نبدء بتعريف الأشخاص
والفصل الأول
بطلتنا هيا شكريه الشهيره بالمعلمه شيكا
وبطلنا منجي الاستاذ منجي مدرس تاريخ في مدرسه خان الخليلي الابتدائيه
اخت البطله السيده شوقيه وزوجها الاستاذ محمد عبد الوهاب
اما والدتها فهيا السيده نعمات عبد ربه
أهل الحاره المعلم حلاوه صاحب المقهي والحلاق سماره
اما صبيان شيكا هما السقط واللقط
وام صلاح وام كرم أيضا يعملان معها
فهيا تمتلك محلين للجزاره
اما السيدتان نعناعه وشفاعه
اما باقي اهل الحاره سوف نتعرف عليهم تباعا
الفصل الاول
بسم الله وعلي بركه الله نبدا
في حي من أحياء مصرنا القديمه الحقيقه حي عتيق جدا ومحبوب جدا وزواره كثيرون
نعم فالحي به مقام سيدنا الحسين سبط رسول الله صل الله عليه وسلم
لذلك يعج الحي بالزوار من كل جنس ولون
وبما أن الحي مزدحم جدا وسياحي في نفس الوقت
نجد أن أهل الحي يعتبرو لا ينامون من كثرة الضجيج
تعالو معي لندخل الحاره حاره خان الخليلي
الساعه الان التاسعه صباحا
وها نحن في منزل المعلمه شيكا
فنجد أن السيده نعمات تحاول أن توقظها بصوت عالي
نعمات: شيكا يا شيكا
ولكن بطلتنا الجميله تغط في نوما عميق
نعمات: انا عرفت هصحيكي ازاي شكريه يا شكريه يا وجع القلب ياربي
لتستيقظ بطلتنا
شيكا: ايه يا اما مقولنا ميت الف مره بلاش زفت شكريه ديه
نعمات: وماله بس اسم شكريه ده اسم المرحومه امي
شيكا: وانا مالي بامك حرام عليكي يعني انتي يبقي اسمك نعمات وانا اسمي شكريه واختي الاستاذه اسمها شوقيه روحي يا شيخه ربنا يسامحك علي الصبح
نعمات: طاب بطلي رغي وياله عشان تشقي ريقك وتنزلي تشوفي اكل عيشك ومتنسيش تفوتي علي بتاع أن واخواتها ده النهارده ٥ ف الشهر ومجابش الايجار
لتخرج من عيون شيكا فراشات وقلوب ثم تتحدث بصوت ناعم وهيا هاءمه
شيكا: وايه يعني يا اما ربنا اعلم بظروفه يمكن لسه مقبضش
نعمات: ومالك يا اختي بتتكلمي بحنيه كده ليه جري ايه يا معلمه يا اللي بتتهز الحاره كلها تحت رجلك حتت واحد عبيط ومصدي يعمل فيكي كده يا بت ده بيرفع المنطلون لحد قلبه ولا نضارته اللي ملزقها كذا لزقه ولا جزمته اللي بتزيء وكله كوم وزيت التومين اللي حاطه علي شعره
شيكا: جري ايه يا اما ده استاذ اد الدنيا
نعمات: اه ما انا عارفه
شيكا: بقولك ايه انا راسي وجعتني هغير وانزل اشوف حالي
نعمات: برده متنسيش تفوتي عليه احسن ورحمه ابوكي ارميله كراكيبه ف الشارع ايه يا اختي الهم ده بالذمه ده لو ملحلح كده مش كان يدي دروس
شيكا: ياستي انتي مالك وماله
نعمات: وله وهو راجع اخر النهار بحزمه الجرجير وشندوتش الطعميه يخربيتك ده زمان معدته بقت مصفحه من اكل الطعميه ده ساكن عندنا بقاله سنه اللي عمري ما شميتله ريحه طبخه بلا هم
شيكا: طاب وغلاوتك ما هفطر انا نازله
نعمات: انزلي يا صغيره علي الحب
لتتركها شيكا وتنزل الي الحاره
لتجد الاستاذ منجي يمشي أمامها
شيكا: استاذ منجي اصباح الخير
منجي: صباح النور حضرتك
شيكا: انته رايح الشغل
منجي: اه اصلي عندي مفتش النهارده
شيكا: ربنا معاك بس اصل الصراحه امي كانت عايزه الايجار
منجي: حاضر إنشاءالله هتصرفلها فيه عن اذنك
ليتركها منجي
لتسمع شيكا صوت خناق
لتنظر لتجد أن ابوسريع صبي القهوه كان يرش الحاره بخرطوم المياه ولكن المياه قد اغرقت ملابس صبيها
السقط: غرقني يا معلمه
لتذهب إليه
شيكا: جري ايه يا ابوسريع انته مالك ومال صبيي
السقط: غرقني يا معلمه
شيكا: كده طاب هات الخرطوم ده وانا هوريك شغلك
لتمسك بالخرطوم
لتخونها يدها
لتغرق الاستاذ منجي
شيكا: يا لهوي ديه جات ف الاستاذ منجي
لتقترب منه بسرعه
شيكا: حقك عليا يا اخويا يقطعني والله ما خدت باللي كان قصدي ابوسريع اللي يخفي حسه
منجي: ولايهمك يا معلمه شيكا
شيكا: طاب اطلع يا اخويا غير هدومك اللي اتبلت ديه
ليعدل منجي نظارته ثم يتحدث بخجل
منجي: اصل الصراحه الطقم التاني مش نضيف فهروح كده وخلاص
ثم ينظر إلي ساعته
منجي: يا ربي انا اتاءخرت عن اذنك
شيكا: امانه عليك سامحني
منجي: محصلش حاجه
ليتركها منجي ويذهب الي مدرسه خان الخليلي التي يعمل بها
لتقترب منه الأبله سنيه
تعريفها هيا مدرسه تاريخ أيضا ولكنها ترتدي ملابس تعتبر اثريه وقديمه جدا وتضع علي رءسها وشاحا قديما وتربطه من الخلف وترتدي أيضا حذاءا قديم قديم وترتدي أيضا نظاره مقعره ولكنها بخيله الي الشح لكنها تهيم بالاستاذ منجي
نعم فهيا بخيله مع الجميع الا منجي فداءما ماتصنع له سندوتشات الجبن بالخيار والطماطم أو بيض مسلوق ومضاف عليه جبن حتي الشاي تصنعه له فهيا تعد ترمسا للشاي في منزلها
سنيه: ايه ده ايه اللي غرء هدومك كده
منجي: واحد كان بيرش مايه ف الحاره ربنا يسامحه
وهنا يشعر منجي بدوار
سنيه: استاذ منجي ايه اللي حصلك فيه ايه ومال وشك احمر كده
لتضع يدها علي جبهته لتجد حرارته مرتفعه
سنيه: يا خبر ده سخن مولع اعمل ايه حد يلحقني يا استاذ عبدالستار الحقني استاذ منجي تعبان اوي
ليقترب منها عبدالستار وهو ينهج من ثقل جسده
عبدالستار: ايه في ايه
سنيه: يا شيخ سيب الاكل ده وتعالي شوفه ماله وشيله
عبدالستار: اشيل مين مقدرش استني انده علي عوكل البواب يشيله
سنيه: طاب بسرعه
عبدالستار: طيب طيب عوكل يا عوكل تعالي شيل منجي اغم عليه الا قوليلي يا ابله سنيه هو مبلول كده ليه
سنيه: معرفش بيقول حد رش عليه مايه ف الحاره اللي هو ساكن فيها وبعدين انته رغاي كده ليه
عبدالستار: انا رغاي الله يسامحك
وهنا يقترب منهم عوكل
عوكل: الله ايه ده ماله الاستاذ
سنيه: خليكم كده كل واحد فيكم ييجي يقول ماله لما الراجل يروح مننا
عبدالستار: روح وقف توك توك وتعالي شيله نروحه وانتي يا ست سنيه روحي بلغي الناظر بدل ميخصمله اليوم حرام
سنيه: طيب بس استنوني هروح معاكم
عبدالستار: طيب بس روحي
لتتركهم سنيه لتذهب لتبلغ المدير ثم تعود لهم مره اخري
عوكل: انا جيبت التوكتوك
عبدالستار: طاب شيله واحنا هنروحه وخليك انته هنا
عوكل: طيب كل شويه شيل يا عوكل حط يا عوكل والواحد مش شايف منكم ايتها مصلحه
عبدالستار: يا عم روح ده انته اغني مننا اصلا طاب ده كفايه البوفيه اللي انته عامله ولا الكانتين احنا حليتنا غير مرتبنا
عوكل: جري ايه يا استاذ خمسه وخميسه أنا عندي عيال
عبدالستار: طيب يا اخويا
وبعد أن وضع عوكل منجي ف التوكتوك وبعد ربع ساعة يصلو الي الحاره
ليراهم السقط
السقط: ايه ده يا معلمه توكتوك واقف قدام البيت عندكم
شيكا: فين يا ولا
اللقط: اهه بصي ايه ده ديه واحده انتيكه اوي نازله من التوكتوك الله ده الاستاذ منجي حد سانده شكله مغم عليه
لتضرب شيكا علي صدرها
شيكا: يا حومتي ماله في ايه وسع يا ولا كده اروح اشوف ماله
اللقط: استني اروح اشيل معاهم الا يقع منهم
ثم تهرول شيكا لتذهب حيث يقف التوكتوك
شيكا: خير كفاالله الشر ماله الاستاذ
لترفع سنيه نظارتها
سنيه: الاستاذ مانجه
شيكا: نعم يا شابه
سنيه: قصدي منجي كان واقف معايا بنفطر وفجأة وقع من طوله ولقيته سخن اوي
اللقط: كل من ابوسريع صبي القهوه غرقه مايه لما كان بيرش
شيكا: طاب طلعه شقته مشتكرين يا شابه منعطلكيش
عبدالستار: ياله يا ست سنيه عشان عندنا حصص
سنيه: مش لما نطمن علي منجي الاول انا مش هعرف اشتغل غير لما اطمن عليه
شيكا: ماقولنا متشكرين ايه عايزه تطلعي شقه راجل عازب اما عجايب يا ولاد
سنيه: ده زميلي فيها ايه يعني
شيكا: بقولك ايه يا ابله شايفه المحل اللي هناك ده
سنيه: اه ماله
شيكا: ده محل الجزاره بتاعي اصل محسوبتك جزاره بدبح واشفي واسلخ وأقطع
سنيه: وانا اقول ايه ريحه الدم ديه ريحه فظيعه
عبدالستار: ياله يا ست سنيه عن اذنك يا أستاذه شيكا
شيكا: اذنك معاك
عبدالستار: ياله يا لقط شيل الاستاذ يا عيني عليه شكله تعبان اوي
شيكا: وليه يا ام صلاح نضفي السقط وانا طالعه سكه ساعه ونازله وانتي يا ام كرم اعملي ٥٠ رغيف حواوشي وخلي ايدك فرطه ف اللحمه وكتري المخلل الاكل ده رايح للمهندسه تقي
ام كرم: حاضر يا معلمه حد هيجي ياخدهم
شيكا: بعد ما يخلصو ابعتي بيهم الولا اللقط
يتبع