خلاص كلها ايام وهبقي مرات اخوك. يعني هبقي محرمة عليك
قالتها ببرود محاولة لاشعاله لكن تفاجأت لما رد عليها عاصي بثقة وقال....
– وعد لأخليه يسيبك ليلة فرحك
بصتله وردت عليه هي كمان بثقة اكبر....
–انت متعرفش تعمل حاجة ياعاصي، و اي محاولة هتعملها اكيد هتفشل لان اخوك بيحبني وبيموت فيا.
كملت بهيام وهي قاصده تستفزه اكتر...
–زي ما انا كمان بحبه
بسخرية قال.... بتحبيه
– اه بحبو. وهفضل قدامك كده طول الوقت وانا محرمة عليك. ما انا خلاص هبقي مرات اخوك..يعني هتبقي شايفني قدامك وانا في حضنه وبتتحسر ومش هتقدر تعمل حاجة
بكل هدوء قال عاصي..
–طب ابعدي عن ياسين ياليلي. انتي مش قد اللعبة اللي بتلعبيها دي. ياسين لو كشفك مش هيرحمك
لتضحك ليلي بشدة وتقول...
– ايه. خايف عليا..... لا متخافش لاني بحبه بجد مش بلعب زي مانت فاكر
بسخرية قال...
–لا يشيخة.. وكنتي بتحبينا بقا احنا الاتنين مع بعض ولا ايه نظامك
– لا انت فاهم غلط. لاني ببساطة محبيتكش. كنت فاكرة اني بحبك بس اكتشفت اني كان بتهيألي. وبعدين انا اعرف ياسين قبلك. احنا شغالين مع بعض يعني بشوفه كمان اكتر منك. ده غير إن ياسين انسان محترم وبيحبني بجد مش خاين ورمرام زيك
مسح وشه بنفاذ صبر من بردوها وقال...
– ليلي انا عارف انك بتنتـقمي واكيد مش هصدق اللي بتقوليه لاني عارف انك بتحبيني وعمرك ما حبيتي ياسين. بس صدقيني انتي مش قد اللي بتعمليه.
ثم اکمل بتحذير...
–وكمان انا مش هسمحلك تلعبي علي اخويا وتمثلي عليه الحب.. ارجعي عن اللي بتعمليه. لأخر مرة هحذرك ياليلي
بسخرية واستهزاء قالت...
– هتعمل ايه.. وبعدين انت مش عملت فيها الاخ اللي عاوز يفرح ل اخوه وعملتلك نمرة. ازاي بتقول كده دلوقتي. دا انتا بنفسك اللي حجزتلنا الفندق اللي هنتجوز فيه
– كان لازم اعمل كده. انا مش غبي علشان اخلي اخويا يشك اني السبب ان الجوزاة دي تبوظ. لاني بوعدك انها مش هتكمل
لترد عليه بغل وتقول....
– انا اللي بوعدك انها هتكمل وبوعدك لأخليك تتـ عذب ليل نهار وانت شايفني قدام عينك وانا مرات اخوك ياعاصي
قرب ليها ببطئ ومسكها من وسطها جذبها ليه وقال بتملك ...
– انتي ليا. ملكي.. بتاعتي انا وبس وقبل ماتكوني لحد تاني انا هكون قا،تلك.. ماهو يااما ليا ياهتكوني مع الامـ وات
دفعته بقوه وقالت بشراسة.....
–انت بوق علي الفاضي ياعاصي ولا تقدر تعمل حاجة.. وانا اللي بحذرك ابعد عن طريقي احسنلك
وهي تكمل بتهديد....
– بدل اقسم بالله انهي العلاقة خالص بينك وبين اخوك.. اوقعكو في بعض يعني..
ثم اکملت بثقة...
–واقدر اعمل كده بكل سهولة
بعدين اتحركت وراحت قعدت علي المكتب وبكل برود ..
– يلا خد الباب في ايدك.. علشان عندي شغل لازم الحق اخلصو.
وهي تنظر في الساعة اللي في إيدها وتحاول تستفزه اكتر وهي بتكمل كلامها وتقول
–قبل ما ياسين يعدي عليا علشان خارجين نختار فستان الفرح
عاصي رمي السيجارة من ايده وقرب عليها بعد ما اشعلت النار بداخله، مال عليها وهي قاعدة علي كرسي مكتبها وقال...
– الفرح بعد بكرة. صح
– ليلي ببرود وابتسامة مستفزة رفعت عيونها وبصتله وقالت ...
–صح
مال عليها أكتر وهمس ...
–ايه رأيك بقا اخليكي مدام قبل الفرح.. يعني اوفر علي ياسين واقوم انا بالواجب ده
وبحركة سريعة كان شالها علي ايديه واتجه بيها علي الكنبة اللي في المكتب
متفجأتش ليلي باللي عمله فهي كانت عارفة ومتأكدة انه هيعمل كده بل فضلت تستفزه لحد ماخطتها نجحت لانها كانت مستنيه منو كده اصلا
نزلها عاصي علي الكنبة وابتدي يفك في زراير قميصه بسرعة وهو مثبتها برجليه الاتنين يعني مقيد حركتها
اول ما ليلي شافته كده راحت خافت بجد وفضلت تحاول تحرر نفسها منو لحد مانجحت في ده و قامت بسرعة تجري لكن ملحقتش لأن عاصي شدها بعنف رماها تاني علي الكنبة وابتدي يعتـ'دي عليها بعد ماشـق هدومها
فضلت تقاومه بكل قوتها لحد ماقدرت تبعدو عنها تاني
وقامت وهي بتضم هد، ومها اللي قطـعها عليها وهي تصرخ بغضب...
– برراااا يازباا، اااله.. اناااا هافض,حك ياحيو، ااان
وجريت فتحت الباب...
– براااااااا
وهي بتتوعدلو بكل غل...
–وديني لافضحك.
عاصي هو كمان بصلها بتوعد ومشي قبل الشركة تتلم عليهم
اما هي قفلت باب المكتب عليها ورجعت قعدت علي المكتب وهي بتاخد نفسها وبتبتسم بانتصار بعد ما خطتها نجحت، مسكت الاب توب وفتحته علي الفيديو اللي اتصور حالا
وهي بتقول بخبث وتوعد....
–وقبل مادماغك توزك. هكون فضحاك قدام اخوك وعيلتك كلها بالفيديو ده.. ووريني بقا هتعمل ايه..
وبغل..
–وديني لاخليهم يرموك ل كلاب الشوارع ياعاصي ومبقاش ليلي لو ما عملت كده. وهتشفي فيك
شردت وهي بتفتكر من ايام لما كانو بيقرأو الفاتحة وقاطعهم عاصي
فلاش باااك
قرب ياسين الفون ليها وهو بيقولها
– ايه رايك
مسكته منه بإيد بتترعش وهي متوترة لكن بمجرد ما بصت فيه رجعت بصتله وهي بتاخد نفسها براحة لكن جسمها كان لسه سايب وهي مش متمالكة نفسها،قالت
–ا. ايه ده
قال ياسين....
–الفندق اللي هنعمل فيه الفرح.. عاصي بيه حجزه لينا. بيوجب مع اخوه الكبير بقا.
بصت ليلي ل عاصي باستغراب وهي مش فاهمة هو عمل ليه كده لتتفاجأ بيه اكتر لما قال....
– انا شايف ان مش لازم خطوبة وانكم تعملو الفرح علطول. لاني اساسا حجزتو علي الاسبوع اللي جاي
مال عليه ياسين وقال...
– عاصي بطل هزار مش وقت ظرافة اهلك. وبعدين خضينتنا قولت في حاجة حصلت الله يحرقك
قال عاصي...
– ياعم انا مش بهزر انا فعلا حجزت
قاطهم والد ليلي اللي قال....
–وليه الاستعجال وبعدين اسبوع قليل اوي
ليقول والد ياسين بعد ما عجبو تصرف عاصي....
–مش قليل ولا حاجة. وخير البر عاجله. وبعدين هما مش لسه هيتعرفو علي بعض
كمل بهزار...
–ولا ناويبن تسالو علينا
ليقول والد ليلي....
–دا كلام بردو دا احنا لينا الشرف اننا نبقي نسايب ياشريف
ليكمل بعد مابص ل ليلي ولاقاها موافقة و قال...
–طب علي خيرة الله
بااك
بقلم فريدة أحمد
قامت ليلي وقفت قصاد الشباك وهي بتبص عليه وبتقول بغل... –هندمك ياعاصي.
ومفيش لحظات وكان وصل ياسين وبيركن عربيته تحت الشركة
وهي بتبص علي عاصي اتفاجأت ب ياسين اللي وهو بينزل من العربية لمح عاصي وهو خارج من الشركة
كان ياسين مستغرب وهو شايف اخوه ومكانش فاهم عاصي كان في شركة والد ليلي بيعمل ايه
طلع لـ ليلي و بمجرّد ما فتح باب المكتب ودخل اتفاجا بيها قاعدة علي كرسي المكتب بتبكي اول ماشافته قامت جريت عليه واترمت في حضنه
طبعا كل ده تمثيل
اتخض ياسين عليها و بقلق....
– ليلي. مالك ياحبيبتي.
بس ليلي كانت بتترعش في حضنه وبتمثل الخوف وهي ماسكه فيه جامد وبتبكي بشهقات، رفع وشها من حضنه ومسك وشها بين ايديه وبقلق وخوف عليها....
–مالك ياحبيبي. في ايه. ايه اللي حصل وايه اللي عمل فيكي كده
وهو ينظر لهدومها المتقطعة
هزت دماغها برفض ودموعها نازلة...
– مش عارفة اقولك ايه. مش هقدر. مش هقدر
وهي ببتبكي اوي
–اتكلمي ياليلي. ايه اللي حصل...
بشهقات قالت....
– انا خايفة اقولك
بدأ ياسين صبره ينفذ وقال ....
– قولي يا ليلي ايه اللي حصل. انا علي اعصابي. ايه اللي عمل فيكي كده انتطقيي
لتقول بتوتر مصطنع....
– ع. عاصي
ياسين عينه اشتعلت غضب وكان خلاص فهم
مسكها جامد وهو بيبص علي هدومها اللي متقطعة
–عمل ايه
وهي تبكي بشهقات....
–ك. كان عاوز يغتصـ بني.. اتهجم. عليا وقطع هدومي.. فضلت اقاومو. لحد ماقدرت ابعدو عني
وهي بتتبكي اوي
كان بيسمعها وهو مصدوم لكن قال بغضب....
– انتي بتقولي ايه. عاصي ازاي يعني
وهو مش قادر يستوعب....
– عاصي. عاصي اخوياا
ليلي هزت راسها بدموع..
–أنا عاوزة حقي ياياسين