفتح باب عربيته تليفونه رن برقم رفيف.

مراد ابتسم ورد: لحقت اوحشك يا روفا.

رفيف بخوف: مراد الحقني.

مراد: مالك يا رفيف في ايه أنتي كويسة.

رفيف: أنا في مصيبة الحقني بسرعة.

مراد: طب أنتي فين.

رفيف: مش عارفة أنا هقفل وأبعتلك اللوكيشن.

أدهم: في ايه يا مراد رفيف مالها.

مراد ركب عربيته: مفيش انت وصل ندى البيت وأنا هروح لرفيف.

أدهم: طب ابقى طمني.

مراد: تمام سلام.

وطار بالعربية.

ندى بصت لأدهم: أنت مش هتروح المستشفى عشان الجروح دي.

أدهم ركبها العربية: أنا كويس يا حبيبتي يلا نرجع البيت الأول اكيد مامتك وباباكي قلقانين عليكي.

ركبو العربية واتحركوا.

-------

وصل مراد لمكان هادي على البحر  نزل من العربية وعينيه بتدور على رفيف.

طلع فونه ورن عليها سمع صوت رنه تلفونها جاي من وراه لف بسرعة.

كانت رفيف لابسة دريس رقيق باللون الأبيض كانت جميلة بشكل يخطف القلب وفي ايدها بوكس صغير.

مراد سرح في جمالها وهي بتقرب منه.

مراد: هو في مشكلة قمر كدا يعني أنا جاي على ملا وشي ومرعوب الاقي الملاك ده مستنيني.

رفيف نزلت عينيها الأرض بكسوف وابتسمت.

قرب رفع وشها بايده وبص في عينيها اللى بيعشقها: تعرفي اني بحبك أكتر مما تتخيلي بحبك لدرجة تفوق العقل يا رفيف.

رفيف ابتسمت: بجد يا مراد.

مراد: بجد يا عيون وقلب مراد ايه بقا المصيبة اللى كلمتيني عشانها شكلها مشكلة تتاكل أكل وزي القمر.

رفيف ضحكت برقة ومدت ايدها اللي فيها البوكس: اتفضل شوف بنفسك المشكلة دي.

مراد فتح البوكس وأول ما بص جوة اتصدم: ايه ده.

رفيف؛ أنت شايف ايه.

مراد طلع من البوكس شراب بيبي صغنون جدا وبصلها: ده بجد يا رفيف أنتي حامل.

رفيف هزت راسها: اه بجد يا حبيبي.

مراد من فرحته رمى البوكس على الأرض وشالها ولف بيها كتير ورفيف ضحكتها كانت ماليه المكان.

نزلها مراد وهي لسه في حضنه حط راسه على راسها: مبروك يا قلب مراد مش مصدق ان هيجلي حتة من حبيبة قلبي تنور دنيتي وتشاركني حياتي.

رفيف: الله يبارك فيك يا مراد أنا فرحانة أوي بجد ومكنتش قادرة أستنى أكتر من كدة.

مراد: أنتي عرفتي امتى يا روفا.

رفيف: لما أخذتني للدكتورة وأنا طلبت منها بلاش تقولك عشان أعملهالك مفاجأة.

مراد باس راسها: أحلى وأجمل مفاجأة في عمري كله يا روح مراد بس قوليلي يعني مبقتيش زعلانه مني رفيف والله العظيم اللى أنتي شوفتيه مش صح.

رفيف: عارفة يا مراد ان روزي مش مراتك وانها مرات حازم الله يرحمه.

مراد باستغرب: مين قالك.

رفيف: لارين.

مراد: أنا نسيت خالص ان لارين عارفة.

رفيف: أنا اسفة يا مراد اني ظلمتك ورفضت أسمعك.

مراد مسك ايديها وباسها: أنتي كنت معذورة يا حبيبتي أي واحدة مكانك كانت هتعمل كدة وأكتر متعتذريش مني أبدا أنا اللي أسف اني حطيتك في الوضع ده.

رفيف: طب وناوي على ايه أنا حاسة ان روزي ناوية على مشاكل.

مراد: عارف ولعبتها خلاص بتلف حبل المشنقة حوالين رقبتها.

رفيف: بمعنى ايه.

مراد مسك ايدها ومشي ناحية عربيته: أنتي هترجعي معايا على الفيلا في حاجة لازم تنتهي النهاردة.

رفيف بفضول: حاجة ايه دي يا مراد.

مراد فتحلها باب العربية: هتعرفي كل حاجة أول ما نوصل يلا بينا.

ركبوا هما الاتنين ومراد اتحرك بالعربية.

------

وصل مراد مع رفيف للفيلا ودخلوا كانت هند وشريفة قاعدين في الصالون.

هند أول ما شافت رفيف قامت حضنتها: حبيبة قلبي حمد الله على سلامتك الفيلا نورت والله يا رفيف.

رفيف: منورة بيكوا يا عمتو.

شريفة: وحشتينا يا رفيف والله.

رفيف: وحضرتك أكتر والله يا طنط شريفة.

مراد شاور لواحدة من الخدم اللي قربت منه: اطلعي نادي للكل خليهم ينزلوا في حاجة ضرورية لازم الكل يعرفها.

هند: في ايه يا مراد.

مراد: دلوقتي تعرفوا كل حاجة.

دقايق مازن وهمس نزلوا من أوضتهم ووراهم فريدة اللى نزل بضيق: في ايه يا مراد صحيتني من النوم.

مراد: حاجة مهمة يا مرات عمي اعرفيها وبعد كدة اطلعي نامي براحتك ومحدش هيقلقك تاني.

مازن بص لمراد وغمزله: أنت نويت تخلص الليلة ولا ايه.

مراد: لازم اللعبة دي تنتهي.

رفيف همست لمراد: لعبة ايه يا مراد.

مراد: بلاش تفكري كتير يا حبيبتي ثواني وهتعرفي كل حاجة.

نزلت روزي: خير يا مراد مجمع الكل في ايه.

مراد ببرود: ولا حاجة يا روزي بس كل الحكاية ان جه الوقت اللي لازم الحقيقة كلها تظهر قدام العيلة.

روزي بصت لأفراد العيلة بارتباك: حقيقة ايه يا مراد.

مراد: انك مش مراتي ولا اللي في بطنك ده ابني.

روزي بصتله بصدمة: أنت بتقول ايه.

مراد: بقول الحقيقة اللي الكل لازم يعرفها يا روزي.

هند: ولما هي مش مراتك ايه اللي مقعدها في وسطنا طول الفترة دي.

شريفة: فهمنا فى ايه يا بني.

مراد: روزي مش مراتي.

روزي: وأنت استفدت ايه لما قولت كدة يا مراد ما أنت من الأول اللي عملت التمثيلية دي وقولت اننا متجوزين عشان تحميني.

مراد: مش يمكن عرفتك على حقيقتك والوش البريء اللي كنتي مستخبية وراه طلع مجرد قناع لشيطانة.

روزي: أنت بتقول ايه يا مراد حرام عليك تتبلى عليا.

مراد بسخرية: والنبي بلاش الجو الرخيص ده عشان مش هيدخل عليا تاني واه صحيح بمناسبة اللمة دي عندي ضيف برا لازم تشوفيه بنفسك مازن.

مازن: من عيونى.

خرج مازن من الفيلا وثواني ورجع في ايده علي اللي كان متبهدل ووشه كله كدمات.

روزي مثلت الخوف ده ايه اللي جابه هنا اكيد عايز يقتلني.

مراد: لا والنبي بلاش التمثيل الهابط ده ما أنتو حبايب وبتتقابلوا وبتخرجوا مع بعض علطول.

روزي: أنت قصدك ايه.

مراد: قصدي ان الحقيقة كلها ظهرت والخطة القذرة اللي رسمتيها مع البيه اللي كان بيمثل دور ابن عمك اتكشفت وللأسف صاحبك من أول قلم اعترف بكل حاجة يا حلوة.

روزي بصت لعلي بغل: أنت قولتلهم ايه يا غبي.

علي بتعب: قولت الحقيقة يا روزي دول ناس ميعرفوش الرحمة.

روزي: أنت واحد جبان وغبي بوظت كل حاجة.

مراد ببرود: والله مش عيب تقولي كدة على أبو ابنك اللي في بطنك.

روزي بصدمة:أنت بتقول ايه أنا اللي في بطني ده ابن حازم.

هند: حازم ابني.

روزي: أيوة أنا مرات حازم واللي في بطني ده ابنه أنت بتعمل كل التمثيلية دي يا مراد عشان تحرمني من ورثي وورث ابني حتى نادوا على لارين هى كانت حاضرة كتب كتابي من حازم.

فريدة: بنتي لارين.

روزي صرخت بأعلى صوتها: لاريييييين.

دخلت لارين من باب الفيلا ببرود: مفيش داعي تتعبي حنجرتك أنا موجودة قدامك أهو 

روزي: قوليلهم يا لارين ان أنا وحازم كنا متجوزين على سنة الله ورسوله وأنتي كنتي حاضرة وان اللي في بطنى ده ابن حازم.

لارين ربعت ايديها: هو أنا اه حضرت كتب الكتاب بس اذا كان اللي في بطنك ده ابن حازم فعلا أو لا فمش عارفة بصراحة.

روزي: أنتو بتلعبوا بيا.

مراد: بلاش تلعبي كتير يا روزي حقيقتك خلاص ظهرت وأبو ابنك الحقيقي أهو مرمي قدامك على الأرض تفتكري لسه ليكي عين تطلبي حاجة.

روزي بدأت تصرخ وتعيط بهستيريا: أنا مرات حازم واللي في بطني ده ابن حازم مش هتمنعوا عني ورثي ده حق ابني ومش هسيبهولكم.

وفجأة الباب اتفتح ودخل منه شخص صوته رج المكان كله: قصدك طليقتي مش مراتي.

الكل اتسمرو في مكانهم وبصوا بذهول وصدمة ناحيه الصوت وهمسوا في نفس الوقت: حازم.

حازم قرب وقف جمب لارين وبص لروزي بقرف: أيوة حازم أنا لسه عايش يا هانم وعرفت حقيقتك المحترمة بالكامل قوليلي بقا ابني ازاي وأنا أصلا ولا مرة قربت منك هو أنتي كنتى مفكرة ان المنوم اللي كنتي بتشمميهالي كل ليلة عشان تغيبيني عن الوعي كانت بتخدرني بجد تبقي غلطانة يا حلوة أنا كنت ببقى صاحي وعامل نفسي نايم وبسمع كل كلمة بتقوليها وتخططي ليها أنتي والكلب ده كنت سايبك وبجاري اللعبة عشان أشوف نهايتك القذرة هتوصل لحد فين.

روزي: أنت لسه عايش ازاي أنا شوفتك بعيني والعربيه بتقع بيك في البحر.

حازم ضحك بصوت عالى: حتى الحادثة اللي دبرتيها ليا وفرامل العربية اللي قطعتيها بمساعدة صاحبك ده كل ده كنت عارف بيه وكنت سامع تخطيطكم معلش أصل أنا كنت مراقب تليفونك ومسجل كل مكالماتك القذرة متجيش تلعبي وتعملي ذكية على شيطان أكبر منك يا روزي أنا فعلا وقعت بالعربية بس البطل مابيموتش بالسهولة دي أنا خرجت من العربية  وعمت لحد البر ومراد ومازن وأدهم كلهم كانوا عارفين ومخططين معايا لكل خطوة ومن وقتها وأنا مستخبي وبراقب اللعبة من بعيد لحد ما تقعي بكامل ارادتك بلاش تلعبي عليا تاني يا روزي واه حابب أقولك مفاجأة كمان أنا طلقتك من زمان قوي من أول يوم طلعت فيه من البحر يمكن أنتي مكانش عندك علم بس أديني بعرفك أهو انك مالكيش أي صلة بيا.

وبص للارين ومسك ايدها وباسها قدام الكل: ومش بس كدة أنا ولارين كتبنا كتابنا وبقت مراتي على سنة الله ورسوله.

فريدة عينها برقت بغضب: أنت بتقول ايه اتجوزت بنتي من ورايا وأنتي يا فاجرة تعملي كدة وتتجوزي من غير علمي.

مازن بحدة: ماما لو سمحتي أختي اتجوزت بعلمي وموافقتي كراجل ليها وأنا ومراد وأدهم كنا شهود وحاضرين كتب الكتاب ده بنفسنا وطالما لارين مبسوطة ومع الراجل اللي هيصونها وبيحبها يبقى مش مهم أي حد تاني يوافق أو يعترض.

مراد ببرود بص لروزي: يعني كدة نقدر نقولك باي باي يا روزي دورك الرخيص انتهى معانا خلاص بس الصراحة أنا ميرضينيش أسيبك كدة تطلعي للشارع أنا بخاف على البشر من شيطانة زيك عشان كدة عملت حسابي وجبتلك ضيوف تليق بمقامك.

في اللحظة دى دخل أدهم ومعاه قوة من الشرطة العساكر كلبشوا علي اللي كان مستسلم وقربوا من روزي عشان يقبضوا عليها.

روزي بدأت تصرخ بهستيريا: أنا هقتلكم كلكم مش هسيبكم تتهنوا أنت بتاعي أنا يا مراد سامع أنت بتاعي أنا ومش هتكون لغيري.

رفيف مقدرتش تمسك نفسها قربت ووقفت قدام روزي ونزلت على وشها بقلم بكل قوتها: مراد جوزي وأبو ابني وبتاعي أنا وبس لو سمعتك بتنطقي اسمه بلسانك القذر ده تاني هتكون نهايتك على ايدي أنا فاهمة.

العساكر شدوا روزي وعلي بعنف عشان يخرجوهم برة الفيلا بس روزي اتعصبت وبحركة سريعة شدت مسدس من حزام واحد من الظباط اللي واقفين ووجهته ناحية رفيف وهي بتصرخ: هقتلك يا رفيف.

مراد بلمح البصر شد رفيف ورا ظهره وحماها بجسمه.

أدهم: ارمي السلاح اللي في ايدك يا روزي بدل ما أقتلك.

روزي لسه صباعها هيضغط على الزناد وتضرب النار على مراد ورفيف حازم جري عليها وزق ايدها لفوق والطلقة جت فى السقف.

الكل اتخضو وحطوا ايديهم على ودانهم من قوة الصوت وفي ثانية كان أدهم والعساكر هجموا على روزي وكتفوها وسحبوا منها المسدس واخدوها برة الفيلا.

هند جرت على حازم وهي بتعيط حطت ايديها على وشه عشان تتأكد انه حقيقة ومش حلم: حازم يا حبيبي يا بني أنت بجد واقف قدامي أنا مش بحلم صح يارب لك الحمد والشكر رجعتلي يا نور عيني.

حازم حضنها: أنا هنا يا أمي عايش وواقف قدامك وبخير سامحيني اني وجعت قلبك الفترة اللي فاتت بس كان لازم نعمل كدة عشان نخلص من الأفاعي دي للأبد.

شريفه قربت منهم وطبطبت على كتف حازم وحضنته: ألف حمد الله على سلامتك يا حازم البيت رجعتله روحه بوجودك يا بني.

حازم ابتسم وباس ايدها: الله يسلمك يا عمتو.

هند بصت لرفيف اللي كانت واقفة جمب مراد وافتكرت الكلمة اللي رفيف قالتها لروزي وقربت منها: رفيف حبيبتي أنا سمعتك صح أنتي بجد حامل.

شريفة لفت لرفيف بفرحه: بجد يا رفيف يا ألف نهار أبيض الكلام ده بجد يا مراد.

مراد ضحك وضم رفيف لحضنه وبص لعمتو وأمه: بجد يا جماعة روفا حامل وهتجيبلنا أحلى بيبي ينور العيلة دي كلها.

هند زغرطت زغروطة صداها سمع فى الفيلا كلها وقربت حضنت رفيف بحب: يا روحي يا رفيف ألف مبروك يا بنتي والله فرحتيني فرحة لا تتوصف يعني البيت ده هيبقى فيه بيبي صغير يملى علينا الدنيا.

رفيف بكسوف: الله يبارك فيكى يا عمتو تسلميلي يارب.

شريفة قربت وبصت لمراد ورفيف: ألف مبروك يا حبايبي ربنا يتمملك على خير يا رفيف يا بنتي مش قادرة أصدق ان الفرحة بقت فرحتين النهاردة رجوع حازم وخبر حملك ربنا يخليكم لبعض ويبعد عنكم أي شر.

مازن ضحك: يا سيدي يا سيدي يعني هبقى عم قريب مبروك يا مراد بس شكلك كدة سحبت السجادة من تحت الكل النهاردة بالمفاجات دي.

مراد غمزله: طبعا يا بني لازم أكون متميز في كل حاجة.

الكل ضحكوا.

وفي وسط اللمة دي فريدة بصتلهم بغل ومقدرتش تستحمل فرحتهم ولا وجود لارين مع حازم وسابتهم وطلعت على أوضتها وهي بتبرطم بغضب.

همس كانت واقفة جمب مازن ومبتسمة لفرحتهم وفجأة حست الدنيا بدأت تلف بيها حطت ايدها على راسها وكانت هتقع لكن مازن سندها: مالك يا همس ردي عليا.

همس أغمى عليها بين ايديه مازن شالها بسرعة وطلع بيها جري على جناحهم وهو بيقول لمراد: مراد اطلب الدكتورة بسرعة.

مراد طلع تليفونه وكلم الدكتورة وطلب منها تيجي الفيلا.

بعد حوالي نص ساعة من القلق خرجت الدكتورة والابتسامة على وشها قربت من مازن اللي كان هيموت من القلق: مبروك يا دكتور مازن المدام همس حامل الهبوط والاغماء ده طبيعي جدا في أول فترة الحمل هى محتاجة بس راحة وتغذية كويسة.

هند وشريفة دمعوا من كتر السعادة وكرم ربنا عليهم.

ومراد حضن مازن: مبروك يا صاحبي.

 

مازن: الله يبارك فيك يا مراد

------

مازن دخل جناحه وقفل الباب وقرب من السرير والابتسامة على وشه قعد على طرف السرير جمب همس اللي كانت ساندة ضهرها على السرير.

مسك ايدها بين ايديه وباسها برقة وبص في عينيها: مبروك يا قلب مازن مبروك يا دنيتي كلها.

همس ابتسمت بكسوف وعيونها لمعت بدموع الفرحة: الله يبارك فيك يا حبيبي أنا مش مصدقة يا مازن بجد هيبقى عندنا بيبي حتة منك ومني.

مازن قرب منها أكتر وأخذها في حضنه كأنها جوهرة خايف عليها تتجرح: هيبقى عندنا أجمل طفل في الدنيا أنا فرحان فرحة ملهاش حدود يا همس تعبك واغمائك النهاردة خضني ووقعتى قلبي في رجليا بس الخبر ده أحسن مكافأة ليا في عمري كله بحبك أوي.

همس حطت راسها على صدره وغمضت عينيها: وأنا بعشقك يا مازن وربنا يخليك ليا ولابننا وميحرمنيش من حضنك ده أبدا.

مازن بعد عنها شوية وبص لوشها بحب وطبع بوسه رقيقه على راسها وحط ايده على بطنها: ويخليكى انتى والصغنن ده ليا.

-----

صباح تانى يوم أدهم كان رايح لمكتب اللوا عشان يتابع معاه بقية الاجراءات  بخصوص قضية المافيا.

خبط على الباب ودخل بس ملاقاش اللوا موجود في المكتب لسه بيلف عشان يخرج لفت انتباهه بالصدفة ملف أزرق محطوط على طرف المكتب الملف كان مكتوب عليه بخط عريض اسم خالد والده.

أدهم عقد حاجبه باستغراب ايه اللي يجيب اسم فى ملف في ادارة مكافحة الجرايم والمافيا مسك الملف وفتحه بفضول وأول ما بدأ يقرا السطور والتقارير السرية الصدمة لجمت لسانه وعينيه برقت برعب وذهول.

التقارير كانت بتاكد بالدليل والمستندات ان خالد هو العضو السري الأكبر والمخطط لشبكة المافيا وتجارة السلاح اللي كانوا بيطاروها ومش بس كده الصدمة اللي دمرت قلبه انه قرأ تقرير المعمل الجنائي اللي بتثبت ان الرصاصة اللي اتضربت على سيف وموتته طالعة من المسدس الشخصي الخاص بخالد يعني أبوه هو اللي قتل صاحبه سيف ....