رواية الوجه الاخر للرحمة الفصل الثاني والستون62بقلم عبير ادريس

شهم : انه ما أعرف ليش رغم بعدج عني ومرات تحسسيني بكرهج إلي ، ونفورج مني ، وبرود مشاعرج ، وقساوتج ومرات تجرحيني بالكلام بس رغم هذا الشي أبقى أحبج وأريدج ..

سمر : وانت تريد تعرف ليش ؟

ابتسم وجان ينتظر مني جواب..همس :

شهم : ياريت أعرف ، انه نفسي ما أعرف ليش ما أكدر أتخلى عنج وأعوفج .

ابتسمت ابتسامة باردة وكلتله : 

سمر : لأن بلا كرمة .

بهاي الأثناء ، يوسف جان يتصل بشهم أكثر من مرة و يحاول يوصله بس ما حصله والخوف بدا ياكل گلبه.

فتح المسجات ودزله مسج ، إيده جانت ترجف بالكوة سيطر وكتبله .

(شهم وينك يمعود ؟ رد علية ، الله يخليك ، قسور وجماعته مسلحين ، إجوا للقرية وراح يهجمون بأي لحظة ، اتلكاهم انت  ، بأمان الله وحفظه حبيبي أبريني الذمة على كل شي صار بينا )