رواية ضره من عالم اخر الفصل التاسع9بقلم نوسه حمد
ساد الصمت في كل ارجاء الغرفه وحسيت نفسي غايبه عن الوعي وكانت حالتي اصعب من سند ابوي الشيخ قال ليهم امسكوها وقعدوني قصادو وكنت بهمهم بكلام ما مفهوم او الصوت الطالع مني ما انا صوت راجل تخين وكنت بتخاطب مع الشيخ بالرفض والشيخ بدا يتلي القران وحالتي ازدادت سوء ولحظات عدت علي كانهم سنه فجاه حسيت بي اني كويسه شديد وبقيت اعاين للشيخ والناس وسند واتزكر انا منو وانا وين حسيت اني مافاهمه حاجه قلت ليهم امي وابوي وين قال لي امك وابوك ما جو معاك جيتي انتي وزوجك قلت ليهو زوجي مافهمت وبقيت اعاين للاولاد الفي الغرفه زوجي ياتو فيهم وبسال في الشيخ وكانو مفتكرين اني بهظر بس انا كنت جاده وحلفت ليهو اني جاده وما متزكره اي شي قال لي امشي ارتاحي وقبل ترتاحي اغتسلي وصلي ركعتين ادعي فيهم لنفسك قلت ليهو حاضر قومتا من المكان القاعده فيهو امش وين غلبني شكلي مسحتا اي شي الطريق المشيتو طلعني الشارع وبقيت اعاين الشيخ دا قال لي امشي وين مافهمت شي وكنت ما لابسه حاجه في رجولي قعدت في الارض والشمس كانت حاره في ولد وسيم شكلو محترم شديد قال لي مالك قاعده هنا قلت ليهو انا ما فاهمه شي كنت جوه مع الشيخ الهنا وتعبت شديد وهم بقرو لي واحد جوه وبقا يرقي لي انا سالتو من اهلي قال لي انو جيت مع زوجي وعاينت للقاعدين ما عرفت فيهم زوجي وانا خايفه هل دا شيخ ولا دجال خايفه انو الولد القال راجلي دا يسوقني وانا متاكده م متزوجه قال لي ياساتر علي العموم انا ما من هنا انا جيت مأموريه هنا وكنت معدي اشتري حاجه لاحظت ليك قلت اساعدك انتي من وين قلت ليهو انا من الجزيره القريه الفلانيه قال لي انا كمان من الجزيره ممكن ارجعك اهلك لو خايفه رايك شنو قلت ليهو جد خايفه انا راجعه اهلي قال لي تمام ارح قومي وقبل نتحرك ارح السوق مابعيد اشتري ليك حاجه تلبسيها في رجلك قلت ليهو لا لا م مشكله بمشي ساي قال لي طيب بس السفر بياخد ايام وانا نازل بيتنا في الخرطوم م تخافي عندي اخوات والله مستحيل اضرك بشي قلت ليهو مصدقاك ومشيت معاهو لقيت عربيه فخمه واقفه ركبت فيها وكان معاهو سواق سالو قال ليهو دي منو حكا ليهو عني وفي لحظات نحنا طلعنا من الولايه الكنا فيها وبقيت بسال في نفسي انا دا شنو العملتو دا والاولاد ديل منو والراجل دا منو خوفتا شديد بقيت اقرا واتحصن وشكلي غرقتا في النوم كنت تعبانه صحيت بصوتو بقول لي اصحي نحنا وصلنا نزلت وبي طرحتي بقيت استر في نفسي لدرجه الولد حسا اني خايفه قال لي م تخافي ودخلت معاهو امو كانت مساهره منتظراهو لمن شافتني قالت ليهو محمد دي منو قال ليها دي ضيفه يمه اكرموها انا تعبان عاوز انووم بكره نتفاهم قالت ليهو اتعشا انا من قبيل منتظراك قال ليها لا عشو الضيفه دي وصحي ابتهال تشوف ليها ملابس تلبسهم قالت ليهو طيب مشيت معاها والبيت عباره عن قصر عديل وشكلهم ناس منظمين في بت شكلها شغاله مع المره قالت ليها صحي هوله هوله دا دلع بتها البت جات طالعه تهرج وشكلها زي الهنود في جمالا انا ماشفت قالت ليها ماما عارفه عندي ميتج بكره في شنو لمن شافتني خجلت وابتسمت وجات حضنتني وسلمت علي سلام حلوو قالت لي اسفه ما مفتكره معانا ضيوف امها قالت ليها سوقيها معام جوه اديها ملابس تلبسهم وتستحما مسافه اجهز الاكل البت بصدر رحب ساقتني معاها وادتني افخم لبس طلبت منها حاجه ساتره ادتني جلباب وعبايه صلاه استحميت وصليت وبقيت ادعي ربنا يشوف حالي ويردني لي اهلي وكنت مشتاقه لي امي وابوي وعلا والشغل وكل تفاصيل حياتي القديمه ام الولد جاتني قالت لي قومي عشان تاكلي بتها اعتزرت انها بليل م بتاكل وقالت لي بنتظرك تجي تنومي معاي قلت ليها حاضر مشيت اكلت كاني جيعانه بالسنين وادوني عصير شربتو ومشيت لقيت البت منتظراني وبدت تسأل فيني بجاوب فيها لمن نومتا وغرقت في النوم صحيت مع الاذن كانو في حاجه صحتني قومتا صليا وادعيت وصحيت ابتهال قامت تصلي قالت لي نفسي اصل مرحله انو اصحا من غير تنبيه لصلاه الصبح بجد انتي في نعمه حسيتا النوع الما متكبر وما بتقارن نفسها الا بالفايتاها في الدين وبتسعي لي انها تكون متدينه اكتر قلت ليها ربنا يثبت قلبك علي طاعتو وان شاء الله تصلي مراحل افضل من دي طالما نفسك تكوني كده قالت لي امين يارب بتونس معاها اخوها جا طقا الباب قال ليها اديها عبايه وخليها تجهز انا ح اوصلها اهلا قالت ليهو ليه خليها معانا يومين قال ليها انا م عندي مشكله بس انا وعدتها اسلمها اهلا واديها رقمك تتواصل معاك وح تجينا تاني ان شاءالله قالت لي بجد انبسطتا بيك وكان نفسي تقعدي معانا قلت ليها يا ريت اوعدك اجيكم اخد اذن من الشغل قالت لي انتي شغاله م شاء الله قلت ليها اي انا مهندسه اخوها قال لي م شاء الله زيي يعني وشغاله وين قلت ليهو شغاله في شركه بسيطه قال لي م فكرتي تشتغلي شغل المنظمات قلت ليهو لا والله قال لي م مشكله لو فكرتي تشتغلي وريني بفتش ليك وظيفه قلت ليهو تمام طلع وانا قومتا اتجهزتا وحسيت روحي ردت لي وامو كانت مجهزه الفطور بي كل ما لذ وطاب شربنا الشاي وقال ليها ح اوديها اهلا قالت ليهو طيب النمش معاك بالمره بعد توصلها توديني حلتنا في بكيات لازماني قال ليها يمه الزمن حنستو ووافق ليها لبست وجات مشينا سوا وحلتي كانت اقرب من حلتهم وصفت ليهم بيتنا وصلنا البيت وقلت ليهم الا تتفضلو معاي لقيت ابوي جنب الباب شافني نزلت من العربيه دخل وقفل الباب شديد احترت في رده فعل ابوي وهم زاتو حسو بي احراج انا العبره خنقتني وقالو لي الوقت م مناسب بنجيكم ان شاءالله اصريت عليهم وياريتني ما اصريت دخلت البيت وبقيت اسلم علي ناس بيتنا وهم صارين لي دخلت في احراج ما يعلم بيهو الا ربنا بحسن نيه بقيت اعرف في اهلي عليهم ابوي قاطعني قال لي اها دا الجن الجديد ولا شنو هم انخلعو وامي جات زادت القصه زياده قالت لي جيتي لشنو والمره دي جايبه لينا جن جديد ودايره تعيشي معانا طوالي محمد قال ليهم بنعتزر دي مشاكل عائليه ع العموم دي بتكم وانا جبتها ليكم ابوي قال ليهو انا بتي ماتت دي م بتي انا العبره خنقتني وبقيت احكي ليهم بالشيخ والولد القال انو دا زوجي وانا ما بعرفو قالو لي ما بتعرفي دا الخليتينا عشانو ومشيتي معاهو انا راسي شاطب وحلفت ليهم بي الله انو انا م متزكره شي ابوي طردني قال لي عاشرتي الجن تاني ما بتنفعي معاي طلعت ابكي ودمعتي في عيني ابوي عاين لي انا والله مافاهمه شي وما عارفه انت بتتكلم عن شنو انا محتاجه ليكم طردني وقفل الباب في وشنا الولد وامو بقو مندهشين ومافاهمين حاجه وحسيت الولد شال هم قلت ليهو محمد انت ماقصرت وامك ما قصرت شيلتوني في راسكم وجميلكم انا ما بنساهو قال لي العفو بس حاسي بالذنب احتمال اكون الولد القلتي م زوجك دا زوجك وانتي فقدتي الزاكره قلت ليهو مستحيل لو فقدت الزاكره ما بتزكر اهلي ولا بيتنا م مشكله انت م تشيل هم انا في بلدي م بخاف ح امشي لي علا امو قالت لي علا دي منو قلت ليها زميلتي في الشغل قالت لي ما بنخليك تمشي براك نوديك ليها قلت ليهم لا والله ما تخافو علي ما بتجيني حاجه وبقيت اشكر فيهم محمد قال لي اركبي اوديك ركبتا معاهم ووصلنا بيت ناس علاء طقينا الباب جاتنا ام علاء سلمت علي بطمام بطن انا بقيت اهمهم ليه رده فعلها كده قلت ليها علا موجوده قالت لي علا ماف عند اهلا وسمعت صوت علاء بسال فيها دا منو الفي الباب ما ردت عليهو ودخلت تطنطن محمد عاين لي امو وعاين لي سلمت عليهو بلهفه بس قابلني ببرود سالتو من علا قال لي نوسه انا والله فتحت ليك بيتي بصدر رحب بس الحصل منك اهلي ما قبلوهو وانتي عارفه علا بتحبك قدر شنو بعد انتي مشيتي انا في لحظه غضب بسببك طلقت علا وياداب رجعتها فلو بتحبيها يا نوسه ابعدي منها قلت ليهو علاء فشنو اقسم بالله انا مافاهمه شي ابوي قابلني نفس مقابلتك دي وروني الحاصل ما تخلوني طايشه انا مافاهمه شي ارحموني وكنت ببكي محمد قال لي دقيقه م تبكي قال ليهو ممكن سؤال البت دي متزوجه قال ليهو اي وما ح اقدر اتكلم اكتر اسالها هي واعتزر مننا وقفل الباب وحزرني اني ابعد من علا قعدت في الارض وبقيت ابكي طالما اهلي وصحبتي قابلوني كده الناس التانيه تقابلني كيف قلت ليهم امشو خلاص خلوني ام محمد قالت لي لا والله ما بخليك انتي شكلك مامتزكره حاجه ولدي يرجعك لي راجلك قلت ليهم اقسم بالله انا م متزوجه وكنت بحلف صادقه وهم مخلوعين قلت ليهم خلوني اهلي ملزمين يمسكوني لو مجنونه يعالجوني لو فاقده الزاكره اتعالج انا نهاي م بتحرك من هنا وكنت قاعده في الارض زي الشحاده محمد قال لي يانوسه انا ملزم ارجعك مكان ما لقيتك واصلا كده كده انا شغلي لسه ما خلصتو ح ارجع تاني وانا الجزيره ما بقدر اجي راجع يلا معانا قلت ليهم ما خايفين مني امو قالت لي لا والله انتي زوله بتخافي ربنا ما خايفين منك وحنسوني قومتا ومشينا قريتهم وكانو ناس طيبين شديد ولفيت معاهم البكيات وكل ناس اسالو مني خلصنا قريب المغرب ورجعنا وصلنا بليل ابتهال اخت محمد لمن شافتني لمن انخلعت وفرحت شديد سالتني جيت راجعه ليه محمد قال ليها عاوز ارجعها لي راجلها وممكن ما تساليها كتير وخليها ترتاح قالت ليهو طيب دخلتني معاها الغرفه قومتا صليت وبقيت ادعي وأبكي جات قعدت جنبي قالت لي نوسه مالك قلت ليها كلهم اجمعو علي اني متزوجه وانا ما متزوجه وربنا بسالني م ح اعيش مع راجل ما راجلي قالت لي كيف يعني فشنو قلت ليها ابوي طردني قال لي امشي لي راجلك قالت لي طالما يا نوسه ابوك قال دا راجلك ابقا دا راجلك وانتي داخله في اذمه نفسيه خلتك تنسي قلت ليها فلنفترض هو راجلي انل م متزكره اني متزوج اصلا حرام علي اعيش معاهو قالت لي م عارفه انا ح اخلي محمد ما يسوقك لمن اعرضك علي دكتور قلت ليها لالا انا م عاوزه اتقل عليكم عاوزه الصبح اطلع من هنا من غير امك ومحمد م يحسو وما تكلميهم قالت لي نوسه مستحيل أوافق ليك قلت ليها وانا مستحيل اوافق امشي لراجل وحاسه انو م زوجي قالت لي م عليك يا نوسه انا ح اتكلم مع محمد بس اوعديني انك ما تتصرفي وتطلعي ساي ممكن قلت ليها طيب محمد واهلو طيبين شديد ما عاوزه ادخلهم في متاهات معاي بس اعمل شنو واقبل ع وين