: عاصم ايه الي جابك وازاي تيجي اصلا -هقولك لحظه انا شوفت عنوانك في ورق السي في بتاعك وبالنسبه ايه الي جابني اكيد مش هقوله على الباب
: لا ما انت مش هتقوله اصلا عشان وجودك هنا مينفعش وانا مينفعش ادخلك عشان لوحدي ووجودك هنا غير مرغوب فيه يا عاصم
-لا هقوله انتي مش بتديني فرصه حتى أقف معاكي في الشركه
: واقف معالك ليه وبعدين انا مش بديلك فرصه عشان الكلام الي سمعته عنك وانا مصدقتش وقولت يمكن ظلم لكن وجودك هنا اكدلي كل حاجه
وبعدها كملت بعصبيه
:امشي من هنا بدل ما اجيب البواب يمشيك ويبقى شكلك وحش
كان لسه هيكمل بس يوسف طلع على الصوت وباين انه كان نازل
-في ايه يا ليل مالك
وبعدها بص لعاصم
-ومين ده
: ده واحد مش مرغوب فيه ولا مرحب بيه هنا
بصله يوسف وهو بيتكلم
-طب يلا من هنا عشان مزعلكش -وانت مالك بصفتك ايه ليها بتتكلم كده
-صفتي هتعرفها قريب ولحد ما القريب ده يجي او حتى بعده متخطيش المكان ده
-وانت مالك اصلا الكلام مش معاك
-انا مالي ونص
وبعدين قرب منه وهو بيكمل
-وانت متخطيش مكان فيه ليل تاني
تابع بغضب
-فاهم
مشي عاصم من المكان لما حس ان المشكله بتكبر وقالي يوسف
-مين ده
اتكلمت معاه ببرود تام
: واحد معايا في الشركه
كملت كلامي
: شكرا على موقفك بعد اذنك عايزه اقفل الباب
رد بغيظ
-اتفضلي
_____________
عدى اسبوع ومحدش فينا بيكلم التاني وماما وبابا رجعوا البيت
-ليل
: نعم ياماما
-تعالي اقعدي لما احكيلك على حاجه
قلت باهتمام زي العيال الصغيره
:قولي في ايه
_ام يوسف الي قصدنا قبلتها النهارده وانا بشتري شويه حاجات
: ها وبعدين
كانت بتكلمني عن يوسف وبنت خالته الي اسمها نور
قولت باستغراب
: مالهم
-بتقولي انها عيزاهم لبعض وشكل كده يوسف رايح يتقدملها
مكنتش حاسه بحاجه كل الي كنت شيفاه عيله صغيره بتراقب ابن الجيران من بعيد وهو مش حاسس بيها سنين عدت وهو لسه عندها أهم حاجه
-ليل بت ياليل
: ايوه ياماما في ايه
-هو ايه الي في ايه بحكيلك عن نور ويوسف
قولت بتوهان
: معرفش ياماما
دخلت الاوضه بتاعتي ،قعد على الأرض وكنت بعيط بصمت تام، طلعت صوره لينا واحنا صغيرين كان يوسف واقف في النص وانا ويونس جنبه من الناحيتين، كنت دايما لما ارجع زعلانه من المدرسه كان يضحك عليا ويجبلي حاجه حلوه كنت دايما شيفاه غامض وفي نفس الوقت طيب ومرح وعنده شغف ... مسحت دموعي وقلت اني هحاول انسى ودي كانت محاوله فاشله اقنع نفسي بيها ، وقفت قدام المرايه وانا بقول لنفسي
: فوقي يا ليل مش هنتعلق بحاجه مش بتاعتنا
:ماما
-مالك يا ليل في ايه
:مفيش هو بابا فين عشان عايزه انزل مخنوقه
-مالك طب
: صدقيني مفيش شويه مشاكل في الشغل يلا قولي بابا فين
-في البلكونه
روحت لبابا اطلب منه انزل اتمشى ووافق
________________
نزلت اخيرا وشميت ريحة البحر إلي مشمتهاش بقالي فتره كانت دموعي بتنزل وانا مش حاسه بنفسي لحد ما خبطت في حد وكان اخر حد اتمنى اشوفه وانا كده كان يوسف للأسف
قال بصدمه
-ليل مالك في ايه حد دايقك
كنت بصاله والدموع في عيني وبعدين لفيت وشي الناحيه التانيه وكلمته ببرود
: وانت مالك
-في ايه يا ليل بتكلميني كده ليه انتي مش شايفه شكلك
: اكلمك ولا مكلمكش دي حاجه متخصكش وماله شكلي
-طب ماشي يلا تعالي اروحك البيت
المكان إلي كنت فيه كان شبه فاضي عشان مش طريق على الشارع ، فزعقت فوشه
: انت مبتفهمش انا مش عايزه اشوفك مش عايزه اشوف وشك يا يوسف
قالي بغضب بيحاول يسيطر عليه عشان حالتي
-تعالي معايا ياليل على البيت وكلامك ده مش هحاسبك عليه دلوقتي
قولت بغضب
:مش هاجي معالك يايوسف وابعد عني
وبعدها قولت وانا بحاول امسك نفسي اني منهرش وقولت بصوت مكسور زي قلبي الي حبه سنين فصمت
:انا بكرهك ومش عايزه اشوفك
كان هو فصدمه سيبته ومشيت عشان اروح
____________________
-مالك ياليل انتي معيطه كده ليه
كنت بنهج وانا بعيط عشان كنة طالعه بسرع في خطواتي عشان عايزه اخش اوضتي وانهار براحتي
بعدين رديت
: معلش يا ماما سيبيني فحالي مش عايزه اكلم حد
دخلت الاوضه بتاعتي قفلت على نفسي بالمفتاح وحاولت اهدي نفسي .... قعدت على الأرض و فتحت شنطتي وانا بفتحها اتخربشت خربوش يكاد لا يرى فضلت ساكته ثانيه اتنين تلاته وبعدين ... عيطت بطريقه عمري ما عيط بيها قبل كده احساس انك تكون مستني الشخص إلي ميعرفش انك مستنيه
'' يا من أحببته دون علمه
كيف اصارحك بحبي ومشاعري لك ؟
كيف أخبرك بقلبي الذي احبك ؟
كيف أخبرك وخوفي يقت.لني ؟ "
مسكت التليفون
-الو يا بشمهندسه ليل في حاجه
: انا كنت عايزه اخد اسبوع اجازه معلش بس عندي شويه ضغوطات انا عارفه انه صعب وانا لسه جديده بس محتجاها
-بصي هو صعب وانتي لسه جايه من كام اسبوع بس انا هدهالك عشان انتي مهندسه شاطره وكمان تطلعي بأحسن نتايج في التصاميم
: تمام شكرا لحضرتك يا استاذ محمد
قفلت معاه وطول الاسبوع ده وانا في الاوضه بتاعتي لابكلم حد ولا حد بيكلمني كنت بين اقعد اركز في التصاميم وشويه اعيط وارجع تاني
على الناحيه التانيه "يوسف"
شفتها مشيت بسرعه قبل ما اكمل كلامي معرفش مالها بس كان عندي فضول اعرف روحت البيت وسألت ماما عليها بس محكتش الي حصل بينا ...عدى اسبوع وانا مش بشوفها كل الي اعرفه من ماما انها مش كويسه عندي فضول وقلق عليها بس برد واقول مليش دعوه
_ايوه يعني انت بتحبها ولا لاء
:بردو هيقولي بحبها بقولك يا إياد انزل من على دماغي
_لا مش هبعد عنك غير لما تعترف
قفلت في وشه السكه وانا بحاول انفي الي هو بيقوله واقول لنفسي ان ليل انا إلي مربيها وهى اختي مش اكتر يعني لكون فاكر حاجه غير كده والقلق إلي عليها ده عادي
__________________
عدى شهر على يوسف وليل وهما حتى السلام مش بيسلموه
عند "ليل"
رجعت الشركه وقدمت تصاميمي وقابلوني في اني اجي الافتتاح
_يعني يا ليلو هتكدبي عليا وتقولي نسيته
: معرفش بقى ياحبيبه بس بحاول اتجنبه
_وهو مخطبش
: سمعت من ماما انه مش موافق
_ اومال كان ازاي رايح يتقدم
:دي طنط إلي كانت بتقول انها شيفاهم لبعض
_اها قولتيلي
:اه صحيح مش فيه مفاجأه لحبيبتي صديقتي الصدوقه
_ اممم صدعيني
:ده يونس جي كمان كام يوم
_بجد قصدي وانا مالي
: بقولك ايه ياحبيبه انا براقبك وهراقبك
قالت في محاولة منها انها تتوهني ونجحت
_الله ده انا بحب الكرتون ده اوي
:اه وانا ماتيجي نروح السينما بكره مع بعض نتفرج على Toy story الجزء الجديد
ضحكت هى كأنها انتصرت
_ماشي
:طب يلا سلام انا هروح
وانا راجعه رن عليا يونس
:الو يا ابو نواف
_عندي ليكي خبر
:امممم