رواية لنا موعد اخر الفصل الثامن والستون68 بقلم لولا
سلمى بصتله بجمود وتابعت صباح النور .. مين نورسين دي يمالك؟؟
مالك اتصدم بشده وتابع هاا ..لا مش فاهم ..قصدك ايه؟؟
سلمى قامت وقفت قدامه وبصتله وتابعت لا سؤالي واضح .. مين نورسين دي؟
مالك اتوتر بشده ومسح بايديه على وشه وتابع كل ده علشان طلبت منك لو كنا جبنا بنت نسميها نورسين يا سلمى؟ وضحك بتوتر وتابع فاكراه اسم حبيبتي القديمه من كتر ما مصمم عليه ولا ايه
سلمى بحده مالك انا مبهزرش وياريت ترد علياا علشان انا حقيقي بقالي كتير مطوله بالي عليك و اوي كمان
مالك خاف وتابع في ايه يسلمى مطوله بالك على ايه؟ هو في حاجه انا مش واخد بالي منها او معرفهاش؟
سلمى بحده ودموع لا هو في حااجات انا اللي معرفهاش مش حاجه واحده بس وجوزي مش راضي يريحني ويعرفني في ايه
مالك حط ايديه على دراعاتها الاتنين وتابع بقلق حبيبتي اهدي في ايه طيب عايزه تعرفيه وانا عنيا ليكي ؟؟ بس هدي نفسك ومتعيطيش
سلمى بحده ودموع عايزه اعرف بتروح فين بالشهور وتقفل تليفونك يمالك ؟؟ عايزه اعرف خبيت عليا ليه ان معاك فون غير فونك وعامله بباسورد مختلف؟؟ عايزه اعرف مين الزفتهه دي اللي جوزي بيخرف باسمهاا وهو ناايم؟؟
مالك غمض عينيه وتنهد بارتياح وحمد ربنا ان ده قصدها وانها معرفتش حاجه تانيه عن نورسين وفتح بصلها وتابع وانا قولتهالك وهقولهالك تاني يسلمى .. انا بغيب بالشهور لاني بسافر برا مصر في صفقات تبع شركه ابويا
سلمى بسخريه اشتريت انا كده؟؟ واتعصبت بدموع وتابعت لما جيت تتجوزني قالولك عن مراتك طيبه وعبيطه وهبله ففكرت انها هتصدق اي كلام مش كده ؟؟
مالك بعصبيه وانا هكدب عليكي لييه ايه الجنان ده!!
علي شافهم بيتخانقوا فضل يعيط فتابعت سلمى بعياط وعصبيه ايوه انا اللي اتجننت المفروض ان جوزي يغيب عني بالشهور ويقفل فونه ويخرف باسم واحده غيري وهو نايم وانا اتعامل ان كل ده عادي واستقبله كأنه راجع من الحج مش غايب عن مراته وابنه مده من غير ما يطمنهم ده غير الفون السري ده اللي مش عايزني ولا امسكه ولا اشوف فيه ايه لاا عندك حق انا اللي مجنونه وبنت ستين كلب وبدور على النكد يمالك
مالك بعصبيه يابنتي انا مبفضاش فعلشان كده بقفل الفون اصل كده كده مش هعرف اكلمك ولا تكلميني والفون التاني ده قايلك انه يخص الشغل واصرارك انك تفتحيه هو المشكله الاساسيه علشان بيحسسني انك شااكه فياا وانا اللي حقي اتضاايق
سلمى بعصبيه ودموع ايووه اقلب التراابيزه كالعاده اقلبهاا .. انا اللي بقيت وحشه وبشك فيك دلوقتي !! طب ااه يا مالك شاكه فيك وحقي لان تصرفاتك تشكك اي واحده وقلبي قايلي انك متجوز علياا علشان كده بتنساني انا وابنك وتقفل فونك وتعيش مع الهانم الكام شهر دول وتشجيعك لعصام على الجواز التاني مكنش من فراغ
مالك اتصدم بشده من تفكيرها ومسك دراعها جامد وتابع بعصبيه انتي بتخرفي بتقولي اييه؟؟ جوااز تاني اييه وزفت اييه على دمااغك انتي خلااص دمااغك ضربت؟؟! يعني مكنتيش بتهزرري بقى لما اتعصبتي علياا امبارح وانا بقترح الفكره على عصاام مش كدده؟؟
سلمى بعصبيه ودموع اعتبر اللي تعتبره بس ده احساسي ماهو مش معقول سفرك المستمر ده وقفلك للفون طول مده السفر
لييه شغاال في امن الدوله وانا معرفش علشان متعرفش تكلم مراتك وابنك دققتين؟؟ مسمي نفسك بتحبني وانت عادي بنسبالك تبعد عني كل الفتره دي من غير ماتطمن علياا عايشه ولا ميته اصلاا؟؟ لا وكمان بتنده باسم غيري وانت نايم وانا معرفش مين دي ومستني مني اطبطب عليك واقولك ربنا يعينك ويقويك على شغلك يحبيبي
مالك بعصبيه شديده: لاا انتي حقيقي اتجننتي ولو معقلتيش وبطلتي شكك وتفكيرك فياا ده انا هزعلك بالجاامد يسلمى
علي فضل يعيط فتابعت سلمى بعياط وعصبيه ااه ماهو ده اللي انت فاالح فيه تعلي صوتك بس انا خلااص تعبت وقررفت وجبت اخري ومش هفضل في الوضع ده كتير كفايه السنتين اللي فاتوا وحتى في حملي كنت بتسيبني وتمشي وجبتك بالعافيه قبل الولاده كأني بستلفك فيـتقولي الفون ده فيه ايه وتفتحهولي وتحكيلي بتروح فين بالشهور ومين الخرا نورسين دي يا تطلقني يامالك
مالك اتعصب وضربها بالقلم بقوه فعيطت بألم فمسك شعرها وتابع بعصبيه شديده : طب مش هحكي حااجه ومش هطلق واعلى ما في خيلك اركبيه واقسم بالله يسلمى لو سمعتك بتجيبي سيره الطلاق دي تاني هدفنك مكاانك علشان انا اللي حقيقي تعبت وجبت اخري من شكك وقرفك
وعلي فضل يعيط اكتر ونزل من على الكنبه وراح حضن رجليها وتابع بعياط ماما
مالك شافه بيعيط وخايف فزقها على الكنبه قعدت وهي بتعيط ومشي يدخل الاوضه وهي شالت علي تطبطب عليه وتحاول تهديه وهي منهاره وتابعت بعياط وقهر مفرقتش عن حازم يمالك وانا اللي كنت فكراك عوضي عن كل اللي شوفته
مالك وقف مصدوم وهو مديها ضهره ولفلها وتابع للدرجه دي يسلمى؟؟ للدرجه دي شيفاني وحش اوي كده؟؟ هي وصلت بيكي تقارنيني بحازم؟؟
سلمى بعياط انتوا الاتنين اذتوني وخونتوني
مالك بهدوء مخيف: خوناكي اه وزق المزهريه اللي جنبه بعصبيه وقعها اتكسرت لـ100 حته فسلمى وعلي اتخضوا وفضل يعيط فتابع مالك بعصبيه ودموع خونااكي !! بتتهميني الاتهاماات الوسخه دي وتشكي فياا وتشبهيني بحاازم بعد كل الحب اللي حبتهولك ده يسلمى؟؟ مش واثقه فياا للدرجه دي ؟؟ قفله الفون وانا براا مصر واسم بنت قولته وانا نايم يخلوني في نظررك خااين خلاص؟؟ واتعصب اكتر وتابع هو انا لو عاايز اخوونك او اتجوز عليكي هخاف منك مثلااا ؟؟ ده انا هجيبهاا قدام عينك واقولك الشرع محللي اتنين وتلاته واربعه واخبطي دمااغك في اتخنهاا حييطهه بس ده مش اناا ..انا مقدرش المس ست غيررك انتي اتجننتي؟؟
سلمى بدموع كنت فاكره كده وبقول كده بس مش ده الظااهر فمش هسكت غير لما اعرف مين نورسين دي يمالك
مالك بعصبيه طب اقسم بالله العلي العظيم ما قايل حاااجه ولا هريحك يسلمى وغوري من وشي دلوقتي علشان مطلعش عين اهلك والواد بيتنفض من زعيقناا غورري يلاا
سلمى بحده ودموع انا غايره وسيبهالك خاالص اصلاا
مالك بعصبيه طب تبقي تتحركي من البيت وانا اقسمك نصين
سلمى بعصبيه ودموع لا انا مش هسيب بيتي بس داخله اوضه ابني انت اللي عايز تغور غور عند اهلك تحت
مالك اتصدم وتابع بعصبيه اغور يابنت الكلب يا جزمه!!! ورايح ناحيتها فالباب كان بيخبط فجريت فتحت بسرعه كانت هدى فاستخبت وراها بخوف فمالك راحلها وتابع بعصبيه شديده: اغوور !! ده انا هطلع عين اهللك قسما بالله ورايح يمسك شعرها فهدى مسكت ايديه وتابعت بخوف بس بس مالك بيهاا في اييه صوتكم جاايب لاخر الدنياا وجدك طلعني اشوفكم ماالكم في اييه على الصبح
مالك بعصبيه مفيش ياماا مفيش واحده تربيه ناقصه بس وعايزه تتربى بس وماله انا هربيكي من اول وجديد يسلمى
سلمى بحده ودموع متبقاش غلطان وبجح
مالك اتعصب ورايح يمسكها فهدى وقفت بينهم ومسكت ايديه وتابعت بعصبيه جراا ايه يمالك عايز تمد يدك على مرتك واناا وااقفه
مالك بعصبيه انتي مش ساامعه قله ادبهاا؟!
هدى بعصبيه ومن ميتا الضرب حل يا ابني مانت سبق وضربت نفسك 100 جزمه بسبب تسرعك وتهورك ومد يدك
مالك قلبه وجعه لما امه فكرته بضربه لنورسين لما عرف انها حامل والدموع اتجمعت في عينيه وتابع بعصبيه مانتي لو تعرفي بتقول اييه مش هتيجي معاهاا علياا
سلمى استغربت من الوجع اللي في عينيه فتابعت هدى بعصبيه حتى لو .. تعقلها وتقعدوا تتكلموا بهدوء حتى علشان ابنك اللي بيتنفض ومخضوض منكم ده مش تضربها وتبهدلهاا كده!! مش دي الامانه اللي امنهالك اخوهاا
مالك رايح يتكلم فتوفيق طلع وتابع روحي انتي يا ام مالك اعمليلي شاي وسبيني معاهم
هدى بابتسامه حاضر يابا وشالت علي من سلمى ومسحت دموعه وتابعت بحب بس يحبيبي بس يجلب ستك من جوه وفضلت تبوس خده ودخلت المطبخ ومالك لما شاف جده بص للارض وتابع بحرج : نورت يحج طالعتك دي كبيره اوي وفوق راسي والله
توفيق دخل قعد وسند ايديه على عصايته وهما قفلوا الباب ودخلوا وراه فتابع بسخريه قال يعني مِحترم جدك اوي ياواد مانت حسك واصلي لحد تحت
مالك بحرج حقك عليا ياجدي انا اسف ووطى باس راسه
توفيق بحده حقك عليا دي متتقالش ليا انا تتقال لمرتك اللي يدك علمت على وشها دي
فسلمى عيطت بقهر وهي محرجه وقلبها واجعها
مالك ببعض الحده :سلمى غلطانه ولسانها طويل يا جدي و
توفيق قاطعه بعصبيه ايا كاان يا ماالك ..مهماا عملت متمدش يدك عليهاا .. ليها بدل الاخ اتنين وابن عمهاا التالت ..ترد على اي رااجل فيهم انما متمدش يدك اللي يخش تتقطع دي بالشكل ده ..مش دي الامانه اللي الناس سابهولناا ..دي ام ولدك يعني تحميها مش تستقوى عليهاا
مالك اتحرج وتابع حاضر يجدي مش هتقرر اول واخر مره والله
توفيق بحده قوم حب على راس مرتك يلا
مالك اتصدم وتابع بحده نعم؟؟ اعمل ايه؟؟
توفيق ضرب رجل مالك بالعصايه بتاعته فمالك تأوه بوجع فسلمى ضحكت عليه من بين دموعها فمالك بصلها بغيظ فتابع توفيق بحده قوم يلاا هتكسر كلمتي يااك؟؟
مالك نفخ بضيق وتابع لا طبعا لا عاش ولا كان يجدي بس انت حتى مسمعتش هي عملت ايه على فكره
توفيق بحده ومن غير ما اسمع هتقوم تحب على راسها بعدين نحاكموا مابينكم انما ضربك ليهاا ده ليه حساب لوحده خاالص قوم يلاا مش هقررها تاني
مالك قام وتنهد بضيق وباس راس سلمى وتابع حقك عليا
سلمى بصت الناحيه التانيه بقهر وسكتت والدموع بتنزل من عينيها فتابع توفيق بتنهيده انا لسه معرفش حصل بينكم ايه بس عايز اعرف مسامحه في حق ضربك ده ولالا يابتي
سلمى بدموع وقهر مسامحه لاجلك انت بس يجدي ..ولاجل انك قولتله يقوم يبوس راسي وهو سمع كلامك فمينفعش انا اللي اكسفك انما لو عليا والله ما اسامح علشان انا مش جايه من الشارع لاسلوبه ده ..ده اخواتي عمرهم ما عملوها وفضلت تعيط بانهيار
توفيق بحزن لالا يجلب جدك تعالي يسلمى تعالي يابتي ومسك دراعها يقومها فسلمى قامت وهي بتعيط وقعدت جنبه ففضل يطبطب عليها وخدها في حضنه
فمالك قلبه وجعه وتنهد بقهر وقعد مكانه ونفخ بضيق وحط راسه مابين ايديه
توفيق بحزن بس يابتي بس اهدي جلبك هيقف قوليلي يسلمى حصل ايه انا هسمع منيكي
سلمى بصتله وتابعت بعياط وقهر مالك من يوم ما اتجوزته وهو بيسافر بالشهور ويقولي تبع شغل ابوه وانا معرفش بيروح فين وبعديها وبيقفل فونه طول المده دي ودي حاجه مستفزه وصعبه جداا ومع ذلك بردو بعديها انما وصلت لاني الاقيه معاه فون غير فونه ومانعني امسكه ويخرف باسم بنت اسمها نورسين امبارح الليل كله ؟؟! واجي اقوله متجوز علياا يتعصب ويزعل
توفيق اتصدم بشده وقلبه وجعه لانه فاهم مالك ليه خرف باسم اخته علشان ذكرى وفاتها قربت فابتسم بتوتر وتابع لا يابتي لا متجوز ايه بس ده مالك هيعشق التراب اللي بتمشي عليه هو انا اللي هقولك
سلمى بعياط اومال مين دي يجدي يعني وتفسر بايه غيابه المستمر ده براا البيت وقفل الفون؟
توفيق بتوتر دي تلاقيها احلام وتخاريف يابتي علشان مشغول بالبت اللي عايزها منيكي انما انا اضمنلك ان مالك ميقدرش يعمل كده ده بيموت فيكي يسلمى والله
مالك بوجع مانا قايلها ان نفسي اسمي الاسم ده لبنتي وامبارح كنا بنتكلم في فكره انها تحمل تاني وهي رفضت فاكيد التخريف جيه من كده انما جواز ايه وكلام فاضي ايه بجد
سلمى بدموع وبحده حتى لو الاسم اسم بنتنا زي ما قال يعني ايه بجد ميكلمنيش مره واحده على الاقل وهو مسافر ايه الشغل ده مش فاهمه؟؟
توفيق بتوتر لا في ده عندك حق هو بيسافر مره تركيا ومره لندن وحاجات كتير اكديه ومبيفضاش صحيح وكلهم بيقفلوا الفون بس هخليه يكلمك بعد كده والله
وجات هدى بالشاي فتوفيق بص لمالك بحده وتابع بتوتر ابقى كلم مرتك يمالك مش هتقف الدنيا لو اخر اليوم كلمتها دققتين قبل نومك
مالك بتوتر حاضر يجدي
فتوفيق داق الشاي وتابع بتمثيل: يبااي يا ام مالك عملتيه عسل نحل يابتي معلش يا سلمى قومي اعمليلي غيره
سلمى بتنهيده حاضر يجدي وقامت دخلت المطبخ فتابعت هدى باستغراب عملاه معلقه واحده بس ياابويا والله
توفيق بخوف اسكتي انتي أني قاصد اقومها وبص لمالك وتابع بحده وانت لحد ميتا مش هتقول لمرتك ان ليك اخت ميته يعني؟
مالك بوجع مش لازم تعرف يجدي احنا مجبناش حق نورسين والحكايه كلها تقهر وتكسر ضهر عيلتنا كلها فلاحسن تفضل مستخبيه اصل هتستفيد ايه لما تعرف يعني
هدى بقهر هيقول ايه يا ابويا بس ..هي دي حكاوي تتحكي
توفيق بحده واديه خرف باسمها ليله امبارح ومرت ولدك سمعته وفكراه متجوز
هدى شهقت وتابعت ياموري طب والعمل قولتولها ايه؟!
توفيق بحده اهو اي كلام بس البت مش هتصدق لو الوضع ده اتقرر وبص لمالك وتابع وليه مقيلهاش انك ظابط في اسمها ايه ديه ..ااه المخابرات دي ولا معرفش اسمها ايه
مالك بتنهيده علشان سلمى بتخاف زياده يجدي فمش عايز اقلقها خاصه اني لما اتعرفت عليها هي واهلها قولتلهم اني مهندس مكنتش عامل حساب اني هتجوزها فمينفعش اغير كلامي دلوقتي
توفيق بحده واهي بتبقى عايزه تكلمك وحقها اي واحده جوزها بيسافر ومبيكلمهاش بالشهور وبينطق باسم غيرها في نومه هتفكر زيها انه بيخونها او متجوز هتتصرف ازاي بقى
مالك تنهد بعمق وتابع معرفش ..حقيقي معرفش وبخاف في اي مهمه اكلمها يبان الجانب الحقيقي من حياتي واتكشف بس هحاول اتصرف حاضر
توفيق بحزن والله يا ولدي رايي سيبها الزفته دي المخابرات وخليك في شركه ابوك
مالك تنهد وتابع ياريت اقدر بس شغلنا ده طلما دخلناه مش بنخرج منه غير على القبر
هدي بخوف الف بعيد الشر عنك ينورعيني ربنا يديمك لينا ولابنك ومرتك يارب
توفيق بخوف بعيد الشر عنك يا ولدي متقولش اكديه
وجات سلمى وحطت الشاي لتوفيق فتابع بابتسامه تسلمي ياست البنات تعبتك
سلمى بحب تعبك راحه يجدي وقعدت
توفيق بابتسامه لو نفسيتك تعبانه وعايزه تفصلي منه شويه تعالي اقعدي معايا يومين ولا حاجه تحت يسلمى
مالك بحده بعد اذنك يجدي بس مراتي متسيبش بيتهاا مهما حصل
توفيق بحده وأني لو عايزها هتعمل ايه يا ولد بدر مش فاهم؟؟
مالك تنهد وسكت
فتابع توفيق بحده ايوه مانسمعوش حسك خالص وبص لسلمى وتابع بحب فكري يابتي
سلمى تنهدت وتابعت انا ياما اتخانقت انا ومالك زي اي اتنين عادي ماهي حياتنا طبيعي مش وردي بس يمكن دي اول مره المشكله بينا تكبر بالشكل ده وتخليه يمد ايده عليا ..بس هفضل شايفه ان الواحده لو سابت بيتها فاهي بتخلي المشكله تكبر اكتر وفي النهايه عمري ماهتطلق فمالوش لزوم البعد من البدايه ..علشان مبيعملش حاجه غير يعلم الجفا
مالك بصلها وابتسم بحب وفخر بيها
فتابع توفيق بابتسامه وحب : اصيله وبت اُصله يابتي عرف يربي علي
سلمى ابتسمت بوجع وتابعت تسلم يجدي ربنا يخليك لينا يارب وميحرمناش منك ابدا
توفيق بحب ولا منك يا ام الغالي وضحك وتابع واتجدعني وهاتيله نورسين بقى طلما قرفنا بيها اكديه
سلمى ابتسمت بوجع وتابعت باذن الله يجدي
توفيق بحب يارب يجلب جدك وبص لمالك بضيق وقام وقف وزيه هدى وتابع بضيق: انا نازل وتراضي مرتك ملكش غيرها وملهاش غيرك وحقهاا تزعل وتفهمك غلط واي واحده مكانها هتفكر كده حتى لو اسلوبها وطريقتها في الكلام مع جوزها كانوا غلط بس اياك يا مالك ايااك مهما يحصل يدك تتمد على مرتك تاني ساعتها حسابك هيبقى معاياا أني
مالك بحده يجدي دي اتجننت ووصلت بيهاا طلبت الطلاااق يجدي
توفيق بضحك وايه يعني حُرمه وبتدلع على جوزها وعايزه تشوف غلاوتها عندك قد ايه طب ماهي بعضمه لسانها اهي قالتلي انا عمري ما هتطلق فمش هسيب بيتي بس هي الحريم اكديه ..طب عارف يواد يمالك ستك ام علي الله يرحمها كانت كل خلاف بينا تقولي طلقني بس كنت اقولها وأني اعيش لمين كانت تضحك وتنسى الخلاف فمتبقاش قفوش كيف عمك اكديه
هدى فضلت تضحك وتابعت ايوه هو كله علي بطريقته مش واخد من ابوه الله يرحمه حاجه خالص
توفيق بابتسامه بدر !! وهو في زي بدر؟ وتنهد وتابع ااه الله يرحمك يولدي ربنا يهديك يا مالك والله
سلمى بوجع اديه شاف بعينيه تهور عمو علي وصله لايه في الاخر وخلاه عاش عمره كله للنهارده بيندم على اللحظه اللي جيه على ام بناته فيها وقامت وشالت علي من على الكنبه ودخلت اوضه الاطفال وقفلت
مالك شاور على الباب وتابع برفعه حاجب شايف اسلوبها ؟
توفيق بابتسامه معلش مقموصه وبتتدلع عليك ومغلطتش عمك علي فعلا لسه بيندم
مالك بحده كل ده علشان ضربتها بالقلم مرره؟؟!
توفيق بتنهيده لا علشان الضربه جتلها من الحته الامان بنسبالها يولدي
هدى بحزن راضي مرتك يحبيبي دي غلبانه وطيبه والله
مالك تنهد بعمق وتابع حاضر ياما
توفيق بتنهيده يلا انا نازل يخش تكون اول واخر مره اطلعلك في حاجه زي دي يمالك
مالك بابتسامه حقك على راسي والله
توفيق بحب راضي مرتك وانا هبقى زي الفل ومتراضي دي امانه عندنا يولدي واحنا صعايده ميرضيناش غير الاصول
مالك بحب حاضر يجدي وباس راسه وايديه ونزلوا ومالك قفل الباب ودخل لسلمى لقاها نيمت علي وقاعده بتطبطب عليه فابتسم وتابع لوما سيبي علي وتعالي عايزك
سلمى بجمود مش عايزه اتكلم في حاجه
مالك بضحك مين قال هتكلم انا هفعل بس
سلمى بصتله وتابعت بضيق ماليش نفس.. انت ايه مش مفروض متخانقين فنفسك تقف مني؟؟
مالك بحب ده لو وقفت من الدنيا كلها متقفش منك انتي يعمري
سلمى بوجع انا بقى نفسي واقفه منك ومش طايقاك يمالك
مالك اتوجع من كلامها وتابع طب تعالي يسلمى لو سمحت علشان الواد ميصحاش
سلمى بسخريه لا الصراحه هامك اوي الواد ده انت صرعته 100 مره انهارده
مالك غمض بضيق وتابع بهمس حاد : طب مش عايز اعلي صوتي يسلمى اخلصي وتعالي
فسلمى تنهدت وغطت علي وباست جبينه وقامت طلعت وقفلت الباب عليه وبصت لمالك وتابعت بضيق خير
مالك مسك ايديها وراح قعد على الكنبه وشد دراعها قعدها على رجله ولف ايديه حوالين وسطها وتابع بندم: حقك عليا انا اسف وباس خدها المِحمر كذا بوسه متتاليه برقه وهمس : ياريتها كانت اتقطعت قبل ماتتمد عليكي يعمري
سلمى تنهدت وتابعت بجمود : لا بعيد الشر
مالك بصلها بحزن وتابع سلمى ووجه وشها ليه وتابع بُصيلي
سلمى بصتله بوجع وتابعت نعم
مالك بوجع متعودتش تزعلي مني كده حقك عليا وغلاوه مالك عندك يشيخه
سلمى الدموع اتجمعت في عينيها وتابعت انا محبتش حد قد ماحبيت مالك وبهرب من الدنيا كلها في حضنه وبشكيله من كل اللي يضايقني وهو يجبلي حقي فانت متخيل لما هو يمد ايديه عليا مفروض انا اعمل ايه واروح فين؟؟
مالك اتوجع من كلامها وتابع تيجي في حضني طبعا وحضنها وتابع بوجع حتى لو انا الغلطان اغلط واداويكي انما مينفعش اي مشكله بينا تكبر وتشكي لاي حد غيري اصلا
سلمى عيطت وتابعت اصل بعيدا عن اي حاجه مانا فعلا ممكن اروح اقول لاخواتي وسواء علي ولا عصام مش هيسموا عليك بس فكرك انا هبقى مبسوطه وانا شايفه حد فيهم بيقف قصادك؟؟ فكرك هبقى مبسوطه وانا ليا اخوات وضهر وسند جم جابولي حقي ومدوا ايديهم عليك ولا مسكوا فيك لاجلي؟؟ كل ده مكنش هيفرحني وعيطت اكتر وتابعت لان انت جوزي ..ابو ابني ..يعني كرامتك من كراامتي فمش هسمح لحد في الدنياا يتدخل بينا ويقلل منك انماا انت قللت من كرامتي وضربتني عادي
مالك بوجع ياريتها اتقطعت والله انا اسف يحبيبتي حقك على راسي وباس جبينها بعمق ومسك ايديها باسها
سلمى بدموع بعيد الشر عنك انا مش بقولك اللي جوايا علشان تقولي كده
مالك بوجع وانا صدقيني قولتلك اللي حسيته لاني مهما كان مكنش ينفع امد ايدي عليكي فعلا بس انتي عصبتيني يسلمى وجبتي سيره حازم والطلاق وشكيتي فيا ومفيش راجل يستحمل كل ده
سلمى بدموع معترفه طريقتي كانت غلط وكمان اتخانقنا قدام علي ودي اول مره
مالك ابتسم بوجع وتابع بتعترفي بغلطك وتأنبيني اكتر مش كده؟؟
سلمى بعياط مش حكايه كده والله بس بقول الحقيقه طريقتي كانت غلط بس حقيقي غصب عني
مالك حضنها جامد فعيطت في حضنه فباس خدها وتابع بوجع : حقك عليا انا اسف والله وصدقيني هاتي مصحف احلفلك عليه دلوقتي انا لما بسيبك بروح شغلي
سلمى بدموع وصلت بيك متكلمنيش حتى دقيقه بسبب الشغل يمالك ؟ عادي بنسبالك يعني؟
مالك بتوتر مش بكلمك دي بتبقى غصب عني علشان ببقي قافل الفون ومش عايز حد من المنافسين يتتبع خطي ويعرف مكاني ويفهم انا بشتغل على انهي صفقه فده السبب الحقيقي صدقيني لانهم مش سهلين وليهم ناس تعرف تعمل كده بس هفتحه دققتين بعد كده لاجل عيونك ياستي وموضوع نورسين ده علشان انا حقيقي نفسي اخلف بنت والموضوع شاغلني اوي واتحايلت عليكي 100 مره وانتي رافضه انما اقسم بالله وغلاوتك انتي وعلي عندي يسلمى انا ما اعرف عليكي حد والجو ده ومقدرش اعملها اصلا وشدد من احتضانها وطبطب عليها وتابع اهدي بقى علشان خاطري
سلمى بصتله بدموع وتابعت فونك المقفول ده فيه ايه يمالك؟
مالك بص بحب لعينيها الخُضر اللي بيعشقهم وتابع هفتحهولك ياستي وشوفي بنفسك انه يخص الشغل ولما اسافر بعد كده هكلمك بس تعالي عايزك في حاجه اهم دلوقتي
سلمى ضحكت من بين دموعها وتابعت انا مش قولتلك اني ماليش نفس؟
مالك بضحك اتأكد بنفسي وقرب باسها بعمق فسلمى تجاوبت معاه بحب ومدت ايديها ترفع تيشرته فمالك قلعه ورماه على جنب وتابع بضحك لا بس مالكيش نفس صحيح
سلمى سندت جبينها على جبينه وهي مغمضه ولفت ايديها حوالين رقبته وتابعت بهمس : ناويه اجيبلك نورسين علشان نطلع الموضوع ده من بالك وتبطل زن شويه
مالك بصلها وابتسم بفرح وتابع سلمى انتي وافقتي بجد وهتوقفي البرشام؟
سلمى بصتله بحب وتابعت ااه شهرين كده وهوقفه وهو تعب عليا بصراحه بس وماله نحاول لاجل عيونك وضحكت وتابعت بس لو جيه ولد ماليش دعوه
مالك ضحك بفرح وتابع وانا موافق ياستي وقرب باسها بعمق وهي تجاوبت معاه بحب
-
في الاتيليه عند علي وحبيبه
علي كان واقف بيتفرج مع حبيبه على الفساتين
حبيبه باعجاب: الله بص ده تحفه اووي ايه رايك ياعلي
علي بصله وهز راسه بالنفي وتابع :لا صك لا مفيش منه الكلام ده تاني كفايه لبس ام القرف ده
حبيبه بضيق وبحده: انت ايه جاايبك معاايا هاا انا قولت دي حاجات بناات اخد نيره وصحابي احسن ..انت جااي تحرق دميي ياعلي !!
علي بص حواليه لقى البنت اللي في اتيليه بتتكلم في الفون فبص لحبيبه وتابع بهمس حاد: طب احترمي نفسك ووطي صوتك اللي يخش يتخرس ده وقولت مفيش فساتين صك تاني خلصناا
حبيبه بضيق ياعلي متعصبنيش انت عارف ده الفستان الكاام تطلع فيه عيووب ؟! هجيب منين فستان يعجبك انا !!
علي بابتسامه نفصل ..هو انتي اي حد ولا ايه ده انتي حرم علي بيه الجارحي
حبيبه ضحكت غصب عنها وتابعت علي مبهزرش بجد والله ده اللي موجود كله للغير محجبات مش بايدي ومش هلحق افصل التفصيل ممل وبياخد وقت وفرحنا خلاص بعد اسبوع
علي بحب طب ما وحياه علي عندك نلم نفسنا ونتحجب ايه رايك ؟؟
حبيبه بضيق يووه ياعلي ماقولتلك يحبيبي هتحجب والله بس مينفعش تحت ضغط ولا تحلفني بغلاوتك لان انت اكتر حد عارف ان لازم اكون عايزه ارضي ربنا اهم حاجه
علي تنهد بعمق وتابع خلاص يحبيبه اللي يريحك بس مفيش فساتين صك هتتجاب تاني
حبيبه بابتسامه حاضر بس والله ماتزعل
علي بضيق خلاص يحبيبه مش متنيل
حبيبه بضحك يا لولي علياا انا
علي بصلها وتابع لمي نفسك الناس حوالينا ايه لولي دي !!
فحبيبه فضلت تضحك بشده وتابعت مانا علطول بقولك لولي انت هتستعبط ولا ايه وخصوصا بعد حلاقه دقنك دي بقيت كتكوت خالص
علي بضحك ايووه بس مش قدام الناس مش كفايه اللي عملتيه قبل كده في المستشفى؟
حبيبه بضحك وفيها ايه ان شاء الله واحده وبتدلع على جوزها مالهم الناس
علي بضحك لا فيها كتير اصل شحط طويل عريض يتقااله لولي ازاي يعني !! دي عيب في حقي دي
فحبيبه فضلت تضحك بشده وتابعت بابتسامه وهي بتلف ايديها حوالين رقبته : لولي وكوتي وبطتي وكل حاجه في حياتي
فعلي فضل يضحك بشده وتابع الله هي وصلت لكوتي وبطتي كمان !! ده احنا نشيل النجوم ونعلق كتاكيت بقى
فحبيبه سندت راسها على صدره وفضلت تضحك بشده وتابعت لالا البدله غيرتك عليا خالص يبطتي
علي لف ايديها عليها وباس راسها بعمق وتابع بحب مقدرش .. ده انا لو اتغيرت على الدنيا كلها انتي لا ..اتغيير ازاي على البنت اللي باعت الدنيا كلها ومشتارتش غيري .. الاصيله الجدعه الطيبه.. القلب الوحيد اللي حبني وسندني لما وقعت .. اكتر واحده في الدنيا بتحبني وبتخاف عليا ولو طلبت عينيها مش هتعزها عليا .. اتغير عليكي ازاي وانتي بعد ربنا اللي ليكي الفضل في النجاح اللي وصلتله دلوقتي ده ؟!!
حبيبه الدموع اتجمعت في عينيها ورفعت راسها بصتله وتابعت علي انا بحبك اوي بجد
علي بحب عارف ووطى راسه باس جبينها بعمق
فحبيبه ضحكت من بين دموعها وتابعت يا بايخ مش دي الاجابه اللي كنت عايزاهاا
علي بضحك عارف بردو .. وهو فعلا انا بحبك اكتر بس ساعات بقعد محتار كده لان انا نفسي مش قادر احدد انا بحبك قد ايه بالظبط .. حاسس مفيش كلمه في الدنيا توفي حبي ليكي يحبيبه
حبيبه بحب ودموع عارفه انك بتموت فيا يقلب حبيبه بس مفيش حد في الدنيا هيحب حد قد مانا حبيتك حقيقي
علي بابتسامه لاا يبقى لسه معرفتيش جوزك انا بحبك اكترر بكتير
حبيبه ابتسمت من الكلمه وتابعت عيون مراتك من جوه انت والله
فعلي ضحك وتابع بغمز طب ايه؟
حبيبه بضحك اييه انت !! اتلم في كاميراات
علي بضحك كاميرات ايه وبتاع ايه ده تلاقيهم قاعدين قدام الشاشه مستنين حمزه دلوقتي .. انتي لسه واخده بالك ان في كاميرات
فحبيبه فضلت تضحك وتابعت علي اتربي بجدد ويلا البت لو جات هتكسف من وقفتنا دي
علي بضحك امشيها بمكالمه .. الاتيليه بتاع صاحبي يعني هيروقلنا الدنيا عادي
حبيبه بضحك علي بجد اتربى وحياتي
علي بضحك والله ابداا وانتي اصلا عارفه انا عايز ايه؟
حبيبه بضحك ااه عاارفه واتربى
علي فضل يضحك وتابع طب وعرفتي منين بقي هاا مين بوظ تربيتكك ؟!
حبيبه بضحك انت كله منك والله هو انت بتعمل حاجه غير كده من ساعه ما كتبنا
فعلي فضل يضحك وتابع طب روحي قيسي بس بالله عليكي وبلاش صك واخلصي هنتاخر كده
حبيبه تنهدت بعمق وتابعت بضيق حاضر ياعليي حااضر وراحت اتفرجت تاني وسحبت واحد اوف شولدر وبصت على علي لقيته مش باصص وبيعمل حاجه في الفون فدخلت تلبسه ودقايق وخرجت بس في الاوضه اللي مفيهاش كاميرا وتابعت تعالى ياعلي بص ثواني
فعلي ابتسم وتابع جاي يعمري ودخلها
فحبيبه شافته فتابعت بابتسامه ها ايه رايك
علي بصلها واتصدم وتابع ده ايه ده ان شاء الله !!
حبيبه بضيق ايه بقي في اييه يخرابي منك
علي بحده في زفت على دماغك ايه الكتااف دي وايه الشبابيك اللي فتحاهاا دي انتي تعبانه في دماغك ولا عايزه تستفزيني وخلااص علشان افهم بس ؟!!
حبيبه بحده طب البس اييه اختاار انت انا حقيقي تعبت من القلع واللبس حاجه تقررف
علي بحده قسما بالله يحبيبه ومش هنبه تاني لو صوتك ده عليي عليا تاني بالقلم وعلي وشك
حبيبه بتمثيل حزن اهون عليك؟ وعملت شفايفها لتحت زي العيال الصغيره
فعلي ضحك على شكلها وبص حواليه ملقاش حد والبنت واقفه برا فـ راح باس شفايفها برقه وتابع بابتسامه لا متهونيش اعدلي بوزك بقى
فحبيبه شهقت وفضلت تضحك وتابعت يعلي اتربي بجدد يخربيتك ايه اللي انت عملته دده
علي بضحك انا معملتش حاجه كده اصلا وليا واحده غيرها
حبيبه بضحك عند رانيا عارفهاا
علي بضحك هتشوفي
فجات البنت وتابعت بابتسامه ايه هتاخدي ده؟
حبيبه رايحه تتكلم فتابع علي بحده لا طبعا ادخلي اقعليه يلا
حبيبه بضيق ياعلي ما شعري طويل وهيداري اهوو
علي برفعه حاجب انتي مين قالك ان شعرك هيتفرد اصلاا ؟
حبيبه بضيق لا هفرد مش بحب المرفوع اناا
علي بحده لا مفيش فرد
فحبيبه راحت باست خده وتابعت بهمس وابتسامه : وحياتي يا لولي طب هوافق ابوسك زي مانت عايز والله بس وافق افرده
فعلي ابتسم وتابع افردي يعمري دي هي ليله العمر حقك تتبسطي بس الفستان ده بردو لا
فحبيبه فضلت تضحك بشده وتابعت لا والله !! خلاص نضاعف يبقوا 2 ووافق بالفستان كمان
فعلي فضل يضحك وهمس في ودنها : والله لو دخله ماهوافق بالفستان في حاجات تنفع وحاجات لا فاتربي وادخلي غيريه ها
فحبيبه ضحكت بشده وتابعت متربتش والله ورفعت الفستان ودخلت البروفه
البنت : اجي اقلعهولك؟
فتابعت حبيبه بضيق ياريت بجد صعب جدا قفلته بالعافيه ومش مقفول صح كمان
علي بص للبنت وتابع لالا خليكي انتي انا موجود مش لابسه كارينا يحبيبه؟
حبيبه بحرج وصدمه اه لابسه بس خليك مكانك
علي بصلها بحده وتابع مبحبش مراتي تتكشف على حد بلبس زي ده وانتي لابسه كارينا كده كده مالك في ايه؟!
حبيبه غمضت بحرج ونفخت فتابعت البنت بضحك: خلاص يعروسه خليه هو كده كده هيتفتح من ورا بس لان قفلته اللي رخمه وهيقع بسهوله
فحبيبه اتوترت وتابعت اخلص طيب
فعلي دخل معاها وقفل الباب فبصتله بتوتر
فحط ايديه على وسطها وشدها ليه وتابع بضحك انا لو شوفت النظره دي تاني في عينيكي مني هزعلك
حبيبه بتوتر والله ما مرتحالك
علي فضل يضحك وتابع لالا متخافيش انا محترم في الاماكن العامه
حبيبه بتوتر اممم ما واضح ولفت اديته ضهرها وتابعت اخلص يلا
علي بضحك لا مش قبل ماتنفذي وعدك
حبيبه فتحت عينيها بتفاجئ ولفت بصتله وتابعت بضحك انا قولتت بردو طب والله كنت حاااسه امشي اطلع هاتلي البت
علي بضحك ليه ياروح امك هو انا امتى وافقت تتكشفي علي حد يعني ؟؟ ده حتى لما كنا مخطوبين وكنتي بتيجي تجيبي دريسات كنت بقولك البسي لوحدك مش هتعرفي توريني علشان جسمك باين علشان مش عارفه تقفليه وتظبطيه عليكي مش مهم بس متخليش حد يظبطلك ويشوفك ولا محصلش؟
حبيبه بضحك اه بصراحه حصل
علي بحب طب ايه بقى
حبيبه بضحك علي وربي اتفضحنا بما فيه الكفايه
علي بحب بوسه بس وحياتك وبصلها بهيام
فحبيبه اتوترت وتابعت ياعليي بقي يخررابي منك وغمضت بتوتر ونزلت وشها
فعلي فضل يضحك وتابع لا والله ازعل كل التوتر ده مني ؟
حبيبه بتوتر اطلع وحياتي
علي بضحك لا انا حلفت الاول ورفع دقنها بايديه وتابع بابتسامه حلويات يخواتي ومن قبل ما اخطبك والله وانتي عجباني وكنت عايز اعملها بس ارجع واقول ميصحش يعلي استغفر ربك فاحط جوايا واسكت
فحبيبه اتكسفت بشده ووشها احمر وتابعت بضحك انت متربتش والله
علي بضحك اه ده حقيقي بحس بكده وانا معاكي وبصلها بحب وتابع لو مش راضيه خلاص بجد
حبيبه ابتسمت وتابعت ليه مش انت جوزي؟
علي بحب طبعا
حبيبه بحب وانا مراتك؟
علي حط ايديه على وسطها وشدها ليه وتابع هي دي فيها كلام ؟!! دي احلى حقيقه في حياتي عامه
فحبيبه ضحكت وتابعت خلاص سماح المره دي بس اخر مره يعلي بجد وبعدين تتلم ليوم الفرح
فعلي ابتسم وتابع وماله وقرب باسها بعمق وهو بيشدها ليه اكتر ودقايق وبعد عنها بالعافيه وتابع وهو بياخد نفسه : لالا انا طالع اشرب سجاره اخلصي وتعالي يلا هنمشي والفستان هنفصله
حبيبه اتكسفت وتابعت بضحك علي اتربي مينفعش هنجيب بالمره طلما جينا اخلص بجد
علي غمض عينيه وتابع وهو بياخد نفسه : طب عامه هطلع دلوقتي اشرب السجاره اقلعيه وشوفي غيره يلا
ورايح يخرج فحبيبه مسكت دراعه وتابعت بحرج راايح فين يخربيتك والفستاان اللي متقلعش ده !! عايز البت تقوول عليناا ايه
علي بضحك تقول حب عمره ومن زماان قدامه ومتحرمه عليه وبيقول اختي ولما خطبها فضل في خطوبه قربت على 3 سنين ومعسكرات وكليه وبُعد عنها وقررف فجاب اخرره ..لفي ياختي لفي واخلصيي
فحبيبه ضحكت ولفت وبصتله في المرايه وهو بيفك الفستان وتابعت بابتسامه هانت والله وهبقى معاك علطول والعمر كله والله
فعلي ابتسم وتابع ده اللي مصبرني عامه وباس خدها وفتح الفستان فوقع وحبيبه فضلت بطقم الكارينا بدي كب وبنطلون كارينا قصيره لحد الركبه فبصلها باعجاب وتابع الله يخربيت اهلك يشيخه لا هطلع فعلا كده كتير واياكي البت تشوفك كده هاا
حبيبه بضحك حاضر والله
وعلي طلع بالفعل وحبيبه لبست هدومها وطلعت ادت البنت الفستان وبصت على علي كان بيشرب سجاره برا وبيتكلم في الفون فابتسمت وراحت تدور على فستان غيره ولقيت بالفعل واحد تحفه جدا كم شفاف ودانتيلا بتلمع من عند الصر والكمام وماسك علي الصدر ونازل منفوش لتحت نفشه رقيقه من طبقات الشيفون الكتيره فتابعت بابتسامه حلوو اووي ده وريني بسرعه قبل مايجي اقيسه
فالبنت خدته بالفعل وابتسمت وتابعت اتفضلي اهو
حبيبه بحب طب ده اول مره يتلبس زي الباقي ؟وعادي اشتريه؟
البنت بابتسامه اه يفندم اول مره يتلبس والمدير منبهنا ان اللي انتي هتختاريه تشتريه عادي
حبيبه بحب تمام وخدته بالفعل ودخلت تقيسه وعلي دخل وتابع باستغراب ايه ده هي لسه جوه؟
البنت بابتسامه لا يا فندم خدت فستان ودخلت تلبسه
فعلي استغرب وتابع من غير ماتوريهولي طب ليه كده
ورايح ينادي عليها فسكت لما لقاها خارجه قدامه تسحر زي الفراشه وبتبتسم فبصلها باعجاب شديد وتابع ايه ده !!
حبيبه بضحك ها ايه رايك بقى
علي راح مسك كف ايديها ولفها فالفستان نفش نفشه رقيقه اوي فضحك وتابع ايه القمر والحلاوه دي يخربيت جمال اهلك يشيخه
حبيبه بضحك وفررح : يعني اخيراا حاجه عجبتك؟
علي الدموع اتجمعت في عينيه وتابع خطييره بجد بسم الله ما شاء الله اللهم بارك ولا غلطه حقيقي
فحبيبه بصتله بتأثر وتابعت يعمري انتت ..علي لا والنبي مش بحب اشوف دموعك ومسحت اطراف عينيه وتابعت لالا وحياه حبيبه ماتعيط
فعلي حضنها جامد وتابع ده انا يبختي بحبيبه وجمال حبيبه ووجود حبيبه في حياتي والله وباس راسها بعمق وتابع حقيقي اميرره كلمه قليله عليكي
حبيبه بحب ودموع يعمري يارب ميحرمني منك ابدا يارب وبصت للبنت وتابعت هناخد ده خلاص
البنت بابتسامه اختيار موفق حقيقي ..مليار مبروك يعروسه
حبيبه بحب الله يبارك فيكي يارب
وبالفعل علي حاسب وخدوا الدريس وحطوه في العربيه ومشيوا وشويه وحبيبه لمحت عصام واقف يتخانق مع حد فاتصدمت وتابعت علي عليي استني مش ده عصاام؟!
علي بص ناحيه ماهي بتشاور وتابع باستغراب ااه هو وبص على عربيه الراجل وتابع ده شكله خبطه
حبيبه بذهول اصلا فين الجارد بتوعه المتخلفين سايبينه يتخانق كده ؟!!
علي بتنهيده بقاله فتره مبيمشيش بيهم اكيد اوامره يعني
حبيبه بصت على عصام وتابعت بخوف علي الراجل ده متخلف بجد بص بيزق كتفه ازاي!! وعصام ازاي ساكتله ومش بيضربه بجد!!
علي بص واتعصب من اسلوب الراجل وخد نفسه وتابع استغفر الله العظيم يارب
حبيبه بصتله بذهول وتابعت بحده انت هتسيب اخوك بيتخانق؟؟
علي بحده اعمله ايه يحبيبه؟! بقولك ايه اشتري دماغك
عند عصام
كان بيتخانق مع الراجل فتابع بعصبيه انت عايز ايه على الصبح انا مش ناقص اهلك قسما بالله قولتلك قول عايز كام تعويض وانا اديك رغي كتير مش عايز
الراجل بعصبيه انا مش هاخد فلوس انت هتتصلي بحد يجي لحد عندي يصلحها وانا واقف مكاني والا رده فعلي مش هتعجبك وضرب كتفه تاني بس جامد
فعصام تراجع خطوتين لورا كان هيقع واتعصب ومسك قميصه وتابع بعصبيه انت اتجننت !! بتمد ايدك اللي عايزه قطعها دي وتضرب كتفي؟! ده انا قسما بالله هوديك في ستين داهيه انهاارده
الراجل بعصبيه ليه ابن وزير وانا معرفش !! ده انت لو روحت القسم مش هتطلع ورايح يضربه بالبوكس فإيد علي منعته لما مسكها وعصام بصله بصدمه وذهول من وجوده فتابع علي بحده لا مش ابن وزير ..ابن قاسم الجارحي مواطن عادي بس هو معاه الجنسيه الامريكيه واخوه ملازم اول ايه رايك في دي بقى
حبيبه ابتسمت بفرح وبصت لعلي بفخر وعصام الدموع اتجمعت في عينيه من فرط صدمته وذهوله بدفاع علي عنه
الراجل بتوتر يا بيه انا والله ما كلمته ده هو اللي خبط عربيتي وبيبجح
عصام بصله بذهول وتابع بحده هو انا مش قولتلك تاخد فلوس يا حيوان انت و
علي قاطعه لما رفع ايديه وتابع بحده استنى انت يعصام وبص للراجل وتابع بعصبيه ولنفترض انه خبط عربيتك وبيبجح تقدر تروح لاول قسم يقابلك وتطلب بحقك والقانون ميزعلش وضرب كتفه بضهر ايده بعنف كذا ضربه وتابع انما متستقوااش عليه وتقل ادبك
الراجل حس كتفه هيتخلع من ضرب علي وتابع بخوف انا اسف يباشا قسما بالله ما كاان قصدي اعذرني
علي بعصبيه انا لو سامحتك في قله ادبك في حق اخويا مش هسامحك في حق الضربه اللي ضربتهاله واخوه الكبير عايش على وش الدنياا وضربه بالبوكس بقوه وقعه على الارض فصرخ بوجع
فحبيبه ابتسمت ودموعها نزلت بفرح وعصام بص لعلي بامتنان والدموع اتجمعت في عينيه
علي بعصبيه قوم انت هتعملي فيها ميت ده انت هيطلع عين اهلك انهارده ورايحين القسم وتاخد حقك وناخج حقنا
الراجل بخوف لالا قسم ايه انا اسف يباشا قسما بالله ماكنت اعرف ان البيه امريكاني واخو حضرتك وقام باس راس عصام وتابع بخوف سامحني وحياه ابوك وقوله بلاش حوار القسم ده
عصام بص لعلي بابتسامه وتابع خلاص يعلي سيبه وانا هدفعله تعويض ونمشي
علي بحده طب يلا اخلص عايز كام
الراجل بخوف اللي يجيبه والله انا راضي بيه
عصام جاب من العربيه 5 الاف واداهمله وتابع بتنهيده اديتك بزياده والله بس علشان انا معرفش الخبطه دي تتعمل بكام دلوقتي
الراجل بتوتر تسلم يا بيه تعبتك وبص لعلي وتابع بخوف ومش عايزك تاخد نمره العربيه وتأذيني بالله عليك انا استقويت عليه واتعصبت في البدايه لاني شوفته لما كان راكن قبل ما اتحرك كان بيشم بودره فقولت ده واحد مدمن انما معرفش ان اخوه بيه كده والله
علي وحبيبه اتصدموا بشده وبصوا لعصام وعصام اتصدم وبلع ريقه بتوتر وغمض عينيه
فتابع الراجل بتوتر عن اذنك يا بيه وركب عربيته ومشي
وعلي لسه باصص لعصام مصدوم وعصام باصص للارض ومحرج والدموع متجمعه في عينيه وحبيبه حطت ايديها على بوقها بذهول فعلي راح وقف قدام عصام وضرب دقنه بكف ايديه بعنف يرفعها لفوق وتابع بعصبيه بُصلي كدده اييه هتفضل باصص في الاراض سااعه
عصام بصله بحرج والدموع مجتمعه في عينيه وتابع نعم يعلي
علي بعصبيه ايه الكلام الفارغ اللي الراجل قاله ده هاا؟؟
عصام بخوف اديك قولت ..كلام فارغ ..ده اكيد اختلط عليه الامر مش اكتر
علي بحده يعني انت مش بتدمن يعصام؟؟
عصام بلع ريقه بتوتر وتابع لاا طبعاا
علي بحده تمام وراح فتح عربيه عصام ناحيه السواق فعصام غمض عينيه بتوتر وعلي فضل يدور وفتح الدرج اللي في العربيه ولقى البودره وحبيبه شافتها فشهقت بصدمه فعلي مسكها بسرعه يخبيها وحطها في جيبه وخرج من العربيه وهو بيتلفت حوالين نفسه يتاكد ان محدش شايفه وبص لعصام بحده وغل وتابع بعصبيه حلو توصل نفسك لكده؟؟ وضربه بالبوكس بقوه فحبيبه شهقت بصدمه وحطت ايديها على بوقها وعصام كان هيقع فمسكه من جاكت بدلته وتابع بعصبيه : لقيت نفسك ابتديت تنضف فاستكترت النضاافه على نفسك وشوفت اي طرريق للوسااخه مش كدده؟؟
حبيبه بخوف بدموع ابوس ايدك سيبه يعلي علشان خاطري متضربوش
علي بعصبيه تسمحي تخررسي خاالص؟؟ وضربه بالقلم بقوه ومسك جاكته وتابع بعصبيه رد علياا اييه القررف ده؟!! ليه مصمم تخليني مش طاايقك وقرفاان منك؟؟ ليه كل ما احاول احنلك تبينلي انك وسخ وزباله ومش شبهي وان مستحيل دم قاسم اللي بيجري في عروقي هو اللي بيجري في عروقك؟؟ ليه مصمم تبقى وسخ مهماا كان حواليك اهل وناس بيحبوك رد علياا؟؟ فااكر امي هتفضل شيفاك زي ابنها لو عرفت؟ ولا سلمى واسيا واسراء هيفضلوا باصينلك بنفس الصوره انك سندهم وكبيرهم التاني بعدي؟ ولا حتى اناا لو حنيت 10% فاكرهم لسه موجودين بعد اللي شوفته؟؟ واتعصب اكتر وتابع انت عااارف لو حد في الداخليه شم خببر بس ان لياا اخ شماام اناا هيجراالي اييه؟؟
حبيبه اتقهرت اتصدمت بكلام علي لاخوه وعصام كان ساكت والدموع المتجمعه في عينيه كانت اكبر رد فتابع علي بعصبيه شديده: رد عليااا ولا علشاان معندكش حااجه تقولها؟؟ حقكك مانت اذتني زماان وانت غريب عني وبتأذيني تااني دلوقتي وانت للاسف محسوب عليا اخوياا بس انا ميشرفنيش ان شماام زيك يبقى اخوياا انا سبق وطلقت اختي من واحد شبهك ومسمحتلهااش تكمل معاه يوم واحد لما عرفت فمش انا اللي هقبل بيك اخ ليا واسيبك تقعد وسط اهلي بعد اللي عرفته انت زباله ومش شبهناا واتعصب اكتر وتابع بس اعتبرر احنا مش فارقينلك وشكلنا مش فارقلك وشكل اخووك اللي بقى ظاابط مش فاارقلك لانك طول عمرك انااني وبتكرهني وعلي مبيفرقش معااك بس ابنك يزن ايه؟ عمل ايه يستحق عليه ان ابوه يكون شمام مش فاهم؟ واتعصب اكتر وتابع ذنبه اييه حتت العيل ده انك متكونش ليه سند وضهر واب يفتخر بيه ولا انت بتستخبى في ضهر جنسيتك ومش مهم تدوس علينا كلنا؟؟ واتعصب وتابع اناا لما اكلمك تررد عليااا
عصام بصله بقهر وتابع بوجع ودموع: هرد اقولك ايه يعلي؟ مانت عندك حق ومغلطتش في كلمه انا ولا استحق اكون اخوك ولا استحق ماما رانيا تبقى امي ولا اخواتك يبقوا اخواتي ولا حتى يزن كان ينفع يجي انا عايز افضل لوحدي يعلي ..لوحدي وبس .. مش عايز افضل ماشي احسب خطواتي علشان وجود حد لاني متعودتش ان ليا حد اصلا
علي اتوجع من كلامه وحبيبه صعب عليها وعيطت فتابع علي بوجع حتى لو مالكش حد.. نفسك متستحقش منك كده وضرب كتفه بخفه وتابع عصام اللي كان جسمه رياضي وبيحب تمارين الرمي بالرصاص ومحدش بيقدر يكلمه انهارده عيل خرع ضربه ضربه كان هيقع وانا استغربت حقيقي ازاي جسمك هش للدرجه دي بس لما عرفت فهمت ليه .. ولاني حبيت بجد فاهم ايه اللي وصلت لكده ..بس انت بتضيع يعصام فوق لاجل نفسك لان اللي انت دمرت حياتك وحياه ابنك واهلك علشانها لو عرفت انك وصلت للمرحله دي هتقرف منك هي كمان وفكل الاحوال مبقيتش ليك .. إيلين بتعالج المدمنين انما مش بتتعاطف معاهم ولا بتحبهم وبتشوف انهم ضعاف ومش قد تجاربهم فبيلجئوا لوسيله رخيصه زي دي واكيد انت اكتر حد عارفها وعامه انا مندمتش اني جيت ادافع عنك لاني ريحت الجزء اللي كان بيأنب ضميري ويقولي ده اخوك وراضيه العمر مش مضمون بس خلاص من اللحظه دي انا ضميري مات واتاكدت اني كنت صح لما رفضت وجودك في حياتي من الاول وحتي فرحي مش عايز اشوفك فيه
عصام قلبه وجعه من كلام علي وحبيبه عيطت وتابعت علي متقولش كده ده اخوك ولازم يجي و
علي بعصبيه ومقاطعه هشش متقوليش اخووك انا ماليش اخوات غير كريم والبناات وراح عند سله الزباله وبص حواليه ملقاش حد فطلع البودره وفضاها فيها ورمى الكيس وتابع بعصبيه جتك الارف عريتنا ومسك ايد حبيبه وهي بتعيط وشدها يمشوا فعصام غمض عينيه بقهر ودموعه نزلت وقعد على الارض وسند ضهره للشجره وحط ايديه على وشه وفضل يعيط بانهيار وقهر وهو حاسس انه لوحده والدنيا كلها ضده للمره اللي ميعرفش عددها
وعند علي كان سايق العربيه ومتعصب فتابعت حبيبه بعياط مكنش ينفع تعامل اخوك كده وتمنعه يجي فرحنا حرام يعلي قلبي وجعني عليه
علي بعصبيه شديده تسمحي تسكتيي؟! علشاان كل اللي انا كنت فيه ده من ورااه وحتى لما حاولت اساامحه لقيته عاكك الدنيا ومش هامه نفسه ولا احنا فخلاص ده مقاطعته احسن ولا هستنااه يوديني في داهيه!!
حبيبه بعياط وديه مصحه يعلي انما متقساش عليه كده
علي بعصبيه هبله انتي ولا عبيطه ده يتفضح لو دخل مصحه علشان مكانته وهو بيغلط وعارف انه مش هيعرف يداوي فيشيل شيلته بقى
حبيبه بعياط انا هقوله يجي الفرح
علي بعصبيه علشان ساعتها اقسمك نصين يحبيبه انا قولت ميجيش يعني ميجيش انا ماليش اخواات هي خلصت خلاص هو الواحد ناقص شمامين ده سياده اللوا كامل وصحابه جايين الفرح لو حد لاحظ عليه ولا شافه بيشم اروح انا في ستين داهيه للمره المليون بسبب عصام وزفت مش كده؟
حبيبه بدموع متقولش عنه شمام يعلي ده اخوك الصغير
علي بعصبيه شماام وابن ستين كلب والشوكه اللي ابويا جابها الدنيا تكسرني وتذلني.. مشوفتش منه اي استفاده غير أذيتي من يوم ماظهر في حياتي ولو جيه قدااامي في كميين هحبسه ااقسم باالله هحبسه وماا هيهمني ويبقى يجيب السفااره بتااعته بقى تخرجه انماا مش هخاالف ضميرري
حبيبه دموعها نزلت بقهر وتابعت في سرها " ليه كده يعصام؟ ليه حرام عليك ده انا ماصدقت سمع كلامي مره وكان هيرضى عنك خلاص ..ولا إيلين ..إيلين هتدمر لما تعرف"
-
عند نيره خرجت من الشاور في اوضه لميا ووقفت اختارت بدي ابيض ساده نص كم ولبست فوقه شميز بكم بينك وسابته مفتوح على بنطلون وايد ليج تلجي وسرحت شعرها وحطت ميكاب واختارت شنطه بينك وفونها رن فردت وتابعت ايوه يا نهى معاكي
نهى السكرتيره صباح الخير يا دكتور البيشنت محمد وجيه جيه وفي انتظار حضرتك
نيره بابتسامه ماشي يحبيبتي قوليله اني ربع ساعه وهكون في العياده يلا باي وقفلت معاها وخرجت من الاوضه وسمعت صوت نهله واقفه مع كريم في البلكونه وبتضحك فنفخت بضيق ورايحه تفتح الباب تمشي فنهله شافتها وتابعت بتفاجئ ايه ده نيرره ازيك
نيره كانت مدياهم ضهرها فغمضت بضيق ونفخت ولفتلها وهي بتبتسم بتصنع وتابعت بتمثيل تفاجئ: ايه ده انتي هنا ينهله؟!! لالا ايه المفاجات الفظيعه دي على الصبح ودخلت البلكونه حضنتها وهي بتبتسم بضيق وبصتلها وهي بتبتسم بتصنع وتابعت عامله ايه طمنيني عليكي ليكي وحشه والله
وبصت لكريم وابتسمت وباست خده وتابعت صباح الخير يحبيبي
كريم منع ابتسامته باعجوبه لانه فاهم تفكير نيره وباس خدها هو كمان وتابع بحب صباح النور يعمري
نيره بصتله بحب فتابعت نهله بضحك كنت متضايقه امبارح علشان اتخانقت انا وكريم بس لما جالي البيت صالحني مقدرتش افضل زعلانه منه وقالي نروح نفطر برا بس انا قولتله نيجي نفطر مع ماما ابتسام احسن علشان عرفت انها تعبانه بس شكلنا هنتخانق تاني دلوقتي
نيره اتعصبت جدا من كلامها بس حاولت تبان طبيعيه وتابعت ده ليه بس ربنا ما يجيب خناق
نهله بضحك بغير اوي بجد يا نيره يعني انا عارفه انكم اخوات ومتربين سوا بس فكره ان عادي يبوس خدك دي بتعصبني
نيره برفعه حاجب افندم؟! حبيبتي انتي مستوعبه انتي بتقولي الكلام ده لمين؟؟ وبصت لكريم بحده وتابعت ماترد يكريم شيفاك ساكت
كريم منع ضحكه وبص لنهله وتابع بابتسامه حبيبتي انا 100 مره اقولك ان نيره اختي ونظرتي ليها حقيقي كلها نوايا طيبه فمش دي اللي تغيري منها نهائي
نيره بصتله بضيق فتابعت نهله بحب مانا عارفه يحبيبي ومع اني فعلا بغير حتى لو من لميا وهناء بس يلا هنعديها لاجلك يا نونو
نيره بحده ولا متعديهاش .. انا مباخدش اذنك مش العمر كله متعود انه قريب مني تيجي انتي يابنت امبارح تبعديه عني
كريم بضحك خلاص يانيره اهدي يحبيبتي مش كده نهله بتهزر وغمزتلي اصلا
نهله بضحك ااه انا مستغربه انها اتعصبت اوي كده انتي صدقتي اني هغير على كريم منك يانيره؟ ده انتي اخته يحبيبتي وانا بحبكم كلكم والله ونفسي ابقى صاحبتكم
نيره تنهدت بضيق وتابعت انتوا فايقين تهزروا وانا في بيشنت مستنيني مش فاضيه عن اذنكم
نهله مسكت دراعها وتابعت بابتسامه خليكي بس معانا شويه ده انا ملحقتش اقعد معاكي والفتره اللي فاتت كنتي مشغوله
نيره بتنهيده معلش وقت تاني ورايا شغل ومعاد مع الاستايلست اللي بتعملي فستاني فمش فاضيه اخت العروسه بقى وكده
كريم بحب طب بصي طيب اختار انهي بدله علشان انا ونهله محتارين ووراها صورتين لبدلتين واحده سودا وقميص ابيض وواحده جراي غامق وقميص ابيض
نيره بتنهيده السودا طبعا من غير نقاش يكريم وبصتله وتابعت حبيبي انت تبع العريس والعروسه والاتنين اكتر من اخواتك فمتلبسش غير الاسود
نهله بابتسامه بس انا بشوف ان التميز هو الاختلاف ..اغلب صحاب علي وحتى مالك وابوها هيلبسوا الاسود فرايي خليك في الجراي زي ماقولتلك
كريم بضحك مش عارف تصدقي وجهه نظرك حلوه .. حيرتيني يانهله بعد ما اقتنعت براي نيره
نيره بصتله بضيق وتابعت والله !!
كريم بضحك ايه يحبيبتي مالك مانا بقولك اني محتار فبفكر معاكم بصوت عالي
نيره بحده البس اللي تلبسه يكريم انا مش فضيالكم
ورايحه تمشي فتابعت نهله صحيح يانيره وعلى كده بتفصلي فستانك بكام؟
نيره تنهدت بضيق وتابعت لسه مش عارفه سعره
نهله بابتسامه وده بيفرق بالوزن طبعا مش كده؟
كريم بتنهيده اكيد هيفرق يانهله ماهو القماش اللي هي هتاخده غير اللي انتي هتاخديه
نيره بضيق بالظبط
نهله بضحك اممم وانتي بصراحه هتوفري حجمك صغنون ما شاء الله انتي كام كيلو على كده؟
نيره بسخريه ليه عايزه تشيليني؟
نهله بضحك لا طبعا بس فضول عادي اصل انا 65 فبشوف انتي كام
نيره بضيق لا ده انتي اللي بسم الله ما شاء الله عليكي تطبقي مني اتنين انا 43
نهله فضلت تضحك وتابعت يخربيتك يانيره ليه 43 ورك فرخه ولا ايه؟! هنجوزك ازاي كده؟
نيره بابتسامه هو الجواز بقى بالاوزان كمان؟ محدش قالي خالص الحقيقه
نهله بضحك طبعاا مش لازم يبقى جسمك مظبوط؟ اومال اللي هيجي يتقدملك ده هيجي يتقدملك ازاي وانتي معدومه كده؟
نيره بابتسامه هيجي يتقدملي علشان هيبقى بيحب نيره وعايز نيره ..مش جسمها ..بس طلما انتي مقتنعه ان الجواز بالاوزان قربت عليها وهمست عند ودنها : فحاسبي تخسي علشان كريم ميشوفش بقره تانيه قصدي واحده تانيه وابتسمت بانتصار ومشيت
-
عند لميا هناء كانت قاعده معاها لانهم ساكنين في نفس العماره
هناء بتنهيده طب انتي شايفه ان ده وقته تنزلي الشغل بحالتك دي؟
لميا وهي بتلبس الهيلز تابعت مالها حالتي؟ عيني مورمه حبه؟ عيطت وانهارت حبتين؟ عادي يا هناء ده وضع عيشتي وانا اتعودت عليه بقالي سنتين بعيط طول الليل واصحى جسمي متكسر وتعبانه وبنزل عادي
هناء بحزن نفسك ليها حق عليكي شويه يا لميا مش كده
لميا ابتسمت بوجع وتابعت انا لو معملتش كده من زمان كان زماني متدمره وبتجروا بيا على المستشفيات
هناء بوجع على اساس انك كده مش تعبانه يعني؟
لميا تنهدت بقهر وتابعت لا تعبانه بس بتجاهل الوجع فبعيش انما انا لو سمعت كلامك وقعدت حطيت ايدي على خدي مش هعمل حاجه غير العياط والندب فهتعب الضعف فخليني مسحوله ياهناء.. خليني مسحوله وناجحه في حاجه واحده في حياتي بدل مانا فشلت فكل حاجه حتى في اختيار شريك حياتي
هناء بوجع انتي بتراكمي مش بتتعافى والتراكم ده هيجي يوم وهيخليكي تنفجري على اتفه الاسباب
لميا بوجع هفضل شيفاه اهون بكتير من حياه مليانه صراع واهو انفجار كل كام شهر احسن من ندب كل يوم وقامت وقفت وتابعت انا رايحه القناه ورايا حلقه كمان ساعتين
هناء بحزن استني طيب نازله معاكي
عمر فضل يعيط وتابع ماما وبيشد الدريس بتاعها من فوق
لميا بابتسامه انتي لسه مفطمتيش عمر؟
هناء تنهدت بتعب وتابعت لا بحااول بس زنه بيجيبلي انهيار عصبي بجد يا لميا مبقتش مستحمله
لميا بضحك يخربيتك ياهناء ده تم السنه بقاله اسبوع اهو
هناء بضيق انتي هتعملي زي وسام عمال يسم بدني كأني بمزاجي ويقولي نزليه لامي يوم ولا يومين بس انا مش هقدر يا لميا بجد ده نورعيني ده وفضلت تهز فيه تحاول تسكته
لميا بضحك ما حقه بصراحه الواد كبر خلاص فحاولي كده وجمدي قلبك
هناء شالت عمر اللي بيعيط وقامت بيه وتابعت بضيق هشوف يلا مش هتنزلي؟
لميا بابتسامه اه يلا ومتعرفيش صح وسام قال لماما فاطمه ان ادهم كلمه ولالا لان امبارح نفسيتي كانت زفت وطلعت على شقتي علطول مخبطتش عليها
هناء وهي بتهز عمر تابعت بحب قالها طبعا وهي دي تفوته؟ وفرحت يابت يا لميا وفضلت تعيط هي وزينه كأن روحهم رجعتلهم اما عيطوني معاهم
لما بتنهيده ربنا يرجعهولهم بالسلامه وشالت منها عمر وهما ماشين ناحيه الباب وتابعت بحب بس بس ياروحي في ايه يقلب خالتو من جوه انت وباست خده
هناء بصتلها وابتسمت بحزن صعبانه عليها لانها كان مفروض تكون مستقره مع جوزها ووارد جدا كان زمانها خلفت فتنهدت بحزن وسكتت ونزلوا
-
عند رفيده كانت قاعده بتأكل يزن والباب اتفتح وعصام دخل وعينيه حمرا وهدومه متبهدله لانه كان قاعد على الارض
رفيده بصتله بصدمه وتابعت ايه ده مالك يعصاام كنت فين!!
عصام تنهد بضيق وتابع العربيه عطلت ونزلت ازقها وبهدلتني محصلش حاجه ورايح يدخل الاوضه فتابعت عصاام
عصام لفلها وتابع خير
رفيده قامت وراحت وقفت قدامه وتابعت بابتسامه ممكن تاخدني معاك فرح علي؟
عصام بتنهيده ريحي دماغك يارفيده انا مش غاير فـ ولا هشوفها ولا هتشوفني فكك بقى من جو الحرس اللي كنتي عايزة تيجي تعمليه ده
رفيده بذهول ومش رايح ليه مش فاهمه؟
عصام مسح بايديه على وشه وتابع بتنهيده متخانق انا وعلي يارفيده استريحتي؟
رفيده باستغراب وايه الجديد؟ مانتوا علطول بينكوا مصانع الحداد وبتروحله كل حاجه حصل ايه يعني
عصام بعصبيه بقولك اييه انا مش طايق نفسي وجايب اخرري سيبيني في حالي
ورايح يدخل الاوضه فمسكت ايديه وبصتله بقهر والدموع متجمعه في عينيها وتابعت نفسي اعرف هي عملت ايه انا معرفتش اعمله علشان تتعب بعدها اوي كده؟ ايه اللي هي قدمته يعني؟!!
عصام بوجع قلبها يارفيده .. قدمتلي قلبها بصدق من غير ماتطلب مني اكون شخص مثالي او اتغير ..إيلين حبتني وانا مجرم ووانا وحش ووانا قاسي وصعب ..حبتني في اسوء حالاتي وشافت الحلو اللي جوايا اللي انا نفسي مكنتش عارف اشوفه فاهي تستاهل ابكي عليها عمري كله .. حتى لو وجعتني واتصرفت بتهور في الاخر انما انتي عمرك ماعرفتي تقدمي ربع اللي هي قدمته انا كنت بنسبالك فيزا ومكانه اجتماعيه مس اكتر
رفيده بدموع وقهر اممم طلعت انا الوحشه في الاخر رغم حيالي عليك سنتين ان علاقتنا تتحسن بس وماله يسيدي انا اللي وحشه واستاهل ..بس لو انا وحشه اوي كده هي مش وحشه علشان حبيتك ولفت عليك رغم انك متجوز؟؟ ولا انت مقولتش كده علشان ده كلام ميتقالش ؟
عصام بعصبيه احترمي نفسك وانتي بتتكلمي عنها علشان مزعلكيش ..إيلين حبتني اه بس ملفتش علياا ولا حاولت تلفت نظري وانا مش عيل برياله علشان ابصلها حتى لو عملت كده ..انا اترمى قدامي حريم اشكال والوان ومتهزتش وانتي عارفه كده كويس بس لما طلقتك صارحتها بحبي ليها فقالتلي ان هي كمان بتحبني انما هي عمرهاا مافكرت تاخد مكانك او حتى تبقى ضرتك
رفيده بقهر ودموع هي خدت مكاني مش لسه هتاخده يعصام ..انا ساعات بسرح وافتكر ايام زمان مبستوعبش ازاي قدرت تكون بالقسوه دي كلها تجاه رفيده
عصام بوجع انا مبقتش عصام اللي انتي عرفتيه يارفيده ..انا بقيت نسخه اسوء بكتير واحلى نسخه مني راحت مع إيلين فخلينا نلعب على المكشوف ونقول الحقيقيه انا عمري ما حبيتك بجد ولا انتي كمان حبتيني بجد فخلينا عايشين في هدوء علشان خاطر يزن ميتعبش وسطنا
رفيده بوجع ودموع اتكلم عن نفسك ..انا عن نفسي عارفه اني حبيتك بجد ومحبتش حد غيرك يعصام
عصام تنهد بعمق وتابع والله انتي حره انا حقيقي مش قادر اتناقش ودخل الاوضه ورزع الباب فاتنفضت ودموعها نزلت وراحت ليزن وقعدت جنبه تأكله وهي دموعها بتغلبها وبتمسحها
-
في بيت علي
رانيا واسراء قاعدين بيتكلموا على الفرح واسراء بتوري الدريس اللي اشترته لامها
رانيا باعجاب جميل اوي يابت يا اسراء
اسراء بضحك حبيبه قلبي والله
رانيا بضحك وحب : عقبال فرحتي بيكي انتي والواد حسن ياارب ينورعيني
اسراء بحماس وفرح يااه ياست الكل ده ياارب يسمع من بوقك ربنا والله
ولقيوا علي فتح الباب وسابه ودخل وتابع السلام عليكم ودخل على اوضته علطول ورزع الباب
رانيا باستغراب وعليكم السلام ماله ده؟!
اسراء بصدمه مش عارفه لا متقوليش عيني رشقت واتخانق هو وحبيبه!!
رانيا بذهول انا اعرف ياختي!! روحي شوفي اخوكي يا اسراء
اسراء بضحك اروح اشوف مين؟ انتي بتهزري ولا ايه؟! انتي مش شايفه وشه مقلوب ازاي ؟! عايزااني انا ادخله وهو قالب بوزه بالشكل ده ليه اتجننت ولا مستغنيه عن عمري!!
رانيا بضحك يابت قومي لاخوكي يمكن يحكيلك
اسراء بضحك الله ماتقومي انتي مثلاا بدل مانتي عماله تشجعيني
رانيا بضحك انا لو عليا عادي بس انتوا شباب زي بعض كده فيمكن يفضفضلك قومي لاخوكي حبيبك يلا
اسراء بضحك قال اخويا قال وربنا مايحصل ينهار ازرق على شكله وهو داخل ولا اللي عندنا عزاا ده منظر عريس ده!! ولا اتعدى من تقل دم الظباط بالسرعه دي
رانيا فضلت تضحك فدخلت حبيبه وتابعت بتنهيده مساء الخير
رانيا بصتلها وتابعت بحب مساء النور ينن عيني ادخلي
اسراء بلهفه في ايه يحبيبه علي متخانق معاكي صح؟
حبيبه بتوتر اه يعني ..اختلفنا على الفستان شويه فزعل مني
رانيا بتنهيده طب وليه يابنتي مانتي عارفاه وعارفه طبعه ليه النكد ده وفرحكم كلها ايام
حبيبه بتوتر مانا جبت اللي عجبه في الاخر والله بس لسه مقموص هراضيه دلوقتي والله عن اذنكم وسابتهم ودخلت لعلي كان واقف بيفتح زراير قميصه علشان يغير فاستغرب من فتحه الباب ولف لقاها هي فاداها ضهره تاني
حبيبه بحزن اعدل وشك يعلي وكفاياك امك واختك ملاحظين
علي بضيق سبيني لوحدي شويه يحبيبه وقلع القميص وجاب تيشرت بيتي يلبسه
حبيبه بوجع من امتي سيبتك لوحدك في اي حاجه مزعلاك
علي بعصبيه يحبيبه مش عايز اتكلم يحبيبه ابوس ايديكي سيبيني لوحدي ومسك البرفيوم بتاعه يرش
حبيبه بلعت ريقها بتوتر وتابعت طب انا اتصلت برفيده دلوقتي وعزمتها وقولتلها تيجي وهي وعصام
علي اتصدم بشده وتابع عملتي ايه؟
حبيبه بتوتر دي مهما كان سلفتي يعلي ولازم ننهي خلافتنا فحسيت ان الفرح خطوه مهمه
علي رمى البرفيوم بعصبيه كسره فحبيبه اتخضت فمسك دراعها وتابع بعصبيه شديده:انتي ايه اللي عملتيه دده انتي اتجننتي؟!! سلفتك اييه وزفت اييه على دمااغك دي طليقه جوزكك وشوفناا منهاا بما في الكفاايه وانا مش متقبل جوزهاا علشان اتقبلهاا اصلاا فتقومي تعزميلي الاتنين وانا قايل ميجيش؟!! انتي بتكسرري كلاامي يحبيبه؟!!
حبيبه كانت مرعوبه منه بس بينت العكس وتابعت بحده ودموع متقولش طليقه جوزي دي علشان اقسم بالله يعلي انا..
علي قاطعها بعصبيه وتابع هتعمليي اييه مش فااهم؟! ومسك فكها وتابع بعصبيه شديده هتضربيني قلمين ولا اييه؟؟ ماهي فعلا طليقتي وبنت ستين كلب ومتتعاشرش وجوزها اوسخ منهاا وانا ولا طايقها ولا طاايقه فمين دول علشان تعزميهم وتكسري كلمتي مش فااهم؟؟
حبيبه دموعها نزلت وزقت ايديه وتابعت بعصبيه ودموع انا عملت كده علشانك علشان احسن علاقتك باخوك ومراته وقولت انك هتبصلهاا بنظره انها ام يزن ومرات عصام مش اكتر انما انت اللي لسه مش عايز تنسى المااضي يعلي
علي ابتسم بسخريه وتابع ده اللي طلع معاكي في الاخر؟ اني مش عايز انسى الماضي؟ واتعصب اكتر وتابع انما طبيعي اخطب واحده سنتين واتجوزها ويجي ابن خالتها البلطجي يفتري عليا ويظلمني وتطلع زباله زيه فياخدها مني بعدين اكتشف انه اخوياا واللي كانت مراتي بقيت مرات اخوياا ومفروض اتقبلها واتقبله وابصلهم بنظره اخ ومرات اخ عاادي بسهوله وببساطه من غير ما يجي في بالي كل الاحداث دي لما اشوفهم انتي اتهبلتي مش كدده؟!!
حبيبه اتوجعت من كلامه ودموعها نزلت هي عارفه انه بيتكلم صح وصعب جدا يتعامل مع رفيده وعصام طبيعي وخاصه رفيده عمره ماهيشوفها زي اخته ومرات اخوه ويتعاملوا بمحبه وود وهيفضل بينه وبينها سور بس متخيلتش ان الكلام عن ماضيه ممكن يوجعها بالشكل ده فتنهدت وتابعت لا عندك حق وانا اللي غلطانه بس فكرت اني زي ماقدرت ابص لعصام انه اخو جوزي بعد ما كان عدوي فانت كمان تقدر تبص لمراته كده
علي بعصبيه دي مش زي دي يحبيبهه مينفعش اسيب واحده واخويا يروح يتجوزهاا ..مينفعش ومبتحصلش بس للاسف اكتشفنا متأخر اننا زفت اخوات وده كان حصل بس انا مش مضطر اتعامل معاهم عاادي حتى لو هي متفرقليش ..الموقف مقرف وحساس وحاجه زي الزفت ولو شوفتها هي او عصام جم هنكد عليكي حقيقي ومش هيهمني انه فرحك
رانيا واسراء خبطوا ودخلوا وكانوا سمعوا اخر كلامه فتابعت رانيا بقلق بس بس مالكم في ايه صوتكم جايب اخر الدنيا ليه وماله عصام فيها ايه لما يجي الفرح يعلي؟
علي بص لحبيبه بحده وتابع جاوبيها يلا قوليلها انا مش عايز عصام يجي فرحنا ليه
اسراء ورانيا استغربوا فتابعت حبيبه بدموع وتوتر مالوش لزوم الكلام ده يعلي
علي بعصبيه مالوش لزوم مين هو انتي فكرك اني هسمحله يدخل البيت تاني اصلا؟!
رانيا بعصبيه وميدخلش ليه ان شاء الله؟! بيت ابوه زي ماهو بيت ابوك ويجي ويدخل برااحته انت مالكش حق انك تمنعه ده بيتي اناا بعد قاسم وانا اللي اقول مين يجي ومين ميجيش
علي بعصبيه متقوليش بيت ابووه ..علشان ده ولا شبهي ولا شبه ابوه ولا ينفع يبقي مننا اصلا ده تربيه خواجات مش شبهنا ولا ينفع يعيش وسطنا
اسراء بحزن عملك ايه عصام يعلي
علي بعصبيه هو بيعمل ايه غير ياذيني ويكسر ضهري يا اسرااء؟! بيعمل ايه غير انه يتفنن فـ ازاي يحطني في مصيبه؟؟ عيل وسخ ومتدلع ومتربااش ومطلعش عين اهله ولا اتعود يشيل مسئوليه واتعصب اكتر وتابع وجااي بعد كل ده بعد ماضيعت عمري عليكم ياخد حبكم وحنيتكم على الجاهز ويطلعني انا اللي ابن ستين كلب وهو اللي زبااله اصلا وسواء انتوا ولا حبيبه اللي هيفضل ليه علاقه بعصام هيخسرني وبص لحبيبه وتابع بعصبيه ومش هسكتلك على عزومتك ليه هو ورفيده بس الصبر مش هنكد عليكي الايام دي
حبيبه خافت وبصت للارض ودموعها نزلت ورانيا بصتله وتابعت بعصبيه عملك ايه لكل ده هاا انت علطول كده ظالمه وعمرك مافكرت تحن عليه
علي بصلها بذهول وتابع بعصبيه هو انتي للدرجه دي بتحبيه؟!! وصلت بيكي كل شويه تهاجميني علشانه؟؟ كأن هو اللي ابنك مش كده؟!! ليه هو انا امتى كنت قاسي او ظالم علشان كلامك ده يااماا؟؟ كأنك عاارفه الوسخ ده كويس وعلي ابنك اللي ربيتيه بايديكي لاا ..هو ميعملش حااجه انما انا ااه عادي اظلمه تطلع مني مش كده؟؟
رانيا بدموع مقولتش كده ومقدرش اقول كده ده انت مفيش احن منك عليا انا واخواتك بس الا عصام يعلي جواك جحود ناحيه اخوك كانه عدوك
علي بعصبيه علشان هو فعلاا عدوي وانا الوحيد اللي عرفت اقراه صح فيكم والبيه اللي بتدافعي عنه ده مكافهوش قايمه الإجرام اللي عملها واغلاطه الكتير في حقي زمان فقال يكملها ويغلط في حقي وحق نفسه تاني دلوقتي ويبقى مدمن مخدراات
رانيا واسراء اتصدموا بشده وشهقوا بصدمه فتابعت رانيا بصدمه ودموع اييه مخدراات؟!!
اسراء بصدمه لا يعلي لاا انت اكيد فهمت غلط او حد قال معلومه مغلوطه عنه
علي بعصبيه انا ولا فهمت غلط ولا حد قالي حاجه انا شوفت المخدارت في عربيته بعيني الاتنين وضربته بالقلم وبهدلت بكرامه اهله الارض ومفتحش بوقه قصاادي بس خلااص هو كده جاب اخرره معاياا فمن انهارده واللحظه دي تحديدا عصام مش هيعتب بيت الجارحي تاني وياناا ياهوو وليكم حريه الاختيار