رواية سلطانة الزين الفصل التاسع والاربعون49 بقلم نوره عبد الرحمن

سماح بخبث : 

دكتور عمر سلطانة بتمر بأصعب ايام حياتها زين مطلع عينها ضرب وبهدله وهي ياعيني مش عارفه تروح فين أو تشتكي لمين انت عارف اخوها سافر عشان يرجع مراته ويستقر هناك 

عمران بغضب مكتوم :

 انتي بتقولي ايه يضربها ازاي

سماح :

والله زي ما بقولك مبهدلها البنت ياحبة عيني قالبه على نصها ومالهاش حد تشتكيله 

عمر :

طب طب. وانا اعرف اساعدها بأيه 

سماح ابتسمت:

 انا عارفه حكايتك معاها و عارفه انك معجب بيها

عمر ارتبك وبلع ريقه

سماح:

 بص البنت لو حاسه ان في حد يقف فظهرها مش هتسكت وهتقف فوش زين

عمر:

 بس انا بكلمها مش بترد غير كده عملالي حظر

سماح :

 هي معملتش حاجه تلقي جوزها بعد ما أدها العلقه خد الفون منها وعملك حظر .

عمر اتوتر وخاف على سلطانه وقال:

 انا مش عارف اتصرف ازاي 

سماح :

حسسها انك جنبها اقولك روح كلمها

عمر :

اروح ايه انا خايف اسبب ليها مشاكل..

سماح :

لأ متخفش زين كل يوم يطلع الصبح مابيرجعش الا بالليل ومفيش حد بالبيت الا هي والشغالين 

عمر:

 طيب .. هشوف اعمل ايه

سماح :

طب امشي أنا . واسفه عشان ازعجتك بس البنت صعبت عليا بجد

عمر :

لا ولا يهمك انا اللي متشكر عشان بلغتيني

*************

كانت هناء نائمه بتعب امبارح طول الليل برا البيت هي وكنان .. بيتكلم معاها وبيفسحها لحد الصبح ..

اما كنان فهو صحي وبيبص ليها عاوز يقرب منها يشيل كل الحواجز اللي ما بينهم مش عارف ازاي وخايف لو عمل خطوه جريئه خسرها نهائي  قرر أنه يروح يكلم الدكتور بتاعها باس شعرها بحب ونزل بسرعه عاوز يلحق يرجع  قبل ما تفوق 

*************

زين فتح عينيه بنعاس على دوشه عاملاها سلطانه 

واتكلم بصوت ناعس:

 بتعملي ايه عالصبح 

سلطانة بهدوء  :

 بحضر الشنط

زين قطب جبينه:

 شنط ايه وعشان ايه

سلطانه قربت منه وقالت:

 اصل انا شفت شاليه عالبحر وعجبني وحجزت لينا اسبوع هناك

زين بضيق :

 حجزتي من غير ما تقولي

سلطانة قربت ومسكت أيده وحطتها على بطنها وقالت :

ابنك نفسه يروح

زين  :

 والله وابني عاوز يروح البحر ليه يعوم مثلا 

سلطانة بعتاب مبطن :

 ابنك عاوز يقضي وقت معاك عشان انت مشغول عنه اووي ومش مهتم بيه ابدا

زين :

ابني برضو 

سلطانه :

 زين انا محتاجه الخروجه دي محتاجه نكون مع بعض ولبعض .. محتاجه احس انك بتاعي لوحدي من غير سماح ومنى ومنار عايزه نبعد شويه نقرب فيها من بعض انت بتبعد عني كل يوم اكتر وانا بصراحه عاوزه اكون معاك ..

زين حاوط وشها وقال بابتسامه :

 وابني مش عايز نروح شهر احسن من اسبوع..

ابتسمت بحماس :

والله ياريت بس هو مقدر أن عندك شغل

زين :

طب نخليهم 15 يوم

سلطانة :

يعني موافق

زين :

وانا اعرف ارفضلك طلب ... هنروح ياسلطانه بس انزل الشغل الاول اخلص كم حاجه وارجع 

سلطانة بدلال :

تؤ مفيش نزول انت تقعد تخلص كل حاجه على تلفونك وانا مش هعطلك هروح اكمل تحضير الشنط ولسا هتبعد شدها من أيدها وباس خدها وقال بحبك

ابتسمت بكسوف وبعدت عنه 

**************

رؤوف فاق من نومه و منار خرجت من الحمام اول ما شافته فتح عنيه كانت هترجع بسرعه لكنه قال بصوت خشن :

استني عندك 

منار بتذمر : 

عايز ايه

رؤوف:

 هدومك اللي جايباها دي متتلبسش تاني 

منار :

انت بتخرف صح دي احسن ماركات في مصر

رؤوف :

والله لو مصنوعه من الماس هدومك العريانه متتلبسش تاني والا اقسم بالله يامنار هقطعها كلها زي امبارح فاكره والا افكرك 

منار :

عايزني اخرج عر*يانه يعني هترتاح كده

رؤوف ببرود:

 تفضلي كده لحد ما الطلبيه تجي انا طلبت كم  فستان وحاجات هتوصل الساعه عشره 

منار بصدمه :

عايزني افضل في الفوطه كده

رؤوف وقف بوقاحه وقال :

ليه لأ ما حلوه اهي ولما هترميها هتكوني أحلى مسك الفوطه عاوز يشدها وهي مسكتها بالقوه وقالت:

 لو سمحت يا رؤوف كفايه

رؤوف :

كفايه ليه مراتي وبرحتي

منار :

وانا مش عايزه .. انا تعبت من العلاقة دي تعبت

رؤوف :

وانا تعبت من عنادك اديني سايبك بقالنا كتير فين حبيبك اللي كنتي بتتكلمي  عنه هااا فين

منار دموعها نزلت وكانت هتهرب منه  للحمام لكنه مسك دراعها وحاوط خصرها وهمس ليها:

 انتي مش عارفه عايزه ايه يامنار انتي اللي واقفه في النص كنا حلوين مع بعض اتجوزنا بعد شهر بس وكانت علاقتنا جميله فجأة يظهرلك حبيبي من العدم 

منار :

سيبني يارؤوف ارجوك عشان خاطري انا مخنوقه مش قادره 

رؤوف مسح وشها وقال :

مخنوقه من ايه اتخلى عنك سابك

منار :

مفيش حبيبي ولا زفت والله مافيش حبيب

رؤوف متكدبيش :

انا سمعتك 

منار :

كدب انا كنت بتكلم كده اه كان في حد انا معجبه بيه  بس هو اتجوز وبيحب مراته ومش شايفني اصلا

رؤوف :

والراجل ده انا اعرفه

منار بارتباك:

 وتعرفه منين متعرفوش وبصت ناحية برجاء :

رؤوف سيبني الفتره دي ارجوك انا مش عارفه اتصرف ازاي

رؤوف :

مش هسيبك .. يامنار هكون معاكي في كل خطوه 

منار :

 أنا مش عايزه

رؤوف : وانا مخدتش رأيك 

منار : رؤوف ارجوك سيبني انا تائهه مش عارفه اعمل ايه 

رؤوف:

 انت مش تائهه انت مش عارفه عايزه ايه متخبطه في الحياة وعايزه تواجهي مشاعرك صح

منار :

مش فاهمه

رؤوف :

هفهمك كل حاجه خلي الاوردر يوصل وتنزل القاهره اوعدك كل حاجه تتصلح ..

*************

زين :

الو ايوا يا رؤوف انا متصل بيا

رؤوف:

 ايوا يا زين ازيك 

زين :

خير متصل عالصبح انت كويس ومنار عامله ايه أن شاء الله اتصالحتوا

رؤوف بجديه :

 متشغلش بالك فينا انا اتصلت عشان الشغل

زين :

خير في حاجه 

رؤوف :

ايوا القضيه بتاعتك 

زين :

اششش استنى لحد ما اخرج بررا مش عايز سلطانه تسمع خرج زين في البلكونه وقال:

 ايه اللي حصل

رؤوف :

احنا وصلنا للي حاولوا يخلصوا عليك

زين ابتسم :

طب كويس مسكتوهم

رؤوف:

 للأسف مش همعرف نعمل حاجه

زين : ليه لأ

رؤوف :

عشان دول ناس واصله ومفيش اي دليل يثبت أن هما اللي عملوا كده 

زين بانزعاج :

وحق احمد يارؤوف راح خلاص

رؤوف :

اهدى كل حاجه وليها حل لكن انا اتصلت عايز انبهك هما لسا حاطينك في دماغهم 

زين :

طب خليهم يطلعوا فوشي وانا هجيب حق احمد من عيونهم الراجل ضحى بحياته عشاني 

سلطانه:

 بتعمل ايه يازين  في البرد يازين

زين :

جاي ياحبيبتي بكلم رؤوف في شغل

سلطانة :

طيب متتأخرش 

زين :

انا مضطر اقفل عشان نازل اجازه اسبوع

رؤوف :

طيب يازين وانا هروح القاهره اكمل في القضيه وانت خذ بالك من نفسك

زين :

متشيلش هم...سلام

رؤوف :

مع السلامه

*************

سماح بغيظ :

انتي بتقولي ايه طلعة اجازه مع زين

الشغاله :

ايوا يا هانم 

سماح :

طب اقفلي اقفلي غبيه مقولتش الا دلوقتي

************

كان زين سائق العربيه وسلطانه جمبه

سلطانه:

 زين

زين : ايوا ياحبيبتي 

سلطانة :

انت زعلت مني ليه لما قلت نجوز عمي حامد واسراء

زين وقف العربيه بغضب وقال :

بلاش السيره دي تاني انا مش عايز اتعصب ياسلطانه بلاش قلتلك

سلطانة :

طب خلاص انت متعصب ليه 

زين:

 انتي غاوية نكد يعني قلتلك الحكايه دي مش عايز اسمعها تاني

سلطانه بزعل:

دلوقتي بقيت انا نكديه

زين بغضب :

ايوا عشان معلقه معاكي اوووي الحكايه دي ..

سلطانه بانزعاج :

طيب رجعتي يازين مش عايزه اروح اجازه

زين :

 اصلا وصلنا

سلطانه أتمت عيونها دموع :

وانا مش عايزه 

زين : هو لعب عيال

سلطانة بانفعال : انت ايه واقفلي عالكلمه 

زين...