تاني يوم نور دخلت المطبخ بدري وفتحت التلاجه
ما شاء الله التلاجه لوحدها قد شقتي القديمه يلا ربنا يزيد ويبارك هيفتكرونا بنقر عليهم
معاذ دخل عليها لقاها متنحه فى التلاجه قال
معاذ
انتى واقفه عندك كده ليه انا جعان يا نور هتعمليلي اكل ايه
نور
والله يبني النيه كانت بيض مدحرج بالسمنه البلدي بس بعد ما شوفت التلاجه لقيت فيها كل حاجه الا البيض قولى انت عاوز تاكل ايه وبلاش كورواسون وجو مطاعم ايجيبت دا
معاذ
عاوز بان كيك بس بابا مانع عنى السكر عشان بتعب منه تعرفي تعمليه من غير سكر
نور
عيب عليك وهخليك تحب الخضار وتطلبه بنفسك كمان ومش هتندم صدقنى تعالى ساعدني يلا أعمل بلقمتك وبطل كسل انا الفطار وانت تغسل المواعين
ادم كان واقف على باب المطبخ مع سعاد اللي قالت
سعاد
انا عرفت دلوقتي ليه معاذ حب نور خليني اشوفها هتأكله الخضار ازاي
ادم
دي بتقول له هتغسل مواعين وعايزاه يعمل معاها دي بتشغله
سعاد
اسمها بتخليه يشارك معاها نور ذكيه فهمت ان معاذ مفتقد انه يتكلم ومفتقد انه يتعامل مع البشر اسمها هي بتخليه يشارك معاها مش بتشغله وبعدين هو انا ببرر لمين هو انت فاضي اصلا غير للشمال اللى بتجبهم البيت
ادم بص على معاذ اللي مندمج مع نور وبيضحك وبيهزر معاها وقال
ادم
مش قادر اتقبله كل ما ابص في وشه افتكر امه الخاينه عارف ان هو ملوش ذنب في اي حاجه بس أعمل ايه
سعاد
أدى نفسك فرصه انت ملكش غير معاذ صاحب ابنك ياادم وبطل تهمله الولد حاسس بمشاعرك وفاكر انك بتكرهه جرب اقعد معاه واتكلم كأنه واحد صاحبك انت فايتك كتير اوى فى علاقتك مع ابنك يا ادم وسابته ومشيت
ادم
معقوله اكون ظالمه معايا هو فعلا ما لوش ذنب في اللي أمه عملته انا امتى كنت بالقسوه دي معقول يلاقي الحنيه مع حد غريب وانا ابوه مش عارف احن عليه وأحسسه بالامان
نور ملاحظه ان ادم واقف على المطبخ بقاله فتره همست لمعاذ وقالت
نور
بقولك ايه هو بابا واقف قدام المطبخ بقاله فتره هو فاكرني هغتالك ولا ايه ما تروح تجس نبضه كدا ليكون فاكر ان انا حاطه سم في الاكل
معاذ وقف قدام أدم ومعاه طبق البان كيك وقال
معاذ
انا عملته مع نور لو حابب ممكن تدوق نور حطت فيه بقدونس وشويه خضار علشان تعودني اكله بصراحه طعمه حلو جربه هتحبه قوي
ادم خد منه الطبق واكل منه ونزل على ركبه قدام معاذ وحضنه وبدموع قال
ادم
سامحنى انا آسف انا اكتشفت انى محتاجك اكتر ما انت محتاجنى
معاذ
حضنك وحشني اوى مش تحرمني منه تاني بقى
نور
طب انا هطلع الفطار ده ونقعد في الجنينه عشان الدراما دي انا هعيط وانا بتقلب معايا باكتئاب باكل كثير وكده هخوفك مني يا معاذ وسابتهم وطلعت
معاذ
لو عندك شغل مش حابب تقعد معايا انا هتفهم ده بس توعدني انك هتيجي على الغداء
ادم
انا معاك اليوم كله مش هسيبك انت خلاص بقيت صاحبي مش ابني وبس اطلع استناني مع نور بره هخلص مكالمه واجيلك
معاذ باسه من خده وطلع يجري على بره وادم فضل باصص عليه وفاق على صوت سعاد بتقول
سعاد
عرفت ليه بقول لك ابنك محتاج حنيه محتاج يتعامل مع الناس ابنك طلبها منك بشكل مباشر يا ادم بيقولك مش تحرمني من حضنك اتمنى كلامه يفوقك الله يباركلها نور هي اللي شجعته يتكلم اطلع كل مع مراتك وابنك
نور كانت قاعده في الجنينه بترص الاطباق على الملايه على الارض اتفاجئت بصوت من وراها بيقول
نغم
الله انتي بقى الام البديله انتي اللي هتعيشي في العز ده كله وانا هفضل متمرمطه علشان اعرف اعيش وادفع ايجار انا مش هسمحلك
نور
مين الحلوه بس الاول معلش اصل انا لسه جديده هنا فما اعرفش ان في سوابق في المكان انا فاكره الناس الاغنيه دول ناس راقيه بس طلع فيه منهم جزء بردو ضال
نغم طلعت المسدس من شنطتها وقالت
نغم
ده انا النهارده هوزع لحمه على الفقرا بقى انتى يا بغله هتاخدى مكانى دا انا هشفيكي
معاذ طلع يجري ووقف قدام نور وقال
معاذ
انت جيتي هنا تاني ليه مش انت سبتيني ومش عايزاني اصلا جايه تاخدي نور مني صح
نغم
هي لحقت تلعب في دماغك طبعا ما الفلوس تعمل اكتر من كده يا ترى بقى ده كام على كده عشان تكرهي ابني فيا
نور
انتي هبله ولا جرالك حاجه واقفه قدام ابنك وماسكه المسدس وعايزاه يقولك وحشتيني يا ماما هاتي حضن النقاش مش بيبقى كده عايزه تشوفي ابنك على عيني وعلى راسي هخليك تشوفيه وتتكلمي معاه كمان وهخليه يحبك بس مش بالطريقه دي
نغم
انتى هتعلميني أتعامل مع ابني ازاى خد ياض هنا انا امك مش هيا
ادم طلع على الصوت واتفاجأ بيها قدامه وقال
ادم
أقسم بالله يا نغم لو ما شيلتي الزفت اللي في ايدك ده لأكون مقطع من لحمك وراميكى للكلاب
نغم
اوه ادم بيه خايف على ابنه اللي كان اصلا ما يعرفش هو ولد ولا بنت ولا كان مهتم بوجوده معقوله الزباله دي لحقت تغسل دماغك انت وابنك
معاذ
انتي طول عمرك انانيه كنت على طول بابا في الشغل تشتمي فيه وكرهتيه فيا دلوقتي لما حبني بسبب نور جايه تخربي حياتي تاني ليه انا مش بحبك انا بحب نور
نغم
انت بتقولي انا الكلام ده علشان الجربوعه دي انا اللي حملت فيك وانا اللي ولدتك انا امك انا وداست على المسدس الطلقه جت في معاذ وقع على الأرض
نور جريت عليه وحضنته بسرعه قبل ما يقع على الارض وقالت
نور
معاذ اوعى تغمض عينك دكتور بسرعه لازم نوديه المستشفى
ادم مسك نغم خنقها بإيديه وقال
ادم
هقتلك يا زباله يا خاينه عايزه تموتي ابنك يا حيوانه لا ام نافع على زوجه نافعه انت شيطانه
في الوقت ده عمر كان واقف على البوابه مستني نغم ولما لاقيها اتاخرت دخل يشوفها ولقى ادم بيخنقها طلع مسدسه وقال
عمر
سيبها يا ادم بدل ما اصفيك وتقع جنب ابنك انت عارف ان انا ما عنديش عزيز ولا صاحب هموتك مش انا اللي يتضرب بالبوكس في وشه ويسكت
نور قامت بغيظ ووقفت قدام عمر وقالت
نور
ناس كتير قوي بيقولوا عليا بلدوزر وبيتريقوا على وزني عشان انا تخينه شويه وراحت مكعبلاه موقعاه على الارض وقعدت فوقه وقالت بتستقوى على عيل صغير يا ابن الناس الوحشين جايين ترملوني وانا لسه مطلقه من قريب ايه ما تسيبوني اعيش حتى لو كان أبو فصاده اللي واقف ده بيتنمر عليا اهو على راي المثل ده اللي راجل وضل الحيطه
عمر
قومي يا بنت انت من عليا هتفطسيني الله يخرب بيتك
نغم حاول تشدها من شعرها بس نور كانت اسرع منها ووقعتها على الارض ونتشت المسدس من ايديها وقالت
نور
والله لو كان عندي وقت كنت لعبت معاكوا عسكر وحرامي لحد الصبح بس معاذ اهم دلوقتي منكم وبصت على ادم اللي متنح وقالت ايه مش اتفرجت على حبيبي نائما ده مي عز الدين كانت اتخن مني في الفيلم يلا شيل الواد وعلى المستشفى
ادم طلع موبايله وكلم عماد وقال
ادم
تيجي على الفيلا حالا عايزك تسلم عمر ونغم هانم للبوليس والله لاهرب منك يا عماد لاربطك انت مكانهم وقفل المكالمه وخد معاذ وطلع يجري على المستشفى
نور
بالراحه يا بني ادم حد قال لك ان انا كريستيانو رونالدو رجلى قفشت
نغم وعمر حاولو يهربوا بس عماد وصل كان معاه الشرطه واتقبض عليهم
ادم وصل المستشفي وهو شايل معاذ اللي دخل العمليات بسرعه ادم قاعد على الارض ودموعه نزلت غصب عنه وقال
ادم
لا يا رب مش تاخده مني مش بعد ما ادركت النعمه اللي انت انعمت بيها عليا يروح مني انا عارف ان انا غلطت بس معاذ ملوش ذنب ان هو يدفع ثمن غلطي
في الوقت ده وصلت سعاد وبلهفه قالت
سعاد
فين معاذ حفيدي فين انا مش مصدقه ايه اللي حصل ده حاسه ان انا في كابوس ايه اللي حصل يا ادم عماد لما قالي مش صدقته
ادم
والله ما هسيبها الخاينه باي عين جايه تاني فيلا مش كفايه اللي عملته زمان ودلوقتي جايه تقتل ابنها يقوم بس بالسلامه وانا هفضالها
سعاد قومته من على الارض وبصتله بغيظ وضربته بالقلم على وشه وقالت
سعاد
اقسم بالله انت ما تستاهل ضفره انا عرفت ليه ربنا مش انعم على كله بالخلفه انت اب فاشل وابن فاشل انت كل اللي فالح فيه انك تتسرمح مع النسوان يمين وشمال
ادم
ماما انا مش هنكر ان انا غلطان بس والله العظيم هعوضه عن كل حاجه يقوم بس بالسلامه وهنفتح صفحه جديده مع بعض
سعاد
كنت عمال تجيب الحق على امه عشان خانتك طب ما انت خاين يا ادم حرمت ابنك منك السنين دي كلها وعايش ليه في دور اللي مجروح كرامته فوق بقى ابنك هيموت
نور شدت سعاد قعدتها على الكرسي وقالت
نور
ما لوش لازمه العتاب ده يا طنط الصح في الوقت ده ان احنا نفضل اقويا واثقين في رحمه ربنا ان هو هيشفي معاذ وهيقوم بالسلامه
في الوقت ده الدكتور طلع ادم جرى عليه وقال
ادم
فى ايه ابني ماله حصل ايه انت ساكت ليه ما تنطق اقسم بالله هطربق المخروبه دي على دماغكم كلكم واحد واحد لو ابني جراله حاجه
نور
ما تهدى بقى وتبطل همجيه ادى الراجل فرصه يتكلم
وبطل سوداويه شويه
الدكتور
الخبر الحلو ان احنا الحمد لله على الرصاصه من جسمه وكانت قريبه من القلب بس القلب الحمد لله بصحه كويسه بس حاليا محتاجين متبرع بالدم حالا لان تفاصيل الدم بتاعته نادره ومش موجوده في المستشفى والتاخير مش في مصلحته لانه نزف كتير جدا ولو لا قدر الله مش لحقناه هيدخل في غيبوبه
نور
فصيلة دمه ايه انا ممكن اتبرع بالدم خد الكميه اللى تحبها انا O سالب
الدكتور
واقفه ساكته ليه يلا بسرعه احنا محتاجين اربع اكياس دم هتستحملي
نور
ولو عشره المهم معاذ يكون كويس ومش تقلق انا مش بعاني من اي امراض يعني اسحب وانت مطمن
بعد ساعتين نور كانت نايمه على السرير ومتعلقه ليها محاليل وقصادها على السرير التانى معاذ
سعاد قعدت جنبها وقالت
سعاد
انا مهما اتكلم مش هوفيكي حقك واشكرك يا نور انت انقذت روحي معاذ دا الهوا اللي انا بتنفسه
نور
مش تقولي كده ربنا يعلم ان انا حبيت معاذ أوي من كل قلبي وبجد اعتبرته حته من قلبي هو الدكتور قال ايه
ادم من وراها قال
ادم
النزيف وقف وحالته استقرت كلها مساله كام ساعه بس وهيفوق وقام من مكانه وقال عندي مشوار مهم لازم اصفي حساباته ما حدش يتحرك من جنب معاذ وانا هبعت لكم عماد يقف على الباب عشان لو احتجتو حاجه انا مش هتاخر وسابهم ومشي
نور
اكيد رايح يرتكب جنايه مش كنتى وقفتيه يا طنط دا متهور وممكن يلبسنا كلنا فى الحيطه
سعاد
اول مره اوافق على تهور ادم خليه يشفي غليلي من الحيوانه دي ارتاحي انتي ومش تشيلي هم انتى اتاخد منك دم كثير
عند ادم بص مكتب المقدم رائد وبشر قال
ادم
هي فين عاوز أفهم ليه عملت كدا دا أبنها من دمها ولحمها ازاي تعمل فيه كده وبسخريه قال هي الايه اتقلبت ولا ايه مش المفروض مرات الاب هي اللي حربايه والام هي امان الطفل
رائد
انت لو فاكر ان انا هخليك تشوفها بحالتك دي تبقى غلطان انت اه صاحبي بس انا مش غبي علشان اخليك تلبس نفسك قضيه وتضيع ابنك محتاجك
ادم
انا مسؤوله عن تصرفاتي انا بس عايزه اشوفها اتكلم معاها دقيقتين ولما لقاه رافض وبغيظ قال يا عم في مكتبك وانت قاعد معانا
رائد شاور للشاويش عشان نجيب نغم اللي اول ما شافت ادم ضحكت بجنون وقالت
نغم
حرقت قلبك مش كده ابنك مات صح انت مش متخيل انا فرحانه فيك ازاي تعرف يا ادم ان انا كنت مخططه اني اخليه ينزل بس لاني عارفه اني فصيلة دمه نادره وانا بس اللي كنت اقدر اتبرعله كنت عايزه ابقى بطله في عينيك عشان تردني ليك بس مش مهم حالتك دي مكيفاني قوي فوق ما تتصور
ادم وقف قدامها وضربها بالقلم على وشها وقال
ادم
انت خساره فيك تكوني ام انت عار على كل الامهات مش مكسوفه من نفسك وانت بتفولي على ابنك خدتك فشلت وربنا بعت نور في الوقت المناسب علشان تنقذ معاذ من شرك
نغم بجنون قالت
نغم
يادي نور اللي طالعالي في البخت انت جوزي انا وده ابني انا اللي مفروض اكون ست البيت مش هي
ادم
انا قرفان ان انا كنت جوزك في يوم من الايام بس الحسنه الوحيده من جوازي منك هو معاذ وبس صدقيني هفضل وراكي انت والكلب اللي كان معاكي لحد ما تتعدمى غوري من وشي
العسكري شد نغم اللي صرخت بجنون وقالت
نغخ
مش هسيبك تتهنى يا ادم حتى لو هطلع من هنا واقتلك وارجع تاني ويعدموني ما عنديش مشكله بس مش هسيبك تعيش متهني انت والبلدوزر اللي انت متجوزها دي وان كان معاذ عاش المره دى المره الجايه مش هخليه يعيش واكون متاكده ان قلبه وقف تماما
ادم بعد على الكرسي وحط ايده على راسه وقال
انا مش متخيل كميه الشر اللي جواها لا ولمين لطفل دا أبنها
رائد
في ناس ربنا بينزل على الرحمه من قلوبهم ونغم خلاص وقتها خلص صفحه واتقفلت من حياتك والدنيا اديتك كتاب جديد تكتب في حياتك الجديده بلاش تضيعه من ايدك عيش يا ادم صح الحلال اتمنى الموقف ده يكون فوقك وترجع تعيد حساباتك من تاني
ادم افتكر نور وهي في المطبخ مع معاذ وبوجع قال
ادم
كانت اول مره اشوف معاذ وهو بيضحك من قلبه معاها انا مديونلها بحياتي بس خايف تطلع عليا وتخون خايف على مشاعر معاذ يتعلق بيها وتطلع مش قد المسؤوليه
رائد
صوابعك مش زي بعضها وانت بنفسك قولت ان لولاها ابنك مكنش هيعيش هي مكنتش مجبوره انها تتبرع له بالدم فتح عينك على النعمه اللي ربنا اكرمك بيها واحمد ربنا غيرك مش لاقيها روح شوف ابنك واطمن عليه وخده في حضنك
في المستشفى معاذ فاق و سعاد من الفرحه زغرطت وحضنته وقالت
سعاد
حبيب قلب تيتا حمد لله على سلامتك يا حياتي انت كده يا معاذ بتختبر غلاوتك عندنا ولا ايه
معاذ
فين نور أوعو كون حصلها حاجه انا عايز نور محدش ياخدها مني
نور
صباح الفل يا برنس انا جنبك اهو متشخرمه زيك اهو يا ابني والله لولا الملامه كنت قومت بوستك
معاذ
ايه اللى عمل فيكي كدا انتى وقعتى ولا ايه انا سايبك كويسه
نور بسخرية
معلش بقى اصل انا اتدحرجت زي الكوره من على السلم واديك شايف النتيجه هو انت يا واد فقدت الذاكره ولا الدكتور شربك حاجه فى العمليات
معاذ
شكرا يا نور انا عارف ان انتي مش وقعتي ولا حاجه انتي اللي اتبرعتيلي بالدم مش كده
ادم من وراه قال
ادم
طب وانا يا واطى ولا نور كلت الجو وخدت مكانى خلاص أول ما تفتح تسال عن نور وقرب منه بس راسه وقال حمد لله على سلامتك انت مش متخيل حالتي كانت عامله ازاي
معاذ حضنه بقوه وقال
معاذ
ده مكانك ومحدش هياخده بس انت متبعدنيش عنك تاني انا محتاجك اكثر من اي حد يا بابا
ادم بدموع
مش هتغيب عن عيني تانى يا قلب ابوك انت العكاز اللى هسند عليه لما الزمن يجرى بيا من اللحظه دي هنفتح صفحه جديده انا وانت مع بعض وننسى كل اللي فات ووعد مني هعوضك عن كل حاجه
عدى سنه على الاحداث دي وعلاقه ادم ومعاذ بقت اقوى وفي يوم نور كانت واقفه على الميزان وبغيظ قالت
نور
وبعدين بقا انا هفضل ثابته على ٦٠ كيلو ده انا بقى لي سنه مش باكل غير خيار وخس بس ايه اصوم طيب ولا اعمل ايه 5 كيلو كمان وهبقى عود فرنساوي
معاذ من وراها
معاذ
ميزان تاني يا نور ده انتي شويه شويه وهتاخديه في حضنك هو انا كل اما ادخل عليكي الاوضه الاقيكى واقفه على الميزان
نور
واد انت تقبل هرموناتى واحترمها عشان مش اقلب عليك انا بقولك اهو وبغيظ قالت مش كفايه الواحد بقى عنده جفاف عاطفي بقيت بحارب الاكتئاب علشان مش اكل واضرب تاني هو ده تشجيعك ليا