رواية لنا موعد اخر الفصل التاسع والستون69 بقلم لولا

علي بعصبيه انا ولا فهمت غلط ولا حد قالي حاجه انا شوفت المخدارت في عربيته بعيني الاتنين وضربته بالقلم وبهدلت بكرامه اهله الارض ومفتحش بوقه قصاادي بس خلااص هو كده جاب اخرره معاياا فمن انهارده واللحظه دي تحديدا عصام مش هيعتب بيت الجارحي تاني وياناا ياهوو وليكم حريه الاختيار

كلهم اتصدموا بشده فتابعت رانيا بصدمه جرالك ايه يعلي وصلت بيك تحط نفسك في مقارنه معاه؟ للدرجه دي؟

علي بعصبيه ااه وصلت بيا علشان انتوا شكلكم اتجننتوا ونسيتوا شوفناا ايه بسببه فقدامك اختيارين ياناا يا ابن جوزك

رانيا الدموع اتجمعت في عينيها وتابعت بوجع ابن جوزي اه بس عمري ما حسيته غير ابني وحته من حبيبي واخو ولادي فمش هعرف اختار بينكم يعلي مش هعرف

علي بصلها بذهول وتابع بوجع انتي ازاي كده؟ قدرتي تسامحيه عادي؟ واتعصب اكتر وتابع قدرتي تنسي انه كان هيموتنيي وحبسنيي؟! والدموع اتجمعت في عينيه وتابع بعصبيه قدرتي تنسي الذل اللي عيشته بسببه؟! بس حقك تنسي ماهو مش انتي اللي اتهانتي وقعدتي وسط مجرمين ودخلتي انفراادي وكل القرف والظلم دده محدش عاشه غيرري

رانيا بدموع اخص عليك يعلي طب ده انا اللقمه مكنتش ببلعها في غيابك يا ابني ده انت نورعيني وحته مني

علي بعصبيه ااه فتقومي تسامحي اللي عمل فيا كده تاخديه في حضنك ولما احاول افكركم باللي عمله اطلع انا اللي وحش

اسراء بدموع لان عصام اتغير يحبيبي ده انا اكتر واحده كانت كرهاه ووقفت قصاده وبهدلت بكرامته الارض علشانك انما هو فعلا بقى حد تاني دلوقتي وربنا بيسامح احنا مش هنسامح يعلي؟

علي بعصبيه ده علشان ربناا انما احنا بشرر وقدراتنا وتحملنا محدودين فانتوا قدرتوا تسامحوا علشان مش مكاني واللي ايديه في المايه مش زي اللي ايديه في الناار ومع ذلك كنت هسامحه بس خلاص وصلت بيه انه ممكن يأذيني في شغلي فمينفعش افضل شااريه

رانيا بدموع حقك تزعل بس لو انت فعلا كنت هتسامحه يبقى الصح تاخده من ايده وتوديه مصحه وتجبره يتعالج انما مترميهوش لوحده كده

علي بعصبيه يجدعاان افهموا متبقوش بترددوا كلام وخلالص عصاام لو ينفع يتعالج انا كنت عالجته انما ده مينفعش يدخل مصحههه علشان سُمعته وسمعه ابنه ومكاانته وهو عاارف انه هيغلط ومش هيعرف يدااوي ومع ذلك غلط فـ ده انساان حقيقي مستهتر وغير مسؤول ومش هامه حد فينا

رانيا بدموع خلاص حقك تاخد موقف منه بس متقارنش نفسك بيه يحبيبي ارجوك هو مالوش غيرنا ومش هعرف اشوفه جاي هو والواد زي كل خميس واقفل الباب في وشه مش هقدر ورحمه ابوك

اسراء بدموع بالظبط كده ارجوك فكر تاني يعلي علشان خاطري

علي بصلهم بسخريه وتابع بحده اعملوا اللي تعملوه بس فرحي وشقتي مش عايز اشوفه فيهم انما انتوا مش جديد عليكم انكوا تختاروه علياا

رانيا بدموع ولهفه لا يعليي لا احنا مختارناش اخوك عليك احنا بنقولك انه اتغير علشان كده سامحنااه

علي غمض عينيه وتابع بعصبيه متقووليش اخوك دي علشاان اقسم بالله هخسركم بجد ومش هيهمني وانا قولت اللي عندي فكروا عايزين مين فينا لان احنا الاتنين مستحيل نتجمع في مكان واحد مهما حصل وبص لحبيبه وتابع بعصبيه شايفك ساكته يعني

حبيبه بوجع لانك اكيد متقصدنيش معاهم ..ده ابنهم واخوهم فحقهم ميعرفوش يختاروا بينك وبينه انما انا ماليش الا جوزي فاللي تشوفه انا هعمله يعلي

علي بسخريه لا شاطره على اساس كده هنسى انك كسرتي كلمتي وروحتي عزمتيه هو وسلفتك قال سلفتها قال وزق كتفها بخفه وتابع بحده خديهم وعلى براا يلا مش طاايق اشوف حد فيكم

حبيبه بحزن يعلي انا عملت كده قصدي اصلح الامور و

علي بمقاطعه وعصبيه قوولت اطلعواا براا

فكلهم اتخضوا وبالفعل رانيا فتحت الباب وطلعوا وقفلوا عليه فنفخ بعصبيه وقلع تيشرته رمااه بعصبيه وراح نام

-

وبرا في الصالون طلعوا قعدوا مع بعض 

فتابعت رانيا بوجع وبعدين؟ هنعمل ايه في المصيبه دي ربنا يسامحك يا عصام يا ابني ليه كده بس ودموعها نزلت

اسراء بدموع انا مش مستوعبه اللي سمعته حاسه في حاجه غلط

حبيبه بوجع لا يا اسراء عصام عمل كده فعلا انا شوفت الزفت ده في عربيته ولما علي بهدله مأنكرش

رانيا بدموع ليه ليه يعمل كدده بس ده معااه عيل ذنبه ايه طيب

اسراء بدموع هو المهم العيل دلوقتي يا ماما ولا المهم نلحقه من المصيبه اللي هو فيها دي قبل ما يتمادى

رانيا بدموع وبحده ده انا هبهدله بس صبره علياا بس نعدي فرح اخوه

اسراء بدموع وهنعمل ايه مش هيجي الفرح فعلا؟

حبيبه بوجع علي منشف دماغه بس مينفعش عصام ميجيش فاهدوا كده لسه فاضل 6 ايام وان شاء الله خير وهنعرف نقنعه

رانيا قعدت على الكنبه وتنهدت بقله حيله وتابعت بدموع ولا هنعرف نعمل حاجه يحبيبه هو علي جديد عليكي ده ميقدرش عليه غير ربنا والمره دي حقه انا مبقتش عارفه اقول ايه ولا ادافع عن عصام ازاي مفروض يعمل خاطر لاخوه اللي بقى في مركز حساس دلوقتي

اسراء بوجع اللي بيدخل في الطريق ده مبيبقاش شايف حد خالص يا ماما

حبيبه بحزن ده انا كنت ماصدقت اتحمق علشانه ونزل دافع عنه لانه كان بيتخانق وقولت خلاص اتصالحوا ربنا يسامحه بجد

رانيا تنهدت بقهر وتابعت منها لله هند ربنا ينتقم منها على تربيتها الزفت للواد وانها سابتله السايب في السايب من البدايه

حبيبه بحزن عندك حق هو عصام اتربى غلط من الاول والعيشه برا خليته ميعرفش عن الدين والاخلاق حاجه

اسراء بوجع طب والعمل هنعمل ايه علي مستحيل يقتنع

حبيبه تنهدت وتابعت مفيش حل غير كريم هو الوحيد اللي بيمشي كلمته على علي وبيكبرله

رانيا تنهدت وتابعت وانتي فكرك كريم مش هيقف في صف علي؟

حبيبه بابتسامه فِكري ان كريم حنين اوي وبقى يحب عصام وصفي من ناحيته فممكن يتعصب بس مش هيلوم عليه او يزعل زي اخوه اللي شاف منه اذى كتير

اسراء بحزن مفيش حل غير ان كريم يقنع علي فعلا بس لازم الاول نقنع كريم

رانيا بتنهيده اتصليلي بكريم يحبيبه

حبيبه بلفهه حاضر عيوني ومسكت فونها اتصلت بكريم فثواني ورد عليها وتابع بابتسامه ايه ياعروستنا الحلوه

حبيبه بابتسامه ايه يحبيبي عامل ايه

كريم بحب بخير يعمري انتي طمنيني عليكي جبتي الفستان ولا ايه الدنيا

حبيبه بحب اه جبته يحبيبي كلم ماما رانيا عايزاك ثواني

كريم بحب هاتيها

فرانيا مسكت الفون من حبيبه وتابعت بدموع ايوه يكريم

كريم بخوف مالك يا مرات عمي في ايه؟

رانيا بدموع عايزاك في حوار يكريم انت فين

كريم بقلق في الشركه في ايه وقعتي قلبي

رانيا بدموع لا يحبيبي متقلقش كمل شغلك وتعالى لما تخلص اشهدك على حاجه

كريم بخوف مقلقش ايه بس يمرات عمي ده انتي صوتك لوحده يقلق هعتذر واجي

رانيا بدموع يحبيبي كمل شغلك انا بس واخده على خاطري من علي فهسلطك عليه

كريم بحده عمل ايه زفت

رانيا تنهدت وتابعت كلام التليفون مش هينفع انت لما تخلص تعالى بس كمل شغلك متقلقش

كريم بتنهيده ماشي يا مرات عمي

رانيا باي يحبيبي

كريم باي وقفلت معاه فاسراء تنهدت وتابعت حاسه كريم هيعرف يقنعه باذن الله

حبيبه بتنهيده لو كريم اقتنع هيقنعه ..علي ميقدرش يكسر كلمه كريم حتى لو مش على هواه

رانيا بدموع يارب يابنتي يسمع منك ربنا بجد

-

في جنينه فيلا إيلين كانت قاعده ومراد جنبها وبيتكلم وهي سرحانه

مراد بابتسامه فلما لاقيتك مش عاجبك التصميم كلمت مهندسه الديكور اللي بتحبي شغلها وهتعمل التصميم اللي عجبك بس ياستي و ..وسكت مستغرب سرحانها وهز كتفها وتابع إيلين انتي معاياا؟؟

إيلين اتخضت وتابعت هاا اه يا مراد معاك كمل

مراد تنهد وتابع اكمل ايه؟ هو انتي معايا اصلا؟

إيلين بحرج حقك عليا متزعلش قول انا معاك اهو

مراد بحده اقول ايه بجد انتي مش شايفه منظرك؟ مالك يا إيليين في ايه؟ انتي عارفه دي المره الكام تسرحي وانا بكلمك؟

إيلين بحده في ايه يمرااد بقالي اسابيع متمرمطه مابين شغلي اللي بطبق فيه وتجهيزات الفرح وتعبانه ومضغوطه ارجوك قدرر شويه مش كدده

مراد مسح بايديه على وشه وتابع بقيت انا اللي مش بقدر دلوقتي؟ واتعصب وتابع انما كل ما اجي اشوفك او نخرج برا معرفش اكلمك كلمتين ودايما مصدرالي الوش الخشب ده اللي عاادي مش كدده؟

إيلين تنهدت بوجع وتابعت مراد انا تعبانه ارجوك متضغطنيش زياده ودموعها نزلت وتابعت صدقني مش قصدي بس حقيقي تعبانه

مراد بحده تعبانه فيكي ايه؟ ايه اللي مخليكي طول الوقت قالبه وشك في وشي ومش طاايقه كلامي؟

إيلين بدموع ان الفرح قرب وده طبيعي ضغط نفسي على اي عروسه

مراد بسخريه ده على اساس انك هتتجوزي وحش كاسر؟ هو انا اخوف اوي كده؟ انتي شايفه ده سبب منطقي؟ ده اي عروسه بتبقى على قد توترها على قد فرحتها ماتشوفي صاحبتك حبيبه ولا دي مش عروسه بعد اسبوع؟

إيلين غمضت بضيق وتابعت بدموع انا غير حبيبه وكل عروسه غير التانيه وبعدين دي متربيه مع علي عكسي انا وانت بردو

مراد بحده على اساس ان انا عارفك امبارح؟؟ ماحنا بقالنا سنتين مخطوبين وعملت كل اللي اقدر عليه علشان تبقي مبسوطه وانتي من يومك اسلوبك كده هو مش توتر فررح لو توتر فرح هعديه هقول فتره وتغور دي مش طبيعتها انما انتي دايما كدده وانا تعبت حقيقي يا إيلين وجبت اخري

إيلين تنهدت بقهر وتابعت بدموع مراد انت عارف اني وافقت بيك صالونات وعارف اني محتاجه شويه وقت علشان احبك زي ما بتحبني مش كده؟

مراد بذهول وانتي سنتين مخدتيش الوقت الكافي؟

إيلين بوجع ودموع لا مش حكايه كده انا متقبلاك وانت شخص جميل وحقيقي متترفضش بس الحب ده مش بتاعنا ده بايد ربنا انت فاهمني؟

مراد تنهد بعمق وتابع إيلين انتي بتحبي حد ومش عارفه تنسيه؟

إيلين اتصدمت وبلعت ريقها بتوتر وتابعت بوجع هاا لا طبعاا انت ازاي تفكر كده؟!

مراد بتنهيده انا بسالك لانك لو قولتي هحترم صراحتك انما لو عرفت حاجه زي دي لوحدي هيبقى صعب اعديهالك او اكمل معاكي انا مش عيل صغير علشان اتختم على قفايا في حاجه زي دي وخطيبتي يبقى قلبها مع غيري

إيلين خافت وقلبها دق بسرعه وتابعت بتوتر وخوف لا متقلقش مفيش اي حاجه من دي

مراد تنهد وتابع تمام واذا كان عليا فانا معاكي لحد ماتحسي انك حباني ومرتحالي زي مانا بحبك بس لو مش حابه تكملي اعتقد كفايه سكوت لحد كده وتعرفيني علشان الحق اتصرف

إيلين قلبها وجعها وتذكرت فلاش باك

عصام تنهد وتابع تسيبيه ولا متسيبيهوش في النهايه انا مقصرتش ربنا يسعدك وسابها ومشي 

بااك

إيلين تنهدت بقهر والدموع متجمعه في عينيها وتابعت لا انا عايزاك يا مراد ..كفايه انك الوحيد اللي بتحاول علشاني ومسبتنيش واتخليت عني لما قولتلك اني مش عايزه الخطوه دي

مراد ابتسم ومسك ايديها باسها فغمضت عينيها بوجع فمراد بصلها وتابع بابتسامه ربنا يخليكي ليا وميحرمنيش منك ابدا يحبيبتي

إيلين ابتسمت بوجع وتابعت ويخليك ليا يارب

مراد بابتسامه ها تحبي الهوني مون يبقى فين قولتيلي هفكر ومردتيش عليا

إيلين بطنها وجعتها مجرد ما اتكلم عن شهر عسلهم وحست بخوف وانها نفسها تهرب من كل ده لانها لو قدرت تتجوز مراد فمش هتقدر ابدا تخليه يلمسها فغمضت بوجع وتنهدت وتابعت هبقى اقولك انما دلوقتي حقيقي مش وقته انا مشغوله اكتر بفرح حبيبه

مراد بحب خلاص اتفقنا اختارتي الدريس اللي هتلبسيه؟

إيلين بتنهيده لسه محتاره مابين اتنين

مراد بحب خلاص وريني ونختار سوا

إيلين تنهدت وهزت راسها بلايجاب وفتحت الفون توريه

-

الساعه8 بالليل عند اسيا كانت واقفه بتغسل المواعين وخلصت وقفلت الحنفيه وتابعت وهي بتنشف ايديها : توليين ..انتي يا زفتهه

تولين من برا : نعم يا ماامي

اسيا خرجت من المطبخ وراحتلهم الصالون كانوا بيلعبوا بالبلايستيشن هي وليلى فتابعت بحده: هو انا مش قولتلك اطفي الزفت ده وتقوموا تكتبوا الهووم ورك اللي متكتبش امبارح بسبب كتب كتاب خالك او تناموا؟

تولين بحزن يا مامي انهارده الجمعه سيبيناا شويه وبكره صدقيني هكتبه

اسيا بحده قولت لا قومي يلاا انتي وهي اكتبوا الهووم ورك اللي وراكم

ليلى بضحك لا

اسيا شهقت وتابعت بذهول لاا !! انتي بتقوليلي انا لا يا شبر ونص انتي؟!!

ليلى بضحك ااه

اسيا بحده جتك اوه انتي وهي طب اقسم بالله انتوا لو ما اتلميتواا لروح اصحي ابووكم اخليه يجي يلمكم

تولين نفخت بضيق وتابعت بحزن يا ماامي بقى قولتلك بكره صدقيني

اسيا بصتلها بذهول وتابعت بحده انتي بتنفخيلي يا تولين؟ طب ماشي صبرك علياا واتجهت تروح اوضتها وتابعت فاارس ..يافارس وفتحت الباب ودخلت لقيته نايم فهزته بخفه وتابعت بضيق فاارس

فارس عينيه انكمشت بضيق وتابع عايزه ايه على المسا يا اسياا ده انا مطبق في الشغل وقايلك متصحنيش حتى اطفح اللقمه

اسيا بحده قوم شوف عيالك علشان انا تعبت منهم ومبقتش عارفه احكمهم

فارس فتح بصلها بحده واتعدل من نومته وقعد ورجع ضهره للسرير وتابع بحده يعني انا طاالع عين اهلي ومتخمدتش بقالي يومين يا اسياا ونزلت لفيت معاكي انتي وعيالك واختك علشان فساتينكم وماصدقت جيت نمت وانتي بتصحيني علشان العيال !! دي تصرفات نسوان عاقله يعني؟؟

اسيا بحده كده كده كنت هصحيك تاكل مستحيل اسمع كلامك واسيبك تنام فقوم كده فوق على اهلهم وربيهوملي

فارس بحده انا لو اتدخلت هتعصب وازعلهم يا اسياا

اسيا بابتسامه اتعصب يقلب اسياا اقولك اقسمهم نصين وانا قاعده هنا اهو مش هتحرك ولا احوش زي كل مره علشان دول مشافوش ربايه ومبقيوش يخافوا مني

فارس بحده هببوا ايه؟؟

اسيا بضيق من يوم الخميس بتحايل على الهوم ورك اتقال بعد كتب كتاب خالو وجم ناموا ومن ساعه ما صحيوا لعب وقله ادب ومفتحوش كتاب

فارس شال الغطا وتابع بحده ينعل ابو ليلى على تولين اما نشووف اخرتهاا معااهم وقام وقف

اسيا بضحك ايوه جدع فش غليلي منهم وهاتلي حقي علشان متربوش

ففارس نفخ بضيق وخرج وهو بيتابع بحده انتي يابت انتي وهي

فاسيا ابتسمت وقعدت على السرير وتابعت والله مهما قالوا يا مامي ماهطلع خليهم يتربوا

واستنت دقايق ومسمعتش اي صوت فاستغربت وطلعت بتتسحب لقيته قاعد على الكنبه وليلى على رجله وتولين جنبه وبيلعب معاها بلايستيشن فاتصدمت وتابعت ايه ده يفاارس انت بتهبب اييه !!

فارس بصلها ورجع بص للشاشه تاني وتابع استني بس خمسه يا اسياا اخلص الماتش ده ونتكلم

اسيا بحده وذهول مااتش اييه وزفت اييه !! هو ده اللي هتعصب يا اسياا هي دي عصبيتك يفاارس !! هو انا مصحيااك تربيهم ولا تجلطني وتلعب معااهم!!

فارس وهو باصص للشاشه تابع بضحك كنت ناول اتعصب بصراحه بس بصولي بعينيهم الحلوين دول فضعفت مقدرتش انطق بصراحه فمتكبريش الامور بقى يا اسيا لسه بكره اجازه وهيتكتبوا الهووم ورك عادي

اسيا بصتله بذهول وضربت كف في كف وتابعت يااربي الاقيهاا من العياال ولا من ابووهم ياارب والله تعبت وجبت اخري منكم كلكم

فارس بضحك حبيبتي ربنا ميحرمنا منك يارب

اسيا بحده اضحك ..اضحك يا مستفزز وراحت ضربته كذا ضربه في كتفه فتاوه بوجع وهو بيضحك فتابعت اسيا بحده لو دخلتك في تربيه العياال تاني يبقى بحق

فارس من بين ضحكه : يابت متبقيش قفوشه كده سيبيهم ده هو يوم اللي بيلعبوا فيه

تولين بضحك ايوه وباابي هيلعب معانا وباست خده

 فارس فضل يضحك وباس خدها وتابع نورعين بابي انتي

اسيا بصتلهم بغيظ وتابعت والله العظيم تلاته هتموتني بحسرتي انت وعيالك مااشي يفاارس مانا اللي متربتش اني صحيتك اساساا

فارس فضل يضحك وتابع بطلي وش بقى روحي حضري العشا جعان

اسيا بغيظ ورفعه حاجب طب مفيش اكل ايه راايك بقى انزل كل عند ليلى تحت

ليلى بصتلها وتابعت ايه

ففارس فضل يضحك بشده واسيا ابتسمت غصب عنها وتابعت مش انتي يا ام لسانين بقوله على تيته ليلى تحت

فارس من بين ضحكه: مش قاادر بجد سكرر وباس خدها

اسيا بصتله بغيظ وتابعت لا بس صوت زعيقك وصل لاخر الدنياا وصحى الميتين يحبيبي مش كده دول عيال بردو

فارس فضل يضحك وتابع انا بقول كده بردو المره الجايه بقى هكون اهدى خالص واعتمد التربيه الحديثه

اسيا بضحك فارس يحياتي انت معتمدتش التربيه اصلا علشان تعتمدها حديثه

فارس فضل يضحك وتابع انا من انصار ان البنات تدلع معرفش حاجه غير كده بصراحه

اسيا بضيق ماشي انا بعد كده هربي وارفع الشبشب ومش هدخلك خالص وسابتهم ودخلت المطبخ ففارس فضل يضحك وشويه وخلص لعب معاهم وبص للساعه لقاها 10 فابتسم وتابع ناكل وعلى النوم علطول ونصحي بدري نخلص كل الهوم ورك علشان مامي بتتكلم صح وخايفه على مصلحتكم اتفقنا؟

تولين بحب حاضر والله وحضنته وتابعت وثانك يو يابابي انك لعبت معايا

فارس بحب يقلب بابي ده انا اشاركك كل اللي تعوزيه وحضنها وباس راسها بعمق وبص لي ليلى اللي بتاكل كيكه وهي قاعده على رجله وتابع بضحك وانتي ياهانم بكره تكتبي هوم ورك حضانتك مش ناقصين كلمتين ملهمش لازمه من امك انا لاعبتكم وقضينا اليوم اهو

ليلى هزت راسها بماشي ففارس باس خدها وتابع يلا على السفره ونزلها تقف على الارض فجريت هي وتولين وقعدوا في اماكنهم واسيا خلصت رص الطباق وقعدت هي كمان في مكانها وجيه فارس قعد في النص وعلى يمينه اسيا وشماله البنات وسموا وبدائو ياكلوا فمسك ايد اسيا وباسها وتابع بحب تسلم ايدك يحبيبتي تعبناكي

اسيا ابتسمت بحب وبصتله وعينيها مليانه فرح وتابعت الف هنا يعمري ده انت تعبك راحه

تولين بحب تسلم ايدك يا مامي الاكل جميل اوي

اسيا بحب الف هنا يقلب مامي

ليلى بابتسامه تلم ايتك

فكلهم فضلوا يضحكوا بشده فتابعت اسيا بضحك الف هنا يعيوني

وشويه وخلصوا وتولين لمت مع اسيا الطباق ودخلتهم المطبخ ودخلت تنام هي وليلى واسيا غسلت المواعين وعملت الشاي لفارس ودخلت بيه اوضتهم كان فارد جسمه على السرير ومرجع ضهره لورا وماسك الفون فتابعت بحب الشاي اهو وحطيته جنبه

فارس بحب تعبتك يعمري

اسيا لفت وقعدت جنبه ودخلت في حضنه وتابعت بحب عمري ما اتعب وانا بعملك طلباتك انت بالذات

فارس بصلها بحب وتابع شكلك ناوياها انهارده والله

اسيا بضحك هي ايه دي؟

فارس ساب الفون على الكومود وقرب عليها وتابع بضحك مانتي عارفه اومال هتصحيني من فراغ

اسيا فضلت تضحك وتابعت لالا احترم نفسك وابعد كده انا صحيتك للعيال وانت ما شاء الله عليك خربتها

فارس فضل يضحك وتابع لا والله مش كده بصي يا اسيا وابتسم وتابع التعليم راغبه نابعه من العيل نفسه مينفعش انا كأب اجبرهم عليه ااه مش هسيبهم يضيعوا بس مش هبقى بجبرهم .. لانهم لو مش عايزين يتعلموا والله ما هيفهموا ولا هيحبوا التعليم مهما ازعقلهم ..وهما مبيمسكوش اللعب غير كل جمعه حرفياا لان حتي الخميس بيذاكروا ده هو فوتنا امبارح بسبب كتب كتاب اخوكي بس انما في العادي بيذاكروا فيه فمش هنيجي في اليوم الوحيد اللي بيستنوه وازن على المذاكره علشان اي حاجه بتزيد عن حدها بتتقلب ضدها علطول وانتي شغاله زن زن فبدل ما يحبوا الدراسه هيكرهوها لانها كبتت حريتهم ومنعتهم من حقهم في اللعب كاطفال حتى اليوم الوحيد اللي بيستنوه فالصح كنتي سيبيهم بس بكره الهوم ورك يتكتب قبل المدرسه والحضانه عمرهم ماهيقولوا لا وعيالك كده كده متربوش على انهم يروحوا مش مخلصين اللي وراهم وشاطرين وانا فهمتهم نيتك بردو

اسيا بتنهيده انا محبتش الهوم ورك يقعد يومين بدل يوم بس خلاص يحبيبي حصل خير

فارس بحب حصل خير سيبك بقى من العيال والهوم ورك والمناقشات الغريبه اللي بقينا بنتناقش فيها دي وركزي مع ابوهم شويه

اسيا فضلت تضحك وتابعت ابوهم ده نورعيوني من جوه والله

فارس بضحك مش حاسس فين الاثبات؟

اسيا فضلت تضحك ولفت ايديها حوالين رقبته وتابعت وماله نثبت

-

عند لميا كانت قاعده في كافيه وحاطه اللاب توب قدامها تشتغل وبتشرب قهوتها وبتبص قدامها لقيت شاب قاعد وبيضحك مع حبيبته فابتسمت بوجع وبصت للترابيزه التانيه كان واحد ومراته قاعدين ومعاهم ابنهم فابتسمت وثواني وتنهدت بقهر والدموع متجمعه في عينيها وحطت راسها مابين ايديها وافتكرت 

فلاش باك 

في نفس الكافيه

لميا بضحك بس يا ادهم احترم نفسك الناس بتبص عليناا

ادهم كان قاعد على الكنبه جنبها وواخدها في حضنه والترابيزه قدامهم وتابع بضحك ما يبصوا ولا يتنيلوا حتى واحد وحاضن مراته والدبل في الشمال ليهم عندنا ايه مثلا دي حاجه غريبه اوي يجدعان

لميا بضحك لسه مش مراتك لما نعمل الفرح ابقى قول مراتك بقلب جامد

ادهم بضحك بلا فرح بلا كلام فاضي انا كتبت على سنه الله ورسوله ودي اهم حاجه وبعدين هما ايش عرفهم عملنا فرح ولا معلمناش هاا

لميا بضحك لا انا بتكلم عليا انا انك تاخد راحتك لما نعمل الفرح انما بالنسبه للناس اللي بيحصل ده مالوش تفسير غير حاجه من اتنين يا سحرالك يا ماسكه عليك ذله

ادهم فضل يضحك وتابع مانتي سحرالي صحيح

لميا برفعه حاجب لا يشيخ

ادهم بابتسامه اه والله عيونك لوحدهم بينسوني الدنيا بحالها فانا اقصد سحر عينيكي فهمتي ايه يا لولتي؟

لميا ابتسمت بحب وتابعت فهمت اني بموت فيك ودخلت في حضنه فسند دقنه فوق راسها وهو حاضنها فتنهدت بارتياح وتابعت مش قادره اصدق ان كل الصعب عدا وربنا خلاص عوضني بيك يا ادهم

ادهم ابتسم بحب وتابع بس انا قادر اصدق علشان اني اكتبك على اسمي ده حلم عيشت احلم بيه كتير اوي لحد ماحققته

لميا تنهدت بعمق وابتسمت وتابعت هانت كلها اسبوعين ونكمل الحدوته للاخر

ادهم بصلها وحط ايديه على خدها وتابع بحب قصدك البدايه هو جوازنا ده الاخر؟ لا اخص عليكي والله

لميا بحب اقصد اني اختارت راجل حبني بجد وراح طلبني وحكايتنا انتهت بجواز موجعنيش زي ما الدنيا كلها وجعتني قبله

ادهم بابتسامه ده علشان محدش حبك ربع حب ادهم ليكي وباس جبينها بعمق وبصلها وتابع اوعدك ان اللي جاي كله حلو وبس وجوازنا مش هيبقى نهايه بل بدايه لحاجات تانيه عمرك ماتتوقعيها

لميا بصتله بحب والدموع اتجمعت في عينيها وتابعت متوجعنيش يا ادهم انا سلمتلك قلبي ونفسي وانا مغمضه وهسيب بيتي اللي عشت فيه عمري كله حاسه بامان مع كريم علشان اقعد في بيتك انت ..فارجوك متخلنيش اندم في يوم من الايام اني وافقت  نتجوز بسرعه واتخطبنا 3 شهور بس

ادهم ابتسم وحط ايديه على خدها وتابع بحب انا مش عايش غير علشان اكمل دور كريم وزياده بطلي عبط قال اوجعك قال ده انتي نورعيني يا لميا ده انا كنت هموت بدالك ومهمنيش نفسي تقومي تقوليلي اوجعك؟ ده اسمه كلام

لميا بابتسامه والدموع في عينيها:انا قولتلك اللي جوايا بس

ادهم بحب وانا سمعتك وفهمتك وعمري ماهخذلك ..فكي بقى كده يا ام آيلا مش جايين ننكد الله

لميا ضحكت من بين دموعها وتابعت يادي آيلا وسنين آيلا

ادهم بضحك لا بقولك ايه متشتميش بنتي هزعلك

لميا بضحك وهي فينها بنتك دي هاا

ادهم بابتسامه وغمز نجيبها حالا يعمري يسلام

لميا بضحك اتلم واحترم نفسك واتعدل في قاعدتك كده علشان والله العظيم هتصلك بكريم

ادهم فضل يضحك وتابع اتصلي بكريم وبام كريم كماان ده حقي شرعاا يا ماماا

لميا بضحك وماله نتصلك بيه يحياتي وتقوله على كل حقوقك مش حق واحد يسلام ومسكت فونها فتحته فادهم شده منها وفضل يضحك وتابع بس بس يخربيت اهلك يشيخه هتقولي للراجل ايه انتي من اولهاا عايزه تطلعي اسرار بيتناا يا لمياا

لميا فضلت تضحك وتابعت ليه وهو فين بيتناا ده هاا ده انت فاضحنا في الكاافيه والناس عماله تبصلنا وتضحك

ادهم بضحك اكيد فاكرنا عرسان جداد فعلى لسانهم يقولوا طب ماتروحوا شقتكم وانا بصراحه هموت ونروحها

لميا فضلت تضحك واتعدلت وبعدت عنه سيكا وتابعت بضحك وماله حاضر انا عن نفسي موافقه جداا انت اتصل بس استأذن كريم ونروح ياروحي

ادهم بضيق مش عايز اغور

لميا فضلت تضحك وتابعت ايووه شاطر يعمري برافوو

ادهم بضحك هعديهالك الاسبوعين دول انما بعد كده وربي ماهننزل غير بعد 9 شهور وآيلا معاناا

لميا فضلت تضحك وتابعت هندخل بيها آيلا ولا ايه

ادهم بضحك هتشوفي

باك

فدموعها نزلت بقهر وابتسمت بوجع وتابعت لا صدقت في وعدك وجوازنا مكنش نهايه فعلا وكان مليان حاجات عمري متخيلتها ودموعها نزلت وتابعت على قد وجعي وقهري منك يا ادهم على قد ما وحشتني وقلبها وجعها وتابعت وحشني ادهم حبيبي اللي عرفته وحبيته مش الشخص اللي قدر يبعد عني ويقسى عليا كل ده وتنهدت بقهر وبصت للسما وهي بتاخد نفسها بقوه

-

عند هناء ووسام

هناء خرجت من الشاور وهي لابسه البورنص ولقيت وسام قاعد على الكنبه في اوضتهم وحاطط راسه مابين ايديه فتنهدت بحزن وراحت قعدت جنبه وحطت ايديه على كتفه وتابعت احضرلك العشا يحبيبي؟

وسام تنهد وتابع لا ياهناء مش جعان كلي انتي لو جعانه الف هنا

هناء بحزن معرفتش حاجه عنه بردو؟

وسام بوجع لا وبعد ماكنت فرحان بالمكالمه بتاعته رجعت خايف واكتر من الاول

هناء باستغراب اشمعنا بقى؟

وسام تنهد وتابع ادهم متكلمش مكالمه عاديه ادهم كان خايف والخط اتقطع فاجاه ومن ساعتها فات 24ساعه اهو ومرنش تاني ولا الخط اتفتح فاحساسي انه كلمني يطلب مساعده واتقفش وانا معرفتش افهمه

هناء بقلق اهدى يحبيبي فال الله ولا فالك ان شاء الله خير ويكون كويس ويعرف يكلمك تاني يارب

وسام تنهد بوجع وتابع يارب ياهناء يارب حقيقي تعبت وحاسس اني شايل حمول الدنيا كلها فوق راسي متخيلتش ان وجود ادهم كان مخفف عني بالشكل ده مع اني الكبير

هناء بوجع يارب يرده لينا بخير يارب

عمر صحي وفضل يعيط فتابع وسام بتنهيده بدأنا

هناء بحب ايه يوغتي ايه بتعيط ليه تعالى وفتحتله ايديها

وسام بصلها وتابع بتنهيده اممم على اساس متعرفيش بيعيط ليه مش كده

هناء فضلت تضحك وعمر نزل من على السرير وراحلها يرفع ايديه علشان تشيله وتابع بعياط مااماا

هناء شالته وقعدته على رجليها وتابعت بحب بس يحبيبي بس اهدى ايه كل العياط ده وبقيت تمسح دموعه

فعمر عياطه زاد واتعصب وبقى يشد في البورنص وتابع بعياط مااماا

وسام بصله وتابع لا مفيش ماما وشال ايديه من على هناء وتابع مفيش ماما يا ابن الكلب

هناء فضلت تضحك فوسام بصلها وتابع بحده هنااء كفاياكي ضحك علشان بيزيد فيهاا الموضوع ميضحكش نهاائي عمر كبرر ومش صغيير على الكلام ده

هناء كتمت ضحكها بالعافيه وتابعت خلاص حاضر والله اتصرف معاه انت طيب

وسام شال ايد عمر وتابع بحده لا يابابا خلاص مينفعش

عمر فضل يعيط وحط ايديه تاني على هناء فوسام شالها وتابع بحده لا يابابا قولت لاا

عمر فضل يعيط ورايح بردو يحط ايديه فوسام مسكها وتابع بحده هو انا مش قولت لا؟؟ روح كل كيكه يلا ماما عملت برا

فعمر فضل يعيط بشده فهناء حضنته وتابعت بوجع يعمري عليك وبصت لوسام وتابعت حرام عليك يوساام ده عيل صغير

وسام بحده بقولك ايه مش طلباكي هترضعيه لحد ما يدخل الحضانه ولا اييه

هناء بحزن طب المره دي بس والله علشان خاطري شايف بيعيط بشهقات ازاي ينورعيني عليك يا ابني وفضلت تطبطب عليه تحاول تهديه

وسام بحده ايااكي هنكد عليكي بجد فعدي يومك

هناء بدموع يوسام مش كده يوسام متفقناش تعيطه

وسام بصلها بذهول وضرب كف في كف وتابع بحده اوماال عايزه عيل بيتفطم يتنطط من الفرح ولا اييه؟ الواحد بيربي الواد ولا امه ياربي

هناء بدموع طب اسكته ازاي بقى دلوقتي

وسام مد ايديه ياخده وتابع بحده هاتيه واخفي من قدامي متدخليش

هناء باست خد عمر وادتهوله فوسام بصلها وتابع ماهو طول ما عنده ام منحنحه كده والله ما هيفلح

هناء بضيق ربيه انت انا قايمه اغير واحضر الاكل

وسام بتنهيده ايوه جدعه اعملي الحاجه الشاطره فيها وسبيلي انا التربيه وشال عمر يتمشي بيه وخرج للصالون وهو بيحاول يسكته وبص للساعه لقاها11 فتابع بصوت مسموع: هنااء هي لمياا جات وانا باخد شاور؟

هناء من الدريسنج بصوت مسمموع: لا لسه مجتش

وسام غمض بضيق وتابع بحده طب هو ينفع يعني الكلام ده ياهناء الساعه11

هناء لبست كاش وخرجتله وتابعت وانا مالي يحبيبي هي اتفاقها كان معايا ولا معاك منك ليها لما ترجع

وسام هز راسه بالايجاب وهو متعصب وتابع تمام ودخل بعمر البلكونه بيحاول يهديه ودقايق والباب خبط فهناء بصت من العين السحريه لقيتها لميا ففتحت وتابعت بهمس حاد :ايه كل ده يخربيت اهلك يشيخه اطلعي جري على شقتك وكانك فوق من بدري وانا معرفش يلاا

لميا بتوتر وسام صاحي؟؟

هناء بهمس حاد ايوه اومال بقولك اطلعي ليه وبهدل الدنيا بسببك هو مش قايلك اخرك 9 بالكتير اوي؟

لميا بتوتر يابنتي كان ورايا شغل ومخنوقه من البيت فقعدت اخلصه برا

هناء رايحه تتكلم فوسام دخل من البلكونه واستغرب ان الباب مفتوح فتابع هي دي لمياا ياهنااء؟؟

هناء ولميا فتحوا عينيهم بصدمه فتابع وسام بحده انتي يابنتي

هناء بتوتر ااه هي يحبيبي

فوسام جيه وقف قدامها فلما شافته اتوترت فتابع بحده الساعه كام يا لميا؟؟

لميا بتوتر حقك عليا اتاخرت انهارده بس كنت..

وسام قاطعها بحده وتابع اياا كاان انا قايلك9 تكوني هناا يبقى 9 تكووني هناا وطول مانتي مرات اخوياا يبقى انا مكاانه في غيابه ومينفعش اسمحلك تتأخري براا ولا تشتغلي اصلاا بس كبرت لاخوكي لما صمم

لميا اتعصبت ورايحه تتكلم فقاطعها وسام بعصبيه وتابع عاجبك الوضع ده اهلاا وسهلاا مش عااجبك على بيت ابوكي واقعدي انما شغل انك متعمليش احتراام لاي راجل وتمشي اللي في دماغك ده مينفعنيش

هناء بحزن براحه عليها يوسام

وسام بعصبيه لا مش برااحه دي اعتبرت نفسهاا بطولهاا وطلوع ونزول واجتماعات وسهر مع ان جوزها رافض الشغل بس بقول معلش سيبهاا تنجح في شغلها ماهو متبقاش الدنيا جايه عليها من كله انما وصلت بيها ترجعلي11 !! ليه هي لو عند كريم هيوافق بالكلاام ده ؟!

لميا بحده ودموع انا مش معتبرره نفسي متجوزه يوساام ولو لسه مصممه اقعد هناا فـ ده لاجل اني لو مشيت مش هعرف اقول اني اطلقت علشان للاسف لسه على ذمه ادهم انما متسرحش بالكلام وتقول متجوزه انا بطولي وهفضل بطولي ويوم مايرجع يوم ماهتحرر منه واعيش حيااتي

وسام بعصبيه لا متجوزه وقدام الدنياا كلهاا انتي مرات ادهم العاامري وشايله اسمه ولحد ما تعملي اللي انتي عايزاه وتطلقي فانتي مرااته ومطالبه تحترميه وملزومه مني في غياابه واخوكي معترضش على كدده وسابك تعيشي هنا علشان تحت عيني انما انتي مش داخله عيله مفيهاش رجاله علشان في غياب جوزك نسيبك على هوااكي

لميا دموعها نزلت بقهر وتابعت انا كان ورايا شغل فتاخرت مكنتش بلعب

وسام بعصبيه وانا لو اصيل وبصون اللي يخص اخوياا فعلا هقولك مفيش شغل خالص ولا بدري ولا متاخر لان دي رغبته فمش معنى ان سيبتك تعملي حاجه بتحبيها تجيلي الساعه11 انا بحذرك قدام اختك اهو يا لمياا اللي حصل ده ميتقررش علشان قسما بالله وغلاوه ابني اللي على دراعي ده لو حصل تأخير ولا سهر بسبب شغلك تاني يبقى مفيش شغل خالص وعلى الاقل لما يرجع ادهم اعرف احط عيني في عينيه وابقى خبيت مرااته عن الناس مش يرجع يلاقيها بتطلع في التلفزيون من ورااه !!

هناء بحزن وفيها ايه يحبيبي ماهي شغاله شغلانه محترمه وليها قيمتها ومركزها مش اي حاجه بردو

وسام بحده فيها انه هيرجع يتصدم فيهاا هيلاقيها عاشت حياتها وكسرت كلمته كأنها ماصدقت واعتبرت ان ملهاش راجل وهيلومني اني سيبتها تشتغل

لميا بحده ودموع لما يرجع مش هيبقى ليه حاجه عندي علشان هيطلقني متخافش على منظرك اوي يا ابو عمر انت عملت اللي عليك وزيااده

هناء بحزن قسيتي عليه يا لميا

لميا بقهر ودموع زي ماهو قسي علياا سنتين بحالهم وسايبني لا مني متجوزه ولا مني متطلقه وبقيت ابص للبنات الاصغر والاكبر مني وهما مستقرين وامهات واتحسر على نفسي اللي سحلتها في حياه الشغل وبقيت مجرده من المشاعر والعاطفه والحنان وزيي زي الرجاله عايشه اشتغل وبس وسابتهم وطلعت وهي بتعيط 

هناء غمضت بوجع من كلامها ودموعها نزلت وتنهدت بقهر وتابعت مش كده يوسام واحده واحده عليها يحبيبي

وسام بتنهيده انا عارف انها بتشتغل تلهي دماغها علشان كده سايبها بس فعلا مينفعش رجوعها متأخر وادهم فعلا مش هيعديها يا هناء صدقيني المشاكل هتزيد لما يرجع مش هتقل ابدا بالوضع ده

هناء بوجع ودموع يمكن يجي بالاسباب اللي تخليها تهدى من ناحيته شويه وتعرف انه اكيد كان غصب عنه

وسام تنهد بوجع وتابع يارب والله

-

عند رانيا كانت قاعده هي وحبيبه واسراء بيتفرجوا على الشاشه والباب خبط

رانيا بتنهيده قومي افتحي لابن عمك يا اسراء

اسراء رايحه تقوم فتابعت حبيبه بحب خليكي يا ساسو هفتحله انا وراحت فتحتله وابتسمت وتابعت حمدلله على سلامتك يحبيبي وحضنته

كريم بابتسامه يسلام يخواتي على الحنيه اللي هياخدها علي ابن الكلب ده لوحده

حبيبه بضحك لا يعمري مش لوحده هو انا اقدر استغنى عنك

كريم ابتسم وحط ايديه على خدها وباس جبينها بعمق وتابع مش عايز انكد دلوقتي فقفلي على الموضوع ده وتعالي نشوف رنوش عايزه ايه يلا

حبيبه بحزن حقك عليا والله هما 3شهور صدقني ولما علي ينقل شغله هنا هنرجع

كريم دخل وتابع بتنهيده ماهو انتي3 شهور والتانيين كل فين وفين بيجوا واهي ماشيه عادي يحبيبه عادي مساء الخير يا مرات عمي وباس راسها

رانيا بحب مساء النور يحبيبي

حبيبه تنهدت بحزن وحضنته وتابعت متزعلش مني والنبي انا وعدتك هفضل قدامك بس والله غصب عني

كريم ابتسم بوجع وتابع عارف انك هتمشي اجباري بسبب شغل علي وعارف اني لو كنت قولت لعلي اجل الفرح 3 شهور كمان كان صورلنا قتيل فخلاص هي جات من عند ربنا شرم محافظه كويسه تقضي وقت حلو مع جوزك ويخلص فتره خدمته هناك بعدين تيجوا القاهره علطول هيعدوا باذن الله

اسراء بتأثر: يعمري عليك وانت عمال تبسط الامور قدام نفسك علشان متزعلش

كريم الدموع اتجمعت في عينيه وتابع اصل هعمل ايه طيب ربنا يسعدهم طول ماهما فرحانين انا فرحان

حبيبه بدموع لالا والنبي وحضنته جامد وتابعت انا مش هقدر ابعد عنك لوحدي والله فمتصعبهاش عليا

كريم ضمها ليها اكتر وباس راسها بعمق وتابع مش قصدي انكد والله حقك عليا بس عارفه انتي  احساس عادل امام لما قال لبنته عايزه تسبيني يحبيبه؟؟ ده انا ماليش غيرك ..هو المود ده كارف علياا اليومين دول بقى

حبيبه بحب ودموع يقلب حبيبه انت لا مقدررش اسيبك قولي لابنك هو طالق يا رانيا

فكلهم فضلوا يضحكوا بشده فتابع كريم بضحك خلاص اكلمه ان مفيش جواز يعني متاكده؟

حبيبه بضحك ماهو للاسف كتبنا وبصتله بتمثيل وتابعت انت يرضيك اختك حبيبتك تبقى مطلقه وهي مدخلتش بردو؟

فكلهم فضلوا يضحكوا فتابع كريم بضحك شوف البت الربايه الناقصه المهم ان مدخلتيش يعني؟

حبيبه بضحك ااه طبعاا تفرق كتيير اطلقنا بعد يبقى نصيب واختلفناا بس اتجوزت زي الناس عادي انما قبل ما ادخل ده ايه الفقر ده ابقى مطلقه وانا بنت يعني؟

كريم بضحك لا ازاي ..ازاي يقلب اخوكي ميصحش فعلا ووطى يقلع جزمته فحبيبه شهقت وفضلت تجري وهي بتضحك وتابعت لالا كريم لاا علشان خااطري وحياتي

كريم بضحك ايه يحبيبتي جريتي ليه مانتي كنتي وافقه زي الاسد وبتعبري عن رايك دلوقتي ايه اللي حصل

رانيا فضلت تضحك وتابعت ما بقى جوزها يكريم الله

حبيبه بضحك قوليله بقى يا رانياا مش فاهمه هيفضل يخنقني لحد امتى

كريم بضحك العمر كله ..طول مانا واقف مسمعش حسك من ورايا عيشي حياتك ياستي جوزك مقدرش اتكلم

حبيبه بضحك اتفقنا هجيلك بس متضربنيش وحياه نيره

كريم فضل يضحك وتابع مش هضربك والله خلاص

اسراء بضحك شوف لما حلفته بنيره جاب ورا ازاي

كريم فضل يضحك وتابع وحياه نيره بحبهم كلهم زي بعض متدخليش انتي يا حربوقه

فكلهم فضلوا يضحكوا بشده فحبيبه راحت ضربت كتفه وتابعت بضحك لاا ماهو واضح ماشي يكريم

كريم بضحك اهدي بقى اما نشوف حماتك عايزه ايه وبعدين انتي ايه مقعدك هنا لدلوقتي هاا الساعه11

حبيبه بضحك بيت جوزي وقاعده فيه فيها ايه الله

كريم بضحك مش عروسه غوري شوفيلك حاجه اعمليها يلا

رانيا بتنهيده خليها احنا مش هنام وعلي لما يصحي لصلاه الفجر هينزلها تطلع شقتهم بس المهم دلوقتي عايزاك ضروري

كريم بحب اؤمريني يمرات عمي

رانيا تنهدت بوجع وتابعت علي مش عايز اخوه ولا مراته يجوا الفرح وحلف علينا ماهو داخل البيت تاني ووقفنا قصاده في دي بالعافيه انما الفرح منشف دماغه ومفيش غيرك يعرف يقنعه

كريم باستغراب وهو رافض عصام يجي ليه ان شاء الله؟

كلهم بصوا لبعض بتوتر فكريم بصلهم باستغراب وتابع في ايه يا جماعه هو سر؟

حبيبه بوجع عصام بيدمن يكريم وعلي شاف الكيس في عربيته واتخانق معاه خناقه لرب السما واتبرى منه

كريم اتصدم بشده وتابع ينهار اسود علي عرف !!

كلهم اتصدموا فتابعت رانيا بصدمه انت كنت تعررف؟

كريم تنهد وتابع ااه شوفته مره وبهدلته وقالي انه هيحاول يبطل ونبهت عليه يعمل ده بسرعه قبل ماعلي يعرف علشان مش هيسكت حرام عليك يعصام والله

اسراء بحده وانت ازاي مصممتش توديه مصحه يكريم؟

كريم بحده انتي هبله ولا عبيطه مين قال مصممتش ده انا بهدلته وصممت بس مرضيش بسبب مكانته طبعاا وقالي هحاول في البيت بس الظاهر مفيش سمعان كلام

حبيبه بتنهيده علي قال كده بردو مستحيل يدخل مصحه

كريم بتنهيده بالظبط انما مسكتش قسما بالله ده بردو ابن عمي ويعز عليا اسيبه يضيع

رانيا بدموع مش هنسكتله وهنخليه يفوق لنفسه والله بس بالله عليك اقنع علي يخلي عصام يحضر يكريم ارجوك يا ابني

كريم بتنهد بوجع وتابع هي صعبه بس صدقيني هحاول فينه علي؟

حبيبه بحزن نايم في اوضته

كريم قام وقف وتابع بتنهيده طيب رايحله وراح بالفعل فتح الباب ودخل وقفل واستغرب الازاز بتاع البرفيوم والريحه الرهيبه في الاوضه وتابع ماله ده سايب الازازه مكسوره ونايم!!

وراح شغل النور وقعد جنبه وشال الغطا وهزه بخفه وتابع علي.. علي ..انت يا بيه

علي فتح عينيه بضيق وتابع ايه يكريم في ايه على المسا

كريم بتنهيده قوم بس كده عايزك في كلمتين

علي دعك عينيه واتعدل سند ضهره للسرير وفتح ببطئ وتابع قول سامعك

كريم بتنهيده اولا انا لو سمعت صوتك اترفع هقل منك علشان انا مبتكلمش مع عيل في ابتدائي تمام؟؟

علي فهم وتابع بحده ااه يبقى قالولك على الشمام ابن الكلاب الـ...

كريم بمقاطعه وعصبيه انت سمعتني قولت اييه؟؟ انا مش جاي اتهزق معااك

علي كتم عصبيته ومد ايديه على الكومود جاب علبه السجاير بعصبيه وحط واحده في بوقه وولعها وتابع بغضب مكتوم: قول يكريم قول مانت فوقت اهلي خلاص ونفخ دخان السجاره

كريم تنهد وتابع انا مبقولش انه مغلطش لا غلطان وابن ستين كلب بس بص ان تربيته غير تربيتنا وبلده غير بلدنا فاهو متعودش على المسئوليه ولا الصح ولا الغلط ولا كل اللي انا وانت عارفينه ده فلما نلومه ..نلومه على حاجه كويسه كان بيعملها وبطل انما مش هنلومه على سُكر وادمان وسهر ونسوان الي اخره بس هنحاول نساعده يبقى زينا ونقوله ايه ينفع وايه لا لان ده اتعود ان كل شئ مباح ومحدش قاله كده غلط

علي بحده مش ذنبي والله .. مش ذنبي ان حياتي تفضل بتبوظ بسببه هو يبعد عني وانا في حالي وهو في حاله يااعم متزعلش دي

كريم بتنهيده مش هجبرك تتقبله لانك حقك تاخد وقتك انما مينفعش ميجيش الفرح ..الدنيا كلها عارفه انه اخوك حتى اللواء كامل فغيابه هيعمل اسئله وهتلاقي الف مين يقول فين اخوك انما وجوده ده الطبيعي

علي بعصبيه يجدعاان مش عايزه ..مش طاايقه هو بالعافيه؟؟

كريم بتنهيده ولو انا قولتلك هكلم عصام وهقوله يجي يعلي هتعمل فيا ايه انا كمان؟؟ ولا انت بقى ابوك مات ومالكش كبير؟؟

علي غمض بحده وتابع يسيدي مقدرش اقول كده انت كبيري وغصب عني بس الطلب ده صعب اوي بنسباالي يكريم علشان اختك اللي مشافتش ربايه سمعاني بقوله ميجيش ومشوفش وشه وراحت عزمت رفيده طب ده ينفع؟؟

كريم بتنهيده لا بنت كلب غلطانه تسمع كلام جوزها بس هي حبيبه هبله ونيتها تحل مش تكسر كلامك

علي بتنهيده ايا كان انا بردو مش عايز عصام يجي ماهو حبيبه مش هتمشي عليا كلامها يكريم

كريم بتنهيده انا اللي مشيت عليك مش حبيبه انت مسمعتش كلام حد منهم وكبرتلي اناا يبقى محدش كسر كلامك ولا مشى رايه عليك ..انت وافقت لاجل خااطري انا

علي بضيق طيب يكريم خليه يجي اطفي النور ده بقى

كريم بضحك اطفي النور ايه الله يخربيت اهلك قوم شيل الازاز بتاع البرفيوم ده انت نايم ازاي في الخنقه دي

علي بتنهيده البركه فيها تعصب بلد بحالها

كريم فضل يضحك وتابع ولسه دي هتجننك وقام وقف وتابع يلا كمل نومك هطلع انا

علي بتنهيده ماشي يكريم وبالفعل كريم قفل النور وطلع فكلهم بصولوا بلهفه فتابعت رانيا بخوف ها يا ابني طمني

كريم برفعه حاجب هو يقدر يكسر كلمتي ولا ايه؟

فكلهم فرحوا وفضلوا يضحكوا فتابعت رانيا بفرح الحمدلله فرحت قلبي يا ابني والله الف حمد وشكر ليك يارب

كريم بحب ياست الكل ده انتي تؤمري

حبيبه بقلق طب انا داخله اراضيه ها

اسراء بلهفه اه روحي يلا

وبالفعل حبيبه دخلتله ولقيته نايم ومديها ضهره فقفلت الباب وراحت قعدت جنبه وتابعت علي

علي بضيق عايز اتخمد يحبيبه

حبيبه بقلق انا جايه اقولك حقك عليا واسفه مش هتقرر والله

علي تنهد بعمق وتابع ماشي اطلعي بقى

حبيبه بضيق علي متبقاش بايخ بجد ونامت جنبه وحضنت ضهره وتابعت انا اسفه والله

علي ابتسم من حضنها ليه وتابع ولو اتقررت؟

حبيبه بلهفه ساعتها اعمل فيا كل اللي يرضيك يسيدي

علي لفلها وحط ايديه على وسطها وشدها ليه وتابع بحب ياريت بس انتي اللي هتزعلي

حبيبه بتوتر وضحك هاا قصدك ايه بقى انا نيتي مش كده خالص

علي بحب ماليش دعوه بنيتك المهم هعمل اللي يرضيني ولا ايه؟

حبيبه بتوتر يوم الخميس حاضر

علي فضل يضحك وتابع وايه المانع دلوقتي ونطلع نقول لكريم يلغي الفرح؟ مانا كتبت في قاعه واحتفلت واشهرت يعني فرح اهو

حبيبه بتوتر كان بـ ودي يا روحي بس جبنا الفستان للاسف

علي بضحك عادي قومي البسيه افرحيلك بيه ساعتين ونقلعه يعيوني مش حوار يعني

حبيبه بضحك هيجرا ايه لو اتلميت 6 ايام ها

علي بضحك شوفي استنيت 3 سنين يعتبر ومش قادر استنى 6 ايام حقيقي

حبيبه بحزن بس يعلي والنبي علشان انا اصلا متضايقه من شكل بطني ومش متحمسه خالص

علي اتعدل وخدها في حضنه وتابع مالها بطنك هو انتي فيكي بطن يا حزينه

حبيبه بحزن مكان الطعنات مش عاجبني واسيا قالتلي هتعملي عليهم شكل حنه حلو وخلاص

علي بتحذير لالا ايااكي انا ولا بحب الحنه ولا بطيقها خليكي زي مانتي بطلي عبط الحنه مسيرها تروح

حبيبه بضيق مش عجباني بجد يعلي

علي وريني 

حبيبه بشهقه اوريك ايه يعلي ماتتلم

علي بضحك ياما صلي على النبي في قلبك انا شوفتها لما كنتي بتغيري عليها في المستشفى هتخبيها مني دلوقتي وانا جوزك اتهطلتي ولا ايه

حبيبه بضحك لا مش مقتنعه انا باللي احنا بنعمله بقالنا شويه ده

علي فضل يضحك وتابع بنعمل ايه يابنت الجزمهه انا جوزك وعملت قاعه واشهار والله فوقي

حبيبه بضحك حتى لو لسه الفرح ده احنا يادوبك كتبنا امبارح وعملنا كل ده تخيل لو قبلها بشهر ولا شهرين زي الناس

علي بضحك كنا دخلنا بحمزه

حبيبه فضلت تضحك وضربت كفها في كفه وتابعت بضحك والله اه انت بتقول فيها

علي بضحك خلاصه الكلام علشان عايز انام هتوريني ولالا؟ هي من فوق اصلا فمتأفوريش

حبيبه نفخت بضيق وتابعت اوف بقي يعلي

علي بضحك اوف بقى يعلي ايه ده الناس بتكتب وبتشوف حااجات عليها القيمه ده انتي بتوريني بطنك ياللي ينتقم منك ربنا

حبيبه فضلت تضحك بشده وتابعت والله ماشوفت ربايه وبتقلقني منك

علي بضحك لالا يعمري متخافيش هاا اخلصي بقى بجد فصلت وعايز انام

حبيبه تنهدت وتابعت غمض عينك طيب لحد ما ابينها

علي غمض وتابع بحب اهو ياستي

فحبيبه رفعت بلوزتها وكشفت عن الجرح وتابعت بضيق بص

علي فتح وبص عليهم ندبات بنيه خفيفه فابتسم وتابع دول اللي عاملينلك ازمه؟ يشيخه حرام عليكي ده انا شوفتهم بالخياطه ومكانوش فارقينلي ده بسم الله ما شاء الله يعتبر راحو خلاص

حبيبه بحزن متهزرش يعلي شكلهم وحش بجد

علي بحب والله شكلهم زي العسل ومفيهموش اي حاجه بطلي انتي بس عدم ثقه في نفسك وشوفي نفسك بعيني مره

حبيبه ابتسمت بحب وحضنته وتابعت يارب ميحرمني منك ابدا بجد

-

واخيراا بعد الـ 6 ايام جيه يوم فرح علي وحبيبه 

وحبيبه كانت في اوضتها في الفندق عملت شعرها مكوى ليس ولابسه دريس ابيض كم شفاف وماسك على الصدر وواسع لتحت وقصير لحد بعد الركبه وساده قبل ماتحط الميك اب والبنات كلهم حواليها

إيلين بانبهار ايه ياناس الحلاوه بتاعت صاحبتي دي

حبيبه بضحك اه يبكاشه هو انا لسه حطيت حاجه ولا لبست

اسراء بضحك لا والله عندها حق انتي بسم الله ما شاء الله عليكي مش محتاجه طالعه كيوت في الدريس بس ما بالك لما تخلصي

لميا بحب قمر ربنا يكملك يومك على خير يعمري

حبيبه بضحك حبايب هارتي يابنات والله

الفواتجرافر سما بصت لحبيبه وتابعت بحب تعالي يا عروسه ثواني اقفي كده وبصيلي

حبيبه بحب حاضر وراحت وقفت بالفعل وفضلت تصورها

إيلين بضحك احكام علي دي ان الفوتجرافر تكون بنت

حبيبه بضحك احلى حكم حكمه والله ..دي سما دي سكر وواخده راحتي معاها احسن من الف راجل

سما بضحك يعمري تسلميلي والله ربنا يتمملك على خير يحبيبتي

حبيبه بحب يارب اللهم امين يعمري

نيره بتوتر يحبيبه فين الميكاب ارتيست بتاعتك مش كده والله هتتاخري

حبيبه بصتلها وتابعت علي راح يجيبها مش عارفه توصل الفندق تاهت غاده هانم

اسيا بضحك هي عاده غاده ولا هتشتريها لازم توتر امنا كلنا انا هقوم اجهز انا ياما المهم تخلصك انتي

سلمى بضحك هتعملي الصح والله انا خليت نيره تحطلي انا واسراء اهو وزي القمر

هناء بحب بت يانيره تعالي اعمليلي انا كمان خدي عمر يا لميا والنبي طلما خلصتي ميكاب

لميا بحب ياروحي انا ده ياناس وشالته من هناء وباست خده فنيره ابتسمت وتابعت تعاليلي هنا طيب منا ماتيجي غاده هانم

إيلين بضحك يعني عملتي للكل بسم الله ما شاء الله تحفه ومش عارفه تعملي لنفسك؟

نيره بتوتر لا انا مبعرفش اعمل لنفسي وانا متوتره عامه

سما بضحك اهدي مش كده ده العروسه فرفوشه اهي

حبيبه فضلت تضحك وتابعت اصل انا مفيش حاجه هتعكر مزاجي انهارده ده انا بحقق حلم العمر انما اختي علطول توتر كده

فكلهم فضلوا يضحكوا وشويه والباب خبط وتابعوا ادخل ففتح علي وتابع اتفضلي يا انسه غاده

حبيبه شافته وتابعت بضحك هو انا مش قيلالك متجيش تشوفني دلوقتي

علي بصلها بحب وانبهار وتابع طب بالله احنا جايبين غاده المشوار ده كله وتاعبينها تعمل ايه ده انا مراتي ربنا يحميها مش محتاجه وشها فلتر لوحده اهو

فكلهم فضلوا يضحكوا فتابعت حبيبه بضحك ينورعين مراتك انت تعالى هات حضن وفتحلته ايديها فعلي مترددش ودخل حضنها جامد وباس راسها بعمق وكلهم بصولهم بحب فرحانين بيهم فتابع علي بحب خفيف خفيف هاا انتي عارفه مبحبش الميكاب

حبيبه بحب حاضر والله

علي بص لغاده وتابع حاجه خفيفه خالص وحياه امك هاا انا مبحبوش نهائي فمش عايزها تتغير هي قمر اهي خليها زي ماهي

غاده بضحك عيني والله

سلمى بحب روح انت اجهز بقى

علي بحب هواا وباس خد حبيبه وخرج وقفل وراه وحبيبه قعدت وغاده بدات تعملها الميكاب وحبيبه اختارت الالوان الكشمير وفي الوقت ده البنات كلهم جهزوا ولبسوا فساتين كلهم سماوي زي بعض باختلاف الديزاين وحبيبه خلصت الميكاب وبصتلهم وتابعت ها ايه رايكم

نيره بانبهار تحفهه فنيه حرفياا ايه الحلاوه دي تسلم ايدك يا غاده

غاده بحب تسلميلي يعمري

إيلين بضحك لا روعه بجدد اعتمدتك ليوم فرحي يغاده خلاص

غاده بضحك يحياتي ده من عيوني

اسراء بضحك بس دي بنت لواء مينفعش معاها تاخير كل مره ده هاا

غاده بضحك لا ده اذا كان كده هبات معاها من يوم الحنه

فكلهم فضلوا يضحكوا وشويه وحبيبه خلصت شعرها وسابته مفرود وقامت اتصورت شويه وتابعت نيره تعالي علشان الفستان وبالفعل نيره دخلت معاها وفتحت سوست ورباطات الفستان وحبيبه قلعت الدريس وفضلت بطقم كارينا كب وبرموده ودخلت جوه الفستان اللي عباره عن كمام شفافه دانتيلا وماسك على الصدر ومطرز بدانتيلا وخرز رقيق وواسع شيفون كذا طبقه لتحت ونيره رفعته وابتدت تلبسهولها وهي متأثره جدا وهتموت وتعيط فحبيبه بصتلها في المرايه وتابعت بوجع لا علشان خاطري ارجوكي

نيره ابتسمت بالعافيه وقفلت الفستان وظبطته وحضنتها وباست خدها وتابعت مليون مبروك يعمري انهارده خلاص بعد سنين عمرك كلها اللي عديتيها في الانتظار والتعب اخيراا جيه اليوم اللي ربنا يراضيكي فيه وهتتزفي عروسه لحبيب عمرك وهتكملي معاه عمرك اللي جاي كله

حبيبه حضنتها جامد ومنعت دموعها بالعافيه وتابعت الله يبارك فيكي يحياتي وعقبال مافرح بيكي قريب بقي يارب

نيره بحب يارب يحبيبتي يلا بينا علشان يشوفوكي بقى ووطت مسكت الفستان وساعدتها تتحرك وحبيبه فتحت الباب فكلهم شافوها انبهروا وفضلوا يزغرطوا ودموعهم نزلت بفرح فحبيبه اتأثرت وتابعت مش عايزه اعيط ارجوكم وفتحتلهم ايديها فكلهم حضنوها فتابعت سلمى بدموع وحب لالا عجزت اعبر والله اللهم بارك طالعه حور من الجنه ايه السكر ده

اسيا بحب ودموع بجد طالعه زي القمر ربنا يحميكي يعمري بجد

اسراء بضحك يبختك يواد يعلي بكل الحلاوه دي والله

حبيبه بضحك حبايب قلبي والله

سما بحب اللهم بارك فعلا جميله يلا بينا بقى علشان تنزلي للفريست ولا ايه؟

حبيبه قلبها دق بعنف من التوتر والفرح انها اخيرت هتشوف علي ببدله فرحهم والدموع اتجمعت في عينيها وتابعت يلا

وعند علي كان واقف لابس بدله سودا شيك جدا وقميص ابيض تحتها وببيون اسود وحاطت دبوس باسم حبيبه على جاكت البدله ومسرح شعره لورا وكان حلو وكله جاذبيه ومسك الساعه يلبسها قدام المرايا ورش البرفيوم وخلص وتابع بابتسامه وبس كده ناقص حاجه تاني يعيال؟

فارس بضحك ناقص تنزل لمراتك بقى علشان بعد كام ساعه اهم حاجه في اليوم كله

فعلي فضل يضحك بشده فتابع كريم بضحك طب انا مش عايز ازعل بنت عمي عليك يفارس هاا لاحظ انك بتتكلم عن حبيبه

مالك بضحك مش عارف انا مفيش تقدير لمشاعرنا خالص

علي بضحك انت تخرس خاالص انت واخد اختي

مالك بضحك مانت هتردهالي انهارده اهو اسكت بقى علشان الواحد متعكنن ان الدنيا هتضحكلك كنت فرحان فيك

فكلهم فضلوا يضحكوا بشده وعلي بصله بذهول وتابع بضحك شوف ابن الجزمه اللي مشافش رباايه الحقود

حسن بضحك يباشاا بقيت مراتك خلاص سيبك منهم اللي يضايق يضايق واللي يولع يولع بتاعتك خلاص

علي بضحك عندك حق ياض يا حسن يخش يولعوا بجاز مش هراعي مشاعر حد انا طلع عين اهلي وشاور عليهم وتابع ومحدش فيكم ينزل السيشن علشان ميتجرحش بقى

مالك بضحك ياعم وماله بس خد بالك ان اللي بيقويك عليناا ده هيتعمد النظريه دي لما يتجوز اختك

حسن بص لمالك بذهول وفضل يضحك وتابع اه يا ابن الكلب يا جزمه يا اصفر انت

مالك بضحك ااه يابا مانا لو وقعت مش هقع لوحدي

علي بضحك تصدق عندك حق ياض يا مالك انا مش هجوز اختي اللي فضلالي خلاص

كريم بضحك شوفت انها بتوجع

علي فضل يضحك وتابع مانا عارف ومجرب بس بالله خليكم سالكين معايا انا بالذات ده انا طلع عين اهلي نفر نفر علشان اوصلها

مالك بضحك حقك يابا انا مسامح

علي بضحك حبيبي يا ابو علي وكريم كده كده مش هعتمده علشان مش هيقتنع ويبطل غيره فخليك هناا بجد

كريم بضحك والله ما نازل متقلقش هو انا ناقص قله ادب

فعلي فضل يضحك وشويه ونزل للجاردن اللي هيعملوا فيها السيشن ووقف ببوكيه الورد ومدي حبيبه ضهره وثواني وجات وهي ايديها بتترعش ومتوتره والبنات بتزغرط وراها فسما وقفت قدام علي بالكاميرا وتابعت بابتسامه هي وراك تحب تقولها حاجه قبل ماتلف؟

علي الدموع اتجمعت في عينيه وخد نفسه بعمق وتابع عايز اشوفها اكتر حاجه والله بس لو هقول حاجه فانا هقولها اني ممتن لاكتر مواقف صعبه مريت بيها في حياتي وكسرتني علشان بس كانت سبب فاني اكون معاها دلوقتي

فكلهم انهبروا من جمال التعبير لانه امتن لاكتر ايام بيكرها لاجل ان بس جمعته بحبيبه ففضلوا يسقفوا ويزغرطوا وحبيبه دموعها نزلت فتابعت سما بضحك 10من10 ونجمتين ياحضره الظابط لف شوف المزه يلا

فعلي لف شافها انبهر بشكلها وضحك من بين دموعه وكلهم فضلوا يسقفوا وحبيبه بصتله بحب ودموع فتابع بانبهار: بسم الله ما شاء الله اللهم باارك ايه ده بجدد !! ورمى البوكيه وراح حضنها جامد وشالها لف بيها فكلهم فضلوا يسقفوا بفرح ونزلها وهو لسه حاضنها وبصلها وتابع بحب والدموع متجمعه في عينيه: ايه الحلاوه دي بجد والله ما مستوعب ان شايفك قدامي بالفستان خلاص

حبيبه بصتله بحب ودموعها نزلت وتابعت نفسي اعرف اتكلم واعبر زيك بس والله مش مستوعبه علشان اعبر وعيطت بفرح وتابعت انا مبسوطه اوي يعلي وحضنته جامد وتابعت مبسوطه اوي وانت شكلك جميل اوي اوي ..ربنا كرمني باليوم اللي اتمنيته وشوفتك عريس زي القمر بس الحمدلله مكسرنيش وبقيت عريس ليا انا

كلهم بصولها بتأثر وعلي مسح دموعها براحه وتابع بحب والدموع في عينيه :اهدي طيب انا عامل فرح افرحك مش اعيطك اهدي علشان المكياب يعمري ومسحهم براحه وباس جبينها

حبيبه بحب ودموع مش قادره ابطل دموع وحياتك حاسه اني بحلم يعلي

علي بصلها بحب وحط ايديه على خدها وتابع حلمنا كتير جيه وقت نحقق بقى مش كده ولا ايه؟

حبيبه هزت راسها بـ أه بفرح من بين دموعها فعلي مسحهم براحه وشويه وهديت ووقفوا يتصوروا وباس خدها وهي باصه للصوره مبتسمه

سما بضحك العكس بقي بس هاتولها طوبه تقف عليها الكعب مش عامل حاجه

فعلي فضل يضحك بشده فتابعت حبيبه بضحك ماشي يسما تشكري وبالفعل جابولها طوبه ووقفت عليها وباست خد علي وفضلوا يتصوروا صور كلها باين حبهم فيها وقعدت على سلم خاص بالتصوير وعلي قعد قدامها فتابعت سما بحب خديه في حضنك بقى وانت ريح عليها كده وخد راحتك بتاعتك متقلقش عايزاك تمثل رياكشن استراحه محارب كده

علي بضحك انتي بتقولي فيها مانا حاربت وطلع عيني صحيح ودخل في حضن حبيبه

سما بضحك ايوه كده وحط ايدك على وسطها وغمض عينيك بقي وانتي حط ايديكي دي وراه وايديكي التانيه على خده وبصيله وبالفعل عملتها واتصوروا صور حلو اوي والبنات واقفين شايفينهم ومبسوطين اوي بيهم فنزل كريم وتابع لمالك بص حرقه الدم بقى ما قولتلك ياعم مننزلش شوف نايم في حضن البت ازاي ولا كأنها امه ابن الكلاب

مالك فضل يضحك وتابع بغمز معلش مانت بكره تحضن انت كمان كل واحد ليه يومه يغالي

كريم بضحك لا ياعم انا بغير انا احضن اه اختي تتحضن لا وراحلهم وتابع بضحك قوم يحيوان انت من حضن البت ده انا هرنك علقه

علي فضل يضحك وتابع قسما بالله لو مطرت نار ماهقوم انا عجبتني وضعيه الصوره دي راي بقى

فحبيبه فضلت تضحك بشده فتابع كريم بضحك الله انتي بتضحكي؟ شايفه كده صح يغيظ اخوكي يعني؟

حبيبه بضحك لالا يعمري ازاي ميرضنيش طبعا قوم يعلي

علي بصلها برفعه حاجب وتابع طب والله ما قايم انا قايله مينزلش مش ناقصه حرقه دم

مالك بضحك يا ابني سيبه يا ابني وخلي عندك دم يلا احنا ندخل القاعه سيبهم

كريم بضحك قلبي مش مطاوعني امشي لا

علي باس خد حبيبه وتابع خلاص خليك

حبيبه فضلت تضحك بشده فتابع كريم بضحك ماشي يحيوان يا ابن الجزمه صبرك علياا

فكلهم فضلوا يضحكوا فجات نيره وتابعت بحب يعني لبست البدله السودا يكريم ؟

كريم بضحك وانا اقدر اكسر كلمه نيرو بردو؟

نيره بضحك اممم طيب لما تيجي المعزه بتاعتك قصدي المزه بتاعتك ابقى وريها ان رايي الصح بقى فكريم فضل بيضحك وشويه وخلصوا تصوير واتجهوا يدخلوا القاعه وحبيبه مسكت في ايد علي ووقفوا قدام الباب والكل جوه منتظر دخولهم وثواني والباب اتفتح على اغنيه ادخلي لعمري بخطواتك اليمين وحبيبه قلبها كان هيخرج من مكانه من التوتر وبتتنفس بطريقه ملحوظه جدا فعلي طبطب على ايديها وهما بيتقدموا للمشي على الاستيدج لانهم دخلوا من الباب الخلفي والكل شافهم انبهر وفضلوا يسقفوا والاغنيه اتغيرت لكل وعد وعدتهولك وعلي مسك ايد حبيبه وهمس عند ودنها متبصيش عليهم بصي علياا انا ومسك ايديها وهو بيكمل مع الاغنيه: اجمدي ده انا بقوى بيكي متضعفيش انتي نفسك كنتي حلم في يوم حلمته وحضنها بالجنب وتابع فضلت اعافر في الحياه لغايه ما طلتوا وانتي زي ماكنتي واقفه في ضهري سانده هتسنديني وهعمل اكتر من اللي عملتوا والناس فضلت تسقفلهم ويزغرطوا فرحانين بيهم ونزلوا على الاستيدج الاكبر والناس اتملت حواليهم وبقيوا يهيصوا معاهم

وعلى واحده من الترابيزات كان قاعد عصام وباصصلهم وفرحان بيهم وعلى رجله يزن ورفيده جنبه وشويه وإيلين نزلت من جنب حبيبه ورايحه تخرج لبرا القاعه فعينيها جات في عين عصام فرفيده بصتله لقيت عينيه هتطلع عليها فاتعصبت واتضايقت جدا ودخلت في حضنه فعصام اتفاجئ بتصرفها بس فهم وتنهد وسكت ومسك كوبايه المايه يشرب وإيلين قلبها وجعها من قرب رفيده منه بالشكل ده وغمضت بقهر ورايحه تمشي فلقيت حد بيلف ايديه على وسطها فاتخضت وبتبص لقيته مراد فابتسمت وتابعت كنت طالعه اجيبك كويس عرفت توصل اهو

عصام عينيه كانت بتطلع شرار من ايد مراد الملفوفه عليها حس قلبه بيتفتت لـ 100 حته وضغط بكل الغضب اللي جواه على الكوبايه ويشوفه لسه حاطط ايديه عليها فيضغط اكتر لدرجه انه محسش بنفسه فاتكسرت فرفيده اتخضت وشهقت بصدمه وتابعت عصاام الكوبايه اتكسررت ازااي ينهار اسود

عصام ضغط على الازاز بقوه لدرجه ايديه جابت دم وتابع بلا مبالاه عكس ما بداخله : خدي يزن يارفيده قايم اغسل ايدي ورمي الازاز في السله اللي قدامه وايديه فضلت تنزل دم ورفيده خدت يزن وإيلين كانت شيفاه لما عور نفسه وقلبها وجعها فبصت لمراد وتابعت بلهفه ثواني يمراد جايه بسرعه هظبط الميكاب بس فمراد هز راسه بماشي فطلعت بسرعه لعربيتها وجابت علبه الاسعافات ودخلت عند الممر استنته يخرج وبمجرد ما شافته قلبها دق بعنف وهو اتفاجئ بوجودها وعمل نفسه مش شايفها ورايح يدخل فمسكت دراعه وتابعت بوجع ودموع ايدك بتنزف سيبني اوقف الجرح ووالله ماهفتح بوقي بكلمه

عصام بصلها بقهر وعينيه حمرا وتابع بصوت مليان وجع: النزيف الاكبر هناا وشاور على قلبه وتابع ده لو قعدتي100 سنه تحاولي تداويه عمره ماهيبطل ينزف انتي وصلتيني لمرحله اني قاعد بموت من القهر علشان واحد شويه وهيبقي جوزك لمسك وايديه الوسخه دي اتلفت علي جسمك..وصلتيني لاني اغير على حاجه مش بتاعتي وصلتيني لاني ابقي عايش خاين قدام نفسي العمر كله بحبي ليكي لاني متجوز ..وصلتيني لمرحله اني المفروض اشوفك واحده زباله ومش صاينه خطيبها واقولك ابعدي عني واحترمي نفسك بس لاني عارف انتي مين مش قادر انطقها مهما عقلي قالها جوايا ..علشان انا عارف انك اهبل واعبط واطيب من كده انتي حبيتي عصام وهو مجرم هتعرفي تبعدي عنه علشان قررتي في لحظه تتخطبي وتسيبيه بمزاجك؟ اكيد لا ..بس ارجوكي ابعدي عني علشانك مش علشاني اللي بيحصل ده مش صح انا راجل ومفيش حاجه هتعيبني انتي بنت ومالكيش الا سمعتك وابوكي مش حد قليل في البلد

إيلين بدموع ووجع لو كنت بعدت ومجتش وراك رغم انك عارف اني شوفتك لما اتعورت مكنتش هتزعل وتتمنى اجي؟

عصام بقهر وبعد ما اتمنى تيجي هيحصل ايه؟ إيلين انتي قربك بقى حرام انتي مستوعبه؟

وسابها ودخل ففضلت تعيط وخرجت لبرا 

وعند علي وحبيبه كانوا بيرقصوا على اغنيتهم بتاعت تامر حسني وتابعوا مع بعض بنفس اللهفه لو عشت احلف طول حياتي كلها مش هقدر اوصف بحبك قد ايه ورفعوا ايديهم يعدوا زي بعض هحتاج حياه اتنين تلاته على حياتي علشان اوصف يحياتي ولفت ايديها على رقبته حضنته ولف بيها وهما بيكملوا علشان اوصف يحياتي بحبك قد ايه والناس فضلت تسقفلهم بفرح وكملوا اليوم كله بنفس الحماس وهما الاتنين الطرف الاكتر حماسا من اغنيه وياك لعمرو دياب وهما بيتنططوا عليها لاغنيه حلم حياتي لوائل جسار ومسك كف ايديها لفها والاغنيه بتقول وصحيت وياك على يوم عيدي وقربها منه وهو بيكمل حاضنك قلبي ولمساك ايدي والفرحه اهي عرفت مواعيدي كتر ياسنين منها وهاتي وبصوا لبعض وتابعوا سوا حلم حياتي كان سيره في عمري اللي اتقضى كان صوره مابين نظره وغمضه وخلاص يعيوني من اليوم ده على حضنه هتصحي وهتباتي وحضنته وهي دموعها بتنزل وكلهم واقفين مبهورين بيهم وشغلوا اغاني تانيه كتير والعيله كلها ورانيا وهاله وحتى علي الاب محدش كان قاعد من فرحته بيهم

ونهله بصت لنيره اللي بتسقف وفرحانه بحبيبه وتابعت كريم فين يانيره؟

نيره بكيد مش في جيبي للاسف بس دوري كويس لانه سمع كلامي ولبس اسود واغلب الفرح لابسين بدل سودا

نهله بضيق اممم طيب تعبتك يانيره

نيره بضحك لا يعمري تعبك راحه

وعند علي وحبيبه كانوا بيرقصوا سلو على اغنيه حكايتنا كملت لهيثم شاكر وبيتكلموا جنب ودن بعض بسبب الصوت فتابعت حبيبه بضحك وفرح: لا والله عايزه اشكرك فعلا لانك تعبت وكلفت وعملتلي الفرح اللي بتمناه بكل تفاصيله

علي وهو حاطط ايديه على وسطها وبيرقص معاها تابع بحب الشكر ده للغريب مش لجوزك يعمري انا واجبي اعملك كل اللي تتمنيه وهيبقى قليل عليكي بردو مانتي ياما عملتي

حبيبه بحب والدموع في عينيها مش عارفه ادي فرحتي لحد انهارده بجد يعلي حاسه اني هطير

علي بضحك والله وانا مش قادر اصدق ان اليوم ده جيه خلاص بس عايز الساعه12 اكتر بصراحه ودي مش راضيه تيجي خالص بنت الجزمه

حبيبه فضلت تضحك وتابعت علي انا خايفه لوحدي احترم نفسك هاا

علي بضحك قسما بالله ماهحترم نفسي ولا هتلم ولا هتربى ولا اي حاجه من المصطلحات بتاعتك دي انا جبت اخري بالجامد خلاص

حبيبه بضحك خلاص يحبيبي عرفنا انك جامد هتروح تنام زي الرجاله كلها في الاخر وتقولي استري عليا انا عارفه

علي بصلها بذهول وتابع بضحك يابنت الجززمه طب قسما بالله لاوريكي يحبيبه كنت ناوي لو صعبتي عليا اسيبك بس انسي خلاص

حبيبه فضلت تضحك بشده وتابعت لالا والله خلاص اسفه قدها وقدود يحياتي

علي وهو بيمسك كفها ويلفها مع الاغنيه تابع بضحك نروح بس ونشوف المواضيع دي في بيتناا وحط ايديه على وسطها وشدها ليه فحبيبه فضلت تضحك وحطت ايديها حوالين رقبته فعلي شالها ولف بيها والاغنيه بتقول ده كأن في حلم وبقول يسلاام معقول يقلبي بقيناا لييه ونزلها وهو حاضنها وكلهم سقفولهم بفرح فحبيبه ضمته ليها اوي وغمضت ودموعها نزلت وتابعت محتاحه الزمن يقف هنا شويه علشان استوعب اني حضناك قدام الدنيا كلها وانك بقيت من حقي عادي

علي ابتسم بحب وخرج من حضنها باس جبينها بعمق وحضنها تاني وهمس جنب ودنها بضحك: هخليكي تستوعبي حاجات اعمق والله بس مش هنا

حبيبه فضلت تضحك وضربت كتفه وتابعت بضحك روح الغي باقي الحجز يعلي وضربته وتابعت بضحك روح يلاا بدل ما ساعه كمان وهتفضحنا قدام الناس

علي فضل يضحك وتابع لالا هاجي على نفسي ففضلت تضخك وفضلوا يرقصوا