رواية المعلمه شيكا الفصل السادس عشر16 بقلم سلوي عوض
— شيكا: تفكيرك غلط يا ابله مع احترامي ليكي صدقيني الدنيا مليانه ناس طيبين ومش الفلوس اللي هتسندك اللي هيسندك حب الناس وخوفهم عليكي عارفه اني انا لما ابويا اتوفي لقيت نفسي مسؤوله عن المحلات ناس كتير قالولي اقفليها حتي اختي وامي برده ومع اني مش محتاجه بس فتحت محلات ابويا ورجعت التجاره من تاني حتي لما اختي قالتلي انا عايزه نصيبي ف ورثي من ابويا اديتها نصيبها وفضلت مكمله ورجعت اسم ابويا ف السوق وربنا اكرمني اخر كرم
— سنيه: انتي عندك أهل وناس بيحبوكي لكن انا لاء
— سقط: وانتي كمان في ناس بيحبوكي ومستعدين يضحو بروحهم عشانك
— سنيه: بجد انا في حد بيحبني
— سقط: ايوه انا
— سنيه: ما انته عارف وانا عارفه انته حبيتني ازاي
— سقط: اسكتي مش الدجال طلع نصاب ومشرف ف اراميدان
— سنيه: يعني حتي ده كمان ضحك عليا
— شيكا: عشان سيبتي دينك وجريتي ورا الحرام
— سنيه: عندك حق انا لازم اتغير
— شيكا: ايوه كده جدعه وربنا هيقف معاكي وانا وسقط وكل الناس الطيبين
— سنيه: ربنا يخليكم ليا
---
— شيكا: ادينا وصلنا ياله بقي نطلع عشان ترتاحي
— سقط: ايوه بس الاستاذ محمد ممكن يتضايق
— شيكا: لاء محمد مش هنا ده سافر البلد هيقعد هناك يومين
— سقط: كده طيب الحمدلله
— شيكا: ياله بقي
— سنيه: انا ممكن انا ف اي مكان
— شيكا: عيب عليكي فوتي قدامي
— سقط: خلي بالك منها يا معلمه
— شيكا: من عيوني حاضر روح انته بقي شوفلك حاجه اعملها
— سقط: طاب ايه
— شيكا: ايه
— سقط: هنعمل اكل ايه بكره
— شيكا: ايه رءيك يا ابله نعمل فطار ايه بكره
— سنيه: لحمه عايزه اكل لحمه وباميه ياسلام
— سقط: قوامك نسيتي فلوسك ودهبك
— شيكا: يا عبيط ده من ترك شيئا لله عوضه عن خيرا
— سقط: انابس بناغشها يا ابله
— شيكا: طاب عشان خفه دمك ديه هتشتري الباميه من الخضري وتقعد تقمعها
— سقط: ايه هعمل باميه الماءده كلها
— سنيه: انا هساعدك انا بطبخ حلو اوي
— شيكا: يا سلام عليكو حب وسط الباميه
— سنيه: أصله طلع حد كويس اوي
— شيكا: طاب نطلع الاول ترتاحي وتاخديلك دش وتغيري هدومك
— سنيه: اه صح وبعدين ابقي انزل اساعد سقط ف الطبيخ
— شيكا: ماشي
---
ويمر الليل وياءتي الصباح حاملا نسمات الشتاء الجميله
والجميع يجلسون لتجهيز طعام الإفطار
— نعناعه: كفايه عليكي كده يا ابله ريحي روحك شويه
— سنيه: مش تعبانه انا كويسه الحمدلله
— شفاعه: ازاي بس ده انتي قمعتي كل الباميه
— سنيه: والله بجد مش تعبانه
— سقط: اروح انا اشوف العصير اصل المعلمه قالت النهارده اتوصي بالعصير شويه عشان الأبله سنيه
---
ويمر اليوم
وها هو قرآن المغرب
وها هم يجهزون الماءده
---
ليدخل لقط مسرعا
— لقط: يا معلمه تعالي شوفي ف ايه عند الماءده
— شيكا: في ايه
— لقط: اجانب يا معلمه اجانب هيفطرو معانا
— شيكا: وايه يعني ميفطرو خير ربنا كتير والحمدلله افرحي يا ابله الأجانب هياكلو من عمايل ايدك
— سنيه: الله دول ممكن لما يعرفو اللي جرالي يشحتوني دولارات
— شيكا: تاني بردك تشحتي ليه هاه ما انتي مدرسه اد الدنيا واللي راح يتعوض
— نعناعه: الأبله عايزه تضرب السياحه
— سنيه: ليه يعني
— شيكا: عشان احنا لازم نصدر احسن حاجه عندنا للأجانب عشان ينقلو صورتنا الحلوه لأهلهم وبكده ننشط السياحه ايه يا ابله ده انتي حتي بتاعت درسات يعني تاريخ وجغرافيا
---
— سنيه: وهما يعني الكام دولار اللي ها أخدهم منهم هما اللي هيبوظو العلاقات
— شيكا: انتي عايزاهم يرجعو بلدهم ويقولو المصريين شحاتين لاءطبعا ده احنا نكرمهم اخر كرم ونعرفهم احنا مين ولو كانت مصر مش مهمه بالنسبه لهم ومعندهمش اي حاجه من اللي عندنا مكانوش سابو بلادهم وجم هنا عشان يشوفو اثارنا ويتعرفو علي عاداتنا فهمتي يا ابله وله اقول كمان
— سنيه: فهمت خلاص
---
— سقط: طاب الحمدلله ايه رءيك يا معلمه لما اتصل علي فرقه حسباالله ييجو يغنو شويه ونفرح السواح وبالمره يفطرو معانا واهي تبقي حركه حلوه برده
— شيكا: طاب بسرعه ياله اعمل كده
— شوقيه: والله ده هيبقي يوم عسل
— شيكا: هو رمضان كده شهر الرزق والخير والمحبه
— سنيه: اه بس جيه عندي انا وكل حاجه اتغيرت
— ام كرم: هقولك حاجه مش جايز لو كتي ف البيت كان الحرامي خلص عليكي وروحتي فيها
— نسمه: وكنا خلصنا من ندبها ايه ده ندابه اوي
— ام صلاح: عامله زي المعددين بتوع الجنازات
— شيكا: خلاص بقي يا جماعه ياله عشان نوضب الماءده
---
— نسمه: انا عايزه اقعد جنب لقط
— شيكا: الله هيا غمزت
— نسمه: هيا ايه
— شيكا: السناره يا بلطيه
— نسمه: بس بقي متكسفنيش
— شيكا: طاب ياله قومي بس صدقي شكلك خاسه اتنين جرام
— نسمه: كيلو والنعمه الشريفه وعلي الميزان كمان
— شفاعه: جدعه قدامك عشر سنين عشان تخسي وتبقي مزه
— شيكا: بس يا وليه نسوم عسل وهتخس وهتبقي ملكه جمال الحاره والحي كله
— نسمه: ربنا يكرمك يا شيكا ويراضيكي لسانك بينقط عسل وسكر
---
— شوقيه: عايزين نكلم امي فيديو
— شيكا: يا بت المغرب هيدن
— شوقيه: دقيقه بس
— شيكا: طيب
---
لتتصل شيكا بوالدتها لتجدها ف الحرم
— شيكا: ايه يا أما كل ما اكلمك الاقيكي ف الحرم
— نعمات: وهو في مكان احسن ولا اطهر من هنا عشان اقعد هنا ليل نهار انتو لسه مفطرتوش صح
— شيكا: اه
— نعمات: احنا بقي الحمدلله فطرنا وصلينا المغرب كمان اصل في ساعه فرق بين مصر والسعوديه
— شيكا: الله عليكي يا اما بقيتي تعرفي كل حاجه الجماعه هنا بيسلمو عليكي
لتراهم نعمات جميعا وتدعو لهم
---
وهنا يصدح اذان المغرب
— نعمات: روحو بقي افطرو بالف هنا مع السلامه
---
وهنا تخرج جميع السيدات الي الماءده ويتناولو طعامهم بجانب الأجانب
---
وبعد أن انتهت تناول الإفطار
هاهي فرقه حسباالله تعزف لهم اجمل الاغاني
ليرقص عليها السياح وهم فرحين
---
— شخص منهم: مصر ديه بلد جميل اوي وناسه كمان هلوين اوي أنهم اعملو اكل كتير لكل الناس مافيش بلد زي مصر شوف كمان خبيبي واحد ست اسمه معلمه سيكا الكل هنا يهبحها ديه هلوه كتير تعالي نروح ناخد معاها صوره
اما منجي وعائلته فها هم يستعدون للسفر
— ماهر: للاءسف الفندق مافيش فيه غير غرفتين للسيدات واحنا هنبقي ف الفندق اللي جنبهم
— نجيه: سفروني انشاء الله حتي اقعد ف الشارع بس اعمل العمره واقعد ف الحرم وازور الحبيب المصطفى الجميع عليه افضل الصلاه والسلام
— منجي: المهم متروحوش اي مكان غير لما نكون معاكم
— حسنيه: علي اساس انك رايح جاي علي السعوديه
— ماهر: ما احنا هنكون معاه
— الجميع: ربنا يوصلنا بالسلامه ويجعلها عمره مقبوله
— الجميع: اللهم امين يارب العالمين
---
ويمر الوقت
وها هم يصلون إلى الأراضي المقدسه
وتنزل السيدات في فندق محبس الجن
وتقع غرفهم بجانب غرفه السيده ام شيكا
---
وتتقابل معها نجيه في بهو الفندق ولكنها كانت تاءهه لا تعرف اي شيء
لتقترب منها نعمات
— نعمات: خير يا حجه في حاجه
— نجيه: اصلي نزلت يا اختي من الاوضه وتوهت
— نعمات: طاب انتي نازله ف اوضه كام
— نجيه: مش عارفه بس بناتي نازلين معايا
— نعمات: اساميهم ايه
— نجيه: حسنيه وصبحيه
— نعمات: طاب سهله اقعدي اشربي معايا قهوه عربي وانا هخليهم يندهو علي اساميهم
— نجيه: كتر خيرك
— نعمات: خير ايه يا اختي تعالي بس اقعدي
---
اما حسنيه وصبحيه فكانتا تبحثان عن والدتهما
لتنزل حسنيه مسرعه لتجد والدتها تجلس بجانب سيده
— حسنيه: كده بردك يا اما ايه اللي نزلك لوحدك مش ماهر قال منتحركش من مكانا غير لما ييجو ياخدونا
— نجيه: ما انا ربنا وفقني وقعدت جنب الست الطيبه ديه مصريه زينا
— حسنيه: متشكرين يا خالتي
— نعمات: لاء علي ايه
— حسنيه: عن اذنك اصلي الجماعه زمانهم جايين
— نعمات: اذنك معاكي يا حبيبتي
---
وتتركهم نعمات وتصعد الي غرفتها
---
وهنا يصل منجي وماهر ونادر الي الفندق
— حسنيه: اسكت مش نزلت وسابتنا
— نجيه: كت هتوه بس لولا ست طيبه من مصر قعدتني جنبها لغيت ما اختك نزلت
— منجي: كتر الف خيرها
— نادر: اوعي تتوهي ياحماتي اصل الحرم زحمه جدا
— ماهر: هشتريلها حاجه كده تبقي موصله بينها وبين منجي
— ام ماهر: ياجماعه متخافوش احنا ضيوف الرحمن مستحيل نتوه
يتبع