رواية لنا موعد اخر الفصل السابع والستون67 بقلم لولا
هناء بتوتر ادهم كلم وسام
لميا اتصدمت وقلبها دق بعنف والدموع اتجمعت في عينيها وتابعت ايه؟ ادهم ايه؟
هناء بدموع كلم وسام من شويه والله
لميا قلبها فرح رغم قهرها منه ودموعها نزلت وتابعت ادهم عايش؟! عايش بجد !! يعني مكنتش بصبر ماما فاطمه على الفاضي؟! وفضلت تعيط وتابعت كلمه قاله اييه ياهناء قاله اييه ارجوكيي
وسام شافها فراح مسك دراعها يشدها على جنب وهناء معاهم وتابع بخوف اهدي كفااياكي عياط انا قولت اطمنك انما مش وقته كلام في الموضوع ده في كتب كتاب ابن عمك
لميا بعياط على قد ما مقهوره منه ..مقهوره عليه يا وسام وعيطت بقهر اكتر وتابعت سنتين عايشه بكتم قهري جوايا واقوي في الكل وانا تعبانه وبنهار كل يوم لوحدي لدرجه الدموع نشفت من عيني بس لما عرفت انه عايش مقدرتش اخبي فرحتي رغم اني مصممه هتطلق بس عمري ماهتمناله الشر ده مهما كان.. وسكتت شويه لان قلبها وجعها وتابعت بقهر حبيبي... ودموعها زادت وتابعت للاسف حبيبي وهيفضل حبيبي مهما عمل حتى لو مكناش لبعض
وسام بوجع وانا دكتور نفسي وبعرف افهم اللي قدامي حتي لو متكلمش وسكوتك طول السنتين دول كنت قاريه وفاهمه كويس علشان كده قولت لهناء تعرفك ..انا عارف انك بتموتي في ادهم مهما بينتي العكس وعارف انك لبستي قناع القوه ده علشان تداري ضعفك وعارف ان كل ليله قلبك بيتقهر عليه وتفضلي تعيطي لحد ما دموعك نشفت علشان كده حبيت اريحك يا لميا
لميا بدموع قالك ايه يا وسام وفينه؟
وسام بحزن صدقيني مش عارف انا لقيت رقم غريب بيرن عليا رديت لقيته بيقولي وساام انا ادهم وصوته كان مخضوض وخايف كده بعدين ملحقتش انطق لقيت الخط قطع والفون اتقفل
لميا باستغراب صوته مخضوض وخايف !!
هناء بتنهيده مش عارفه ليه شكيت يكون اتأذي بسبب شغله وموجود عند حد منهم
وسام هز راسه بالنفي وتابع لا ده امل ضعيف لان مالك شك في كده وراح كلم العميد واتحرك بالقوات لكل الاماكن اللي ادهم تواجد فيها قبل كده بسبب شغله ومفيش ليه اي اثر عند اي حد من اللي اشتغل معاهم
لميا بصدمه مالك عمل اييه؟؟ اتحرك بالقوات ازااي يعني!!
وسام بتنهيده مالك ظابط مخابرات وصاحب ادهم من زمان يا لميا بس مش معرف حد لان شغلهم حساس زي مانتي فاهمه وياريت انتي كمان متنطقيش
لميا شهقت بتفاجئ وتابعت ده قايلنا انه مهندس ازاي ظابط !!
هناء بتنهيده قال لوسام انه مفهمكم مهندس دي علشان يداري على شغله الحقيقي وكمان لان شركه باباه تخص مجال الهندسه فعلا وهو ماسكها
لميا بذهول وسلمى تعرف؟
وسام هز راسه بالنفي وتابع لا وياريت يفضل سر بينا يا لمياا ها انا عرفتك لان مالك مش ساكت وبيدور على صاحبه وهيتحرك معايا كتير الفتره الجايه علشان لو شوفتيه مره متتصدميش
لميا بدموع يسيدي مش هتكلم بس بالنسبه لادهم هنفهم ايه كده من المكالمه دي
وسام بتنهيده فهمنا اهم تفصيله انه عايش لان حتى مالك فقد الامل وقالي مقهور وانا بقولها بس شكله فعلا حد خلص عليه انما انهارده قدرنا نعرف عكس كده ودي نقطه كويسه جدا
لميا بوجع مش قادره افهم فينه وايه كل اللي بيحصل ده وليه مقدرش يعمل المكالمه دي من بدري ويطمنا عليه بدل ماهو غاب علينا سنتين وقهرنا كده
هناء بحيره في لغز محدش فاهمه في الموضوع ده حقيقي
وسام بابتسامه جماعه انتوا بتقولوا ايه المهم انه عايش انا روحي رجعتلي انهارده واذا كان على هو فين وايه حصله فمسيرنا نلاقيه ونفهم كل حاجه بس المهم انه بخير
لميا ابتسمت بقهر وهزت راسها بلايجاب وتابعت عندك حق .. لسه في حاجات كتير اوي ادهم لازم يجاوب عليها ..انما المهم حاليا انه عايش وربنا مقهرنيش عليه اكتر من كده وطمني
-
عند علي وحبيبه كان الكل متجمع حواليهم وبيرقصوا على الاغاني وجات اغنيه الليثي عريسنا راجل جدع فتابعت رانيا بضحك ده نن عين وقلب امه كمان
حبيبه شدت علي فلف ايديه على وسطها وتابعت هي مع الاغنيه بضحك : بس انهارده خلاص جاتله اللي هتلمه وحركت حواجبها لرانيا وشاورت على نفسها وتابعت بضحك هينام بقى في حضني اناا ..مش في حضن امه فعلي واخواته فضلوا يضحكوا بشده ورانيا بصتلها بذهول وتابعت بضحك شوف البت اللي بقول بنتي وبموت فيها !!
علي فضل يضحك وتابع جنب ودن امه بسبب صوت الاغاني: علشان تعرفي بس كانت بتستدرجك لحد ماتوصلي
رانيا بضحك لا اخص يحبيبه اخص مكنش العشم
حبيبه بضحك خلاص بقى يارنوش خدتيه 27سنه كفاياكي الله فرانيا فضلت تضحك وكملوا يسقفولهم ويزغرطوا ويرقصوا معاهم والاغاني شغاله وبعد شويه الناس كانت بتروحلهم على الكوشه تسلم عليهم وتتصور معاهم وتباركلهم
وعصام جيه وهو شايل يزن وتابع بابتسامه مليوون مبروك يحبيبي عقبال عيالكم يارب ورايح يحضنه فعلي حط ايديه يبعده عنه وبصله بضيق وتابع تسلم
عصام اتحرج جدا وحبيبه بصت لعلي بذهول من تصرفه
عصام رايح يتكلم فعلي شاف حسن بيشاورله علشان اللواء كامل ابو إيلين جيه فمشي وسابه فحبيبه فتحت عينيها بذهول وتابعت بتقطع عـ علي
عصام وقفها وتابع بتنهيده عادي سيبيه محصلش حاجه
حبيبه بحرج عصام انا اسفه بجد بالنيابه عن تصرف علي الله يبارك فيك وعقبال ماتفرح بابنك
عصام ابتسم بوجع وتابع متوقعها على فكره فمش مصدوم متعتذريش مش مستاهله
حبيبه نفخت بتوتر وتابعت متاخدش عليه علشان خاطري ارجوك
عصام بتنهيده صدقيني عادي يحبيبه كبري دماغك انا اتعودت بقاالي سنتين وشويه في الحوارت دي فمش جديده عليا
حبيبه بحزن ربنا يهديه والله وبصت ليزن وتابعت بضحك ايه يوغتي الحلااوه ديي وشالته من عصام ورفعته لفوق ففضل يضحك فتابعت بضحك يوغتي جميله طالع حلو كده لمين يولا ده امك وحشه
عصام بضحك طب قولي لابوه ياستي
حبيبه بضحك ابوه كده كده قمر ده انت تؤام الغالي
عصام بضحك لا انا بدقني فانا احلى منه
حبيبه فضلت تضحك وتابعت يسيدي وماله احلى منه وبصت ليزن وتابعت بضحك بس المهم الواد مطلعش شبه رفيده يعصام كنت هرميهولك في النافوره اللي هناك دي
عصام فضل يضحك وتابع بعيدا عن انها بنت كلب متتعاشرش والواد فعلا مش شبها بس بذمتك رفيده ملامحها وحشه؟
حبيبه بضحك هو لا بصراحه هي حلوه بس مش بحبها سامحنى بقى
عصام بضحك اذا كنت انا مش طايقها هزعل منك انتي ليه يعني بلا نيله وفونه رن فتابع بلهفه حبيبه خلي يزن معاكي عندي مكالمه شغل ها
حبيبه باست خد يزن وتابعت بحب ماشي يغالي روح وعصام مشي فحبيبه رفعت يزن لفوق وتابعت بضحك قلب مرات عمو الجميل ده ينااس القرد ابن القردده
فيزن فضل يضحك فحبيبه ضحكت اكتر وتابعت شوف عارف انه ابن قرده فشافت علي واقف مع كامل وبيتكلموا
فجات شمس وتابعت حبيبه تعالي اتصور معاكي انا وكنزي
حبيبه بحب جيالكم يعمري ثواني خليكم هنا ومشيت بيزن وراحت لعلي وبصت لكامل وتابعت بابتسامه نورتنا يا انكل والله
كامل بضحك بنورك يعروسه هو انا اقدر مجيش بردو يحبيبه ده انتي من غلاوه إيلين
حبيبه بحب تسلملي يا انكل والله عقبال ماتفرح بيها يارب هي فين صحيح مجتش؟
كامل بابتسامه لا جات طبعا دي مصدعاني هي تقدر متجيش بس راحت تظبط الميكاب وجايه
حبيبه بابتسامه خلاص مستنياها وبصت لعلي وهمست عايزاك
علي بصلها بحده وهمس واقف مع الراجل امشي دلوقتي
فحبيبه مشيت لورا شويه ونفخت بضيق وشافتهم وهما بيتكلموا وبيضحكوا وكامل بيطبطب على كتف علي والواضح بيشجعه ودقايق وعلي راحلها وتابع بتنهيده خير
حبيبه بوجع ازاي هان عليك اخوك الصغير يكون فرحان بيك وبيباركلك ورايح يحضنك تبعده عنك بالشكل ده يعلي؟؟
علي تنهد بعمق وتابع حبيبه انتي اكيد مش عايزه يتنكد عليكي في يوم زي ده صح؟
حبيبه بضيق يعلي جاوبني مرره وااحده
علي بحده علشان مش شايفه اخوياا يحبيبه ومهما عمل مش قادر اشوفه في المكانه دي.. مش بسهوله واحد غريب عني واذاني في يوم وليله يبقى اخويا ومفروض احبه واتقبله
حبيبه بحده يوم وليله ايه يعلي !! يعلي ده سنتين بيتحايل عليك تسامحه وكل اخواتك حبوه واتعودوا عليه وانت بردو مصمم تصد الباب في وشه مش كده يحبيبي حرام عليك والله
علي مسح بايديه على وشه وتابع بعصبيه يحبيبه مش عايز انكد عليكي فتجنبي المناقشه معاايا في الموضوع دده عصاام انا بكرهوو ومش هعرف احبه مهما حااولت
حبيبه منعت دموعها وتابعت تمام يعلي ورايحه تمشي فمسك دراعها رجعها وتنهد وتابع حبيبتي متجبرنيش اتعصب عليكي وتمشي زعلانه في الاخر
حبيبه بدموع علشان مش اول مره تاخد الموضوع بعلو الصوت نفسي تسمع كلامي مره واحده في الموضوع ده
علي بوجع مش هعرف يحبيبه ..صدقيني مش هعرف ..كل ما اشوفه بفتكر ايام مش عايز افتكرها .. انا اتهانت واتذليت بسببه وارجوكي كفايه مش عايز اتضايق انهارده بالذات
حبيبه بوجع خلاص يحبيبي قفل على الموضوع
يزن بص لحبيبه وتابع بابا وشاور بايديه عايز علي
حبيبه بصتله وابتسمت وتابعت جاي يعمري بابا
علي بصله بحب وتابع ايه عايزني؟ تعالى يعمري وشاله من حبيبه وباس خده بعمق ورفعه لفوق وتابع بضحك ابن كلب بس بحبك وبموت فيك والله
حبيبه بضحك ماما رانيا قالتلي انك كنت بتستنى عصام يقوم علشان تشيله
علي بضحك ده حقيقي وباس خد يزن وتابع صاحبي ده مش كده يا زونزون
يزن بصله وتابع بضحك بابا
حبيبه شهقت وفضلت تضحك وتابعت علي الواد فاكرك عصام
علي بضحك لا يشيخه متهزريش
حبيبه فضلت تضحك وتابعت طب اقسم بالله الواد فاكرك عصام بيقولك بابا
علي بضحك بابا مين يا ابن الكلب انت انا ناقص بلاوي روح لمرات عمك يلا واداه لحبيبه ففضل يعيط وتابع بابا
فحبيبه فضلت تضحك بشده وتابعت يعلي فااكرك ابوه مش قاادرره
علي فضل يضحك وتابع لالا متعيطش والنبي انا اسف بص حبيبي ركز انا مش بابا انا احلى من بابا بكتير على فكره ومعنديش دقن بص
حبيبه فضلت تضحك وتابعت والله ده انت وابوه مفرقتوش حاجه عن بعض حتى فكلامكم
علي برفعه حاجب ليه قال انه احلى ولا حاجه؟
حبيبه بضحك ايوه
علي بضيق عند امه انا الكبير يعني هو اللي شبهي مش العكس
حبيبه بابتسامه يعني اعترفت انه اخوك اهو
علي اتوتر وتابع بت بقولك ايه انا مش فاضيلك الشباب عايزني وطلع فلوس وحطها في هدوم يزن وباس خده وتابع ابوك غني ولا مش غني ميخصنيش دول من عمو ها بس اياك تديهم لامك البومه دي
فحبيبه فضلت تضحك بشده وعلي مشي لصحابه فبصت عليه وابتسمت وتابعت بتنكر وانت من جواك مصدق يعلي انا هعرف اظبطك ازاي استنى عليا بس ومشيت ترجع الكوشه ووقفت بـ يزن وتابعت شمس صوريني بزونزون وباست خده وشمس صورتهم
كنزي بحب هاتيه بقي علشان اصورك مع شمس
حبيبه بضحك خلي بالك منه ياكنزي ده ابوه حته تقيله في البلد
كنزي بضحك ابن عصام؟
حبيبه وهي بتبص للصوره تابعت بحب اه واتصورت مع شمس وبعدها كنزي وراحو يقعدوا على الترابيزات فجات إيلين ووشها متغير وعينيها حمرا دم كأنها معيطه وابتسمت وتابعت مليون مبرووك يحبيبتي وحضنتها
حبيبه تنهدت وتابعت الله يبارك فيكي يعمري وبصتلها بمغزى وتابعت هو ده الميكاب اللي بتظبطيه؟
إيلين ابتسمت بوجع وتابعت ممكن نأجل اي نقاش
حبيبه بوجع قولتلك انه هيجي انا مكدبتش عليكي
إيلين بصت لتحت ودموعها نزلت وبصت لحبيبه وتابعت بقهر مانا عارفه انه هيجي ده فرح اخوه بس انا مكنتش هقدر اعتذر لانه فرح اختي بردو
حبيبه بوجع لو وجودك هيوجع قلبك فتفضلي في بيتك واختك عمرها ماتزعل
إيلين تنهدت بوجع وتابعت سيبك اديني جيت وبصت ليزن وسرحت
فلاش باك
عصام بحب: كفايه انك البنت الوحيده في الدنيا اللي اختارتها بمزاجي وقلبي وعقلي اتفقوا عليها وحلفت ما اشوف عيالي الا منها فعايزه ايه تاني؟
باك
وابتسمت بقهر وهي بتبص ليزن والدموع في عينيها وتابعت ابنه ؟
حبيبه بصت للارض وتنهدت بوجع وبصتلها وتابعت اه
إيلين ابتسمت بوجع والدموع في عينيها وتابعت كان زماني انا امه دلوقتي
حبيبه الدموع اتجمعت في عينيها وتابعت إيلين انا عارفه انها صعبه و..
إيلين قاطعتها بدموع وتابعت متوعظنيش يحبيبه ..ابوس ايدك مش قادره اسمع اي كلام منطقي وواقعي دلوقتي انا تعبانه وعيطت وتابعت تعبانه ومقهوره وعارفه كل اللي هتقوليه من غير ما اسمعه فارجوكي متتعبنيش زياده
حبيبه بوجع ودموع انا مكنتش هوعظك لاني حاسه بيكي ومجربه فمش انا اللي هجرحك علشان اتقهرت بما في الكفايه من كلام اهلي واللي حواليا
إيلين بعياط ووجع بس انا وانتي عمرنا ما كنا زي بعض يحبيبه ..انتي حبيبك اتجوز غيرك وطلق ..انما انا حبيبي اتجوز غيري ولمسها وخلف منها وشايفه ابنه قدام عيني ..ابنه اللي كان سبب فان كل حاجه تنتهي في لحظه ..شايفه سبب وجعي وبعدي عن عصام يحبيبه
حبيبه بوجع بتكرهي يزن؟
إيلين ابتسمت بوجع من بين دموعها وتابعت دي معرفتك عن صاحبتك اكره عيل؟ وبصت ليزن وهي بتبتسم بقهر وتابعت ده انا سودت عيشتي علشان الون عيشته ..وافقت اعيش بعيد عن حبيبي واشوفه مع غيري علشان هو مش ذنبه ان ابوه مبيحبش امه او متجوز عليها ..وعيطت وتابعت اكرهو ازاي وهو حته منه يحبيبه؟ اكرهه مين؟ اكرهه ابن عصام؟ ابن الراجل الوحيد اللي حبيته؟ ده انا احبه مخصوص لاجل عصام بس انا بكلمك عن قهري ..انا موجوعه ومقهوره اني مش امه انما عمري ما اقدر اكرهو
حبيبه اتوجعت علشانها ودموعها نزلت وتابعت مش عارفه اقولك ايه والله مقهوره عليكي اوي ورايي كفايه تظلمي نفسك لحد كده مع مراد
إيلين بقهر بابا مش راضي وكل ما المحله اني مش مرتاحه يقلب عليا هو نصيبي يحبيبه ..نصيبي كده وبصت ليزن وابتسمت بوجع وتابعت ممكن اشيله؟
حبيبه بلهفه ااه طبعاا امسكي انتي عبيطه
فإيلين شالته وباست خده وضمته ليها بحنان فنام على كتفها ففضلت تطبطب عليه وبصت لحبيبه وتابعت بوجع: مكنتش بفهم ازاي طنط رانيا قدرت تحب عصام رغم انه ابن ست تانيه من جوزها اللي محبتش حد قده بس لما شوفت يزن دلوقتي فهمت .. فهمت اننا عمرنا مانقدر نكرهه حته من اللي حبيناهم حتى لو وجودهم بيفكرنا بحاجات بتوجعنا
حبيبه رايحه تتكلم فـ يزن مد ايديه ورا إيلين وتابع وهو بيضحك باباا
فحبيبه بتبص شافت عصام واقف ورا إيلين وقريب منهم فاتصدمت وإيلين حست وبلعت ريقها بتوتر وهمست لحبيبه هو؟؟
حبيبه هزت راسها بـ اه ومشيت وسابتهم فإيلين اتصدمت بشده وفتحت بوقها بذهول وتابعت حـ حبيبههه انتي يازفته
عصام من وراها بتنهيده ناويه تلفي ولا الفلك انا؟؟
إيلين قلبها دق بعنف لما سمعت صوته كان واحشها اوي اخر مره شافته وسمعت صوته يوم خطوبتها فلفت وهي باصه للارض وسامعه دقات قلبها زي الطبل والدموع متحجره بقهر في عينيها
عصام قلبه دق بعنف لما شافها كانت واحشاه اوي ورغم وجعه منها كان نفسه ياخدها في حضنه ولو لدقايق ورغم ان الناس حواليهم كتير بس مكنش شايف غيرها ولا حاسس بحد غير بيها فتنهد بعمق وتابع هاتيه متتعبيش نفسك
إيلين اخيرا قدرت ترفع وشها وبصتله وهي مقهوره والدموع في عينيها كانت واحشاها ملامحه عن قرب اوي تعبت من كتر مابتشوفه في صور وتابعت انا مش تعبانه.. ده اخف حاجه على قلبي
عصام تنهد بعمق وتابع اممم سمعت اخر كلامك مع حبيبه
إيلين بوجع ودموع ومصدقه؟؟
عصام تنهد وتابع مش هتفرق كتير النهايه واحده
إيلين بوجع ودموع واحشتني
عصام غمض وتابع هاتي الواد يا إيلين
إيلين بدموع مش هتقولي وانا كمان؟
عصام حتى لو قولت وبعدها؟ ها مفروض يحصل ايه مش فاهم؟
إيلين بدموع مفروض تعلمني ازاي اعيش من غيرك ..علشان انت علمتني كل حاجه الا دي ..انا تعبانه
عصام ابتسم بسخريه وتابع لا واضح بصراحه من انستجرام خطيبك انك تعبانه ..سلامتك يحبيبتي
إيلين ابتسمت بوجع وتابع بتصدق الخروجات والمظاهر؟ طب انا لو مبسوطه منزلتش عندي انا ليه صور ليا انا وهو؟
عصام بتنهيده ميخصنيش والله ومشوفتش
إيلين بحده ودموع زي ماشوفت اكونت مراد اكيد شوفت الاكونت بتاعي يعصام
عصام بحده واخررته اييه مش فااهم؟؟ عايزه اييه؟؟ انا راجل متجوز ومخلف وانتي واحده مخطوبه واختارتي خطيبك بكامل ارادتك فوقفنا دي لازمتها ايه مش فااهم؟؟
إيلين اتقهرت من كلامه وباست خد يزن واديتهوله وتابعت عندك حق انا كده مش مخلصه للي مخطوباله وربنا يسعدك يحبيبي وعقبال ماتخاوي يزن
ورايحه تمشي ومدياه ضهرها فوقفها صوته لما قال : ملمستهاش من ساعه ماكنت سكران وحملت في يزن يا إيلين
إيلين اتصدمت بشده ازااي قرب علي 3 سنين ملمسش مراته فلفت بصتله بذهول وتابعت بوجع وبتقولي كده ليه؟؟
عصام اتقدم وهو شايل ابنه ووقف قدامها وتابع علشان اوريكي وحاشتك واعيشك في تأنيب الضمير ..واعرفك ان بسبب اختيارك مبقيناش مع بعض دلوقتي .. وان كلامي كان صح لما قولتلك وجودك مش هيخرب حياه ابني انا كده كده مش عايزهاا تاني انا بحبك انتي فخليكي زوجه تانيه بس انتي رفضتي وانا لحد انهارده محبتش غيرك علشان كده مقدرتش المسها تاني يا إيلين ولو كنتي مراتي زي ماطلبت منك كنت راعيت ابني مع امه وكنت صونتك زي ما وعدتك ..انما انتي معملتيش زيي انتي روحتي بيعتي جسمك لواحد وقلبك مع واحد تاني خالص
إيلين غمضت بقهر وتابعت بعياط متوجعنيش بطريقتك دي يعصاام انا محسبتهااش كده وحااولت اسيبه كتيير بس بابا رافض
عصام تنهد وتابع تسيبيه ولا متسيبيهوش في النهايه انا مقصرتش ربنا يسعدك وسابها ومشي ففضلت تعيط بانهيار وجريت دخلت الحمام وقفلت على نفسها وهي مقهوره وقلبها هيقف من كتر العياط
-
عند عصام كان قاعد مع اخواته البنات واجوازتهم على نفس الترابيزه وبيتكلموا ويهزروا
اسراء بتمثيل حزن خلاص يا يزن انا زعلانه منك متكلمنيش
يزن بصلها وبص لعصام فعصام فضل يضحك وتابع راضي عمتو يا زونزون متزعلهاش يلا
يزن حضن عصام ففضل يضحك وتابع ده واد ابن كلب سيبك منه
اسيا بضحك بوس عمتو يا يزن هتعيط بص حرام
اسراء عملت نفسها بتعيط وتابعت انا زعلانه منه خلاص
عصام بضحك حد يقول للنعمه لا يجدعان؟ ابوس انا عمتو وخدها في حضنه وباس خدها فضحكت وتابعت ياروحيي انت وباست خده وبصت ليزن وتابعت متكلمنيش تاني طالع رخم لامك
عصام فضل يضحك وتابع متكرهنيش في الواد ورحمه ابوكي
ففضلوا يضحكوا فتابعت سلمى بضحك عندها حق والله شوف مش طايقنا ازاي
اسيا بضحك ده تقيل وكاريزما لابوه يحبيبتي هي اللي بترمي نفسها عليه
اسراء بضحك اه طبلي طبلي اكمنه بيحبك انتي طب على فكره بقى يفاارس الواد ده بيروح لاسيا علشان ليلى هاا
فارس اتفاجئ وفضل يضحك وتابع بتهزري صح؟
اسيا فضلت تضحك فتابعت اسراء بضحك اهو شايف مراتك بتضحك ازاي
فارس بضحك الواد صح بيجيلك علشان بنتي وانتي بتطبلي يا اسيا؟ ده انا هوديكم في داهيه انتي وابن اخوكي انهارده
اسيا فضلت تضحك وتابعت دي بنت جزمه سيبك منها
عصام فضل يضحك وتابع يباشا نطلبها ونوزنها بالدهب كمان ولا تزعل
فارس بضحك ايوه ايوه ادخل عليا بانك تطلب البت علشان معلقلكش ابنك ياعم وماله
اسيا بضحك كده كده مش هيتعلق يحبيبي ده ابن عصام محدش يقدر يكلمه
عصام بضحك قلب عصام من جوه وبص حواليه وتابع فينها تولين مشوفتهاش انهارده
فارس بحب راحت لعلي هي لازقه فيه من صباحيه ربنا
عصام بحب خليها اتحرمت منه كتير هي كمان
اسراء بصت ليزن وتابعت مش ناوي تجيب البوسه؟
فكلهم فضلوا يضحكوا فتابع حسن بضحك ياستي ابوسهالك انا ولا تزعلي
ففضلوا يضحكوا بشده فعصام ضربه بالرجل من تحت الترابيزه وتابع بضحك احترم نفسك يحيوان علشان مزعلكش هاا
حسن فضل يضحك وتابع ياعم الواحد مابيصدق يخلص من علي متقفش زي اللقمه في الزور بقى
عصام بضحك لا ماهو علي مش موجود انا موجود وهكتم على نفسك بردو فاتلم
حسن بضحك من عيوني يغالي
اسيا بضحك شوف ليلى يا عصام بتشاور عايزاك وانت ولا هنا
عصام بصلها بلهفه وتابع يعمري حقك عليا مخدتش بالي خدي يزن يا اسراء
فاسراء شالت يزن فباس خدها فكلهم ضحكوا فاسراء ضحكت وحضنته وتابعت يعمريي انت وعصام مد ايديه خد ليلى وباس خدها وتابع بحب قلب خالو من جوه دي الاميره الصغيره بتاعتنا
اسيا بحب ربنا يوعدك بزيها يحبيبي
عصام ابتسم بوجع وتابع منين بقى مانتي عارفه اللي فيها
اسيا تنهدت بحزن وتابعت انسى وعيش يحبيبي لو كل واحد فينا اتأذي مقدرش يتخطى كان زمان الناس كلها مهمومه
عصام تنهد وتابع انا اسف يا فارس في اللي هقوله بس انتي كنتي هتقدري تسامحي سليم لو طلب منك تسامحيه يا اسيا؟
اسيا بوجع انا لحد ما ضربني وسقط اللي في بطني سامحته بس لما شوفته مع شيري مقدرتش اسامحه علشان وصلت لانه خاني
عصام بقهر وهو نفس الوجع ..رفيده خانتني يا اسيا ومش لازم بالجسد ..خانتني بمشاعرها وفضلت تحب اخويا وهي على ذمتي وموتت ابني اللي كانت حامل فيه قبل يزن وخدت برشام منع حمل من ورايا ..رفيده عملت كل اللي يوجع اي راجل وداست عليا
اسيا بوجع والله ما عارفه اقولك ايه
فارس بتنهيده متقوليش حاجه اخوكي صح واحده زي دي متنفعش تفضل على ذمتك اصلا بس معلش كله لاجل العيل ده
مالك بتنهيده طب والله انا لو منك اتجوز تاني واخلف واعيش حياتي
سلمى زغدته بدراعها وتابعت بحده نعم؟؟
ففضلوا يضحكوا فتابع مالك بضحك مالك يابت في اييه انا بقول لو انا مكانه انتي هبله هتقارني نفسك بيها !
سلمى بحده حتى لو متقولش كده قال جواز تاني قال
عصام بضحك مش هتسد قدامها دي ياعم اسكت ياعم احنا عايزينك
مالك بضحك دي مجنونه وربنا انا حقيقي بتكلم على موقفك انت
عصام بتنهيده ومين قالك مفكرتش؟ انا فكرت وحبيت بعدها اصلا بس هو النصيب وقف لحد كده
سلمى بصتله بوجع وتابعت ولا انت نسيتها ولا هي نسيتك
عصام ابتسم بوجع وتابع كبري دماغك يا ام علي دي واحده مخطوبه وقام بـ ليلى وتابع هجيب لـ لولا والعيال حاجه حلوه وجاي
يزن عيط وشاور عليه فتابع عصام بحب جااي يعمري متخافش ومشي فاسراء فضلت تسكت يزن وتطبطب عليه فتابعت اسيا بحزن بيهرب عامه علشان جات سيره البنت اللي بيحبها
حسن تنهد وتابع اممم حسيت
سلمى بوجع ربنا يريح قلبه
مالك بتساؤل: إيلين مش كده؟
سلمى بتفاجئ ااه عرفت منين؟؟
مالك بتنهيده شوفتهم واقفين مع بعض وعينيهم قالت كل حاجه
اسراء بوجع إيلين غلطت لما راحت اتخطبت كانت توافق تتجوز على ضره
اسيا بوجع صعبه بردو يا اسراء انتي مش مكانها
اسراء بتنهيده يحبيبتي هي حبته وهو متجوز فيها ايه بقى لما تدخل حياته في الوضع اللي هو فيه؟ مش احسن من وضعهم ده وانها مع راجل مبتحبوش؟
سلمى بوجع على رايك والله
-
بعد شويه كتب الكتاب خلص وعلي خد حبيبه يروحوا مشوار بعربيه كريم
حبيبه بضحك مش مرتحالك وربنا
علي بصلها وتابع عايز اركز في الطريق ها
حبيبه بضحك طب رايحين فين وحياتي
علي بحب هتعرفي متصدعنيش بقى
حبيبه بضحك عارف الاول كنت بروح معاك مشاوير قد كده وانا مطمنه انهارده بالذات لا
علي بضحك ده علشان انتي تربيه ناقصه مش اكتر
حبيبه فضلت تضحك وتابعت اه اصل بقيت مراتك بقى وحضنت دراعه ونامت عليه وهو سايق
فعلي خدها في حضنه وباس راسها بعمق وتابع ماحنا هنحتفل كونك بقيتي مراتي دلوقتي متقلقيش مش ناسي ده انا مستني الناس تغور بفارغ الصبر من ساعه ما المأذون قال بارك الله لكما
حبيبه فضلت تضحك بشده وتابعت علي متخوفنيش وحياتي
علي بضحك شوف بنت الجزمه بردو
حبيبه بضحك مانت ماشي في شارع غريب وهادي وقربنا على المغرب وانا بخاف من الضلمه بجد
علي بحب حبيبتي الدنيا لسه نهار وبعدين متخافيش انا معاكي
حبيبه بحب عارف يعلي؟
علي بحب قولي يقلب علي
حبيبه ابتسمت بحب وتابعت انا مش هعرف انام انهارده من فرحتي
علي بحب قسما بالله ولا انا وبصلها وتابع انا اقولك نعمل ايه انتي نيميهم عندك انهارده وسيبيلهم البيت وغمز وتابع وتعالي جربي نامي في حضن جوزك حبيبك يمكن نشجع بعض وننام
حبيبه فضلت تضحك وتابعت ااه وتيجي رانيا تصحيك تلاقيني جنبك
علي بضحك رانياا مين اللي هتشوفنا احنا نطلع شقتنا يعمريي
حبيبه فضلت تضحك وتابعت متربتش والله العظيم هستنى منك ايه مانت كتبت خلاص
علي بضحك انا اللي مستني مسمعش حسك الواحد مكبوت بقاله سنين فتخرسي خاالص وتسيبيني اعبر
فحبيبه فضلت تضحك فتابع علي بضحك وبعدين ماهو بالمره نجرب السرير مش يمكن يطلع بايظ لقدر الله؟
حبيبه بضحك جربه لوحدك وضربته في كتفه
علي فضل يضحك وتابع ماشي يحبيبه تشكري وشويه ووصلوا فاداها رباط اسود وتابع حطيه على عينيكي ويلا
حبيبه بتوتر ربنا يستر منك والله ومسكته ربطته وتابعت ها
علي قرب باسها وبعد بسرعه فحبيبه شهقت وفضلت تضحك وضربته كذا ضربه وتابعت بضحك يعلي اتربيي هو ده اللي بتغميني علشاانه يعليي
علي فضل يضحك بشده وتابع خلاص خلاص يخربيت اهلك في ايه يابنت الجزمه هو انا محتاج اغميكي يعني؟ بس شكلك اغراني الله
حبيبه بضحك نزلني وضربته في كتفه وتابعت نزلنيي يلا
علي فضل يضحك ونزل وقفل باب العربيه وراح فتحلها ومسك ايديها ومشاها بهدوء فتابعت بخوف علي حاسب اقع الكعب طويل مش عارفه امشي
علي بحب طب استنى ووطى قدامها وتابع اقلعي الهيلز
حبيبه بذهول اقلعه وامشي ازاي؟!
علي بضحك يابنتي اخلصي بقى وقلعتهم فعلي مسكهم وحط ايديه ورا رجليها وشالها بين ايديه فشهقت بخضه ولفت ايديها حوالين رقبته تلقائي وتابعت بخضه: يخربيتك يعليي خضتني
علي وهو ماشي بيها تابع بضحك خربته قبل مايتعمر بنت الكلاب
حبيبه بضحك لا فهمني بجد في ايه
علي بحب الممر طويل شويه والهيلز هتكعبلنا واكيد مش همشيكي حافيه فشيلتك..تقدري تقولي كده هدلعك دلع مريئ اليومين دول
حبيبه بضحك اليومين دول بس يعني؟
علي بضحك اه لهفه البدايات وكده
حبيبه ضربت كتفه وتابعت بضيق طب مااشي اما نكدت عليك مبقاش انا
علي فضل يضحك وتابع بهزر معاكي يعمري هو انا اقدر وباس خدها فضحكت وتابعت اتلم هاا انا مش شايفه
علي بضحك كويس مش شايفه وشك هيقلب فراوله
حبيبه فضلت تضحك وشويه ووصل لشط قدام البحر متزين بشموع وورد وفيه ترابيزه عليها غدا فحبيبه اتوترت وتابعت علي انا سامعه صوت الموج
علي بحب اه بس متخافيش مش هنقرب انا عارف انك بتخافي من البحر ونزلها وقفت على الرمله ولبست الهيلز وتابع خليكي ثواني وراح جاب بالطو التخرج والكاب وتابع بحب افردي ايدك كده كأنك هتتفتشي
حبيبه بضحك هتجرب فيا انا الاول ولا ايه
علي بضحك اه حاجه زي كده
فحبيبه ضحكت وفردت ايديها فعلي لبسها البالطو وهي استغربت ان في حاجه لبستها وحط الكاب على راسها وشال الغطا من على عينيها وتابع بابتسامه مكنتش معاكي يوم تخرجك غصب عني فحبيبت احتفل بالمناسبه دي بطريقتي
حبيبه اتفاجئت بشكل المكان والزينه على البحر مع اصوات الامواج والكاب والبالطو اللي لابساهم لانهم جداد ومعمول فيهم شغل هاند ميد مخلي شكلهم تحفه فعيطت بتفاجئ وحضنت علي جامد فعلي حضنها اكتر وهمس بحب فخور بيكي اوي يا اشطر حبوبه في الدنياا اجمل حد يتخرج اصلا
حبيبه بصتله وهي بتعيط بفرح وتابعت كنت مقهوره اوي وانت مش معايا في الحفله يعلي بس اللي انت عملتهولي دلوقتي احسن من 100حفله يارب يديمك ليا وميحرمنيش منك ابدا بجد يحبيبي
علي حط ايديه على خدها يمسح دموعها وهو بيبتسم وتابع فكرك كنت مبسوط وانا محبوس في الكليه وعارف انك بتتخرجي؟ ده انا عشت سنين مستني اشوفك في اليوم ده علشان كده حلفت ان هنعيده من الاول واحتفل بيكي لوحدك وجبتلك كاميرا بستاند علشان نتصور في الفيو ده وكده يبقى1-1اتصورتي معايا في تخرجي وهتصور معاكي في تخرجك
حبيبه ضحكت من بين دموعها وتابعت يحبيبي انت بجدد وحضنته فعلي فضل يضحك وباس خدها بعمق وتابع حلو المكان؟
حبيبه بانبهار ده تحفهه مش حلو بس انت اللي عملت كده؟
علي بحب اه انا والعمال اللي تبع المكان والحلو اكتر ان بحجز ومحدش هيجي غير لما المعاد يخلص
حبيبه بتفاجئ طب ده زي الفل ده يلا نتصور بقى قبل الشمس ماتغيب
علي بحب يلا يعمري ووقفوا قدام الكاميرا واتصوروا صور كتير باينه فيها فرحتهم فتابعت حبيبه بضحك احلى حاجه ان عادي اقرب منك في الصور بص دي تحفهه وشاورت على صوره بيبوس خدها فيها
علي بضحك ايوه مانا قصدت بعد كتب الكتاب علشان كده اقفي اصورك وانتي مزه كده
حبيبه بضحك ماشي يلا ووقفت بالفعل وعلي صورها صور كتير حلوه بالبالطو والكاب وشغلوا اغاني وفضل يحتفل بيها وهي كانت طايره من فرحتها وشويه وكانوا واقفين بيتفرجوا على غروب الشمس وسانده على صدره فتابعت بابتسامه شكرا على كل حاجه حلوه بتعملها علشاني يعلي
علي بحب علي لو فضل عمره كله يعمل حلو مش هيوفي جمايلك وباس راسها بعمق وتابع متشكرنيش احنا بقينا واحد بلاش عبط
حبيبه بصتله وتابعت بابتسامه دي احلى حاجه حصلت في حياتي حقيقي
علي بضحك يادي الكلام اللي عايز بعديه بوسه ده ورايح يقرب فحبيبه بعدت وفضلت تضحك وتابعت لالا علي اتلم
علي بضحك اتلم ايه ده انا داافع دم قلبي في ام الجوازه دي علشان متلمش تعالي هنا يابنت الكلب يجزمه انتي
حبيبه بضحك لا لما يتقفل علينا باب واحد هانت خلاص اصبر
علي بضحك ده انا صبرت اكتر من اللي اسمهم صابر ذات نفسهم وبيقرب عليها فحبيبه اتوترت وتابعت بضحك ابعدد ابعدد هزعلك والله ووطت مدت ايديها لانها قدام الشط وغرقته مايه وجريت
فعلي شهق وفضل يضحك وتابع يابنت الجززمه يحبيبهه ياللي مالكيش مبدأ ولا مله انا هوريكي قسما بالله وجري وراها فتابعت حبيبه بضحك وهي بتجري: عليي والنبي سيبني ..علي هقعع هقع وربناا ..عليي وحيااتي خلااص
علي مسكها فشهقت وفضلت تضحك بشده وتابعت اسفه اسفه والله
علي بضحك فكرك هتسبقيني يعني؟ ده يبقى عيب على النجوم اللي على كتاافي
حبيبه بضحك مكانوش حبه مايه بقى ميبقاش قلبك اسود
علي بضحك لا اسود وابن كلب ووطى ايديه للبحر وغرقها فحبيبه شهقت وتابعت بضحك اخص هليك يعليي الميكاب هيبوظ وهبقي شبه صاحبك دلوقتي
علي فضل يضحك بشده وتابع لالا عارفك من غيره وقمر
حبيبه بضيق متحاولش تثبتني ابعد كده علشان بتردلي حبه المايه مااشي وضربته في صدره زقته ووطت غرقته ففضل يضحك ووطى غرقها تاني فاتعصبت وتابعت لاا انا اللي انهي هاا وغرقته فعلي غرقها وفضلوا يغرقوا بعض وهو مش قادر من الضحك على منظرها وشعرها اللي باظ فضحكت وتابعت بتضحك؟ ده انا هربيك وهبيتك في الحمام يوم الفرح استنى بس وغرقته فعلي ودا وشه بعيد عن المايه وهي بتحدف وفضل يضحك وتابع قايل للراجل عرسان وجايين من كتب كتابنا لما يجي يستلم المكان حلو منظرنا ده؟
حبيبه بضحك هيقول اطفال مش عرساان وغرقته تاني ففضل يضحك وتابع خلااص بقى مانتي اللي ناهيتي اهوو انا ساكت بقالي سااعه
حبيبه بضيق لا علشان عصبتني وغرقته
علي فضل يضحك وتابع حبيبه خلاص وحياه علي
حبيبه بضحك شوف مش معصبني على شكلي اللي باظ ده وبغرقك؟ بس ضعفت خلاص كله الا علي
علي بضحك هاتي بوسه بقى
حبيبه بضحك اما انا جريت منك علشان متبوسنيش هعملها انا اتجننت ولا ايه
علي بتمثيل مضايقه: خلاص براحتك
حبيبه بذهول علي انت زعلت بجد؟؟
علي بضيق ياستي ولا زعلت ولا حاجه يلا علشان تاكلي
ورايح ناحيه الترابيزه فحبيبه مسكت دراعه وتابعت علي استنى
علي منع ابتسامته باعجوبه وبصلها وتابع خير
حبيبه بحب يحياتي انا بهزر مالك في ايه؟ مانت بوستني في العربيه كنت اضايقت منك؟
علي برفعه حاجب وهو ايه يضايق مش فاهم وبعدين انا بعدت عنك بسرعه اصلا
حبيبه بضحك يسيدي خلاص متزعليش حقك علياا وطى بس علشان انت طويل اوي بسم الله ما شاء الله يعني
علي فضل يضحك وتابع لا تطلعيلي انتي
حبيبه بضحك يسلام واعملها ازاي دي ان شاء الله؟
علي بحب اعملهالك انا ووطى لف ايديه حواليه رجليها ورفعها لفوق وهو شايلها فحبيبه ضحكت وحطت ايديها حوالين رقبته وبصت حواليها وتابعت متاكد محدش هنا؟
علي بضحك يعني حد هنا وهشيلك كده اتجننتي؟
حبيبه خدت نفسها بعمق وبصتله فتابع بضحك هو الموضوع صعب اوي كده؟ ده انتي متربيه في حضني يابنت الجزمه مالك في ايه؟
حبيبه بابتسامه لا والله بس مش مستوعبه ان ده بقى عادي
علي فضل يضحك وتابع فاهمك عامه بس لو مش هتبادري انتي ابادر انا عادي جدا بستوعب بسرعه
حبيبه ضحكت وبصتله بحب وتابعت لا يسيدي مش هزعلك وقربت باسته بحب ورايحه تبعد فعلي نزلها وشد وسطها ليه وباسها بعمق ودقايق وبعد وهو ساند جبينه على جبينها
حبيبه وهي مغمضه تابعت بضحك عارف نفسي ادفن وشي زي النعام دلوقتي
علي فضل يضحك وتابع لالا عادي ورفع وشها ليه وتابع انتي مش هتتكسفي مني انا على اخر الزمن فوقي يابت الله
حبيبه بحب بحبك بجد
علي بحب وانا بموت فيكي وحضنها ووطى باس رقبتها وهي زودت من احتضانه
-
عند عصام كان قاعد بـ يزن في الصالون اللي عمال يعيط وعصام رافع الفون على ودنه بيرن على رفيده ومش بترد فنفخ بضيق وبص لجريس المربيه وتابع بحده هي مقالتلكيش راحت فين؟
جريس بلغه عربيه مكسره: لا استاذ
عصام نفخ بعصبيه وتابع تمام روحي انتي فجريس دخلت اوضتها ودقايق ورفيده فتحت الباب ودخلت الشنط اللي في ايديها وشافت يزن بيعيط فتابعت بابتسامه لالا يروحي مالك في ايه وقفلت الباب وراحت شالته
عصام بصلها بحده وتايع بعصبيه انتي غورتي فين كل ده؟ شغلك واخره 4 والساعه دلوقتي 7 وبرن عليكي مش بتردي
رفيده بضيق اظن واضح من الشنط اني كنت في شوبينج والفون سايلنت مش سمعاه
عصام بحده وانا 100 مره قايلك طول مانتي براا تلغي ام السايلنت ده علشان اعرف اوصلك بدل ما اكسرلك امه خاالص
رفيده نفخت بضيق وتابعت وهي بتسكت يزن حاضر يعصام
عصام زق خدها بعصبيه وتابع انتي متنفخليش وانا بتكلم علشان ممدش ايدي عليكي ولو مظبطيش حالك يارفيده واهتميتي بالواد قسما بالله لاقعدك من الشغل مش هتهمليلي بني ادم علشان تروحي تهتمي بالحيوانات
رفيده بحده اظن انا جايبه جريس علشان تغطي عليا في غياابي فانت مش من حقك تمنعني من شغلي
عصام بعصبيه ومتنيلش سكت معاهاا ولا حتى معاايا وقفلت معااه عايز ماما وزفت فيتعدلي نفسك ياهتشوفي مني وش حقيقي مش هيعجبك
ومشي وهو بيتابع بحده :فالحه بس تجيب فليبنيه والحمار يدفعلها بالدولار ودخل اوضته ورزع الباب
رفيده بعصبيه على اساس يعيني غلبان ومش معااك تدفع لبلد كامله
عصام من جوه بحده قفلي يارفيده انا مش طايق نفسي
رفيده دموعها نزلت وتابعت الهي يتحرق دمك يشيخ زي ماحارق دمي ليل نهار وتابعت بصوت مسموع : جريس
فجريس جاتلها وتابعت نعم مدام
رفيده بتنهيده خلي يزن معاكي لحد ما اغير وحاولي ميعيطش مش ناقصين كلمتين من ابوه
جريس هزت راسها بلايجاب وتابعت حاضر مدام
فرفيده دخلت اوضتها لقيته قاعد قالع القميص وموطي مناخيره علي طرف الكومود للبودره المحطوطه فابتسمت بسخريه وتابعت اممم اتاريك متعصب ومش طايق نفسك شكلك اتاخرت على معاد السم الهاري انهارده
عصام غمض بعصبيه وتابع غوري براا طيب علشان مقومش اقسمك نصين
رفيده بضيق انا مالي براحتك ووقفت قدام الدولاب وخدت كاش وغيرت هدومها فعصام بصلها وتابع انا مش قايلك متغيريش في الاوضه طول مانا فيها؟؟
رفيده بابتسامه ايه يروحي وقعدت قدامه وحطت ايديها على خده وتابعت خايف تضعف ولا ايه؟
عصام رفع حوابجه باندهاش وابتسم بسخريه وتابع اضعف؟ ده لا انتي ولا حريم الدنيا كلهاا تهزوا فياا شعره
رفيده بسخريه واما هو كده متضايق ليه اني بغير وانت في الاوضه؟
عصام بتنهيده علشان انا مش معتبرك مراتي فمش عايزك تتعاملي اني جوزك
رفيده طبطبت على صدره وتابعت بسخريه لا ريح نفسك انا نسيت اني متجوزه من زمان ..بلا نيله وقامت تخرج من الاوضه فتابع بتنهيده على اساس هتضايق انا واتعصب كده من بلا نيله اللي قولتيها دي؟؟ لا يحبيبتي انتي عندك حق واحسن انك نسيتي علشان متستنيش مني حاجه مش هتطوليها
رفيده نفخت بضيق وطلعت الصالون وشالت يزن من جريس وتابعت بابتسامه تقدري تروحي اوضتك
جريس بلغه عربيه مكسره : انا روح سوي غداء مدام؟
رفيده بتنهيده لا انا هعمل ارتاحي انتي يلا لو عوزتك هناديكي
جريس بابتسامه اوك وقامت دخلت اوضتها ورفيده خدت يزن في حضنها وابتدى ينام فمسكت فونها وفتحت انستا وشافت اكونت حبيبه ظهر قدامها منزله صور كتب كتابها وتخرجها اللي مع علي فقلبت في الصور فشافت صوره لحبيبه شايله يزن وبتبوسه فاتعصبت جدا وقلبت كمان لقيت صور لعلي وحبيبه في كتب الكتاب وباين في الصوره وراهم إيلين شايله يزن وواقفه مع عصام فاتصدمت بشده وقامت بـ يزن وراحت خبطت على اوضه جريس ودخلت وتابعت خلي يزن نايم جنبك دلوقتي وحطته جنبها
جريس بابتسامه ماشي مدام فخرجت رفيده وقفلت الباب وراحت فتحت باب اوضتها هي وعصام ودخلت وقفلته بعصبيه وتابعت انت ازااي تسمح لنفسك تااخد ابني معااك فرح علي وتخلي السنيوره تشيله
عصام بصلها بحده وتابع بعصبيه انتي هبله ولا ايه ده ابني واخده في الحته اللي تعجبني وفيها ايه لما مراات عمو تشيله يعني مش فااهم
رفيده بعصبيه متقولش عموو الحيوان ده مش عمو ولا حبيبه مرات عمو ولا دول اهله اصلااا دول اهلك انت مش اهل ابني متفرضش وجودهم عليناا
عصام قام مسك دراعها وتابع بعصبيه اهله غصب عنك انتي واهلك يا بنت الكلب يحيوانه واتعصب اكتر وتابع ده ابني يعني اهل ابوه هماا اهله انما انتي اللي ماالكيش ستين لااازمه في حياتنا وحتى دورك جبتي فليبنيه تساعدك فييه فمسمعش حسك خاالص
رفيده بعصبيه ودموع لا كنت اقعد زي الكرااسي اخدمك انت وابنك واسيب حياتي تدمرر ولا مني متجوزه ولا مني ناجحه في شغلي انت ايه ياخي انااني اوي كده لييه؟
عصام بعصبيه مش اتنيلتي نزلتي اشتغلتي وحققتلك رغبتك؟ خلاص بقى صدااع مش عايز انا فياا اللي مكفيني واول واخر مره اسمعك تعترضي على وجود يزن وسط اهله علشان قسما بالله هي ديتك معاايا الطلقه اللي فاضله وهرميكي ومش عايز اشوف وشك تاني واتعصب وتابع علشاان انا تعببت وجبت اخرري
رفيده بصتله بسخريه والدموع في عينيها وتابعت انا مش جايه اعرف غلاوتي عندك لاني كده كده عارفاها بس المفروض تحترمني اكتر من كده وتقدر اني على ذمتك والاسم مراتك
عصام بعصبيه ليه وانا محترمتكيش في ايه مش فااهم؟ عيل وبوديه لاهله ولا عايزاه يطلع مقطوع من شجره زيي ومالوش حد؟ ده اللي هيبسطك يعني؟ علشان فيما بعد تيجي بت زباله لا راحت ولا جات تعلقه بيهاا ويعيد مسيرتي مش كده؟
رفيده بعصبيه ودموع انت بتاخد يزن لمرات ابوك واخواتك كل خميس ومبقدرش عليك يعصام انما انهاارده حقي اتضاايق
عصام بعصبيه ليه حقك تضايقي علشان حبيبه شالته؟ انتي اتجننتي ولا مش لاقيه مشاكل تنكدي بيها؟
رفيده بعصبيه ودموع انا ااه اتعصبت انها شالته وان يزن راح الفرح من ورايا بس
عصام قاطعها بعصبيه لا المفروض اخد اذنك قبل ما اخد ابني معاايا كماان ده اللي ناقص
رفيده بعصبيه ودموع ممكن تسمعني انا اه اتضاايقت بس مقصدش حبيبه اصلاا عادي خلاص شالته واتصورت بيه واسمها للاسف مرات عمو فمش هقدر اتكلم انما انا اقصد السنيوره التانيه حبيبه القلب اللي واقفه في نص الفرح شايله ابني وبتتكلم مع جوزي وعاادي
عصام اتصدم بشده وتابع وانتي عرفتي ان إيلين شالته وكلمتني منين؟؟
رفيده بعصبيه علشان البيه باين معاها في الصور بتاعت علي وحبيبه بس وراهم ورفعت الفون في وشه فعصام اتصدم بشده انه باين فعلا واقف مع إيلين وهي شايله يزن فتنهد بعمق ومسح بايديه على وشه وتابع خلاص يارفيده هقول لحبيبه تمسحهم
رفيده بصتله بذهول وتابعت بعصبيه لا يااراجل تصدق كده المشكله اتحلت؟ ايه رايك اروح اقف مع علي ونراجع الذكريات ونتصور نفس الصوره؟؟
عصام مسك دراعها جامد وتابع بعصبيه شديده: احترمي نفسك ومتنسيش انه اخويااا
رفيده بعصبيه مش نااسيه حاجه بس انت اللي نسيت حاجات كتير ومصمم تبقى منهم وتاخد ابني معااك ..هتعرف يزن على علي بصفته مين يعصاام هاا؟؟ عمو اخو ابوه عادي ولا طليق امه؟؟
عصام ضربها بالقلم بقوه فصرخت بألم وعيطت وحطت ايديها على خدها فمسك دراعها وتابع بعصبيه شديده: انا لو سمعت حسك تاني قسما بالله العظيم هساوي وشك بالارض واتعصب اكتر وتابع غورري براا يلاا
رفيده بعياط وعصبيه الحقيقه بتوجعك فبتمد ايدك علياا انما انت انك تقف مع البنت اللي بتحبها وتخليها تشيل ابني وانا اشوف الصور المفروض اني عاادي ..يسيدي مقولتلكش حبني بس على الاقل احترمني او طلقني
عصام بتنهيده انا لو عايز اطلقك كنت طلقتك من بدري اوي بس انا سايبك هنا لاجل ابني وبس وعلشان لو طلقتك هتضطر ابعد عنه لانه صغير وهيبقى في حضانتك ومسك فكها جامد فعيطت بألم فتابع بهدوء مخيف: انما اقسم بربي لو جبت اخري ماهيفرقلي حد في الدنيا كلهاا وهرميكي عادي وهنقفل حنفيه الفلوس اللي نضفتك دي فمضطرنيش لكده هاا وزقها بعنف فرجعت لورا كانت هتقع وفضلت تعيط وخرجت وزرعت الباب وراها فعصام حط ايديه في خصلات شعره يرجعه لورا بضيق وتنهد بعمق وثواني ومسك فونه رن على حبيبه فدقايق وردت وتابعت ايوه يا ابو يزن
عصام بتنهيده ايه يحبيبه عامله ايه
حبيبه بابتسامه بخير الحمدلله وانت
عصام بتنهيده بخير يحبيبتي بقولك معلش
حبيبه بابتسامه سمعاك
عصام تنهد وتابع في صور ليكي انتي وعلي انا وإيلين باينين وراكم فمعلش امسحيها علشان ميحصلهاش مشاكل من ابوها او خطيبها
حبيبه بذهول ينهار ابيض انا مخدتش بالي همسحهم حاضر
عصام بتنهيده دلوقتي الله يباركلك يحبيبه علشان متنسيش
حبيبه بتوتر حاضر والله هي الدنيا خربت عندك ولا انت اللي شوفتهم ؟
عصام تنهد وتابع لا خربت وحاجه اخر قرف قسما بالله
حبيبه بحزن عصام انا اسفه بجد والله مخدتش بالي
عصام بتنهيده يابنتي سيبك من رفيده احنا اتخانقنا وخلصنا مش هتعلقلي المشانق هي وولا تقدر تعمل معايا حاجه بس موقف إيلين لو ابوها او خطيبها شافهم هيبقى صعب
حبيبه بتوتر لا والله هقفل معاك وامسحهم حالا اهو
عصام بتنهيده تمام يحبيبه تعبتك
حبيبه بحزن لا والله تعبك راحه ده انا اللي اسفه
عصام بابتسامه محصلش حاجه بقى كبري دماغك يلا عايزه حاجه؟
حبيبه بحزن سلامتك
عصام يلا باي
حبيبه باي وقفلت معاه فعلي بصلها لانهم قاعدين قدام البحر وواخدها في حضنه وتابع في ايه؟
حبيبه بحزن إيلين باينه معاه في الصور بتاعتنا ورفيده شافتها وعملتله مرشح
علي بصدمه بتهزري وهو وقف معاها اصلا؟
حبيبه بحزن اه لما شوفته جيه مشيت وسيبتهم يتكلموا
وفتحت فونها تمسح الصور
علي بعصبيه مشيتي وسيبتيهم ايه هي ليله دخلتهم يحبيبه؟؟ اللي انتي عملتيه ده غلط هو متجوز وهي مخطوبه وعلاقتهم حراام وفيها خيانه لطرفين تانيين فمكنتيش تطاوعيهم حتى لو دي صاحبتك
حبيبه بوجع صعبت عليا يعلي تخيلت نفسي لما كنت مكانها مانا بردو كنت مبقدرش امنع نفسي عنك مع انك كنت متجوز
علي بعصبيه وانتي ايه؟ مانتي كنتي بطولك فمش بتخوني حد ومش عارفه تتحكمي فمشاعرك فغصب عنك انما دي مخطوبه بقالها سنتين وفرحها قرب فانتوا بتتكلموا في ايه بجد
حبيبه بوجع بتموت في عصام وهو نفس الكلام يعلي فصعبانه عليا اوي
علي بحده هي اللي اختارت يحبيبه فمتجيش تزعل اصل مش هيرمي مراته ام ابنه يعني وهي لما دخلت حياته دخلت ورفيده فيهاا فمتبقاش انانيه وتطلب منه يرميها علشانها
حبيبه بحده يعلي هي مطلبتش يرميها هي فضلت بتحبه مع نفسها ولما طلقها قالها انه هو كمان بيحبها فلما لقيت الحلوه حامل انسحبت ايه اللي غلط في كده؟
علي بحده خطوبتها اللي غلط ..مكانتش تظلم مراد معاها وتخونه بالشكل ده حتي لو بمشاعرها احنا كرجاله منستحملش دي ابداا وعصام قالها تبقي زوجه تانيه رفضت فخلاص مش هيرمي ام ابنه يعني
حبيبه بحده هي اصلا موافقتش يرميها قالت لا علشان الواد
علي بحده يبقى تبعد عنه وتصون اللي متنيله مخطوباله ده .. عيب بقى ام الحركاات دي ولو عصام اللي بيكملهاا انا هتصرف معاه
حبيبه بحزن لا مبيكلمهاش دي اول مره يتقابلوا من يوم خطوبتها اصلا
علي بحده وياريت متتقررش في الفرح ايااكي تشوفيهم واقفين وانتي معاهم وتسيبيهم الموضوع ده كله غلط وحرام وعك في عك وحقها رفيده بصراحه
حبيبه بحزن حاضر يعلي
-
بعد كام ساعه عند ابتسام نيره كانت قاعده معاها علشان تعبانه وبتاكلها
ابتسام بتعب بس يابنتي مش قادره اطفي النور بقى وروحي انتي نامي
نيره بابتسامه طب اخر معلقه طيب
ابتسام بتعب وحياتك مش قادره خالص
نيره حطت ايديها على جبينها وتابعت بحب الحراره بتقل اهو الحمدلله
ابتسام بحب تعبتك يابنتي روحي بقى ارتاحي من ساعه مارجعنا من كتب الكتاب وانتي رايحه جايه في الشقه
نيره بحب بناتك اتجوزوا وسابوكي بس انا هتجوزه والزق فيكي العمر كله لا تقلقي
ابتسام ضحكت بتعب وتابعت ما كان في ايدك ااه منك يانيره
نيره بضيق خلاص بقى يخالتي متضايقنيش وقولتلك ده سر بينا انا اصلا حساه مبيحبش نهله وكداب
ابتسام بابتسامه مبيحبهاش وخاطبها سنتين؟
نيره بضيق ماهو بصي بقى انا مش هسيبه لحد غيري بلا سنتين بلا تلاته ده كداب وابن جزمه ولسه بيحبني واثقه
ابتسام فضلت تضحك وتابعت ماشي يا بنت الجزمه انتي تشكري
نيره بضيق اصل معصبني اوي بجد
ابتسام بحب انا لو عليا مش عايزه غيرك مرات ابني انما كريم حقيقي معرفش دماغه فيها ايه يعني بيحب نهله ولا هيتجوزها لغرض الاستقلال انا معرفش بس انتي حاولي اعرفي منه بقى وشوفي
نيره تنهدت بوجع وتابعت انا مش هاخده منها انا بهزر ومش انا اللي اكسر بنت زيي بس لو لقيته فعلا لسه بيحبني هقوله اني ندمانه بس ده مش اكيد لانه لو بيحبني صح مكنش خطب
ابتسام بحب خطب لانه فقد الامل فيكي اصل دي مفيهاش الوان يا شيفاه اخوكي يا شيفاه جوزك فاهو احترم رايك يانيره
نيره بوجع كله على الله يخالتي وقامت باست راسها وتابعت يلا انا هروح انام في اوضه لميا علشان جنبك عوزتي حاجه ناديني
ابتسام بحب سلامتك يعمري
نيره خرجت وقفلت الباب ورايحه تدخل اوضه لميا لقيت نور اوضه كريم شغال فتنهدت وراحت خبطت فمحدش رد فخبطت تاني محدش رد ففتحت ودخلت لقيت الاوضه مترتبه عادي وصوت الحنفيه شغال ففهمت انه في الحمام وتنهدت ورايحه تخرج فكريم فتح باب الحمام وخرج لابس بنطلون بيتي وعاري الصدر وبينشف شعره فشافته اتكسفت وبصت تحت وهو اتخض وتابع يخربيت اهلك اييه مش في ام باب تخبطي عليه جبتيلي صرع
نيره بتوتر خبطت بس البيه مسمعش عن اذنك ورايحه تخرج فكريم مسك دراعها رجعها خبطها في الحيط وحاصرها بايديه وبصلها بحب وتابع جايه اوضتي في انصاص الليالي تعملي ايه يانيره ها
نيره اتوترت وقلبها دق بعنف ومبصتلوش وتابعت الساعه11 ونص لسه على فكره
كريم فضل يضحك وتابع وااو فرقت لو 12مش هتيجي ولا ايه يا سندريلا
نيره بتوتر كريم سيبني اخرج
كريم رفع دقنها تبصله وتابع اه مجاوبتيش على سؤالي بردو
نيره بصت لعينيه والدموع اتجمعت في عينيها وتابعت كنت ..كنت هسالك اعملك قهوه ونقعد نتكلم شويه ولالا انت واحشتني وبقالك كتير مشغول عني
كريم بصلها بحب وتابع اعملي وتعالي
نيره حست كانها هتخرج من سجن من فرط توترها من قربه وهزت راسها بماشي ورايحه تمشي فرجعها للحيطه تاني وتابع بضحك استني بس وشاور على خده وتابع هاتي بوسه الاول
نيره بحرج كريم والنبي احترم نفسك
كريم بتفاجئ الله مش انا اخوكي وانتي اختي ايه الجديد يعني مانتي طول عمرك بتبوسي خدي
نيره بتوتر متوتره منك ابعد شويه ارجوك والبس التيشرت
كريم بضحك مش اول مره تشوفيني من غير التيشرت بردو مالك يانيره في ايه
نيره تنهدت بعمق وتابعت معرفش بس بليز ابعد
كريم بابتسامه البوسه وهبعد علطول وشاور على خده
نيره تنهدت وقربت باست خده ورايحه تمشي فرجعها تاني وتابع بضحك الله انتي بس اللي هتبوسيني ولا ايه؟
نيره فتحت عينيها بذهول وقبل ماتعترض وطى باس خدها فغمضت عينيها وحست بكهربا مشيت في جسمها وتابعت كرريم
كريم بعد عنها وتابع بضحك خلاص امشي يلا فنيره خدت نفسها بعمق لما بعد عنها وهي حاطه ايديها على صدرها وطلعت من الاوضه بسرعه فكريم ابتسم بخبث وتابع لا بس اخوها وراح لبس تيشرت ودخل قعد في البلكونه
وشويه ونيره جات باتنين قهوه وحطتهم على الترابيزه الصغيره في النص وقعدت قدام كريم وهي بتبتسم فتابع بابتسامه ها عايزه تقولي ايه سامعك
نيره ابتسمت ورايحه تتكلم فجات مسدج على فون كريم فتابع ثواني يا نونو معلش ومسك فونه وفتح رد ومسابش الفون وبص لنيره وتابع قولي
نيره تنهدت بضيق وتابعت لا مفيش حاجه مهمه بس واحشني فقولت نقعد سوا و
فكريم قاطعها وتابع ثواني ينيره معلش لان نهله شكلها ناويه على نكد انهارده
نيره اتوجعت وتابعت كريم انت لو مش فاضي انا ممكن اقوم انام وتتعوض عادي
كريم مردش عليها ورفع ريكورد لنهله وتابع بحده انا قايلك ام الخرا ده لا هو انتي لو عدا يوم من غير خناق تزعلي!!
نيره اتصدمت انه مسمعش كلامها اصلا فتنهدت وتابعت عن اذنك تصبح على خير
كريم مسك ايديها وتابع رايحه فين خليكي هخلص معاها ونتكلم
نيره بضيق لا معلش عايزه انام ورايا شغل قد كده بكره
كريم رفع ريكورد وتابع نهله طيب خمس دقايق نيره بتتكلم معايا بس وهرن عليكي نشوف الموضوع ده وبعته وتابع اقعدي سكتها اهو
نيره الدموع اتجمعت في عينيها وتابعت بحده ولا تسكتها ولا متسكتهاش انا اللي المفروض اسكت واروخ اتخمد علشان ورايا شغل اقعد حب في خطيبتك يحبيبي وفلتت ايديها منه ورايحه تطلع فتابع كريم بحده يابنتي احنا بنتخانق اصلا والموضوع كبير مش صغير حقك عليا تعالي
نيره وهي ماشيه تابعت بدموع عايزه انام يكريم وطلعت من اوضته ورزعت الباب وراها ودخلت لابتسام وهي منهاره عياط فابتسام اتخضت وتابعت مالك في اييه اهدي
نيره بعياط تعبت ومبقتش فهماه يخالتي ونامت جنبها ودخلت في حضنها وهي منهاره
ابتسام فضلت تطبطب عليها وتابعت بخوف بس بس يما قلبك هيقف عملك ايه ابن الجزمه ده قوليلي
نيره بعياط وشهقات الحيوان دخلتله انكشه ونقعد سوا شويه واحشني لقيته خارج من الشاور ولابس بنطلون والتيشرت لا اتكسفت منه مع ان فعلا ياما شوفته كده عادي بس لما نظرتي ليه اتحولت لحبيبي بدل اخويا بقيت اتوتر منه واتكسف وهو لاحظ ووترني اكتر ورخم عليا وقالي انا اخوكي وخلاني ابوس خده زي ماتعودين فرايحه ابعد باس خدي هو كمان ووترني اوي وانا عمري ماتوترت من قرب كريم كده بس علشان بقيت بحبه وحسيت اني اتكشفت قدامه وقولت بس هو لو عايز يتاكد اكيد اتاكد من توتري من قربه وهيعاملني كويس لو بيحبني بس لا لقيته بيرغي مع الهانم ويزعق فيها معرفش على ايه ومتجاهلني ولا كأني بتكلم ومش واخد باله اني بتكلم اصلا فقومت وسيبته وفضل يقولي خلاص هقفل معاها مرضتش وجيت
ابتسام تنهدت بحزن وتابعت حقك عليا وباست راسها بعمق وتابعت وانا هربيه انه باسك هقوله مالكش دعوه بيها تاني
نيره بعياط لا يخالتي علشان كريم مش سهل هيرد يقولك ايه الجديد يعني مانا طول عمري ببوس خدها دي اختي ويبان ان انا اللي مبقتش شيفاه اخويا فكبري دماغك
ابتسام بحزن اهدي طيب اهدي وجعتي قلبي بعياطك ده
نيره بعياط علشان فكرت انه بيربيني يخالتي فكرت انها خطوبه تقليديه وانه محبش غيري بس لا كريم عمره ماحبني كريم اتخلى عني لما رفضته كأني جزمه وراح يجيب غيري بعدها بكام يوم وبصتلها بقهر وتابعت بذهول وعياط:طب ده حتى من الذوق والاصول طلما حد عايز يتكلم معاه المفروض يسيب الفون سيبك مني انا كـ نيره اللي كنت فاكره نفسي مميزه عنده وغير الناس واتصدمت فبعيدا عني المفروض اي حد يطلب منه كده يقدره بس لا هو معملش احترام لوجدي وتجاهلني ومسك الفون فخلاص حقيقي مش هرمي نفسي عليه تاني
ابتسام بحزن زهقتي بسرعه يانيره
نيره بقهر بس مش اسرع منه يخالتي ..كريم سمع الرفض مني مره ومحاولش تاني كبري دماغك انا عايزه انام
ابتسام بحزن نامي يحبيبتي وباست راسها بعمق وفضلت تطبطب عليها في حضنها
-
تاني يوم الصبح في بيت رانيا كانت قاعده في الصالون ماسكه ورقه وقلم وبتكتب الحاجات اللي هتعوزها ليوم الحنه والباب مفتوح فحبيبه دخلت وتابعت صباح الخير يارنوش قلبي وباست خدها
رانيا بضحك اوعي يابت مبكلمكيش دلوقتي رنوش قلبك وامبارح تشدي الواد مني وتسيحيلي وتقولي هينام في حضنك انتي ومعرفش ايه
حبيبه فضلت تضحك وتابعت الله ما دي الحقيقه يا رانيا انتي عايزاه جنبك اكتر من كده حرام عليكي
رانيا بضحك امشي يابت من قدامي يلا اتمسكنتي انتي لحد ما اتمكنتي
حبيبه بضحك لالا مقدرش والله ده انتي حبيبه قلبي انتي عارفه كده كويس وباست خدها وتابعت ده انا اللي هسيبه وانزل انام في حضنك ابسطي ياستي
رانيا بضحك انتي تسيبي يعلي يبكاشه؟ طيب هحاول اصدقك
حبيبه فضلت تضحك وتابعت اهم حاجه انتي عارفه اني بكاشه
رانيا بضحك ده كده كده اصل ماهتصدقي ده احنا مش هنشوف وشك
حبيبه بضحك حصل والله وبصت حواليها وتابعت فينه جوزي برن عليه مبيردش
رانيا بضحك نايم ياختي هيرد ازاي وانتوا امبارح رغي لبعد الفجر ولا المخطوبين جديد فمش مصدقين
حبيبه بضحك يا رانيا اتخرج بعد سنتين عذاب واتجوزنا كمان فالفرحه فرحتين عايزه ايه انتي دلوقتي
رانيا بحب عايزه اشيل عيالكم اتجدعني بقى
حبيبه بحب اللهم امين يارب وباست خدها وتابعت دخلاله ها
رانيا بحب روحي يعمري ودخلت لاول مره من غير ما تخبط وقفلت الباب وبتبص عليه لقيته نايم على بطنه وقالع التيشرت فراحت فتحت الستاره فالشمس دخلت وسابت البلكونه مقفوله زي ماهي وقعدت جنبه على السرير وتابعت علي
وهزته بخفه وتابعت علي ..قوم يحبيبي
علي عينيه انكمشت بضيق من الشمس وتابع الشمس يحبيبه
حبيبه بحب علشان تفوق يعمري يلا ورانا معاد مش متفق مع صاحبك هنكون هناك بدري قبل ما الدنيا تزحم؟
علي فتح عينيه ببطئ وتابع طب بفوق
حبيبه بحب قوم اغسل وشك هتفوق
علي وهو بيحاول يفتح تابع بخبث لا هاتي بوسه وهفوق
حبيبه بضحك انسى الكلام ده ورايحه تقوم من جنبه فشد دراعها وقعها على السرير واعتلاها فشهقت وفضلت تضحك وتابعت اوعاا اوعا والله هناديلك ماما
علي بضحك انشالله تنادي كريم ..اقولك نادي ابوكي نفسه
حبيبه بضحك انا اللي غلطانه بردو ازاي جيالك برجلي لحد هنا يعني
علي فضل يضحك وتابع على اساس ايه ها هتفضلي تهربي كتير؟
حبيبه بضحك علي والنبي اوعا خليني اقوم ماما رانيا لو جات شكلي هيبقى وحش اوي
علي بحب متقدرش تيجي
حبيبه بضحك ماهي ياما قفشتك متقدرش تيجي ايه هاا
علي بحب الاول بقى وحط واحده من ايديه على خدها وتابع دلوقتي انتي مراتي فحتى لو جات هتخبط
حبيبه بحرج متقوليش انها ممكن تتوقع حركاتك دي علشان هموت من الاحراج والله
علي فضل يضحك وحبيبه ابتسمت من ضحكته فتابع بضحك طبعاا يقلبي هتتوقع ده كريم نفسه لو كلمتيه قولتيله انك هتدخلي تصحيني هيمنعك وابتسم وتابع اصل بالعقل كده ..واحد بقاله سنيين حرفياا هيموت عليكي ايه ممكن يوقفه دلوقتي بقى؟ لما بقيتي مراته؟ اصل انا يحقلي كل حاجه دلوقتي الا حاجه واحده
حبيبه بضحك عارفه والله بس عايزاك تفضل متحمس كده فبليز اوعاا وسيبني اقوم علشان متأخرين
علي سند جبينه على جبينها وغمض عينيه وتابع بحب اسيبك مين ده انا نفسب اخلف وعدي مع ابوكي واعمل الحاجه اللي قولت عليها الا هي من شويه
حبيبه فضلت تضحك بشده وتابعت وربناا كان عندي حق لما قولت مش مرتحالك ده انا بنت كلب اني جيت اصحيك اوعا يعلي
علي بضحك انتي استفزتيني وقولتي لا وانا ميتقاليش لا عارفه لو وافقتي كنت قومت وسكت
حبيبه بضحك خلاص هات بوسه وقربت باسته فعلي فضل يضحك وتابع لا خلاص ماكانت هتسكتني ساعتها دلوقتي طموحاتي عليت
حبيبه فضلت تضحك وتابعت علي اتلم احنا مش في شقتنا هاا
علي بضحك نطلع يعمري يسلام هو ده اللي معطلنا يعني
حبيبه بضحك لا الفرح اللي معطلنا وابتسمت وتابعت فكرك اني مش مبسوطه اني بقيت ليك؟ بس كل حاجه في وقتها حلوه اصبر على رزقك
علي بصلها بحب وتابع بهيام انا بقول نلغي الفستان والقاعه والكلام الفاضي ده وخلينا في الكلام المهم وبيقرب عليها فحبيبه فضلت تضحك وحطت ايديها على صدره تبعده وتابعت بضحك علي اتلم وحياتي
علي بصلها وتابع مش قولنا مش هتقولي ام الكلمه المستفزه دي تاني
حبيبه بضحك قولتلك هقولها اذا لزم الامر فانت اتلم مؤقتا بليز وحياه حبيبه
علي بحب هو انا حد تاعب قلبي كده غير حبيبه بس ماشي ياستي هنتلم مؤقتا ووطى باس رقبتها بعمق فحبيبه شهقت وغمضت عينيها وتابعت عليي
علي بصلها وتابع عيون علي
حبيبه بصتله بحب وتابعت هو ده اللي بتتلم ها
علي بضحك اه مانا مؤدب اهو مش واخده بالك ولا ايه
حبيبه بضحك كده مؤدب ده كده..
قاطعها علي لما قرب باسها بعمق وايد حبيبه بقيت حوالين رقبته
وبرا اسراء خرجت من اوضتها ورايحه اوضه علي فتابعت رانيا انتي يابت رايحه فين؟
اسراء بابتسامه رايحه اوري علي الدريس علشان لازم يشوفه الاول
رانيا بحب طب خبطي قبل ماتدخلي مرات اخوكي جوه
اسراء بضحك مرات اخويا !! ده حبيبه اترقت اهي وبقينا نخبط قبل ماندخل نقفشها هي وعلي عُجبت لك يا زمن
رانيا فضلت تضحك وتابعت اتلمي ياتربيه ناقصه عمره ما طال شعره منها اخره كان يحضنها
اسراء بضحك ومااله هو حد طاايل ده زمنهم معاهم حمزه دلوقتي بقالها كتير جوه؟
رانيا فضلت تضحك وحدفت عليها الشبشب وتابعت بضحك يابت اتربي
اسراء تأوهت بوجع وتابعت بضحك ماشي يرانيا هعديهالك بس لما اشوف حوار الدريس ده واجيلك ها حبيبه جوه من بدري؟
رانيا بضحك لا مبقلهاش كتير ولا حاجه انتي بس خبطي قبل ماتدخلي حاكم اخوكي ده انا عارفاه
اسراء بضحك يبخته
رانيا بضحك شوف البت بردو ده انا هخليه يرنك علقه يا اسراء الصبر بس
اسراء بضحك لالا خلاص انا اسفه وراحت خبطت
فعلي وحبيبه اتخضوا فحبيبه زقته بسرعه علشان تقوم فوقع من على السرير على الارض فتأوه بوجع وحبيبه شهقت بخضه وفضلت تضحك وشاف اسراء بتفتح الباب فاتعدل بسرعه كأنه بيلعب ضغط واسراء فتحت الباب فتابع يلا يحبيبه عدي وقفتي ليه؟
حبيبه كانت مش قادره توقف ضحك لدرجه دموعها نزلت وتابعت لالا مش قادره خلاص يعلي كفاياك ياروحي وصلت لـ50 زي الفل كده انهارده قوم
اسراء بصتلهم باستغراب وتابعت هو بيلعب ضغط وانتي بتعديله؟
حبيبه من بين ضحكها تابعت ااه شوفتي الهناا اللي انا فيه
اسراء بضحك ده انا وماما نازلين سف عليكم والله
حبيبه بضحك بتقولوا ايه يقلالات الادب انتوا هاا هو كتب الكتاب اللي خلاهم يشكوا فينا يجوزي
علي وهو بيطلع وينزل في الضغط منع ضحكه بالعافيه وتابع هي الحريم كده مش فاضيه غير في اللت يقلب جوزك
فحبيبه فضلت تضحك بشده ومالت براسها على المخده وهي مش قادره توقف ضحك فتابع علي بضحك ماخلاص بقى يابنت الكلب انتي الله
اسراء بضحك مالها دي فشتها عايمه ليه
علي بضحك انا عارف دي مش طبيعيه بجد عايزه ايه انتي يقلب اخوكي جيتي وقطعتي التمرين
حبيبه ضحكها زاد ودموعها مش موقفه فعلي منه ضحكه وتابع حبيبه هزعلك وربنا
حبيبه من بين ضحكها خلاص داخله الحمام وسيبهالك وقامت دخلت الحمام اللي في اوضته وهي مش قادره توقف ضحك اسراء بضحك مالها دي ينهار ازرق دي اتجننت المهم شوف الدريس ده علشان لو تمام هشتريه
علي اتعدل وقعد على الارض وبص في الفون وتابع زي الفل بس ده اللي دخلتي علشانه؟ روحي منك لله يا اسراء ما حسن موجود وانا وهو نفس النسخه
اسراء بضحك في ميتينج ومش بيرد عليا البيه وانا نازله مع اسيا وفارس اشتري دلوقتي علشان لسه مشترتش
علي بحب طب ماشي يابابا روحي
اسراء بحب حياتي وباست خده وطلعت وقفلت وراها فعلي قام وقف وفتح باب الحمام فحبييه شافته فضلت تضحك بشده ففضل يضحك وتابع يابت خلاص يخربيت اهلك يشيخه
حبيبه سندت راسها على صدره وفضلت تضحك وتابعت مش قاادره يعلي همووت بجد كل ما افتكر شكلك وانت بتقع وضهرك شبه اتكسر وبمجرد ماشوفت اسراء بتفتح اتعدلت واشتغلت ضغط طالع نازل اموت من الضحك مش قادره بجد وفضلت تضحك بشده
علي بضحك ما ده علشان انتي متربتيش في واحده تزق جوزها تكسره كده؟
حبيبه فضلت تضحك وتابعت انا مجاش في باالي والله انا بزقك عادي علشان اقوم لقيتك في الارض وفضلت تضحك
علي فضل يضحك وتابع علشان انا كماان مجاش في بالي انك هتزقيني فجسمي مرخي يابنت الجزمه اوعي كده مش طايقك
وطلع من الحمام فحبيبه طلعت وراه وتابعت بضحك لالا والنبي حقك عليا مقصدش والله بعدين حضره الظابط بتاعي اجمد من كده مانت واقف زي الفل اهو ده انت بسم الله ما شاء الله عليك اتعدلت على الضغط علطول وفضلت تضحك بشده
علي بضحك موقف ابن كلب بجد
حبيبه من بين ضحكها علشان نتربى قولتلك احنا مش في شقتنا مفيش سمع كلام
علي بضحك انا اروح البس علشان نجيب الفستان واهو اسبوع وهيجري ويغور في ستين داهيه
حبيبه بضحك ايوه كده برافو وعلي مسك تيشرت بيج وبنطلون اسود ودخل يلبس في الحمام وحبيبه طلعت تستناه برا فتابعت رانيا بحب فاق؟
حبيبه بحب اه بيلبس اهو
رانيا بحب طب خدي يعمري الحاجات اللي في الفريزر دي وديها شقتك علي كان موصيني انزل شتري الصبح
حبيبه فتحت وخدت الشنطه اللي مليانه مجمدات وتابعت المفتاح مش معايا فينه؟
رانيا بحب استني يخرج ويديهولك معرفش يابنتي والله شاله فين
حبيبه بحب ماشي ودقايق وخرج علي فتابعت رانيا بحب اهو جيه روح يعمري طلع مع حبيبه الحاجات اللي طلبتها دي شقتك
علي بحب حاضر ووطى شال الشنطه
حبيبه بحب طب اشيل معاك يحبيبي طيب دول كتير
علي بحب لالا خدي المفتاح من جيبي بس واطلعي افتحي قدامي فحبيبه خدت المفتاح وطلعت بالفعل فتحت وعلي طلع وراها ودخلت فتحت الفريزر ووقفت ترص معاه فبصلها وتابع بضحك اقولك ازاي انا يوم الفرح خشي برجلك اليمين يعروسه وتتفاجئي بالشقه وبتاع ده انتي هرستي امها طلوع ونزول
حبيبه بضحك انا مش اي عروسه بردو فمميزه
علي حط ايديه على وسطها وشدها ليه وتابع بحب ده كده كده ووطى باس خدها
حبيبه بضحك احترم نفسك يعلي ها
علي بضحك الله مش قعدتي تقولي احنا مش شقتنا ادينا في شقتنا الواحد هيبقى براحته امتى
حبيبه بضحك الخميس الجاي انما قبل تتلم
علي بضحك انا هسكت بس لو سمعت الكلمه دي يوم الخميس على بيت ابوكي
حبيبه بضحك اهون عليك؟
علي بضحك لا يعمري هو انا اقدر ورص معاها الحاجات وقفل الفريزر وتابع باقي التلاجه بقى نجيبها يوم الحنه
حبيبه بحب اتفقنا يلا بقى هنتأخر
علي بضحك وغمز مش هتيجي بردو نجرب السرير علشان لو بايظ نلحق نرجعه؟
حبيبه فضلت تضحك وضربته في كتفه كذا ضربه وتابعت بضحك لا مش هنجرب لو بايظ نبقى نتخمد على الارض امشي قدامي يلا كفايه التجارب بتاعت تمرين الضغط فعلي فضل يضحك بشده
-
عند سلمى كانت قاعده بتأكل علي في الصالون ومالك صحي وخرج وتابع صباح الخير
سلمى بصتله بجمود وتابعت صباح النور.. مين نورسين دي يمالك؟
يتبع