رواية مقهي منتصف الليل الفصل السادس6بقلم حميده عبد الحميد
بعد م سعد قال لي م تخافي خفت اكتر. لانو المنظر الكنت شايفه كان كفيل جدا يخليني اخاف وشديد. كمان
بصوت كلو خوف قلت ليو سعد نحن انتهينا خلاص. قال لي لا ي سُنن لسه قدامنا فرصه بقيت اضحك وابكي في نفس الزمن. طبعا المنظر الكان قدامنا كان عبارة. عن شي م مفهوم. عبارة. عن. جسد ضخم. في هيئة لحمه حمراء ودمها بينقط شي. مقرف. شديد. وعيونو كبار. لدرجة. بتحس بضوهم جاهر شديد. كان بيعاين لينا بكل حذر وتركيز وهو واقف في مكانو
سعد قال لي شكلو دا العريس. بعد م اتنكر في هيئة صحبتك قال احسن يجيك بشخصيتوا الأصلية ويمكن يعجبك.
اتزهجت في سعد وقلت ليو بجد دا م وقت هظارك. اتخيل نحن واقفين قدام داهية زي دا وانت. م جادي نهائي
قال لي. المهم. ماف حل قدامنا. غير. ننوم استغفرت وقلت ليو. نحنا واقفين قدام شي دي دا ننوم كيف بس؟سعد انت نصيح ٠٠
قال لي بكل جدية. وحزم
سنن حاولي. اتخيلي نفسك في بيتكم. وفي سريرك. وانو خلاص ح تنومي بعدا صدقيني. دي اخر. فرصة. لينا و حاليا المصيبه دا واقف هنا وم اتحرك علينا لسه. لانو. فضل ساعة. والزمن ينتهي. وح نكون في مكان تاني وانتي هناك ح تتزوجيهو غصبن عنك. يعني نحنا حاليا زي الفريسه ليهو وهو منتظر الزمن المناسب ولو ملاحظة برضو. الكانو قاعدين هنا كلهم بقو هياكل عظمية. وبتاع المقهى حركتو اتشلت. من قبيل واقف في نفس وقفتوا وم اتحرك نهائي وشكلوا العد التنازلي بدا خلاص
. قلت ليو. يعني ساعة وحدة وننتهي خلاص قال لي بس قدامنا فرصة. ي سنن انا متأكد انو انتي بتقدري انا واثق منك. وبعدها إبتسم.
قلت ليو طيب ح احاول قال لي تمام
يلا ننزل تحت.
نزلنا تحت. وكل زول سند راسو. في كرسي. قلت ليو م قادرة انوم قال لي ح تقدري وانا مستحيل انوم ما لم اتأكد انو انتي نمتي
وواصل كلامو وقال. سعيد جدا بمعرفتك وكانت تجربة حلوه. وممكن أقول ليك حاجه. قلت ليو اها قال لي ابتسامتك حلوه شديد. وياريت م تخليها تختفي فعشان كدا حاربي عشان نفسك قلت ليو طيب كلام سعد اداني قوة وخلاني اتشجع.
غمض عيوني وبديت اتخيل. نفسي في بيتنا صوت امي. وضحكاتها. وشجرتنا حقت الليمونة. وريحة دعاش المطر.
فجأة حسيت بي شي ماشي تحت رجولي. سمعت سعد. هو بيقول لي اوع تفتحي عيونك ي سنن قلت ليو وانا برجف من الخوف دا شنو ي. سعد. قال لي ثعابين صغار. بس اوع تتحركي خليك في ثُباتك قلت ليو طيب ومن جوا كنت ميتة من الخوف. ونهائي م فتحت عيوني همست لي سعد وقلت ليو انت موجود؟ قال لي اي موجود. وحارسك تنومي قلت ليو طيب رجعت اتخيل تاني وبديت احس نفسي وكانو في بيتنا وانا متغطية ب ب البطانيه اديت نفسي كامل الأمان.لحدي م حسيت بنفسي بديت انعس خلاص. وشويه شويه لقيت نفسي نمت وطق فتحت عيوني ولقيت نفسي في بيتنا وراقدة في سريري. اتفحصت الغرفة كلها بنظري. وقعدت في نص السرير. طلعت تلفوني من تحت المخدة والساعة كانت وحدة منتصف الليل. من الفرح بقيت اضحك. الحمدلله رجعت بيتنا. ولا دا كلو طلع حلم؟ معقولة يعني كنت بحلم. تاني بقيت اضحك لانو فعلا طلع دا حلم ساي لانو صحبتي عسجد م ماتت وهي حيه. من الفرحة زغردتة. اي زغردته لانو بجد كان كابوس.مرعب بس زعلت لانو شخصية سعد كانت مجرد حلم ساي. ابتسمت وقلت. ياريت لو كان حقيقي وبعدها جريت بطانتي وغصت في نوم عميق. صحيت الأذان التاني. اتوضيت وصليت. ومتعودة بعد الصلاة اقرأ سورة البقرة كاملة لحدي م الواطه صبحت. استحميت وجهزت نفسي للجامعة. وامي كتر خيرها جهزت لي الشاي شربت علي عجل وبعدها اتناولت شنطتي وركبت اول عربية على الجامعة بعد نص ساعة وصلت. اتوجهت على القاعة ولقيت عسجد قاعدة في البينش الأول. اول م شفتها جريت عليها وحضنتها ضحكت وقالت لي مالي الليله باقيه ليك حلوه كدا قلت ليها يبت م ح تصدقي حلمت بيك مُتي وبديت احكي ليها في الحلم الحلمتوا ضحكت وقالت لي يعني حاليا معاك المرحومه شخصيا ضربتها في كتفها وقلت ليها ههه ظريفه وصادف الدكتورة دخلت. قعدنا وركزنا مع المحاضرة لحدي م انتهت. طوالي طلعنا لانو القاعة مسخنه والكهرباء قاطعة. مشينا الكافتيريا وطلبنا سندات طعمية مسافة نفطر. قلت لي عسجد. في الحلم في شاب اسمو سعد بجد كان شخصيه. وكاريزما بس اهبل شويه ضحكت وقالت لي يعني. افهم انو انتي انعجبتي بشخصيه وهميه. ضحكت اكتر منها وقلت ليها حصل ي صحبتي. المهم رائيك شنو نمشي البحر. نغير جو شويه. قالت لي حلو. طيب ارح نطلع هسي قلت ليها تمام خلصنا فطور سريع وطلعنا من الجامعة اصلا البحر م بعيد من الجامعة مشينا برجولنا مسافة ربع ساعة لحدي م وصلنا. اول شي قعدنا قلنا نرتاح شويه وبعدها نتصور ٠
من بعيد لمحت شاب واقف وسط مجموعة من الشباب قلبي ضرب بقوة واتصدمت صدمة لمن عرفت الواقف دا منو عسجد قالت لي مالك في شنو ي بت قلت ليها هو. قالت لي منو هو.؟
هنا انتبه لينا وظاهر عليه اتصدم برضو. جا على وقال سُنن قلت ليو سعد؟