مرة الايام ونزلنا السمستر الجديد طبعا وزعونا مستشفيات قروبات قروبات انا وريم سوا ومعانا بت تانيه وولدين البت اسمها علا والاولاد على و محمد بقينا نشتغل سواا يوم كنا شغالين في عمبر الاطفال كان معانا امجد ادانا حالات نكتب عنها تقارير بديت اكتب في التقرير بتاعي كان في معلومات لازم الاقي المرافق مشيت لقيت امو سألتها جاوبتني كتبتا كلاما وربطتا الكلام مع بعض قاعده اكتب في باقي المعلومات جاء الولد المعانا الاسمو محمد قال لي معليش عندك قلم إضافي قلمي شكلو حبرو خلص قلتا ليهو دقيقه عندي اديتو القلم قال لي بالمناسبه عاينتا ليهو قال لي لالا خلاص مشى إستغربتا كان عايز يقول شنو إتلفتا اكمل لقيت امجد بعاين لي جاء علي قال لي خلصتي قلتا ليهو لسه قال لي اسرعي وركزي في شغلك خلي الفارغه قلتا ليهو ما هسي انا شغاله في شنو قال لي ماف حاجه ومشى قلتا في نفسي الليله الحاصل شنو كتبتا باقي التقرير خلصتا مشينا نناقش كلنا امجد جاء قال لينا يلا كل زول يتكلم عن حالتو إتكلمنا عن الحالات وقف ريم في حاجه قال ليها في معلومه ناقصه راجعي معلوماتك بعد خلصنا قال لينا اطلعوا ما عدا لمار اقعدي قعدتا ديل طلعوا ريم عاينت لي وقعدت تضحك حمرتا ليها بعد طلعوا قلتا ليهو في شنو التقرير فيهو غلط ولا شنو قال لي ما فيهو غلط قلتا ليهو طيب في شنو قال لي عايزك في موضوع بس لمن اخلص قلتا ليهو وانا إنتظرك لمن تخلص😟 قال لي ايواا دخلوا القروبات البعدنا كلهم راجع معاهم بعد نص ساعه تقريبا خلصنا قام قال لي تعالي مشيت معاهو طلعنا فتح لي باب العربي عاينتا ليهو قال لي اركبي ركبتا وهو مشى ركب دور وطول الطريق ما إتكلم معاي وصلني البيت قال لي انزلي قلتا ليهو ما قلتا عايز تتكلم معاي؟! وخليتني إنتظرك في شنو يا أمجد قال لي ماف حاجه انزلي نزلتا زعلانه من برودو قفلتا ليهو الباب شديد ودخلتا ليه بتعامل معاي كدا دخلتا لقيت امي راقده قعدتا طلعتا جزمتي ومشيت الحمام إستحميت وأكلتا نمتا حبه وقمتا العصر طلعنا السراير انا وعلي وقعدنا نتونس قال لي انا طالع ماشي الكوره طلع مشيت عملتا لي شاي قعدتا اشرب فيهو وفتحتا تلفوني قاعده بي مزاج فتحتا الفيسبوك عاينتا حبه ودخلتا التيك توك والواتساب اثناء ما بمر على الحالات كدا لاقتني حاله رافعها امجد إستغربتا لانو ما حصل قبل كدا رفع حاله ولا بعاين للحالات فتحتها كان مكتوب اشتقت للفجر القديم اشتقت لأيامي معك اشتقت للوقت الطويل اشتقت تحكي واسمعك....
الفصل السادس عشر16
إتزكرتا زمان وايامنا مع بعض لكن خلاص كل حاجه إتغيرت حاليا لازم اركز في قرايتي وإتخارج من الجامعه دي سريع سريع صح لسه ما حبيت التمريض بس على الاقل دي الحاجه الربنا إختارا لي ومستحيل ما تكون لي خير اكيد فيها خير كتير بس انا لازم اصبر
مرت الايام سريع ونزلنا رابع واخيرا نقدر نقول خريجين طبعا امجد بقى ما بقرينا لانو كان ماسك برالمتنا بقينا شغالين مستشفى وعندنا اقامه ريفيه بعد شهر بقينا جارين نجهز ليها انا طبعا عاجباني شديد الاقامه الريفيه دي كونو نمشي ونقدم مساعده لي ناس محتاجنها وفحوص وتوعيات عجبتني الاجواء شديد ح نمشي لمدة إسبوع وبعدها نجي راجعين عشان كدا جهزتا نفسي وإشتريت مستلزماتي كلها لجين قالت لي حظكم والله ح تغيروا اجواء قلتا ليها اي اي ودا احلى شئ قالت لي البشوفك يقول كنا حابسنك قلتا ليها كيف ما حابسني ياخ إنتي بتك دي براها حابساني كلو ما تمشي محل تمسكيني ليها تقول انا الدادا حقتا قالت لي ما إنتي خالتا لازم تتحملي مسئوليتا قلتا ليها يخلخل ضروسك يابت هوي انا في ريعان شبابي ما تعجزيني قالت لي سمح خلصي ترتيب وتعالي بره عايزاك في موضوع قلتا ليها سمح رتبتا حاجاتي في الشنطه وقعدتا اختار في اللبسه العايزه البسا يوم نمشي طلعتا عبايه بالكوبي عجبتني الوانا هاديه ختيتا على جنب وقفلتا الشنطه مشيت طلعتا جمب لجين لقيت امي مافي قلتا ليها امي مشت وين قالت لي طلعت هنا في الحله وجايه اقعدي عايزه إتكلم معاك في موضوع قعدتا قلتا ليها اها في شنو قالت لي يا لمار هسي موضوعكم إنتي وأمجد إنتهى نهائي قلتا ليها اجي يا لجين هو إنتهى من الليله ولا من امبارح ما طول الكلام دا في شنو ؟ قالت لي خلاص ما دام كدا تعالي اوريك دا قلتا ليها شنو قالت لي تعالي اقعدي جمبي مشيت قعدتا جمبها قالت لي شوفي البت دي حلوه صح قلتا ليها اي حلاتا ما شاء الله قالت لي دي بت جيرانا ما شاء الله بت حلاتا وخدامه وزوله واعيه شديد رأيك شنو نعرسا لي امجد!! عاينتا ليها قلتا ليها وانا الدخلني شنو تشوفيها ليهو ولا ما تشوفيها قالت لي ما قلتا حاجه بس عايزه اشوف رأيك فيها قلتا ليها هي حلوه ما شاء الله وقلتي زوله واعيه وزوقا عالي خلاص معناها كويسه قالت لي موش كدا معناها خلاص اكلم امجد يشوفا إحتمال يكون في نصيب ما رديت عليها كنتا منتظره تقفل السيره بس قلتا ليها عايني عايزه الهيلز بتاعك الكان إشتريتيهو من شي ان قالت لي ياتو دا انا إشتريت تلاته قلتا ليها الفضي قالت لي سمح تعالي بكره البيت شيليهو انا زاتي امشي بعد دا وجدي ح يجي قلتا ليها إنتظري لمن امي تجي قالت لي لالا احسن امشي امي ح تتأخر شالت بتها قالت لي تعالي لي بكره عايزه اعمل لي خبيز عايزاك تساعديني قلتا ليها قوليها بالواضح عايزه ليك دادا ما هو الخبيز لي نفرين ما ممحتاج مساعده قالت لي بتفهمي في الاصول يا اختي🤣 قعدتا اضحك قلتا ليها ياخ إنتي سجمانه خلاص قالت لي شكرا يلا يا تالين قولي باي لي خالتو قالت لي بباي ي حالتو قلتا ليها مصره على خالتو دي إنتي قالت لي يلا منتظراك بكره قلتا ليها إن شاء الله طلعت قعدتا ارتب في المكان ريم إتصلت لي قالت لي سمعتي الاخبار قلتا ليها خير في شنو قالت لي الاقامه الريفيه قدموها الاسبوع الجاي قالوا لانو ماشي معانا دكتور امجد ولانو مسافر قدموها.....