رواية ضره من عالم اخر الفصل السادس6بقلم نوسه حمد
ابوي ضغط علي وقال لي انا والله لو عارفو متزوج جنيه ما كان عرستك ليهو وربنا انتقم فيهم ع الاقل كانو اكونو واضحين معانا يا رضيتي او رفضتي وبعد كمان اتزوجتي وعانيتي معاهو في النهايه مرتو رسلت ليك جن عشان برضو انتي تبقي زيو انا لو قبلتي تقيفي معاهو ما بخليك ولو الجنه واقفه علي موافقتي ما بوافق ابوي الشيخ بقا يقول ليهو انا فاهم حالتك وبعزرك والله بس انت اثق في كلامي انا في شغلي دا ياما شفتا حالات ما بتتعالج وقدرت اعالجهم وهسي اشد مني ومنك والغلط من اهلو وغلطو هو من البدايه شكلو ما بصلي وما بحصن نفسو ابوي قال ليهو انت براك قلت مابخاف الله كان نصيح ما ركع اجي اركع وهو معرساهو الجنيه دي قلت ليهو ابوي والله حاول وغلبو انا حاولت معاهو وسفرتو تركيا قال لي من زمان كان ركع دي م كانت بقت حالو الشيخ قال ليهو استغفر يا حاج هسي احتمال الزول دا يتعالج ويبقا احسن مني ومنك في الدين وباب التوبه فاتح لاخر يوم في عمر الانسان انت م بتحدد علاقه العبد مع ربنا وانا حاسي بيك لازم تخاف علي بتك اتزكرت انهم غصبوني للزواج قلت ليهو تتزكرو لمن جا خطبني وانا رفضت انت وامي بصوت واحد قلتو لي لازم توافقي لانو بقيتي بايره حتي لو انا بتكم الكلمه دي منكم جرحتني ووافقت عشان ما تزعلو وانتو مفترض تفهمو زول يخطب الليله والعرس في اسبوع في الشرع في التعارف كان ع الاقل عرفت عنو حاجه بس في النهايه عندي قناعه انو دي قسمتي وما اظني اشوف اكعب من الشفتو في بدايه عمري وهسي انا كلي يقين انو ان شاءالله ما ح يمسني ضر وعندي سلاح ضد الجن الشيخ ماقصر مني عرفت منو حاجات عن الدين لا منكم عرفتها لا قريتا لا سمعت بيها ونور بصيرتي وعندي استعداد اواجهه مليشه بتاعت جن امي قعدت تكورك وتتحسر قالت ليهو بتك الا ملبوسه اصلا دي ما نسيبه بتي المهندسه الشاطره قلت ليها يمه دي انا والله وادوني خاطركم وان شاءالله ما بتجيني عوجه انا اعفو لي امي قالت لي يابت انتي جنيتي انا بتصل لي خيلانك وبتصل لي اعمامك قلت ليها يمه لو ربنا قاسم لي جن ولا اعاشر جان من غير سند ح يحصل لي كده خلي عندك ثقه بي ربنا اتكلم يا شيخ وريهم اصول الدين اديهم محاضره قال لي ي بتي احساس والديك انا حسيتو لاني والد كلامهم دا كلو خوف انا انزع الخوف منهم كيف وعلي العموم انا راجع انوم وبكره دغش طالع البلد وانتي عارفه الوصف تعالي وجيبي راجلك بتلقيني مجهز ليك بيت اشارك معاك الاجر ومن غير رضا اهلك م تعملي حاجه وفات وابوي مشا معاهو وبقا يتناقش معاهو ابوي خايف علي شديد وامي اكعب منو قالت لي اخير لي تكوني بايره جنبي قلت ليها يمه كلو لخير انا كنت حزينه واتجرست شديد واتمنيت في لحظه سند يموت واجيكم لاني كنت حاسه بقيود بس هسي حاسه نفسي اقيف معاهو بعد كلام ابوي الشيخ وصدقيني يمه والله ما بتجيني حاجه انتو بس ادوني رضاكم امي شايفه كلامي حلم حلم ورقدت معاي الليل كلو تتخلع وتهضرب قصتي اثرت معاها شديد حاولت انوم غلبني صوره سند وهو بقول لي نفسي اصلي ونفسي اركع ما فارقتني كل ما اتزكر محاولتو جاهد انو يصلي وغلبو العبره بتخنقني وقلت لازم اقيف معاهو النوم ما جاني للصبح انا صاحيه قومتا صليت الصبح وبقيت اقرا في القران لغايه الشمس ما طلعت امي قامت لقتني في الصلايه قالت لي ربنا يثبتك قلت ليها امين انا زمان كنت بصلي الفرض وما بقرا قران الا في رمضان ومافكرت اني احفظ جزء من القران كنت في غفله زواجي من سند كنت شايفاهو شر لي بس اكتشفت انو خير لي اتقربت شديد من ربنا وبقيت ادعي انو الحصل لي يحصل لي سند كمان وجاتني عزيمه في صلايتي ديك انو اقيف معاهو لاخر لحظه واستحمل اي عواقب وربنا يديني ع قدر نيتي
قومتا من صلايتي ديك وخليت اهلي نايمين وطلعتا مشيت بيت ناس سند امو لمن شافتني لمن انخلعت قالت لي سند وين قلت ليها ممكن ادخل دخلتا لقيت ابو سند قاعد ومن يشوفني بحاول اتجنبني لانو حاس بالذنب عاوز اطلع قلت ليهو ممكن ياعمي تقعد قال لي خير يابتي حسيت العبره خانقاهو وام سند كانت ملهوفه ع سند قالت لي سند ولدي وين قلت ليها والله يا خالتي انا سند ما بعرف عنو حاجه وانا جيت راجعه من غير رضا اهلي ومن غير علمهم لانو الحصل لي ما بتصدق وانا لو ماعيشتو ما بصدقو وانا ما جيت الومكم علي انكم غشيتوني بس يا خالتي كان تختي مكاني بتك بترضي انها تتزوج ليها ولد متزوج من جنيه وما كده وبس بنفس طريقتي انا زوجتوهو قبلي فاطمه وعاشت اكعب من العيشتو انا والوحيده الكانت عاوزه توصل لي معلومه الخطر الفي حياتي ام سند قالت لي دي فاطمه حرشتك علي راجلك فاطمه كذابه ولدي طلقها عشان ما محترمه قلت ليها انا لاخر لحظه بحترمك رغم انك مواصله في كذبك علي واحب اقول ليك انا وصلت مرحله بعيده مع الجن المعاشرهم ولدك بس كلو لخير ربنا وقع في طريقي الح يعالج ولدك وانا اخترت اقيف مع سند دموعا جرت قالت لي ممكن سند يتعالج قلت ليها كيف ما ممكن اتعالج اكيد ح يتعالج ويرجع احسن من اول ارجع انسان طاهر وبخاف ربنا حسيتا فرحت ابو سند قال لي انتي ذنبك شنو يابتي انا موجعني عرسو منك بس اعمل شنو امو لمن تخت حاجه في راسها بتعملا قلت ليهو لخير ياباا بس انتو ساعدوني سند ما سامح لي زول ادخل حياتو غيركم انتو افقدوني وتعالو لينا وانا لو قدرت اقنعت سند بسوقو معاي الدلنج وحكيت ليهم بقصه الشيخ قالو لي خلاص نحنا معاك وح نقنعو انو يمشي من غير م نوضح ليهو اي شي وخلي الموضوع دا علينا اديت ابو سند رقم الشيخ اللاقيتو قلت ليهو دا الح يساعدنا وقبل اي شيء عاوزه اقول ليكم شرط انا بعد سند يبقا كويس ح اطلق منو لانو لمن اتزوجني ما كان في وعيو ابوهو قال لي ما تقولي كده امو قالت لي والله ابقا كويس ويقول ما دايرك لا ولدي لا بعرفو بس ولدي كيف يبقا كويس وكانت تبكي بقيت اطبطب عليها قلت ليها انتي نسيتي انو دعوتك مستجابه ادعي ليهو يمه وكوني لحوحه في دعواتك وان شالله ربنا بعالجو بتكلم معاها كده سند جا داخل طوالي امو فهمت وقامت من جنبي وكلنا رجعنا نحنا الزمان لانو سند قبل ادخل بتدخل قدامو الجنيه المعرساهو اول ما دخل بقيت اقرا في سري واتحصن قال لي نوسه ارح البيت انا تعبان ونعسان وعاوز انوم اهلي ما اتناقشو معاهو حسيتهم خايفين من وجودو وانا ربنا تقل قلبي بالايمان ومشيت بي اي حاجه قالا لي الشيخ طلعت معاهو وصلنا البيت قلت ليهو اعمل ليك اكل قال لي لا بس تعبان عاوز انوم اول ما دخلنا البيت لمن انخلعت البيت نظيف نظافه ما عاديه سند قال لي داخل انوم وشكلها هي بتتكلم معاهو بقا يتناقش معاها وفجاه سمعت صوت اطفال وصوت مزعج زي صوت القذايف والدانات لدرجه انو مسكت في السرير والمكان بقا لافي بي حسيت انو سند في خطر دخلت عليهو لقيتو اكب في الدم اول ماشافني بقا ماسك في الحيطه وبقول ليها نوسه لا ما سالتك وانا تعبت ياخ خليني في حالي حاولت اقرب منو قال لي نوسه لا ابعدي هي ما براها هسي واطلعي واقفلي الباب
طلعت وقلبي واقف ودخلت الغرفه البرقد فيها وقفلتها علي وكنت مرعوبه عاوزه اتلفت وراي لقيت سند حسيت انو قلبي طار عرفت انو دا ما سند دا الجن وبقيت اتزكر في كلام الشيخ قلت ليهو انت عاوز مني شنو خليني في حالي قال لي انتي مرتي وحاول يقرب مني وانا قلت ليهو ابعد مني وبقيت اقرا في سري وغمضتا عيوني حسيت انو بقاوم في الهواء وبقيت اقرا واقرا لمن اختفي مني طلعت مخلوعه جريت علي سند مشيت بي خلعه احكي ليهو الحاصل وبقيت اقول ليهو مرتك مرسلا لي جان اشبهك وعاوز يقرب مني وكنت ببكي شديد وسند بقول لي احكي انا سامعك وانا شغاله ليهو احكي شنو سند انا من قبيل احكي ليك انت ما سامعني وهو شغال لي ما سامعك حسيت انها يا شالت سمعو يا شالت صوتي فقدت الامل صوتي دا العاوزه انقذو بيهو ح يفهمني كيف مدام هو ما سامعني طلعت وقعدت في الارض ابكي وابكي وسند اقول ليها نوسه دي مالا اكيد شافت حاجه خوفتها وكان بتكلم معاها بي زعل قال ليها هي ما ازتك ورغم انها عرفت وجودك واتقبلتو انتي ليه عاوزه تحرميني منها كان بتكلم وبرد في نفس الوقت بعد ماكنت متشجعه بس حته انهاتخليهو مايسعني دي ما خطرت علي بالي بقيت افكر اعمل شنو اتزكرت كلامي لي اهلو اكيد ح يقيفو معاي وح يساعدوني كتير م ح استسلم بالاخص انا طلعت من اهلي وما ح يقدرو يصلو لي تاني عشت في ليالي خوف ورعب وانا بصارع في الجن البجيني علي هيئه سند وخشمي نهاي مابقيف من الزكر ولا القران وبحصن نفسي صباخ ومساء لغايه ما الجن اختفي مني وكل ما اجي احكي لسند الحاجه دي هي بتخفي صوتي في يوم زعلت مني شديد وظهرت لي والمره دي بصوره امي حسيت انها ما امي لانها بتقول لي سند شكا منك وقال انتي ما شغاله بيهو ويابتي الكلام دا غلط انا بطلع لو جاك هسي خليك معاهو طبيعيه قلت ليها اول شي انتي ما امي ومستحيل سند اشكي مني واني م مهتمه بيهو لانو مكتفي بيك انا عرفت انتي عاوزه تلبسيني جن عشان ما اوعا لاي شي فجاه اختفت حمدت ربنا انو رربنا نور بصيرتي وبقيت افهم حركاتا بعد زمن ظهرت لي قالت لي انتي القوه دي جبتيها من وين ومصيرك تستسلمي واكون لمعلوميتك البتخططي ليهو عشان سند يبقا كويس ما ح يحصل وكلمتك سند خط احمر واختفت قلت طالما انا قدرت اقاوم الجن ح اقاومها هي بس كيف اطلع من البيت دا وسند يسمعني هل اهلو ح يساعدوني ع حسب اتفاقنا ولا ما ح يفرق معاهم رغم اني حسيتهم بخافو من وجود سند شديد ...