رواية الوصول للحب الحقيقي الفصل السابع7بقلم لولو وائل
وذهبت نور إلى الموقع الذى أرسله محمد و طرقت على الباب إلى أن فتح يوسف
=السلام عليكم ورحمة الله وبركاته
=وعليكم السلام حضرتك مين
=انا نور
تفاجأ يوسف لانه لم يراها من قبل وقال=نور مين معلش
واتى محمد ورأى نور =اهلا وسهلا اتفضلى
=شكرا
نظر يوسف لمحمد ببلاها=تتفضل فين معلش مين دى
=فى اى مالك يا يوسف ما هى دى نور
=نور ازاى معلش اومال انا قابلت مين دى مش نور
تعجب محمد من حديث أخيه ونظر إليهها تاره وإلى أخيه تاره=يوسف انت متأكد
=طبعا متأكد إلى انا شوفتها غير دى خالص مين دى
نظر إليها محمد بضيق =يعنى انتى مش نور ونصابه
=نصابة اى انتو كمان انا نور ادينى فرصه افهمكو
واجابها محمد=لا مش هتتدخلى الا لما أمى تيجى وتشوفك علشان نتأكد ثوانى هروح انادى امى وهاجى
=ماشى
وذهب محمد وأخبر والدته بما حدث واحضرها للخارج
ورأتها هند وقالت
=نور
=اهلا يا طنط
=يعنى هى ديه نور
=ايوه هى ديه نور
نظر محمد ليوسف بضيق=منور والله شكلك محتاج نضارة
=يا عم لا انا متاكد البنت اللي انا قابلتها في الحفله مكنتش دي
=اى بقى الحوار ده
=انا عايز اعرف انا قابلت مين
وسأل معتز أيضا =انا عايز اعرف انتى ساعدتينى ليه وهل قريبتك هى إلى خلت الشابين إلى كانو ساكنين جنبى يمشو برضو ولا لا
وسأل محمد أيضا=انا عايز اعرف برضو انتى إلى لعبتى على حازم وكمان عايز اعرف الكافية إلى اتقابلنا فيه انتى روحتيه قبل كده
وسألت هند أيضا =وانا لازم اعرف يا بنتى انتى قولتى لمحمد يوقف الجوازه ليه
واتى والد محمد فى هذه اللحظه وتعجب من التجمع
=هو فى اى اى اللمه دى
اجابته نور=وحضرتك يا عمو مش عايز تسأل على اى حاجه
=اسأل على اى
=كلو بيسأل جت على حضرتك
=لا مش عايز انا داخل انام
نظر محمد لنور وقال=انتى لازم تجاوبى على الاسئلة دى وبدون كدب
=حاضر هحاول بس الاول عايزه اعرف مين البنت الى محمد هيتقدملها
=انتى بصى يابنتى انا لما شوفتك فى السوق عجبتينى اوى بصراحه فقلت اخد رقم عيلتك علشان اعرف عنك اكتر وبعت يوسف ابنى الحفله علشان ياخد رقمك وفعلا انتى اديتهوله وكلمت مامتك الفتره الى فاتت مرتين
نظرت لها بتعجب=مامتى انا
=اه وقالتلى انها هتفتحك فى الموضوع و هتفاتح باباكى بس مش دلوقتى علشان جدتك تعبانه
=انا كده فهمت العريس الى كان جاى لياسمين جه ازاى
اجابها محمد =ياسمين مين
=طيب نجاوب على سؤال سؤال اول سؤال هجاوب على حضرتك حضرتك بتقوليلي انك بعتي ابن حضرتك الحفله حلو كده ومفروض ان ابن حضرتك خد مني انا الرقم بتاع مامتي وان حضرتك اتواصلتي مع مامتي الفتره اللي فاتت مرتين ويوسف ابن حضرتك ما يعرفنيش ولا يعرف شكلي يبقى اللي يظهر كده قدامكم ان مش انا اللي اديته الرقم يعني يوم الحفله انا كنت فعلا عرفت ان في حد هيقابلني بس انا روحت اجيب حاجه اشربها رجعت ما لقيتش حد ولما كلمت خالد وسالته قالي ان يوسف صاحبه جه وهو كمان شاور له على مكاني بس في الوقت اللي يوسف راح يقابل فيه مش انا اللي كنت موجوده دي ياسمين اللي انت يا محمد بتسال عنها واللي انت قابلتها يا يوسف عشان كده مش عارفني ياسمين تبقى بنت خالتي بس علاقتنا مش لطيفه يعني بالاصح كده هو ما فيش علاقه اصلا هي ما بتحبنيش من صغري لحد دلوقتي والسبب انا ما اعرفوش ياسمين زي ما تقولوا كده انسانه مش طبيعيه بتحب تعمل مشاكل برده ما اعرفش ايه سببها وكلمت شباب كتير ودمرت حياتهم وانا كنت بس بحاول اساعد ما كنتش بدمر حياه حد ياسمين كل عريس كان بيجيلها كانت بتعمل خطط كتير اوي عشان تهدد العريس ده وتدمر حياته ما كانتش بتكمل علاقه ابدا وهنا بقى نيجي لسؤال حضرتك اسمك اى
=معتز
=سؤال استاذ معتز حضرتك بتقول انا ليه ساعدتك هو انا بساعد بدون سبب مش ببقى عايزه اشوف حد بيتدمر قدامي وافضل ساكته انا اصلا عرفت علاقتك بياسمين بالصدفه كنت مسافره فعلا ورجعنا ولما رجعنا عرفنا ان ياسمين اتخطبت روحنا نبارك عادي جدا على اساس ان انا كنت فاكره ان ياسمين اتغيرت بس بعد كده عرفت ان هي كانت عامله جرائم كتير جدا قبلك عشان كده لما عرفت ان في عريس جديد قررت ان انا ادور وراها وعرفت ان انت رفضتها بس شكيت لو للحظه انك ممكن ترجع تاني والى اكد كلامي لما روحت ورا ياسمين المكان اللي بتخطط فيه على طول وسمعتها وعرفت انها بتدور على اي حاجه عشان تقدر تهددك بيها وتكمل الجوازه بس ما عرفتش ايه سبب انها تكمل الجوازه منك لانها في الاغلب هي بتطفش الباقي افتكرت انها حبيتك بعد كده عرفت انها عايزه تكمل معاك بس لانك مشهور معاك فلوس قررت ان انا لازم اتواصل معاك باي شكل عشان اوقف الجوازه دي بعد كده عرفت ان انتم رجعتوا تاني وزي ما كنت متوقعه ان انت هترجع ضغطت على صاحبه ياسمين انها تديني الرقم لحد ما اخذت رقمك منها واستنيت لما اليوم كله يخلص وبعد كده كلمتك و وقولتلك اني هساعدك وفعلا روحت لياسمين وهددتها ان هي لو عملت لك اي حاجه هفضحها قدام مامتها وبالدليل على كل جرايمها القديمه عشان كده سكتت وانسحبت بس انا كان عندي احساس انها هترجع تعمل معاك حاجه تاني عشان كده قولتلك تمشي اما بقى بالنسبه للاثنين الثانيين اللي انت بتتكلم عنهم دول كانت بتكلمهم وقت ما كانت بتكلمك اصلا وانا ما عرفتش ده غير بعد ما انا بعتلك الصبح وقولتلك خلاص الموضوع انتهى قولتلك عزل عشان ما تعملكش مشاكل ولما عرفت انها مع شابين كمان كانت بتتعامل معاهم بس من بعيد لما واحد مشي اللي هو انت جابت واحد ثاني وهددته برده بس مش عشان تكمل العلاقه عشان تاخد منهم فلوس من غير علاقه اصلا تاخد منها فلوس مقابل انهم يمشوا ومتفضحهومش وانا برده عرفت الموضوع ده قررت ان انا اساعدهم هم كمان وقولتلهم يمشوا عشان ما تعملهمش حاجه يعني كان غرضي خير ما كانش فيه غرض ثاني
واجاباها محمد =طب وسؤالى
=هجاوبك ما تقلقش بس قبل ما اجاوبك انت هجاوب طنط الاول حضرتك بتقولي انا ليه رحت قولت لمحمد وقف الجوازه لان محمد دلوقتي العريس اللي جاي لياسمين مش ليا انا لان ياسمين فهمت العيله ان في عريس جايلها والعريس ده اللي هو انت يا محمد يعني انت مش جايلى انا وحضرتك اللي بتتواصلي معاها مش والدتي شخص تاني تبع ياسمين هي مأجراه عشان يكلمك ويفهمك ان هي والدتي انا والدتي ما تعرفكيش ولا عمرها اتكلمت معاكي يعني انتم كنتم بتجهزوا مع شخص ثاني مش معايا انا عشان كده قولتلك وقف الجوازه لان ياسمين مش هسيبك لانها هتبقى عايزه تدمرني وتدمرك معايا
واجابتها هند=البنت المريضه دي هي بتعمل كده ليه
=اديك قولتى مريضه السؤال بقى بتاع محمد بتاع حازم حازم مين اللي انت بتتكلم عنه انا ما اعرفش حد بالاسم ده
=ازاي ما تعرفوش اومال كنتى بتتواصلي معاه على الوتساب ازاي
=انا متواصلتش مع حد بالاسم ده انا عمري ما اتواصلت مع شاب في حياتي على الوتساب حازم مين
وأخبارها معتز بكل شئ عن حازم وما حدث له
=كلام جميل جدا يا استاذ معتز حضرتك بتقول ان هو شافني بس انا مشيت وما جبش رقمي واللي راحت اديته رقمي قريبتي وانا ما بروحش في حته غير مع ياسمين يعني دلوقتي هو اخذ رقم ياسمين لان اي حد هيجيلي ياسمين مش هتسيبه فياسمين اديته رقمها على انه رقمي وهي اللي اتواصلت معاه وهي اللي نصبت عليه انا ما اعرفش حد بالاسم ده ولا عمري تعاملت معاه قبل كده وبعدين لو انا اللي كنت بتواصل معاه كنت هخليه يتقدملي ما كنتش هتواصل على الوتساب سنه انا مش كده خالص
=طب والجرسون وال قالوا عليك
=الجرسون قال ايه عني
=هل كل خير قال انه سمعك بتتكلمي في التليفون وانك هتدمري حياه شخص وانك عايزه تخربي على قريبتك كل ده ايه
=اما انا كنت بحكي في اى من الصبح انا دلوقتي بعرف مصايبها فبحلها عشان ما اخليش حد يتظلم معاها لما عرفت ان هي عايزه تاذي استاذ معتز جبت رقمه وحليتها وغيرها من شباب كثير يعني انا مش عايزه اذي حد ولا اخرب عليه لو هي بني ادمه اتغيرت وعايزه تتجوز وتستقر وتكون في علاقه بما يرضي الله انا ليه همنعها من العلاقه دي بل بالعكس هنبسط لها من قلبي على التغيير ده بس هي ما فيش منها فايده عشان كده انا بحاول احل واديك شوفت الشاب الوحيد اللي انا ما اعرفش عنه حاجه مات مقهور بسببها ما بالك بقى اللي فاتوا كلهم لو مش عارفه انهم حاجه صاحبك ده انا ما كنتش عارفه عنه حاجه و كان هيحصل له ايه ده كمان انا بحاول احل مش باذي حد زي الجرسون فهم يمكن الكلام يدل ان انا شخص مؤذي بس انا ما كنتش قصدي ان انا اذي حد انا غرض ان انا اساعد وابعدهم عن الاذيه من اكتر
=شوفت يا محمد قولتلك
=طب وانا عايز اعرف هى بنت خالك بتعمل كل ده ليه
=ما اعرفش انا نفسي اعرف هي بتعمل كده ليه انا لحد دلوقتي ما اعرفش سببه ايه سبب كرهها ليا وايه سبب اذيتها للرجاله ما اعرفش بس انا والله ما اذيتش حد
نظر إليها محمد وقال=انا اسف لانى ظنيت فيكى غلط
=ولا يهمك
شعرت هند بالصدمة لما استمعت له وقالت =ازاى كل ده حصل انا لازم اروح اتكلم مع البنت ديه واعرفها مقامها مينفعش تكدب على الناس بشكل ده
اجابها يوسف=صح يا ماما عندك حق
قاطعتهم نور وقالت=لا احنا ممكن نستغل ده لصالحنا
نظر لها محمد بتعجب=انتى بتقولى ايه
=بص ياسمين الاول كانت غايتها واحده انها تنتقم منى ودلوقتي عندها اغنيتين انها تنتقم منى برضو وتاخد كل الفلوس الى معاك بعد ما عرفت انك لعيب كره ومعاك ملايين
=وانتى عايزنا نعمل ايه بقى
=عايزه مامتك تكلم صاحبت ياسمين على انها امى وتمشو الجوازه عادى جدا لحد منخلى ياسمين تنكشف قدام عائلتها وعائلتى
=هنكشفها ازاى
=ياسمين دلوقتى مش عارفه هتقابلكو ازاى علشان مامتك شافتنى فى السوق يعنى شافتنى قبل كده بس ما شفتش ياسمين وهو ده المطلوب
=يعنى عايزانا نروح نتقدم لياسمين وانقول اننا
منعرفهاش وان انتى العروسه مش هى
=بضبط كده
=وكده هتستفادى ايه
=امها هتعرف انها رجعت تنصب تانى على الولاد خصوصا بعد ما وعدت ياسمين مامتها انها مش هتعمل كده تانى
=يعنى مامتها عارفه
=اه بس مش عارفه حاجه عن الجديد عارفه القديم بس وقبل ما تسأل يا معتز هى متعرفكش
=يعنى انتى اما قولتى لمحمد ان البنت الى هيتقدملها بنت مش كويسه قصدك على ياسمين
=ايوه مكنتش اعرف ان انا العروسه مش ياسمين بس كده كده انا كنت شاكه فى ياسمين فى الاول
=كده محمد اختارصح
=قصد حضرتك ايه
ه=قصدى اقول انه معجب بيكى من اول يوم شافك فيه بس بيستهبل
صدمت نور وشعرت بالخجل وقررت الرحيل وقالت
=انا لازم أمشى علشان لو ياسمين صحيت وملقتنيش هتشك فيا
=خلاص يابنتى ماشى علشان متتأخريش
=ماشى عن اذن حضرتك
=اخلى محمد يوصلك
اجابتها نور بخجل =لا ملوش لزوم انا هركب على طول من قدام البيت
=ماشى على راحتك يا بنتى
وذهبت وبعد فترة وصلت إلى المستشفى وكان سعيد لمعرفتها بالحقيقه إلى أن وجدت ياسمين امامها
=اعوذ بالله فى حد يطلع فى وش حد كده
=كنتى فين يا هانم
=كنت بجيب علاج
=علاج ايه هو فين ده
=انا اديته للممرضه اسئليها لو مش مصدقه
وذهبت لتبحث عن الممرضة ووجدتها لتسألها
= ممكن ثانية معلش هسألك على حاجه
=نعم يا انسه
=طلبتى من نور تجيب علاج
=اه
=ماشى خلاص شكرا
=صدقتينى بقى
= اه
=يلا ندخل جوه
=بما انك كنتى بتجيبى علاج كنتى رجعه مبسوطه كده ليه........