رواية وجه اخر الفصل السادس6بقلم سما
- صحيت الصبح على صوت نديم وهو بيخبط على الباب..
- هيام.. اصحي عشان منتأخرش على الشغل.
- فتحت عيني وبصيت في الساعه وقولت: حاضر.. قومت اهو.
- بعد شويه خرجت من الأوضه لقيته واقف مستنيني..
- نديم: صباح الخير
- صباح النور.
- نديم بصلي وقال: مالك؟ شكلك مضايق..
- لا عادي.. عشان بس لسه صاحيه.
- طب كويس.. كنت هقول يمكن بعد خروجة امبارح ندمتي إنك خرجتي معايا.
- بصيتله وقلت: ليه يعني؟
- أصل انتي من وقت ما رجعنا وانتي ساكته.
- كنت بفكر.
- في إيه؟
- مش هقولك.
- ليه؟
- عشان متقعدش تفسر كل كلمة..
- نديم ضحك وقال: طب قولي وأنا مش هتكلم..
- لا.
- هيام!
- نعم؟
- اتبسطتي امبارح؟
- سكت شوية وقلت: آه.
- بجد؟
- آه يا نديم..اتبسطت.
- نديم ابتسم وقال: طب الحمد لله.. كنت خايف تكوني نزلتي معايا وخلاص..
- لا.. بس متفتكرش إن عشان اتبسطت امبارح يبقى كل حاجة رجعت زي الأول.
- أنا مقولتش كده.
- بس وشك بيقول.
- طب وشي ماله؟
- حساك فرحت كده..
- ما هو عادي أفرح لما أشوفك بتضحكي.
- بصيتله وسكت.
- نديم: إيه؟
- ولا حاجة.
- لا فيه.. إنتي لما بتسكتي كده بتبقي وراكي حاجة.
- وأنا من إمتى بقيت مكشوفة كده؟
- من زمان..بس انتي مش واخده بالك..
- ابتسمت وقلت: يلا يا نديم عشان منتأخرش..
- نديم: أهو.. ضحكتي.
- يلا بقي هنتأخر..ومشيت
-خدي بس..
- اسكت بقي داخله البس..
- نديم بص عليها وهي ماشيه وابتسم وقال: قلتلك قلبك ده مش هيعرف يكره يا هيام..
>>>>>>>>>>>>>>>>>>>>>>>>>
- بعد شويه كنت خلصت ونزلت..لقيت نديم واقف عند العربيه وباصص في موبايلي.
- خير يا مستر نديم؟ ماسك موبايلي ليه؟
- ببص في الوقت بس.
- بالنسبه للساعه اللي في ايدك..
- ايه ده علطول انسي كده..
- ضحكت وقلتله: اه تنسي يعني انتي مش كنت عايز تفتح الموبايل..
- الصراحه كنت عايز اعرف مين اللي كان بيكلمك الصبح بدري كده.
- يا سلام؟! ومجتش سألتني ليه؟
- عشان مبنش فضولي وكده..وعشان اخد بالي كده..
- من ايه؟
- من كل حاجه.
- طيب..متمسكش الموبايل تاني بقي..
- اوكيه..المهم النهارده عندي اجتماع طويل.
- يعني مش هتنزل كل شويه تطمن عليا؟
- لا هنزل.
- يوووه..
- بتنفخي ليه؟
- الناس في الشركه هيفتكروا اني عيله صغيره..كل شويه تيجي تطمن عليا..
- وماله لما يفتكروا كده.
-بصيتله وقلت: انت غريب اوي.
- ليه؟
- عشان زمان كنت بتفكر في نفسك وبس..دلوقتي بقيت تاخد بالك من كل حاجه.
- نديم سكت ثواني وقال: يمكن عشان اتأخرت وفهمت قيمة الحاجات الحلوة دلوقتي..
- سكت ومردتش..وبصيت من الشباك.
- نديم: سرحتي في ايه؟
- ولا حاجه.
- لا فيه.
- كنت بفكر ان الواحد ساعات بيحتاج وقت طويل عشان يفهم الناس اللي حواليه..مع انهم كانوا قدامه من بدري..
- نديم ابتسم وقال: المهم انه يفهم قبل ما يخسرهم.
- هزيت رأسي وقلت: بس مش في كل الحالات..ممكن كان يفوق علي خسارتهم..
- عشان كده بقول اني ربنا ييحبني..
- يمكن..
>>>>>>>>>>>>>>>>>>>>>>>>
- بعد كام ساعه من الشغل.. لقيت نديم داخل عندي وهو ماسك كوبايتين قهوة..
- نديم: خدِّي..جبتلك قهوة.
- بصيتله وقلت: حسيت بيا والله..
- اي خدمه يا هيومه..
- هيومه تاني؟
- وتالت ورابع..
- هقول ايه بس..الاجتماع بتاعكم شكله كان طويل أوي.
- كان طويل فعلًا.. ولسه مخلص من شوية.
- طب ما تنزلش عندي كل شوية بقى.. الناس تقول إنك بتتهرب من الشغل كده..
- هو أنا لما أجي أشوف مراتي دقيقتين أبقى بتهرب؟
- بصيتله وقلت: مراتك إيه بس؟ إحنا لسه في مرحلة التجارب.
- نديم ضحك وقال:يستي موافق زي بعضه..
- شربت من القهوة وقلت: بس القهوة حلوة.
- عارف.. عشان أنا اللي جايبهالك.
- اه امال...
- لازم اشد حيلي كده..عشان اعدي الفتره دي علي خير..
- ضحكت وقلت: أنت مستعجل أوي..ده لسه بدري..
- نديم: قرب البعيد يارب..
- سكت شوية وبصيتله، وبعدين قلت: هو أنت مش عندك شغل؟
- عندي...قولت اجي اشوفك واشرب معاكي القهوه..عشان ارجع فريش تاني..
- قبل ما أرد عليه.. موبايله رن.
- نديم بص للموبايل، وفجأة ملامحه اتغيرت..
- بصيتله وقلت: مين؟
- مردش.. فضل باصص للموبايل كام ثانية، وبعدين قفله من غير ما يرد.
- هو فيه إيه؟
- ولا حاجة.
- بس وشك اتغير.
- نديم حط الموبايل في جيبه وقال: مفيش حاجة.. كملي قهوتك.
- بصيتله شوية..بعدين قام وقال: انا هطلع عشان محتاجيني فوق..
- تمام..
- سلااام
- مع السلامه وخرج من عندي وأنا فضلت باصة وراه وأنا بفكر: مين اللي اتصل بيه وخلاه يتغير بالشكل ده؟ يلا مش مهم..
>>>>>>>>>>>>>>>>>>>>>>>
- نديم طلع مكتبه وموبايله فضل يرن كتير وهو مكنش عايز يرد..حطه علي المكتب وكمل شغل..
- بعد شويه فضل يرن تاني..نديم بص للموبايل وقال: يوه بقي انتي مش هتسيبني في حالي..ورد عليها..
- سارة: أخيرًا رديت.
- نديم بعصبيه: إنتي عايزة إيه تاني يا سارة؟
- سارة: عايزة أشوفك.
- بقولك ايه مش انا فهمتك مليون مره اني راجل متجوز وبحب مراتي وخلاص مسحتك من حياتي راجعه تلفي وتدوري تاني ليه؟
- نديم تعالي بس..
- معتش ينفع..
- سارة: نديم انت لو مجتش دلوقتي هطلع الشركه واجيلك انا.
- إنتي بتقولي إيه؟
- زي ما سمعت..انا واقفه تحت..
- سارة، بلاش الجنان ده.. إحنا اتكلمنا قبل كده..
- وأنا مش هفضل أطلب منك كتير.. يا تنزل تقابلني يا أنا اللي هطلعلك.
- نديم اتنهد وقال: إنتي مش فاهمة إن ده مش مكان للكلام ده؟
- يبقى انزل.
- نديم بضيق: خلاص.. هاجي.
- سارة: مستنياك.
- نديم قفل المكالمة وحط الموبايل قدامه وفضل ساكت شوية وقال : يا تري ناويه علي تاني يا ساره..وطلع من المكتب..
>>>>>>>>>>>>>>>>>>>>>>>>>>>
- بعد ما رجعنا البيت.. كنت بحضر السفره عشان احط الاكل..
- نديم: اختاري فيلم كويس بقي..
- يعني لازم وانت بتاكل تتفرج؟
- ايوا مش بعرف اكل وخلاص كده..
- ضحكت وقلت: طيب..
- بلاش قتل وخبط ابوس ايدك..
- ضحكت وقلتله: متقلقش..
- بجد؟
- سيبك مني وروح هات الأكل..بقي..
- حاضر..
- حطينا الاكل وقلتله:استنى هنا...هدخل اجيب موبايلي عشان مستنيه مكالمه من هنا..
- نديم: طيب..
- دخلت أوضتي وجبت الموبايل و بصيتله لقيت رسالة من سامح..
- فتحتها وأنا بقول: هو عايز إيه دلوقتي؟..لقيت صورة قدامي..وقفت مكاني وأنا ببص للشاشة ومش مستوعبة اللي شايفاه..نديم وسارة؟!..وتحت الصورة مكتوب:« شكل الحبايب اتجمعوا تاني.»
- فضلت باصة للصورة كام ثانية، وحسيت إن دماغي وقفت...قلت لا مستحيل..
- من غير ما أحس، مسكت الموبايل جامد في إيدي وخرجت من الأوضة.
- نديم أول ما شافني قال: يلا اقعدي الاكل هيبرد
- بصيتله من غير ما أرد.
- نديم: هيام؟
- فضلت ساكتة وأنا باصة له ومش عارفة أقول ايه..
- مالك؟
- بصيت للموبايل اللي في إيدي.. وبعدين بصيتله تاني.. وقلتله : نديم..
- نعم يا هيام؟
- رفعت الموبايل في وشه وقلتله: ممكن اعرف ايه ده؟
- نديم بص بصدمه وسكت..
- رد يا نديم..ايه ده؟
- هيام هشرحلك..
- تشرحلي إيه قولي ده انهارده مش كده..
- ايوا بس مش زي مانتي فاهمه..
- تمام..ولفيت عشان ادخل الاوضه..
- هيام استني اسمعيني بس..
- بقولك ايه خلاص..انا ندمانه من قلبي ان فكرتك اتغيرت..
- والله كنت هقولك..
- ومقلتش ليه..منا قدامك من الصبح..
- كنت لسه هقول كنت بفكر اجيبهالك ازاي..
- قصدك تداريها ازاي؟!
- هيام..والله انا معملتش حاجه..الحكايه كلها..
- اقولك انا الحكايه كلها انك مش هتتغير وهتفضل تأذيني وتستغلني ..
- انا يا هيام؟
- اه يا نديم انت شخص مؤذي اوي..ومشيت دخلت اوضتي..
- نديم دخل وراها وقال: طب راحه فين؟
- رديت عليه بكل ثقه وقلتله: ماشيه يا نديم..ماشيه وهشتري نفسي وكرامتي..
- هيام اسمعيني..
- والله لو فضلت تغني للصبح..خلاص قلبي قفل منك..وبدأت اعبي هدومي..
- والله كل الموضوع سوء فهم اهدي بس وهحكيلك..
- وانا مش عايزه اسمعك..
- طب متمشيش يا هيام..
- مردتش عليه وفضلت اعبي في حاجتي وانا مش بفكر في حاجه غير اني مش عايزه اشوفه قدامي..ومش عايزه اسمع كلمه منه