رواية الوصول للحب الحقيقي الفصل الرابع4بقلم لولو وائل

وفجأه استمعت إلى هتافات وزغاريد عاليه

توجهت نور إليهم مسرعه فى دهشه وقالت=

مالكو بتزغرطو كده ليه

اجابتها حنان والدت ياسمين = ياسمين جايلها عريس

صدمت نور عندما استمعت لما قالته خالتها وكانت تظن نور أن ياسمين لن تخبر أحد الان وبهذه السرعه وكانت تشعر بضيق وقالت =ده بجد

اجابتها والدتها =مش مبسوطه لبنت خالتك ولا ايه

= لا ياماما مش قصدى بس مستغربه شوايه

وشردت نور فى افكارها وشعرت أن نادين تكذب عليها وقررت أن تهاتفها مره اخرى ولكن بعد ذهاب ياسمين

وقالت لياسمين بسعاده مصتنعه =الف مبروك يا حبيبتى ربنا يتملك على خير

= الله يبارك فيكى ياحبيبتى عقبالك

=العريس اسمو ايه بقى

صمتت ياسمين وشعرت بتردد لم تكن تفكر بأن نور سوف تسألها هذا السؤال ولكن قررت أن تقول الاسم الحقيقى لأنها تعلم أن نور لا تعرف شئ ولن تعرف شئ اذا علمت اسمه

=سرحتي فى ايه الاسم صعب اوى كده

= لا مش صعب ولا حاجه اسمو محمد

=ماشى يا حبيبتى الف مبروك

=الله يبارك فيكى احنا هنمشى بقى يلا ياماما

=ماشى ياحبيبتى سلام يانسمه سلام يانور

=سلام يا خالتو

=ماشى ياحبيبتى سلام والف مبروك لياسمين

وبعد ذهاب ياسمين توجهت نور مسرعه إلى غرفتها وتشتت ذهنها وشعرت بإرتباك وكانت تفكر كيف حدث ذلك كيف تحدثت ياسمين بهذه السرعه إذا لم يكن العريس لها هل نادين تكذب عليها أو ياسمين تخطط لشئ اخر وهل اسم العريس حقيقى أو كانت تكذب لتشتيتها وقررت أن تتحدث مع نادين لتفهم ماذا يحدث

وأخذت هاتفها وهاتفت نادين

=الو يا نادين ازيك

=الحمدلله وانتى عامله اى

=الحمدلله

=بتكلمينى تانى علشان موضوع امبارح صح

=بصراحه اه

=انتى عارفه انى مش هعرف اجوبك علشان كل الى قولته امبارح مختصر الحقيقه لانى مش هعرف اقول الحقيقه كامله وانتى عارفه ليه

= انا بس عايزه افهم العريس ده لمين وانتى بتقولى لبنت تانيه صح

=اه

= اومال اى إلى حصل انهارده ده

= حصل اى

= ياسمين راحت قالت الكل انهارده أن فى عريس جايلها انتى عارفه وانا عارفه أن ياسمين مش بتقول على العريس بالسرعه دى حتى لو كان ليها مبالك بقى لو مش ليها بتتكلم بالثقه دى ازاى

= هى مقالتليش انها هتقول ازاى ده حصل

= انا مبقتش عارفه البت دى فى دماغها اى

= انا لو كنت اعرف انها هتقول كنت هقولك قبلها انا مكنتش اعرف والله

= طب قوليلى اسم العريس على الأقل ومش هسألك تانى بس بالله قولى اسمه   

=العريس اسمو محمد مش هجوبك على حاجه تانى خلاص لو عايزه حاجه تانى ممكن تكلميني لكن فى الموضوع ده لا ماشى

= يعنى الاسم إلى هى قالته صح ماشى يا نادين شكرا على الأقل بتقوليلى اى حاجه

= متزعليش منى بس مقدرش اتكلم اكتر من كده لو كان بأيدي كنت قولت الحقيقه كامله لكن انتى عارفه انه مش بإيدى

= ولا يهمك انا عارفه والله يلا هسيبك تشوفى إلى وراكى بقى يلا سلام

نادين:سلام

وبعد أن أغلقت تذكرت شئ وقالت

=انا ازاى نسيت و مفكرتش فى الشاب الى كان خالد عايزنى اكلمه بعد ما روحت اجيب عصير رجعت ولقيت ابتسامه على وش ياسمين ومن بعدها جت سيرة العريس الى جاى لياسمين وان العريس ده طلع لبنت تانيه هتكون مين البنت الى العريس جيلها ممكن يكون العريس جيلى انا لازم اتأكد قبل اى حاجه هقولها انا لازم اكلم خالد

وأخذت الهاتف وبحث عن رقم خالد ووجدته وقامت بالاتصال به

=الو ازيك يا خالد

=الحمدلله مين معايا

= انا نور انا اسفه انى بتصل بيك بس كنت عايزه اسألك على حاجه

=اتفضلى

=يوم حفلة الاستقبال انت كنت قايلى ان فى واحد عايز يشوفنى فى موضوع ضرورى صح كده

= اه

= هو جه اصلا ولا مجاش

= جه يابنتى وانا كمان قولتو على مكانك وراحلك ده كمان كلمنى بعدها وقالى انه خد رقم والدتك علشان اخوه كان عايز يتقدملك

=نعم ؟؟

= فى اى انتى مش شوفتيه

صمتت نور وكانت غاضبه بشده من ياسمين وحاولت الهدوء وأجابت خالد = اه شوفته بس كنت عايزه اطلب منك طلب

= اتفضلى

=ممكن تديني رقم الشاب الى كان جاى يقابلنى

=مين يوسف ولا محمد

=انت تعرف محمد

=اه ده صحبى من زمان

=طب ممكن تدينى رقم محمد

=ماشى بس ليه مش هما هيجو يتقدمو

=هبقى اقولك بعدين

= ماشى هبعتلك الرقم على الواتس

= شكرا جدا بجد

= العفو

اغلق خالد الخط وبعد قليل من الوقت ارسل خالد الرقم

شعرت نور بالفرحه لأنها استطاعت أن تأخذ رقم الشاب وسوف تساعد الشاب وتتأكد مره اخرى اذا كانت هى العروس اما خالد لم يفهم صحيح من صديقه وحاولت الهدوء وقامت بالاتصال بمحمد

كان يتدرب كثيرا حتى يتم شفائه من الاصابه وشعر بالتعب وذهب لكى يستريح واتى صديقه بجانبه وقبل أن يتحدث استمع لصوت هاتفه ووجد رقم مجهول

= مين ده

=رد يمكن مكالمه مهمه ولا حاجه بس افتح الاسبيكر

= ماشى

واجاب بعدها= الو

=الو السلام عليكم استاذ محمد معايا

=عليكم السلام اه انا مين معايا

فكرت نور اتقول اسمها الحقيقى أن لا وقالت

=بص انا عايزه اقابلك ضرورى لما اقابلك هبقى اقولك انا مين

= عايزه نتقابل ليه

= فى حاجه مهمه اوى لازم تعرفها بس مش هينفع اقولها فى التليفون

= حاجه زى اى

= لما اقابلك هقولك

نظر لصديقه واومئ له رأسه أن يوافق على مقابلتها

=طب وعايزه نتقابل فين

= ممكن اقبلك فى كافيه قريب منك

= قريب منى انا ليه

= قولتلك لما اقابلك هتفهم شوف بس اى اقرب كافيه منك وابعتيلى لوكشين وهجيلك

= وعايزه امتى

= لو انهارده يبقى حلو اوى

= انهارده !!

= عارفه أنه غريب إلى بقولو بس صدقنى الموضوع مهم اوى اوى

= ماشى هقفل وابعتلك اللوكشين

= ماشى سلام

اغلق الخط بتعجب ونظر لصديقه وكان متردد ايرسل العنوان ام لا

= اعمل اى

= انا حاسس انى سمعت الصوت ده قبل كده

= اوعى تقولى دى البنت الى هددتك

= لا مش هى التانيه صوتها عمرى ما هنساه ولا حتى شكلها بس دى حد تانى خالص

= مين يعنى

= دى البنت الى كلمتنى وقالتلى هساعدك افتكرتها بس هى عايزاك فى اى انت لسه حتى مروحتش تشوف العروسه

= مش عارف يمكن عايزانى فى حاجه تانيه غير الجواز اصلا

= هتكون عايزاك فى اى يعنى

= مش عارف انا مقلق منها ابعت العنوان ولا

= انا رأيى تبعت وانا هروح معاك اهو تعرف فى اى واى الموضوع المهم إلى هى عايزاك فيه

= طيب

وأرسل إليها العنوان وبعدها ذهب لكى يستحم وبعد أن أنهى ذهب للخارج ووجد صديقه يركض إليه

=فى اى بتجرى كده ليه

=فى مصيبه

=فى اى يا معتز متقلقنيش

=فاكر حازم ابراهيم إلى كان بقاله كتير مختفى عن الفريق وكانو بيدور عليه

=ماله

=لقوه منتحر

صدم محمد مما أسمتع له وحزن بشده على صديقه =انتحر ازاى يعنى حصل ازاى الكلام ده

=الى عرفته أنه كان بيحب واحده اوى واتعلق بيها زياده وهى ضحكت عليه وخدت إلى وراه وإلى قدامه وجننته لحد ما انتحر

=تفتكر تكون هى

=دى تبقى كارثه والبنت دى هتبقى خطر على الكل بس لازم نتأكد الاول

=وهنعرف ازاى

=استنى اهو فريد جاى وهنفهم منه

ونادى معتز على فريد واتى إليهم

=عاملين اى يا شباب اكيد عرفتو إلى حصل

اجابه معتز =عرفنا وعايزين نعرف انتحر ليه

=ده موضوع كبير اوى

نظر معتز لمحمد وتذكر محمد ان لديه موعد ولكن أمامه قليل من الوقت وسوف يحاول الا يتأخر وقال

=قول المختصر مش لازم التفاصيل

=ماشى بس الكلام ميطلعش لحد

=ده اكيد

=وانت يا معتز

=متقلقش يا صحبى قول بس

=الموضوع كله بدأ لما هو كان فى السوبر ماركت قالى أنه هو كان بيحاسب وفجأه شاف بنت كانت واقفه جنبه علشان تحاسب وكانت عجباه اوى زى متقول كده حب من اول نظره ولما خلص الحساب وكانو ماشين كان عايز ياخد منها رقمها أو رقم أهلها بس قابل بنت تانيه وقالتله انها قريبتها وهتساعده يتواصل معاها وطلبت منه رقمه علشان تديهولها وتخليه يكلمها وهو ادها فعلا رقمه وقالى أنهم كانو بيتكلمو واتساب كتير اوى ولما قالها أنه عايز يتقدم قالتله أن أهلها مسافرين لما يرجعو هتقولو ويجى وكان بيقولى أنها قد اى كانت لطيفه جدا معاه وهو حب أسلوبها فى الكلام واتعلق بيها وفضلوا على الحال ده سنه وكل ما يسأل على أهلها تقولو مسافرين لحد ما هو حاول يجيب معلومات عنها ولما راح مكان سكنها عرف أن أهلها موجودين ومحدش مسافر رجع البيت وبعتلها وسألها هى بتكدب ليه هى مش بتحبه وردها كان

فلاش باك

=بص يا حازم علشان مبقاش بكدب عليك انا حاولت احبك بس مش قادره وحاسه أننا مش مناسبين لبعض

=قصدك اى بعد كل ده دانتى اى حاجه بتطلوبيها بعملها فلوس وببعت هدايا وبجيب وببعت انتى عايزه تسبينى علشان لما طلبتى اخر مره قولتلك فلوسى خلصت انتى عارفه أن كل الفلوس إلى بتجيلى من النادى بتروح على علاج امى غصب عنى

=معلش بقى يا حازم كل شئ قسمه ونصيب

بالك

=وقفلت معاه وعملته بلوك حاول يتواصل معاها كتير معرفش وراحلها تحت البيت عرف أنهم عزلو واختفت وهو دخل فى حالة اكتئاب ولما رجع أنتو عارفين أنه اتصاب وقعد فتره كبير ومكنش معاه فلوس يكمل علاج مامته واتوفت بعدها وهو مستحملش واتجنن وبقى بيكلم نفسه وانتحر

نظر محمد لمعتز وشعر انها نفس الفتاه وتقدم محمد بسؤال = هو اسم البنت اى

= كان بيقول انها اسمها نور

صدم محمد عندما علم الاسم وتذكر الفتاه التى كانت والدته تريد أن تزوجها له وانسحب من بينهم وشكر معتز فريد على اخبارهم وذهب وراء محمد

=مالك يا محمد فى اى

= نور ده نفس اسم البنت الى هتقدملها

=اصلا بس انا شاكك فى حاجه تانيه

=شاكك فى اى

=مش هو قال إن حازم أدى الرقم لقريبت نور

=اه وبعدين

=مش يمكن تكون متدش الرقم لقريبتها اصلا وكلمته هى

= وهنتأكد من ده ازاى بقى

=بص انا احساسى انها نفس البنت والبنت إلى كلمتك نفس صوت البنت الى ساعدتنى خلينا نروحلها ونشوف هى عايزه اى وبالمره نسألها

=ماشى

بعدما أغلقت نور الهاتف ذهبت لتتجهز وتلقت العنوان وكانت على أتم استعداد وكانت سوف تذهب وفتحت الباب وجدت ياسمين امامها أغلقت الباب فى وجهها 

                     الفصل الخامس من هنا