رواية عودة عاشق الجزء الرابع4 الفصل الحادي عشر11 بقلم منة الله الجزار
كان جاسر وفاطمة قاعدين مستنيين شوق تفوق ويطمنوا عليها..
بعد فترة بدأت تفوق
شوق بتعب.. ع م ر.
وحطت إيديها على راسها بوجع.. أنا فين؟
فاطمة بلهفة.. انتي بخير يا قلب أمك حاسة بإيه؟
شوق بتعب.. جسمي بيوجعني أوي عمر فين؟
جاسر بحزن.. حمد الله على سلامتك يا بنتي.
شوق بتعب.. الله يسلمك يا عمو.. هو حصل إيه؟
فاطمة بصت لجاسر بدموع وجاسر بص لها بحزن..
جاسر اتكلم.. خير يا بنتي العيل بكرة ربنا يعوضكم مكانه خير وتملوا البيت بالعيال انتي وعمر.
شوق حطت إيدها على بطنها ودموعها نزلت هو صحيح ابن نادر وجاي بطريقة وحشة بس هي حست معاه بمشاعر الأمومة.. قدر الله وما شاء فعل.
فاطمة حطت إيديها على دماغ شوق.. ربنا يعوضك خير يا رب يا بنتي.
شوق.. بدموع.. طيب وعمر حصل إيه معاه؟
جاسر.. لسه الوضع زي ما هو ادعي له ربنا يفك كربه.
شوق بقهر.. يا رب.
جاسر.. هروح أشوف الدكتور يجي يشوفها عشان نروح على البيت.
فاطمة بقوة.. بنتي هتروح معايا أنا بيت أبوها مش هترجع لبيت انطردت منه قبل كده.
شوق كانت بتعيط.
جاسر.. ده بيتها وبيت جوزها ومحدش يقدر يطلعها من هناك شوق ليها كيف جليلة بالظبط ومحدش ليه إنه يقول يمشي ولا ما يمشيش من البيت ده هي في ملك جوزها محدش بيجبي عليها عشان تقولي كده يا أم شوق هروح أشوف الدكتور وشوق هترجع معايا البيت وأبقي خلي حد يقولها نص كلمة يبقى ملوش قعاد في البيت هو أدام مش عاجبه.
كان بيكلم بقوة ووعيد.
شوق بدموع.. عمو أنا مش عاوزة عداوة مع حد أنا كنت عاوزة أهل ليا واعتبرتك مكان بابا مش عاوزة يكون في زعل بسببي.
جاسر بقوة.. يبقى تسمعي كلام أبوكي أنا مش هسمح لحد إنه يأذي بنتي وأنا عايش
جاسر مشي وراح يشوف الدكتور وفاطمة قعدت جانب شوق وشوية والدكتور جه وكشف عليها وكتب ليها إنها تخرج من المستشفى بس لازم راحة ومتابعة.. جاسر أخدهم ورجع البيت.....
ــــــــــــ
عند جليلة كانت قاعدة مع شربات وبتشرب عصير من اللي شربات بتعمله ليها وبتحط فيه الجرعات بدأ التعب يبان عليها أوي والإرهاق... شوية والباب خبط
حد فتح الباب وكانت في بنت مختمرة ولابسة لبس واسع ومعاها شنطة سفر كبيرة وكانت بتعيط.
البنت دخلت بشنطة هدومها جوه وجليلة اتصدمت بيها.. رهف.
رهف جريت عليها وحضنتها وهي بتعيط بقهر...
جليلة بحب.. جيتي إمتى يا حبيبتي وبعدين فين عيالك وصلاح مجوش معاكي ليه.. وبصت على الشنطة وعلى بنتها اللي بتعيط بقهر.
جليلة باستغراب.. مالك يا رهف في إيه؟
رهف بقهر.. صلاح طلقني يا ما.
الخبر وقع على جليلة كالصاعقة.. وشربات بصت لهم بخبث وبدأت التمثيلية بتاعتها......
ــــــــــــــ
عند كيليان
لبس وراح عند حسناء خبط عليها وهي فتحت له.
كيليان بلطف.. حسناء ما رأيك في الذهاب معي لتمشية جيدة لك وللصغير.
حسناء كانت هتعترض بس وافقت... وراحت معاه.
خرجوا يتمشوا سوا وحسناء كانت زعلانة ومبتردش.
كيليان بهدوء.. حسناء ماذا يدور داخلك أخبريني.
حسناء بحزن.. مفيش.
كيليان.. كيف ذلك أنتِ شاردة طوال الوقت ماذا بكِ؟
حسناء أخدت تنهيدة.. زعلانة من اللي حصل امبارح أنا لسه بحبه يا كيليان.. وابننا اللي جوايا مش عارفة هقوله إزاي اللي حصل لما يجي وخايفة على مازن من بابي وجاك ومش قادرة أتكلم عشان مزعلش بابي تاني.. مش عارفة أعمل إيه أنا في حيرة كبيرة مش عارفة أعمل إيه ومش عارفة أتكلم ولا أعمل حاجة ودلوقتي مراد مش هيسكت على اللي حصل ده امبارح مراد وجاك لا ده هيسكت ولا ده هيسكت والدنيا هتو'لع أكتر.
كيليان بهدوء.. حسناء اهدئي لا تقلقي بشأن ذلك دعيها لرب.
حسناء لفت له.. اسمه ربنا مش الرب.
كيليان بهدوء ابتسم.. أنا لست مسلم حسناء.
حسناء.. تعرف ياض لو أسلمت هتبقى حياتك حلوة بجد.
كيليان بهدوء.. أنا لا أعلم الكثير عن الدين الإسلامي لكني أحترمه جداً قرأت عنه وتعلمت أشياء من صداقتي معكم.
حسناء بهدوء.. جرب تقرا عنه كتير بجد وشوفه ربنا رحيم وإن شاء الله ربنا هيكرمك وتسلم ويكون يوم المنى.
كيليان بضحك.. ما رأيك أتزوجك؟
حسناء بصت له بغيظ.. كرهت الجواز والرجالة وبعدين مش هينفع تتجوزني عشان أنا مسلمة وانت مسيحي والإسلام ما بيبقاش تحت إمرة أي دين تاني.
كيليان بعدم فهم.. لماذا؟
حسناء بهدوء.. عشان الأنثى لما بتتجوز بتبقى تحت إمرة وليها وبيكون جوزها وقتها وممكن يخليها تغير دينها أما العكس صحيح.
كيليان.. معك حق.
حسناء.. أنا جوعت تعال ناكل.
كيليان.. حسناً.
راحوا المطعم بتاع النادي اللي كانوا بيمشوا فيه وطلبوا أكل وقعدوا يتكلموا مع بعض....
ــــــــــ
عند مازن
مكنش جاي له نوم لبس ونزل يتمشى في الطريق كان النادي اللي فيه حسناء وكيليان قريب من المكان اللي فيه مازن...... مازن شاف حسناء وكيليان مع بعض وبيضحكوا اتعصب ودخل المطعم وراح لهم.
مازن.. بغضب.. والله حلو أوي حسناء انتي بجد ربنا نجاني منك وأنا اللي كنت غبي أوي وزعلان عشان حياتنا اللي اتخربت بس الهانم عايشة حياتها هنا مع الخاين ده.
كيليان بغضب.. مازن الزم حدودك ماذا تقول؟
مازن بغضب.. ومسك كيليان من هدومه.. عشانك سبتني صح مش عارف مراد بيجيب لينا البلاوي دي منين.
حسناء بغضب.. مازن انت اتجننت سيبه.
كيليان ببرود.. ماذا حدث انت لا تقترن لها بصلة الآن حسناء تفعل ما تريد الآن..
مازن بغضب وضر'ب كيليان.....
ــــــــــــ
عند مراد
صحي من النوم ملقاش مازن جانبه دخل أخد دش وخرج نزل تحت عشان يفطر.
كان بيفطر لقاه جاسيكا جاية عليه وهي غضبانة.
جاسيكا قعدت معاه.. لماذا لا تجيب على هاتفك؟
مراد ببرود.. ما سمعتوش.
جاسيكا بغضب.. مراد لماذا تفعل كل ذلك لأجلها تركتك وذهبت لجاك.
مراد كور إيده بغضب.. وساب الأكل.. عاوزة إيه؟
جاسيكا.. انت.
مراد ببرود.. جاسيكا انتي عارفة إننا كنا بنتسلى سوا بلاش جو الحبيبة ده انتي عارفة إني ما بحبكيش ولا انتي ليه بقى جو التلزيق ده.
جاسيكا بغضب.. أعلم مراد انت أيضاً لا تحب تلك الفتاة لماذا تهرب مني.
مراد ببرود.. خلصنا جاسيكا.. وسابها ومشي.
جاسيكا بشر.. مايا سوف أنتقم منك.
ــــــــــ
عند جاك ومايا.
داليا كانت قاعدة هي وجميلة بينقوا فساتين للخطوبة.
ومايا كانت قاعدة بتلعب في الفون وديف كان بيراجع ورق.
جاك نزل بابتسامة.. صباح الخير.
الكل ردوا عليه.. صباح النور.
جاك بابتسامة.. راح قعد جانب مايا.. ماذا يحدث؟
داليا بحب.. بنقي فساتين خطوبتكم.
جاك ابتسم.. حسناً.
وقرب وهمس لمايا.. تريدين الذهاب معي.
مايا.. فين؟
جاك.. بص لها بحب.. مفاجأة.
مايا بفضول.. أوك.
جاك.. خالتي سوف آخذ مايا معي.
جميلة.. برفع حاجب.. فين؟
ديف بضحك.. اتركي الأولاد يذهبون أين يريدون؟
جميلة بغيظ.. أنا خايفة على جاك من مايا.. أصلها بنتي وعارفاها.
مايا بغيظ.. عملت إيه يا لمبي دلوقتي.
جاك بابتسامة.. لا شيء لا تقلقي خالتي كل شيء تحت السيطرة.
جميلة.. ربنا يستر.
مايا جاك مد إيده ليها وهي مسكت فيها وخرجوا سوا.
ركبوا العربية
مايا بفضول.. هنروح فين؟
جاك.. بابتسامة.. قلت لك مفاجأة.
مايا بضيق.. تمام.
جاك شغل العربية ومشي بيها بعد ربع ساعة وصلوا لمكان.
جاك طلع شريط أبيض من تابلوه العربية ومايا استغربت.
مايا.. هتعمل بيه إيه ده؟
جاك بابتسامة.. سوف أضعه على عيناكِ.
مايا بفضول عشان تعرف المفاجأة.. أوك.
جاك حطه على عيونها ونزل وفتح ليها وأخدها من إيديها ونزلها ودخل بيها للمكان كان مكان متزين بطريقة من العصر الفيكتوري ودخل بيها براحة وكان في ورد كتير أوي وكان المكان شكله حلو.
جاك شال الشريط من على عيونها.. وكان مبتسم.
مايا انبهرت من المكان وقد إيه هو حلو وعلى ذوقها وإنها بتحب العصر الفيكتوري ولبسه وكل حاجة فيه.. انت عرفت ده كله منين؟
جاك بابتسامة.. أعلم كل شيء عنك يا مولاتي.
مايا بجنون من كتر الفرحة قعدت تتنطط.. حلو أووووي.
جاك.. لم تكتمل المفاجأة بعد.
وراح جاب بوكس كبير وداه ليها وهي أخدته وفتحته وكان فيه فستان من العصر الفيكتوري برضو مايا طلعت الفستان وكانت فرحانة بيه أوي.
جاك.. اذهبي إلى هناك وارتدي الفستان.
مايا راحت هناك ولبست الفستان وخرجت وهو كان لبس بدلة برضو من نفس التصميم ولبس قناع هو وهي واشتغلت موسيقى وطلب إيديها ترقص معاه وهي وافقت وقعدوا يرقصوا سوا.
مايا كانت مبسوطة بجد أول مرة تنبسط بالطريقة دي مع حد يمكن عشان قلبها عرف الحقيقة وإنه اتعلق بوهم وقررت تدي جاك فرصة وتعيش معاه يمكن جاك هو العاشق اللي دايماً كانت بتحلم بيه إنها تشوفه في مراد بس ما لاقتهوش.
جاك كان مبسوط حس إنه رجع طفل صغير مع البنت اللي حبها طول عمره وفكر إنها مش هتكون ليه بس مش مصدق إنها هتبقى خطيبته رسمي وإنها مبسوطة معاه زي ما كانوا قبل دخول مراد حياتهم.
جاك رفع مايا على رجليه فوق وبص لها بحب... وبأعلى صوت عنده... I love you, Maya "بحبك مايا".
مايا اتكسفت بس كانت مبسوطة.
جاك بحب.. سوف أنتظرك مايا إلى الأبد لن أستسلم من جعلك تقعين في حبي.
وقعد يلف بيها.
نزلها براحة ونزل على ركبة وطلع علبة فيها خاتم.. تتزوجيني.
مايا هزت راسها بمعنى آه وهي بتضحك.. نعم نعم نعم ألف مرة نعم.
جاك قام ولبسه ليها وباس إيديها بحنية... وحضنها ولف بيها أكتر وأكتر.
وفجأة
ـــــــــــ
عند كايا وبلال راحوا يزوروا عمر تاني.
عمر.. ها لقيتوا إيه؟
كايا بص لبلال بحزن.
عمر باستغراب.. ما تنجز يا كايا لقيتوا إيه؟
كايا بحزن..