رواية ضره من عالم اخر الفصل الثامن8بقلم نوسه حمد
علا وعلاء ماقصرو معاي وماعندهم ذنب يتحملو الانا فيهو وحالتي بقت من متزوجه راجل معرس جنيه بقيت انا زاتي في خطر بقيت عايشه معاهم وهم مضايقين مني لدرجه انهم م بياكلو معاي وبعد كنت بنوم مع اخوات علاء فجاه علا قالت لي تنومي معاي وعلاء بنوم في الديوان قلبي انقطع ختيتهم في موقف حرج ما قلت ليها حاجه مشيت نومت معاها وقلبي بتقطع من الحزن وغالبني البعملو لو مشيت بيتنا سند بلحقني واهون لي اقام الجني العاوز يلبسني دا ولا اقعد مع سند ومعاهو مرتو دي نومتا وصحيت قبل الصبح صليت واتوكلت علي الله وطلعت ماشه وين ما عارفه وكانت لسه الشمس ما طلعت الدنيا فجاه ادتني ضهرها وخطواتي مشت اتجاه بيتنا لمن وصلت امي سمعتني فارغ وقالت لي مدام اخترتيهو رجعتي لي وابوي سمع نقاشها معاي وجا شايل الخرطوش وقع فيني ضرب ما رحمني حسسوني اني اذنبت وانا خشمي ما فتحتو عشان اتفكا منهم مثلت ليهم اني مجنونه لمن خافو مني وبقيت اعمل ليهم في حركات الجن عاشرتهم وعرفت حركاتهم كويس امي خافت وقالت ليهو بري البت دي خلاص الجان لبسها ولا يوم ما بقعدو معاها وكانت جاده في الموضوع مشت لملمت ملابسها وانا قاعده في ركن الغرفه براغب فيهم وفي رده فعلهم ابدا ما حسيت انهم خايفين علي حسيتهم خايفين مني زي اهل سند وهنا عزرت سند اكيد اهلو قابلوهو بنفس رده فعل اهلي ديل واكعب كمان بس الفرق بيني وبين سند انو انا كويسه بس والجن ما لبسني وبقاوم فيهو ابوي قال لي امي نهاي ما تطلعي انتي تطلع هي وتمش لي راجلها الاختارها ماقلت ليهم انا كويسه وجيت هاربه منو ابوها قال لي يلا من بيتي طالما استحملتي الجن وطلعتي من غير رضانا لغايه ما لبسك تاني ماتجي البيت دا ولا تعتبي عتبتو دموعي نزلت وحسيت انها ضاقت بي قلت يا رب وضربات قلبي كانت عاليه شديد طلعت من بيتنا طلعه بدون رجعه بس ياربي امشي وين واقبل ع وين طلعت مشيت قصاد البحر وقعدت قصاد البحر وبكيت قدرتي في الدنيا واتوضيت وصليت حسيت نفسي عاوزه اتقرب لي ربنا شديد طلعت من البحر مشيت اقرب جامع لقيت فيهو راجل شكلو امام الجامع سلمت عليهو بكل ادب قال لي مكان النسوان بهناك قلت ليهو لا انا ماشه بس ممكن طلب قال لي اتفضلي حسيتو عاوز يدخل يدو في جيبو اديني قروش قلت ليهو لا ياعمي انا عاوزه مصحف واكون شاكره ليك قال لي طوالي يا بتي ولو محتاجه قروش خير ربنا كتير انا ماعارف العليك شنو بس حسيتك مقطوعه امسكي القروش ديل معاك قلت ليهو لا لا يا ابوي ربنا كريم شكرتو علي المصحف وطلعت مشيت قصاد الظلط وما عاوفه اقبل ع وين وامشي وين واعمل شنو حياتي ادمرت للاخر والاهل البكونو سند طردوني ما زعلت منهم لاني غلطت لمن طلعت تاني مره من غير رضاهم وشفت في عيونهم خوف علي م طبيعي بس اي شي راح وانا عارفه ما حاجه ساهله انك كيف تعيش مع انسان لابسو جن جربتها في نفسي كنت مهمومه شديد والهم ح يقتلني قعدت في شجره جنب الظلط في واحد بقا مراغبني لمن شاف مسافتي طولت جا سالني قال لي انتي بت امام قلت ليهو اي قال لي مالك قاعده هنا ما رديت عليهو بقيت فاتحه المصحف واقرا فات خلاني وكل ما يجي زول ماري يسالني خوفت شديد قلت لازم امشي من حلتنا بس افوت وين بكيت قدرتي وغلبني شديد نهايه اليوم رجعت بيتنا وكنت جيعانه امي ما شافتني لمن دخلت ولا ابوي مشيت علي المطبخ فتحت حله الملاح بقيت اكل بشراهه امي جات لقتني اكل وبقت تكورك الناس اتلمو فيها وشكلهم خلاص ناس الحله عرفو العلي ابوي جا ضربني وطبلني في غرفه وبقو خايفين مني في نظرهم انا لابسني جن بقيت اترجا في ابوي يفتح الباب حلف ابا يفتحو قال لي تنحبسي انتي والجن دا خوفتو قلت ليهو انت مفتكر الجن بنحبس لا والله وانا لو قلت ليهو اضركم بضركم عشان كده خلوني اطلع انا ما طالبه منكم شي بتكلم معاهم كده اظنو سند جا قال ليهم نوسه وين ابوي بقا يشاكل فيهو وسمعو كلام فارغ وطلعني ليهو قال ليهو البت دي ما تجيبا هنا نحنا ما ناقصين رعب حسيت سند احن علي من ابوي قال ليهو نوسه مالا جاتا حاجه وكان ملهوف علي فتحو ليهو الباب قال لي نوسه انتي كويسه قلت ليهو كويسه قال لي يلا ارح بيتنا قلت ليهو بمشي معاك بس انا في الحله وفي الولايه دي ما عندي قعاد قال لي طيب نمش وين نسافر قلت ليهو لا نمشي اي ولايه تاني قال لي يلا ارح وبنتفاهم طلعت لقيتو راكب عربيه افخم موديل قال لي يلا اركبي قلت ليهو لا ماعاوزه اركب وكنت ضامه المصحف علي قال لي طيب نسافر كيف قلت ليهو بوريك انا انت ارح معاي ومشينا اتجاه المواصلات الجابني منها ابوي الشيخ وصلنا هناك لقينا واحد يكورك الدلنج الدلنج انا قلت ليهو نركب هنا قال لي نوسه نمشي وين قلت ليهو انا تعبانه نفسي اطلع مكان اهلي ما يعرفوني فيهو
قال لي تمام ركبنا وكانت الرحله طويله وكل مره بحس سند بتكلم معاها ونهاي ما وضحت ليهو اني سايقاهو عشان اتعالج حسيت انو خلاص انا بعد الحصل لي حتي لو كنت كويسه ح اكون في نظر الناس انو لابسني جن وبقينا انا وسند في مركب واحد وصلنا بعد تعب وروحنا كانت طالعه الحاجه الحلوه اني كنت متزكره بيت ناس الشيخ وكنت خايفه من رده فعلهم بالذات بناتو ح يقابلوني بي معرفه لكن لو لقيت ابوي الشيخ ح يفهمني لانو انا معاي سند مشيت وفي سري ادعي ياربي تحلها من عندك ولحسن حظي لقيت ابوي الشيخ في الشارع سلمت عليهو قلت ليهو ابوي نحنا تائهين ممكن تستضيفونا يومين قال لي ابشري يا بتي قلت ليهو دا زوجي والله قال لي تمام ودقيقه ادخل اشوف ناس البيت عشان يطلعو يستقبلوك وزوجك دا خليهو معاي قلت ليهو تمام سند قال لي نوسه نمشي ناجر اي مكان انا م عايز ادخل هنا عرفت انها ما عاوزانا نقعد هنا قلت ليهو لا انا اي مكان تمشيهو بقروشك ما عاوزاهو بدا يتناقش معاي وابوي الشيخ جا قال لي اتفضلو يا بتي قلت ليهو تمام وساق معاهو سند حمدتا الله وطوالي قامو بي اكرامنا وسند شكلو م مرتاح كم مره قال ليهم نحنا ح نمشي بقيت خايفه بعد المشوار دا كلو نفشل بس ربنا كريم ابوي الشيخ جا قال لي اسمعيني انا عندي اولاد بشتلغو معاي وراجلك دا داير شغل ربيط عديل عشان هي ما بتخليهو اتعالج بس عايزك ما تخافي وناس البيت لمن تكون في حالات زي دي بجي اكلمهم عشان ما ينخلعو ومهما شفتي عليهو استحملي ممكن تحسيهو بالرقيه مات عديل لمن ذبد بس نهاي م تخافي وخليك واثقه في اني انا عاوز اساعدك واعالج ليك راجلك قلت ليهو خير يابا انا كلي يقين انو ان شاءالله ربنا بشفيهو وبتعالج وبرجع احسن من اول قال لي اكيد يا بتي بس دايرك تقعدي معاهو تقنعي مسافه انا اجيب الاولاد قلت ليهو تمام مشيت لي سند بس حسيت بيهو مضايق وقال لي الا نطلع بقيت احنس فيهو واني تعبانه من السفر بس يوم الليله قال لي تمام بس يوم الليله قلت ليهو تمام بتكلم معاهو كده ابوي الشيخ جا ومعاهو الاولاد داخل وقال لي امشي للبنات بهناك واظن مع طلعتي الشيخ قال ليهم امسكوهو وبدا الرقيه وصوت سند هزا المكان انا غلبني اقعد وكل ما اقول ماشه ليهو مرتو تقول لي اوعك يا بتي دا علاج ما لعب اصبري وان شاء الله راجلك ببقا كويس انتي بس ادعي ليهو قومتا اتوضيت وصليت واتحصنتا وبقيت ادعي ربنا يشوف حالو وكنت لمن ببكي وفجاه سمعت صوت سند بقول نوسه تعالي انا هنا من غير م اشعر جريت ليهو وشفت منظر سند حالتو صعبه لمن مذبد وبفرفر بس الاولاد قويين وحسيت انو ح يموت لمن اغمي علي الشيخ قال ليهم جيبوها وتاني ما وعيت ..
الفصل التاسع من هنا