رواية سلطانة الزين الفصل الثالث والاربعون بقلم نوره عبد الرحمن
زين وصل ودخل الأوضة وهو مخضوض عليها ..
وهي كانت نائمه قرب منها ومسح وشها بهدوء لمس جبينها بيشوف حرارتها وهو بيقول:
ايه اللي حصلك ياسلطانه ايه اللي وصلك لكده انا بعدت عشان ترتاحي ايه اللي تعبك كده في الوقت ده دخل حامد وقال:
انت جيت الحمدلله عالسلامه
زين :
الله يسلمك ياعمي هي عامله ايه
حامد:
نائمه والدكتوره قالت اول مايجي جوزها يجيلي المكتب
زين :
ماشي انا هروح اشوفها
حامد:
تمام حصلني هوصلك مكتبها
زين باس جبينها وفضل شويه بيشم ريحة شعرها ومشي وهي أول ما مشي فتحت عينيها بفرحه وخدت التلفون وكلمت اسراء وقالتلها بفرحه :
جي اسراء زين جي وكان مخضوض عليا بس انا زي منتي قلتي عملت نفسي تعبانه ونايمه .. وانتي بلغني صاحبتك الدكتوره تقوله زي ما اتفقنا.
اسراء:
اكيد ياحبيبتي اقفلي انت عشان محدش يسمعنا عشان زين هيزعل مني لو عرف يلاا سلام
سلطانة :
مع السلامه وقفلت سلطانة و رجعت نومت نفسها
******
عند زين
زين :
مش فاهم يا دكتوره
الطبيبه:
اي اللي مش مفهوم مرات حضرتك عندها ضغط نفسي وباين جدا في مشاكل في حياتها وده هو اللي مأثر عليها و على صحتها وعلى الجنين برضو
زين :
طيب وانا المفروض اعمل ايه دلوقتي
الطبيبه :
حضرتك مش جوزها المفروض تهيئ ليها وللجنين الجوى المناسب ليهم
زين سكت
الطبيبه:
زين بيه مهما كانت المشاكل مابينكم المفروض مايأثرش على المدام والجنين مهما كان هي مراتك والجنين ده ابنك وممكن جدا تحصل مضاعفات ونخسر الجنين والمدام توصل لحاله حرجه اكتر من كده..
زين :
انتي بتقولي ايه مش هتوصل لكده اكيد
الطبيبه :
براحتك انا بشرحلك حالتها بشكل كامل وانت برحتك بعد اذنك انا هروح عندي كشف على مريضه بس مش هوصيك المفروض تهتم بحالتها النفسي ويارت دائما تكون رايقه .. خدها مشاوير خارجها عشان نفسيتها تتحسن انا سمعت اساسا انها كانت بتتعالج مع مختص نفسي
زين اتضايق وقال :
ماشي هشوف اعمل اي
ابتسمت الدكتوره برضى ومشيت وزين خرج من مكتبها وهو تايه .. وجاتله مكالمه من منار نفخ بضيق وهو بيقول ده وقتك يامنار
منار فضلت تتصل لحد ما رد عليها:
ايوا
منار :
انت فين يازين
زين :
انا نزلت البلد
منار :
ومقولتليش ليه عشان انزل معاك
زين بنفاذ صبر وخنقه :
منار انا بجد بمر بمشاكل في الوقت ده و هكلم المحامي بتاعي يوديكي المكان اللي انتي عايزه لحد ما تهدى الدنيا عندي وهتكلم مع رؤوف
منار بخوف :
لا لا متتكلمش معاه انا مش عايزه يعمل مشاكل
زين بجديه :
مفيش مشاكل انا عارف رؤوف كويس انت خدي بالك من نفسك وانا هوصي المحامي عليكي..
منار:
ماشي خد بالك من نفسك
زين قفل معاها ورح يطمن على سلطانة وشاف عمه حامد وقفه وطلب يكلمه ..
حامد:
.انا عارف ان دي حاجات خاصه مابينكم يا زين لكن حالك مع مراتك مش عاجبني
زين:
عايزني اعمل ايه يا عمي
حامد :
ياابني هدي الدنيا مع مراتك مينفعش كده .
زين بحرج :
عمي انا لو قلتلك على حاجه مش هتتعصب أو تزعل مني
حامد:
اتكلم يابني في ايه
زين بصراحه:
حياتنا متشقلبه كده بسبب سماح
حامد بضيق :
انت بتقول ايه سماح فحالها من ساعة المشكله الاخيره
زين:
لا ياعمي سماح مش في حالها ..انا مش فاهم هي حاطه سلطانه في راسها ليه
حامد :
هي عملت ايه
زين :
هقولك بعتت حد يصور سلطانه مع عمر عشان اشك فيها ومش بس كده لا دي بتبعتلي رسائل بتقولي فيها أن سلطانه تخوني وهقولك التقيله بقى جمعت عمر وسلطانة في شقه وحده وبعتتلي مسج بتقولي فيه أنهم في الشقه في خلوه لوحدهم وان سلطانة بتخوني..وكمل زين وقال :
انت عارف لو ممسكاش اعصابي وقتها كنت قت*لتهم هما الاتنين
حامد اتغيرت ملامح وشه وكان مصدوم ومش مستوعب كلام زين وقال:
لا مستحيل سماح تعمل كده اكيد في حاجه غلط او حد عاوز يرمي بلاه عليها
زين بيضيق :
انت لسا بتدافع عنها ياعمي
حامد بتهرب :
وانت ..انت مدام عارف ان مراتك معملتش حاجه بتعمل فيها كده ليه وليه البعد ده..
زين :
عشان تفكر مع نفسها عشان تعرف أن اللي عملته غلط خروجها في نص الليل لوحدها غلط دخولها في شقة عمر لوحدها غلط كدبها عليها انها في البيت وهي مع عمر ده اكبر غلط عمي سماح اه هي سبب كل المشاكل لكن سلطانة برضو غلطت ولازم تتعلم من غلطها وانا معرفش اضرب الست واشت*م فيها ماكنش قدامي الا الهجر عشان تتعلم..
حامد حس بقبضه بصدره وقال:
بلوم مينفعش كده مراتك حامل والهجر بيولد الجفى
زين بقلق :
عمي انت كويس مالك
حامد:
كويسه كويس بس مخنوق هخرج اشم شوية هوى
زين:
لأ مش هسيبك ياعمي ارتاح شويه
حامد كان مخنوق وقال :
سيبني يازين عاوز ابقى لوحدي
حامد خرج وساب زين اللي باين عليه القلق لكنه رفض زين يروح معاه
حامد مشي وهو مش عارف رايح فين مخنوق وعايز يتكلم مع اي حد محسش بنفسه الأ وهو قدام بيت اسراء وبيخبط عالباب فتحت اسراء واول ما شفته ابتسمت:
اهلا ياحامد اتفضل
حامد :
معرفش رجلي جابوني هنا ليه بس حاسس اني مخنوق اوووي
اسراء بقلق :
سلامتك الف سلامه اتفضل ياحامد اتفضل هعملك كوبية لمون تهديك شوية ادخل تعالى
**********
عند زين فضل باصص لسلطانة شوية وهي عامله نفسها نائمه قرب منها ورفع الغطى ونام جمبها
سلطانة بضيق مصطنع:
انت بتعمل ايه قوم من هنا..
زين حاوطها وشدها ليه وقال :
بعمل ايه يعني هنام النهارده هتباتي هنا وانا هبات معاكي
سلطانة :
طب روح نام هناك
زين :
تؤ تؤ تؤ هنام هنا بمزاجي بقى
سلطانة كانت هتقوله روح نام في حضن منار احسن لك لكن افتكرت كلام اسراء وبلعت كلامها وسكتت
زين مسح بطنها وهو بيقول :
بتتعب ماما ليه يابطل عايزني ازعل منك والا ايه
سلطانه لفت لزين وبقى وشها فوشه وقالت بدلال:
هو ابني برضو اللي مزعلني
زين مسح جمب شفتيها إبهامه وقال:
اومال مين اللي مزعلك
سلطانة بحب وهي باصه فعنيه :.
بعدك يازين انا محتجاالك.. محتاج تكون جمبي انا عارفه اني غلطت لكن اقسم لك بالله مفيش حاجه بيني وبين ع... وقبل ما تنطق اسمه حط أيده على بقها وقال:
متنطقيش اسمه على شفايفك متجيييش سيرته تاني .. انسيه بلاش حتي يجب فبالك عشان لو حصل كده صدقيني هنسى كل حاجه وهبعده عن هنا خالص ومش هتسمعي حتى بأسمه
سلطانة مسكت أيده اللي على شفتيها وحطتها على قلبها اللي بيضرب جامد وقالت :
زين انا معرفتش الحب الا معاك قلبي ده والله مدقش الا ليك بلاش تبعد تاني
زين بيبصلها وعيونه بتلمع عشان اعترفت المره التانيه انها بتحبه
سلطانة اتكسفت من بصاته وهمست باسمه تاني زي.. لكنه قاطعها ببو*سه طويله تبين ليها كمية شوقه وحبه ليها وهي مخدتش وقت وبادلته وووو
***********
هناء بانفعال :
لأ بقى انا زهقت عايز اي ياكنان
كنان :
عاوز هناء الطفله ترجع تاني ممكن
هناء لفت وشها الناحيه التانيه :
لأ مش ممكن روحني ياكنان اكيد انت مش هتحبسني في الشقه تاني
كنان:
لا اطمني مش في الشقه انا هحبسك في قلبي هناء انتي فاكره حبك ليا من كم شهر بس فاكره حضنك البريء وعيونك اللي شبه القطط فاكره.
انا عايز هناء اللي كانت بتترمي فحضني لما تخاف لما تنبسط لما تعيط لما تضحك عايزك ترجعيلي تاني ..
هناء كانت فاكره كل لحظة اهتم بيها كنان وفاكره كويس أنه متستغلش جهلها ومرضها عشان يوصل للي هو عايزه بس لسا ... لسا مش عارفه تسامح. قالت ببرود:
انا عاوزه امشي
كنان بعناد :
مفيش مروح قلتلك لحد ما تعقلي
هناء :
وانا قلتلك بكرهك بكرهك هو بالعافيه
كنان :
ايوا بالعافيه هترجعي تحبيني بالعافيه عشان قلب هناء ميعرفش يكره بعد الحب ده كله.
هناء:
يا اخي قلتلك مش بحبك انت ليه مش لكنها اتصدمت بيه بيحاوط خصرها وبيبو*س*ها عشان يسكتها. وووو
الفصل الرابع والاربعون من هنا