رواية المعلمه شيكا الفصل الثالث عشر13 بقلم سلوي عوض
شيكا: حاجه زي كده ونبقي نعملهم سر*ير حديد عند الفونص الحداد
نعمات: والله انتي مشكله ياله اطلعي كليلك لقمه انتي مكلتيش كويس علي الفطار
شيكا: لاء هعمل شاي لينا كلنا ونشرب شاي وناكل كنافه وقطايف
شوقيه: طاب خليكي وانا هعمل اقعدي بقي ارتاحي شويه
شيكا: امال فين البت نادين مختفيه يعني
شوقيه: الله يبارك لفاطمه وصلاح ولاد أم صلاح من وقت ماجم وهيا ملهيه معاهم
أم صلاح: اصل صلاح ابني بيحفظهم قران كريم سوره صغيره عشان يصلو بيها
شيكا: ماشاء الله ربنا يحميه يارب طاب انا هروح اشوفهم واطمن عليهم ولما تعملو الشاي رنو عليا
وتتركهم شيكا وتصعد الي سطوح المنزل لتسمع صوتا جميلا يتلو القران
شيكا: الله
ثم تقترب منهم
صلاح: صدق الله العظيم
شيكا: الله يفتح عليك يا مولانا
نادين: شيكا عارفه انا حفظت الفاتحه وكمان قل هو الله احد
صلاح: اسمها صوره
نادين: عارفه الاخلاص
شيكا: برافو عليكم ربنا يحميكم وانتي يا بطه
فاطمه: انا كمان زيهم
شيكا: طاب اسمعوا كل ما تحفظو سوره جديده كل واحد فيكم ليه ١٠٠جنيه مكافأة مني
صلاح: انا كنت عايز اساءل حضرتك سؤال
شيكا: اساءل
صلاح: هما مش بيقولو الزيت اللي يعوزه البيت يحرم علي الجامع
شيكا: بتساءل ليه
صلاح: اصل امي لما بتقبض من حضرتك بتحول الفلوس علي جدتي ام المرحوم ابويا ولما بقولها احنا محتاجين بتقوللي هيا ست غلبانه وعيانه وبتاخد علاج
شيكا: اولا كلمه الزيت اللي يعوزه البيت يحرم على الجامع مش معناها الجامع اللي بنصلي فيه لاء غلط عشان زمان كان في واحد بيجمع الفلوس من الناس وكانو مسمينه الجامع يعني حاجه زي ضرائب كده
صلاح: انا كنت فاكره الجامع اللي بنصلي فيه
شيكا: لاء يا حبيبي ومتقلقش انا هحل الموضوع ده
صلاح: بس متقوليش لامي احسن تزعل مني
شيكا: متخافش ياله بقي احفظو انتو القران وسيبها علي الله
صلاح: حاضر
وتتركهم شيكا وتنزل الي أسفل
شيكا: خدي يا ام صلاح تعالي عايزاكي
أم صلاح: خير يا معلمه
شيكا: اصل فيه شويت حاجات عايزاكي تعمليهم
أم صلاح: حاضر
لتخرج أم صلاح مع شيكا
شيكا: لما حماتك ظروفها وحشه وتعبانه مبتقوليش ليه
أم صلاح: مين اللي قالك
شيكا: عرفت يا ستي وخلاص
أم صلاح: اكيد صلاح اللي قالك والله لاربيه
شيكا: اياكي تكلميه والله اقاطعك
أم صلاح: خلاص بس ديه ام المرحوم جوزي اللي اكرمني وهيا كمان كانت بتعاملني زي بتها
شيكا: والله انتي اصيله وانا اللي كنت ظالماكي
أم صلاح: وانا مسامحاكي
شيكا: المهم انا هبعتلها مبلغ يكفيها كل شهر
أم صلاح: وانتي ذنبك ايه
شيكا: وبعدين معاكي خلاص بقي
أم صلاح: ربنا يسعدك ويراضيكي
شيكا: طاب ياله روحي شوفي وراكي ايه وله اقولك استني يا وليه هدخل اشرب شاي معاكم
اما منجي فكان قد انتهي من صلاه التراويح واذاع في ميكرفون الجامع خطبه اختيه علي ماهر ونادر ابوالعزم وسط فرحه ومباركه الجميع
وها هم يذهبون الي منزل منجي ليجدو أهل البلد يباركون لوالدته علي خطبه ابنتيها وسط الزغاريد والفرحه الكبيره
نجيه: ربنا يبارك فيكم جميعا وعقبال ولادكم
ويمر الوقت وها هو وقت السحور
ماهر: احنا نتسحر ونطلع علي الزقازيق تشوفو البيت والمزرعه وتسلمو علي الحجه نجيه
ماهر: ياله يا بنات جهزو السحور
وهنا يسمعون صوت طرق علي الباب
منجي: ده مين اللي حماته بتحبه وهيتسحر معانا
ماهر: ده عم عوض المحاسب افتحله
ليفتح له منجي الباب
ماهر: تعالي يا عم عوض
عوض: المبلغ اهو يا يا باشا والعقود كمان
منجي: ومستعجلين ليه
نادر: ياراجل خير البر عاجله
وبعد السحور ها هم يذهبون إلى الزقازيق
نجيه: احنا كده هنقلق الحجه
نادر: لاء الحجه صاحيه بتصلي الفجر وتقعد تقرء قراءن
وها هم قد وصلو الي الفيلا
صبحيه: الله البيت جميل اوي
نادر: طاب تعالو ادخلوا
ليدخلو جميعهم
ليجدو السيده صابره تجلس وهيا تقرء قراءن
صابره: يا مرحب يا الف مرحب نورتونا يا عرايس ولادي والله وعرفتو تختارو يا ولاد تعالو اقعدو
صابره: الست نجيه تعالي يا اختي نورتي وسي الاستاذ منجي كمان
منجي: ازي حضرتك
صابره: الحمدلله يا حبيبتي
صابره: تعالي اقعدي جنبي انتي والبنات القمرات بصو بقي انتو شققكو ف الدور التاني وانا مش هضايقكو ابدا انا شقتي هنا ف الدور ده والحمدلله عندنا اتنين ستات طيبين بيساعدونا يعني مش هتتعبو ف حاجه
منجي: بايضه لكم ف القفص
نجيه— آخره صبرهم يا ابني
صابره— اطلعوا ارتاحوا ولما تصحو ابقو اتفرجو علي البيت وشوفو عايزين تغيرو ايه ف العفش واحنا تحت امركم
نجيه— ماشاءالله ده احنا عمرنا ما كنا نحلم بكده
ماهر— ايه رءيكم نفطر بكره المغرب ف المزرعه
حسنيه— ياريت
لينظر لها منجي
حسنيه— قصدي اللي اخويا يشوفه
نادر— شايف ايه يا اخوها
منجي— موافق طبعا
نادر— بكره انشاء الله استقالتك هيتوافق عليها والموضوع التاني برده انا مش ناسيه
نجيه— خير في عروسه لمنجي وله ايه
نادر— لاء ده موضوع تاني
نجيه— خير
منجي— ما هي لازم تعرف امي وانا عارفها
ماهر— اصل منجي قرر يطلعك عمره مع ست الحبايب
نجيه— الله يا فرحه قلبي ده احلي خبر سمعته ف حياتي
نجيه— وكنت عايز تخبي عليا يا منجي
منجي— لا والله انا بس كنت عايز لما كل حاجه تجهز ابقي اعرفك بس اعمل ايه عرسان بناتك سبقوني
ويمر الليل وياءتي صباحا جديدا والساعه الان العاشره
وها هيا شيكا تستيقظ من نومها ثم تخرج من غرفتها
شيكا— اما يا اما انتي فين اه صح دول تلاقيهم تحت بيوضبو الاكل اظبط نفسي وانزلهم
وبعد أن تجهزت شيكا ها هيا تنزل من شقتها لتنزل وتقف أمام شقه منجي
شيكا— يا تري عامل ايه ياله كلها ١٣يوم وييجي تكون اجازه نص السنه خلصت مكنتش اعرف انك هتوحشني اوي كده ايه اللي انا بقوله استغفر الله العظيم سامحني يا رب
لتنزل الي شقه الدور الأول لتجد الجميع منهمكين في تحضير الفطور
شيكا— الله ينور ويديكم الصحه والعافيه اما متعمليش اكل هناكل من اكل الماءده
شوقيه— ما انا قولتلها كده قالت مينفعش
شيكا— ليه يعني
نعمات— يا بنتي هناكل اكل الناس
شيكا— الخير كتير اهو والحمدلله
شوقيه— ايه رءيكم نعمل ملوخيه جنب الاكل
شيكا— وماله ياله بسم الله انا هساعدكم
نعناعه— طاب بصي كده وراكي
شيكا— في ايه ورايا
ثم تنظر خلفها لتجد نسمه ابنه حلاوه القهوجي ومعها والدتها
نسمه— ممكن اساعد معاكم انا وامي بس بشرط نفطر معاكم
شيكا— ومتفطروش ف بيتكم ليه
تحيه— والده نسمه اصل المعلم حلاوه سافر عند مراته التانيه داهيه لا ترجعه بس الاول خدي مني المبلغ ده مساهمه مني ف الماءده
شيكا— ايوه بس يعني
تحيه— والله العظيم من حر مالي انتو ناسين انا بت مين بت عبدالمجيد العطار اكبر عطار ف المغربلين وكمان عشان الحرمانيه استاءذنت المنيل علي عينه حلاوه اسم مش علي مسمي خالص القصد قولتو ايه
شوقيه— شوفتي يا شيكا اهي امك هتسافر بكره انشاء الله وربنا بعتلنا خالتك تحيه وبنتها
شيكا— سبحان الله يا مرحب بيكم طبعا بتعرفي تعملي ايه يا نسومه
نسمه— انا بعرف اعمل كل حاجه عارفه الخضره ديه كلها انا اغسلها واقطعها ف ساعه
تحيه— اه والله نسمه شاطره اوي ف عمايل الاكل وبعد متعمله تاكله الا صحيح معرفتوش اللي حصل امبارح بعد صلاه الفجر
شيكا— لا والله احنا نمنا من التعب بعد ما صلينا الفجر
تحيه— ده كان علي الساعه ٦
شيكا— طاب الفجر الساعه ٤يعني بعد الفجر بساعتين
نعمات— ايه اللي حصل يا اختي
تحيه— مش مرات سماره الحلاق جات فرجت عليه الحاره اتاريه كان بيعاكس جارتهم وراحت اشتكت لها وجابت اخواتها وقفلو المحل وخدو المفاتيح وقالوله مش هيرجع البيت واهو نايم متلقح قدام المحل يستاهل رجاله عينيها زايغه
شيكا: مش عارفه مش سايب ولا واحده ف حالها علي ايه مش فاهمه مع أن محله كله مرايات بس شكله مش بيبص فيهم
— شيكا: ياله اقعدو خلينا نخلص
— تحيه: ماشاءالله اللمه حلوه اوي ربنا يجمعنا ما يفرقنا ابدا
(وهنا تنزل نادين)
— شيكا: ايه اللي نزلك ناين المعلوم يا حلوه
— نادين: حفظنا ٣سور قرآن
— شيكا: بجد شاطرين روحي اندهي صلاح وفاطمه عشان ياخدو مكاءفتهم
— نسمه: انا جعانه اوي
— شيكا: يخربيتك لسه بدري علي الفطور وبعدين انتي لازم تخسي يابت لو اتجوزتي مش هتخلفي
— تحيه: ومين هيتجوزها ديه شكلها هتقعد ف وشي العمر كله
— شيكا: انا عندي ليها عريس
— تحيه: بفرحه بجد مين وابن مين حد نعرفه
— شيكا: اه الواد اللقط
— نسمه: نعم ده تخين اوي
— شيكا: اسم الله علي غصن البان
— تحيه: ياشيخه روحي انتي لاقيه حد يبص ف وشك
— شيكا: وافقوا انتو بس وملكوش دعوه
— نعمات: عجايب عليكي ماشيه توفقي راسين ف الحلال وناسيه نفسك
— شيكا: وبعدين معاكي يا اما خلي اليوم يفوت علي خير
— نعمات: حاضر يا اختي
— تحيه: خلينا ف بتي
— شيكا: قولتي ايه يا نسمه
— شيكا: انا مش عارفه عقلكم كان فين لما سميتوها نسمه
— نسمه: ليه يعني انا وحشه
— شيكا: بالعكس انتي حلوه وزي القمر بس خسي شويه
— تحيه: قوليلها انا غلبت فيها
— نسمه: عايزني اخس واتحرم من الاكل طاب ده انا بجوع بعد السحور
— شيكا: خلاص خليكي قاعده كده من غير جواز
— نسمه: خلاص هخس بس هو كمان يخس زيي
— شيكا: شاطره
(ويمر الوقت وها هو قرآن المغرب)
— شيكا: خش يا لقط هات الاكل من جوه ديه البت نسمه بت حلاوه ايه شاطره اوي ف عمايل الاكل
— لقط: اه وحلوه كمان
— شيكا: طاب رءيك نجوزكو
— لقط: وهيا هترضي
— شيكا: اه ترضي وانته قليل
— لقط: بس اكفيها اكل منين ديه
— شيكا: ما هو انتو الاتنين هتخسو والا هتخلفو دباديب
— لقط: طاب بصي كده علي سقط
— شيكا: ايه ده واقف مع سنيه روح انته هات الاكل وانا هروح اشوفهم
— شيكا: منوره يا ابله
— سنيه: بنورك
— سقط: ديه قاعده اول واحده علي الماءده
— شيكا: الف هنا
— سنيه: ابقي اتوصي بيا يا قمر ف اللحمه والمحشي
— شيكا: من عيني حاضر احنا كمان هنقعد نفطر معاكم
— سنيه: والأكل هيكفي
— شيكا: اه إنشاءالله الاكل كتير
(وبعد ما تناولو الأفطار ذهبت سنيه لتلف علي المواءد الأخري كعادتها، وبعد أن انتصف الليل ذهبت سنيه الي شقتها)
— سنيه: يا لهوي ايه ده انا اتسرقت يا مصيبتي فلوسي
(لتدخل غرفه نومها لتجد أن الحرامي سرق تحويشه عمرها)
— سنيه: فلوسي
(لتبكي سنيه وتصرخ وتقع مغشي عليها)
وهنا يدخل عليها جيرانها بعد سماعهم صوتها
تقول سيده: هاتو بصله تفوقها
وبعد أن وفوقوها
سنيه: اتسرقت شقي عمري كله راح الحرامي سرقني
الجيران: ما احنا كنا صاحيين وبعدين انتي كتي فين
لتقول سيده: تلاقيها بتلف علي المواءد زي عادتها احسن تستاهلي جزاه بخلك اهو مال الكنزي خده الحرامي
سنيه: انا لازم اروح ابلغ اه ده قشطني مخلاش حيلتي حاجه اعمل ايه
سيده اخري: انتي هتقعدي تولولي قومي روحي القسم وبلغي عشان يلحقوا يمسكو الحرامي وترجعلك حاجتك
سنيه: عندك حق
لتجري سنيه مسرعه الي القسم وهيا تبكي وتصرخ
الظابط: في ايه يا عسكري منك ليه
العسكري: ديه واحده بتقول انها اتسرقت
الظابط: دخلها نشوف حكايتها
لتدخل عليه سنيه
سنيه: الحقني يا حضره الظابط الحرامي سرقني سرق كل حاجه انا يا بيه مدرسه
الظابط: اسمك وسنك وعنوانك
سنيه: بقولك انا المجني عليا
الظابط: جري ايه هتعلميني شغلي
سنيه: حاضر يا حكومه ما انتو الحكومه اسمي
وبعد أن املت سنيه الظابط كل شيء
الظابط: قوليلي بقي اتسرق منك ايه
سنيه: عشرين غويشه دهب و١٥٠الف جنيه وعشر حلقان وسبع سلاسل وتمن خواتم
الظابط: يخربيتك ده انتي عندك صاغه ف بيتك
سنيه: ده غير العفش وحصاله فيها فلوس فكه كتير
الظابط: كل ده طبعا من الدروس
سنيه: لاء دروس ايه ده انامبديش دروس في هو حد بياخد دروس ف الجغرافيا
الظابط: طيب بس خلاص ده رقم المحضر سيبي نمرتك ولما نقبض علي الحرامي هنتصل بيكي
سنيه: بس بسرعه احسن هموت فيها
الظابط: وبعدين معاكي
وهنا تسقط سنيه مغشي عليها
ليحاولو افاقتها ولكن لاتزال مغما عليها
الظابط: خدها يا ابني انته وهو ودها المستشفي
لينقلها العساكر الي المستشفي ويبلغو الطبيب بحالتها وما حدث لها
وبعد أن استفاقت سنيه اخذت تبكي وتولول مره اخري
سنيه: منه لله الحرامي قشطني
الطبيب: ادوها حقنه مهديء خلوها تسكت دماغنا وجعتنا