رواية المعلمه شيكا الفصل التاسع عشر19 بقلم سلوي عوض
ثم تخرج من الكوافير مسرعه وهيا تصرخ
— شيكا: مالك في ايه
— سنيه: نار ف دماغي وعيني عيني مولعه ومش قادره افتحها
---
— شيكا: انتي كتي بتصبغي شعرك عند اسماء
— سنيه: اه قالتلي هعملك كل حاجه ببلاش
— شيكا: واحنا لسه برده ف بلاش
— سنيه: لاء والله مش قصدي
— شيكا: طاب اطلعي فوق عند شوقيه اغسلي شعرك من غير شامبو واغسلي وشك وحطي قطره
— سنيه: انا لازم اوديها ف داهيه
— شيكا: ليه يعني اكيد انتي عندك حساسيه من نوع الصبغه ده
— سنيه: ممكن اه يا راسي اه يا عيني
— شيكا: اطلعي بقي
---
لتتركها شيكا وتذهب الي محل اسماء
---
— شيكا: وبعدين يعني ربنا قدرني وخليت الحلانجي يبقي كويس مش هقدر علي المجنونه يعني
— اسماء: مين فين
— شيكا: انتي مش هتبطلي تحطي مسحوق الغسيل علي الأوكسجين وتعمليهم صبغه
— اسماء: انا عمري ما عملت كده
— شيكا: وبعدين يا اسماء
— اسماء: هو انتي عرفتي منين
— شيكا: مش قولتلك قرءت الروايه بتاعتكم
— اسماء: يا فضيحتي طاب خلاص مش هعمل كده تاني وهمشي كويس اخر مره
— شيكا: وانا مصدقاكي بس عارفه لو عملتيها تاني هتعرفي شغلك معايا
— اسماء: خلاص بقي وعد متيجي اعملك شعرك لون تحفه
— شيكا: شكلك مش ناويه تجيبيها لبر هو المحل ده كده كله مشاكل
— سمسمه: خلاص والله توبنا الي الله
— شيكا: اما نشوف
لتتركها شيكا وتذهب الي دكانها لتتصل عليها شوقيه
— شوقيه: ايه اللي حصل لسنيه ديه حالتها صعبه اوي
— شيكا: معلش حطيلها مرهم مضاد حيوي وقطره ف عيونها وفهميها أنها عندها حساسيه من نوع صبغه معين
— شوقيه: ازاي ده شعرها ريحته رابسو اوكسجين
— شيكا: اعملي اللي بقولك عليه وبعدين هفهمك
— شوقيه: حاضر يا حلاله العقد والمشاكل
---
اما ف الأراضي المقدسة
فها هو منجي بعد أن أنهي عمرته يتحدث مع ماهر
— منجي: انا الحمدلله عمرتي تمت علي خير ناقص بقي اعمل عمره للمرحوم ابويا
— ماهر: ربنا يجعله في ميزان حسناتك ويتقبل منا ومنك اللهم امين يارب العالمين
— نادر: ايه دعيت ربنا وقولت ايه اكيد طلبت أن ربنا يوفقك ويجمعك مع شيكا ف الحلال صح
— منجي: انته بايخ اوي متخليك ف حالك بس عارفين انا طول عمري بتمني أن ربنا يرزقني باءخ بس لما ابويا اتوفي قولت خلاص اتكتب عليا اعيش راجل وحيد مع تلت ستات بس ربنا مزعلنيش ورزقني بيكم
— ماهر: والله ده نفس شعورنا وانته فعلا بقيت اخ لينا
— نادر: ونعم الاخ والله متربي مرتين تلاته ايه يا اخويا ده لا سجاره ولا كوبايه ولا بنات ماشي زي الالف
— منجي: اعوذ بالله منك انا بفضل الله عمري ما شربت اي حاجه من الحاجات ديه ولا حتي عرفت بنات حتي شيكا لما حبيتها عمري مبصيت لها نظره مش كويسه وكتمت حبي ف قلبي انا بفضل الله راجل بصلي وبعرف ربي وديني كويس ومتنسوش اني عندي اخوات بنات يعني لو عملت اي حاجه وحشه لاقدر الله هتتردلي فيهم وبعدين ماله الحلال مافيش احسن منه واشرب ليه حاجات تذهب عقلي خلينا بعقولنا احسن
— ماهر: حسنيه حكيتلي علي انك كنت بتبعت لهم مرتبك كله امال كنت بتعيش منين معلش ف السؤال يعني
— منجي: والله ربك بيعين كنت بدي مجموعه للطلبه الغير قادرين الواحد بعشره جنيه وكنت بدفع منهم الايجار واجيب اكل علي ادي كده كده البطن مبتشكرش واللي واكل كباب زي اللي واكل عيش حاف
— ماهر: عميق اوي انته يا منجي
— نادر: ده انتو حزن ايه الهم ده
— ماهر: اياك نسيت يا نادر ظروفنا كانت عامله ازاي بعد موت ابوك فاكر لما عمامك خدو مننا كل حاجه عشان كنا صغيرين وعيشنا ايام سواد بس ربنا سبحانه وتعالى بعتلنا خالنا وقف معانا وكملنا تعليمنا وبعد كده جدتنا اتوفت قام خالي الله يرحمه اتنازلنا احنا وامنا عن ميراثه حتي الدهب امي خدته ووصانا وهو علي فراش الموت أننا نكبر المزرعه ونديها سهر وعرق وجهد وهيا هتدينا كل الخير وقال كمان لازم تراعو ربنا ف كل حاجه وتطلعو حق الله ف مكسبكم وتراعو الغلابه وقال بسم الله الرحمن الرحيم واما اليتيم فلا تقهر واما الساءل فلا تنهر واما بنعمه ربك فحدث
---
— منجي: الله يرحمه خالكم
— نادر: عارف بقي ايه الغريب اني عمي الكبير لما كان بيموت طلب مننا نسامحه ورجعلنا حقوقنا كامله
— منجي: سبحان الله ربك عظيم
— ماهر ونادر: ونعم بالله العلي العظيم
— ماهر: مقولتش هتعمل ايه مع شيكا لما ترجع إنشاءالله
— منجي: مش عارف بس لازم اكون زيها وف نفس مستواها عشان لما اتقدم محدش يقول طمعان فيها
— نادر: انته تتكل علي الله وتدعي ربنا ف كل صلاه أنها تكون من نصيبك
— منجي: يارب ياله بقي نصلي العصر ونقرء قرآن لغيت المغرب
— ماهر: وبعد صلاه التراويح نقصد رب كريم ونطلع علي المدينة المنورة
— منجي: يارب اوعدنا بزياره حبيبك المصطفى صل الله عليه وسلم
— نادر وماهر: اللهم امين يارب العالمين
---
اما السيده نعمات كانت تجلس وتدعو الله لبناتها ثم توضاءت لصلاه العصر وقالت
— نعمات: يا رب احسن خاتمتنا
---
اما ف الحاره
فكانت شيكا تجلس مع السيدات وهم يجهزون طعام الإفطار
— شيكا: فاضل كتير العصر أدن
— شفاعه: فاضل حاجات بسيطه
— نعناعه: خلي بالك يا معلمه ديه اخر لحمه العجل
— ام صلاح: ياستي ربك كريم
— شيكا: والله الواحد محتار نعمل ايه بكره انشاء الله
— ام كرم: فعلا حيره والله
— شوقيه: متحيروش نفسكم فطار بكره انشاء الله عندي ويعتبر كل حاجه جاهزه
— شيكا: طاب وبتكلفي نفسك ليه
— شوقيه: ولا كلفه ولا حاجه محمد قاللي عايزين نشارك فعليا ف الثواب وبعدين الحمدلله خير ربنا كتير بس هنحتاج من عندك كام كيلو لحمه مفرومه بتاع 20كيلو كده
— شيكا: ماشي
— شوقيه: بس بشرط
— شيكا: خير
— شوقيه: هدفع حقهم
— شيكا: ماشي ياستي
— نعناعه: ايوه بردك معرفناش فطار بكره ايه
— ام صلاح: اه يا ام بطن انتي
— شوقيه: مكرونه بالبشاميل وجلاش باللحمه وبانيه والبانيه جاي بعد صلاه التراويح
— ام كرم: الله اكله ملوكي اصل الصراحه زهقنا من الطبيخ
— شيكا: خلاص المخلل والسلطه عليا انا
---
وهنا تدخل عليهم نسمه
— نسمه: الحمدلله لحقتكم معلش اصل ابويا جيه من عند مراته بعافيه شويه
— شيكا: الف سلامه عليه ده احنا كنا جايين نطلبك منه بعد التراويح
— نسمه: تشرفو
— شيكا: بس تفتكري هيوافق
— نسمه: هيوافق أصله بيني وبينكم كده جاي مسلم علي الاخر ده حتي صام النهارده أصله مكانش بيصوم
— شيكا: ربنا يهدي
— نسمه: واه صح بيقولك خدي المبلغ ده مساهمه منه في الماء ده
— نعناعه: هو حد هيموت ولا ايه
— شيكا: يا ستي ربنا هداه فيها ايه
— شوقيه: أصله يعني كان دافع مبلغ صغير ف الماءده هو والحلاق
— شيكا: بمناسبة سماره حد منكم شافه
— شفاعه: اه يا اختي صالح مراته وبقو كويسين
شيكا: دول حتي هيطلعو العمره وقالو لما يرجعو إنشاءالله هيفتح المحل اللي ف بيتهم اللي علي اول الحاره عقبالنا يارب
شيكا: يارب
ام كرم: بقولك صح يا معلمه عساكر الدلاله حالتها صعبه اوي اليومين دول ومديونه للتجار ومحدش راضي يديها بضاعه وزي ما انتي عارفه جوزها ياعيني قاعد ف البيت لا شغله ولا مشغله من ساعت موضوع الغضروف بتاعه ده فهيا قالتلي اقولك أنها يعني لو امكن تيجي تشتغل معانا اهي حاجه تساعدها علي المعايش ده يا عيني بيتها مفيهوش رغيف عيش
شيكا: وانتي عارفه كده وساكته اتصلي عليها خليها تجيلي علي المحل دلوقتي حالا وانا رايحه اشوفهم عملو ايه ف الطلبيه الجديده اظاهر شكل وش سالم الحلانجي حلو علينا
الجميع: ربنا يرزقك يارب
لتتركهم شيكا وتذهب الي محلها لتجد الرجال قد جهزو كل شيء
سقط: اخد مين معايا يا ست الكل
شيكا: خد لقط وسالم
سقط (بغضب): سالم لاء بعد اذنك يعني
شيكا: لاء ليه
سقط: مراته بوظت شعر الأبله عروستي وخلت عيونها حمرا وانا بقي مش عايز اتعامل معاه ويا انا يا هو ف المحل
سالم: انته طبعا ده شغلك طول عمرك لكن انا جديد عليكم وانا ليا رب كريم وحقك عليا انا ها اخد مراتي ونسيب الحاره كلها
شيكا: اللي هو ازاي يعني بتتكلمو كده كاءني قاعده مليش لازمه
سالم: انا والله توبت وربنا سبحانه وتعالى اعلي واعلم بس شكل توبتي متقبلتش
شيكا: حرام عليك متقولش كده وبعدين يا سقط سنيه عندها حساسيه من نوع الصبغه ده ما انا جربت الصبغه عشان اتاكد ومعنلتش معايا حاجه وانا زي الفل قدامد اهو ياله بوس علي رأس اخوك سالم
لقط: مخلاص بقي خلونا نشوف شغلنا انا رايح اخطب بعد التراويح متنكدوش علينا
سالم: الف مبروك يا اخويا لازم بقي تشتري بدله جديده
لقط: الله يبارك فيك بس اخوك لخمه اوي
سالم: احنا لسه معانا وقت بعد اذنك يا معلمه نروح نشتري بدله للعريس
لتفتح شيكا درج النقود
شيكا: خدو أشترو لبس ليكم انتو التلاته عشان تشرفو العريس ياله سكتكم خضرا
سقط: ممكن تنقيلي طقم شيك يا سالم
سالم: من عيوني يا اخويا
ليحتضنو الشباب بعضهم
شيكا: بس بقي هتخلوني اعيط ياله منك ليه
وبعد أن انصرف الشباب
عساكر: خير يا معلمه انا انا زعلانه منك اوي
شيكا: خير بس انا عملت ايه
عساكر: بقى يا وليه لما الدنيا واقعه معاكي مش كنتي تيجي تقوليلي
شيكا: يا عبيطه انتي فاكره اني بعمل حاجه ولا حتي بدي حد حاجه من جيبي ده كله من فضل الله وكرمه علينا يعني مال الله رايح لاهل الله المهم انتي عليكي مديونيه كام للتجار
عساكر: مبلغ كبير اصل الناس كلها ظروفها وحشه وانا ببيع بالقسط ده غير ناس خدو بضاعه واختفو
شيكا: معلش ربنا يعوض عليكي المهم هاتي ارقام التجار
عساكر: امانه عليكي تخليهم يصبرو عليا لغيت ما ربنا يفرجها عليا
شيكا: ماشي هاتيهم بس وروحي ساعدي الجماعه
عساكر: حاضر ربنا يراضيكي ويكرمك ويسترك
شيكا: اللهم امين يارب العالمين
وبعد أن أخذت شيكا ارقام التجار وتركتها عساكر فها هيا تسدد لهم كل مديونيات عساكر عبر تطبيق الهاتف لارسال النقود وارسلت لهم أيضا مبلغا لإعطاء عساكر بضاعه اخري
ويمر الوقت وها هو اذان المغرب ليجلس الجميع علي الماءده ليتناولو أفطارهم
اسماء: الله اللمه حلوه اوي
شيكا: اه حلوه بس لورجعتي لعمايلك السودا تاني هتتحرمي منها
اسماء: حرمت والله
سقط: اما انا بقي يا معلمه جيبت حتت طقم إنما ايه فاخر من الاخر ذوق سالم وكمان اشترينا طقم شيك اوي لتوكتوك مرفعه سيكا
شيكا: الف مبروك عليكم بعد التراويح إنشاءالله نبقي نروح لحلاوه
ويمر الوقت وها هم يذهبون منزل حلاوه
حلاوه (بتعب): اهلا وسهلا بيكم نورتو
شيكا: الف سلامه عليك
حلاوه: الله يسلمك
شيكا: احنا جايين نطلب ايد نسمه ل محسن
حلاوه: وانا موافق وهو انا حلاقي زي اللقط فين ده تربيه ايدك علي خيره الله
شيكا: تسلم يا معلم
حلاوه: كت يعني عايزك تسامحيني علي المضايقا ت
شيكا: يا راجل خلاص محصلش حاجه احنا اخوات ايه رءيك نقرء الفاتحه دلوقت وعلي العيد نعمل الشبكه والفرح
حلاوه: موافق ومش هنختلف ف اي حاجه
شيكا: ربنا ميجيب خلاف
حلاوه: انا بس ليا طلب وياريت العريس يوافق عليه
لقط: تحت امرك
حلاوه: زي ما انتو عارفين أن اخوات نسمه كلهم اتجوزو وقاعدين بعيد والبيت طويل عريض وشقه نسمه جاهزه من كله وانا بقول يعني لما يتجوزو يسكنو فيها عشان ياخدو بحسنا يعني
شيكا: انا موافقه بس بشرط لقط يدفعلك ايجار الشقه عشان يعني شكله قدام نفسه علي الاقل
لقط: براوه عليكي يا ست الكل
حلاوه: ماشي اللي يريحكم