رواية نقطة عمياء الفصل العاشر10بقلم منة احمد
معتز بص لخالد، وجزّ على سنانه بعصبية، وعينيه ضاقت بحدة و بغيظ مكتوم: بلاغ؟!
الظابط، بجدية: معلش اتفضل معانا يا دكتور، هنسمع أقوالك ونتأكد من اللي حصل.
معتز رمق خالد بنظرة حادة، وبعدها اتحرك مع الظابط من غير ما يرد.
بعد شوية، دخلوا مكتب الضابط، اللي أشار لمعتز يقعد.
الظابط: اتفضل يا دكتور معتز.
معتز قعد بهدوء، وحط رجل على رجل. خالد دخل وراهم، ولما لاحظ احترام الضابط في تعامله مع معتز، اتنرفز وقعد قصاده.
خالد، بعصبية: يعني إيه يا باشا؟! أنا اللي مضر..وب، وهو اللي قاعد قدامي بمنتهى البرود كأنه معملش حاجة؟!
الظابط رفع عينه من المحضر وبص له بصرامة: لو سمحت، صوتك يوطي. كل واحد هياخد فرصته في الكلام.
خالد رجع على الكرسي بضيق، بينما معتز كان قاعد قصاده،و ملامحه ثابتة، ونظرته هادية، كأنه موجود عشان يخلص إجراء روتيني مش عشان متقدم ضده بلاغ اعتداء.
الظابط وجّه كلامه لمعتز: اتفضل يا دكتور، احكيلي اللي حصل.
معتز ببرود: هو جيه المستشفى، وكان بيحاول ياخد مراته معاه رغم رفضها. هي استنجدت بيا، ولما اتدخلت، حصلت مشادة بيني وبينه، وهو حاول يضر..بني. أنا ضر..بته.
الظابط: يعني بتقر إنك ضر..بته؟
معتز: أيوه كلامه صح أنا ضر..بته.
خالد ابتسم بانتصار، ومال بجسمه لقدام: أهو اعترف يا باشا! أنا عايز حقي.
معتز حوّل عينيه ناحيته ببطء: وإنت احكي للظابط إيه اللي خلاك تحاول تضر..بني.
خالد: إنت اللي اتدخلت في حاجة متخصكش!
معتز رفع حواجبه بسخريه: واحدة بتطلب المساعدة وبتحاول تبعد عنك، وإنت ماسكها بالعافية. كنت مستني إيه؟ إني أتفرج؟
خالد، بغضب: دي مراتي أنا مش خاطفها!
معتز: وده مش تصريح ليك إنك تمد إيدك عليها.
الظابط رفع إيده قبل ما الجدال يزيد: كفاية. هنراجع كاميرات المستشفى لو متاحة، ونسمع أقوال الشهود. مسألة الاعتداء والدفاع عن النفس هتتحدد من الأدلة، مش من كلام طرف واحد.
معتز: تمام.
سجّل الظابط ملاحظاته، وبعدها سأل: كان فيه حد موجود وقت الواقعة غيركم؟
معتز: مراته نفسها شاهده علي كل حاجه حصلت من البدايه
الظابط أومأ برأسه، ومعتز استأذنه بهدوء: بعد إذن حضرتك، ينفع أتصل بأخويا؟، وأقدر أطلب منه يجيبها لو هي موافقة تدلي بأقوالها.
الظابط: اتفضل لأن أقوالها هتفيدنا اكتر
طلع معتز موبايله واتصل بآدم: أيوه يا معتز؟
معتز: بقولك ايه أنا في القسم. والكلـ..ب ده اللي هو جوز نسمه عامل فيا محضر بسبب اللي حصل في المستشفى.
آدم بصدمه وخوف: إيه؟! طب وإنت كويس؟
معتز: أنا كويس. الظابط محتاج يسمع أقوال نسمة. هاتها معاك خلينا نخلص.
آدم: هكلمها وأقول لها. هي لسه خايفة منه.
معتز: محدش هيجبرها على حاجة. المهم تقول الحقيقة.
آدم: ماشي، إحنا جايين.
قفل معتز المكالمة، ورجع موبايله لجيبه وخالد كان باصص له باستهزاء: جايبها تشهد معاك؟! طبيعي، ما هي مستخبيه معاكوا!
معتز تجاهله تمامًا، ووجّه كلامه للظابط بدل ما يرد عليه: لو حضرتك محتاج أي بيانات إضافية عن الواقعة، أنا موجود.
الظابط أومأ له، وخالد فضل متضايق من إن معتز مش بيديله حتى فرصة يستفزه.
بعد نص ساعه وباب المكتب اتفتح، ودخل آدم، ونسمة ماشية جنبه وإيديها متشابكة قدامها. أول ما شافت خالد، خطواتها وقفت، وملامحها اتبدلت في لحظة.
خالد قام بسرعة، وغيّر نبرة صوته متصنعًا القلق: نسمة! إنتي كويسة؟ أنا بقالي أيام بدور عليكي. تعالي معايا، كفاية اللي حصل.
مد إيده ناحيتها، لكنها رجعت لورا بسرعة، ووقفت جنب آدم وبصوت مرتعش: ابعد عني.
خالد: إنتي بتقولي إيه؟! أنا جوزك!
نسمة: أنا مش عايزة أرجعلك.
خالد، وهو بيبص لمعتز: طبعًا، ما هي بقت في حماية الدكتور الكبير! إنتوا فاكرين إني هسيب مراتي لحد غريب؟
معتز رفع عينه له، ونبرته فضلت هادية: هي قالتلك إنها مش عايزة ترجع. اسمع كلامها بدل ما تكرر نفس الجملة.
خالد: إنت مالك أصلًا؟!
معتز: السؤال ده جاوبت عليه في المستشفى.
الظابط تدخل قبل ما خالد يرد: اتفضلوا اقعدوا، إنتي موجودة هنا عشان تقولي اللي حصل .
نسمة قعدت على طرف الكرسي، وعينيها كانت بتروح ناحية خالد كل شوية
الظابط بتركيز: هو فعلا الاستاذ خالد كان عايزك غصب عنك ؟
نسمة: أيوه يا باشا.
الظابط: احكيلي اللي حصل.
نسمة أخدت نفسًا صغيرًا، وبدأت تتكلم: هو جيه المستشفى وكان عايز ياخدني معاه، وأنا رفضت. مسك إيدي وحاول يخليني أمشي بالعافية. أنا خفت منه، ولما شفت الدكتور معتز جريت عليه وطلبت منه ما يسيبوش ياخدني: وبعد كده؟
نسمة: خالد اتعصب، وبدأ يتخانق مع الدكتور، وبعدها حاول يضر..به. الدكتور معتز ضر..به بعد ما خالد حاول يعتدي عليه.
خالد بغضب: كدابة! إنتي بتشهدّي ضدي عشان هو مخبيكي عنده!
نسمة اتنفضت من صوته، لكن آدم قرب منها وهدّاها بإشارة بسيطة وتثبت صوتها: أنا بقول اللي عملته معايا. مش هكدب عشان إنت مش عاجبك كلامي.
الظابط دوّن أقوالها، وبعدها بص لخالد: شهادتها هتتسجل، وهنراجعها مع أقوال الدكتور وأي شهود تانيين، وكاميرات المستشفى لو متاحة. ده هيساعدنا نحدد تفاصيل الواقعة.
خالد: أنا كنت عايز آخد مراتي في بيتي! هو اللي تدخل وضربني!
الظابط: كونها مراتك مش معناه إنك تقدر تجبرها على حاجة، وكون الدكتور ضربك مش معناه تلقائيًا إنه مدان أو معذور. هنحدد ده من التحقيق والأدلة.
نسمة سكتت لحظة، وبعدها رفعت عينيها للظابط: يا باشا، أنا كمان عايزة أقول حاجة.
الظابط: اتفضلي.
نسمة بتردد: الناس اللي كنت عايشه معاهم و اللي ربّوني مش أهلي الحقيقيين.
المكتب سكت، وخالد بص لها باستغراب: إنتي بتقولي إيه؟!
نسمة: أنا عرفت إنهم خدعوني، وإنهم خدوني وأنا صغيرة وفضلوا يقولولي إنهم أهلي. وبعد ما كبرت، باعوني لخالد مقابل الفلوس، وبعدها سابوني ومشيوا وانا عايزه حقي منهم عشان رموني لواحد معندهوش قلب.
الظابط وقف الكتابة وبصلها بجدية: تعرفي هما فين دلوقتي؟
نسمة: لأ. أعرف أسماءهم، لكن معرفش مكانهم. هما اختفوا من وقت ما جوزوني لخالد، ومعنديش عنوان أو رقم أقدر أوصلهم بيه.
الظابط: طيب، هنثبت أقوالك بالتفصيل، وهنشوف إيه المعلومات اللي ممكن تساعد في الوصول ليهم. ادعاء إنك اتخطفتي وإنتي طفلة واتبعتي ادعاء خط..ير، ولازم نتحقق منه بالتحريات والأدلة. وده هيتابع في تحقيق منفصل عن واقعة الاعتد...اء في المستشفى.
خالد كان لسه مصدومًا، لكنه رجع للعناد بسرعة: حتى لو الكلام ده حقيقي، أنا عايزها ترجع معايا!
نسمة بصت له، والخوف رجع لملامحها: أنا مش عايزة أرجعلك. أنا عايزة أعيش في أمان طلقني.
معتز اتكلم أخيرًا، من غير ما يرفع صوته: بعد إذن حضرتك، إيه الإجراءات اللي تقدر تعملها عشان تنهي الجواز قانونيًا؟
الظابط: لو الزوج رافض الطلاق، تقدر ترفع دعوى طلاق للضرر قدام محكمة الأسرة. المحكمة هي اللي هتفصل فيها بعد سماع الطرفين وفحص الأدلة. القسم مش من اختصاصه يطلّقها أو يجبره يوافق.
نسمة: يعني لازم أرجعله لحد ما القضية تخلص؟
الظابط: محدش هيجبرك ترجعي معاه دلوقتي. لكن إنهاء الزواج له إجراءاته القانونية، ولازم محامي يوضح لك حقوقك والخطوات المطلوبة.
معتز أومأ برأسه، وبعدها قال: أنا هتولى موضوع المحامي.
آدم بص له باستغراب، لكن معتز ما اهتمش: عندي محامي بتعامل معاه. هكلمه الصبح، وهو هيتابع قضية الطلاق والإجراءات الخاصة بيها.
خالد، بسخرية: إنتوا فاكرين الفلوس والمحامين هيخلوني أطـ...لقها؟ مش هطـ...لقها!
معتز بص له مباشرة: محدش طلب منك توافق دلوقتي. المحكمة هتفصل في الموضوع.
الظابط أنهى تسجيل الأقوال الأولية، وطلب من خالد الالتزام بالإجراءات، وبعدها سمح لآدم ونسمة بالخروج. معتز فضِل لاستكمال أقواله في بلاغ الاعتد..اء.
قبل ما نسمة تخرج، خالد بص لها بحدة: مش هسيبك يا نسمة، فاهمة؟!
نسمة ارتجفت، لكنها ردت بصوت ضعيف: أنا مش عايزة أشوفك تاني.
وخرجت مع آدم وبعد شهرين والأيام عدّت، والمحامي اللي معتز اختاره بدأ إجراءات دعوى الطلاق للضرر، وتابع أقوال نسمة والأدلة المتاحة. وفي نفس الوقت، فضلت إجراءات بلاغ الاعتد..اء والتحقيق في ادعاء خطف نسمة وهي طفلة ماشية كل واحدة في مسارها ومعتز ما كانش بيتصل بنسمة كل يوم، ولا بيحاول يدخل حياتها فجأة. كان بيتابع القضية مع المحامي، وكل ما يحتاجوا ورق أو إجراءً، كان بيتصرف من غير ضجة ونسمة، رغم خوفها اللي كان بيرجع لها من وقت للتاني، بدأت تحس إنها مش لوحدها في مواجهة خالد وفي صباح يوم، كانت قاعدة في مكتب المحامي جنب آدم، وإيديها متشابكة فوق شنطتها.
دخل المحامي ومعاه ملف، وقعد قدامهم: الحمد لله، صدر حكم الطلاق للضرر لصالحك. هشرح لك الإجراءات الخاصة بالحكم، وهنستكمل استخراج الأوراق الرسمية المطلوبة.
نسمة فضلت باصة له للحظات، كأنها مش قادرة تصدق.
نسمة، بصوت خافت: يعني أنا خلاص مش مراته؟
المحامي: صدر الحكم لصالحك، وهنوضح لك تفاصيله القانونية وما يلزم لاستكمال إجراءاته.
آدم لف ناحيتها، وابتسم براحة: سمعتي يا نسمة؟ أخيرًا.
نسمة نزلت عينيها، ودموعها نزلت من غير صوت. المرة دي ما كانتش بتعيط من الخوف؛ كانت بتحاول تستوعب إن الشخص اللي قضت ايام مرعوبة منه مبقاش يملك إنه يقرر عنها كل حاجة.
نسمة بعياط: أنا كنت فاكرة إني مش هعرف أخرج من الجوازة دي أبدًا.
آدم: إنتي اللي استحملتي وكملتي. إحنا ساعدناكي بس.
مسحت نسمة دموعها، وبعد لحظة سألت: معتز اخوك عرف؟
آدم: أيوه، المحامي بلغه.
نسمة: نفسي أشكره.
آدم ابتسم بتردد: كلميه. بس متتوقعيش منه خطبة طويلة.
نسمة ابتسمت، وبعدها مسكت موبايلها بتردد: أكلمه ولا لا انت ايه رايك ؟!!
آدم: براحتك اللي انتي شيفاه.
نسمه بشجاعه: لا هكلمه لازم اشكره ...
اتصلت، وبعد رنتين رد عليها.
معتز: أيوه؟
نسمة، بتردد: مساء الخير يا دكتور.
معتز ببرود: مساء النور خير.
سكتت لحظة، وبعدها قالت بتوتر: أنا عرفت إن الحكم صدر. كنت عايزة أشكرك على المحامي، وعلى إنك تابعت الموضوع.
معتز بصوت ثابت: المحامي هو اللي تابع القضية، وأنا وفرتلك حد يتولى الإجراءات. المهم إنك تعرفي حقوقك وتحتفظي بأوراقك.
نسمة: برضه لولاك مكنتش عرفت أبدأ منين.
معتز سكت لحظة وسرح، وبعدها رد بنبرته المعتادة: موضوعك خلص. ركزي في حياتك ودراستك
نسمة: حاضر يا دكتور. شكرًا.
معتز ببرود: العفو.
قفل المكالمة قعد معتز على الكرسي، وسرح للحظات وهو بيفكر في شكره ليه، وفي كل مرة لقى نفسه بيقف جنبها من غير ما يفكر، وكأنه بقى بيتحرك ناحيتها تلقائيًا. يمكن لأنه شايفها مكسورة، ويمكن لأن إحساس الذنب من اللي حصل معاه لما اذاها لسه جواه، بس اللي مستغربه إنه عمره ما كان من النوع اللي يساعد ست أو يشغل باله بيها بالشكل ده ومعتز، بضيق وهو بيكلم نفسه: إيه اللي بيحصلي ده؟ أنا عمري ما كنت كده! هو ذنب وخلاص، ولا إيه؟ فوق يا معتز، متخليش تعاطفك معاها يغيّرك.
بعد كام يوم...
نسمة كانت بتخرج كتير مع آدم، اللي كان حريص يعوّضها عن الأيام الصعبة اللي عاشتها، وياخدها أماكن جديدة ويخلّيها تعيش لحظات عمرها ما كانت تتخيل إنها تعيشها. ومع كل يوم بيعدّي، كانت بتستعيد جزء من روحها، وضحكتها اللي اختفت لفترة طويلة بدأت ترجع من جديد.
وتاني يوم، لبست نسمة طقم أنيق وجذاب، وظبطت نفسها قدام المراية، وبصت لنفسها بابتسامة صغيرة. لأول مرة من فترة طويلة، حست إنها جميلة، وإنها مش مضطرة تخاف من نظرات الناس أو تحاول تخفي نفسها عن العالم.
وصلت الجامعة، وأثناء ما كانت ماشية في الممرات، لفتت انتباه أكتر من طالب، لكن هي اكتفت بابتسامة خفيفة وكملت طريقها لحد ما وصلت قاعة المحاضرات.
دخلت، وأول ما رفعت عينيها، لقت دكتور معتز واقف عند مكتبه بيراجع بعض الأوراق ومعتز رفع عينه بالصدفة، وأول ما شافها، سكت للحظة واتبدلت ملامحه بشكل بسيط، وعينيه فضلت متعلقة بيها لثواني زيادة عن اللزوم. مكنش متوقع يشوفها بالشكل ده؛ وشها بقى أهدى، وملامحها فيها حياة، وابتسامتها مختلفة عن الصورة اللي اتطبعت في دماغه عنها وبلع ريقه، وبعدها نزل عينه على الورق اللي في إيده، ومسح على وشه بضيق كأنه بيحاول يرجّع تركيزه.
معتز، في نفسه بامتعاض: إيه اللي أنا بعمله ده؟ ركّز في شغلك يا معتز.
نسمة، من ناحيتها، كانت لاحظت نظرته. اتوترت، وبصت في الأرض بسرعة، وبعدها دخلت واختارت مكان تقعد فيه.
معتز بدأ المحاضرة بأسلوبه المعتاد؛ صوته ثابت، ونظراته حادة، وكل كلمة بيقولها محسوبة. والطلبة كانوا مركزين معاه، لحد ما شاب دخل القاعة متأخر، ولف بعينه يدور على مكان فاضي، لحد ما لمح الكرسي اللي جنب نسمة.
مالك، بابتسامة ودودة وهو بيقعد: معلش، المكان ده فاضي؟
نسمة، بابتسامة هادية: أيوه، اتفضل.
مالك حط شنطته جنبه، وبص لها باهتمام: أنا مالك، على فكرة. شكلك مش من الناس اللي بقعد معاهم في المحاضرات دي.
نسمة، بخفة: وأنا نسمة بس لا كنت باجي بس اللي الفتره اللي فاتت كان عندي ظروف بس معرفتش اجي.
مالك، مبتسمًا: ماشي تشرفنا يا ستي.
نسمة ضحكت ضحكة خفيفة، وحاولت تكتم صوتها عشان المحاضرة، لكن معتز كان لمح الحركة من بعيد.
وقف عن الكتابة للحظة، وبص ناحيتهم من فوق كتفه. شاف مالك بيهمس لها بحاجة، ونسمة بتبتسم له، فقبض على القلم بين صوابعه لدرجة إن مفاصله ابيضّت.
رجع يكمل الشرح، لكن تركيزه اتشتت. كل شوية عينه كانت بتروح ناحيتهم من غير ما يقصد، لحد ما فجأة قفل الملف اللي قدامه وبنبرة حاسمة: الانسه اللي بتضحك ورا، اتفضلي معايا.
القاعة سكتت، ونسمة رفعت راسها باستغراب: أنا يا دكتور؟
معتز، ببرود: أيوه، حضرتك. اتفضلي.
قامت نسمة، ولسه بتحاول تفهم إيه اللي حصل، لكنه قرب منها ومسك إيدها، وسحبها معاه ناحية أول بنچ قدام مكتبه. حركته كانت مفاجئة لدرجة إنها اتلخبطت وهي ماشية وراه وأول ما وقفها، ساب إيدها، وبصلها بنظرة صارمة وبغضب مكتوم: مش بحب الكلام في وقت الشرح. دي محاضرة، مش قعدة تعارف. واضح؟
نسمة بصت له بصدمة من طريقته، وبعدها لمحت مالك من بعيد، فمعتز لاحظ نظرتها فورًا و بحدة منخفضة: بصي قدامك .
رجعت بصت له، لكنها فضلت ساكتة. معتز رجع لمكانه وكمل المحاضرة، وصوته بقى أشد، وبعد شويه خلصت المحاضرة ومعتز حاسس إنه مش طايق نفسه.
أما نسمة، فاستنت لحد ما الطلبة بدأوا يخرجوا، وبعدها لمّت حاجتها بسرعة وخرجت قبل ما تضطر تواجهه تاني.
كانت لسه ماشية في الممر لما سمعت صوت مالك وراها و بيلحقها: استني يا نسمة!
وقفت وبصت له، فابتسم وهو بيظبط شنطته على كتفه: إيه رأيك نشرب حاجة في الكافيه؟ على حسابي طبعًا.
نسمة، بابتسامة ماكرة: هتعزمني على إيه بقى؟
مالك، ضاحكًا: تعالي وإنتي اختاري يا ستي، هو أنا هحاسبك على المشروب كمان؟
ضحكت نسمة، ومشيت معاه ناحية الكافيه، من غير ما تعرف إن في اللحظة دي بالذات، كانت بتشعل جوا معتز نار هو نفسه مش فاهم سببها وبعد انتهاء شغله في الجامعة، كان معتز ماشي في اتجاه البوابة، بيتكلم في تليفونه، لما لمح من خلال واجهة الكافيه نسمة قاعدة على ترابيزة مع مالك وكانت بتضحك، ومالك بيتكلم بحماس، وكل شوية يميل ناحيتها عشان يسمعها وسط دوشة المكان ومعتز وقف مكانه ونزل التليفون عن ودنه ببطء، وعينيه ثبتت عليهم. ملامحه فضلت جامدة، لكن إيده اتقبضت لدرجة إن عروقها برزت و بصوت منخفض لنفسه: هو أنا مالي متعصب كده ليه؟!
قفل المكالمة من غير ما يكمل كلامه، ودخل الكافيه بخطوات تقيلة. ولما وصل لترابيزتهم، مالك كان أول واحد لاحظه، فاعتدل في قعدته فورًا باحترام وارتباك: دكتور معتز! اتفضل يا دكتور.
معتز ما ردش عليه. عينه كانت على نسمة و ببرود حاد: انسه نسمه عايزك في مكتبي.
نسمة رفعت حاجبها باستغراب: خير يا دكتور؟ هو فيه مشكلة؟
معتز، بنفس البرود: هتعرفي لما نوصل. اتفضلي.
نسمة بصت لمالك، وبعدها قامت وهي مش فاهمة حاجة. مشت وراه لحد المكتب، وطول الطريق كانت بتحاول تستوعب سبب طريقته الغريبة ودخلوا المكتب، ومعتز قفل الباب وراهم وقبل ما نسمة تتكلم، لف ناحيتها، وخطواته قربت منها بسرعة. اتراجعت تلقائيًا لحد ما ضهرها خبط في الحيطة، فشهقت من الوجع و بصدمة وغضب: إيه ده؟! إنت بتعمل معايا كده ليه يا دكتور؟
معتز حط إيده على الحيطة جنبها، وقرب بوشه، ونَفَسه كان سريعًا رغم محاولته يحافظ على هدوئه : مشوفكيش معاه تاني.
نسمة اتجمدت لحظة من نبرة صوته، لكنها رفعت عينيها له رغم خوفها: إنت بتقول إيه؟!
معتز، بحدة: سمعتي كلامي.
نسمة، وهي بتحاول تبعد عنه: إنت مالك بيا أصلًا؟ دي حياتي، وأنا حرة أتكلم مع مين وأخرج مع مين!
فكه اتشد، وعينيه ضاقت وهو بيحاول يسيطر على غضبه: أنا قولتلك مشوفكيش معاه تاني، ومتخلنيش أكرر كلامي.
نسمة، بصوت مهزوز لكنه رافض: وإنت مين عشان تمنعني؟ إنت دكتوري في الجامعة، مش من حقك تتحكم في حياتي بره المحاضرة!
الكلام نزل عليه كأنه تحدٍّ مباشر. مسك دراعها وضغط عليه بعصبية، فشهقت نسمة وحاولت تفلت إيدها وبدموع وألم: إنت بتوجعني! سيب إيدي!
معتز كان غضبه واخد منه عقله، لكن أول ما شاف دموعها، لمح للحظة صورة خوفها القديمة وهي بتترعش قدامه. ومع ذلك، بدل ما يبعد، فضل واقف مكانه، بيصارع إحساسه اللي مش قادر يفهمه و بصوت منخفض وخطير: هتسمعي الكلام ولا لأ؟
نسمة، وهي بتحاول تمنع دموعها: لأ! مش هسمع كلامك في حاجة ملهاش علاقة بيك. أنا مش ملكك يا دكتور معتز!
كلامها زوّد غضبه، ودقات قلبه عليت بشكل غريب. فضل باصص لها، وعينيه بتنزل على ملامحها وترجع تستقر على عينيها، كأنه مش قادر يستوعب إنها واقفة قدامه وبتتحداه بالشكل ده و بصوت خشن ونظرة متملّكة: لا ... إنتي بتاعتي أنا وبس سامعه!
وقبل ما تلحق ترد، جذبها ناحيته وقبّلها على شفا..يفها فجأة ونسمة اتجمدت من الصدمة، وعينيها اتسعت، وبعد لحظات بدأت تقاومه، بتحط إيديها على صد..ره وتحاول تزقه بعيد عنها. لكنه كان مندفعًا ومش قادر يفكر، وهي فضلت تحاول تفلت منه لحد ما قدرت تدفعه بكل قوتها.
رفعت إيدها وضربته على وشه بقوة وصوت الضر..به سمعت في المكتب ومعتز لف وشه للجانب، وسكت للحظات، وفكه اتشد بعنـ..ف. أما نسمة، فرجعت لورا وهي بتتنفس بسرعة، ودموعها بتنزل بغزارة، وفضلت تمسح شفا..يفها بضهر إيدها من الصدمة وبغضب ووجع: إنت اتجنـ..نت؟! إزاي تسمح لنفسك تعمل فيا كده؟!
معتز رجّع وشه ناحيتها ببطء وصدمة، وعينيه ضاقت بغضب شديد وووو