رواية خطايا العشق الفصل الحادي عشر11بقلم هاجر سلامة
مرت شهور على ليلة الاعتراف الكبيرة والدوار عاش أحسن أيامه وبقت الفرحة مالي حيطانه صقر ومهرة عاشوا أيام كلها عشق ورومانسية مفيش بعد كد
صقر نسى الدنيا كلها وشغله وبقى كل همه إزاي يسعد مهرة ويعوضها عن كل لحظة خوف عاشتها بسببه وكان يدخل الشقة شايل ليها الهدايا واللبس الشيك ويسهروا سوا في البلكونة تحت نور القمر وصقر يملس على شعرها الأسود الطويل ويغني ليها بصوته الصعيدي الدافي ومهرة كانت حاسة إنها ملكت الدنيا وبقت طايرة في السما من كتر دلال صقر وحنيته اللي ملهاش حدود وبقى يصحى من النجمة يبوس راسها ويقولها صباح الخير يا نوارة قلب الصقر وينزل يشوف أراضي العيلة ويرجع جري عشان يترمي في حضنها ومبقتش تفارق عيونهم نظرات العشق والهيام اللي الكل في الدوار كان بيلاحظها ويفرح ليهم من قلبه.
لكن الناحية التانية في بيت عم مهرة كان الوضع قالب بنار وجحيم زينب بت خالت حازم ومراته كانت قاعدة في أوضتها والنار واكلة قلبها حازم من يوم ما اتجوزها وهو عايش معاها كأنه جسد من غير روح مبيبصش في وشها ولا بيكلمها وكل ميعاد نومه يهرب منها ويقعد في المندرة لوحده زينب بدأت تراقبه وتفتش وراه لحد ما في ليلة دخلت عليه المندرة بالسر ولمحته ماسك تليفونه القديم وحاطط سماعات في ودنه وعيونه مليانة دموع وبيسمع حاجة وبيردد اسم مهرة زينب استنت لحد ما حازم نام وراحت سحبت التليفون بالسر وفتحت التسجيلات وانصدمت صدمة عمرها لقت تسجيلات مكالمات قديمة بين حازم ومهرة قبل الجواز بأيام ومهرة كانت بتعيط وبتقوله بحبك يا حازم ومتخليهمش يجوزوني صقر تعال خدني زينب دمها غلي وعيونها طق منها الشرار وعرفت إن حازم لسه عايش على صوت مهرة وناوي يطلق زينب أول ما يجهز قرشين عشان يرجع يدور على مهرة زينب وقفت وقالت بغل وعياط قسماً بالله ما هسيبك يا مهرة تتهني ب صقر وأنا قلبي محروق هنه وهخرب بيتك زي ما خربتي بيتي.
الصبح طلع وزينب لمت شالها وراحت جري على دوار صقر الكبار كلهم كانوا قاعدين الحاج راضي والحج مهران والحجة صفية وصقر كان لسه نازل من الشقة ومبتسم زينب دخلت وسطيهم من غير أصول وزعقت وقالت الحق يا عمي راضي ويا جدي مهران الحق يا صقر يا مدير يا متعلم يا اللي فاكر مرتك صانية اسمك مرتك بتخونك ولساتها بتعشق جوزي حازم وبتكلمه لحد عاد
هنه الدوار كله قام وقف وصقر عيونه احمرت وقرب منها زي الأسد وقالها اخرسي يا بت الناس واقطعي لسانك مراتي شرفها من شرفي ولو نطقتي كلمة تانية هكون دافنك مكانك
زينب ضحكت بغل وطلعت التليفون وقالتله لاه مش هخرس اسمع بأذنك يا صقر أهو ده تسجيل بصوت ست الحسن والجمال وهي بتقوله بحبك يا حازم وشوف الخيانة واصل.
زينب شغلت التسجيل والصوت ملا المندرة وكان صوت مهرة واضح وهي بتبكي وبتقول بحبك يا حازم مش عايزة صقر
مهرة في اللحظة دي كانت نازلة على السلم وسمعت الصوت واتثبتت مكانها ووشها بقى أبيض زي القماش صقر أول ما سمع الصوت قلبه اتقسم نصين والدم جمد في عروقه الكبرياء الصعيدي والغيرة القاتلة رجعوا ينهشوا في صدره هو عارف إن المكالمة دي قديمة من تاريخها ومن الكلام اللي فيها بس فكرة إن أهله كلهم سمعوا مراته وهي بتقول لراجل تاني بحبك حطت راسه في الطين
صقر وقف بكل ثبات قدام أهله وبص لزينب بنظرة رعبتها وقالها بصوت عالي وزي الرعد المكالمة دي قديمة ومن قبل ما مهرة تدخل داري وبيتي وأنا عارف ومراتي متخونيش وأنتي تاخدي تليفونك وتغوري من هنه وملمحش وشك تاني عاد في داري وزينب خافت وجريت برة الدوار.
صقر لف وشه وبص لمهرة اللي كانت واقفة على السلم وبتترعش ودموعها نازلة صقر مبصش في عيونها واصل ولا نطق بكلمة طلع السلم وعدا من جمبها كأنها هوا ودخل الشقة ومهرة حصلته وهي بتعيط وتقوله والله العظيم قديمة يا صقر وأنت عارف إني بحبك أنت دلوقتي
صقر لف ليها وكان وشه ناشف وجامد زي الحجر وعيونه فيها كسرة ووجع رهيب وقالها بصوت واطي وميت اسمعي يا مهرة أنا دافعت عنك قدام أهلي وصونت شرفك وشرفي لأني راجل وأعرف الأصول والمكالمة دي عارف إنها قديمة بس أنا كرامتي انكسرت هنه في الدوار لما الكل سمع مراتي وهي بتقول لراجل غيري بحبك أنا مش هطلقك وهتفضلي هنه في الشقة بس ملمحش طيفك قدامي لحد ما أنسى الوجع ده لو قدرت أنساه واصل
وسابها ودخل الأوضة وقفل الباب ومهرة رمت نفسها ورا الباب وهي بتموت من القهر والوجع وحاسة إن السعادة هربت منهم تاني بسبب الماضي اللي مش عايز يسيبهم في حالهم.