رواية عاصفة النسور(فريق النسور)
الفصل الثاني عشر12
بقلم جمال المصري
اسامه .. بيوقف جيت في وقتك يا محمود ساعه بالظبط وهتتحركه علي امريكا
محمود .. تمام يا فندم وايه المهمه
اسامه .. بيقوم من علي المكتب وبيشغل الشاشه ويقترب من محمود من عشر ايام الاستخبارات الامريكيه ال c i a خطفت دكتور ودكتوره في الطاقه النواويه كان مقيم هناك وده هو الدكتور حكيم ودي الدكتوره دعاء والمهمه انكم توصلولهم وترجعوهم مصر والاستخبارات قدرت توصل لثلاث اماكن احتمال كبير يكون حكيم ودعاء في مكان من الثلاثه دول الاول مقر الاستخبارات الامريكيه ال c i a والمكان التاني والثالث بتستخدمهم الاستخبارات في مثل هذه العمليات اكيد يا محمود فهمت حساسية الموقف
محمود .. تمام يا فندم هنجهز وهنتحرك علي المطار مباشرتا
اسامه .. بيخد ظرف من علي المكتب دي جوزات جديده باسماء جديده كل واحد منكم هيسافر علي دوله عربيه وبعد كده هياخد طياره من هناك علي امريكا وده العنوان اللي هتجمعه فيه وهتلاقه في المكان ده اي حاجه ممكن تحتاجوها وكمان هتلاقي جواز سفر لدكتور حكيم ودكتوره دعاء باسماء مختلفه عشان يقدره يطلعه من امريكا بعد انتهاء العمليه يلا ربنا معاكم
محمود .. ونعم بالله يا فندم بعد اذنك
اسامه .. اتفضل
محمود .. فريق النسور
الكل .. بيصتفه صف واحد وبصوت واحد افندم
محمود .. يقترب منهم وبيدي كل واحد فيهم جواز السفر بتاعه وبيقولهم هيتحركه ازاي وبيديهم عشر دقايق عشان يتحركه
.. الفريق بيجهز نفسه وبيتحركه علي المطار وكل واحده منهم بيسافر علي دوله اجنبيه وبعد كده بيسافرو علي امريكا وبيروحه علي العنوان وبيتجمعه هناك وبعد ما الكل بيوصله بيوصل ناديم من الاستخبارات المصريه وبيرحب بيهم وبيطلع لاب توب وبيشغله وبيعرض لهم الثلاث اماكن والحراسه بتاعتهم وينظر للنقيب محمود ...
ناديم .. يا سيادة النقيب العمليه صعبه وخصوصآ ان احنا مش عارفين نحدد مكان من الثلاثه ونسبة المخاطره كبيره احنا بنتعامل مع اخطر جهاز استخبارات في العالم
محمود .. ما تقلقش ولا ايه يا محمد
محمد .. تمام يا فندم بس انا محتاج اكون قريب من الثالث اماكن وان شاء الله هقدر احدد هما في اي مكان فيهم
محمود .. ينظر لناديم هنقدر نقرب من الاماكن دي
ناديم .. المقر مستحيل حاليآ لكن المكان الثاني والثالث هنقدر عشان الاماكن دي سريه
محمود .. تمام هنتحرك امتي
ناديم .. دلوقت ارتاحه وانا هظبط الامور وبكره زي دلوقت هنتحرك
محمود .. علي بركة الله
ناديم .. بعد اذنكم
محمود .. اتفضل
ضياء .. يلا يا شباب الكل يغير لبسه وارتاحه
نجلاء .. بترن علي ليلي لكن بتلاقي تليفونها مقفول وبترن علي نبيله
نبيله .. السلام عليكم
نجلاء .. وعليكم السلام ورحمة الله وبركاته اخبارك ايه يا طنط
نبيله .. الحمد لله يا بنتي بس انا زعلانه منك
نجلاء .. ليه بس يا طنط انا مقدرش علي زعلك يا بلبله
نبيله .. قولتي هتيجي ولحد دلوقت مجتيش وحشاني يا نوجا
نجلاء .. وانتي اكتر والله يا طنط بس ظروف الشغل هظبط يوم وهاجي اقضيه معاكي
نبيله .. ربنا يعينك يا بنتي وانا في انتظارك
نجلاء .. ان شاء الله يا بلبله انا برن علي ليلي تليفونها مقفول
نبيله .. ضحكت ده العادي يا بنتي هي ديمآ بتقولي ان الكتيبه الشبكه وحشه فيها ما اكيد قالت لك هي بتخدم في كتيبة حرس حدود وهناك الشبكه بتكون معدومه واحنا اتعودنا علي كل هي لما تلاقي فرصه اكيد هتكلمك
نجلاء .. ماشي يا طنط حضرتك مش محتاجه ايه حاجه
نبيله .. سلامتك يا بنتي
نجلاء .. مع الف سلامه يل طنط
نبيله .. الله يسلمك يا حبيبتي
نجلاء .. بتقفل التليفون وبتسمع صوت جرس الباب وبتقوم وبتفتح الباب
عايده .. السلام عليكم وبتكون ماسكه علبة شكولاته كبيره
نجلاء .. بتبتسم وعليكم السلام ورحمة الله وبركاته اتفضلي يا طنط
عايده .. انا لقيتك ما بتساليش قولت اسال انا
نجلاء .. معلش يا طنط والله مضغوطه في الشغل لسا داخله من شويه بس حضرتك ليه مكلفه نفسك
عايده .. ده اقل واجب يا بنتي كفايه اللي انتي عملتيه معايا
نجلاء .. انا ما عملتش حاجه يا طنط ده واجبي المهم انا لسا ما اكلتش ايه رايك ناكل سوا
عايده .. لا انا كده هتعود
نجلاء .. بتوقف وهي بتبتسم ياريت يا طنط انا لوحدي زي ما حضرتك عارف ولما باكل لوحده بحس الاكل مالوش طعم عشر دقيقه والاكل يبقا جاهز
عايده .. انا هقوم اساعدك
نجلاء .. مش عايزه اتعبك
عايده .. تعب ايه بالعكس انا كنت بحب اعمل كل حاجه مع رحمه بنتي الله يرحمها
نجلاء .. الله يرحمها تعيشي وتفتكري
.. وبيدخله المطبح وبيعمله الاكل وهما بيتكلمه ومبسوطين وحاسين بجو الالفه والعيله وقلب عايده ارتاح لنجلاء ونجلاء كمان وبعد ما خلصه الاكل قعده ياكله سوا وبعد كده فضله يدردشه سوا وعايده تنظر للساعه ..
عايده .. ايه ده الوقت عدى بسرعه وانا لازم امشي
نجلاء .. الوقت اتاخر يا طنط باتي النهارده هنا وروحي الصبح
عايده .. الايام جايه كتير يا بنتي
نجلاء .. كنت عايزه اسالك علي حاجه
عايده .. اتفضلي يا بنتي انا سمعاكي
نجلاء .. كنت عايزه اطمن علي ليلي ورنيت عليها
عايده .. بتقاطعها وطبعآ لقيتي تليفونها مقفول
نجلاء .. فعلآ عرفتي ازاي
عايده .. ابتسمت عشان ده الطبيعي الكتيبه الشبكه معدومه فيها انا برن علي محمود من الصبح وتليفونه مغلق بس اول ما بيكون في مكان في شبكه بيكلمني علي طول وهقوله يخلي ليلي تكلمك نجلاء .. ياريت يا طنط انا قلقانه اوي عليها
عايده .. مفيش داعي للقلق يا بنتي هي دكتوره وفي الكتيبه قاعده وكل زمايلها معاها وكلهم يفدوها بحياتهم
نجلاء .. كلام حضرتك طمني يا طنط.
عايده .. ماشي يا بنتي يلا السلام عليكم
نجلاء .. وعليكم السلام ورحمة الله وبركاته
ناديم .. بيوصل وبيكون الفريق قاعدين في الصالون السلام عليكم
الكل .. وعليكم السلام ورحمة الله وبركاته
ناديم .. جاهزين يا محمود بيه
محمود .. ايوه جاهزين يا محمد انت وليلي يلا بينا
محمد وليلي .. تمام يا فندم
.. وبيتحركه هما الاربعه ناديم ومحمود ومحمد وليلي وبيوصله علي اول مكان ..
محمود .. يلا يا محمد
محمد .. بيفتح الاب توب عشان يخترق النظام ويوصل للكاميرات
محمود .. طمني يا محمد
محمد ... محتاج اقرب اكتر من كده يا فندم
ناديم .. اكتر من كده ممكن نتكشف
محمد .. لازم يكون فيه اي طريقه انا هنزل وهقرب لوحدي
ليلي .. بسبب نور اللاب توب ممكن يكشفوك بسهوله وخصوصآ ان المكان مفتوح
محمود .. محمد مفيش غير طريقه وحده
محمد .. ايه هي يا فندم
محمود .. ناديم ارجع وره جنب محمد واستخبى مش عايز حد يشوفكم وانتي يا ليلي تعالي جنبي
ليلي .. تمام يا فندم
محمود .. بيتحرك وبيقرب من المكان يلا يا محمد انا مش هوقف
محمد ..تمام يا فندم
محمود .. ليلي حطي راسك علي كتفي وكأنك حضناني
ليلي .. تمام يا فندم
محمود .. بيقرب من المكان وكأنه هو وليلي حبيبين وشربين
محمد .. فاتح اللاب توب وشغال عشان يخترق النظام
محمود .. بعد البوابه بكام متر بيوقف بسرعه يا محمد
محمد .. حاضر يا فندم
.. اللي فيه المقر اول ما بيشوفه العربيه واقفه وما بيشوفوش غير شاب وبنت بس واحد منهم بيقرب من العربيه محمود خالي بالكم في واحد منهم جاي نديم بيطلع المسدس وهو مستخبي ..