رواية قسوة رجل الصعيد الفصل الخامس5بقلم هنا حسين


رواية قسوة رجل الصعيد الفصل الخامس5بقلم هنا حسين


بصت مهره وراها بخوف وتوتر، لقت سحاب واقفة وراها.


سحاب باستغراب— بتكلمي مين يا أم سيف.


مهره بتوتر— بكلم خالتي، أصلها عاوزاني أرحلها، وإنتِ زي ما شايفاني، ما بفضاش واصل.


سحاب— معلش، مش قصدي أتدخل في خصوصياتك بس شوفتك طلعتي مرة واحدة قلقت عليكي.


مهره بابتسامة— لا عادي يا حبيبتي، وبعدين أني أختكم الكبيرة.


ابتسمت سحاب لها، بينما مهره كانت بتحاول تخفي توترها، وتتمنى إن سحاب ما تكونش سمعت أي حاجة من مكالمتها.


اذكروا الله ❤️


راشد— بس اكده يبقى حرام، دي فدانين كتير قوي يا فراس بيه.


فراس بثبات— والله ده اللي عندي.


مصلحي— اتهاون معانا يا فراس بيه، كمان أني مغلطتش، هو اللي غلطان.


جواد— مالناش صالح مين غلطان ومين مش غلطان، واللي قاله أخوي هو اللي هيمشي.


صقر بغضب— والله محدش قالكم تيجوا تضربوا نار قدام سرايتنا، كأنها مفيهاش رجالة.


ياسين— ولا حرمة كمان. وده جزاء اللي يفكر يغلط في عيلة الجبالي، وده كمان حاجة قليلة من اللي ممكن يحصل.


سند— أني شايف زي ما انضرب نار قدام سرايتنا، إحنا كمان نضرب نار قدام بيوتكم. محدش أحسن من حد.


سكت راشد ومصلحي، وما عرفوش يردوا، لأنهم عارفين كويس إن الوقوف قدام ولاد الجبالي مش بالأمر السهل.


راشد— خلاص، أني موافق.


مصلحي— وأني كمان.


ابتسم فراس بانتصار، وكأنه كان واثق من البداية إن كلمته هي اللي هتمشي.


فراس— على خيرة الله.


اذكروا الله ❤️


في صباح يوم جديد، كانت صبا قايمة من النوم بزهق وضيق، لأن النهارده أول يوم ليها في أسبوع شغل البيت.


راحت ناحية زريبة البهايم، وبصت للأرضية بقرف. رغم إنها مش أول مرة تعمل الشغل ده، لكن في كل مرة كانت بتحس كأنها بتعمله لأول مرة.


بدأت تنظف المكان، وبعدها راحت تحلب البقر والجاموس، وهي بتلعن اليوم اللي اتجوزت فيه صقر.


وفجأة سمعت صوته من وراها.


صقر بغضب— إنتِ كيف تنزلي قبل ما تشوفي طلباتي يا وكلة ناسك إنتِ.


صبا بضيق— وأي بقى طلبات الأمير.


صقر بتهديد— اصطبحي أحسن، اصبحك بطريقتي. ويلا قدامي، عاوزك تلمعيلي الجزمة.


صبا باعتراض— يعني مش شايف أنا بعمل إيه. مش كفاية إني بنضف تحت البهايم.


صقر بسخرية— معلش يا دكتورة، تعبينك معانا، بس لازم تعرفي إن مهما تعلي، هيفضل مكانك عند جزمتي. هي دي قيمتك يا بنت النائب. خمس دقايق وألاقيكي قدامي.


قال كلامه ومشي، وسابها واقفة مكانها، وهي مش مصدقة الإهانة اللي سمعتها.


صبا في نفسها— يا رب صبرني على العيشة دي. هو أنا عملت إيه في حياتي عشان أعيش كل ده.


اذكروا الله ❤️


كانت مهره واقفة قدام فراس، وقررت تتكلم معاه عن اللي حصل مع العيلتين.


مهره— أني شايفة إن محصلش حاجة لكل ده، عشان تدفعوا الناس أراضيهم اللي بيوكلوا عيالهم منيها.


فراس بصرامة— مالكيش صالح، ما تدخليش في اللي مالكيش فيه. فاهمة.


مهره— بس من حقي أقول رأيي لو فيه حاجة ما عجبتنيش.


فراس— حتى دي مالكيش الحق فيها.


بصت له مهره بضيق، وبعدها ردت بهدوء.


مهره— ماشي يا أبو سيف، اللي إنت شايفه.


لكنها من جواها كانت مش مقتنعة باللي عملوه وكانت شايفة إن اللي حصل مع الناس ظلم، وإن الأرض اللي بيتكلموا عنها دي مصدر رزق عائلات كاملة.


اذكروا الله ♥


سند— اجهزي بعد الضهر عشان تروحي بيت أبوكي.


سحاب بفرحة— حاضر، هو أني ممكن أبيت هناك.


سند— لاه، هاجي أخدك بالليل.


سحاب— بس أني عاوزة أبيت مع أمي وإخواتي، أني اتوحشتهم.


سند بصرامة— أديكي هتاخدي معاهم وقت، مش كفاية إني سمحتلك تروحي. ما عاوزش كلام في الموضوع ده.


قال كلامه وخرج، وسابها واقفة مكانها، والفرحة اللي كانت في عينيها بدأت تقل.


كانت نفسها تقعد وسط أهلها شوية، وتنسى القسوة اللي بتعيشها في السرايا، لكن حتى الزيارة بقت محسوبة عليها.


اذكروا الله ❤️


يمني بضيق— مش عارفة ليه مش موافق، ده من حقي.


ياسين ببرود— اللي عندي قولته، خلصنا.


يمني— بس ده مستقبلي، وبعدين أنا زهقت من قعدة البيت والشغل فيه.


بصلها ياسين بنظرة حادة.


ياسين بغضب— الظاهر ناسية نفسك يا بنت العمدة، ومش عارفة بتتكلمي مع مين. قسمًا بالله كلمة كمان وأكسر خشمك.


سكتت يمني، وهي حاسة بالعجز. كل مرة تحاول تتكلم عن مستقبلها أو عن حقها في الشغل، تلاقي ياسين واقف قصادها، وكأن حياتها كلها لازم تمشي على مزاجه.


اذكروا الله ♥


جنه بتوسل— والنبي يا جواد، وحياة سما عنديك، نفسي أبقى أم.


جواد ببرود— شوفتي عاد، إنك مش معتبرة سما بنتك، وكل اللي بتفكري فيه أحلامك.


جنه بوجع— بس ده حقي، وأني والله معتبرة سما بنتي، وعمري ما قصرت في حقها. صدقني.


جواد باحتقار— شكلك نسيتي نفسك يا بت البواب. إنتِ جاية منين وعاوزة إيه. عاوزة يبقى ليكي عيال يشيل اسم أسيادك إنتِ وأهلك. بس ده في أحلامك. فكري تعملي حاجة من ورايا، ووقتها ما تلوميش غير نفسك.


نزل كلامه على قلب جنه زي السكينة، لكنها ما قدرتش ترد عليه. كل اللي كانت بتتمناه إنها تعيش حياة طبيعية، وتبقى أم من غير ما تحس إنها بتطلب حاجة مش من حقها.


اذكروا الله ❤️


كانوا كلهم قاعدين بيفطروا، وكل واحد فيهم غرقان في أفكاره، لحد ما قطع صمتهم دخول ست كبيرة في السن، ومعاها بنت شابة.


صفية— صباح الخير عليكم.


ردوا عليها السلام.


فراس— اقعدي يا خالتي، افطري معانا.


قعدت صفية، وبعدها بصت للبنت اللي معاها.


صفية— اقعدي يا إظهار.


وبعدها بدأت تتكلم مع فراس.


صفية— معلش يا ولدي، جيت فجأة، بس أبو إظهار سافر البندر يجيب بضاعة للدكان بتاعه، وهيغيب أسبوع. وقلت أجي أني والبت إظهار نقعد حداكم. ما يصحش تنين ولايات يقعدوا لحالهم.


فراس— البيت بيتك يا خالتي. جهزيلهم مكان يا أم سيف.


مهره— حاضر.


بعد شوية، قام الشباب يشوفوا أشغالهم، والبنات قاموا يشيلوا السفرة.


بصت إظهار حواليها، وبعدها سألت.


إظهار— هو يوم مين النهارده.


جنه— يوم صبا.


إظهار— طب ليه ما شلتش لحالها.


مهره بصرامة— إحنا اهنه بنساعد بعض، خليكي في حالك يا إظهار.


بصت صفية لمهره باستغراب.


صفية— جرى إيه يا أم سيف. ما كانتش كلمة قالتها البنية.


مهره— وأني كمان ما قلتش حاجة غير إن كل واحد يخليه في حاله، واكده أحسن.


إظهار بسخرية— معرفاش بقيت كيف البابور يا أم سيف، رغم إني بتكلم عادي. يعني كتر خير أبو سيف والله.


اتغيرت ملامح مهره، وبصتلها بغضب.


مهره— ليه يا أختي. شيفاني مجنونة ولا مش قد مقام أبقى مرته.


اتوترت إظهار، وبصت لأمها.


إظهار— أني ما أقصدش. يلا نطلعوا يا يمه.


صفية— يلا يا بتي.


وطلعوا من المكان.


فضلت مهره واقفة مكانها، والغضب باين على وشها.


جنه— خلاص اهدي يا أم سيف.


مهره بعصبية— ليه إنتِ كمان. شيفاني مجنونة.


جنه بسرعة— مش قصدي والله، حقك عليا.


ما ردتش مهره، وسابتهم وطلعت لفوق.


اذكروا الله ❤️


كانت سحاب واقفة مش فاهمة اللي حصل، فبصت لصبا.


سحاب باستغراب— أني مش فاهمة حاجة. هو إيه اللي بين إظهار وأم سيف.


صبا— الظاهر الصفرا دي عينها من أبو سيف وأم سيف عارفة وغيرانة.


سحاب— بس مش باين إنها بتحبه.


يمني بسخرية— أصلها عاملة زي اللي عيني فيه وأقول إخيه.


صبا— أم سيف دي بتموت فيه، بس مش بتبين.


سحاب— بس إظهار دي عيب عليها اللي عملته ده.


صبا— أمها كل فترة تجيبها وتيجي بحجة شكل.


سحاب— وأبو سيف عارف بده.


يمني— ولا أصلًا في دماغه. وبعدين ولاد الجبالي ما بيبصوش لحد، عاوزين العيون تبقى عليهم هما وبس.


جنه بحزن— وإحنا مالناش قيمة. مش اكده. كأننا مش بنات ناس.


سحاب— أني كنت أسمع عن قساوتهم، ما كنتش أعرف إنها بالشكل ده.


صبا— إنتِ لسه ما شفتيش قساوة، عشان لسه جديدة.


سكتت سحاب، وفضلت تفكر في كلام صبا، وهي بدأت تدرك إن اللي شافته لحد دلوقتي مش غير بداية لحياة مليانة تعب.


كانت سحاب وصلت بيت أهلها، وكانت أمها وإخواتها فرحانين بالحاجات اللي جابتها معاها.


قعدت سحاب جنب أمها، وبدأت دموعها تنزل من غير ما تحس.


سحاب بدموع— أني خايفة يا يمه. ما عاوزاش أعاود هناك. إنتِ ما تعرفيش الأيام دي عدت عليا كيف.


أمها— اتحملي يا بتي، إنتِ عاوزة الناس تاكل وشنا.


سحاب بوجع— مش كفاية غصبتوني إني أتجوزه، وإنتِ عارفة سلوكه. ومش بس اكده، إنتِ عارفة قساوتهم. إنتِ ما تعرفيش إحنا عايشين كلنا كيف. ده حتى أم سيف اللي متجوزة ابن عمها مش راحمها.


أمها بحزن— اهدي يا حبيبتي. كان على عيني والله، بس إنتِ عارفة أبوكي. ادى كلمة للراجل أبو سيف ما كانش ينفع يرجع فيها. وأديكي قولتي إنك عارفة قساوتهم، كان ممكن يعملوا حاجة في أبوكي ولا إخواتك. يرضيكي يا سحاب يا بتي.


مسحت سحاب دموعها، وحاولت تبتسم لأمها.


سحاب— بعد الشر عليهم يا يمه. أني أستحمل عشان خاطركم.


حضنتها أمها، وهي بتحاول تطمنها، لكن الاتنين كانوا عارفين إن رجوع سحاب للسرايا مش هيكون سهل.


اذكروا الله ❤️


في المساء، راح سند ياخد سحاب من بيت أهلها.


ركبت جنبه في العربية من غير كلام، بينما هو كان مشغول في مكالمة تليفونية.


سند في التليفون


— لاه، ورايا مشوار وهاجيلك. حضري القعدة، عريس جديد إيه وبعدين. إنتِ ما يتشبعش منك واصل، ما فيش مرة في جمالك. لاه، هجيب عشا معايا. ما تنسيش تلبسي القميص الأحمر، بيبقى نار عليكي.


قفل المكالمة، وبص ناحية سحاب، فلاحظ إن وشها اتغير


سند— افردي وشك ده.


سحاب بوجع— إنت ليه بتعمل اكده.


سند باستغراب مصطنع— بعمل إيه. مش فاهم.


سحاب— إنت عارف يعني إيه زنا. دي كبيرة من الكبائر.


سند برفع حاجب— وايه الحل يا ست الشيخة. أكيد ليها حل.


سحاب— المفروض الواحد يعف نفسه ويتجوز.


ضحك سند بسخرية.


سند— يا سلام. وأني اكده مش متجوز. وبعدين اعرفي إنك هتاخدي ذنبي يا ست الشيخة. ولا أبوكي ما قالكيش إن اللي بتمنع نفسها عن جوزها بتلعنها الملايكة. ولا ما فلحاش غير إنك تدي حكم ومواعظ وبس.


سحاب بألم— أني ما منعتش نفسي عنيك، بس إنت اللي رافض تقرب مني بالطريقة اللي أني عاوزاها.


اتغيرت ملامح سند، واتكلم بغضب.


سند— وأني مش حيوان عشان أعمل اكده. مش عاوزاني، أني كمان مش عاوزك، والحريم كتير.


كانت سحاب لسه هتتكلم، لكنه قاطعها.


سند— انزلي يلا.


بصت سحاب من الناحية التانية، ولقت نفسها قدام السرايا.


نزلت من العربية، وقبل ما تلحق تتكلم، كان سند اتحرك بعربيته ومشي.


وقفت مكانها وهي حاسة بوجع كبير، لأنها كل مرة بتحاول تفهمه أو تقرب منه، بيرجع يبعدها عنه أكتر.


اذكروا الله ❤️


كانت صبا قاعدة وماسكة تليفونها، وبتتكلم في محادثة مع أحد الدكاترة، وسرحانة في الكلام.


دخل صقر، ولما شافها مشغولة في التليفون، قرب منها وسحبه من إيدها.


صبا بفزع— إيه ده. إنت بتعمل إيه.


ما ردش عليها، وفضل يقلب في المحادثة.


كانت محادثة عادية بينها وبين دكتور زميل ليها من أيام الجامعة، والكلام بينهم رسمي، لكن الغيرة كانت مسيطرة على صقر.


صقر بغضب— مين ده.


صبا— ده دكتور كان زميلي من أيام الجامعة، وبعت يستاشيرني في حاجة.


صقر بشك— أمم. وأني قلتلك كام مرة ما تكلميش حد في التليفون.


صبا بضيق— أنا مش صغيرة، وعارفة حدودي كويس مع أي حد. عاملني بقى على الأساس ده، وبطل تشك فيا.


صقر— أني بشك حتى في خلقاتي. اظبطي إنتِ. كلنا معانا شهادات، مش معنى إننا مشتغلناش بيها يبقى ما لناش قيمة.


صبا بعصبية— أنا ما قولتش كده. إنت اللي بتفهم بمزاجك.


قرب منها صقر، والغيرة باينة في عينيه.


صقر— أحسن مني في إيه الدكتور.


صبا باستنكار— صقر، إيه اللي بتقوله ده.


بدأ يخلع ملابسه ويقرب منها.


صقر بقوة— عاوزك.


صبا بتوتر— أصلي أنا لسه مجهزتش العشا.


صقر بسخرية— ما إنتِ كنتِ فاضية بتكلمي الدكتور. تيجي عند جوزك وماجهزتيش.


كانت صبا لسه هترد عليه، لكنه ما اداهاش فرصة تكمل كلامها.


اذكروا الله ❤️


كانت مهره قاعدة سرحانة، وعقلها مشغول بكل اللي حصل معاها في الفترة الأخيرة.


قطع شرودها صوت فراس.


فراس— فين الجلابية الرمادي.


لكنها ما سمعتوش.


قرب منها وهزها بعنف، فانتفضت من مكانها.


مهره بألم— في إيه يا فراس. ليه بتعاملني بعنف اكده. أني إنسانة على فكرة.


فراس ببرود— أني حر أعاملك كيف ما أني عاوز. وبعدين إنتِ اللي سرحانة.


مهره— نعم يا فراس. اتفضل.


فراس— قومي جيبيلي الجلابية الرمادي.


قامت مهره وجابتها له، وبعدها رجعت قعدت مكانها.


فضل فراس باصص لها شوية، وبعدها اتكلم.


فراس— مش ناوية تتكلمي وتقوليلي ليه عملتي اكده في صقر.


مهره— أظن الموضوع ده اتقفل من زمان. ليه بتحب تفتحه تاني. أني لو عاوزة أقول كنت قولت من زمان وريحتك وريحت حالي.


فراس— ماشي يا مهره. مصيري هعرف، بس وقتها مش هرحمك.


بصت له مهره بغيرة، وقررت تستفزه بكلامها.


مهره— طب انزل اتعشى، أصل إظهار منتظراك على نار.


فراس بزعيق— مهره، اتكلمي زين. إيه، اتجننتي إياك.


بصت له مهره بخوف.


مهره— أني مش قصدي حاجة، بس هي سألت عليك كتير النهارده.


اتغيرت ملامح فراس، ورد بسرعة.


فراس— خلاص، هنزل أشوف عاوزة إيه وليه بتسأل.


اتوترت مهره، لأنها كانت عارفة إن إظهار ما سألتش عليه أصلًا، لكنها كانت عاوزة تستفزه وخلاص.


مهره— شوفت إنك بتتلكك عشان تكلم بت خالتك.


فراس— أني مش محتاج أتلكك عشان أعمل حاجة. اللي بعوزه بعمله. ولا إظهار ما سألتش، وإنتِ قلتي الكلام ده من نفسك. أني عارف إنك كدابة، وإنك بتغيري من إظهار. وإن جيتي للحق، هي ست البنات.


نزل كلامه على قلب مهره، وحست إن الغيرة والوجع اتجمعوا جواها.


مهره بدموع وقهر— طب ما كنت اتجوزتها. ليه تجوزتني مدام هي ست البنات.


فراس باستفزاز— عادي، ما أني فيها الراجل بيتجوز أربعة، مش أشكال.


مهره بوجع— خلاص طلقني.


مسكها فراس من دراعها بقوة، لدرجة إنها اتألمت.


فراس بغضب— عارفة لو نطقتيها تاني، هقطع لسانك. فاهمة.


هزت مهره راسها بالموافقة.


فراس— يلا عشان نتعشى.


مهره— ماليش نفس.


زقها فراس ناحية السرير، وقال ببرود.


فراس— براحتك.


خرج من الأوضة ونزل، وساب مهره لوحدها، وهي بتحاول تمنع دموعها من النزول.


اذكروا الله ❤️


كانت جنه حضرت العشا، والبنات قاعدين مستنيين الباقيين.


يمني— صبا تلاقيها مصدقت تطلع عشان ما تعملش العشا.


جنه— عادي، أني متعودة على الشغل.


سحاب— أني شوفت أبو سيف نازل من غير أم سيف.


يمني— أكيد خناقة.


ما ردتش جنه، وبدأوا يحطوا الأكل على السفرة.


بعد وقت، خلصوا العشا، وفراس راح المكتب ومعاه ياسين وجواد.


في المكتب 

فراس— هو سند مانويش يهدي.


ياسين— يعني الجن يهدا وهو لاه.


فراس— أمال كنت جوزته ليه.


جواد بمزاح— أكيد مش بسطاه.


بص له فراس نظرة خلت جواد يسكت فورًا.


جواد بتوتر— أقصد يعني ما ارتاحش في الجوازة.


فراس— ده لسه مكملش أسبوع.


ياسين— ما إنت عارف يا أبو سيف إنه مدلّع وماشي على كيفه.


فراس بصرامة— مش عندي الكلام ده. لما يرجع ليا كلام معاه.


دخل صقر عليهم، وألقى السلام وقعد معاهم.


بدأوا يتكلموا في شغلهم، وبعد شوية دخلت جنه وقدمت لهم الشاي، وخرجت تاني.


فراس— اكده لازم أسافر الأسبوع اللي جاي.


ياسين— وصقر كمان، لأنه هو اللي متعامل مع الشركة الفرنسية.


صقر— أني أساسًا كنت مسافر.


فراس— خلاص، نسافروا مع بعض.


صقر ببرود— طريقنا مش واحد. يفضل كل واحد من سكة.


فراس— على راحتك يا خوي، بس خليك فاكر إنك اخترت.


صقر— زي ما اخترت زمان.


فراس— قولتلك كذا مرة خد تعويض، إنت اللي مش قابل. أعملك إيه يعني.


صقر بغضب— اللي تعمله، طلعني من حساباتك. كأني مش موجود، وبطل تتحكم فينا كأننا عيال صغيرة.


اتغيرت ملامح فراس، وبدأ الغضب يظهر في صوته.


فراس— كلمة كمان، وما هتعرفش إيه اللي هيحصل لك.


جواد— استهدوا بالله يا جماعة، مش كده.


ياسين— صقر، اتكلم زين مع أخوك.


وقبل ما صقر يرد، اتفتح الباب ودخلت صبا بسرعة، وملامحها متوترة.


صبا— البوليس برا وعاوزكم كلكم.


بصوا لبعض باستغراب، وبعدها قاموا وخرجوا بسرعة.


لكن أول ما وصلوا لبرا وشافوا اللي واقف، اتجمدوا مكانهم من الصدمة.


وفي نفس اللحظة، خرج الاسم من أفواههم كلهم بصوت واحد.


الجميع بصدمة


— سوسن

                   الفصل السادس من هنا


تعليقات



<>