رواية لنا موعد اخر الفصل السادس والستون66 بقلم لولا
وفي نفس اللحظه جات مسدج على فون وسام من ادهم "وسام الحق الموقف واتصرف وخليهم يقولوا اي سبب انا مش هعرف اجي الفرح"
وسام اتصدم بشده من المسدج وخرج برا الاوضه وهو بيرفع فونه على ودنه علشان يرن عليه بس لقى فونه مغلق فنفخ بعصبيه وتابع ايه الجنان ده!! اتجننت يا ادهم على الصبح ولا ايه!! هو ايه اللي مش هتعرف تيجي ده!!
كريم خرج وتابع بحده يا وسام فينه ابن عمك مينفعش كده في ام معاد سيشن فات بقاله ساعه غير القاعه هنتأخر كده
وسام بتوتر معرفش يكريم ومسح بايديه على وشه وتابع معرفش انا حتى برن عليه جالي انه مغلق
كريم بحده انا جالي جرس من دققتين بس اتقفل تاني مش معقول اسلوبه ده بجد مش كده ده يوم فرحه يعني
مالك خرج وتابع بتنهيده اهدى يكريم الغايب حجته معاه اكيد راح يعمل حاجه وجاي
حسن جيه من برا وتابع باستغراب مالكم واقفين قدام الاوضه كده ليه وفينه ادهم الفوتجرافر بعتني استعجله علشان عنده مواعيد تانيه
كريم ضرب كف في كف وتابع بعصبيه مش عارفين فينه زفت هي ليله بينها سوداا من اولها
فارس بتنهيده يكريم اهدى متوترناش هيكون راح فين يعني ربع ساعه وهتلاقيه هنا ويتصوروا زي مايتصوروا كام صوره وخلاص متنكدش اومال اختك تعمل ايه زمنها متوتره اوي
كريم بعصبيه يفارس قايله رايح فين روح هات البت خلصت ومستنياك جاي جاي ومشي ومعبرنيش وفات ساعه مينفعش كده ده مش اسلوب
وسام كان واقف بياخد نفسه بتوتر شديد ومش عارف يقولهم ايه ونفسه يمسك ادهم يضربه من فرط عصبيته منه
فارس بتنهيده معلش اهدى بس هتلاقيه جاي والله اصل هيروح فين يعني
مالك بتنهيده كلمه بالله عليك يوسام
وسام انتبه لمالك وتابع هاا ..اه مانا بكلمه اهو والله بس مش بيرد مقفول
حسن بتنهيده طب مقالكش ممكن يكون راح فين؟
وسام بتوتر لالا خالص بس خير باذن الله واتقدم لقدام وهو بيحاول يتصل بادهم ومتعصب جدا من فرط المصيبه اللي محطوط فيها كونه ابن عمو
--
عند لميا كانت قاعده على السرير متوتره اوي والبنات حواليها بيهدوها
اسيا بحب يابت فكي بقى وبطلي كأبه الله ده انهارده فرحك
لميا بضيق ادهم اتأخر اوي يا اسيا ده الواحده اليوم ده بتبقى متوتره لوحدها وخايفه حاجه متظبطش وهو بسم الله ما شاء الله بوظلي اليوم من اوله
سلمى بحب يحبيبتي الغايب حجته معاه اهدي بس المهم يومكم يتم بخير الصور والكلام ده يتعوض انا ومالك بردو متصورناش كتير بس صدقيني ذكريات اليوم ده مش قادرين ننساها
هناء حضنتها وباست راسها بعمق وتابعت اهدي حقك عليا متوتريش نفسك بقى يا لميا قومي اتصوري واتبسطي بشكلك لحد مايجي البيه وبعدين مش هقولك تعاقبيه ازاي انتي فهمتي لوحدك وغمزتلها فكلهم فضلوا يضحكوا
لميا ابتسمت بغُلب وتابعت اقسم بالله لتبقى ليله سودا على دماغه بس يجي بس
نيره بضحك ده كويس كاتبين الكتاب ده باارد تخيلي لو لسه هنكتب ازاي فين الوقت اصلا
هناء بحب اه والله على رايك
اسراء بصت على البلكونه لقيت حبيبه واقفه جاهزه لابسه دريس تلت كم احمر وواصل لبعد ركبتها وضيق على الصدر وواسع لتحت وشعرها مفرود مموج وساكته ومش بتتكلم معاهم فتابعت هي مالها حبيبه؟
اسيا بتنهيده بذمتك ده سؤال؟
سلمى بحب هقوملها انا المايعه دي عندنا فرح دلوقتي مفروض تفرفش
نيره بابتسامه تفرفش في غياب علي؟ بتحلمي والله
اسيا تنهدت بحزن وتابعت والله ليها حق حاسه كأن ناقصنا حاجه
لميا بحزن صدقيني حاولت أجل الفرح بس شغل ادهم اجبرنا
اسيا بابتسامه عارفه يحبيبتي والله والمهم فرحتك تتم بخير وعلي يجيلك في بيتك تتعوض
لميا بحب يارب اللهم امين
فقامت سلمى دخلت لحبيبه البلكونه وحطت ايديها على كتفها وتابعت بابتسامه برنسيسه العيله واقفه لوحدها ليه
حبيبه بصتلها بابتسامه وتابعت شخص واحد بس اللي غايب ..انا ليه حاسه الدنيا فاضيه؟
سلمى بابتسامه لان علي بنسبالك هو الدنيا كلها وانا فهماكي على فكره وحاسه بيكي وفاهمه يعني ايه تيجي مناسبه وتلبسي وتجهزي ومتلاقيهوش اول واحد يعلق ويرخم على كل حاجه بعدين يغازلك ويقولك كنت بنكشك يعمري زي كل مره بس انا وانتي على قد ما موجعين من بعده بس فرحانين بيه وهنبقى فخورين اكتر لما نشوفه حقق حلمه مش كده؟
حبيبه بوجع اكيد بس مش متعوده يسلمى ودموعها نزلت وتابعت سلمى انا من ساعه ماتولدت وهو قدامي كل يوم ده انا مستحملتش فتره النيابه والقرف اللي كنا فيه عايزاني استحمل سنتين بشوفه كل فين وفين؟! وعيطت وتابعت ازاي طيب فهميني
سلمى بحزن صعبه مانا عارفه بس صدقيني فتره وهتعدي حقك عليا انا اهدي وخدتها في حضنها
حبيبه بعياط معداش الا يوم ووحشني اوي ..اول مره تحصل اني مشفهوش يوم كامل ولا اسمع حتى صوته ..صعبه اوي بجد
سلمى بحزن مش سامحين بالفون حتى خمس دقايق؟
حبيبه بعياط ولا دقيقه حتى اومال انا هتجنن ليه
سلمى تنهدت بحزن وتابعت حقك عليا والله اهدي طيب وفضلت تطبطب عليها
-
عند رفيده كانت قاعده هي وهند في الصالون والشاشه شغاله
هند بتنهيده وصحيح عملتي ايه امبارح عند الدكتوره طمنيني؟
رفيده بصتلها وتابعت عادي ولا حاجه البيبي زي الفل والنبض شغال والامور تمام نحمد ربنا
هند باستغراب مالك يا رفيده فيكي ايه؟
رفيده بتنهيده مفيش حاجه يخالتي
هند بحده ليه هو انا مش عارفاكي؟ ماتنطقي وتقولي مالك يابت؟ عصام مزعلك؟؟
رفيده ابتسمت بسخريه وهي باصه للشاشه وتابعت وهو عصام بيعمل حاجه غير يزعلني وينكد عليا؟؟
هند بصدمه مهديش خالص من ناحيتك ؟
رفيده وهي باصه للشاشه تابعت بلا مبالاه: تؤ ولا الهوا
هند بحده انتي يابت سيبي الخرا اللي مركزه معاه ده وكلميني زي مابكلمك الله ومسكت الريموت طفت الشاشه
رفيده تنهدت بعمق وبصتلها وتابعت نعم يخالتي؟ خير؟
هند بحده ايه يابت اسلوبك ده هو انا بشحت منك؟؟ انا عامله عليكي عايزاكي تخرجي اللي جواكي
رفيده ابتسمت بوجع وتابعت وبعد ما اخرج .. هستفيد ايه غير هصحي الوجع وافضل اعيط ونفسيتي تتعب اكتر ماهي تعباني؟
هند بتساؤل: هو مبيلمسكيش يا رفيده؟
رفيده ضحكت وتابعت يخالتي بقولك ولا الهواا ..ولا الهواا يلمسني ايه بقى قلبك ابيض
هند بصدمه عصام ازاي قسي ناحيتك اوي كده؟ انا قولت اسبوع والتاني وهيحن انما ده فات 3 شهور ..3 شهور بينام جنبك مضعفش مره؟؟ ليه مبقاش يحس؟؟
رفيده ابتسمت بوجع وتابعت تؤ مبقاش يحبني ..مش مبقاش يحس
هند بحده ياختي يعني هي بالحب بلا نيله الرجاله مش زيناا لازم الحب في الكلام ده ..الرجاله بتمشي ورا رغباتها مع اي حد وخلاص
رفيده بتنهيده اه بس كان زمان عصام حاليا مش طايقني بيعمل كده برا ولالا بقى انا مضمنش اصل مش طبيعي راجل متجوز يفضل 3 شهور ميلمسش مراته
هند بحده لالا عصام اتشقلب حاله اه بس مبيعملش كده يا رفيده مستحيل هو انا اللي هعرفك بيه ولا ايه
رفيده بوجع انا مبقتش عارفاه يخالتي ..عصام بقى واحد غير اللي حبيته ومش شبه في اي حاجه وانا خلاص مش هاجي على نفسي تاني وهبطل اتحايل عليه تعبت من الذل والاهانه انا هعيش لنفسي ولابني وينعل ابوه الحب لو هيهين الواحده بالشكل ده
هند بوجع ولما شاف ابنه في السونار مضعفش؟
رفيده ابتسمت والدموع في عينيها وتابعت لا فرح وشوفت في عينيه ابتسامه يمكن كنت قربت انساها وفضل زي العيل الصغير الفرحان باللعبه يوم العيد ومنكرش اني فرحت لما شوفت فرحته دي بس لما طلعنا ورجع لمعاملته الصعبه فهمت اني بنسباله رحم ..حاضنه شايله ابنه لحد مايجي بالسلامه وممكن يخاف عليا علشان حامل ويفضل يهتم بأكلي لحد ما اولد انما انا كرفيده ماليش قيمه عنده من غير الحمل.. عصام محبنيش يا خالتي ..عصام كان متعلق بيا انما اللي بيحب مش هيقسى بالشكل ده
هند بوجع روح ربنا يسامحك يا ابني والله اهدي يابنتي اهدي حقك عليا مسيره هيحن عليكي بكره يجي ابنك ويقربكم لبعض اكتر ويحل كل اللي بينكم
رفيده بقهر ودموع مش لو كان معايا في الولاده؟؟ ده كام يوم ومسافر علشان شغله المتعطل في امريكا ويقولي مش عارف هرجع امتى واقعدي مع امي
هند بحزن عارفه وهو مضطر والله بس هنزلهولك مصر كل شويه متدخليش انتي
رفيده بدموع ووجع كبري دماغك يخالتي كبري دماغك وجوده من عدمه صدقيني مش هيفرق احنا خلاص علاقتنا ادمرت وده مبقاش جواز وانا خلاص تعبت ومش هحااول تاني وقولتله مش هسامحك انت واهلي لانكم السبب في تشويه شخصيتي وحتى لما حاولت اتغير وابقى انسانه جديده واعيش خدامه تحت رجليه وهبقى راضيه ..رفض وذلني وعاملني اسوء من الخدامين وانا استاهل علشان قللت من نفسي قدامه من الاول لما اترجيته اوي كده وقولتله احبسني وخد الفون واعمل واعمل بس هو مفرقلوش فميجيش يلوم على اي وحااشه هتحصل مني بعد كده بقى لان انا هعيش لنفسي ولابني وبس وهدوس على الكل حتى لو عليه هو شخصياا ومش هحط حد فوق رفيده ابدا يخالتي ..هخلي رفيده اول واهم حاجه ومش هحب حد اكتر منها لان محدش يستاهل .. كفايه ..كفايه ذل وبهدله بقى ماهو ياما غلط زيي وحاول يقتل اخوه مش حد غريب بس كل حاجه حلال ليه وحرام لياا مع ان الفرق بيني وبينه انه لقى اللي يسامحه ويقبله ويساعده يتغير وانا ملقتش ..انا اتداس عليا وبالجامد اوي فخلاص اللي جاي ليا انا وبس
هند بوجع حقك .. والله ما عارفه اغلطك في كلمه مش كده بردو ده ربنا بيسامح هو زودها في حقك اوي طب حتى كان يعمل حساب للعيل اللي جاي
رفيده بصت لصوره فرحهم المتعلقه على الحيطه والدموع متجمعه في عينيها وحالفه ماتنزلها وتابعت بقهر براحته يخالتي براحته على الاخر
وهند فضلت تطبطب عليها وتهون عنها وبعد شويه نزلت ورفيده فضلت واقفه في المطبخ بتحضر للاكل اللي هتعمله على الغدا ولقيت الباب بيتفتح وعصام بيدخل فمدتهوش اهتمام وكملت اللي هي بتعمله فاهو حط المفاتيح على السفره وبص عليها لان المطبخ مفتوح على الصالون لقاها واقفه بتعمل حاجات فقعد على الكنبه ورجع راسه لورا ورفيده عينيها جات عليه ورجعت تبص للي هي بتعمله تاني
فتابع عصام بتنهيده عايز كوبايه قهوه يا رفيده
رفيده : طيب وسابت الخضار اللي بتقطه ومسكت الكنكه تعمل قهوه وحست انها عايزه تستفرغ فجريت على الحمام وفضلت تستفرغ فعصام اتخض وقام بسرعه ودخل وراها وتابع بخوف مالك في ايه؟؟!
رفيده كانت عماله تستفرغ ومتألمه لانها يعتبر مفطرتش كويس وبطنها فاضيه فعصام رجع شعرها لورا وسندها وفضل يطبطب على ضهرها فخلصت وشغلت الحنفيه تغسل وشها وهي بتنهج من التعب فعصام شد الفوطه ينشف وشها وتابع بس اهدي سلامتك
رفيده مسكت منه الفوطه وتابعت شكرا متتعبش نفسك وطلعت من حضنه اللي ساندها فيه وخرجت من الحمام
عصام خرج وراها وتابع بحده انتي ايه اسلوبك ده انا بهتم بيكي علشان ابني مش اكتر
رفيده حطت الفوطه على الكنبه وبصت لفونه المفتوح بسخريه وعليه صوره لإيلين ومراد من انستا وبصتله وتابعت لا مانا عارفه يحبيبي بس انا مش مستنيه منك اهتمام انا عارفه هحافظ على اللي في بطني ازاي من غير اهتمامك علشان ادركت قيمه نفسي واستكترها على اي حد مش مقدرهاا ..عقبالك انت كمان لما تقدر قيمه نفسك وتبطل تجري ورا حد باعك وتدخل على اكونت خطيب إيلين وتشوفهم وهما مع بعض وتفوق لنفسك شويه يا عصام بيه
عصام بعصبيه انتي ازاي تسمحي لنفسك تكلميني كده انتي اتجننتي؟؟
رفيده بحده قصدك عقلت وخد بالك انا هفضل على ذمتك لاجل ابني وبس وعلشان يبقى دايما بينا انما لو حسيت ان طاقتي خلصت هضمن حقي وحق ابني وهتطلق وتولع الدنياا كلهاا واتجهت انها تروح اوضتها وتابعت واعمل قهوتك لنفسك انا مش خدامه عندك وقفلت الباب برزع
عصام بعصبيه وغل اه يابنت الكلب انتي ..ماشي يارفيده حسابك معايا بعدين
--
عند لميا كانت واقفه متوتره جدا فات ساعتين على غياب ادهم والساعه بقيت 4 العصر ومعادهم فات بقاله ساعتين
لميا بدموع وتوتر لالا انا مبقتش مطمنه كده كتير حرام عليك يا ادهم والله
هناء وهي رافعه الفون على ودنها تكلمه تابعت بتوتر يابت اهدي بقى ومتوتريناش بكلمه اهو خير ان شاء الله الفون هيتفتح
اسراء باستغراب غريبه بجد ايه اللي ممكن يكون اخره اوي كده يوم فرحه في ايه مهم اكتر من فرحه مش فاهمه؟
سلمى بصتلها بحده وتابعت بنهدي النفوس احنا ياختي هاا
اسراء بضيق لا اصل الوضع مستفز اوي بجد ده كفايه عياطها وتوترها ووقت السيشن اللي هيخلص خلاص
لميا فضلت تعيط فتابعت نيره بحده يابنتي اخرسي يخربيتك مش كده وحضنت لميا وفضلت تطبطب عليها
اسراء رايحه تتكلم فلقيوا كريم بيفتح الباب وهو متعصب والرجاله داخلين وراه بيهدوه وتابع بعصبيه لمياا يلاا مفيهاش جوااز ويبقي يجي يحط عينيه في عيني ويقولي مراتي وعايزهاا وانا اقسمه نصيين
لميا اتصدمت بشده والبنات زيها فتابعت هناء بخوف انت بتقول ايه يكريم اهدى بس في ايه لكل ده
كريم بعصبيه اهدي ايه وزفت ايه ده البيه باعت لابن عمو مش هقدر اجي وقولهم يتصرفوا ويقولوا اي حاجه
فكلهم شهقوا بصدمه ولميا حست ان قلبها اتقسم نصين والدموع نزلت من عينيها وهي ساكته ومصدومه من اللي سمعته فتابعت اسيا بحده مش هيقدر يجي ايه هو احنا بنعزمه على عيد ميلاد؟!! ده فرحه والناس كلهاا جايه القاعه كمان ساعتين
فارس بحده اسياا
اسيا بصتله وتابعت نعم يفارس
فارس بعصبيه صوتك مسمعوش الوضع مش مستحمل كلامك نهاائي
اسيا بحده اصل ايه الاستعباط ده يفارس ميجيش ازاي يعني لا فهمني يعني ايه عريس ميجيش لعروسته وهي بفستانها ويقول اتصرفواا
فارس بعصبيه انتي سمعتي قولت ايه ولا عايزه يتقل منك قدامهم؟؟
اسيا سابتهم ودخلت البلكونه وهي بتعيط
فتابع كريم بعصبيه انت بتزعقلها ليه ماهي عندهاا حق
فارس بتنهيده ايا كان يكريم مينفعش تسخن الدنيا اكتر تسكت وتحط لسانها جوه بوقها
كريم بعصبيه وهي اسيا بس اللي هتتكلم؟؟ ده لا هي اول ولا اخر واحده هتتكلم .. دي فضيحه وسيرتنا هتبقى على كل لساان بسبب البيه اللي وافقت يتجوز اختي من غير خطوبه وعملت خاطر لوسام وانه ابن عمو وقولت معلش مانا مديهم الاولانيه التانيه هتقل غلاوه عنها في ايه بس لا انا كنت غلطان وابن ستين كلب ومبتعلمش
هناء بصدمه ايه الكلام ده وراحت لوسام وتابعت بخوف حبيبي شوف ادهم ابوس ايدك مينفعش ميجيش هو اتجنن؟؟ يرضاها لزينه يعني؟؟
وسام كان باصص للارض وتابع بوجع بكلمه مقفول يهناء صدقيني انا مش عارف حاجه ومصدوم زيي زيكم واكتر ..ادهم كان طول الليل بيكلمني وفرحان مش قادر افهم ايه اللي حصل
مالك بحيره مش معقول اللي بيحصل ده والله وتنهد وتابع طب والعمل لازم نفكر هنعمل ايه مع الناس
سلمى بحده ودموع هنعمل ايه في ايه يا مالك؟؟ هو في ايه يتقال في موقف زي ده؟؟ انا عمري ماشوفت ..
فمالك قاطعها لما شاور على بوقه بمعنى تسكت فنفخت بعمق وهي بتعيط وسكتت
كريم بحده انا هقولك هنعمل ايه.. هاخد اختي وامشي وهقول للمعازيم اتفاقي كان مع حُرمه مش راجل وانا مش هجوز اختي لحُرمه زيهاا وشكراا على كده
حسن بحده غلط يكرريم غلط اللي انت بتقولوا ده مينفعش يعني انت 3 شهور مطلعتش عليه غلطه جاي تكتشف انه وحش انهارده ؟! واختك بفستانهاا؟ هو ده العقل يعني؟؟
كريم بعصبيه اومال عايزني اعمل ايه يا حسن عايزني اعمل ايه في موقف زي ده انا مستحيل اخليها تكمل معااه ولو شوفته قدامي هقسمه نصين
لميا كانت قاعده على السرير عينيها حتى مش بترمش وسرحانه والدموع متجمعه في عينيها ومقهوره اوي فتابع مالك بتنهيده كريم اعقل ابوس ايدك حسن بيتكلم صح هو اللي واضح للناس دلوقتي ان اختك جهزت ونزلوا ستوريهات وباين جدا ان الدنيا ماشيه تمام لما حضرتك تاخدها وتمشي والباشا طلع من الفندق قدام الكل عادي ايه اللي هيتقال بذمتك غير انه عرف عليها حاجه لدرجه مقدرش يكمل اليوم وسابها بفستانها؟ فاعقل كده واحسبها صح اختك جهزت وعريسها مش موجود يعني اي حاجه هتحصل دلوقتي هتبقى ضدنا فلازم نفكر بالعقل
سلمى بذهول انا مصدومه ومش عارفه استوعب والله
نيره بحده جماعه اكيد في حاجه غلط ازاي مش جاي يعني مستحيل ايه الهبل ده
حبيبه بصت لي لميا اللي القهر باين على ملامحها ومخليها ساكته من فرط صدمتها حتى مش قادره تتكلم فتابعت بدموع جماعه ممكن كفايه ارجوكم قدروا مشاعر لميا مش كده
كريم بص لاخته مقهور عليها وتابع قومي غيري هدومك ويلا ويحصل زي مايحصل
فارس بحده يا ابني مش هينفع بقى متشنفش دمااغك وايه هيتقال عليها وهي بترجع بيت ابوها يوم فرحها يعني
كريم بعصبيه ليه هو فين فرحهاا ده اصلاا ده انا لولا كتب الكتاب اللي قاطم ضهرري ده وانه خلاص اتنيل اتجوزها كنت خدت اختي ومشيت ومستنش اشوف وشه اصلاا
مالك بتنهيده اهدى طيب فاهمك وحاسس بيك والله بس لازم نفكر بحكمه يكريم ولما يجي يسيدي ولع في اهله
حسن بحده بالظبط كده وقوله يطلقها ده واد ابن ستين كلب ومحدش هيغلطك
فارس بحده طب سيبوا خراب البيوت اللي بتفكروا فيه ده وفكروا هنعمل ايه دلوقتيي في الفرح والناس اللي جايين دي
لميا قامت وقفت بقهر وتابعت والدموع متجمعه في عينيها: هنقول قريب العريس في دبي توفى واضطر يروحله علشان الاجرائات والفرح مش هيتم وهنكتفي بكتب الكتاب
كل البنات بصولها مقهورين من انها بتتصنع القوه فتابع حسن بتنهيده دي فكره كويسه اوي فعلا اعملوا كده
كريم بحده وبعدهاا ماهي هتروح معاياا ايه الحل بردو؟؟
لميا وقفت قدام كريم وتابعت بقهر مش هروح معاك يكريم انا هروح بيتي
كلهم اتصدموا من اجابتها فتابع كريم بعصبيه انتي اتجننتي صح؟؟ بيتك ايه وزفت ايه؟؟ انتي ملكيش عيش مع البني ادم ده لو هتموتي
لميا بابتسامه وقهر صدقني ولا انا بقيت عايزاه ..ادهم مش الشخص اللي انا عايزاه ..ادهم عمل فيا الاوسخ من اللي شوفته من الدنيا كلها عمري كله ..لان شغلي ده علمني دايما احط ايدي على سلاحي وان مفيش حد مضمون ووارد يحصل اي حاجه من اي حد ..بس ادهم انا متوقعتش منه الغدر واديته الامان ورميت سلاحي علشان هو معايا وهيحميني وابتسمت بقهر وتابعت فاستاهل لما اديله ضهري وانا مطمنه يطعني .. انا عمري ماكنت ساذجه كده بس الوحيد اللي بصمت بصوابعي العشره انه غيرهم خلاني اتأكد اني طلعت ساذجه فوق ما اتخيل بس دي مش غلطته دي غلطتي انا
وسام مكنش قادر يرد عليها وكلامهم كلهم صح بس بيوجعوا فطلع وهناء طلعت وراه فتابع كريم :واخرتها يا لميا ؟ عايزه تروحي بيتك ليه؟
لميا بوجع علشان محدش يجيب سيرتك بالوحش ويتقال انه عرف عليا حاجه فهروح بيتي ولما يرجع هقوله هو شهر ويطلقني واجيلك ابوس على راسك واقولك انا اسفه اختارلي انت ومش هقولك عايزه حد تاني
كريم بحده ولو لمسك؟؟
لميا بابتسامه وقهر وغلاوتك عندي ماهيحصل .. لان خلاص الثقه معادتش موجوده بيناا لان اياا كان اللي حصل ايه مستاهلش اتساب علشانه بالشكل ده ليله فرحي وبفستاني فاهو شهر يكريم .. شهر وهجيلك والله
كريم حضنها وباس راسها بعمق ففضلت تعيط مقهوره اوي على نفسها وكلهم باصينلها صعبانه عليهم
وبالفعل بعد شويه الرجاله نزلوا وزاعو الخبر اللي اتفقوا عليه والليله اتلمت قبل ما تبتدي ولميا نزلت وهي بتجر رجليها ومقهوره ودموعها نازله على خدها وملامحه شارده والبنات حواليها باصينلها مقهورين على فرحتها اللي اتكسرت بالشكل ده ومسكت فستانها ترفعه وهي نازله على السلالم وقلبها هيتقهر من الوجع كانت متخيله هيكون واقفلها وكل ده يطلع كابوس بس للاسف كانت اشبه بطفل تايهه من اهله يوم العيد ..كل حاجه حواليها تدعو للفرحه وفي ناس كتير بس قلبها خايف وحزين وتايه ونزلت وطلعت برا الفندق ولقيت باقي العيله واقفين مستنينها فتابعت زينه بعياط ادهم فين يا لمياا؟؟ ايه اللي وسام قالوا ده؟
لميا مردتش وركبت العربيه فتابع وسام بعصبيه هشش انتي مبتفهميش الناس حوالينا فكل مكاان لما نروح ابقي ارغي وبعدين هي ايش عرفهاا مش لما نعرف احنا الاول اركبي يا زينه اركبي وبطلي نوااح
نيره وطت قدام شباك لميا وتابعت بدموع لميا انتي متاكده انك عايزه تروحي بيتك؟
لميا بقهر والدموع متجمعه في عينيها : اه يا نيره ..رغم اني مش طايقه اشوف ادهم وهتطلق بس جوايا اسئله محدش هيجاوب عليها غيره لازم على الاقل اريح عقلي من الصراع اللي عايشه فيه
نيره بدموع ربنا يعوضك ويفرحك يحبيبتي
كريم ركب مكان السواق وتابع بحده مش عايز حد معايا روحهم يمالك انت وحسن وفارس انا هوصلها وجاي علطول
حسن هز راسه بماشي لانه كان واقف جنب كريم وبالفعل كريم مشي بالعربيه وابتسام فضلت تعيط وتابعت اه يقهره قلبي عليكي يابنتي فرحتك اتكسرت
مالك بتنهيده مش وقته ندب يا خاله الله يباركلك الوضع صعب لوحده
هاله بدموع نفسنا مكسوره يا ابني وصعبان علينا البت كانت طايره من فرحتها ليه يجرالها كده ينورعيني وتتقهر وهي لابسه فستانها بالشكل ده
مالك بحزن نصيبها ياخاله محدش بياخد غير نصيبه ربنا يعوضها خير يارب
وعند لميا كانت سانده راسها للشباك ودموعها نازله وهي بتسترجع كل ايامها معاه ومقهوره ومش قادره تسوعب ازاي هانت عليه بالشكل ده ؟ ازاي يكسرها كده؟ ازاي صدقته وحبيته وشافته امانها للدرجه دي؟ وفضلت مع دماغها اللي وجعتها من كتر الاسئله اللي ملهاش اجابه عندها وفاقت بعد شويه على صوت كريم: وصلنا يا لمياا معاكي مفتاح شقتك؟
لميا بتنهيده اه ادهم حطه في الزرعه اللي جنب الباب تعبتك يحبيبي ورايحه تنزل فمسك دراعها وتابع بوجع والدموع في عينيه :لو على سيرتي اللي خايفه تتجاب بالوحش سيبك من الدنيا كلها وتعالي اقعدي في بيت اهلك معززه مكرمه ويخش يولعوا كلهم واللي هيجيب سيرتك بكلمه متعجبنيش هقطعله لسانه
لميا ابتسمت بوجع وتابعت وهتسكت مين ولا مين بقى؟ نسيت حصل ايه ساعه هناء لما لقيوها قلعت الدهب بعد مانادر مجاش كتب الكتاب؟ هفرق ايه عن الموقف ده لو رجعت بيت اهلي بفستاني؟ وتنهدت بقهر وتابعت سيبني يكريم ده كلهم 30 يوم هستحملهم وهتطلق صدقني
كريم بوجع روحي يا لميا بس لما يجي الحيوان ده كلميني لان انا مش هسيب الموضوع يعدي كده لو اطبقت السما على الارض
لميا بوجع حاضر يكريم ونزلت من العربيه وقفلت بابها ومشيت لقدام وكريم باصص عليها مقهور لحد ما اختفت من قدامه وضرب دركسيون عربيته بعصبيه ومشي
وعند لميا طلعت للدور التالت اللي هي ساكنه فيه ووطت جابت المفتاح وفتحت الباب ودخلت وبصت لشقتها بقهر وحسره تخيلت هتيجي معاه بالليل وعينيها فرحانه بكل ركن اختاروا سوا بس بالعكس كل حاجه بقيت حواليها باهته رغم حلاوتها وقفلت الباب وسابت المفتاح وقلعت الهيلز باهمال ومشيت وهي بتجر رجليها لحد ما وصلت لاوضتها وفتحت اتصدمت بالتزيين اللي على السرير وصورهم اللي متعلقه بستان ونازله من الحيط وشكل الاوضه اللي ادهم عملها فحطت ايديها على بوقها وعيطت بانهيار ودخلت فلمحت نفسها في المرايه فاتقهرت اكتر على شكلها اللي دبل وعيونها اللي احمرت وورمت وهي لسه عروسه بفستانها ففضلت تعيط ورمت كل الورد والزينه اللي على السرير بعصبيه بعدين رمت نفسها على السرير ودفنت وشها في المخده وتابعت بانهيار وقهر لييه يا ادهم لييه حرام عليك قلبي هيقف من كتر ما هو واجعني ياارب وفضلت تعيط بهستريه شديده
-
وبعد 45 يوم ادهم مكنش ظهر وكلهم قلقوا واستغربوا جدا ومفيش حاجه اتغيرت في حياتهم غير ان لميا استأذنت كريم وصممت تنزل شغلها وهتمسك قضايا خفيفه وهو وافق علشان تلاهي نفسها وبقيت تشتغل الصبح وتيجي اخر النهار تراعي ام ادهم اللي تعبت جدا من غيابه وقلبها واكلها عليه وحاسه ان جراله حاجه بس لميا بتركن كل وجعها منه وبتفضل تطمنها وتهديها وترعاها وتشوف طلباتها
-
في بيت رانيا كانت قاعده هي وحبيبه بيلفوا محشي
فرانيا بصتلها وتنهدت بعمق وتابعت وبعدين يحبيبه هتفضلي لحد امتى بتسرحي كده ومش مركزه في اي حاجه؟
حبيبه تنهدت بعمق وهي بتلف وتابعت تعبت ياماما والله العظيم تعبت وبصتلها وتابعت انا لما شجعت علي يحقق حلمه فكرت اني هبقى فرحانه وانا شيفاه بيعلى قدامي وبيبقى احسن من الاول 100 مره وليه ناس بيحترموه وبيسمعوا كلمته من نظره بس مكنتش اعرف اني هوجع نفسي ببعده عني ومشغوليته الدايمه وتعرضه للخطر اوقات كتير لما يتخرج وتنهدت بوجع وتابعت ساعات بندم اني شجعته
رانيا ابتسمت بحزن وتابعت انا فهماكي يحبيبه وده اللي جيه في بالي يوم ما جيتي قولتيلي هقدم لعلي في كليه الشرطه وفضلت ادعي واقول يارب ده انا ماليش غيره بعد ابوه احفظهولي مش هستحمل فيه شكه ابره بس مش عايزه خوفنا عليه ينسينا هو تعب قد ايه علشان اخيرا يوصل للي هو فيه ده ويحقق حلمه فواجبنا ندعمه وندعيله ربنا يرعاه ويحافظ عليه هو واللي زيه
حبيبه دموعها نزلت وتابعت عندك حق انما صدقيني لو عليا مكنتش عايزه منصب ولا فلوس ولا عايزه حاجه خالص .. مكنتش عايزه غير وجوده جنبي في بيت بسيط وهادي وانام في حضنه كل ليله من غير خوف وحسابات بس معلش هو بردو حقه يحقق حلم واحد من احلامه فمضطره استحمل
رانيا ابتسمت بحزن وتابعت واحشك يحبيبه؟
حبيبه دموعها زادت وتابعت واحشني ؟؟ ده واحشني دي كلمه قليله اوي ياماما .. مش قادره اصدق يعني ايه 45 يوم مشفهوش ولا اسمع صوته ولا اطمن عليه ودموعها زادت وتابعت قلبي واكلني وقايد نار عمري مابعدت عنه كل المده دي في حياتي كلها وكمان كان مفروض ينزل ومنزلش فحقيقي مش قادره
رانيا بحزن اهدي طيب اهدي وسيبي الاكل خلاص نكمل بعدين قومي
حبيبه بدموع لا هخلص معاكي
رانيا بدموع ووجع قومي يحبيبه قومي يما نكمل شويه كده يلا انا لسه ناقصني حاجات قد كده من السوق هجيبها ونبقى نعمل كله مع بعض قومي يلا
فحبيبه هزت راسها بماشي وقامت بالفعل ورانيا لمت الحاجه وحبيبه دخلت الحمام تغسل ايديها وشغلت الحنفيه وفضلت تغسلها وبصت للمرايه صعب عليها شكلها البهتان ووشها اللي خس وباين عليه التعب فتنهدت بعمق وقفلت الحنفيه ونشفت ايديها فعينيها جات على دبلتها فتلقائي ابتسمت باشتياق شديد وحب لعلي ورفعت ايديها باستها وتابعت بهمس لنفسها واحشتني .. واحشتني قد كل مره اتمنيت اشوفك وارمي نفسي في حضنك وكنت ابعد الناس عن عيني .. هترجع امتى يعلي ؟؟! كفايه كده ارجوك .. حبيبه تعبت من غيرك وطلعت وتابعت لرانيا بتنهيده : انا داخله اقف في بلكونه علي شويه اشم نفسي يماما
رانيا بتنهيده حزينه ماشي يقلب ماما وانا نازله اشتري شويه حاجات وجايه متفتحيش لحد هاا
حبيبه ابتسمت بغُلب وتابعت حاضر
ولبست رانيا العبايه والطرحه وحبيبه دخلت اوضته وبصت على صورتهم سوا المتعلقه على الحيط والصور الكتير ليها فكل ركن بكذا عُمر من طفولتها ولحد دلوقتي وابتسمت والدموع متجمعه في عينيها وتابعت ده معرض مش اوضه عاديه لا وراحت فتحت دولابه وخرجت قميصه وقربته منها اوي وغمضت عينيها وهي بتشم ريحته وتنهدت بعمق
--
وعند رانيا نزلت وطالعه من البيت اتفاجئت بعلي داخل بشنطته ولابس بدله شرطه سودا وكاب اسود الخاصيين بالطلاب فاتفجئت وتابعت بفرح وعياط عليي يقلب امكك واحشتنيي
علي بضحك ولفهه بس بس وطي صوتك هتفضحيناا وتبوظي المفاجاه وحضنها جامد وباس راسها وايديها وتابع عامله ايه ياست الكل واحشااني
رانيا بفرح وعياط بقيت بخير لما شوفتك ينورعيني ايه كل الغيبه دي يعلي واحشتنيي
علي بحب والله انتي اكتر وصدقيني غصب عني مش بايدي اهدي بس وباس راسها بعمق
رانيا بعياط وفرح : مش مهم انا دلوقتي .. اطلع لحبيبه هتموت عليك يعلي والله امسك المفتاح اهو وانا جيالكم
علي بلهفه :هي فوق ؟؟ دي واحشاني اوي بنت الجزمه
رانيا ضحكت من بين دموعها وتابعت ااه فوق روح يلا
فعلي خد المفتاح وتابع بضحك هواا .. وانتي رايحه فين؟؟
رانيا بضحك هجيب حاجه وجيالكم بسرعه اهو
علي بضحك لا اتاخري براحتك
رانيا بضحك ماشي ياتربيه ناقصه انت ومشيت وعلي فضل يضحك
وطلع جري من لهفته يشوفها وفتح الباب براحه ودخل الشنطه وساب الباب ومشي بخطوات بطيئه بيدور عليها
وعند حبيبه كانت واقفه في البلكونه دموعها نازله وبتندن اغنيه بصوت واطي بس هو سامعها
وكانت بتقول "" هاتولي سلام ايديه .. او حته نظره من عينيــه .. ااه لو عرفتواا حالي ايـه .. بعده .. وازاي تعرفوا ؟!.. ده حـبيـبـي .. عارفين يعني ايه حبيبي؟ .. يعني الدنيااا في عينيااا واغلى الناس عليااا
فعلي ابتسم بتأثر وتابع ده والله العظيم مافي اغلى منك على قلب حبيبك يحبيبه قلبي انتي
فحبيبه اتفاجئت بصوته ولفت شافته اتصدمت بشده فتابعت بعياط وتفاجئ علييي !!!
فعلي ابتسم وفتح ايديه وتابع حضن مطار ينسيني تعب الـ 45 يوم حالا يلااا
فحبيبه عيطت بفرح وجريت عليه ولفت ايديها حوالين رقبته وحضنته بقوه وهو حاطط ايديه على ضهرها ورافعها عن الارض فعيطت بانهيار وفرح وتابعت يــحبــيـــبــي وشددت من احتضانه وتابعت واحشتني اوي يعلي واحشتني مش قاادره اصدق انك قدامي
فعلي غمض عينيه بوجع من صوتها وضمها ليه اكتر وباس راسها بعمق وتابع وانتي واحشتيني اكتر يانن عيون علي اهدي علشان خاطري اهدي يحبيبه مش كده منا معاكي اهو
حبيبه بصتله وتابعت بعياط 45 يوم ياعلي !! 45 نهار و 45 ليل تعديهم من غير حبيبه !!! هونت عليك متسمعش صوتي ولا تطمن عليا كل الايام دي ؟!!
علي بصلها وحط ايديه على خدها وابتسم بوجع وتابع هما 45 يوم !! ده انا عدوا عليا 45 سنه .. 45 قرن ..اليوم فيهم كان بيعدي تقيل اوي وصعب كنت بعده بالدقيقه مش تقوليلي ايام !! ده الايام من غيرك مكانتش بتتحسب يحبيبه
حبيبه انفجرت عياط وتابعت واحشتني اووي والله وحضنته جامد فضمها ليه وغمض عينيه بوجع وهي فضلت تعيط وتابعت ينعل ابوها الكليه لو هتقهرني كده وتبعدك عني مش عارفه اعيش من غيرك يعلي والله ما عاارفه
علي باس راسها بعمق وتابع بوجع والله العظيم وانتي واحشتيني اكتر وفوق ماتتخيلي انا وعيت لقيتك قدامكي ومتعودتش اعدي يوم في حياتي من غيرك وكنت عايش على صورتك اللي اديتهاني قبل ما امشي وقاعد اكلم فيها اما صحابي فكروني اتجننت
فحبيبه ضحكت من بين دموعها وتابعت مش مهم المهم انك جيت دلوقتي وقاعد معايا صح ؟
علي ابتسم وتابع هما مش كتير يادوبك يومين بس اه صح
حبيبه بعياط يووه يعلي
علي فضل يضحك وتابع طب اعمل ايه يعمري هو بمزاجي؟ بس سيبك خلينا نفرح بالكام الساعه الاجازه دول مش هنقضيها نكد علشان همشي تاني ونضيع الاجازه وتلاقيني راجع فتتنكدي بجد
حبيبه بوجع حاضر يعلي
علي حط ايديه على خدها وبصلها بحب وتابع بس انتي خسيتي يابت يحبيبه شايلك بقيتي خف الريشه
حبيبه بصتله بتوتر وتابعت اه كتير بس هرجع اتخن تاني والله و
فعلي قاطعها لما حط ايديه على شفايفها وتابع هو انا اقصد كده؟ ولا اقصد انك مهتمتيش بنفسك وبطلتي تاكلي كويس؟؟ لان مفروض يجي في بالك اي احتمال الا الاحتمال اللي فكرتي فيه لانك فكل حالاتك زي القمر وعجباني
حبيبه بدموع ووجع : عجباك ايه يعلي ده انا عيني دبلت وتحتها اسود ووشي بقى اصفر وخسيت فين اللي يعجبك فكل ده
علي بصلها بحب وتابع وعهد الله بحق مابتمني يجمعنا انهارده قبل بكره كل الهري اللي بتهريه ده انا مخدتش بالي منه انا شايفك زي مانتي كل اللي فيكي انك فعلا تعبتي وده من غيابي عنك وانا متاكد هرجع الاقيكي كده انما كبنت ؟ لسه زي مانتي مخلياني همووت و
حبيبه قاطعته لما قرصت خده وتابعت بضحك و اييه هاا ؟؟ اتلم
فعلي فضل يضحك بشده وشدها ليه وتابع بضحك وابوسك زي كل مره بقولك كده
حبيبه بابتسامه اممم وانا بعمل ايه بعدهاا
علي بضحك بترفضي علشان مهزقه
حبيبه بضحك ايووه كده ياروحي فاتربي واوعاا ايدك دي من علياا كفايه الاحضان اللي خدتها بحق الـ45 يوم اشتياق عملتهم بتلقائيه علشان كنت واحشني
فعلي فضل يضحك بشده وتابع طب بحق الـ45 يوم لتكملي جِميلك وتجيبي بوسه
حبيبه بضحك علي بجد اتلممم
علي بضحك يحبيبه واحده بس وربناا ومتخافيش مش هخلى بيكي وهصلح غلطتي
حبيبه فضلت تضحك وتابعت لا انسييى واحترم نفسك فين علي المحترم اللي كانوا مطلعين عليه شيخ هاا
علي فضل يضحك وتابع كاان بقى ..زماان .. هو اللي يعرفك يبقى شيخ ولا يورد على جنه اصلا
حبيبه فضلت تضحك وتابعت يااربي اعمل ايه اكتر من اني منكوشه وواقفه بالعبايه السمراا ووشي بهتاان وتعبانه يحل عني امتي ده؟
علي فضل يضحك بشده وتابع بغمز طب ده كله كوم والعبايه السمرا دي كوم تاني بتبقى سكر فيهاا
فحبيبه فضلت تضحك وتابعت متربتش والله واوعاا ايدك ديي بقيت هضبه بسبب الـ45 يوم اكتر مانت كنت معضل مش عارفه افكك من علياا
فعلي فضل يضحك بشده وتابع ده تبقي عيب في حقي لو عرفتي تفكيها وانا ببتدي حياتي المهنيه انتي عبيطه ولا ايه؟
حبيبه فضلت تضحك وتابعت اوعاا يعلي انت مش كاتب كتاابك هاا
فعلي رجعها لورا سند ضهرها للدولاب وحط ايديه الاتنين حواليها يحاصرها وبصلها بحب تابع كان زماناا متجوزين وبطنك قدامك كماان بس نعمل ايه في الشوره الزفت بتاعتك اللي دبستنا سنتين حرمان دي؟
فحبيبه فضلت تضحك بشده وتابعت وانا ماالي هو انا اللي حلمي ابقى ظاابط !!
علي بضحك وادينا بقينا ظباط للوطن ..ناقص نظبط حالنا علشان مبقتش قاادر قسما بالله
حبيبه بضحك علي انا كل ده مش عايزه اتوتر منك احترم نفسك وسيبني اطلع كده علشان محدش في البيت اصلا
علي بضحك مانا عارف ويارب ماحد يجي ابداا
حبيبه فضلت تضحك وتابعت علي وحياتي احترم نفسك
فعلي فضل يضحك وتابع انا وحياتك نفسي بس مش عاارف واحشاني .. واحشاني اوي يخربيت اهلك متخيلتش هتوحشيني كده
فحبيبه بصتله بحب وتابعت وانت واحشتني اكتر .. انا عدى عليا اسوء ايام عيشتها في حياتي ..اكتشفت اني عايشه وشايفه الدنيا ليها لازمه بسبب وجودك يعلي
فعلي شدها لحضنه وهي دموعها نزلت في حضنه وباست كتفه وبصتله وتابعت يارب يديم حسك ووجودك ليا العمر كله يحبيب عمري
فعلي بصلها بحب وتابع قولتي اللي جوايا .. فتره الكليه كانت تقيله عليا بشكل فقولت لنفسي مالك يعلي فيك ايه ما اديك بتحقق حلمك يعني مفروض تبقى طاير من الفرح بس اكتشفت اني بحبك اكتر من حلمي يحبيبه .. وان عدم وجودك جنبي في اي فرحه او انجاز ليا كفيل يطفيني ويخليني احس اني مش فرحان وفي حاجه ناقصه
فحبيبه الدموع اتجمعت في عينيها ونزلت وهي بصاله بحب فتابع علي بحب وهو بيمسح دموعها فمش انتي بس اللي اكتشفتي انك متقدريش تعيشي من غيري .. انا كمان مقدرش اعيش من غيرك فيارب يحصلنا زي ما ابويا اتمنى وربنا استجبله ويجعل يومي قبل ..
فحبيبه قاطعته وحطت ايديها على شفايفه وتابعت بقهر ودموع لا يعليي .. ابوس ايديك متتمناش حاجه زي دي ولا تنطقها وعيطت وتابعت علشان والله العظيم يوم ماتحصل هتلاقيني جيت وراك علطول وعيطت وتابعت انما مش هعرف اكون زي ماما رانيا واكمل في حياه انت مش فيهااا والله ما هعرف .. علشان انت الحياه في عيني اصلا .. انت ابويا واخويا وصاحبي وابني فابوس ايدك متقولش كده تاني وحياتي يعلي
فعلي باس ايديها اللي على شفايفه وضمها ليه وباس راسها بعمق والدموع متجمعه في عينيه وتابع اهدي طيب حقك عليا انا اسف مش هجيب السيره دي تاني والله اهدي يبابا انا جنبك والله يحبيبي اهدي وفضل يمشي ايديه طالع نازل على كتفها بيهديها
فثواني وحبيبه ابتسمت من بين دموعها وتابعت اوعا ايدك طيب علشان كريم لو عرف بالهوليله دي قسما بالله ليفلقنا نصين
فعلي اتفاجئ وفضل يضحك وتابع يابنت الجزمه انتي ده انا بهديكي مش نيتي حاجه والله
فحبيبه بصتله وتابعت بابتسامه : بتهديني اه ومن شويه كنت بتعمل ايه
علي شدها ليه وتابع بحب كنت بهدي نفسي
حبيبه فضلت تضحك وتابعت لا وانت الصادق انت كده مش هتهدى خالص
علي بهيام : اه والله يابت يحبيبه حالي يصعب على الكافر
حبيبه بصتله بحب وتابعت كلها سنه و10 شهور بالظبط واكون ليك ومن حقك وساعتها مش هتسمع مني كلمه اتلم دي تاني خاالص
علي فضل يضحك وتابع وعد الكلام ده يعني ؟
حبيبه بضحك وتوتر: مش وعد اوي اصل ما اكيد هتوحشك الكلمه في بينكم عشره
علي بضحك لااا دي بالذات مش هتوحشني خالص
حبيبه بضحك بس بردو هقولها علشان اكون صريحه بس مش دايماا ..لما يتطلب الامر
علي ابتسم وتابع تؤ مش هتقوليها انا مش هسيب مجال للكلام اصلا
فحبيبه وشها احمر وتابعت والله فعلا ما شوفت ربايه
فدخلت رانيا وتابعت بضحك ايه الواقفه اللي ريحتها ورقتين عرفي دي يا واد ماتتلم وسيب البت
فعلي وحبيبه اتخضوا وبعدوا عن بعض فعلي فضل يضحك وتابع ياست الكل كحي اتكلمي اي حااجه انما ايه داخله بوليس الاداب اللي دخلتيها عليناا دي
رانيا بضحك مانت لو قافل باب الشقه ياروح امك كنت خبطت وسمعتني بس من لهفتك لحضن السنيوره جريت وسيبته مفتوح
فحبيبه اتكسفت وبصت للارض فعلي فضل يضحك وتابع حلو الاحراج اللي بتحرجيه للبت ده يعني ياست الكل
رانيا بضحك الله مش انتوا اللي واقفتكوا بتقول كدده وحاططلي ايديك عليها فاهي واقفه عرفي صحيح
علي بضحك ده ياريت نمشيها عرفي لحد ما اتخرج الواحد اتعشم ان فرحه قرب ولبس سنتين سجن حرفيااا
فرانيا فضلت تضحك بشده وحبيبه اتكسفت وراحت وقفت قدامه وتابعت بحرج انت اتجننت وانا يعني هوافقك في حاجه زي دي يعلي !!
علي بحب ده انتي اللي تبقي مجنونه لو فكرتي اني بتكلم جد 1% لان ولا تربيتي ولا حبي ليكي يسمحوا بكده وباس جبينها وتابع بحب : قُربك غالي وعزيز وحلم ميقلش عن اللي بحققه دلوقتي ومستني السنه والـ10 شهور يعدوا بفارغ الصبر مش علشان اتخرج لا ..بس علشان اتجوزك على سنه الله ورسوله وتبقي فعلا من حقي وبتاعتي ومشيلش هم حضنك اللي بحتاجه يقويني اعدي كل اللي جاي
فحبيبه بصتله بحب والدموع متجمعه في عينيها وتابعت بحبك والله العظيم
علي بحب وانا بموت فيكي ورفع ايديها باسها بعمق
فتابعت رانيا بحب ربنا يسعدكم ويفرح قلوبكم ويديمكم لبعض يحبايب عينيا واشيل عيالكم يااارب
علي وحبيبه بنفس واحد : اللهم امين يارب وبصوا لبعض وابتسموا
فتابع علي بضحك لا بس ليا عندكم حق عرب يااست الكل
رانيا بضحك ليه كده بس عملنا ايه
علي بضحك اسيبلكم البطايه بتاعتي ارجع الاقيها خست كده بدل ماتكون زادت تلاته اربعه كيلو
فرانيا فضلت تضحك وتابعت هي اللي مسمومه ياخوياا وخاصمت الاكل في غيابك نعمل ايه ناكلها عافيه
علي بضحك لا قوليلها وحياه علي هتلاقيها نسفت الطبق ونسفتكم معاااه
فحبيبه ورانيا فضلوا يضحكوا بشده وتابعت حبيبه بضحك كده يعلي اخص عليك
علي بضحك ده انا عايزك تاكلي يعيون علي والله
رانيا بضحك طب يلا هكمل باقي المحشي واحطه يستوي ناكل سوا
علي لااا محشي اييه انتي عايزه سياده العميد يساوي وشي بالاسفلت واتجازى من اولهاا
حبيبه باستغراب ليه هتاكل اكل معين؟
علي طبعاا ومينفعش اتخن علشان لياقتي يابابا
حبيبه بضيق بدأنا
علي بتنهيده احنا فعلا بدأنا وزي ما ساعدتيني في الاول تساعديني للاخر علشان اتخرج ولا ايه؟
حبيبه بتنهيده خلاص ياماما بلاش محشي وياكل اي حاجه خفيفه
علي بحب لا ايه رايك تلبسي وناكل برا انهاارده ونتمشى واحنا بنشرب بيبسي؟
حبيبه بفرح مواافقه وناكل كشري بلييز بلييز بلييز يعلي
علي بضحك خلاص يخربيتك في اييه موافق بس ده مش هيغذيكي ده
رانيا بضحك هعملها فراخ منا ماتيجي تأكلهالها بايدك علشان محدش قادر عليها
علي بضحك خلاص اتفقنا روحي غيري وانا كمان اغير ونروح
حبيبه بضحك ماشي بس ناوي تشيل الكاب من على راسك امتى ها
علي بضيق اسكتي يحبيبه واطلعي براا علشان مش هشيله لو حصل ايه هقلع بتاع الكليه بس هلبس الكاب بتاعي
فحبيبه فضلت تضحك وتابعت عادي يحبيبي متنزلش بيه انت مش اول ولا اخر راجل يبقى اقرع بسبب حلمه
رانيا بضحك هو اقرع بس !! ده حتى دقنه اللي الكل بيحلف بشكله بيها ويقولك نسخه من ابوه اتشالت وبقي زي بلاطه السيراميك بالظبط
فحبيبه فضلت تضحك بشده وعلي بصلهم بضيق وتابع طب اطلعي انتي وهي براا كده علشان مقلبش عليكم يلا وبيخرجهم
حبيبه بضحك شوفي شوفيي لسه معلقش نجووم وبيتكبر عليناا ابن قااسم
فرانيا فضلت تضحك وهمستلها: زعلان علشان بيحب دقنه اوي
حبيبه بضحك ااه منا عارفه بس مش عارفه اهون عليه علشان انا كماان كنت بعشقها
علي نفخ بضيق وتابع ممكن تطلعوا تكملوا تريقه برا
حبيبه بضحك مقدرش اتريق عليك يعمري واالله بحبك فكل حالاتك حتى وانت اصلع كده وفضلت تضحك بشده هي ورانيا فعلي بصلها بضيق وتابع طب غوري طيب
حبيبه بضحك انا اغور يعلي !! اخص علييك
علي بضحك ااه غوري يلا والاصلع ده بكره ينيمك في الحبس علشان تتربي
حبيبه بضحك ندل وتعملهاا يا ابن قااسم
علي بضحك عملتها من بدري ياروحي مش حابسك في قلبي ولا انتي بتشككي في كده
حبيبه فضلت تضحك وتابعت لا يعمري والله مقدرش اشكك وبصت لرانيا وتابعت طلع طيب وبيحبني يا رانيا بطلي افترى وتوقيع بيني وبين الراجل قولتلك انا بحبه وهو وشه متمحر كدده متدخليش بينا
فرانيا فضلت تضحك بشده فعلي قفل الباب في وشهم وتابع بضيق اتكلوا على الله عايز اغير يلا
فحبيبه فضلت تضحك وتابعت طب خلاص والله انا اسفه بحبك
علي بضيق امشي يحبيبه علشان مزعلكيش لانك عارفه اني متضايق وبتهزري
حبيبه من ورا الباب تابعت بحب: طب والله العظيم يعلي شكلك زي القمر فكل حالاتك وشعرك بكره يطلع وشكلك من غير دقن احلى واصغر
علي تنهد بضيق وهو قاعد على السرير وتابع انا مبشوفش كده انا شايف ان شكلي وحش اوي ومش مقبول وفقدت وسامتي وفعلا كنت زي ابوياا اكتر بالدقن دلوقتي بقيت حاسس اني معرفنيش
حبيبه بحب بس انا مش شايفه كل كلامك ده انا شيفاك هو هو علي حبيبي ..اللي كبر قدام عيني ومكنش طلعله دقن اصلا وكنت بحبه وكان عاجبني وكبر واتغير بردو وهو عاجبني فانت لسه هو نفس علي ولسه شبه باباك باختلاف الدقن انما نفس التصرفات والملامح وضحكت وتابعت "بتقليد لعلي "وبعدين انت لسه زي مانت مخليني همووت و
"فعلي فهم انها بتقلده زي ماكلمها وقالها نفس الكلام بالظبط عنها " ففضل يضحك بشده وتابع ااه و ايه انا بقى عايز اعرف مش هقولك اتلمي
حبيبه فضلت تضحك وتابعت واحضنك طبعاا علشان انا متربيه مش هجاوب زيك
فعلي فضل يضحك وتابع جات على دي يعني مانتي ناقله الكلام مني كوبي بيست
حبيبه بحب علشان حساه والله
علي ابتسم وتابع حبيبه
حبيبه بحب عيونها
علي بحب بحبك
فحبيبه ابتسمت ابتسامه واسعه وتابعت وانا اكتر والله
-
عند لميا في مكتبها في الجريده الباب خبط فتابعت ادخل
دخل زين وتابع بابتسامه مليون مبروك الترقيه يا غاليه ..والله ماحد يستاهل كرسي المدير ده غيرك فعلا
لميا بصتله بتفاجئ وتابعت بحده انت بتعمل ايه يحيوان انت هو انا مش قولتلك تقدم استقالتك وتجيبهالي ؟ انت ايه مبتفهمش؟؟
زين تنهد بعمق ودخل قعد قدامها وتابع استاذ عامر وظفني هنا قبل ترقيتك ونقلك للجريده دي وانا بقالي فيها كتير وحقيقي مش عايز امشي
لميا بحده وانا بقيت المديره الجديده هناا بعد عامر ومش عايزاك ..انا حرره
زين بتنهيده لميا ممكن تسمعيني؟
لميا بحده استاذه لمياا انا مديرتك في الشغل لحد ما باذن الله هتقدم استقالتك وتغور ومش مسموح برفع الالقاب
زين تنهد وتابع طب يا استاذه لمياا انا مرتبي هنا كويس جدا وبصرف منه عليا وعلى امي واخويا الصغير فحقيقي مش هقدر امشي ارجوكي تفهمي موقفي
لميا بتنهيده هكلملك صحابي وهعينك في جريده تانيه بنفس المبلغ وكده يبقى عداني العيب
زين بحده هو في ايه يا لميا انا قولت مش عايز اغور هو بالعافيه؟ انتي للدرجه دي قسيتي ونسيتي كل اللي كان بيناا
لميا بعصبيه قسيت ونسيت ومفيش راجل في الدنيا ليه خاطر عندي قوم يلاا وهات استقالتك ومشوفش وشك هنا تاني
زين بسخريه القلم بتاعي موقعكيش اوي وفضلتي بتتنفسي بعده بس قلم ادهم بيه مش مخليكي عارفه تفوقي للنهارده وقاعده تزعقي اليوم كله علشان تقنعي نفسك انك بقيتي جامده مش كده؟
لميا الدموع اتجمعت في عينيها وتابعت بعصبيه ااه يحيوان يا زباله ورايحه تضربه بالقلم فمسك ايديها وتابع بسخريه لا مش لدرجه تمدي ايدك ده متخلقش ولا يتخلق اللي يعملها
لميا بدموع وعصبيه عرفت موضوع ادهم منين هاا انطق
زين بسخريه عيب تقولي لحد بيتشغل شغلنا كده يا لولو ده احنا عشره ومعروف اننا بنعرف اللي احنا عايزينه وبأي طريقه وانا عارف انه كاتب عليكي وسابك يوم الفرح ومظهرش للنهارده
لميا بعصبيه امشي اطلع براا امشي
زين بتنهيده انا لسه عايزك على فكره ومش فارقلي انك اتجوزتي المهم انه ملمسكيش
لميا بعصبيه ودموع امشي يحيوان يا زباله اطلع برا ده لا انت ولا ادهم ولا صنفكم كله
زين تنهد بعمق وتابع هسيبك تهدي بس مش هتراجع وطلع وقفل الباب وهي زقت المكتب بعصبيه وفضلت تعيط
-
بعد اخيراا مرور سنتين كاملين علي اخيراا خلص كليته وجيه يوم تخرجه اللي استناه عمره كله وحبيبه فرحانه ضعف فرحته انه خلاص هيبقى جنبها ومفيش بعد تاني وسلمى ومالك خلفوا بالفعل ولد نسخه من مالك فكل حاجه وسموه علي عمره سنه ونص ..واسيا خلفت ليلى اللي تكبر عن علي شهرين بس وكلها فارس برماديه عينيه وبقى عندهم واحده شبهاا هي وواحده شبه فارس واسراء وحسن شقتهم قربت تخلص خلاص .. وعصام ورفيده علاقتهم روتينيه جدا وكل واحد عايش لنفسه وحاله متعدلش بس فاق شويه لحياته وشغله ودراسته ويرجع تاني للاسوء بس بيقوم وجابوا ولد عمره سنه ونص سموه يزن.. وإيلين لسه مخطوبه ومقدرتش تنسى عصام لحظه ..ولميا حياتها متغيرتش ادهم متغيب بقاله سنتين ويمكن كلهم قالوا ان اكيد جراله حاجه وحزنوا جدا عليه حتى لميا مثلت الثبات بس من جواها منهاره ونجحت في شغلها وبقيت اعلاميه في قناه على التلفزيون بجانب الجريده اللي مسكاها وهناء ووسام خلفوا عمر عمره سنه ..وكريم لسه خاطب نهله زي ماهو ونيره ادركت انها بتحبه بقالها 6 شهور بعد صراع سنه ونص في انها مش فارقلها وزياد اتجوز شهد بقالهم سنه وسليم اتحكم عليه مؤبد وشيري ب3 سنين
-
عند سلمى كانت واقفه بتغلي اللبن وتقطع فواكه لعلي ورفعت صوتها نسبيا وتابعت علي
فعلي ساب اللعبه وقام يمشي لعندها ودخلها وتابع ايه
سلمى بضحك جتك اوه نفسي نبطل اييه دي ونتعلم نعم وشالته وفضلت تبوس خده ففضل يضحك فبصتله وتابعت روح صحي بابا يلا لحد ما اعملك اللبن والفواكه
علي بضحك فاح
سلمى فضلت تضحك وتابعت اه حطيتلك تفاح يا ابو لسانين يلا صحي بابا بس ونزلته
فعلي جري على الاوضه وطلع على السرير وفضل يخبط على ضهر مالك وتابع ماك ..مااك
مالك عينيه انكمشت وتابع بابتسامه يادي مالك وسنين مالك على الصبح وبصله وتابع ياض انا مش 100 مره قايل لاهلك ان اسمي بابا؟ وياريتك بتقولها صح ده اسم مطعم فرااخ ده مش اسمي
علي فضل يضحك رغم انه مش فاهم فمالك ضحك على ضحكه واتعدل قعد ورجع ضهره لورا وفتح ايديه الاتنين فعلي دخل في حضنه فمالك باس راسه بعمق وتابع حبيب بابا ياناس عايز ايه؟
علي شاور على برا وتابع أما
مالك بضحك سلمى؟
فعلي هز راسه بـ اه فمالك ضحك وتابع سلمى عايزاني يعني؟
علي هز راسه بـ اه فمالك فضل يضحك وشاله وخرج بيه بص على سلمى في المطبخ وتابع معرفناش نربي احنا يا ام علي الواد بيصحيني باسمي
سلمى بصتله وتابعت بضحك صدقت يقلب ام علي وراحت باست خده وتابعت صباح الخير يحبيبي شوف انا بقولك حاجه غير اسمك اهو
مالك ابتسم ونزل علي وتابع روح العب بالتاب يلا فعلي مشي وسلمى فهمت هو ليه عمل كده وضحكت بشده ورايحه تمشي فشد وسطها ليه وتابع بابتسامه تعملي الواجب ومش عايزاه يترد يعني؟
سلمي بضحك مالك اللبن هيفور ها
مالك بضحك مش هرخم عليكي والله وباسها برقه وتابع صباح النور يقلب حبيبك وغمز وتابع مش ناويه نجيب بنوته زي ليلى كده مانتي بتحبيها
سلمى بضحك اه وماله روح يحبيبي روح انا ماصدقت فطمت وابتديت اشم نفسي
مالك بضحك هغفلك وهنجيب بنوته بردو
سلمى بضحك هنشوف واخلص يلا علشان رايحين لعلي هنتأخر
مالك بحب هواا والله
-
عند اسيا كانت بتلبس البنات وتابعت بابتسامه زي القمر اطلعوا وروا بابي يلا
فليلى وتولين طلعوا ففارس شافهم فتابع بضحك ايه يناس الجمال ده هو محدش جاب بنات حلوين غيري ولا ايه وفتحلهم ايديه فجريوا عليه وهما بيضحكوا ففارس شالهم وحضنهم وقعدهم جنبه وباس خدهم
فطلعت اسيا وتابعت بضحك ايه رايك فيهم بذمتك؟ لبسوا نفس الدريسات زي بعض وسكر
فارس بضحك شوفتي كنت عايز بنت ليه ولازم يطلعوا قمرات مش بناتك
اسيا بضحك بس يفارس علشان ليلى مخدتش اي حاجه مني حتى لون شعري انا واختها مخدتهوش وطلعالك بالمللي اتخدعت فيها الكلبه دي بعد مرمطه 9 شهور
فارس فضل يضحك وتابع مش انتي اللي طول الحمل عايزه زيك يفارس جايه تزعلي ليه دلوقتي الله
اسيا بضحك مش زعلانه يسيدي علشان يبقى معانا انا وانت زي الفل كده يلا قوموا البسوا الجزمه علشان هنتاخر على خالو
تولين بحماس هيبقى ظابط خلاص انهارده صح؟
فارس بحب صح يعمري عقبال ما اشوفك دكتوره زي بابى يارب
تولين بحماس ياارب انا اصلا جبت الفول مارك امبارح في الامتحان في المدرسه قولتلك؟
فارس بحب مامي قالتلي وبرافو حقيقي فخور بيكي من سنه اولى اهو وانتي شطوره وواثق هتبقي زيي واحسن مني كمان ومسك ايديها باسها وبص ليلى لقاها باصه عليهم ففضل يضحك وباس ايديها هي كمان
اسيا بضحك انا التالته وكده
فارس فضل يضحك وتابع انتي بتقولي فيها ده حقيقي والله انا مش لاقيلك وقت بسببهم
اسيا بضحك ماشي ماشي ليلتك سودا بس مش وقتك هروح البس
-
بعد شويه عند حبيبه كانت حضرت حفله تخرج علي وهي فرحانه وفخوره بيه اوي وعينيها مش موقفه دموع من الفرحه وطلعوا بعد كده كلهم يستنوا الطلبه هتخرج وواقفه لابسه بنطلون اسود وشميز مينت جرين (حسب توصيه علي لان المكان مليان شباب فمرضيش تلبس دريس) وسايبه شعرها وحاطه ميكاب هادي ومستنياه يطلع بفارغ الصبر وعماله تنفخ بتوتر
اسراء بضحك اهدي والنبي متوتريناش
حبيبه بدموع وحب شوفتي علي كان قمر ازاي يا اسراء والله ما مستوعبه حاجه وفضلت تعيط وهي فرحانه من كل قلبها
اسراء بفرح وهي بتضحك انتي بتقولي فيها انا وربي ما مصدقه لحد دلوقتي
رانيا بدموع فرح ده يفرحه قلبي بيه مش قادره اصدق والله
عصام جيه بلهفه وتابع ها خرج؟
حبيبه بصتله وتابعت بحب ودموع لسه هيخرج اهو
عصام تنهد بارتياح وتابع تمام هقف هناك علشان ميشوفنيش ورايح يمشي فرانيا مسكته فبصلها فتابعت بابتسامه ودموع خليك جنب اخوك يحبيبي يمكن يحن لما يشوفك
عصام ابتسم بوجع وتابع متخليهوش يتعكنن انهارده بالذات ارجوكي كده كده جاي كتب الكتاب بس بلاش دلوقتي يشوفني
رانيا دموعها نزلت بحزن وسكتت فعصام مشي وقف قدام شويه فتابعت اسراء بحده هو فينه كريم وبناتك كل ده !!
رانيا بتنهيده والله يابنتي ما عارفه كريم قال رايح يجيب حاجه والبنات معرفش هيجوا على هنا ولا على البيت
حبيبه وهي بتبص على البوابه وبتحرك راسها علشان تشوفه تابعت: قوليلهم يجوا على البيت يا ماما خلاص ما الحفله خلصت هما خارجين اهو دول باردين
رانيا بضحك عيالهم اكيد ياختي بكره تتجوزي وتخلفي وتيجي اخر الناس في اي مناسبه
حبيبه بضحك يارب جوزي يطلع بس انهارده في يومه الازرق ده بعدين نشوف الخلفه
فرانيا فضلت تضحك وحبيبه رايحه تتكلم شافته خرج ولابس بدله بيضه رسميه كظابط شرطه وعلى كتفه نجمتين فرفعت ايديها تشاورله وهي بتابع بفرح ولهفه علييي وجريت عليه وهي فرحانه جدا وبتضحك وعلي شافها وفضل يضحك وهو بيجري عليها وتابع حبيبت عُمر علي ووصلها قبل ماتجيله وحط ايديه على ضهرها وشالها وهي لفت ايديها على رقبته وحضنها جامد ولف بيها وهي كانت بتضحك وفرحانه بيه فنزلها على الارض وهو حاضنها فدموعها نزلت وتابعت مش قادره اصدق يعلي ..مش قادره اصدق اننا خلاص وصلنا لهنا وفضلت تعيط وتابعت فخوره بيك اوي اوي بجد مليون مبرووك يانن عين حبيبه
علي خرج من حضنها وباس جبينها بعمق وهو بيتحكم في دموعه وتابع البركه الوحيده اللي مفروض افضل فرحان بيها العمر كله هي وجودك في حياتي انا لولاكي مكنتش وصلت لكل ده شايفه بقيت فين علشان انتي معايا؟ وشاور بعينه على كتفه
حبيبه بصت لكتفه وضحكت من بين دموعها وتابعت بقينا ظباط حلووين وفضلت تسقف بفرح وهي بتنطط وتابعت مش مصدقه والله مش مصدقهه فعلي فضل يضحك وحضنها وباس راسها بعمق ففضلت تعيط وتابعت وربي هموت من الفرحه بيك مش قادره اصدق ان خلاص كل الصعب عداا وكان كابوس وانتهى يعلي
علي الدموع اتجمعت في عينيه وبصلها وحط ايديه على وشها وتابع يابت خلاص بقى كفاياكي عياط وغلاوه علي ومسح دموعها وتابع ووعدتك هلبسك الكاب لما اتخرج علشان تعرفي اني قد وعدي وقلعه من على راسه ولبسه لحبيبه
حبيبه بفرح ودموع يحبيبيي انت وفضلت تضحك وتابعت يارب ميحرمنيش منك ابدا ينورعيني وعيطت بفرح وتابعت فرحانه بيك والله ومش مستوعبه اللي حصل لحد دلوقتي
علي بضحك مين سمعك انا حاسس اني بحلم وربنا
اسراء بضحك طب ايه طييب مش ناويين نحضنك انهارده ست هانم واخداك مننا خالص زي ماخدت الكاب
حبيبه وهي بتمسك الكاب بغرور على شعرها تابعت بضحك بس يابت يا صفرا انتي
علي فضل يضحك وراح حضن اسراء جامد وباس راسها بعمق وتابع ولا تزعلي ينورعيني فاسراء باست خده وتابعت بابتسامه يارب يديم حسك لينا يحبيبي مليون مبرووك فخوره بيك اوي بجد
علي بحب الله يبارك فيكي ياست البنات وباس ايديها بعمق
اسراء بضحك ضهرنا اتحمى يعني خلاص؟
علي بضحك محمي طول عمره يابنت الكلب مالك هو حد يقدر يدوسلك على طرف
اسراء بضحك لا بس دلوقتي هتشاقى براحتي اكتر
فعلي فضل يضحك فرانيا بصتله وتابعت بحب وعياط هاتي احضن اخوكي يابت اوعي
وبتقرب عليه فعلي حضنها جامد ففضلت تعيط من فرحتها بيه وتابعت ملياار مبروك يا نن عين امك فرحتني بيك اوي يعلي
علي باس راسها بعمق وباس ايديها وتابع كله من دعواتك ياست الكل يارب ميحرمني منك يغاليه وافرح العمر كله يارب
رانيا بحب ودموع يارب يحبيبي واشيل عيالك بقى
علي بضحك اميين يارب يلا يحبيبه طيراان على المأذون عايزين نحقق امنيه ست الكل ومسك ايديها يجروا سوا وحبيبه عماله تضحك وعصام شايفهم وبيبتسم فرانيا فضلت تضحك بشده وتابعت شوفي الواد ومسألش على اخواته ولا كريم وخدها وطار
اسراء بضحك سيبيهم اتحرموا من بعض كتير الصراحه الله يكون في عونهم هو عارف ان كريم معانا
رانيا فضلت تضحك فكريم جيه وتابع باستغراب فين علي مخرجش كل ده؟
رانيا بضحك علي زمانه روح البيت يجهز لكتب كتابه ياخويا خد البت وطار
كريم بتافجئ وضحك انتي بتهزري صح؟!
اسراء بضحك لا والله مشيوا صح
كريم بذهول مشيوا بايه اما العربيه معايا
اسراء بضحك يلا اهو لابس البدله لو وقف طياره هتقفله
فكلهم فضلوا يضحكوا فتابع كريم بضحك ده والله عيل ابن كلب وانا اللي جاي اجري اشوفه يلا يخالتي يلا كلموا البنات يروحوا البيت بس
رانيا بضحك اسراء بعتتلهم ومشيوا مع كريم
-
عند علي وصل تحت البيت وحسن وفارس ومالك كانوا واقفين وجايبين ناس بطبل بلدي ومزامير فاتفاجئ بيهم جدا وفضل يضحك ونزل حبيبه من الاوبر وبصلها بحده وشاور بعينيه على فوق علشان الرجاله وهي فهمت وطلعت بسرعه فراح حضن حسن لانه واقف في الاول
حسن فضل يضحك وتابع ايه ياعم الحلويات دي مباارك علينا وعلى المنطقه كلها والله
علي بضحك حبيبي انت اعمل مشاكل بقلب جامد بس ومتخافش هبيتك في الحجز قبل ماتفكر تستنجد بيا
فكلهم فضلوا يضحكوا فمالك حضنه وتابع بضحك مليون مبروك يخال العيال
علي بضحك هو عيل واحد بس ياروح امك متستعبطش مفيش منه تاني
فارس فضل يضحك وتابع انا براحتي صح؟
علي حضنه وتابع بضحك مش براحتك اوي بس هات ولد يبقى سند البنات وخلاص
فارس بضحك ياعم ماشي هعمل كده لتحبسنا مليوون مبروك والله يغالي
علي بحب الله يبارك فيك يحبيبي
وبعد شويه هيصوا تحت الرجاله مع بعض والناس دي مشيت وعصام جيه وبص لفوق توقع رفيده هتبقى واقفه بس ملقهاش فدخل عمارته ومحدش شافه وكريم جيه وتابع وهو بينزل من عربيته بضحك قسما بالله نفسي امسكك افلقك نصين
علي بضحك سامح بقى المأذون جاي وربنا مش وقته برودكم ده
كريم بضحك هعديلك انهارده بس وربنا وحضنه جامد وطبطب على ضهره وتابع مليار مبروك يقلب اخوك فخور بيك
علي حضنه اكتر وباس راسه وتابع الله يبارك فيك يغالي مكانوش هيعدوا السنتين دول كده لولا واقفتك مكاني ومكانك في وقت واحد
كريم بحب دول اهلي يحيوان وبعدين ماحنا ياما بنعملها الله هي جديده ولا ايه
علي بضحك على رايك يلا بس نلحق نغير علشان كتب الكتاب
كريم بحب يلا يحبيبي انا جاهز مستنيك فعلي طلع فاخواته شافوه زغرطوه بفرح فتابعت اسيا بفرح العرريس وصل وحضنته فحضنها وفضل يضحك
فتابعت سلمى بضحك لا يابت قصدك حضره الظابط وصل قال عريس قال
حبيبه بضحك يسلمى هجيبك من شعرك عماله تضايقني يعلي
علي فضل يضحك وحضن سلمى وتابع مش كده يا لوما هدي اللعب بقول انك طيبه
سلمى بضحك انا بحب اغيظها وحرقتلك دمها يوم تخرجنا وانا معايا علي قولتلها خليكي انتي مستنيه علي وانا خلفت علي
فكلهم فضلوا يضحكوا فتابع علي بضحك اه يابنت الكلب بقيتي مش سهله انتي
حبيبه بغيظ علشان تعرف بس اني مستحمله
علي بضحك لا متستحمليش يعمري روحي البسي يلا وهنجيب علي احنا كمان خلاص
حبيبه بضحك طيراان ومشيت فكلهم فضلوا يضحكوا وبالفعل شويه والكل باركله ودخل لبس قميص ابيض وبنطلون اسود ولبس ساعته وسرح شعره وجهز وحبيبه لبست فستان كم صك ابيض دانيتل وليه ديل طويل وفردت شعرها وحطت هيربيس ميكاب رقيق وكانت زي القمر. البنات شافوها انبهروا وفضلوا يزغرطوا وحبيبه الدموع في عينيها ومش قادره تمسك نفسها فنيره مسكت ايديها وتابعت لا والنبي هتبهدلي نفسك ده انا اللي عملاه مش ميكاب ارتيست متمكنه
اسيا باعجاب اللهم بارك زي القمر تسلم ايدك بجد يابت يانيره
نيره بضحك حبيبه قلبي وبصت لحبيبه وتابعت حبوبه خلاص بقى
حبيبه غمضت فدموعها نزلت فتابعت سلمى يخراابي يحبيبه مينفعش كده والله
حبيبه بدموع مش مصدقه يجماعه والله ولا مصدقه ولا مستوعبه ان علي هيبقى جوزي خلاص انا تعبت اوي اوي علشان اوصل للحته دي وحطت ايديها على وشها تعيط فاسراء حضنتها وباست راسها وتابعت بحب ودموع فهماكي بس علي مبيحبكيش تعيطي والله ينفع تضايقيه وتضايقي نفسك في يوم فيه فرحتين بالشكل ده؟
حبيبه بدموع مش قادره وحياتك وبصت لنفسها في المرايا شكلها يسحر مش مستوعبه انها اخيرا اتزوقت عروسه لحبيب عمرها بعد سنين بتتمنى بس يحبها زي مابتحبه وبصت لاسراء تاني وتابعت علي كان بعيد اوي ولما ببص لزمان ولدلوقتي مبحسش غير انه اعجاز حقيقي
سلمى بحب اعجاز مين يهبله دي اراده ربنا انتي نصيبه وهو نصيبك وانا قدامك اكبر مثال اهو جوزي كان في الشرق وانا الغرب وكنت متجوزه غيره فمتقوليش كده ..علي ليكي وربنا كاتبكم لبعض من زمان يلا افرحي وبطلي عياط بقى مفروض ننزل فحبيبه هزت راسها بماشي ونيره طبطبت على خدها مسحت دموعها وفضلوا يزغرطوا فكريم خبط فتابعت حبيبه ادخل فدخل شافها انبهر وتابع بابتسامه وتفاجئ ده الحلويات دي كلها للواد الحيوان ده!! فكلهم فضلوا يضحكوا فحبيبه ضحكت من بين دموعها وتابعت بذمتك ميستاهلش؟
كريم بحب انتوا الاتنين تستاهلوا بعض والله هو انا عندي اغلى منكم وراح باس جبينها ومسك ايديها وتابع يلا يعمري
وبالفعل خدها ونزل بيها وراحو القاعه وعلي كان هناك قبلهم والبنات وراهم بتزغرط وكريم دخل بيها من الباب وعلي شافها قام وقف وانبهر بشكلها فكريم راح سلم عليه وحط ايديها في ايديه فعلي بصلها بتفاجئ وتابع هتصدقيني لو قولتلك ان فرحتي بيكي اكبر من الكليه؟
حبيبه دموعها نزلت وبصتله بحب وتابعت مصدقه بس مش مستوعبه وهستوعب الكليه ومش هستوعب جوازنا
علي الدموع اتجمعت في عينيه ورفع ايديها باسها والمأذون مسك الميكرفون وبدا فقعدوا وحطلهم الاوراق فعلي مضى وبصم على اول ورقه بسرعه وتابع اللي بعده ..اللي بعده فكلهم فضلوا يضحكوا بشده من حماسه وحبيبه بصمت ومضمت فكلهم فضلو يزغرطوا فتابع علي بضحك دبستي نفسك خلاص
حبيبه بضحك لو دي تدبيسه فيمرحبا والله
والماذون حط منديل على ايد علي وابو حبيبه وبدا باقي اجرائات كتب الكتاب وحبيبه دموعها بتنزل وهي شايفه حلمها بيتحقق وخدت نفسها بعمق وسلمى جنبها بتطبطب عليها وعلي بايديه التانيه ماسك ايديها من تحت الترابيزه وتابع ورا المأذون قبلت الزواج من ابنتك وموكلتك الانسه حبيبه علي توفيق وحبيبه قلبها كان بيدق بسرعه وهي بتبصله وبتبتسم ودموعها بتنزل بفرح وكملوا ورا الماذون ودقايق وتابع بارك الله لكما وبارك عليكما وجمع بينكم في خير الف مبرووك وانطلقت الزغاريط فكل مكان وحبيبه قامت وهي بتعيط فعلي حضنها جامد ودفن وشه في حضنها وباس خدها وهو حاضنها ودموعه نزلت بفرح والاغنيه اللي كانوا مختارينها اشتغلت بتاعه ملكه جمال الناس دلوقتي ملكي خلاص وشالها ولف بيها وكلهم فضلوا يزغرطوا فرحانين بيهم جدا وصحابه اطلقوا العاب ناريه في السما وحبيبه كانت منهاره عياط وتابعت اخيراا يعلي اخيراا بقيت مراتك بجد مش مجرد تمني والله مش قادره وضحكت من بين دموعها وتابعت مش نكديه والله بس مش قادره اصدق بجد ان خلاص بقيت مراتك عادي كده
علي ابتسم من بين دموعه وباس جبينها بعمق وتابع عادي ايه يحبيبه ده احنا طلع عين اللي خلفونا وبص للسما وتبع اللهم لك الحمد اداني فوق ماطلبت مش قادر اقولك قد ايه فرحان اني عيشت لحد ماجيه اليوم اللي تبقي فيه حلالي ده
حبيبه بعياط يعمري يارب يديمك ليا العمر كله يارب وحضنته فشدد من احتضانها فكريم راح جنب ودن علي بسبب الاغاني وتابع بضحك خلاص ياروح امك كلها كام يوم وتبقي في بيتك مش كده الناس
علي فضل يضحك من بين دموعه ومسح دموعه بايد وبالتانيه حط ايديه على كتف حبيبه وتابع يولعوا كلهم محدش ليه حاجه عندي مراتي يابااشا خلاص
حبيبه بضحك وفرح يانن عين مرااتك والله ما مستوعبه يجدعاان
علي فضل يضحك فتابع كريم بضحك قسما بالله اتنين مجانين واتلموا علي بعض
علي بضحك حرماان يابا ده حرماان زي حد ماشي في صحرا بقاله سنين كده ولقي كوبايه مايه
كريم فضل يضحك وتابع حاسس بيك والله علشان كده مش عايز ارخم بس خلاص والله تتحسدوا
علي بضحك والله لو القاعه ولعت هاخدها الف بيها في الشارع بس مش هخبي فرحتي انهارده
فكريم فضل يضحك ولميا كانت رايحه تسلم على علي وحبيبه بس هناء وقفتها ووشها باين عليه الخضه فبصتلها باستغراب وتابعت مالك مخضوضه ليه في ايه؟؟
هناء بتوتر ادهم كلم وسام
يتبع