رواية سلطانة الزين الفصل الرابع والاربعون بقلم نوره عبد الرحمن
كانت سلطانه نائمه على صدره وهو محاوطها همست ليه وهي بتلعب بزراير قميصه : زين
زين بيلعب بشعرها : همممممم
سلطانه:
انت لسا زعلان مني ..
زين :
انا زعلات عشان مراتي كدبت عليا.. هو انا عمري كدبت عليكي عشان تعملي كده
سلطانه هزت راسها بلأ
زين بلوم :
اومال كدبتي ليه
سلطانة :
كنت عاوزه اتأكد انت بجد معاها أو لا
زين :
بس انا مكنتش هناك وانتي برضو دخلتي شقت اللي ميتسماش وده الغلط التاني ليكي
سلطانة :
اتحرجت معرفتش اعمل ايه وهو عزم عليا وبقى يعتذر ويبرر موقفه وانا اصلا معرفتش أقوله انا جايه شقته ليه اتكسفت
زين :
حصلك كل ده عشان انتي مش واثقه بيا ولا بنفسك .. سلطانه انا مش بخبي عليكي اي حاجه بس انتي شكاكه جدا وده بيتعبنا في علاقتنا المفروض يكون عندنا ثقه في بعض اكتر والا انتي شايفه ايه
سلطانة بضيق :
يعني هترجع تمشي تاني وتسيبني
زين اعتدل وسند على كفه وابتسم وقال :
بتسألي ليه ..
سلطانه ببساطه :
عشان هروح معاك
زين بضحكه:
هتروحي المعسكر تعملي ايه
سلطانه بضيق:
وهو المعسكر برضو منار بتكون فيه ليه
زين اتنهد ولعب فشعرها وقال:
أنا قلت برضو هي مسألتش لسا ليه
سلطانة :
مش المفروض تقولي قبل ما اسأل
زين :
المفروض بس غيرتك من منار منعتني اتكلم معاكي باي حاجه تخصها
سلطانة :
انا مش بغير منها انا بغير عليك بس
زين :
مفيش فرق
سلطانة :
لا فيه لما بغير منها يبقى انا شايفاها احسن مني
اما لما بغير عليك ببقى بدافع عن حقي فيك انت جوزي ومش هسمح ليه تقرب منك فاهم الا لو انت عاوزها تقرب منك وقتها انا اللي همشي
زين :
تمشي فين وانا هسيبك تمشي ده انتي مراتي وهتكوني قريب إم ابني بلاش عبط..
سلطانه:
طيب كنت بتعمل معاها ايه ونسيت هدمك عندها ليه انا بسألك اهو جاوبني
زين بتريقه :
هدومي انتي مزوداها اوووي انا نسيت الجاكت بتاعي بس وهحيكلي كل حاجه بعدين
سلطانة : لا دلوقتي
زين :
قولت اي نبطل عند ونهتم بصحتنا شويه يلااا نامي وارتاحي وبكرى هقولك على. كل حاجه يلااا تعالي هنيمك
سلطانة:
شايفين عيله اليمني
زين بضحكه :
ياستي خلاص انا عيل تعالي انتي نايمين المهم تكوني فحضني
ابتسمت ودخلت فحضنه بسرعه وهو حاوطها بحب
***********
اول ما كنان بعد عنها هربت منه وطلعت ألاوضة وقفلت الباب وهي حاطه ايديها على شف*تيها ازاي قرب منها ازاي باس*ها وليه هي معملتش حاجه ليه فضلت ساكت سندت ظهرها على الباب حاسه قلبها هيخرج من مكانه ..
كنان بيخبط عليها وهو بيقول :
هناء افتحي خلينا نتكلم بلاش تهربي زي العيال كده افتحي ياهناء
هناء مردتش عليه رحت السرير ودفنت وشها وحاولت تنام وهي لسا مصدومه بس مش حاسه انها متضايقه لأ هي حاسه بحاجه غريبه
*************
راحت اسراء تحضر العشا لحامد ولما رجعت لقته متكور على نفسه ونايم بتعب بصتله كتتير وهمست انتوا رجالة عيلة الهوارى لما تحبو بجد تتعبوا .
ربنا يبرد نارك يا حامد ويريح قلبك وراحت جابت الغطى وغطته وطلعت عند ابنها
الصبح بدري صحي واتصدم أنه نام عند اسراء واتحرج وكان هيمشي لكنه سمع صوتها:
على فين مش هتفطر معانا
حامد بحرج :
معلش معرفش نمت هنا ازاي انتي ايه مصحيتنيش
اسراء :
شفتك تعبان مجاش مني اصحيك تعالي أفطر قبل ما تمشي
حامد :
لا متشكر
اسراء :
اي ده انت عايز تزعلني بعدين انت مصبحتش على سليم النهارده تعالى الفطار جاهز وانا هجيب سليم يفطر معانا
حامد كان محرج لكن اسراء أصرت عليا وفضل معاهم فطر ولاعب سليم وراح عشان يتواجه مع سماح اول ما دخل قابلته وهي قالبه وشها:
حمدالله عالسلامه كنت فين يااستاذ
حامد كان متعصب منها جامد مسك أيدها وطلعها اوضتهم وزقها جوى وقال :
انتي ايه ياسماح ايه انا اتخنقت منك خلاص معدش ليا وش ابص لزين من عمايلك ليه تعملي كده ليه
سماح :
وانا عملت ايه يعني تلاقيك تتحجج عشان حبيبة القلب
حامد بانفعال :
حبيبة مين انتي اي شيطان عايزه من زين ومراته ايه اتكلمي بنت عمك وغارت فستين داهيه عاوزه توصيلي لفين دلوقتي اتكلمي
سماح بارتباك :
انا مش فاهمه بتتكلم عن ايه
حامد :
عن خططك على فكره زين عارف بيها كلها وكاشفك لكن ساكت عشان ميكسرش بخاطري بس انتي جبتي آخره لدرجه حط عينه فعيني وقالهالي مراتك ياعمي عايزه منننا ايه
سماح :
كدب انت هتصدقهم
حامد :
اخرسي قال كلمته وهو بيضربها بالقلم وهي مصدومه ازاي يعمل كده .. حامد مكتفاش لاول مره يمد أيده عليها ويضر*بها وهو بيقول لو متعدلش حالك هق*تلك وهو بي*ضر*ب*ها وهي صوتها جايب لآخر الشارع في الوقت ده دخل زين وهو ساند سلطانه سمع صوتهم وجري على أوضة عمه وحاشه عنها
حامد :
سيبني يازين دي عايزه تتربى من تاني
سماح ببكاء :
دي اخرتها ياحامد تضربني تمد ايدك عليا
حامد:
انتي لسا ليكي عين تردي فوشي
زين :
عمي مش كده ياعمي اهدى عشان خاطري
حامد فك زراير قميصه بخنقه وقال :
والله لو عملتي حاجه تاني هطلقك ياسماح انا جبت اخري منك خلاص معدش فيها عشره وحب ومودة انتي بوضتي كل دول بعمايلك السوده .
وسأبها وخرج
وهي قعدت تعيط بحرقه وهي بتدعي على زين وسلطانه ..
سلطانه:
مالها دي بتدعي علينا ايه
زين:
سيبك منها وخليني اطلعك اوضتك ترتاحي
************
زين:
الووو ايوا يا رؤوف ازيك عامل ايه
رؤوف :
اهلا زين باشا الحمدلله انت اللي عامل ايه فينك دلوقتي سمعت انك رجعت المعسكر
زين:
لا مرجعتش بس فضلت هناك فتره ..
رؤوف :
ما أنا عارف اللي يعيش في المعسكر يوم مش هيعرف يسبيه تاني
زين :
انت بتقولي ده بقى ادمان بس اعمل ايه وصية جدي الله يرحمه
رؤوف:
الله يرحمه
زين :
بقولك ايه انا عايز اقابلك ينفع تجيلي
رؤوف :
خير ان شاء الله قلقتني
زين :
لااا متقلقش عاوزك في موضوع خاص شويه
رؤوف :
خاص ازاي
زين :
لما تنزل هنتكلم حاول تجي بسرعه
رؤوف :
ماشي يازين كم يوم. وهتصل بيك
زين :
تمام اشوفك بعدين مع السلامه
خرجت سلطانة من الحمام. سألت :
كنت بتكلم مين
زين : رؤوف
سلطانة بحماس : جوز منار يعني هيتصالحوا
زين :
ايوا ياستي جوز منار وهنشوف حكايات يتصالحو لما نتقابل.
سلطانة :
حلو اووي هيتصالحوا يعني
زين :.
بقولك اه ان شاء الله انا اتصلت في منار عشان تجي تفضل عندنا في البيت لحد ما تتحمل أمورها مع رؤوف
سلطانة بضيق :
تجي هنا تعمل ايه
زين :
تفضل بالبيت عشان البنت خايفه تفضل لوحدها وكل شوية عماله تتصل
سلطانة بخنقه:
يعني ايه
زين بااحتواء :
يعني ياحبيبتي من النهارده منار هتعيش معانا
سلطانه بانفعال:
لا بقى ده كتير والله يازين لو جت البنت دي وقعدت عندنا لاسيبلك البيت وامشي
زين قرب منها وقال :
والله
سلطانة بصت في عينيه بدموع وقالت :
اه ويكون فعلمك مش هرجع وخليها معاك تشبع بيها بقى ولسا هتمشي
زين مسكها وقرب منها وهي مش بتتحرك بتبص فعنيه بدموع وبتتكلم بغضب :
زين أنا مبهزرش
زين حاوط وشها ومسح دموعها وقال:
ينفع تبعدي عني وتسيبني .
سلطانة بصت ليه وقالت:
اه هسيبك لو البنت دي جت هنا وبعدين قولي انت مالك بيها مش خلاص خلصنا من حوارتها تجي بيتي تعمل ايه تجي بتاع ايه .
زين :
عشان البنت مالهاش مكان تروح وهي اصلا مالهاش حد
سلطانة بغضب : وانت مالك .. اخوها ابوها جوزها سيبها أنشالله تولع
زين بضيق : سلطانة
سلطانة :
بلا سلطانة بلا بتاع بقولك ايه يازين يا انا يا البنت دي هنا وانت اختار مراتك أو العقربه منار
زين خدها فحضنه وهي حاولت تبعده وقال : منار وانتي هتفضلوا هنا وهتبقوا صحاب كفايه بقى لعب عيال..
سلطانة بعدته عنها بصعوبه وهي بتقول: ونبقى صحاب ليه ماتجي واجوزهالك احسن وافرشلكم أوضة نوم ليكم لوحدكم عشان تاخدوا راحتكم
زين :
انتي ليه بتفسري كل حاجه على مزاجك
سلطانة :
عشان هو كده يازين البنت عينها منك ... وانا مش هتحمل ده انت اختار بقى يا انا يا منار
زين :
مش قلتلك هي متجوزه متعقلي بقى
سلطانه بعناد :
مش هتجي البيت هنا يازين سمعني
زين نفخ بضيق وقال :
بس انا اتصلت بيها قولتلها هتقعد معانا
سلطانه عيطت وقالت :
يبقى انا اللي هامشي وراحت تجمع حاجتها بسرعه وهي بتعيط ..
زين منعها وقال :
سيبك من لعب العيال ده هي هتفضل معانا لحد ماتتصالح مع جوزها بس
سلطان :
انا مش عايز تفهم ليه أن البنت مش عايزه تتصالح مع جوزها بأمارة انها لسا ملحقاك
زين :
اهدي ياسلطانه الانفعال اصلا مش كويس ليكي طيب خلاص انا هاخد لها شقه بعيد
سلطانه:
ايوا بقى قول كده وتبقى تروح لها وتبقى معاها لوحدكم لا يازين لا يعني لا..
زين بانفعال :
كفايه بقى انا احترت فيكي عايزاني اعمل ايه
سلطانة :
تخرج البنت دي من حياتنا نهائي..
زين
سلطانة
***********
حامد كان نايم حس بسماح سندت راسها على صدره وقالت بدلال :
حبيبي عارفه انك مش نايم
حامد ...
سماح :
انا والله معملتش حاجه ممكن يكون حد تاني عملها وعاوز يلزقها فيا ياروحي بصلي انا مصلحتي ايه يعني حتى منى مشيت خلاص با*ست جمب شفايفه برقه. وقالت:
ينفع تفضل زعلان مني كده .. وبعدين المفروض انا اللي ازعل انت اول مره تمد يدك عليا
حامد :.
عشان انتي غلطتي ياسماح وصغرتيني قدامهم
سماح :
معشت ولا كنت ان كنت هصغرك يا سيدي وتاج راسي .. قربت منه وهمست المفروض انت اللي تصالحني عشان ضربك لسا معلم على جسمي حتى بص لتكشف له مفا*تنها بس انا متهونش عليا وميهونش عليا حبيبي يفضل زعلان
كده وقربت منه وهو من غير ما يحس با*سها وووو 😂( اقسم بالله انا قرفت منها حية ربنا يسامحك ياحامد)