رواية المعلمه شيكا الفصل الثامن عشر18 بقلم سلوي عوض
— شيكا: الف بركه يبقي نعمل الشبكه علي العيد إنشاءالله
— سنيه: عقبالك يا حبيبتي والله انا اتعلمت منك حاجات كتيره اوي
— سقط: المعلمه ديه ست الكل
— شيكا: طاب ياله يا اخويا اقفل المحل عشان نطلع نتسحر
---
— سنيه: طاب ايه رءيكم نتسحر ف سيدنا الحسين علي حسابي
— سقط: حساب مين يا اما حد قالك عليا اني نطع احنا هنتسحر علي حسابي انا طبعا ولا نسيتي اني راجل
— شيكا: خلاص خلصنا روح انده الولا لقط وانا هرن علي أم عمرو تجيب الجماعه والعيال وتيجي
— سنيه: بفرحه اديك اتدبست يا حلو احلي حاجه انك عملت فيها ابو عرام رحمتني من فلوس العزومه انا كنت فاكره احنا التلاته بس عشان كده كنت بعزم بقلب جامد
---
وبعد نصف ساعة كان الجميع يجلسون علي ماءده السحور
---
— شيكا: الله الجماعه اللي بيغنو دول بيغنو حلو اوي
— سقط: هروح اجيبهم
---
ليذهب سقط لإحضار الفرقه وبعد أن احضرهم
— المغني: تحبو تسمعو ايه
— شيكا: سيره الحب
---
ليبدء المغني
طول عمري بخاف من الحب وسيره الحب وظلم الحب لكل أصحابه
واعرف حكايات مليانه اهات ودموع وأنين والعاشقين دابو ما تابو
وقابلتك انته لقيت بتغير كل حياتي
ما اعرفش ازاي انا حبيتك ما اعرفش ازاي يا حياتي
— لقط: الله عليك يا عمنا
— شيكا: ممكن اغنيه بعيد عنك
---
ليبدء المغني
بعيد عنك حياتي عذاب متبعدنيش
بعيد عنك مليش غير الدموع احباب معاها بعيش
بعيد غلبني الشوق وغلبني وليل البعد دوبني غلبني الشوق
---
— سنيه: جري ايه يا معلمه دموعك نزلت ليه
— سقط: أصلها بتحس مش زي ناس
---
لتحتضنها شوقيه
— شوقيه: ربنا يقرب البعيد
---
وهنا يصدح اذان الفجر
— شيكا: ياله يا جماعه نصلي ف سيدنا الحسين وبعدين نروح نرتاح
— سنيه: والله لمتكم جميله اوي ربنا ميحرمنيش منكم انتو العوض ليا عن اهلي اللي راحو مني
— شيكا: ربنا يديم المعروف بينا يارب
— لقط: طاب سقط وخلاص هيتجوز الأبله وانا بقي اعمل ايه
— شيكا: مش قولنا هنجوزك نسمه
— لقط: أمته طيب انا مستعجل
— شيكا: بكره انشاء الله بعد الفطار نكلم حلاوه ف التليفون ونطلبها منه
— لقط: ونكلمه ليه
— شيكا: عشان مش موجود ف الحاره يا خفيف
— لقط: ده لسه واصل مبقالوش ساعه
— شيكا: وعرفت منين وانته قاعد معانا
— سقط: متكسيفهوش يا معلمه العصفوره هيا اللي قالتله
— شيكا: اه قول كده بقي
— شوقيه: يا عيني عليكي عماله تجوزي ده لديه وناسيه نفسك
— شيكا: بتقوللي حاجه
— نادين: بتقولك عايزين نفرح بيكي
— شيكا: طاب ياله ندخل نصلي
---
اما ف الأراضي المقدسة فنجد ان السيده نعمات تجلس مع ام ساره ف الحرم المكي
— ام ساره: يا ستي هو مش احنا صلينا الفجر والحمد لله تعالي بقي نروح الفندق ننام
— نعمات: متروحي حد ماسكك
— ام ساره: زي ما جينا مع بعض نروح مع بعض
---
ثم تنظر حولها لتري منجي لتغمض عينيها وتفتحها مره اخري فلا تجده
— نعمات: ايه ده انا بحلم وانا صاحيه ايه اللي منجي قدامي شكلها بيتهيء لي قومي يا ام ساره نوزع اكل ومايه علي العمال اللي ف الشارع قومي يا وليه اكسبي ثواب
---
وبالفعل يبدؤ في توزيع الطعام لتقابلهم نجيه وبناتها
— نعمات: خدو حلو بقكم ده معمول سعودي وعصير صابح والله
— نجيه: ربنا يجعله في ميزان حسناتك
— حسنيه: مش حضرتك خالتي بتاعت الفندق
— نعمات: ايوه انا عن اذنكم
---
لتتركهم نعمات وتمضي في طريقها لتوزيع الطعام
---
اما في الحاره فنجد أن الجميع وصلو الي الحاره بعد أن ادو فرضهم
— شيكا: الله مين اللي فاتح محل سماره
— لقط: ايه ده دول شالو اليافطه
— شيكا: تعالو نشوف في ايه
---
ليذهبو جميعهم الي محل سماره ليجدو اسماء الكوافيره واللي ميعرفش اسماء فهيا بطله روايتنا المجنونه والحلانجي
— اسماء: اهلا وسهلا اتفضلو
— شيكا: ايه ده انتي مين وبتعملي ايه هنا
---
وهنا يخرج لهم سالم زوج اسماء
— سالم: الحلانجي لمؤاخذه ديه مراتي مدام سمسمه وانا جوزها سالم اشترينا المحل ده من مرات الاسطي سماره وهنفتحه كوافير حريمي
---
لترجع شيكا بالذاكره
— شيكا: اه افتكرتكم مش انتو اتجوزتو وسافرتو شرم الشيخ
— اسماء: اه وانتي تعرفينا
— شيكا: اه اصلي قرءت الروايه بتاعتكم حتي بالاماره اللي كاتبه الروايه سلوي عوض وايه اخبار حماتك
— اسماء: داهيه تاخدها وليه بومه
— سالم: جري ايه يا سحليه احترمي نفسك ديه امي برده
— اسماء: قعدت يا اختي علي قلبنا بعد ما هولت أنها بقت كويسه نشفت ريق ابويا من كتر اكل رجول الفراخ
— شيكا: وانتي ناوي تمشي بما يرضي الله وله هتراظي الناس
— سالم: انا عيب عليكي بس انتي مين
— سقط: المعلمه شيكا ست الحته كلها
— سالم: انعم واكرم
— سمسمه: ماشاء الله ده انتي حلوه اوي بس ناقصك انك تيجيلي اظبطلك شويه حاجات ووقتها مش هتعرفي نفسك ف المرايا
— شيكا: شكرا تسلم ايدك يا ستي
— سمسمه: يا ستي علي حسابي
— سنيه: اجي انا
— سالم: ومين حضرتك
— سقط: خطيبتي وعلي العيد هتبقي حرمنا
— سمسمه: خلاص يا عروسه بكره بعد الفطار تيجيلي اظبطك
— شيكا: إنشاء الله بكره نفطر مع بعض
— سالم: الله يكرمك
— شيكا: احنا هنا كلنا كده لازم نكرم ضيوفنا وله عايزين تزعلوني
— سمسمه: ما عاش اللي يزعلك
— شيكا: عن اذنكم ربنا يوفقكم ولو احتاجتو اي حاجه ابقو كلموني خدي يا اختي نمرتي وربنا يجعله فاتحه خير عليكم
---
وتتركهم شيكا ومعها الجميع
---
— سالم: شكلهم طيبين اوي الناس دول
— اسماء: ياريت بقي نحترم نفسنا ونبطل بقي نصب علي خلق الله
— سالم: عيب عليكي يا سحليتي ياله بقي نرص الحاجه
— اسماء: ياله يا آخرت صبري
---
ويمر الليل وياءتي الصباح
---
وف الأراضي المقدسه كانت السيده نعمات في طريقها الي المدينه المنوره وبعد فتره من الزمن تصل السيده نعمات وام ساره الي المدينه
— نعمات: الله مدينه رسول الله اجمل مكان ف الدنيا
— أم ساره: طاب ياله نصلي ركعتين ف مسجد رسول الله صل الله عليه وسلم
---
وها هم قد نزلو من السياره لاءداء ركعتين وبعد أن انتهت نعمات من أداء الصلاه ثم تذهب الي الروضه الشريفه لتبدء نعمات ف الصلاه والسلام علي رسول
— نعمات: السلام عليك يا رسول الله السلام عليك يا اشرف خلق الله السلام عليك يا اسمح خلق الله السلام عليك يا ابا الزهراء السلام عليك يا اول شافع ومشفع هو النبي لا كذب هو ابن عبدالمطلب ياريتني كنت عيشت ايام بعثتك ياريتني كنت نعلم لافوز فوزا عظيما
---
ثم تنهمر الدموع من عيونها
— نعمات: اه يا رب لو ييجي اجلي واموت هنا وادفن ف اشرف مكان
— أم ساره: ايه روحتي فين
— نعمات: هاه لاء مافيش
ونترك قلوبنا في روضه رسولنا الكريم صل الله عليه وسلم ونذهب الي الحاره حيث استيقظ جميع أهل الحاره وتوكلو علي الحي الذي لا يموت وبدؤ في ممارسه اعمالهم
---
فها هم النساء مجتمعات ليعملو في تجهيز الطعام وشيكا في محلها توضب طلبيه كبيره
— شيكا: مطلوب مننا توضيب وتشفيه تلت عجول للمعلمه نفوسه وهنلف كل كيلو لوحده
---
ثم تخرج ام كرم وتترك السيدات
— ام كرم: بقولك يا معلمه المهندسه تقي اتصلت عليا كانت فاكراكي نايمه وبتقولك وضبيلها نص عجل وظبطيه زي ما هتبعتلك ف الرساله
— شيكا: من عيوني
---
— سقط: يا فرج الله شوفتي يا معلمه الخير اللي بتعمليه مع الناس،ربنا بيردهولك خير
— شيكا: كله خير ربنا سبحانه وتعالى
— لقط: والله ووشك حلو يا نسمه
---
ليقترب منهم سالم
— سالم: ايتها خدمه
— شيكا: انته شغال ايه
— سالم: كت شغال لكن دلوقت بقيت عواطلي
— شيكا: مش عيب علي المرجله يا ابو الشباب ياله تعالي اشتغل معانا
— سالم: بس معرفش اشتغل جزار
— شيكا: انته هتوزن اللحمه بس وتعبيها ف اكياس صعبه ديه
— سالم: لا والله سهله وهتقبضيني كام علي كده
— شيكا: متقطعش برزقك واطمن هتتراضي وتروح مبسوط
— شيكا: الا قوللي انتو بتباتو فين انته ومراتك
— سالم: ف المحل
— شيكا: يا عيب الشوم انتو هتسكنو ف البيت عندي شقه كامله من مجاميعه كان بيبات فيها سماره وانا مش محتاجه لها
— سالم: كتر خيرك يا بنت الاصول
ليبدء سالم ف العمل ويمر الوقت وها هو اءذان العصر
— شيكا: ياله ياشباب علي الجامع اتشطفو وصلو وبعدين خدو سالم وروحو وصلو الحاجه هبعتلك العنوان ياسقط علي الواتس
— سالم: طاب روحو صلو وانا هستناكم
— شيكا: روح صلي معاهم
— سالم: اصل مش بصلي
— شيكا: حلو اوي طاب قولي بقي هتقول لربنا ايه لما يساءلك عن الصلاة هتقوله ايه وانته مش عايز تقابله انته عارف انك ف كل صلاه بتكلم المولي عز وجل وطول ما انته مش بتصلي ربنا مش هيباركلك ف اي حاجه وعموما براحتك بس خلاص اعتبر عيشك اتقطع عندي واحنا ف حالنا وانته ف حالك
— سالم: خلاص يا معلمه انا هروح اصلي معاهم
— شيكا: ادعي ربنا واطلب منه يسامحك
---
— سالم: حاضر يا معلمه بس تفتكري ربنا هيسامحني
— شيكا: طبعا ربنا غفور رحيم ياله روح صلي
---
وبعد الصلاه عاد الجميع الي الدكان
— شيكا: حرما انشاء الله الرجال جمعا إنشاءالله
— شيكا: ياله بقي روحو ودو اللحمه ومتتاءخروش
---
وبعد فتره من الوقت عاد الرجال الي الحاره
— شيكا: حمدالله على السلامه خد يا سالم
— سالم: ايه ده 500جنيه ده كتير اوي
— شيكا: المعلمه نفوسه راضتنا
— شيكا: وماله ميجراش بس ده حق تعبك واعمل حسابك يوميتك 300جنيه والساعه تسعه الصبح تكون واقف قدام الدكان
---
وها هو اذان المغرب
— شيكا: ياله يا ولاد نفطر علي الماءده
— سقط: الماء ده النهارده برعايه عروستي
---
ليذهبو جميعهم لتجهيز الماءده
---
لتقترب سنيه من المعلمه شيكا لتهمس في أذنها
— سنيه: بقولك ايه عساكر الدلاله عايزه اكل تاخده معاها البيت عشان جوزها عيان
— شيكا: وماله يا اختي اديها وزودي كله عند الله
---
وها هيا سمسمه
— سمسمه: انته كت فين يا سي سالم انته مش هتتعدل ابدا
— شيكا: جري ايه الراجل كان ف شغله
— اسماء: شغل ايه هو ده بتاع شغل
— شيكا: اه اشتغل معانا صبي جزار اد الدنيا
— اسماء: معقوله يارب يتعدل
— سالم: وبقيت بصلي كمان
— سقط: هو فرض واحد بس اللي صليته
— سالم: وارتاحت اوي عشان كده عمري مهقطع الصلاه إنشاءالله
— اسماء: ربنا يثبتك يارب
— اسماء: ياله بقي بسم الله
---
وبعد أن انتهو من تناول طعام الإفطار
— سنيه: ايه يا سومه مش قولتي اجيلك الكوافير اظبطك
— اسماء: اه تعالي ياله
---
لتذهب اسماء وسنيه الي الكوافير الخاص بها
---
— اسماء: شوفي بقي انا هسبغلك شعرك اصفر
— سنيه: بجد الله
— اسماء: امال ايه ده انا عندي سبغه ايه عالميه
لتبدء اسماء في وضع الصبغه المكونه من ماء اكسجين و مسحوق غسيل الملابس
وبعد أن وضعت اسماء الصبغه علي شعر سنيه
— سنيه: عيني بتحرقني راسي نار ف راسي الحقوني اه انتي حطيتلي ايه
ثم تخرج من الكوافير مسرعه وهيا تصرخ