رواية سلطانة الزين الفصل الرابع والخمسون54 بقلم نوره عبد الرحمن

سلطانة بجديه : انت موديني فين ياعمر

عمر :

هنروح بيتي انا مش هأمن عليكي لوحدك 

سلطانة بحده :

 انت  فاكرني ايه عايزني اروح بيتك . اي الكلام ده ..

عمر بارتباك :

مش قصدي انا بس خايف عليكي ياسلطانة

سلطانة :

متخفش يادكتور عمر انا كويس ومش محتاجه حد جمبي

عمر بحرج :

انا اسف مكنش قصدي

سلطانة بجديه :

وصلني بيت اسراء عنوانها ***** 

عمر :

حاضر اللي انتي تشوفيه بس هطمن عليكي ازاي

سلطانه :

كتر خيرك كفايه لحد كده

عمر :

سلطانه انا قلقت عليكي اووي من ساعة ما عرفت أن زين بيضربك وبيجبرك تفضلي معاه

سلطانه بصدمه :

انت مين قالك الكلام ده 

عمر :

بلاش تخبي حقيقة زين ظهرت خلاص عشان شفته بعنيا بيضربك  وانا مش هسمح ليه يجبرك على حاجه او يضربك تاني

سلطلنه بانفعال :

انت بتخرف زين جوزي وولو احنا كنا متخانقين  ده مش بيديك الحق تتدخل 

عمر :

أنا خايف عليكي

سلطانه بضيق :

بصفتك ايه يادكتور وعلى فكره وجودك حوليا دائما بيخليني اضطر اكدب عليه وده سبب مشاكلنا كلها 

عمر اتحرج :

انا عايزاك تعرفي اني هكون جمبك باي وقت تحتاجيني فيه بس كده 

سلطانة بحزم :

انا مش محتاجه حد هعرف اتصرف لوحدي وقف العربيه ده بيت اسراء صاحبتي

نزلت وقالت:

 متشكره يادكتور

عمر :

مفيش شكر مابينا وانا عند كلامي لو احتجتي مني اي حاجه بمكالمه وحده هكون عندك

سلطانه:

 تصبح على خير

عمر بحب :

وانتي من أهله  

***************

رؤوف:

 اي اللي بيحصل معاك يا اخي انا اللي كنت بحسدك على جاوزتك ومراتك عشان كنت شايفكم متفاهمين وبتحبوا بعض

زين بخنقه :

كل حاجه طلعت كدبه كبيره يا رؤوف كل حاجه انا كنت عايش في وهم حبها

رؤوف :

استهدى بالله يازين هنروح كافيه نقعد نتكلم برحتنا وقوفنا قدام القسم كده مش حلو 

زين :

لا مش عايز اروح اي مكان خدني اقعد عند النيل مخنوق اوووي يا صاحبي 

رؤوف هز راسها وووصلو عند النيل كل ده ورؤوف ساكت وسايب زين ياخد وقته بالتفكير..

رؤوف:

 زين مش كفايه بقى وتحكيلي اللي حصل..

زين بحرقه :

 كان المفروض من اول يوم جواز نسيب بعض

رؤوف باستغراب :

ليه بتقول كده .. 

زين :

 من اول يوم قالت إنها اتغصبت عالجوازه دي 

رؤوف بص ناحيته باستغراب

زين كمل بغصه:

 بس بعدين حسيت انها خلاص حبتني زي ما انا اتعلقت بيها و حبيتها لكن فجأه ظهر عمر مابينا كل حاجه كنت حافظها في مرأتي لكنها اتغيرت بقت حد تاني اتغيرت بس انا كنت بعدي بقول يمكن بسبب الحمل

رؤوف :

مش ممكن يكون ده السبب فعلا..

زين كمل كلامه:

 في الاول فرحت وبقيت مبسوط جدا عشان عرفت أن مرات عمي هي اللي بتخطط عشان تخليني اشك بيها روحتله وخدتها فحضني. ونسيت كل حاجه .. عديت حجات مش ممكن اي راجل يعديها بس انا عديتيها .

رؤوف كان بيبصله وبيبص للوجع فعنيه 

زين كمل كلامه :

بس طلعت مغفل يا رؤوف سلطانه سقطت ابني عشان عمر 

رؤوف بصدمه : ايييييه 

زين :

الدكتور قالي الكلام ده تحليل الدم عنده يبان انها خدت دوى عشان تجهض نفسها

رؤوف :

استغفر الله العظيم  ايه الكلام ده

زين :

ومش بس كده يا رؤوف بتقابله في بيتي وخرجت معاه قدام عنيا بعد ما اشتكت للبوليس عليا وروحت معاه في عربيته قدامي كأنها بتقولي خلاص انا اخترته هو  اخترت عمر

رؤوف:

 زين الأمور مش بتيجي كده اهدى الاول وافهم الحكايه 

زين بانفعال : 

افهم ايييه ... قولي انت هتعمل ايه لو شفت مراتك خارجه مع واحد عارف ومتأكد أنه بيحبها وهي عرفه ده كويس وطلعت معاه العربيه بعد ما تشتكي عليك هتقول عليها ايه قولي

رؤوف :

مش عارف اقولك ايه .. لكن يازين الستات  مفيش حد يعرف يفهم عليهم... 

وانت يازين من لما كان عندك 15 سنه وانت بالخدمه العسكريه مش بتشوف الا رجاله ولا عمرك اتعاملت  مع ست مش ممكن يكون في حاجه غلط او حتى مراتك زعلانه من حاجه مابينكم وانت مش واخد بالك بتحصل يا اخي كتتير..

زين بغضب :

رؤوف دي منعتني حتى اني اقرب منها فاهم انت زي اخويا ومش هخبي عليك .. 

رؤوف سكت ومعرفش يقوله ايه

ربت على كتفه وقال:

 أنا من رأيي تاخد وقتك وتفكر واديها وقتها

زين:

 لا ماهي خلاص خدت وقتها روحت معاها اكيد هياخدها البيت عنده بس لا انا مش هسكت هروح اطربقها على دماغ اللي خلفوهم...

رؤوف :

زين استنى بقولك استنى...

************

اسراء :

 انتي غلط ياسلطانه ازاي تشتكي على جوزك ومش بس كده طلعتي مع عمر عربيته قدام عنيه كل حاجه هتتطربق فوق دماغك .. انتي عبيطه يابنتي

سلطانه بدموع :

 ده ضربني يا اسراء ضربني

اسراء:

 عايزاه ياخدك في الحضن وهو شايف عمر اللي منبهك مليون مره تبعديه عنك عندك وبتتكلموا ولا مش بس كده بتحاولي تحمي عمر من زين انت النهارده خربتي الدنيا وزين اكيد دلوقتي فاكر أن انتي مع عمر ربنا يستر بقى

سلطانة بتوتر :

هو بالحجز دلوقتي

اسراء بغيظ من غبائها :

وانتي مبسوطه عشان جوزك في الحجز سلطانه اسمعيني كويس انتي المرحله دي اسمها اكتئاب وكل ست بتمر بيها بعد الاجهاض أو الولاده عشان كده بتاخدي كل حاجه بحساسيه لكن زين عكسك تماما هو بياخد كل حاجه على رجولته وانتي اهنتيها النهارده.

سلطانه :

عايزاني اعمل ايه اسراء 

اسراء :

الزفت اللي اسمه عمر عايز منك ايه واي اللي جابو البيت عندك اصلا .. انتي المفروض تاخدي بالك منه من ساعة الفيديو 

سلطانه:

 هو أصر يدخل يكلمني 

اسراء :

على فكره زين مهما عمل يبقى معاه حق واللي زين اتجاهله عشان تكملوا في الجوازه دي مفيش راجل يتحمله وانا مش بدافع عنه على فكره 

سلطانه 

اسراء 

************

كنان بص فعنيها بحب وقال : 

البصه دي والضيق  اللي فعنيكي انا فهمته صح يا هناء مش كده

هناء شدة أيدها بتوتر وقالت :

 يلاا عشان نروح 

كنان ابتسم وقال:

 ماشي انت تؤمري بس

هناء في جواها مشاعر متلخبطه هي كرهاه عشان هو السبب في كل عذابها وبذات الوقت مش عارفه ليه قبلها بيضرب وهو بيقرب منها وبتخاف وتغير عليها وتفتكر كل مره اهتمامه وخوفه عليها لما كانت عيانه