رواية لست رهينته الفصل السادس6والاخيربقلم روان
طب انا عندي اقتراح تاني
......
قرب ومسك المسدس من ايدي ونزله بهدوء، تتجوزيني
_فضلت ساكته حبه وبحاول استوعب اللي بيقوله، انت بتقول ايه
تتجوزيني ي روز
_انت مجنون
روز افهميني لو اتجوزتك.. محدش هيقدر ياخدك مني
....
انا عايز بس احميـ...
_حد مين
قال بتوتر، حد اي حد
_وانت يهمك في ايه لو حد اخدني انت مالك اصلا، اياد فوق لنفسك انت خاطفنا
انت الطرف الوحش في الموضوع
وقربت وبصيت في عينه، اقتلني احسن ي اياد بيه
كنت ماشيه مسك ايدي، روز اسمعيني
_شلت ايدي، عايز ايه، عايز ايه مننا ابعد عننا بقا، انت معندكش ضمير
وبدأت اعلي صوتي، انت بني ادم قذر ي اياد، انت مش مجرد واحد محتاج فلوس فخطفتنا عشان تساوم اهلنا
انت واخدنا لعبه ف ايدك بتلعب بيها زي ما انت عايز
ومطلعنا عاي المسرح كمان وبتجيب ناس تتفرج
كملت بقرف، انا حقيقي مشفقه عليك
وزعلانه علي نفسي اني اتعلقـ...
اتنهدت، انت مريض نفسي ومحتاج تتعالج
ولو فعلا عندك ذره كرامه سبهم يمشو واقتلني كعقاب
كانت اول مره اشوف اياد ف الحاله دي كان واقف ساكت ومش بيتكلم عينه بتلومني علي كل كلمه قولتها
كمن تلقي طعنته من اقرب حد ليه
فضل باصصلي شويه وبص في الارض وقالي انا اسف وسابني ومشي
مشي وسابني!
يعني فعلا كل دا صح
ليه مدافعش عن نفسه
كنت هصدقه
كنت عايزه اصدقه
تنيت ركبتي علي الرمل ودموعي نازله وشعري بيتطاير
_______________
في اوضه الشباب
مروان دخل متعصب جدا
ياسين، اهدي يمروان
اهدي ازاي انا هتجنن انت مش شايف اللي بيحصل ي ياسين
انا عقلي هينفجر من كتر التفكير
محمد، وانت مالك اصلا يمروان ما تسيبها براحتها ما يمكن حبته يعم ومرتاحه معاه
قرب عليه ومسكه من لياقه القميص، يبقي مش علي حسابنا مش تعيش حياتها واحنا نتحبس هنا زي العبيد
عمر اتدخل وفض بينهم، اهدو يجماعه
محمد، انت مش شابف يعم هو بيعمل ايه دا اتجنن رسمي
وهي روز هي اللي قالتلهم يخطفونا ولا هي اللي قالتله ياخدها رهينه
يعالم عايشه ايه هي كمان
قرب عليه عشان يضربه بس ياسين زعق
خلااااص في ايه
اللي انتو بتعملوه دا مش هيوصلنا لاي حل احنا معندناش وقت ومدام مضايقين اوي كدا يبقي قومو يلا نحاول نخرج من هنا
هديو كلهم بس متنشنين
عمر، هنعمل ايه
انا ومروان هندخل تاني الاوضه وانت ومحمد هتراقبو بس الاول لازم نعرف امتي هيخرجو من الاوضه
علشان لو فتحنا عليهم هنبقي ضعنا
طب وهنعرف ازاي
هنستني لحد الساعه 12 دا الوقت اللي بيتجمعو فيه عشان ياكلو فالاوضه هتكون فاضيه
عدي كام ساعه وكانو مراقبين الجو لحد ما الساعه جت 12 وسمعو حركه برا
عمر خرج يتأكد
اتسحب وكان بيبص في كل مكان وبيحاول يبعد عن مكان الكاميرات عشان لو حد هناك لحد ما لقاهم فعلا متجمعين وبياكلو
اتنهد وجه يرجع لقي واحد ف وشه، انت بتعمل ايه هنا
اصل اصل، اصل احنا اتخانقنا وانا كنت عايز اسأل لو ينفع اقعد ف اوضه لوحدي
لاء مينفعش يلا ارجع اوضتك فورا
بحزن مصطنع، تمام ماشي ورجع
دخل وقفل الباب، هيييح الحمدلله كنت هتقفش
ايه
بياكلو يلا دا الوقت المناسب
ضغط ياسين علي الحيطه والباب فتح
دخل هو ومروان مشيو في الممر
انت سامع ي ياسين
ايه
دا صوت البنات
ياسين ركز وفعلا سمع الصوت
ايوه صح
دا معناه ان اوضتهم جمبنا
فضلو واقفين حبه بيفكرو
ياسين قال بتفكير، بما ان الاوضه دي بتوصل علي الاوضه بتاعتنا من زرار مخفي
فدا معناه ان ممكن تكون اوضتهم بتوصل علي الاوضه دي برضو من زرار مخفي
مروان، يبقي ندور عليه
بالظبط يلا انت دور هنا وانا هدور هنا
كل واحد بدأ يدور علي جزء من الحيطه لحد ما سمعو الباب بيقفل
ياسين، دا مش معادهم
مروان كان هيخرج بس ياسين مسكه وشاور لمحمد بايده علامه اتنين
، ايه
سيب الباب يقفل هنستخبي لازم نفضل هنا
وبالفعل استخبو والراجل دخل كان ناسي موبيله اخده وخرج
يلا يمروان مفيش وقت
بدأو يدورو
_____________
في الوقت دا روز كانت رجعت لاصحابها ومعاهم في الاوضه
لين كانت زعلانه من اللي مروان عمله وكانت بتحكي لمي ومنه
وملك كانت بتتكلم عن جدتها وانها خايفه اوي تكون نسيت تاخد علاجها وخايفه يكون حصلها حاجه
انتي عارفه يروز، من ساعه ما اهلي ماتو ف الحادثه وانا حسيت ان كل حاجه اتهدت حواليا،
كنت بعيط وقتها واقول ليه يارب ماخدتنيش معاهم ليه سبتني هنا لوحدي
وقتها تيته جت وحضتني، انا فاكره كل كلمه قالتهالي
قالتلي هما سبقوكي علي الجنه، وان ربنا عايز يكافئني مكافأه كبيره اوي اوي
بس عايز يشوفني هصبر ولا لاء
وانها معايا ومش هتسبني ابدا مهما حصل
وقتها انا كنت صغيره كملت بدموع، حبيتها اوي وبقت هي كل حياتي ونفسي بس اردلها لو جزء صغير من اللي عملته معايا
وحضنت روز، انا خايفه عليها اوي يروز
روز عيطت معاها وكانت بتطبطب عليها، متخافيش يملك هترجعيلها وهتكون كويسه باذن الله
وقامو الباقي وجم حضنو بعض كلهم
عشان يتفاجئو بالحيطه بتتحرك
قامو بسرعه وقربو عشان يفهمو ايه اللي بيحصل
لقو ياسين ومروان في وشهم
_____________
وصلتو بالسلامه ي امي
طيب الحمدلله
خلي بالك من نور واقفلي كل حاجه كويس وانا هبعتلكو رجاله هتقف حوالين المكان كله هيحموكو
ما تفهمني ي اياد ايه اللي بيحصل ومين الناس دي
بعدين ي امي بعدين وقفل معاها
وبعدها لقي عصام بيرن عليه
كلمت امانتك واتطمنت بنفسك
.....
دلوقتي اقدر اقولك ان مهمتك خلصت
يعني ايه
يعني خلاص انسحب والباقي عندي
زعق، ايه اللي انت بتقوله دا
ايه ي اياد بيه هو مش انت اصلا كنت رافض من البدايه ايه اللي اتغير
هو انت فاكر انه بمزاجك، انك تهددني باهلي عشان انفذ المهمه دي وبعدها تقولي انسحب لا انسي الكلام دا
انا هكمل للاخر
المهمه انتهت ي اياد بيه معاك يوم وتكون مشيت والا هنتفاجئ سوا باللي هيحصل
كان واقف هيتجنن وهو فاهم كويس ليه عصام عمل كدا
اكيد عشان روز
مش هسمحله يلمس شعره منها
وجري علي الاوضه بتاعه البنات
دخل لقاهم متجمعين وياسين ومروان موجودين
وقف واتنهد، كنت عارف انكو هتوصلو هنا بس مش بالسرعه دي
عموما كويس انكو متجمعين لان في حاجه مهمخ لازم تعرفوها
روز قالت بسرعه، انا موافقه
فضل باصصلها شويه
روز احنا محتاجين نتكلم
فخرجت معاه وهو كان متردد جدا وبيبدأ كلام ويسكت
في ايه ي اياد
روز انتي لازم تعرفي الحقيقة لان كل اللي حصل كان كدب
كنت بصاله ومش فاهمه حاجه
بدأ يتكلم
في واحد اسمه عصام دا راجل كبير وعلاقاته كتير ورئيس عصابه بمعني اصح
هددني بيهم وعشان اتواصل معاه لحل عمل ديل اني لازم انفذله مهمه مقابل انه يرجعهم ليا
وافقت، وكانت المهمه اني هخطف مجموعه اشخاص هو اللي محددهم ومحدد الوقت والمعاد
واني همارس عليهم ضغط نفسي هلعب بنفسيتهم والهدف هي تجربه علميه وعشان كدا كان في كاميرات في كل مكان
وقتها انا مكنتش ناوي استلم المهمه بنفسي وقولت اني هخلي رجالتي هي اللي تتولي كل حاجه
لحد
لحد ما شوفتك واتأكدت انها انتِ روز المهدي
........
كنت واقفه ساكته بصاله وبحاول استوعب كل اللي بيحصل
كل دا كان لعبه كل دا كان مقصود
بصتله وانا الدموع في عيني، انت مين
انا
انا اياد
اياد صابر الجمال
استوعبت اللي قاله بعد حبه وحطيت ايدي علي بوقي، اياد!!!
اياد اللي كان اقرب ليا من نفسي وفجأه بعد ومعرفتش عنه حاجه
انت كداب، انت كداب اكيد دي كمان لعبه من الاعيبك
مسك ايدي، انا مش كداب يروز انا اياد صديق طفولتك
_زقيته ابعد عني، ابعد
انا مش قادره افهم اي حاجه
ازاي
ازاااااي
كنت ماشيه لقيته مسك ايدي روز ارجوكي اسمعيني لحد الاخر
قولت بصدمه ودموع، انت لسه عندك حاجه تقولها
اه يروز لازم تفهميني
انا مش وحش زي ما انتي فاكره
انا كنت عايز انتقم لابويا و
وكمل بهدوء، وابوكي
راحو ضحيه لاعماله القذره
_استني استني انت بتقول ايه، ابويا مات ف حادثه وانا صغيره
قرب عليا وحط ايده علي كتفي، دي حقيقه يروز بس حادثه مدبره السبب فيها عصام
لانه كان شريكهم التالت في الشركه ودبرلهم مكيده عشان يستولي علي كل حاجه
عينه دمعت، وهما الاتنين اتغدر بيهم
فقررت انتقم وعملت رجاله كتيره ودربتهم كويس اوي علي كل حاجه
بس للاسف هو كان عنده علم بكل حاجه، وخبط بايده جامد علي حيطه، كل حاجه
وهددني قبل ما اقتله، وطلع كان عارف كمان انها انتي
انا عارف اني غلط وعارف ان كل حاجه غلط ومسك ايدي، بس انا اسف اسف اوي يروز انا بس كنت عايز احميكي
_هه عايز تحميني!
ايوه يروز عايز احميكي وعايز احمي اهلي كل حاجه كانت بتضغط عليا
انا عارف انك لسه مصدومه وانك مش مستوعبه كويس اللي بيحصل
بس انا معنديش وقت
احنا لازم نتجوز عشان محدش يقدر ياخدك مني وهرجع كل اصحابك لبيوتهم
قولت بلامبالاه وانا الدنيا بتلف بيا، انا كنت موافقه بس عشان اصحابي
بعد اللي انت قولته انا مش موافقه علي اي حاجه
وفجأه الدنيا ضلمت وكل حاجه نغوشت وسامعه صوته وهو بينده عليا
بس الدنيا بدأت تنور بشكل غريب وفلاش في عيني
بدأت افتح عيني لقتني في مستشفي
ايه دا
كالونه ف ايدي وماما قاعده جمبي
روز
حمدلله علي السلامه ي حبيبتي،
وحشتيني اوي ي روز
غيبتي عني كل الفتره دي
ماما!
هو ايه اللي حصل انا كنت لسه هناك ازاي جيت هنا
مشت ايدها علي شعري، هناك فين ي روز
هناك ي ماما مع اياد اللي خاطفني
ماما بصت للدكتور اللي بدأ يكلمني
انسه روز انتي عملتي حادثه بالاتوبيس اللي كنتي مستفره بيه مع اصحابك ودخلتي في غيبوبه بقالك شهر
ايه
ايه
انت بتقول ايه
لالالالا انتو عايزين تجنوني حادثه!
حادثه ازاي ازاي واياد
وبدأت انهار بشكل هيستيري
ماما هدتني والدكتور اداني حقنه تهديني
ايه اللي حصلها يدكتور
~المخ بطبيعته بيحاول يدي معنى للمعلومات اللي عنده، حتى لو المعلومات ناقصة أو مش مرتبة.
في حالة اضطراب الوعي، زي اللي حصل مع روز وهي في الغيبوبه
المخ ممكن يستقبل نشاط وإشارات داخلية بشكل غير منظم. فيحاول يعمل منها نمط وقصة مفهومة بدل ما تكون مجرد صور وأحاسيس منفصلة.
واللي هي ممكن تكون
ذكريات قديمة
مشاعر مرتبطة باختفاء حد من حياتها
ذكريات عن وفاة والدها
خوف وقلق.
معلومات ناقصة عن اللي حصل لأهلها
تعلقها بأصحابها وخوفها عليهم.
فمخها كان بيحاول يبني قصة من ذكرياتها ومخاوفها ومعلوماتها الموجودة.
طب ودا ملهوش علاج يدكتور
دا مش مرض علشان يكون ليه علاج
المخ مش بيختلق حاجه هو ماشفهاش فكل حاجه حلمت بيها هي موجوده في الواقع
بس ممكن بصوره مختلفه
اهم حاجه تبعد عن اي حاجه بتزعلها ومتضغطوش عليها
___________
وعدي خمس اسابيع
كنت بدأت اتأقلم علي الحياه العاديه الممله،
كنت بتمني ان انام عشان بس احلم بيه
لانه مبيفارقش عقلي
لحد ما في يوم ماما قالت ان في عريس متقدملي
يوه ي ماما ما قولتلك ميت مره اني مش عايزه اتجوز دلوقتي
شوفيه بس ي بنتي دا اتقدملك مرتين قبل كدا وانتي رفضتي تقعدي معاه
اديله فرصه
بعد اصرار كبير قررت اقعد معاه بس كدا كدا هرفضه
لبست فستان بينك وعملت ميسي بان
وخرجت وانا ماسكه صينيه المشروبات
واول ما دخلت وقعت الصينيه من ايدي
اياد!!!
قام وقف، حسبييي
ماما، في ايه ي روز
لا مفيش حاجه وجيت اشيل الازاز، قام يساعدني
وقعدنا وانا بصاله ومبلمه
ساكته ليه!
نفس النظره ونفس الضحكه ونفس كل حاجه، انت حقيقي!!
ضحك، ايوه حقيقي والله
انتي مصدومه ليه
ضحكت، لا ولا حاجه
هو انت تعرفني منين
ياه ي روز دي قصه طويله احكيلك عليها بعدين
بس عمري ما انسي يوم ما جيتلك تحت قبل ما تسافري وانتي افتكرتيني ابن البواب
وضحك
ايه دا اااااه افتكرت، وضحكت، انا اسفه حقيقي بس انت اللي معرفتش نفسك وكنت واقف بتهزر مع عمو محمد
غلطتي فعلا، مش لو كنتي رديتي عليا مكنش زمانا ضيعنا كل الاسابيع دي واحنا مش بعض
احم، لو مكنش دا كله حصل مكنتش هبقي قاعده معاك دلوقتي
ايه
ولا حاجه وابتسمت
_______
وعدي شهور
بارك الله لكما وبارك عليكما وجمع بينكما في خير
حضني، تعبتيني اوي ي روزي علي ما وصلتلك
انت اللي تعبتني اوي ي ايادي
ضحك، ليه بقا
ضحكت، ياه دي روايه طويله اوي هحكيلك عنها بعدين.
تمت