رواية حق مشروع الفصل الرابع4بقلم فاتن جمال
عدي بصدمه وعصبيه: انتي بتقولي اي يا ماما ...انتي
عايزني اتجوز مرات اخويا اللي ليس دمـ ه مبردش
رقية : انا عايزه اطمن أن حسام الصغير يعيش وسطنا ،و
عمه اللي بقي في مقام أبوه هو اللي يربيه
شيماء من وراها : محدش هيربي ابني غيري ،وعدي كان
في مقام اخويا ،لكن دلوقتي معتش ينفع يكون اخويا بعد ما ضحه بـ حسام
عدي بتفاهم : انا فاهم مشاعرك كويس ،بس انا روحي في
حسام
شيماء بعصبيه : روحك فيه !!! علشان كدا سبته يموـت؟
رد عليا
عدي بندم : لو عليا كنت فديته بروحي ،بس حقه هجيبه
اوعدك
رقية : المأذون جاي
عدي بعصبيه : ماما انتي شكلك تعبانه و محتاجه ترتاحي
شويه
رقية بعصبيه ودموع : انا مش مجنونه يا عدي انا ام
وابني ليس ميـ ت ،ومراته حامل ،وصغيره انا عايزه اطمن أنه ابنها يعيش وسطنا وهي تتجوز واحد شبه حسام
شيماء بعصبيه وصوت عالي : مفيش حد شبه حسام ولا
حتي عدي و لو علي الجواز انا مش هتجوز بعد حسام
بعد اذنك
سلمي وقفت لما شافت شيماء نازله بتعيط
سلمي : شيماء انتي كويسه ؟
شيماء بصت ليها و سبتها ومشيت
عادل بهدوء : امير خد سلمي وصلها لبيتها وانت يا حمزه روح لمراتك
سلمي : ممكن اسلم علي طنط رقية
عدي نزل علي صوت سلمي وقال
عدي : ممكن تطلعي ليها
سلمي طلعت لرقية
سلمي : البقاء لله يا طنط
رقية : انتي مين
سلمي : انا اسمي سلمي شغاله مع الرائد عدي
رقية : تعرفي تقنعه
سلمي : بـ اي ؟
رقية : أنه يتجوز مرات اخوه
سلمي بصدمه : عدي و شيماء
رقية : ممكن يا بنتي
سلمي بدموع : حاضر
تحت
عادل : عدي عندك اربع ايام اجازه
عدي : الصبح يكون علي مكتبي تقرير بالواقعة وعايز
تفتيش بمصانع راندا المنصوري
عادل : يا ابني ارتاح
عدي : مفيش راحه غير لما اجيب حق اخويا و اعرف المنصوري هو بيلعب مع مين
حمزه : انا عملت بحث عن كل عربيات المنصوري و كل نقل تم من الميناء بالتاريخ والساعات
امير : وانا جهزت ليك كل الورق المطلوب علشان يجي لينا أمر بالتفتيش وبكرا هيكون جاهز
عادل : اعتبر أمر التفتيش معاك
عدي : محتاج سلمي
عادل باستغراب : هتعمل اي ؟
عدي : هشغلها معايا ،بس المرادي بجد
امير : هتزرعها جواهم
عدي : بكرا هتعرفوا كل حاجه
سلمى كانت نازله وهي بتمسح دموعها
عدي لاحظ دموعها ، لكن ما اهتمش يكفي ما يشعر بيه
سلمي بهدوء: انا لازم اروح
عدي : بكرا تكوني في مكتبي الساعه ٦
سلمي : تمام
سلمى مشيت وهي بتفتكر عدي و ازاي حبته
ــــــــــــــفلاش
مصطفي: ازيكم يا شباب ،النهارده جاي لينا رائد من
الداخليه هيعلمكم ازاي تدافعوا عن نفسكم ،وهيكون معاكم طول فترة الدراسه
سلمي كانت قاعده في ساحة التدريب مع زميلة ليها فجاء
دخل عدي بكل هيبه ،سلمي حست بأنه شديد و صارم في شغله فقرارت تبعد عنه ،لكن للقدر راي آخر حتي يكون هو
من يسكن فؤادها
عدي بأمر : الكل يجهز قدامكم خمس دقائق تكونوا قدامي
في ساحة التدريب الكبيره
محمد بصدمه : ساحة التدريب اللي في اخر الكلية ؟
عدي : عندك مشكله
محمد باتردد: لا يا فندم..بس دي محتاجه ربع ساعة بالعربيه و نص ساعة ماشي
عدي : وانت هنا بتتعلم تسابق الوقت ، لو في الصحراء وبينك وبين الحياة نص ساعة هتستسلم ؟
محمد : اكيد لا
عدي بصوت عالي: يبقي ما اسمعش منك كلمة مش هقدر أو بعيده أو ينفع هنا ...انت هنا مش في جرين لاند،انت هنا في كلية الشرطة بتتعلم ازاي تكون ظابط حامي لبلدك وشعبك واهلك ...ودلوقتي اتحركوا
في ساحة التدريب سلمي كانت اول مره تمسك المسدـس واول طلقـ ة طلعت غلط ...عدي قرب منها بهدوء .
عدي : لازم تركيزك يكون علي الهدف ،وازاي تخليه خايف مش واثق انتي هتصيبي فين وأمته ومن اي اتجاه
سلمي كانت مبسوطه بقرب عدي ،بس مكنتش تعرف انها هتحبه
ــــــــــباك
حمزه : تحبي اوصلك بدل مانتي ماشيه لوحدك
سلمي : ملوش داعي انا حبه اتمشي شوية ،اتفضل انت روح وسلملي علي سارة
حمزه : تصبحي علي خير
سلمي فضلت ماشيه لحد ما لقت نفسها قدام العماره اللي ساكنه فيها
طلعت الشقة وهي بتحاول تتماسك ،لكن يكفي ما استطعت من صمود ،بكت حتي شعرت بأن ما مر لم يكن إلا وهمُُ ،هي بس اللي عشته
فضلت سلمي قاعده في البلكونه ،لحد ما طلع النهار عليها ،ولكن ليس هي فقط ..
كان عدي طول الليل بيفكر في احدث اليوم ،وموـت اخوه
( يأتي النهار حتي يمحي اثار دمع الليل )
في المديريه
عدي : صباح الخير
امير : عامل اي
عدي بارهاق: زي مانت شايف
حمزه خبط ودخل
حمزه : عندي ليك خبر مهم
عدي بانتباه : اي ؟
حمزه : امبارح عرفت معلومات عن شحنه داخله مصر ليلة رأس السنة الميلادية،وهتكون باسم كريم المنصوري
عدي : باسم كريم ! ازاي ؟ دا عيل تافه
حمزه : الشحنه كريم هو اللي طلبه ، بدون علم باسم ..كريم عامل لنفسه شغل خاص
عدي : حمزه اقعد وفهمني كل حاجه من الاول خالص،واي اللي خلاك واثق أن دي مش لعبه من العاب المنصوري
حمزه : امبارح رن عليا شخص انا مكلفه ياخد باله بكل مكالمات باسم وعائلته ،وهو قالي أن كريم كلم كذا حد علي موضوع الشحنه وأنه عامل حسابه مين هيشيل الشحنه قبل ما تعدي الميناء
امير : دا معنا أن المشتري هياخد علي العمياني
عدي : فين سلمي
امير : سلمي بتدرب
حمزه : هتعمل اي ؟
عدي : هتعرف
عدي خرج من مكتبه
حمزه وامير بصوا لبعض باستغراب
سلمي كانت بتدرب بعد ما فكت الجبس الصبح ،كانت بتلعب وهي بتتالم مش من دراعها ،لكن من كلمة الست رقية والدة عدي
عدي وقف مستغرب أنها بتدرب وبتعيط ،قرب منها
وقال : سلمي !
سلمي بصت علي مصدر الصوت حاولت تدراي دموعها
قالت : نعم يا فندم
عدي : مالك ؟ فيكي حاجه
سلمي : مفيش حاجه،انا بس كنت بدرب
عدي : فين الجبس؟
سلمي بهدوء: قرارت اخلعه
عدي : قبل معاده ؟
سلمي : في حاجات لازم نستغنى عنها لأنها لو فضلت بتتعبنا زياده
عدي باستغراب : كلامك غريب ..كأنك قصده شخص مش الجبس
سلمي : والدتك طلبت مني افنعك بجوازك من.... شيماء
عدي بهدوء : والدتي طلبت منك كدا ؟
سلمي : ايو،قولت اي ؟
عدي : قولت أن عندنا شغل اهم من طلب والدتي ،و جو الشغل مفيش حياة خاصة ودي حياتي الخاصه
سلمي بعدم فهم: يعني هتتجوزها
عدي بهدوء: لا ... شيماء عندي اختي الصغيره ،انا اللي مجوزها لحسام
سلمي بابتسامه وفرحه بانت عليها : بجد ؟
عدي : شكل الموضوع يهمك
سلمي بتوتر : مش قصدي ،بس اصل والدتك يعني ..أصلها خايفه علي ابن اخوك
عدي بتفاهم: عارف و مقدر خوفها ،بس ملوش داعي ،في سر عايزه أقوله ليكي
سلمي : سر اي ؟
عدي :